رواية الشيخة ليال للكاتبة الوردة البيضاء الفصل العاشر
“لَهَا مُقْلَة لَو انَّهَا نَظَرَت بِهَا،
إِلَى رَاهِب قَد صَام لِلّه وَابْتَهِل
لَأَصْبَح مَفْتُوْنا مُعَنَّى بِحُبِّهَا،
كَأَن لَم يَصُم لِلّه يَوْمَا وَلَم يُصَل”.
ليال: فتحت عيوني عل بياض وجع راسي مو طبيعي تذكرت الصار نزلت ادموعي اول مرا يمد ايده على وبهاي الطريقه المؤذيه هيج جان دائما يصيح ويعصب بس ما توصل بي للضرب من وفات جدو وهوا تغير هواي طول الوقت مشغول وكانو يفكر او يخطط الشي ومايرد اتقرب من جاسر لان خايف يخسر كلشي بسببه.
حسيت احد لزم ايد باوعت ليث يباوعلي بقلق ومبين معصب بتسمت بوجهه دنك باس راسي
ليث: سلامتج والله خسابه وياي اله اندمه.
ليال: لا ليث لا تتعاركون فدوا خلص إلى صار صار
ليث: ااااش رتاحي هسه ومالج علاقه بالباقي
ليال: اريد اطلع ماريد ابقى هنا ختنكت
ليث: ي هسه اصيح الدكتور يجيكج ونطلع وخل اشوف ميسم وين
ليال: ميسم وياك
ليث: ي جبناج اني وياهه وديتهه تشرب ماي حيل خايفه عليج وانه ما كدرت اتركج
ليال: ي روح شوفهه، راد يطلع رجع باوعلي كال باسف
ليث: لو اني اني موجود ما اخلي يأذيج.
ليال: بتسمت بوجع، اعرف وما لاايمتك ابدا لان ما جنت موجود...
ليث: يصير خير، يالله رتاحي لمن ارجع.
ليال: ي...
ميسم: ماجنت اتوقع بيوم راح يصير هيج وانو واحده من عدنه راح تنضرب رغم عصبيت سعد زاسلوب بس ابدا ما تربينه عل هيج شي وهاي اول مرا تصير جسمي بقى يرجف من الصدمه من شفت شلون ليال صار دمهه بطولهه والافكار إلى اجت ابالي مرعبه اتصلت بليث بسرعه اجه تخبل من شافهه وماما خلت سعد يطلع قيل لا يجي ويتاركون شالهه وجبا اتي وياهه اخذوهه للطواء وكعدنه نتضر من الخوف اريد اسيطر عل رجفه جسمي ما اكدر وريكي يبس نتبهلي ليث راد يجيبلي مي ما قبلت يتركنه لحد ما طلع الدكتور وطمنا عليهه خليته يمهه واني نزلت للكفتريا اجيب مي اخذت البطل وفلت من ايدي دنكت اخذه بس ايد سبقتني رفعت راسي نصدمت لاا لاا مو لهل درجه وين ماروح يطلع كدامي، يباوعلي بتركز بس ما متفاجئ بوجودي كال.
باسل: شلون صارت
ميسم: ززينه الحمدالله، مدلي البطل اخذته بأيد ترجف
باسل: الحمدالله هاج شربي ماي واهدي شبيج ترجفين
ميسم: هزيت راسي بس حاولت افتح البطل ما كدرت، سحبه من ايدي
باسل: جيبي يمعوده شبيج راح تموتين
ميسم: دنكت فتحه ونطاني اخذته بسرعه شربته يمكن نصه كد ما ريكي يابس اجت عيني عليه اباوعله يباوعلي مبتسم نحرجت كتله بسرعه، شكرا ودرت وجهي ومشيت حسيت خطواته وراي درت وجهي باوعتله بستغراب.
كتله...
ليش لاحكني خلص روحي مابيه شي
باسل: هه منو كلج لاحكج او جاي علمودج
اني اتصلت بليث وكال انتو بالمستشفى لان وقت اتصلتي بي جان يمي وهسه جاي اشوفه
وانتي راح ادليني الغرفه اذا سمحتي يعني.
ميسم: متت من الاحراج هزيت راسي باي ومشيت كدامه وصلنه ليث بالباب يحجي وي الدكتور خليته يمه يسلم عليه واني دخلت اليال اول ما شفتهه حضنتهه ونفجرت بالبواجي بقيت اناشغ لبكوا شكتتني حسيت رتاحيت جنت بالعه الغصه دخل ليث بقى يحجي على لان صوتي عالي وابجي مثل الجهال طلعنه من المستشفى واكف ينتضرنه يم السياره حاط اديه بجيوبه باوعل وركز بعيوني دنكت ليث عرفه عل ليال وسلم عليه وباوعلي وكل.
ليث: وهااي النواصه الزغيرا مالتنه تعرفهه فضحتنه بالمستشفى بابا جاهل انتي
ميسم: عزااا فضحني كتله بغيض، للليث
ليث: هههههه خلص خلص اعتذر
ميسم: باوعتله يباوعلي رافع حاجبه ومبتسم يبوو اليوم برستيجي نسحل سحل كدامه سلم عليه ليث وتشكرا ورجعنه للبيت ياربي يارب مانرجع نلتقي كافي فشلات كدامه ااوف يااا...
ليال: نمت عل كتف ميسم حبيبتي بجت كومه على تلمس راسي لافينه وراح ينفجر من الوجع هاي المرا الثانيه الثالثه تتفلش الجمجمه وصلنه كدام القصر ونزلت ميسم ساندتني وليث نزل هم لزمني رفعت راسي جان جاسر واكف هوا وخاله وياهم ولد برا جاي يسولف ونتبه علينه سكت وعقد حاجبه يباوعلي متفاجئ ليث من نتبه عليهم تركني وراح يسلم ماكدر يتجاوزهم واني وميسم تعدينه نريد نفوت للقصر ما احس غير خطوات ورانه تقدم وصار كدامي كال.
جاسر: شبيج
ليال: حجيت بنبه عصبيه بدون هتمام ما بيه بعد عن طريقي
جاسر: على سلوبج وكولي شبيج لا ارجعت منين ماجابوج
ميسم: جاسر شبيك ترا تعبانه مو وقت هذا الكلام
جاسر: شبيهه
ميسم: تعا...
ليال: قاطعته قبل لا تكمل وتفضحنه، وكعت عل الدرج زحطت رجلي، باوعتله شال حاجبه مو مصدك ولا دخلت عقله اصلا كال
جاسر: شايفتني مكتوب عل راسل غبي مثلا.
ليال: ممكن سوال انت شدخلك بالبيه جاسر تعبانه الله يخليك بعد عن طريقي، اجاي افوت وطلع سعد من البيت يصيح
سعد: انه ويااااهه حتى تحرم بعد تفوووت البيتك وانت اطلع براااا القصر بسرعه يالله لا اكسر رجلك انت هم.
ليال: اباوع اعيونه نطت وصارت حمرر وقبض ايده دار عل سعد إلى وكف ورا ويصيح وضربه بوكس بقوا ضليت اصرخ واصيح اليث لان تلازم اجه يركض وماما وبيبي فخريه طلعت تحجي وتصيح عليه وكلامهه زاد الطين بله خلته فقد بقو ادموع تنزل نقهرت شلون يضرب بسعد ونقهرت اكثر لان وصلو الهاي الحاله بالكوا خلصهم ليث وخاله دخل سحب جاسر وطلعه وهوا يسب ويغلط ليث اخذ سعد لديوان وميسم دخلتني للبيت تلكتني ماما حضنتني الدموع بعينهه اخذتني ميسم لغرفتي.
ميسم: خلص رتاحي ولاتضوجين لازم نتعود عل هاي العركات بعد
ليال: اريد انام راسي راح ينفجر ماريد افكر بشي
ميسم: ي اخذي علاجج ونامي
ليال: اخذت العلاج ومنوم ونمت مب كلبي احسه ممرود من القهر والاحداث الصارت اليوم وعل كولت ميسم هاي بدايتهه ما اعرف شلون راح اقاوم البعدين...
هبه: كعدت الصبح ونصدمت انو يعقوب ما جان موجود ورايح للشغل بدوني حسيت عيوني شاطت ما اعرف شنو معنى تصرفه بس اعناد بي كلت اله اداوم من دونه وعناد بي هم اله لبست شي ما يعجبه وخلت مكياج بس مو اوفر ولفيت الشال واخذت تكسي ورحت للشركه دخلت للمكتب وكملت شغلي عادي الوقت الغدا فات وبيده ملفات شافني تفاجئ اني غلست بس راح المكتبه دز اسراء على رحت ودخلت بعد ما اذلي باوعلي بتفحص ورفع حاجبه المغرور الطاوووس كتله، نعم صحتلي.
يعقوب: شلون اجيتي
هبه: بتكسي يعني انت تركتني شلون اجي، كال ابرود
يعقوب: همم جيتي بهذا شكلج وي تكسي، يعني كسرتي اتفاقنه ولهيج ماكو شغل بعد اليوم
هبه: رتعد كلبي من كلامه يعني رجعت النقطه الصفر كتله، اني مو لعبه بيدك تعاملني عل مزاجك شغل ماراح اترك اني موضفه هنا وحاليا لازمه مشروع يعني ما اكدر اتركه حتراما المهنتي وانت لازم تحترم كلمتك كدامي كموضفه عندك ومايصير تتراجع بدون سبب
يعقوب: بدون سبب!
هبه: ي كموضفه انت جاي تطرني بدون سبب او خطأ انت اصلا لسه ما شفت المخططات وشغلي.
اما اذا تكول انو احنه جاي نلعب واني هيج خليتج تشتغلين زوجتي وفارغه كلت اجيبج تكضين وقت وابطلج شوكت ما يعجبني فهنا الكلام اختلف لانو اني ماراح اقبل عل نفسي اشتغل بهاي الطريقه والا اقبل شفقتك على وراح اترك الشغل واذا تريد تحاسبني كزوج وتبطلني لانو ركبت تكسي فانته إلى تركتني واجيت واني ما احب اتهاون بشغلي اما الاسباب الثانيه الله اعلم شنو الانو حضرتك من امس مو قابل تحجي وياي كلمه فمو من حقك تحاسبني عل ذنب ما اعرفه شنو...
احجي وهوا يباوعلي من خلصت كام من مكتبه ودار تقدم على بلعت ريكي كلت راح يكفخني اكيد رفعت عيوني اباوعله بسبب فرق الطول، طلع ايده من جيبه وخلاهه عل راسي ستغربت باوع عل طولي وكال
يعقوب: اكدر اجزم انو طول السانج ضعف طولج
هبه: باوعتله بغيض ونكثت ايده عن راسي
يعقوب: خلصت مرافعه ودفاع وطلعت انه الغلطان مو
هبه: كتفت ادي وكتله. اي لحد ما اعرف شنو ذنبي انته الغلطان.
يعقوب: ذنبج فاهيه قسم بالله اذا فتي على فوته امس بعد ما اخلج تخطين للشركه لاا وشنو للتكل الاحد اني زوجتك حت مايكولن واسطه
واسكت وانه اشوف واحد عار جان اكلج بعيونه
هبه: ممم بينت الفوله غيرا يعني، دنك راسه وخله عيونه بعيوني كال
يعقوب: ليش عنج شك انو ما اغار عل عرضي
هبه: رديت بتوتر، لااا بس صدك ما جان قصدي اخذني الحماس بعد ما صممت المشروع الانطيتني ياا، رجع خطوا لورا وباوعلي.
بعقوب: واليوم هم اخذج الحماس وطلعتي هيج
هبه: سويت هيج وكتله. سماح اخر مرا
يعقوب: لشوكت اعدي ترا لا يغرج الهدوء ترا كل هاي السوالف عابرا علي
هبه: ممم خبرا يعني
يعقوب: بالضبط يالله مثل الحبابه بوجهج للحمام غسلي وجهج وما ارد تتكرر سالفت امس
ومن تجين جيبي المخطط وياج مال مشروعج
وعل الله عل الله الكه خطئ واحد بس اله ابلعج الحجي الكلتي ونخرتي راسي بي
هبه: هههههه صدكني راح يعجبك...
يعقوب: يالله خل نشوف.
هبه: رحت غسلت ورتبت وجهي ورجعت جبتله التصاميم وفرحت لمن عجبه وكعد يشرحلي وصححي الاخطاء غلس عن كل الموضوع اليوم والاول مرا حسيته تركيبه معقده يغلس بمزاجه ويغير الماعاجبه وينبه عليه بمزاجه يعني اسلوبه بالتعامل ذكي يحير المقابل والغلط بحقه مو سهل...
بان: جنه كاعدني بعد ما تفاجئت انو ليال راحت بدون ما تنطيني خبر حتى ولا اعرف شنو الصار وياهه بس لتهيت وي البنات للمغرب دخل جاسر بس حالته حاله مغصب وشكله متعارك صعد الغرفته بدون وكلام غير ملابسه وطلع ماتجرئت اسئله بعد العشه وكفت بالمطبخ واتصل عل ليال.
ما ترد اتصلت بميسم جاوبتني من سئلت عل ليال وكالتلي الصاري متت بدمي ودموع اجمعت بعيوني كل هذا يصير وياهه واني ما اعرف واكفه استفسر عن الموضع وفات جاسر وجهه محتقن وهسه عرفت السبب بحالته ميسم حجتلي عن عركته وي سعد باوعلي وعقد حاجبه كال، شبيج كتله والغصه بلعومي
بان: ليال ليش ما كتلي، فرك وجهه وكال
جاسر: لاتخافين ما بيهه شي وروحي شوفيهه اذا تردين
بان: صدك اكدر اروح
جاسر: ي روحي.
بان: يي يي هسه اروح والله اتخبل اذا ما اطمنت عليهه، خلاني وطلع واني كفيت شغلي بسرعه وكعدت شوي وي البنات وبعدهه اخذتهم عل غرفتهم وجاسر اخذ فراش الخالو وبسام بالستقبل انتضرت ماما تنام ولفت شالي عل سريع ورحت ركض عل حديقه الخلفيه دخلت للقصر ودكيت عل ميسم تفتحلي الباب واكفه منتضرتهه وحسيت ايد عل كتفي فزيز باوعت ليث وراي تنفست براحه كال
ليث: شتسوين هناا بالباب.
بان: اسفه اجيت بهاي الطريقه بس سمعت باليال واجيت اشوفهه
ليث: تنفسي بس شبيج لاتخافين ما بيهه شي واذا عل الجيه بيتج هذا بس مرا ثانيه لاتجين وحدج من الخلفيه الحديقه جبيرا والمسافه مو قليله تعالي عل بيت عمج.
بان: دنكت، اي نشالله فتحلي الباب صارت بوجهي ميسم اخذتني الغرفه ليال ستوهه كاعده حضنتهه وبقيت حاضنتهه ميت قهر عليهه كعدن يسولفلي الصار حتى شنو صار وما ستغربت ردت فعل جاسر بالعكس فرحت انو نضربه يستاهل حتى بعد ما يمد ايده عل مرا بقينه نسولف ونسيت نفسي الكعده تخبل وياهن باوعت بالساعه وشهكت عزاا ب 12 وما راجعه للبيت كمت بسرعه ومنا لزمن بيه بس ما قبلت ابقى طلعت ميسم توصلني تفاجىت بوجوده كاعد بالحديقه باوعلنه كام اجه يمنه كال.
ليث: وين رايحه
بان: البيتنه غير
ليث: الوقت اتاخر ابقي يم البنات الليله
بان: لا ما اكدا هذا بيتنه هياته
ليث: خوالج راحوا
بان: هاا لاا
ليث: معناها ماكو بيته ابتكم يالله رجعي وذا حجه جاسر انه اكله ما خليتهه لان الوقت تاخر
بان: جد ماكو داعي حتى تكدر انته توصلني
كلت هيج خزرني خزرا وكال صاك عل سنونه
ليث: تسمعين الكلام لو شلون رجعه البيتكم ماكو
ميسم: هااا هاا شبيك تعالي بان رجعي قفل ابو الشباب.
بان: باوعتله بغيض لان صيح على ورجعت دخلت وكعدت لحيت عل اليال تحاجي جاسر هسه وتبلغه لازم انطي خبر
ليال: بعد اصرار بان وخفهه يقلق عليه ولا يسوينه خطفناهه وبحجتهه يهجم القصر عل روسنه دزيتله رساله، كتله بان راح تبقى يمي ما خليتهه ترجع لان الوقت تاخر، ثواني ورد مالحكت اطلع من المحادثه حتى كال
جاسر: ضربج لان شافج جايه من بيتنه مو
ليال: تبقى لو لا
جاسر: لاتغيرين الموضوع.
ليال: ليش ادخلت اني واخوي وحتى عل شنو يضربني لاتدخل نشالله يموتني هم لا تدخل
جاسر: هه طلعتي جبانه، ومنو كلج ادخلت عل مودج علسته حتى ما يتجاوز حدوده وياي بعد
ليال: تشري المشاكل شرايه
جاسر: ليش ترديني مثل بعض الناس يتكسر راسي واسكت
ليال: عرفته بسمار إلى كتله، اخوي فدوا اله
حسيته عصب دز رساله كلام من السانه الحلو
عبر بيهه عن مدا حبه السعد، اوراهه كتب
جاسر: كافي لو بعد
ليال: لا ما قصرت كواك الله.
جاسر: بالخدمه باي وقت
ليال: هسه شنو
جاسر: شنو شنو
ليال: بان
جاسر: خليهه البيت بيتنه ما نستئذن حتى نبقى بي
ليال: ي اكيد ولو
جاسر: اااه مدام هيج رئيج انه اكول اجي يمكم اغير جو
ليال: شنووووو
جاسر: تصبحين عل خير نامي وديري بالج عل راسج.
ليال: عزااا هذا مخبل ويسويهه والله البيت يصير جحيم عرفت كلام سعد اله مارح يعبرا بالسهل اااوف ياربي دخيلك من الايام الجاي جاسر وسعد نفس البيت يبووو...
حگج.
غبت عن حبچ زمان طويل.
لاچن گلبي ياحبيبة
گمر عن شوفتچ ماغاب.
مظفر النواب.