رواية الشيخة ليال للكاتبة الوردة البيضاء الفصل الثاني عشر
كلّ الطرق
تحملني لغيرك
لكنّ روحي
دائمًا تقودني إليك
ميسم: واكفه ابدل امس ما داومت تذكرت شلون كعدت مفزوعه وحاسه بالندم لان ما قريت من يكول راح كدر يأجلي وبصفته منو شلون نصطرت البارحه ونمت وما فكرت باهذ الشي غسلت وجهي ورجعت اجتني رساله باوعت الرقم غيرب كاتب
لا داومين اليوم، ضلت صافنه بعدين ستوعبت هذا باسل اكيد، رديت
شلون يعني
باسل: اجلت الامتحان واخذتلج اجازه اليوم ارتاحي واخاف اختج تحتاجج.
ميسم: عجزت نشو ارد عليه وبعد تفكير كتبت بس، شكرا
باسل: عفوا...
ميسم: فتحتهه وما رديت بعد.
بدلت ونزلت جاي اطلع من الباب للسايق للكاني يوسف بالباب
يوسف: صباح الخير شنو دوام
ميسم: صباح النور ي رايحه الدوم، جاي تشوف ليال مو راح ادخل اكعدهه الك
يوسف: لا خليهه نايمه وخلني اوصلج لان جنتي غايبه اعتقد امس احاجي المديرا الج.
ميسم: هاا لا ماكو داعي اني اخذت اجازه بيد رحاب وهسه السايق منتضرني لا تعب نفسك بس هاا مو تنسه طلعه نهاي الاسبوع
يوسف: هههههه لا ما انسه راح اطلعكم وعل حسابي ركزيلي ب عل حسابي
ميسم: مركزه مركزه بس طلعنه ههههههه
يوسف: ههههه اوك اتفقنه بس انه زعلان هاا
ميسم: ليش
يوسف: يعني يصير كل هذا وما تكليلي مو عل اساس اصدقاء واذا حتاجيتو شي تكليلي.
ميسم: صدكني كلشي صار بسرعه وجنت مرعوبه عل ليال وبعدين سالفه جاسر وسعد عقلي تشوش وماصار مجال اراسلك، دنك راسه وتنهد باوعلي كال
يوسف: يالله عادي ماالومج اساسن جاسر قام بالواجب بس مرا ثانيه ياريت تكليلي اذا حتاجيتي شي
ميسم: نشالله يالله اني تاخرت
يوسف: يالله روحي بالتوفيق.
ميسم: بتسمت ومشيت، وبكلبي حاسه بي صعب تحب احد مو حاس بيك يمكن بس اني لاحضت خوفه ولهفته عل ليال امس ليش مكتوب علينه هذا العذاب اااوف...
ليال: كعدت وهاي مرو 3 ايام ما اداوم بس اليوم حسيت نفسي احسن نشالله باجر اكدر اداوم لا انسحل بالمواد واضيع الاول والتالي.
نزلت لجوا وتفاجئت انو بان همات ما مداومه وكاعده تتريك بالمطبخ هي وامهه اوف وهاي مشكله ثانيه كتلهم، صباح الخير. بان ردت وعمتي ردت بدون نفس غلست وجهت كلامي البان، شنو ما مداومه ليوم
بان: لا ما عندي شي مهم انتضر نداوم سوا باجر اداومين مو
ليال: ي نشالله لانو فاتني هواي
بان: ي نشالله
ليال: شنو كاعدين تتريكون هنا، بان باوعت عل امهه ودنكت ساكته هي ردت علي.
ام جاسر: كلمن يكعد بالمكان إلى يريحه مو معناهه اجينه هنا يعني نصير عائله وحده وننسه كلشي فترا وكلشي يرجع الوضعه خلينه هيج احسن.
ليال: طبعا وجهه ما يكصه السيف كتلهه، ي طبعا براحتكم، بس اني اشوف انو احنى نبقى عائله مهما صار واكيد راح تسمحولي اشاركم، غلست و بان بتسمت وسحبتي كرسي رحت صبينلي جاي وكعدت وياهم اكل وادردش وي بان. ودخل ليث ستوا كاعد صبح علينه وطلع كالب خلقتهه باوعت عل بان عرفتهه دايسه ابطنه بعد الريوك رحنه الغرفتهه نعزلهه ونترتب غراضهه وسئلتهه، بانو شبي ليث مضروب فيوزه.
بان: بسببي
ليال: هههههه واضح.
بان: حجيت الهه الصار
ليال: اوو فتحتي عل نفسج باب بعد هذا كلامج اذا عرف خاطبج راح يقفل اكثر
بان: عزاا ي والله هسه عباله اني منطيته مجال
وخالته يتقرب مني
ليال: طاح حضج
بان: مرتين هههههه، يالله عل الاقل خليته يندم عل كلمته من قهر حجيت كل هذا
ليال: لا بالله قهرتي واضح كلش ضايج
بان: ما اتمنى هذا الشي صدكيني اصلان اكلش يسوي حقه واني صاقط حقي بي من زمان
ليال: لاتكولين هيج إلى صار مو ذنبج ذنب المافيه هههههه.
بان: جاسر قصدج احنه واحد بلدنيا انتي ضالمته
ليال: حقود عنيد خبيث
بان: ههههههه خلص خلص ولصت الفكرا لاتكملين
ليال: ههههههه، واو ريسمج يجنن صح كلهه رسوم طبيه بس كلش حلوا
بان: شو راويني. لا هذا مو رسمي جاسر رسمهم إلى جان عدني متحان ومضغوطه وهوا تبرع مشكوا
ليال: ممم ما جنت اعرف المهندس يعرف يرسم هيج شغلات بهاي المهاره.
بان: جاسر من قبل عنده موهبه الرسم بس هاملهه لحد ما ستغلهه بالهندسه وصتاميمه تجنن عل يوم اروج المخططات مال المشاريع إلى صممهم
ليال: سبحان الله جاسر فنان
بان: هههههه مو اكلج ضالمته
ليال: هههههههه
ليال: كاعده بالستقبل بعد ما خلصنه تعزيل اجتني راسله من انس يسئل عني لانو صار غايبه 3 ايام كاتب
انس: شلونج يا مختفيه اشو ماكو
ليال: هههه هلو بيك مريضه شوي بس باجر ادوم
انس: اووف سلامتج نشالله مو شي خطير.
ليال: الله يسلمك لا هيج تعب خفيف، شنو نشالله ما فاتني شي
انس: لاتشيلين هم حتى لو فاتج اني موجود بصفتي سجاج المرحله ههههه.
ليال: ههههههههه، ضحكت بصوت ورفعت راسي صار بوجهي جاسر داخل للستقبل باوعلي وباوع للنقال بيدي وعقدت حاجبه ما اعرف ليش توترت خفيت ضحكتي وتغاضيت عن وجوده هوا ذب السويج وكعد اباوعله بطرف عيني لازم تلفونه بس عينه على نهيت المحادثه وي انس وكعدت اصفح دخل ليث سلم وكعد هم كتله، ليث اريد افتح الشاش عن راسي عادي مو
ليث: مو بعد وقت
ليال: لا تحسنت جاي يقيدني
ليث: اوك تقربي خل اساعدج.
ليال: تقربت كدعت كدامه نزلت الشال وكعد يفتح بي بهدوء
ليث: شلون صارت ايدج
ليال: رفعت راسي باوعت الجاسر بغيض هوا هم عل سوال رفع راسه باوعلي درت وجهي عنه
الحمدالله زينه
ليث: لاتحركيه بطريقه سريعه تتاذه
ليال: ي لا دايرا بالي
ليث: اوك وهاي خلصنه راسج صار منيشن هههه.
ليال: تعددت الكدمات والسبب واحد، كلت هيج وباوعتله رفع حاجبه مسوي نفسه مو يمنه وهوا ذانه بحضني هههه لفيت شالي وكمت خليت لاسقه جروح مكان الاثر بعده ما احمر.
رحت للمطبخ جهزنه الغده مرت عمو ما طلعت من غرفتهه بان صاحتهه ماقبلت تطلع كالت ما تشتهي بس اني اعرفهه ما تريد تاكل ويانه وحتى تفاجئت من لكيت جاسر طالع من الاستقبال بعد ما صبينه الغده امنتو بالله وسكتت مع انو تصرفه نرفزني بتصرفه بان همات نحرجت تكعد ويانه عل سفرا بحجه ما تشتهي حاولت وياهه ما قبلت وكفت بالمطبخ تجهز غده الجاسر كتلهه جيبي اني اخذه تفاجئت وما قبلت بس اني اصريت اخذت الصينيه وصعد اخذت نفس قبل ما ادك الباب ودكيته اذلي فتحته وفتت متمدد عل سرير رفع عينه هوا هم تفاجئ بوجودي كتله قبل لا يحجي.
ليال: خدمه الغرف الغده رجع باوع بتلفونه كال
جاسر: من عاتب عليج
ليال: جاسر جد تحجي
جاسر: شنو ترديني اكبل ابوج عل غده هم
ليال: اترك عنك الغلط وهذا الكلام ماتهمني انت بس مو من حقك تقيد بان وامك بعد ما جبتهم لهنا وخليتهم بهذا الوضع
جاسر: منو مانعهم عنكم مشاكلي خاصه بيه
ليال: مثل ما كلت عقدك خاصه بيك بس هما يتبعونك، رفع راسه خزرني
جاسر: لا تجفصين
ليال: تنفست بملل، هسه شنو
جاسر: شنو.
ليال: شنو شنو كوم بان ما تقبل تتغده ويانه مسوليتك تخليهم يستقرون مدام جبتهم لهنا
جاسر: هوا تلغين
ليال: ونت راسك حجاره
جاسر: قصدج ما افتهم
ليال: لا العفو باشه انت ابو المفهوميه، يباوع بتلفونه ويحجي وياي من كتله هيج ضحك، ذب التلفون وكام بحركه سريعه فزيت
جاسر: شبيج جبانه، امشي كدامي كولي ما اكل بدونك ليش تتحججين ابان.
ليال: كال هيج وغمز كلبت عيوني واخذت الصينيه طلعت كدامه جاي انزل عل الدرج وهوا وراي سحب الشال رفعت راسي اباوعله ضرب شعري بخفه وكال
جاسر: دور وجهج لج
ليال: ضحكت ونزلت خرب ما يصيرله حل
وديت الصينيه ورجعت تفاجئت ابان عل سفرا اكيد ليث ماكو غيرا شوي ودخل جاسر جايب امه وكعد بدون صوت بابا ضل ينفخ بس ما حجه شي ما اعرف ليش حسيت بشعور وكاني مسويه انجاز باوعت للمحبس بيدي صدك نفسي شوي هههههه.
بان: تفاجئت من ليال اخذت الغده بقيت قلقانه بالمطبخ اخاف يتكافشون واكفه انتضر وفات ليث كالب وجهه على كال
ليث: شنو محتاجه عزيمه
بان: هااا
ليث: شنو هاا تعالي تغدي يالله
بان: هاا لا ما اشتهي مو قصه عزيمه، باوعلي وضيك عيونه كال
ليث: جاسر مانعج تاكلين ويانه
بان: لا شنو مانعني طفله اني
ليث: معناهه خلي اصحح كلامي ماتكعدين لان هوا ومج ماكو.
بان: دنكت راسي، ما احب اكعد امكان مامرغوب بوجودنه بي صدكني ليث لو ما جاسر جبرني ما جنت اطفلت عليكم تعرف ما اكدر ارفضله طلب
ليث: شو رفعي راسج ولا تخربطين بالحجي شنو ما مرغوب بيج شنو تطفلين شو تعالي ماتحمل هاي الخبالات انه.
بان: تقرب سحب وسحبني من ايدي ورا عزااا اسحب بيدي واحاجي ما يسمع مني لحد ما وصلنه الباب لاستقبال سحبت ايدي منه بقوا اشرلي فوتي باوعتله بغيض ودخلت كعدت ميسم الحوبه ضلت تتغامز متت من الخجل اباوعله يخزر بيه وياشر عل الاكل مبين بعده معصب مني شوي ودخلو جاسر وماما ما صدكت عيوني اباوعت اليال مستغربه شلون كدرت اتقنعه بس والله اللمه غير شكل حتى لو بينه زعل بس جنت متقيده وشايله هم اذا بقينه هيج وحنى عايشين ابيت واحد خلص الغده اكلت بشهيه واني اخذت الهم الجاي ما اريد اتقيد بعد اليوم لازم اتاقلم وي الوضع...
هبه: بديت اتاقلم بشغلي بالشركه وجاي اشتغل عل مشروع طايرا من الفرح اول مشروع إلى جاي ارجع بالمخطط واجتني رساله اول ما شفت الرقم والمكتوب رجفت ايدي وتخربطت احوالي مو وكته ابدا مسحتهه بسرعه وحضرت الرقم لحد ما تخلص السنه ينتهي الرابط البيني وبين يعقوب ما اريد اخون ثقته بيه ابدا حسيت ختنكت كمت طلعت للحمامات غسلت ورجعت واني راجعه شفت يعقوب واكف وي وحده بس حسيت شكله مو طبيعي وبيده صندوك زغير تقرب وكفت اتصنت مافهمت شي هوا تونون بكلامهه بس اخر شي الفتهمته نطته رقمهه حتى يتواصل وياهه مادري ليش تغاضيت وراسي نمله اسئله ستفهام عنهه خلت ومشت وهوا فات المكتبه رجعت بسرعه المكتبي سحبت اول ملف كدامي ورح لمكتبه بدون ما ادك الباب فتت كبل ما اعرف شنو سبب تصرفي بس هذا الاجه بعقلي.
جان فاتح الصندوك يباوع بي من نتبه الدخلتي بسرعه سده وضمه وباوعلي وجهه مبين عليه حزين كلت راح يعيط بيه بس بقى صافن على نضراته غريبه كلش بعدين فرك وجهه بكف ايده وكال وصوته هم مو طبيعي
يعقوب: هبه شوكت تبطلين دخلاتج هاي
هبه: اسفه بس لانو سئلت ما عندك احد شنو بيك شي تعبان شكلك مو طبيعي
يعقوب: هاا لا ماكو شي بس دايخ من الشغل شوي انتي محتاجه شي
هبه: هاا ي ردت تجيك وياي هذا الملف بس خلص يتاجل مدام تعبان.
يعقوب: ي أجليه مالي خلك هسه
هبه: واضح ممم تحب اجيبلك شي تشربه جاي كهوا
يعقوب: لاا كملي شلغج انتي انه راح اطلع شوي اشتم هوا وارجع اخذج للبيت
هبه: شنوو ليش ممم اخذني وياك شتم هوا ما ازعجك ونرجع سوا ليش تتعب مرتين، تنهد وكال
يعقوب: يالله اوك امشي راح انتضرج بالكراج.
هبه: طلع واني رحت عل السريع جبت جنطتي ولحكته إلى وياي يباوعن على بشك لان محد يعرف اني مرته ماردت يكولن واسطه وهاي السوالف لكيته منتضرني صعدت حرك وصدك صار يفتر بالشوارع وقريب من الشط فاتح الجامه وصافن باله مو يمي واحس مو حاس بوجودي ابدن ضجت من هذا الشعور احس باله بغير مكان ما سئلته ماردت ازعجه بس بداخلي اموت واعرف شبي صحاني من صفنتي من كال
يعقوب: تنزلين نشرب شي.
هبه: هاا يالله براحتك، نزلنه لمطعم طلب جاي وجابلي عصير ورجع صفن ماتحملت ما اسئله
يعقوب شبيك صاير مو زين لا سامح الله
يعقوب: همم لا ماكو شي
هبه: لو اني جان ما تركتني اله تعرف شبيه واحجيلك بس انته ما اعرف ليش ما اتخليني اشاركك بهمومك.
يعقوب: بالعكس من دخلتي حياتي لليوم هواي لهيتيني عن هموم جانت تاكل وتشرب وياي يعني شاركتيني همومي نوعن ما بس مو كل همه ينحجه واكو شغلات اذا نحجت ما راح تغير شي غير تذكرنه شكد جانت تئذينه خليهه مدفونه احسن
هبه: واضح من كلامك همك مو سهل ومو حاب تشاركه ابدا خلص ما راح اضغط عليك بس رجائن لاتبقى هيج هوا ما متعوده عليك حزين اصلا مو لايكلك خلي النكد بس الي، من كتله هيج بتسم حسيت افرح عل ابتسامته.
يعقوب: منو كلج انتي نكديه بالعكس كلج طاقه ولكعده وياج تريح
هبه: بتسمت وكتله بغرور من الله محبوبه مو بيدي
يعقوب: ااوف الثقه هههه شربي العصير يالله حتى نمشي راح انام هنا كد ما دايخ
هبه: هههه اوك، ضلت بكلبي سالفه الصندوك بس شلون راح اوصله كلامه ذاك اليوم يدك براسي وهسه هاي السالفه هواي جاي تطلع الاغاز بحياته لازم اعرفهه يالله ارتاح.
اول مارجعنه للبيت كبل نام واني هم نمت وباليل طلع واني رحت يم البنات بس بالي يمه جعت للبيت ولسه ماراجع لحد مارجع بوقت متاخر جنت متمدده عل السرير من دخل غمضت فات للحمام بدل وطلع شوي وشميت ريحه جكاير اول مرا يشرب بالغرفه باوعتله كاعد متكي وايده عل عيونه ويدخن شوي ودار وجهه على غمضت بسرعه شوي وحسيته بصفي عل السرير ونام قريب مني تخلبطت كوا مسيطرا ما افتح لو ارمش حسيته سكن فتحت عيوني نايم ضام نفسه مثل الطفل الخايف من شي خليت ايدي بتردد عل شعره سحبهه وهوا مغمض خلاهه جوا راسه ولتسق بيه وجهه صار بركبتي فزيت من حركته بس بقيت ساكنه اباوعله وزاد اصراري اعرف شنو السبب ورا هاي حالت الغريبه ضلت اتأمله لحد ما غفيت...
ليال: لليل تجمعنه كعدت بنات حتى هبه اجتي يمنه بعدهه كلمن راح عل غرفته متعوده قبل ما انام اكلب بالتلفون شوي ما احس غير اجاني طلبات صداقه عل فيس من جاسر تفاجئت وين عرف حساباتي دخلت حساباته اغلبهه عل اعماله وتصاميمه صدك كلهه حلوا وبي صور اله بمواقع الانشاء وبيهه صور بلغترا وي اصداقاءه يعني صور منوعه وحساباته طاكه ما دققت هوا بمتابعينه بس اني غلست ما وافقت وحساباتي خاصه مايشوفهه ضحكت اكيد راح يطك هسه سديت التلفون.
ونمت كعت الصبح بنشاط بدلت للدوام وجهزت رحت البان همات جاهزه اول ما فتت لاكاني انس وصار يتحمدلي السلامه طبعا الصداقه بينه اطورت وهوا جد محترم ابدا ما تماده وياي واخذت كتبه علمود اضبط الشغلات المتاخرا على خلص الدوام ورجعت للبيت هدوء إلى عرفته انو جاسر ما رجع اكول هدوء حتى عل العشه ما اجه متصل عل امه رايح علمود مشروع يشرف عليهه باليل الجو يجنن طلعت كتبي برا وصرت اشر وادرس الفاتني انفتح باب الكراج ودخلت سيارته ما هتميت شوي وما احس غير عل صوته فوك راسي بدن سلام.
جاسر: انس محمد علي
ليال: قرا اسم انس عل الملزمه باوعتله ورجعت اكتب مو مهتمه ما احس غير مد ايده وسحب قصاصه زغيرا من الملزمه وقراهه باوعتله بغيض كتله، مو كانو تماديت رجعهه مو إلى الملزمه ماريد احرك الملاحضات البيهه، باوعلي رفع حاجبه وعيونه بين بيهه الغضب كال وهوا يقرا البيهه
لعَينيكَ يا ليلُ سِرٌّ لا تبوحُ بِهِ، أُغمضتْ عَنهُ عيونُ النَّاسِ فانكَتَما، هذا البيت مثل عيونج شنو سر عيونج ليال عذبتني.
ليال: جسمي بهدت بدون ردت فعل ضلت ساكته شكول بعد...
• أما أنت فقد دخلت إلى عروقي وانتهى الأمر، أنه لمن الصعب أن اشفى منك،.