رواية الشيخة ليال للكاتبة الوردة البيضاء الفصل الحادي عشر
إنته بَس لو ينفتحلَك
باب گلبيّ،
تشُوف بي أُمك وابوك
وديّرتك وحرُوف إسمَك،
والعيُون التنذِر الشُوف إعله طولَك
حَتى خوف الوادِم الرادت تضُمك
ياهو أحن مِني ويحبَك.
بان: ااف اخيرا يعني جاسر قبل ابقى هنا
ليال: ي كال عادي خل تبقى
بان: ي فكه اصلا ختنكت من المجامله وهلكت من الشغل بس نشالله ماما ما تفتقدني
ميسم: بس الصاراحه خالج والله عنده قطعه
بان: وين شفتي.
ميسم: قبل المجزره جان واكف بالباب من رجعنا من المستشفى اخذتله لقطه فاحصه بعدين لزم جاسر هوا وخالج
بان: ههههه ونتي ما يفوتج شي
ميسم: عفا عليج تعرفيني من نضرا اطلع جنسيه
بان: ههههههه ابن خالي وكتبي بجنسيتج الوصف واحد لزكه ما ينطاق
ميسم: ممم لزكه احجي احجي شنو فلمه.
بان: حجيت الهم كلشي احس رتاحيت طول فترا بقائنه عد خوالي واني اضم بكلبي ما اكدر احجي الاحد عن اي شي يزعجني سوا بسام او غيرا بس هسه طلعت كلشي بكلبي سحبتني ليال الحضنهه وميسم اجت حضنتنه
ليال: حبيبي كل هذا ضامته بكلبج
بان: اااوف ايام سوده بس الحمدالله ابوجود جاسر محد كدر يدوسلي عل طرف
ميسم: هههههه ي والله محضوض هذا ابن خالج ما واكع بيد جاسر لحد الان.
بان: لانو بوجوده ما يباوع على حتى نضرا. والحمدالله كدرت اخلص منه ونرجع قبل لا تصير مشاكل بينهم لانو ماما متعلقه بخوالي حيل تروح بيهه اذا صار خلاف بينهم. لهيج جاسر حاير شلون يسد السالفه إلى سوتهه ماما
ليال: بستغراب، سالفه شنو.
بان: نتبهت الزله لساني، هاا اي سالفه احم قصدي انو هم لمن لمن خطبوني ماما كالت الهم يصير خير لمن تتخرج بس كلت الجاسر انو ما قابله وهوا سد الموضوع هي هاي السالفه، اباوع عل ليال تباوع على بشك مو مصدكه مالازم تعرف والله جاسر يعدمني اذا طلع هذا الموضوع ردت اسد الموضوع، ممم شنو ماراح توكلوني شي ترا بدون عشى لتهيت بالشغل
ليال: خس الجوع حبيبتي، ميسوم نزلي جيبي عشه البان
بان: لا اني انزل اصب بس تعالي وياي.
ميسم: حبي بيت جدج هذا حالج حالي نزلي اكلي وجبيلي عصير وياح منتضرا رحاب ادز شغله مهمه ما اكدر اكوم
بان: عابتلج فوكاهه اجيبلج عصير
ليال: ميوس بله خباث كومي وياهه
ميسم: نزلي واول واجي شوي وانزل وراج
بان: اوك بس اطيح صبغج اذا ما اجيتي لاتخليني مثل البزون بالمطبخ.
هزت راسه بالموافقه طلعت عل اطراف اصابعي قبل خمس سنين جنت ما انحرج انو اكل او ابقى هنا بالعكس ابقى بالقصر اكثر من بيتنه واكثر من مرا جانت ماما تضربني وتصير بينهه مشكله هي وبابا بسببي تنهدت ونزلت للمطبخ طلعت الاكل من الثلاجه وخليته عل النار بس اتحرك بهدوء اخاف يكعد احد لو فخريه تخلسني ههههههه. شكل البرياني يشهي صبيت ماعون وكعدت عل الطاوله رفعت شعري لفيته وكعدت اكل مندمجه حسيت حركه عل الدرج بالحضه الدخل بيهه رفعت راسي كلت.
تاخرتي ياحيوا، سكتت وغصيت بالكمه من شفته ليث هوا إلى دخل راح بسرعه جابلي بطل مي فتحه ونطاني ياا
ليث: لله الله هاج شربي
بان: اخذته بخجل هسه شيكول على مفجوعه شربت ورفعت طرف عيني يباوعلي ببتسامه مخفيه نزلت البطل ونتبهت النفسي بدون شال كتله، شكرا وردت اطلع كال بسرعه
ليث: وين رايحه كملي اكلج ماجاي ازعجج.
بان: باوعت درت وجهي باوعتلي وسحبت اكو شيلا ما اعرف المن عل الباب لبستهه هو فهم قصدي حك ركبته كتله اريد اخفي تاثر وجوده على من ننكون بمكان واحد وهاي اول نصيحه من ليال لازم اكون طبيعيه كدامه بعد صار اخوي عشتو، لا ولو ماكو ازعاج، رجعت كعدت ورجعت اكل، سحب الكرسي مقابيلي وكعد
صارت الكمه بالكوا تنبلع دنكت راسي ما اباوعله اجتني ريحه الجكاير كال كسر الصمت
ليث: شنو خطاركم مطولين
بان: ماعرف بس عادي هلا بيهم.
ليث: لا طبعا هلا بيهم بس شنو جاين زياره لو اكو سبب معين
بان: سمعو ماما تعبانه واجوي يطمنون عليهه
ليث: هاا ي واضح انو خالج يعز امج هواي وما كدر يتحمل فراكهه
بان: ي هواي يعزهه...
ليث: وانتي هم شكلج تعزي
بان: طول الوقت ارد عليه بدون ما اباوعله بس من كال هيج رفعت راسي شكيت بقصده ردت اغثه كتله. اي هوااااي اعزه هذا خالو مو اي احد.
فديته ما انسه وكفاته ويانه هوا و بسام خطيه دائما جان يساعدني بالدراسه ويمرلي للجامعه خاف احتاج توصيه او شي ماجان يفرقني عن خواته ابد، جنت احجي وامدح بي واني اشوف الكدامي شلون تلفه اعصابه من السيرا وخنزر عيونه اختك موو بسيط، كال وهوا صلك سنونه كلت راح يطير وجهي ابوكسي
ليث: يي ست بان وبعد ما جان يطبطب عليج قبل لا تنامين ويغطيج.
بان: لاا مو هل درجه كتلك خواان خوان مثلنه يعني، احجي ابورد وبداخل ميته خوف سكت بس حسيته شتعل نار ويباوعلي بنضرات مميته سويت نفسي اكل ما احس غير نتر الصحن من كدامي باوعتله برائه كال بترا
ليث: كومي نامي لا تضيلي كدامي كومي
بان: بلعت ريكي وهزيت راسي وكمت ردت اخذ الصحن من كدامه اغسله اخذا بسرعه وضربه بعصبيه بالطاوله وكسرا شهكت وخليت ايدي عل حلكي
ليث: وهسه ماكو داعي يالله طلعي من كدامي.
بان طلعت بسرعه بخطوات سريعه لا يكعد احد عل صوت كلت للبنات الصار ونزلت ميسم تنضف ومن رجعت كالت مالكيته بالمطبخ ضل بالي يمه عزا بعيني جان نفضحنه
ليال: بشنو تفكر ياحلو طلعت مو سهل
بان: اسكتي ليال والله بالي يمه
ليال: لاتخافين هسه يرجع وبرئيي إلى سويتي خطوه حلوا اراهنج ما راح يجيب سيرا الاخوا مرا ثانيه هههههه.
بان: اعتقد حرم هههههه، نامو البنات واني بقيت سهرانه لزمت الشباك شفته دخل للبيت يالله رتاحيت سمعت خطواته عل الدرج وتحركت يده الباب طفرت للسرير بسرعه وغمضت ودكات كلبي الف وكف بالباب شوي وطلع شكد صعب اكون قريبا منه بس بعيده بنفس الوقت اااف.
ميسم: عندي متحان وتفقت وي رحاب ادزلي ملخص ومنتضرتهه اشو اراسل وماكو اتصلت عليهه اول ما ردت عليه ستلمتهه.
لج عوبا وينج وين الملخص خلي اقرا شوي ما صار عندي مجال اقرا اليوم بعد إلى صار واعرفج تلخصين الماده دزي خل اراجع عل سريع لان اكيد ماتقبل تأجلي لو امو...
باسل: تنفسي
ميسم: ممنو وياي وين رحاب
باسل: باسل وياج صاحبتج بسابع نومه ونست نقالهه بالصاله
ميسم: اوك بس حتاجيته شوي اسفه عل الازعاج باي
باسل: احم لحضه انطي مجال شبيج دفشه
ميسم: عفوا شنو قصدك اني دفشه
باسل: لاا اصلا صوتج حلو ماينمل بس ماتنطين مجال.
ميسم: بقيت ساكته مصدومه من كلامه جاي يتغزل لو تراوالي، رجع كال
باسل: وين رحتي لاتكليلي خجلتي
ميسم: عفوا ومن شنو اخجل بالله
باسل: لا انتي هيج اوك، شلون صارت اختج
ميسم: الحمدالله زينه. تصبح عل خير
باسل: لا اله الى الله غير تنطي مجال
ميسم: لا تفضل بس ماريد ازعجك اكثر
باسل: ي واضح المهم، شلون راح تمتحنين باجر ونتي ما دارسه
ميسم: راح اقرا إلى اكدر عليه وامتحن.
باسل: ماراح تلحكين لاتعبان وراح تغفين عل كتاب ماشفتي حالتج اليوم، روحي نامي وانه اخذلج اجازه
ميسم: نصدمت اكثر من هذا كلامه كتله، لااا لاا ماكو داع، قاطعني كال
باسل: احم عتبريهه خدمه اليث والعائلج مو شي شخصي يالله روحي رتحاي الموضوع عندي
ميسم: شكرا معروف ماراح انسا الله يقدرني وارجعه الك
باسل: والله اذا تشوفين لازم ترجعي ماعندي مانع وعل عموم عفوا، تصبحين عل خير.
ميسم: ونت بخير، سديت النقال وكمزت ي خلص من الامتحان صدك حسيت بالامتنان اله ماعرف ليش اخلاقي ويا هيج مبين صديق ليث ويحب يساعدني عل هذا الاساس مو علمود شي وهذا كلامه هم ريحني...
هبه: كاعدين عل الغده وتفاجئنه بالكالت عمتي عن ليال والحادث إلى صاير وياهه يوسف اول ما سمع تخربطت احواله وكام را ليهم ويعقوب متفاجئ مثلي شلون من امس وكل هاي الاحداث صارت واحنه ما نعرف رحنا اطمنا عليهه كلبي وجعني عليهه لان احسهم خواتي إلى ما جان إلى نصيب بيهم ويعقوب كعد يسب يلعن الحمدالله سعد ما جان موجود لان خلال عشرتي وياي عرفت انو يتخبل انو احد يضرب مرا وخاصه ليال هواي يعزهه حضنهه وجان هواي خايف عليهه يي عادي هوا وي الكل هيج.
بس كانو بالغ شوي مايصير يحضنهه لانو مو اخوهه حتى لو معتبرهه هيج اووو هسه اني شكو مدوخه روحي وافكر بهذا الموضوع التافه.
ادردم بكلبي وصافنه اباوعله نتبهت من هز راسه ياشرلي بمعنى شكو بتسمت باحراج بمعنى ماكو شي عزا بعيني نفضحت كاعده وصافنه بي...
ليال: مرات يمر عليك ضرف صعب ومزعج ويدمر النفسيه وحتى يكسر شي بداخلك مثل إلى صار وياي بس بنفس الوقت يثبتلك شكد اكو ناس يحبوك ومهتمين بيك ليث ويعقوب البنات ويوسف غير ماما وحتى بابا إلى ما قبل عل سعد كل هذول وحرك كلبهم على هونو على كسرت الخطار وفكرت اني هنت عل سعد وانو يضربني لدرجه الاذيه بهذا الشكل حتى جاسر ما هنت عليه يشوفني بهاي الحاله ومع هيج حترك قلبي من شفته ضربه بعنف ما يتفاهم بالضرب المافيا.
اباوع الكعدتنه شلون حلوا سوالف وضحك حتى الوجع خف كاعدين مندمجين لحد ما نفتح باب القصر ودخل جاسر بسيارته لجوا وياا عمتي وبان الكل باوع الهم بستغراب عزاا تذكرت كلامه مال البارحه بس ما توقعته راح ينفذه نزل وصار ينزل بالجنط وفتح الباب لمه وبان نزلن بابا شافه تخبل وشتغلت المشادات الكلاميه بينهم وكل احنه واكفين عل اعصابنه يعقوب وكف بينهم وبين هوا اليدعي انو بيت جده ومن حقى يسكن بي وبين بابا إلى مايقبل نحلت الازمه بالاتصال بالمحاميه إلى اكدت انو من حقه انو يسكن باي مكان داخل ضمن الورث وبالوصيه وهنا شتدو اكثر ورادو يتكافشون لو ما ليث ويوسف اخذو بابا وطلعه ويعقوب اخذ جاسر عل صفحه يهدي بهاي الاحداث اني احس راسي راد ينفجر من صياحهم وجسمي بقى يرجف وبان خطيه تبجي اخذوهه هبه وميسم ي ومهه دخلوهه وماما لازمه بيبي بالكو دخلتهه لان زيدت النار البينهم بقيت واكفه متصنمه بمكاني اباوع عليه بحقد تقدمت بخطوات بطيئه ورحت وكفت كدامه وهو ينفخ معصب باوعلي كتله بعصبيه.
شوكت رااااح تبطل حقد وخبااااثه دمرت حياتنه كاااافي، ولا هتز من كلامي بس رفع حاجبه بروده يجلط احس دمي كام يغلي
يعقوب: اهدي ليال مو هيج تنحل الامور لا ترجعين تعقدينهه
جاسر: تركها خلي تحجي البكلبهه بس الضهار هي فاهمه الموضع غلط هه ماتعرف انو هذا الاريده بالضبط ادمر حياتكم سمعتيني ادمر حياتكم هوا هدفي ولكيت انو بعد هل كم متر ما راح يأثر عليهه فكلت اجي اكعد بينكم هيج اخربهه عل مزاجي عن قرب.
ليال: نصعقت من كلامه قشعر جسمي لعد شكد حقده خطير وحقير اشرتله بصبعي بتهديد
لو اموت ماراح اسمحلك بهاذا الشي يا حقير، عيونه نطت حمر ويعقوب يهدينه بالكلام مااحس غير لزم اصبعي وعصرا حيل ولوا وكال بعصبيه مكتومه وتهديد
جاسر: انه ما اتهدد ولسان كصري عن الغلط لا اكصه فاااااهمه.
ليال: روحي شاغت من الالم ويعقوب يحاول يخلص ايدي منه وهي اصلا متاذيه من الوكعه صفرت اذني وختل توازني وبعد ما حسيت بشي غير ادين حتضنت جسمي وهنطت وي جسمي للارض لمحته هوا حاضني وصوته باذني يصير اسمي وبعدهه فقدت كلش اتمنى عندي القوا ادفعه وابعده عني
كعت فتحت عيوني نايمه بالاستقبال باوعت البنات وماما يمي بسرعه اجوي يطمنون على طمنتهم
هبه: ليال حبيبتي انتي بخير
ليال: يي يي مبيه شي.
هبه: خلي اكل ليعقوب باله يمج
ليال: هزيت راسي وراحت ميسم جابتلي مي
ميسم: سلامتج ليول شبيج هيج وكعتي لو ادري ما تركتج يمهم
ليال: لا تخافين ما بيه شي شلون وصلت لهنا، بس كتلهه هيج الضحكه شكت حلكهه وضلت تتغامز
ميسم: ممم شلون اجيتي ياترا هيج مشيوله مثل الاميرا عل ايدين الهيرو جاسر اوجهه مخطوف من الخوف غسل وجهج وفرك ايدج وما تركج غير لمن نتضمت انفاجس ودكات كلبج، اوي فديت الرومنسيه.
ليال: لزمت التكيه وضربتهه بيهه، شفتي بس المشهد ما شفتي الكواليس
ميسم: هههههههه عل جايات، هاا ليول ترا بان كلش محمله عل نفسهه وحبست نفسهه بالغرفه
ليال: حرام صارات بوجهه كمت رحت الغرفتهه فتحت الباب كاعده مهمومه، شبي الحلو مغيم
بان: ليال كعدت شلون صرتي تعالي كعدي
ليال: الحمدالله لاتخافين كعدت ونمت عل رجلهه باوعتلهه، شبيج.
بان: بعد كل هذا وتسئلين شبيج طبين عليكم هيج وسوينه مشكله جنت اعرف من نبهني ما اكول جاين يريد يسوي مشكله عذريني حبيبتي
ليال: وعل شنو اعذج ترا صدكي البيت بيتكم وحالنا من حالكم بس اخوج ما عنده سلوب لتفاهم ويدور مشاكل اما عن وجودج فاني طايرا من الفرح اصلا ومو بس اني فد ناس هم
بان: دخيلج بوجود جاسر ما اشوف غير الحيطان هههههه، صحيح ليش وكعتي
ليال: دخت شوي من الاصوات والعرك
بان: بعدج تعبانه.
ليال: ي سويلي مساج وهتمي بيه يالله
بان: اني الاكبر والضيفه هنا انتي هتمي بيه
ليال: ههههه هتمي بيه واهتم بيج
بان: حضنتهه فراحنا تدرين رغم هاي المشاكل بس وجودي هنا يسعدني
ليال: وهذا المطلوب اصلا اني متفائله انو يتحقق ولو جزء ازغير من الشي اليتمنى جدو وانو نخلص من الاحقاد بوجودكم هنا صح هوا مثل الحلم بس مو بعيد عل رب العالمين.
بان: امين...
هبه: بعد ما اطمنا عل ليال وهدى الوضع واستقر رجعنه للبيت اخذت ملابس ودخلت للحمام وخليته يبدل طلعت انشف بشعري اباوعله متمدد عل السرير رفع راسه باوعلي كال بسوال
يعقوب: ليش اصفنين عندج شي ترين اتكولي احس هواي بالج شارد هاي الفترا
هبه: هااا ليش تكول هيج مماوك شي
يعقوب: همم ليش صافنه على وحنه كاعدين
هبه: شننوو شوكت مو قصدي هيج شردت شوي
يعقوب: شو باوعيلي
هبه: باوعتله بتوتر احس جاي يستجوبني
بتسم وكال بغرور.
يعقوب: هههههه شبيج هيج خايفه ترا ادري حلو عادي باوعي براحتج
هبه: باوعتله ورديت عليه بغيض، منين جايب هاي الثقه مو شايلتك من ارضك اصلا، كلت هيج طفر من السرير بالحضه وصار يمي ورفعني بحركه سريعه شالني من الارض الكتفه نصدمت
وصرخت بتلقائيه ااااا نزلن يعقوب حباب
يعقوب: مو شايلتني من ارضي مو اني اشيلج وما انزلج اله تسحبين كلامج
هبه: ماا اسحبه اااااا لا تفر حباب لا اضرب بشي
يعقوب: سحبي لا اذبج بالارض.
هبه: مااااا
يعقوب: واحد ثنين ثلاثه
هبه: سيته شمرني صرخت وغمضت عيوني منتضرا انصدم بالارض بس حست بالسرير جواي فتحت عيوني وتعالت دكات كلبي وتخربطت من قربا مني صاير فوكي مستند عل اديه ومبتسم عل شكلي وجهه مقابل وجهي دنك كال وماصار يفصلنه غير كم سانتيم انفاسه لامست بشرتي ركز بعيوني همس
يعقوب: عيونج مثل الكهوا نضراتهه تعدل المزج.
هبه: تخربط كلبي وضليت ارمش بعيوني ومن حسيت نضراتهه نزلت عل شفتي غمضت بقوا وحسيت بقربا اكثر شاركني النفس همس بهمهمه مقابيلهه
يعقوب: لو ساحبه كلامج جان ما خلصت من اليوم.
هبه: احس رحت بغير عالم رغم ما لمسني بس احس جسمي كله نحل فتحت عيوني بثكل ما جان مو جود بالغرفه كلهه كمت بسرعه غسلت وجهي شبيه اني شجاي يصير بيه كلمته ضلت تتردد ابالي شنو قصده ياربي شبيه هيج تائرت شيكول على هسه خدرت من الكلامه مثل الثوله اوووف.
ليال: الكل خضع للامر الواقع وسكت بس بابا و بيبي حتى سكرهه صعد بسما يكدرون يسوون شي ماما والبنات عزلو السويت الفوك اله وغرفه البان وغرفه عمه جوا نتقلو هنا لانو يريد يسوي تغييرات وتصليحات ابيتهم هيج امفهم امه بس اني اعرف غايته وهاي حجه حتى ينفذ تهديده السعد إلى الله يعلم من يجي شنو راح يصير، غفيت بعد تفكير طويل وكعدت ما اعرف شوكت عل صوت الباب يندك كمت بسرعه فتحته خفت صاير شي رتديت خطوا سريعه لورا منشفته كدامي ولا كانو مسويشي تكا ايده عل باب وباوعلي من فوك لجوا وكال.
جاسر: مابيج شي الحمدالله عبالي رحتي بيهه بسببي
ليال: بعد عن وجهي شجابك ما عندي كلام وياك
جاسر: لسانج
ليال: شنو تريد ليش جايني
جاسر: جاي اكلج من اليوم انه هناا تعودي عل هذا الشي حتى ما يتكرر الصاراليوم
ليال: تحلم اسكتلك
جاسر: هه معناهه تحمل من اسكتج بنفسي مو تموع روحج بيدي.
ليال: كال هيج وباوع الجسمي بنضرا غريبه وغمز رتعدت وخجلت حس على بتسم بتسامه جانبيه ودار وجهه ومشى ضليت افكر بكلامه واتذكر شلون حضني من وكعت لا وشالني هم ااااا حقير حقيررررر ضلت الوم بنفسي شككني بنفسي كمت قفلت الباب و بالكوا نمت واني مقررا اتجنبه عل كد ما اكدر طول ما هوا هنا لا يجلطني...
إني عرفتُ من النساءِ قبائلاً
لكنْ كرسمكِ لم تجد ألواني
من أيِّ نافذةٍ دخلتِ عواطفي.
ونشرتِ هذا الطُهرَ في بُستاني
أمِنَ العوائقِ نحنُ نُخفي حُبّنا
ويل الخريفِ من الربيعِ الداني!
قد كنتُ أكفرُ بالهوى وبأهلهِ
أنتِ التي أرجعتِ لي إيماني.