رواية العروسة والشلة الموكوسة للكاتبة ياسمين علاء الدين الفصل العاشر
ليلي كانت هامشي وعمار مسك أيدها، صرخت
: عماااار. سيب ايدي
عمار: وطي صوتك شويه. وافهمي.
ليلي: مش عايزه افهم حاجه.
عمار: لا هتفهمي وغصب عنك كمان. بس قبل ما اتكلم في أي حاجه من حقي اعرف. اذا كان في بينك وبين زياد حاجه.
ليلي: لا مفيش، بتسال ليه
عمار ارتاح بس حب يرخم عليها: كويس. اصله مش مسؤول ومتهور وبتاع بنات، حبيت بس الفت نظرك
ليلي: انت في بينك وبينها حاجه
عمار: اه.
ليلي: جاتك ضربه يا غبي. اشبع بيها ما هي شبههك.
مهند قرب منهم: ليلي الاكل خلص وانا جعان. يلا ناكل بسرعه مش قادر امسك نفسي
ليلي: جعان ايه ياض ده انا شايفاك واكل كيلو لحمه لوحدك وانت بتشوي
مهند الاه مش كنت بدوق الاكل استوي وله لسه
ليلي: مفيش اكل تاني ليك
مهند: نعمممم والله ما حد هياكل غيري
جري مهند بطبق اللحمه وليلي وراه
عمار واقف بيضحك عليها.
زياد: مهند سيبلها الطبق، في تاني
ناني: مهتم اوي.
زياد: زي ما انتي مهتمه بعمار
ناني عمار اخويا
زياد: اخوكي في الاسلام
ناني: لا. اخويا في الرضاعه. وبعد وفاه خالتي هو اتربي معايا. يعني اخوات.
زياد: انا ازاي معرفش المعلومه دي
ناني: مش عارفه.
زياد فهم خوف عمار على ناني وفهم ليه هما كانو قريبين لبعض. قعدو كلهم ياكلو ويهزرو. وليلي بتشغل نفسها مع مهند.
عمار: يلا يا ناني اوصلك
ناني: لا خليك انا هطلب اوبر
ليلي: خايف عليكي لتخطفي.
زياد: طيب ما تخليكي هنا الوقت اتاخر. باتي مع ليلي في اوضتها والصبح نروح الشركه.
ليلي بصت لمهند: هو قال ليلي وله انا متهيالي
مهند: قال يا سيد المعلمين
ليلي: امسكني عشان هعمل نفسي بضربه
مهند: حاضر.
ليلي وقفت: انت مالك يا زياد. حاشر نفسك ليه.
زياد مالك بس يا لولو. متعصبه ليه
ليلي: متقوليش لولو. الكلمه دي بتعصبني اكتر. هعورك.
مهند: اقعد يا وحش. الواد ميقصدش
وهما بيتكلمو فجاه النور قطع...
ليلي صوتت: انا بخاف من الضلمه.
مهند: عاملالي فيها شبح وانتي كتكوت. اترزعي اقعدي. وسيبي رقبتي
عمار: متخفيش يا ليلي. هنور كشاف الموبيل
فتح الكشاف. وليلي وقفت جنب عمار.
مهند: مكنتش اعرف انك جبانه
ليلي: عندي فوبيا من الضلمه
عمار مسك أيدها: اقعدي ايدك تلج
سمعو صوت حركه رجل وفي اقل من دقيقه كان في عصابه قدمهم ومعاهم سلاح
مهند: يا صلاه النبي.
عمار مسك ناني وليلي بخوف.
زياد وقف جنبه ومهند
زياد: انتم مين.
مهند: ايه السؤال الغبي ده. هيكونو مين دكاتره اسنان وجاين يكشفو عليك
عمار: مش وقت هزار.
اتكلم واحد منهم: احنا حراميه وجاين نسرق الفيلا الجميله دي
ليلي: شوف التسامح والسلسه في الاداء. اهنيك
الراجل: شكرا يا انسه.
عمار: كلمني انا.
زياد: اتفضل خد اللي معاك وأخرج من غير عنف
مهند: يا فرحه ابوك بيك. ما تقولهم لو سمحتم بالمره.
زياد: انا مبحبش العنف. هو هيفهم بالادب
مهند: اركن على جنب بقي. عشان اللي جاي مش هيعاجبك. عليا النعمه اللي هيقرب خطوه واحده هيكره اليوم اللي اتولد فيه
الراجل: ما تعرضهاش عشان انت نفخ
مهند: النفخ ده اللي هيحصلك حالا
عمار: ليلي استخبي في اوضتك انتي وناني. اياكي تخرجي سامعه
ليلي: حاضر.
جريت ليلي على البيت هي وناني
والثلاثه شباب بيضربو في اللي قدمهم
زياد شايل كرسي: اللي هيقرب هضربه.
عمار بيضرب في واحد. ومهند ماسك اتنين بيخبط راسهم في بعض
كسر زياد الكرسي على رأس واحد وقعه في الأرض: . بطل ي بني. اسد
عمار ؛ خلي بالك يا اسد في واحد وراك
كان لسه في واحد هيضربه في ضهره. بس عمار ضربه
زياد: شكرا
عمار: العفو.
مهند شايل واحد ورفعه بايد: مين ياض اللي بعتك
الراجل: نزلني وانا هقولك
مهند: بس كده من عيني.
رماه على الارض والراجل: ااااه. ضهري.
ليلي: لا. مش هسكت وفي خناقه تحت مش قادره
ناني: تعالي هنا انتي رايحه فين
ليلي: اوعي يا بسبوسه.
ناني: انتي سمعتي عمار قال ايه
ليلي: عمار ده يمشي كلامه عليكي. مش عليا
ناني: ليلي. هو خايف علينا.
ليلي: يخاف عليكي عشان انتي الحته بتاعته لكن انا لا.
ناني: يعني ايه حته بتاعته
ليلي: يعني انتي قردته وهو ارنوبك
ناني: انتي فاهمه غلط. انا اخته
ليلي: نعم
ناني: اخته في الرضاعه وبنت خالته.
ليلي: قولي والله.
ناني: والله. هو مقالكيش
ليلي لا، بس انا لازم انزل برضو. خليكي هنا واطلبي البوليس وانا هنزل ليهم
جريت ليلي وهي ماسكه شومه في أيدها
نزلت الجنينه كان الثلاثه رابطين الحراميه
ليلي: الله ينور يا رجاله.
عمار انتي ايه اللي نزلك.
ليلي: كنت فاكره محتاجين مساعده. بس الظاهر انكم قومتو بالواجب.
عمار: مفيش فايده فيكي. اسمعي الكلام مره
ليلي مبعرفش
زياد: فين ناني
ليلي فوق.
مهند: قول ياض مين اللي بعتك.
الراجل: انا مش هتكلم غير في القسم
ليلي ضربته على دماغه اغمي عليه
زياد: ايه الافترا ده
عمار: ارمي اللي في ايديك
ليلي: اشمعانه انتم تضربو وانا لا. ايه الظلم ده
عمار: ليلي. تعالي اقفي هنا ومش عايز كلام
ليلي: ضربه في بطنك
مهند: هتتكلمو وله نكمل عليكم
واحد من الرجاله: لا يا باشا هنتكلم. احنا منعرفش غير واحد اسمه فتوح قالنا نيجي نسرق خزنه الفيلا بكل اللي فيها. فلوس وورق.
مهند: فتوح ده يطلع ايه.
الراجل: معرفش يا باشا. هو قالنا كده ودفع خمس الف جنيه
عمار: يطلع مين فتوح ده
مهند: نوصل للزفت ده ازاي
الراجل: والله يا باشا معرفش. هو جالنا مره. ومن. شويه اتصل بينا
ليلي: خد موبيله واتصل عليه
زياد: موبيل مين
ليلي: ايه الغباء ده. موبيل الراجل اللي اتصل عليه فتوح. اتصلو بيه
وهما بيتكلمو وصلت الشرطه وقبضت على الحراميه
ومنصور وزينب وصلو بعدها
زينب: انتم كويسين يا ولاد. حتى حصله حاجه.
ليلي: كلهم كويسين. زي القرود قدامك اهو
مهند: بس انا حاسس اني جعان.
ليلي: تستاهل ياض يا مهند. حلال فيك الاكل. مش الواد الخرع اللي اسمه زياد. اللي يقولهم ممكن تتفضلو بره.
ناني: مش خرع. هو ملوش في العنف
ليلي: عنف مين والناس نايمين. تركني على جنب يا بسكوته.
منصور كان في المكتب مع الظابط بياخد اقولهم
منصور: انا مليش أعداء. ومعرفش حد اسمه فتوح
زياد: بس انت رجل أعمال يا بابا. شئ طبيعي يكون ليك أعداء
الظابط: بالظبط كده. احنا هناخد الموبيل وهنعرف بطريقتنا نوصل للي اسمه فتوح ده
منصور: شكرا يا فندم.
خرج الظابط ومنصور والشباب قعدو
زينب: قالك حاجه
منصور: هيبداو التحقيقات واكيد هيوصلو لحاجه
زينب: أن شاء الله. المهم أن الولاد بخير
منصور: الحمد لله.
زينب: هجهز العشا عشان مهند جعان
منصور: خليكي يا زينب. انا هطلب اكل من الفندق. عايزين تاكلو ايه
مهند: اي حاجه. لحوم
ليلي: احلي حاجه فيك. انك قنوع. ولقمتك على قدك
مهند: انا غلبان
ليلي: انت فدان. مش غلبان
ضحكو كلهم. وعمار بص ليلي بغيظ
ليلي: ماله ده. اكلت عشاه
مهند: ما تساليه.
ليلي: مش بكلمه عشان زعقلي وانا بضرب الحرامي على راسه
مهند: عشان كنت هتقتليه
ليلي: انت معاه وله معايا.
مهند: انا مع الاكل.
ليلي: همك على كرشك. خليك كده انا هقوم اعمل شاي. حد يشرب
دخلت ليلي المطبخ
زياد: ناني انتي كويسه
ناني: كنت خايفه اوي يا زياد. بس الحمد لله انكم بخير
زياد: متخفيش طول ما انا معاكي. مش راجل انا وله ايه
ناني: لا راجل. بس انا عارفه انك مش بتحب الاكشن وكده
زياد: لا ما انا بقيت بحبه.
مهند دخل في النص: كان هيضربهم بالبقسماطه.
زياد: هتغابي عليك. ده كداب متصدقوش
مهند: هتتغابي عليا ازاي. هتاكلني شيبسي بالشطه يا شرير.
ناني ضحكت. زياد: لم نفسك يا حمار.
مهند: اخص عليك. كده تخوفني
زياد: مهنننند. همد ايدي عليك
مهند ضحك، ناني: خلاص يا زياد بيهزر معاك.
زياد: بذمتك انا ضربتهم وله لا
مهند: ضربتهم
زياد: شوفتي. عشان تعرفي بس
مهند لسه بيرخم عليه: يا قاسي
جري زياد ورا مهند اللي كان بيضحك...
في المطبخ.
عمار دخل ل ليلي اللي بتعمل الشاي
عمار: اقدر افهم اني طول الوقت بتضحكي مع مهند ليه
ليلي: والله دي حريه شخصيه. اضحك مع اللي اضحك معاه. مش هتمسك بوقي
عمار: ليلي. كلميني كويس. انا مش عايزك تضحكي وله تتكلمي مع حد
ليلي: ده ليه
عمار: عشان عشان
ليلي منتظره اعتراف عمار. بس للاسف دخل مهند
وهو بيقولهم.