رواية الشيخة ليال للكاتبة الوردة البيضاء الفصل الثالث عشر
وآدري الصوچ بيهُم بَس گلت فدوه
يَ فدوه شلون عندي اعزاز
لا ذكروا حَچينةة ولا دّنوا خطوة،
جاسر: كانو هواي معذبته ليش هيج
ليال: كال كلماته بغضب، غمضت اعيوني اخذت نفس وباوعتله كتله، ماجنت اعرف بوجودهه حتى لاتشمر بالكلام رجائن
جاسر: اشمر بالكلام للللللج جاااااي يتغزل بيج علني
ليال: جاااسر لا تصيح شبيك كتلك ما اعرف، فرك وجهه وبيده وضل يروح يرجع الورقه بيده ضاغطهه بعصبيه كال
جاسر: منو هذا طالب وياج موو.
ليال: بلعت ريكي وهزيت راسي ي
جاسر: وماكو غير تجيبين ملازمه
ليال: لارد
جاسر: همم سكتي يعني اكو صداقه بالموضع فا اكيد تعرفين كلش زين هوا معجب بييييييج
ليال: كمت وكفت كدامه بعصبيه، ممكن ما تصيح ترا اعرف حدودي ما احتاج احد يحاسبني ولو منطيته مجال ما تصرف بهاي الطريقه جان حجاهه وجه بوجه بعدين تعال بصفتك شنو جاااي تحاسبني البينه عقد وبس لا تعيش دور الزوج براسي.
باوعلي ابورد وتقدم خطوا بقيت ثابته امكاني ماريد يحس خايفه منه بس اني صرت اخاف احصلي كفخه. صار قريب من مايفصلنه كم سانتيم ودنك راسه يباوعلي بسبب فرق الطول بينه كال بستفزاز كل عاده
جاسر: لو صاير زوج براسج جان هسه مكسرا الج والعقد البينه عقد زواج يعني مو لعبه انتي محسوبه عل اسمي لسنه كاامله اذا سويتي شي ما يعجبني اصير براسج عنتر مو بس زوج خلي هذا الحجي براسج.
ليال: كال هيج وضرب عل راسي باصبعه ودار وجهه ومشه. تنفست براحه لان عدت عل هيج بس ما حس غير دار وجهه وحاجاني فزيت
جاسر: وهاا نسيت اكلج، هذا الشاعر الحساس وكفي عد حده لا اتصرف انه وما راح يعجبج هذا الشي مفهووم
ليال: حجاهه بتحذير ودار وجهه مشى خطوا ورجع وكف وباوعلي وكال
جاسر: والا اكلج لا تحجين وياا اصلا ولا تباوعين بوجهه لا افكس عيونه.
ليال: رجع مشه خطوا وكف دار وجهه كتفت ادي تفست بملل اطلب الصبر هوا شكك الملاحضه البيده وذبهه وداسهه برجله عزا هذا المافيا اذا لزم انس هيج يدوس عليه
جاسر: وصلت الفكرا.
ليال: سويتله مشه يدردم ويقلد عل الشعر واخيرا دخل ركضت عل الملزمه بسرعه كلبتهه جنت متاكده اكو غير هاي القصاصه وصدك لكيت اكثر من وحده والبقيه العن يعترفلي بيهن عن مشاعرا وكل وحده وياهه شعر طريقه رومنسيه بس ما اعرف لي ما تاثرت ابدا يمكن بغير وقت جان فرحت واو عل اقل توترت اشو هسه اباوعلهن واضحك اتخيل شكل جاسر لو قاريهن شيسوي بيه، كمت لميتهم ولميت كتبي ودخلت واني محتاره شلون راح اواجه انس باجر اووووف يارب...
هبه: كعدت الصبح جان نايم عل التخم امكانه ما اعرف شوكت كام كعدت صحصحت وبدلت وهوا نايم تقربت حركت خشمه فتح اعيونه بتسم، صباح الخير
يعقوب: صباح النور شنو هل نشاط
هبه: ههههه اني نشاط بس انت شنو هل كسل يالله كوم
يعقوب: لا ليوم نطيت نفسي اجازه مو مزاج شغل
هبه: هاي شنو لعد منو يوصلني
يعقوب: محد نطيتج اجازه هم
هبه: لا شنو هاي ما احب الواسطات اني
بعدين عندي كومه شغل
يعقوب: خلص براحتج خلي يوسف ياخذج وياا.
هبه: كمت افرح رحت وي يوسف للمكتب واني افكر شلون راح اكدر اوصل لغرفته ولصندوك خليتهه عل وقت الغده المكتب خف واسراء راحت كمت اتسحبت بسرعه وفتت بس كلبي يدك الف من الخوف دورت بالجرارات لكيته بوحده منهن طلعت وزادت ضربات كلبي هزيته ثكيل وبي خرخشه خليتهه واخذت نفس فتحته غمضت اعيوني بيد ترجف فتحت عيوني.
باوعتله صارت كدامي صرته وهوا وبنيه يضحكون ما منتبهين عل صورا احس نعصر كلبي من شفته شلون يباوع الهه ابحب بس منو هاي مو البنيه الاجته امس اكيد هي موديته كلبت باقي الصور كله وياهه بالقطات مختلفه بالجامعه يعني حبيبته القديمه ايدي كامت ترجف جوا الصور عقد وخاتم حتى حلقه وشغلات هواي بس ناعمه وجوا كلش اوراق مثل الرسائل مديت ايدي طلعتهم جاي اخلي الصور عل المكتب حتى افتهم ونفتح الباب من الفزه وكع كلشي من ايدي شهكت من شفته كدامي هوا يباوعلي متفاجئ ومن نزلت عيونه عل المكتب عقد حاجبه وخنزر اني جمدت بمكاني تقدم على بسرعه يباوع الصور ملت الارض جوا رجلي واني اباوعله بعتذار لزم ايدي بقوا وعصرهه عيونه صارت حمر كالصاك عل اسنونه.
يعقوب: شلون تجرئين شنو هاا الوقاحه العندج هاااااا جاوبينيييي ليش ساكته
هبه: اااسفه يعقوب والله مو قص، قطع كلمتي ويدي مو تتني من لزمته وكام يصيح
يعقوب: لاااا قصدج وجيتي قصدن حتى تفتحينه للللليش تدخللللين بحياتي للللليش مجبووور اتحمللل وقاااااحتج
هبه: هضمتني كلمتهه عيوني دمعت...
ما مجبور اني ما انحمل بابا فرضني عليك ونت ما مجبور تتحملني
يعقوب: تدرين شنو ما الومه انتي بلاء.
هبه: فتحت عيوني عل وسعهه وكعت دموعي، كتله، بلاء عل نفسي هاي اني ما مجبور احد يتحملني ولا راح اصير عاله عليك انته إلى طلبت نطلك بعد سنه ماكان إلى داعي تتركه تنتضر واذا نفصلتو بسببي اني مستعده افهمهه، جنت احجي بغصه وهوا يباوعلي صافن سحبت ايدي منه دنكت الم الصور دنك سحبهم مني بسرعه وصار هوا يجمعهن فاجئني بحركته معقوله حتى مايردني حتى الزم صورهه تركته وطلعت بسرعه.
فتت للحمامات دموعي عشرا عشرا ما اعرف عل شنو عل كلامه لو عل شفته طلعت عيوني صارت حمر رجعت المكتبي اتصلت بيوسف اذا يكدر يرجعني كال طلعي هسه اجيج اخذت جنطتي ورجعت للبيت اخذت كم قطعه ملابس ورحت للقصر كلت ابقى يم ليال اصعب شعور حسيت بس انو ما عدني ماكان اروحه هوا كلشي إلى هنا بس طلعت ثكيله عليه اكيد اصير هيج مو اني سبب زعله وياهه هه عل اساس كلش هامني تتهنه بي. اتصلت بليال تنتضرني نزلت شافتني عمتي هلهلت من شافه الجنطه بيدي وضلت تذب كلام صدمتني ومريم تبسمر غلست عنهم كل عاده وطلعت اصلا هي هرجت البيت من عرفت بشغلي اكيد تفرح من اطلع من البيت عبالهه مسيطره عل ابنهه عشتو.
ليال: كان اطول يوم بالجامعه لان اطريت اواجه بي انس رجعنه للبيت ما إلى خلك كلش نمت حتى بون غدا لان ماروح للشركه ماقبل ليث اله عل اسبوع الجاي مالحكت اتهنى بالشغل يوميه مصيبه عل راسي ما اعرف شكد مر وقت كعدت عل صوت التلفون هبه رديت صوتهه مو طبيعي وطلبهه غريب نزلت انتصرهه بالباب اجت العيون حمر وبيدهه جنطه مبين عالكه اخذتهه الغرفتي او ما فاتت حضنتني وبجت صدمتني ومتت قهر من كالت.
هبه: ليش اني ثكيله عل دنيا
ليال: حضنتهه شنو هذا الكلام حبيبتي والله ماكو منج بالدنيا ليش تكولين هيج
هبه: محد يريدني احس روحي نحس ياهو الادخل بحياته تخرب وبس يريد يخلص مني
ليال: اشش ماريد اسمع هذا الكلام شنو يعقوب وياج لاتزعلين منه هوا مرات يعصب ويضل يلطش بس والله ما كو احنه منه
هبه: اعرف اني الزعلته وغلطت بحقه
ليال: مو قصدي هيج
هبه: لا جديات اني الغلطت بحقه.
ليال: بعدت عني ودخلت غسلت وبدلت وخلت بالفراش نامت واني واكفه مو فاهمه شي بس واضح هي ماتريد تحجي شي يالله ياخبر بفلوس باجر بلاش اني هم رجعت لفيت راسي ونمت لان النعسه بعيوني...
بان: رجعت داومت اليوم دراستي اتجيب التعاسه كد ما تعب بس اني احبهه وانتضر الساعه إلى اتخرج بيهه وامارسهه باوعت للروب وبتسمت بقيت لابسته بعد ما طلعت من المختبر رحت للسنتر جبت عصير وكعدت بالحديقه اتفرج عل طلاب لفت نضرا واحد وستغفرت لامستحيل هوا واكف وي ولد يسولف عزا شجاي يسوي هنا ليكون عنده حبيبه هنا والله اذبحه واذبحهه وضحت الروئيه وتاكدت هوا من تقدم على وكف كدامي ونزع نضارته واني اباوعله متفاجئه لوجوده اهنا كال.
ليث: سلام
بان: وعليكم السلام شنو اليوم عدنه، اخذ من ايدي العصير وكعد بصفي يشرب بي كال ونرفزتني كلمته احسه متقصدهه لان تضوجني
ليث: كلت امر عل اختي اخاف محتاجه شي لاتكول ما وكفولي مثل خوالي
بان: كتله بنترا وكتفت ادي، لاا ما مامحتاجه شي وحتى اذا احتاج عندي اخو واروح اكله
ليث: عفااا احنه وجاسر واحد منا وهيج كليلي الي.
بان: باوعتله بطرف عيني كتله، اني ما عندي غير اخو واحد ماحب انطي مكانته عندي الاحد ولا اقسمها عل ثنين، من كلت هيج ضحك بصوت ورجع باوعلي اعرف اني غبيه ومبين على الغيض بس مو بيدي كال
ليث: يعني مالج نيه تعتبريني اخوج
بان: لااا ما إلى بس انته عادي براحتك شنو تريد عتبرني
ليث: والله بعد كلامج فكرت اني هم خوات ما اكدر اقسم معزتهن عندي عل تلاثه يالله شنو نسوي راح اعتبرج بمعزت مريم ثنينجن بنات عمي.
بان: باوعتله بحقد وبحركه تلقائيه ضربته بقبضه ايدي بصدرا وكتله، لو تموت ما اقبل، نتبهت النفسي بعدت ايدي بسرعه وكتله بخجل، احم اسفه مو قصدي، ضحك ودنك
رجع باوعلي كال
ليث: ايدج ثكيله عل فكرا
بان: بتسمت كام وكف ومدلي ايده باوعتله بستفهام
ليث: شنو ما راح تسويلي جوله بقسمج ضيفج انه
بان: لزمت ايده وكمت تركتهه ردت امشي رجع لزمهه ودارني عليه باعلي من فوك لجوا وبعيونه نضره اعجاب كال.
ليث: طلعتي مو هينه والله لايكلج شو خلينه ناخذ سلفي ذكرا بي.
بان: بتسمت واحس فراشات طارت من كلبي من الفرح واحد من اهم الناس الاريدهم يفتخرون بيه هوا وكفت قريبا عليه واخذ النه بتلفونه اكثر من وحده بعدين رحت وياا سوينه جوله بالقسم حسيته متقصد يخليهم يشوفوني ويا واني اصلا ما مختلطه باحد عل كد الزماله بدفعتي بس وكم بنيه صديقاتي واصلا واني وياا ماشوف ولا يهمني احد اصلا اني اغار عليه طلعنا بعد ما خلصنه فرا كال
ليث: ي بما انو خلصنه اروح انه محتاجه شي
بان: لا سلامتك.
ليث: عندج محاضرات بعد
بان: ي ثنين ليش
ليث: لا هيج اكول بعد ما تخلصين روحي عل ليال لا تتاخرون بالرجعه
بان: ي اكيد عل شنو نبقى بعد
ليث: ديري بالج عل نفسج
بان: بتسمت. نشالله...
ليث: هاا شكرا عل وقتج والجوله والعصير همات رجعي شربي وسجلي عل حسابي
بان: ههههه بالعافيه تشرفنا باي وقت، مد ايده وعدل حجاب كال
ليث: نتبهي شعرج طالع يالله باي.
بان: هزيت راسي ومشى عيوني اتبعه اخذت نفس جنت حابسته واني وياا وحسيت يومي كله صار مميز غير عن كل يوم...
ليال: كعدت وقت العشا لكيت هبه كاعد وصافنه من شافتني كعدت كالت
هبه: عذريني ليال اجيتج هيج فجئه حتى نسيت اخذ اذنج انو ابقى يمج.
ليال: كتلهه بملل، طبعا انتي وبان صايرات اوفر درامه لسه عتذار وهل سوالف التعبانه حبيبتي هذا بيت جدو وبيته مفتوح للكل وبانو اني مثله شيخه فغرفتي مفتوحه للكل شلوني بالثقه هههههه، بتسمت. جديات اصلا اذا اني مضايقتج اطلع
هبه: لا حبيبتي تسلمين اريد اكعد عل كلبج.
ليال: هههههه فداج خل اكوم وليله اسويلج سهرا غير شكل اني والبنات. بتسمت مبين عليهه الزعل والحزن ضجت عليهه دخلت سبحت وصلينه ما قبلت تنزل نزلت بلغت ماما بوجودهه وكفت اجهز العشه وصبيت صينه وصعدت اكل وياهه جاي ناكل واجتني رساله
باوعت من جاسر كاتب
جاسر: وينج شو ماكو
ليال: جاي اتعشى بغرفتي
جاسر: ليش
ليال: يمنه هبه وما تريد تاكل جوا اكدر اعرف ليش هاي الاسئله كال
جاسر: ماكو شي بسماكو جاي عل سفرا نزلي صبيلي جاي.
ليال: باوعت لرساله بستغراب مبينه حجه حتى ينغص على كتل، ما نشرب جاي عل عشى بعده
جاسر: انتم اني ما اكل بدون جاي
ليال: انت بكلشي رون سايد عموما يمك بان واليشتغلون بالمطبخ
جاسر: لا نزلي انتي ويسرعه قبل لا واكوم الكل من الاكل
ليال: هوووف يعني اذا اني ما موجوده كدامك تنكد على فتنكد عل عالم
جاسر: بالبضط يالله يشاطره نزلي بسرعه.
ليال: كمت بغيض ترخصت من هبه ونزلت صبيتلهم جاي واخذته الهم عل ستقبال خليته ستغربو ما يشرونه وي الاكل بس ما اكدرت اخصصله كدامهم وكدام بابا
ام ليال: هاي ليش جبتي هسه شنو خلصتي عشى
ليال: هاا مي مو كلت خاف احد يريد يشرب هسه ريحته تشهي، مد ايده واخذ كلاص وليث هم وبان زين طلعو كلهم يردون ما نفضحت رجعت صعدت اجاني مسج
جاسر: طلعتي جذابه بس مو شاطره لثتج ترجف من اجذبين
ليال: اتمنى يفوتك شي
جاسر: هه ما تتحقق.
ليال: قريتهه وسكتت صدك ما اعتقد تتحقق.
لليل جهزت النه ميسم تعلوله بالحديقه هي مسؤله عن هاي الشغله تموت بالحش ووالسوالف ام الاخبار كعدنه ندردش احاول اطلع هبه من المود إلى هيه بي ومستغربه وضعهه وضع يعقوب اكثر لا اتصل ولا سئل معقوله الوضع خطير الهاي الدرجه ماريد اسئلهه اريد هي تحجي براحتهه ابن الحلال من ذكرنا بان دخل هوا دخل هوا وجاسر صارت عينه عليهه وهي صافنه ما نتبهت الوجوده اصلا غير لمن سلم رادت تكوم لزمت ايدهه من جوا الطاوله بقت كاعده وهوا سحب كرسي وكعد وجاسر هم كعد وسحب صحن المكسرات كدامه ومندمج بتلفونه وياكل يعقوب يسولف ويانا اني وبان بس مبين ماله خلك وعينه كل شوي تروح عل هبه وهي ساكته.
مندمجين وميسم مدت ايدهه عل الصحن الكدام جاسر ضربهه قبل لا تاخذ وهي ثارت كل ما تريد تاخذ يضرب ايدهه لحد ما عصبت
ميسم: خيرك ابن العم انطي مجال
ليال: باوع الهه اخذ كم حبه ونطاهه وكلهه
جاسر: هذا مجال يالله كش لا تمدين ايدك بعد
ميسم: قحط شنو هاك ما اريد
جاسر: جيبيهم مايرد الكريم اله البخيل
ميسم: بالعافيه يااا بخيل.
ليال ؛ حجت ولاهو يمهه تباوعله بغيض وهوا من اخذهم منهه رجع اخذ وياهم مله كفه وخلا بيد بان وهي شافتهه يخبث وياهه سحبت الصحن بسرعه وركضت كعدت بي عل ثيل بعيد عنه كل احنه ضحكنه عليهه وهوا ياشر الهه بسيطه باوعتله بغرور ضحك صفنت عل حنيته وي بان وشقا وي ميسم تذكرت شبح من جاسر القديم تنهدت وفزيت من صفنتي مني غمزلي واشرلي شكو عود ليش صافنه بيه صدك نحرجت وهسه شيخلصني منه قاطعنه يعقوب كال.
يعقوب: يالله هبه تاخر الوقت خل نرجع للبيت
هبه: ردت ابرود ما اروح اريد ابقى يم البنات
يعقوب: مو البنات طايرات اشو الباب عل باب يالله نعست مالي خلك كومي
هبه: ماااروح مااااروح شنوو تاخذني غصب
يعقوب: صووووتج لاتعلينه.
هبه: كمت وفتت للبيت خليته يصير وراي ويسب ولعن واني دخلت للفراش احس جسمي كله يرجف ما ممستوعبه الاحداث الصارت اليوم ولا كميه القسوا والتجريح بكلامه وما مستوعبه اكثر انو هوا عنده حبيبه اصحي هبه بصفتج شنو تحاسبينه ماريد افكر بي بهاي الطريقه ما بقا شي وراح نتحرر وكلمن يمشي بدربه...
ليال: بان اول النقاش كامت بقينه اني وجاسر لا ناخذ والاننطي يتلاطشون بينه وحنى مو مفتهمين شي بعدين كلمن راح بجهه باوعلي جاسر وكال.
جاسر: شكو شبيهم ذول
ليال: ما اعرف ليش ما سئلته هبه ما حجت شي
جاسر: مشاكل زوجيه شكو مدخل بيهه وهبه هذا المفروض تسوي ما اطلع اسرار علاقتهم ومشاكلهه برا بس هي غلطانه تاركه البيت بدون علمه
ليال: لا والله رغم ما اعرف المشكله بس اكيد شي قوي الخلاهه تترك البيت وهذا من حقهه.
جاسر: حقهه تاخذه منه بيدهه مو تترك البيت لو انه اسحلهه هسه ما عندي مرا تنام برا بيتي
ليال: مو اكلك انته رون سايد ماخذ بالدنيا بعدين هوا الزعل زعل الطلعت وله بقت شنو الفرق يعني
جاسر: اكو فرق بالزعل غير التراضي واصلا احل بالزعل بعدج ازغيرا ماراح تفهمين
ليال: كال هيج وغمزلي عزززا المنحرف شلون لاف السالفه كتله بغيض، واني ماريد اعرف، كام وكال
جاسر: لاتخافين يجي يوم اعلمج.
ليال: بهت جسمي وضلت ارمش بعيوني تركني ودخل وخلاني دايخه بقصده الخبيث.
ميسم: رحاب شجاج هذا عاشر فستان ادزه وتليلي مو حلو وفاضح وخفيف ومن هاي السوالف التعبانه يعني عرس صديقتي وراح البس اسود غير الفستان بي فيكه شوي حتى يبرز اذا ابقى وراج راح اروح بالبجامه.
هااج شوفي هذا شلون حلو وبما انو جسمي ايبيض احسن من وجهي الاجلح فكصت الكتف حلوا ومن الخصر هم حلو راح يضب عل خصري يطلع فد شي وي طولي راح يبرز شوي من ساقي طوله يجنن كلش عجبني شرايج
رحاب: لااا توصفيلي جسمج شايفتج ماله داعي
مرا ثانيه والفستان مو حلو ابدا تخليتج بي فاضح كلش شوفي غير واله اكلج اني راح ادزلج واحد هسه.
ميسم: اهوو علينه ما نخلص الليله عل من الشيخه رحاب بابا قاعه نسائيه شدخل الفاضح بالنص يالله دزي خل اشوف امري يالله دزت فستان طويل ومقفل تصميمه حلو بس مو ستايلي كتبت الهه، شبيج اليوم رحاب شنو تعرفين ذوقي وجسمي مايناسبه هيج شي يطلعني بكد امج تفو عل ذوقج يالله ولي يا حيوانه عل هاي الدكه خل انام احسن اني صوجي اخذ رئيج
رحاب: شنو هل الافاض و لسان الزفر
ميسم: دولي ولي لا اغرد هسه
رحاب:.
ميسم: ههههه فدوا الحبيبي من يعصب و يصير كيوت احبك مممح بوسه صلح
رحاب: تصبحين عل خير
ميسم: اوو قفلتي ونتي بالف خيري بيبي
سديت النقال ورجعت باوعت للفستان هاي المتخلفه مانعجبت بيك اني عشقتك طلبته وثبتت الحجز ونمت مرتاحه لان اخيرا قررت شنو راح البس تصبحون عل خير
يول: آريد آمشَي على طولي ويآچ
و آغور بيچ الولآيه و آفكس عين كلمَن ال
أبد متصيرلك هايه.