رواية الشيخة ليال للكاتبة الوردة البيضاء الفصل العشرون
و رَأيتُها بَينَ الملاحِ كُلها مُبتسمةً
و النارُ في قَلبي الغَيورِ دمارُ
أفَلا كَففتِ تَبسُماً لعيونهُم؟
إني أموتُ مِن الهوى و أغارُ.
بان: بدلت ونزلت باخر خطوه من الدرج دخل
ليث مبين هم جان نايم وكعدو شعرا مخربط ولابس برموده هذا اشلون طلع لديوان هيج نتبهلي باوعلي بخزرا وتقرب مني باوع عل شكلي نتر بيه فزيت
ليث: خيرر لابسه حضرتج ووووين موليه
بان: هاا مو ماما، خزرني اكثر وتقرب صاك عل سنونه كال بتحذير.
ليث: تصعدين هسه وتبدلين هاي الملابس لان وحق الله اذا طلعتي الهن ادفنج انتي ومج ما اريد اشوفج نازله
بان: بلعت ريكي شكله ما يتفاهم بس راح احاول جاوبته بتوتر، لليث سمعني بس ااني لاازم اطلع حتى مااا احرج مما، قبل لا اكمل كلامي سحبني بعصبيه من ايدي وسحبني ورا
احاجي ما يسمعني فوتني الغرفتي
ليث: منو هذا إلى داز اهله
بان: مماعرف، رفع حاجبه باوعلي بشك.
ليث: لا تعرفين لهيج كل الفترا الفاتت وضعج مو طبيعي من الجامعه مو
بان: سكتت مشكلتي حتى لو اجذب يبين علي
ليث: سكوتج يعني كلامي صحيح واكيد منطيج خبر قبل لا يودي اهله
بان: لاااا ما ادري
ليث: يعني تعرفينه وتدرين راح يجي يخطبج بس سواهه الج مفاجئه ما نطاج الموعد
بان: اضغط على بعد اضغط وفسر عل كيفك المهم اطلع اني الغلطانه ليث شنو همك.
ليث: ااانتي همي ييي انتي همي بس انه الغبي إلى رجعت هذا الهم النفسي لاتخافين ما اضغط عليج ولا إلى علاقه اصلا يالله لا اخرج تفضلي ينتضرونج
بان: طلع وضرب الباب ورا كعدت عل السرير لازمه راسي كلبي وجعني من القهر ندك الباب كمت بسرعه قفلته وبدلت ملابسي
ميسم: خاام وينج امج كل شوي تصعدني اصيحلج
بان: كليلهه بجهنم نايمه ما انزل
ميسم: خرب شلوون ورطه بيج انتي امج.
بان: نزلت ميسم شوي اجت امي غسلت شراعي لحد ما تعبت ونزلت واني جوا الغطه وخاله مخده عل راسي حتى ما اسمع لحد ما رجعت غفيت...
ليال: مستحل يمر يوم واكعد عل مزاجي بهاذ البيت كل يو لازم اكعد عل ازعاج وصياح طلعت طلعت افرك بعيوني وحالتي حاله مرت عمو واكفه بالباب البان وتصيح عليهه لانو ما تقبل تنزل وين وليش تريدهه تنزل ما اعرف والثانيه مالهه صوت رحت يمهه، خير عمه صاير شي.
ام جاسر: والله من رجعت لهنا ما شفت الخير تعالي حاجيه خل تطلع يمكن تسمع كلامج اكثر مني اخلاقه صايرا سزز وما تسمعلي كلمه
ليال: خلص عمه نزلي انتي واني راح احاجيهه وانزلهه
ام جاسر: يالله بسرعه النسوان منتضرا فشلتني الله يفشلهه.
ليال: شمرت بديهه ونزلت طخت عندي انو خطابه دكيت الباب ماكو صوت فرحت انو ما فبلت تنزل بس شلون كلت العمتي انزلهه وراهه حكيت راسي بتفكير. ي ليش لا، ركضت عل غرفتي غسلت لبست فستان قصير عادي بس مرتب رفعت شعري بطريقه مرتبه ومكياج خفيف حياتي صايرا مثل الفلم يوميه دور جديد.
نزلت ركض فتت للمطبخ ماما جاي تحضر الضيافه باوعتله بصدمه قبل لا تسئل اخذت الصينيه من ايدهه واخذت نفس وفتت للصاله نسوان ثنين بعمر ماما وبنيه شابه كانو تعرف بان لان ستغربت وجودي يالله نفضحنه مرت عمو وجهه بهت وسكتت سملمن على بحراره واني من كل عقلي خجلانه سلمت وكعدت
اللهم صلي عل محمد شنو هل حسن الله يحفضج حبيبتي.
ليال: بتسمت الهه بلطف دخلت ماما كعدت هم الحمدالله انو بيبي ما تعرف جان صارت فضيحه كاعده عل اعصابي انو يطلعون قبل لاتتعقد الامور نسيت نفسي واني اسولف وياهم وهما يباوعون عليه باعجاب بعدين حجو بالكلام الروتينيه مال الخطوبه طبعا اني عرفته نفسه إلى حاجه بان بالجامعه بس والله عريس لقطه خلصو وكامو سلمت عليهم قبل لا يطلعون حاجتني امه
اوي فدوا لهل طول والله دخلتي كلبي الله يجعلج من نصيبنه يارب.
ليال: نقهرت وندمت لان سويت هيج المرا مبينه انسانه طيبه اتمنى ما ارجع التقي بيهه لانو جد ما راح اتكون إلى عين اوجهه بعد هاي الجذبه، بتسمت الهه بلطف سلمو وطلعو اخذت نفس.
تركت مرت عمو هرجت البيت بالصياح والحجي عل بان وعلى لحد ما ملت وفاتت الغرفتهه فتت للمطبخ كعدت فوك الطاوله الطاوله ضايجه ماما تباوع على بلوم بس ما حجت شي لانو مبين على الندم باوعت علبه ككو عل الطاوله مبين هما جايبيهه سحبتهه حليتهه بحضني اكل بيهه بملل شوي ورفعت راسي عل صوته
جاسر: سلام عليك...
ليال: ختفى صوته من نتبهلي باوع على بتركيز صافن ومتفاجئ نضراته تعري ربكتني رفعت رجلي غطيتهم لان فستاني قصير سيقاني طالعه.
ام ليال: وعليكم السلام يمه
ليال: ستغربت من تقم باس راسهه هاي مو طلعاته بس هوا من زمان يحترم ماما تقدم وكف كدام واخذ جكليته من حضني وغمز وهز راسه بمعنى شكو
ليال: هزيت كتفي، ماكو شي رفع حاجبه كال
جاسر: شنو جنتي طالعه لعرس كاشخه وجكلت.
ليال: بلعت ريكي وقبل لا ارد سبقتني ماما اضاهر سمعته كالت
ام ليال: لا ما طلعت عرس مبروك مرتك اجوهه خطابه
ليال: ستوا خال جكليته ثانيه بحلكه وماما كالت هيج شرك بيهه بقى يكح وعيونه صارت حمر صبيته كلامي بسرعه ونطيته شربا
ام ليال: اسم الله يمه شبيك انت وهاي اخذكم الواهس اكلتو العلبه كلهه غير تنتبه
جاسر: احم لاتخافين عمه فاتت احم احم، ي ست ليال شنو سالفه الخطابه وحضرتج كاشخه وطالعت الهم هيج.
ليال: والله مثل ما انته شايف اجو الاختك وماقبلت تنزل كلت ليش يجعون خالين لبست اجمل الثياب وتعطرتو بازكه العطور وطلعت الهم
جاسر: انتي بكل عزا لطامه عركه خطوبه انتي بالنص
ليال: ضحكت صدك بكل عزا لطامه، مديت ايدي عل الجكليت كال
جاسر: هذا هما جابو
ليال: كتله اي سحب العلبه مني وذبهه عل الطاوله
جاسر: كافي راح تموتين
ليال: مكافئه تعبي
جاسر: ي مسويه نجاز وعايشه الدور
ليال: ي مابقت بنفسي خطبه الصالونات هههههه.
جاسر: لا وفرحانه ما وافقتي فد مرا
ليال: والله العريس لقطه وامه كلش نعجبت بيه تمشي وتدعي انو اكون من نصيبه، منطلقه بالحجي باوعتله مخنزر مد ايده عل شعري رفع الكماشه وكع الشعر عل وجهي كال
جاسر: غشيتيهه لو شايفه فلافيلج جان شردت
ليال: باوعتله بطرف عيني، خبيث بتسم وركز بوجهي من يباوعلي بهاي النضرا إلى احسهه راح تسحلنه يعني لازم اطفر نزلت من الطاوله
ليال: مرخصتك، مشيت صعدت بسرعه صاح وراي.
جاسر: خرب حضج بعد لا ااااطلعين االاحد هيج
ليال: غمضت عيوني باحراج وصعدت بهدوء لان يرتفع كل ما اصعد البايات بسرعه، دخلت الغرفتي اهفي عل وجهي احس صخنت بدلت ملامبسي ورحت البان خل اشوف هاي الثانيه شبيهه...
ليال: بعد ما عرفت هم بان والملحمه إلى صارت قبل لا انزل بلكوا اقنعتهه انو تنزل عل العشه وتواجه الكل ما اعرف ليش احس انو هي صايرا نهزاميه ضعيفه كدام عصبيه امهه وضعيفه كدام حترامهه الجاسر وهسه ضعيفه كدام حبهه اليث إلى اتصل بي ما يرد ومن ساعه ما تواجه هوا وياهه ما رجع للبيت تعشينه وطبعا جاسر رغم امه حجتله المقتل بس جان الموضوع عادي عنده ما توقعت راح ينطي ردت الفعل هاي خاصه انو هوا صديقه بعد العشه اخذ بان الغرفت امه وحجى وياهه ماخذ رئيهه بالموضوع ورافضه بس لامهه انو ما طلعت لان هذا يضل شي روتيني ما يعني شي ابدن لا موافقه ولا اتفاف بس هي شترت رضات ليث وما طلعت هاي اذا رضى اصلا قررنا نسوي سهرا نشوف فلم بالصاله جهزنا الحبشكلات حت جاسر بقى كاعد الجو هدوء لانو سعد صاير نادرا ما يجي للبيت وهذا الشي مخوفني ولازم اعرف شنو السبب المهم كاعدين ودخل ليث حالته حاله مبين روحه طالعه سلم ابرود جان الوقت متاخر كمت حضنته متت خوف عليه، وين جنت خوفتني.
ليث: شنو جاهل وتخافين ما بيه شي
ليال: لا مو اتصل مغلق
ليث: ي خلص شحن يالله انه صاعد انام
ليال: تعال اسهر ويانه صار هواي ما سهرانين سوا عل فلم
ليث: لا كملو انتو انه تعبان اريد اصعد انام
ليال: اوك براحتك تصبح عل خير
ليث: ونتي بخير.
ليال: باس راسي وخدي وصعد وما باوع الهه نضرا رجعت كعدت يمهه احس الدمعه بطرف عينهه تنفست بقهر درت وجهي اجت عيني بعينه باوعلي نضرات مغرورا ورافع حاجبه ماكو شي عاجبه دار وجهه واخذ الصحن الكرز الكدام ميسم تاكل منه يخبث وياهه كل عاده هي اخذت خمشه منه طيرت نص الصحن وباوعتله بغرور بتسم هلال العيد طلع لان الضحكه حرام عنده.
ورجع يتابع نتبهت النفسي مركزه بتفاصيله اكثر من الفلم هزيت راسي ورجعت اتابع برت دقائق وعيوني قفلت اريد افتحهه ماكو قاومت قاومت بالاخير ستسلمت للنوم بعدهه ما حسيت غير نرفعت من مكاني شوي وحسيت نفسي مستقرا بدفو الفراش فتحت اعيوني عل خيال تقرب من وجهي كلش غمض وستسلمت للنوم كعت الصبح.
لكيتني علج بحلك ميسم وبان لانو من غفيت بعد ما خلص الفلم هوا شايلني الغرفتي ومن تذكرت الخيال فتحت عيوني واحس بغيض ليش تقرب من وجهي واني نايمه خليت ايدي عل شفتي بس ما حسيت بشي فات هوا للمطبخ نزلت ايدي وباوعتله بحقد صبينه الريوك اكل من المخلمه كال وهوا يباوعلي مبتسم بخبث
جاسر: طيب ولذيذه عاشت ايدج عمه عل هيج انتاج اكل
ام ليال: بالعافيه
جاسر: الله يعافج.
ليال: احس حتركت من القهر كمت من السفرا فتت للمطبخ صبيت كلاص ماي جاي اشرب ودخل وكف كدامي اخذه منه وشربه كتله بحقد
حقير خبي، مالحكت اكمل كلمتي جمدت بمكاني مصدومه من حركته السرعه دنك على وطبع بوسه سريعه عل شفتي بعد عني كال
جاسر: حتى ما تفكرين بيهه هواي هاي سويتهه الج بس تازه الذ واحله الصراحه.
ليال: غمزلي وخلا الكلاص بيدي وراد يطلع نتبهت واحس دمي كام يغلي من ستفزازه سحبت جك المي البصفي وشمرتهه عليه وتخصرت دار باوعلي كال
جاسر: راح ادفعين ثمن هاي النص ساعه إلى راح تاخريني بيهه عل موعد مهم لان لازم اغير ملابسي
ليال: باوعتله نضرت يا جبل ما يهزك وطلعت واني اصلا ما فهمت شنو قصده عزززا بس لا يغطني بالمي نص ساعه لا ما يسويهه اختنك واموت هه لمهم ما سكتتله شيريد خل يسوي.
بعدهه نسيت الموضع ولتهيت بميلاد يعقوب حماس هبه للحفله خلاني ما اكسر واهسه وجد اني هذا الاريده انو يعقوب يعيش حيا طبيعيه بكل تفاصيلهه واذا ما حاولنه ما راح نكدر نحقق هذا الشي وهاي اول فرصه بس ما كدرت اضم عنهه بالاخير خفت تطلع منه ردت فعل تصدمهه بس الحمدالله عدت عل خير والحفله رغم بساطتهه جانت حلوا وهيج لمتنه وسوالفنه اجمل من الحفله الضخمه ويعقوب جانت مشاعره بين المتاذيه وحزينه وبين إلى سعيده بهتمام هبه ومفاجئتهه بس كلشي واله وقته حتى الندوب ممكن تمنحي اثارهه من تزين بشغلات جميله ونشالله دوا جروحه وندوب كلبهه يزينهه ويجملهه بحب هبه وجودهه بحياته.
هبه: كعدت عل صوت تلفوني اخذته وفتحت عيوني مبتسمه جنت موققته عل يوم عيد ميلاده إلى هوا بعد يوم صحصحت وكعدت نزلت جاي يتغدون بتسمت لان رجعت العاداتي القديمه والكعده متاخرا كعدت وياهم عل الغده راح نفسيه واني اشوف شلون رجعت سوالفنا القديمه وضحكاتنه بابا يباع على بنضرات عتذار واني ابتسمله براحه ما اريده يشيل هم عل مرضه مالي نيه اخسرا خساره ماما تكفيني بعد اليوم ما اريد ازعل منه لاي سبب بالدنيا مر الغده وفترت الضهر وهوا ما اتصل ولا حتى مسج بتسمت كد ما عنده حنيه راسه يابس وزعله ثكيل اريد اتحارش بي بس ما اعرف شلون بعدين تذكرت انو اني راح نطلع نتعشى برا وما كتله اخذتهه حجه حتى اتصل بي بس بعدين دزيت بس مسج ابلغه بطلعتي مارد ولا شافهه.
ضجت تركت التلفون وكمت جهزت نفسي رجعت مجاوبني طلعي ضجت لان ما كلف نفسه حتى يتصل بس اني هم ما اتصلت اااف.
طلعنه صح غيرت جو بس طول الطلعه افكر ب وشنو راح اجيبله هديه وبعد الفرا ساعت كدرت اخذله شي عل ذوقي وما اعرف راح يعجبه او لا بعدين تصلت بليال وتفقت وياهه نسويله حفله مفاجئه بالقصر ورجعت دورت عل شي مناسب البسه خليت لؤي يندم عل الساعه إلى طلع بيهه وياي خطيه بعد ما خلصنه رجع اكل من جديد يكلي هضمت العشه وجعت ههههه وحنى راجعني صار عل طريقنه محل ملابس النوم إلى دخلنا اني وياا ضحكت من تذكرت شكله شلون يباوع عليهم ترددت وبعدين خليت لؤي ينتضرني ودخلت انه هم ضليت اصنفن هههه وبالاخير ختاريت كم قطعه وطلعت...
رجعت للبيت لؤي تبرا مني واني هلكت تعب فتحت التلفون ما داز شي ضجت بعدين حجزتله كيكه من ختياري ودزيتلهم صورته ونمت ثاني يوم رحت العصر مثل ما اتفقت وي ليال اروح اساعدهم بالتجهيزات بعد ما يروح للشركه ما اريده يعرف بوجودي...
مريت جبت الكيكه وسوينه الزينه بسيطه مثل ما يحب و سوينه الحلويات والاكلات إلى يحبهه بالبيبت لان ما يحب الجاهز جهزنه كلشي حتى احنه بدلنه ورتبنه نفسنه وما بقت غير جيته اباوع للبنات كل ما تقرب جيته يتوترون بعدين عرفت انو من يوم وفاتهه ما يحتفل بيعيد ميلاده ب مارادو يكسرون بخاطري ليال كالتي حتى اكون جاهزه لاي ردت فعل منه ما خايفه من ردت فعله لو اعرف ما جان سويتله ما اريده يضوج بالعكس اريد اسوي شي يفرحه هبطت معنوياتي شوي بس قررت اكمل مو طبيعي الغي كلشي بالحضه الاخيرا.
تجمعنه الكل ومنتضرين جيته يوسف هوا إلى تكفل يجيبه اني بقيت بالمطبخ انتضرا حتى ادخل الكيكه ما جنت متوقعه هاي الحضات راح تمر بهاذ التوتر بدل الحماس الجنت بي سمعنى صوت الباب وطفو الاضويه كلبي يدك الف لزمت الكيكه واكفه بالباب يادوب مبينه اباوع عل ردت فعله اول ما شتغلت الاضويه وميسم طكت عليه الزينه وليال صاحت مفاجئه.
بقى صافن ويباوع بالوجوه حرفيا متفاجئ ما انطه اي ردت فعل للحضه حسيت بخيبه امل قويه خفيتهه ورا ابتسامتي وطلعت بيدي الكيكه نتبه على باوعلي بصدمه وبقى يرمش بعيونه مو مصدك وجودي تقربت منه وكفت كدامه كتله
كل عام وانت بخير اني صاحبه الفكرا ما جنت اعرف انت ما تح، قاطع كلامي وكال ببتسامه حسيتهه باهته.
يعقوب: عاشت ايدج وانتي بالف خير يارب تفاجئت شوي لانو ماممتوقع هاي المفاجئه. عاشت اديكم شكرا لانو تذكرتوني بهيج يوم حتى انه جنت ناسي صراحه
هبه: فك شويه ولكل تقدمو هنو خليت الكيكه عل الطاوله واجه يطفي الشموع
ميسم: لللللحضه لا اطفي قبل ما تتمنى امنيه.
هبه: دار وجهه باوعلي بتسم وطفاهه حسيت بعد نضرته بشعور حلو رجع بيه الطاقه وباقل الحفله جانت مسليه اكل وضحك وسوالف بينه يعني كعدت شباب لطيفه وحتى مزاجه حسيته تغير وتفاعل ويانه نطينا الهدايه و خلصت الحفله تاخر الوقت عزلت الطاوله وي البنات واكفه بالمطبخ وفات هوا وكف يمي كال
يعقوب: ليش ما كتيلي اجي اخذج
هبه: لؤي وصلني ردت اسويلك الحفله مفاجئه
يعقوب: وين عرفتي اليوم عيد ميلادي.
هبه: قبل كم يوم عرفت من ليال بس ما كالت انو ما تحتفل بعيد ميلادك اليوم عرفت وزحمه انو الغيهه
يعقوب: همم يعني لو تعرفين من قبل ما تسوين
هبه: اكيد بالاخير هذا يوم ميلادك واذا تنزعج من الاحتفال بي بلا الاحتفال احسن
يعقوب: والله اذا احد راح يفاجئني انو متذكر عيد ميلادي ويسويلي حفله ما اكول لاا
هبه: باوعتله وبتسمت افرح، يعني ما نزعجت.
يعقوب: لاا اكيد ما انزعج من شي مسويته انتي حتى تفرحيني عاشت ايدج، يالله جهزي نفسج حتى نمشي تاخر الوقت
هبه: بتسمت هزيت راسي ورحت جبت اغراضي ودعت البنات وشكرتهم لان ساعدوني ورجعنه للبيت دخلت للغرفه وهوا دخل وراي راح للحمام واني جاي ارتب ملابسي طلع شوي وما احس غير حضني من ورا وراسه عل كتفي كال
يعقوب: اليومين صارو على شهر
هبه: ممم لهيج ما سئلت عني
يعقوب: خليتج عل راحتج بلكي تشتاقيلي.
هبه: دنكت فلتت نفسي منه كتله، نتضراك بس انت مغرور، ضحك فتت للحمام لبست وحده من القطع الجبتهم هي ما مفهومه ب حلوا كلش طلعت متوترا سويت نفسي الهي نفسي بالملابس خليتهم بالكنتور وهوا من نتبهلي وكعت المشاطه من ايده تقرب لي ردت انهزم سحبني من ايدي ولطشني بي وحاوط جسمي باديه خله راسه عل راسي كال بهمس
يعقوب: وواوو شنو هل جمال تخيلتهم عليج بس الواقع احله.
هبه: حاوطت ادي عل ركبته وهمستله، ماكو شي يشبهني لاتقارني باحد لاخيال ولا اربعين شبيه اني وحده وبس
يعقوب: همم حلو ومغرورا هم.
هبه: باوعتله بغرور كب كيك ان، سحب شفتي بين شفايفه ولمساته حتلت جسمي بحركه سريعه صرت عل السرير حسيت انو كل مرا اكون ويا مختلفه عن القبله باسلوب واحساس جديد يخليني احير بوصفه او يمكن لان كل مرا يكبر الاحساس بكلبي تجاهه احس بالحضات وياا غير عجيب استسلامي اله وعجيب شنو حابه هذا الاستسلام وراضيه بشعورا ويا...
ليال: بعد ما راحو عزلنه المطبخ اني وميسم وبان إلى لخاينات تركنه عل النص براسي وطفرا جاي بقيت ارتب بي من حسيت خطوات وراي درت عل البطيئ لازمه كلبي شفته واكف وراي مباشرتن وبيده بطل مي جبير مبين بارد اجيت اشرد جان اسرع مني وحضني بيده وصبه على شهك من البروده كتمت صوتي لا احد يكعد بارد ثلج بقى جسمي يرجف باوعتله اريد الكلمه تطلع ماكو عبالك واحد غركان وما يقبل يفلتني اكرص بي ماكو
جاسر: بعد تعيدينهه.
ليال: اجيت اغرد بس رجفت لثتي وعطست جان بدايه شتا وباب المطبخ مفتوح واني منغير شي اريد الحجه دفعته اسب واغلط بي عصبت بس ما اكدر ارفع صوتي ضليت ارطن وجسمي رجف من البروده بعدت عنه اباوع الفستان الابسته فضيحه لاطش عل جسمي عزاا تفصل تفصال رفعت راسي اكلني بعيونه وصافن بتركيز كال بدون ما ينتبه
جاسر: هسه انه شلون انام بعد هذا المنضر
ياا مصيبه راسي لا ونوب وحلالي.
ليال: بس كال هيج ونضراته خطيرا طلعت بسرعه من المطبخ وصعدت الغرفتي اسم صوته بقى يضحك احس دمي غله من الغيض بسيطه والله ارجعهه الك يا جاسر تخبث موو بسيطه.
قوامكِ من
يُعطي الفساتين سحرها
ولولا عليكِ الثوب
ما ظهرَ السِحرُ.