رواية الشيخة ليال للكاتبة الوردة البيضاء الفصل الرابع عشر

رواية الشيخة ليال للكاتبة الوردة البيضاء الفصل الرابع عشر

#الشيخه ليال
عيناكِ نازلتا القلوب فكلّها
‏إما جريحُ أو مصاب المقتلِ
ليال: كعدت من النوم اباوع الساعه لسه سبعه اليوم جمعه بس للاسف انه ماله من النوم بسبب الايام الفاتت باوعت عل هبه نايمه كلبي واجعني عليهه البارحه ما نامت الوقت متاخر وبجت هوا خطيه بس ما كالتلي شنو سبب المشكله بينهم واني ما ضغطت عليهه بالنهايه عل كولت المافيه مشاكل زوجيه.

تحركت بالغرفه بهدوء لا اكعدهه بدلت ونزلت ماما بالمطبخ تسوي ريوك حضنتهه من ضهرهه وكتلهه، صباح الحب ياحب
ام ليال: حبيبتي صباح النور اشو كاعده عل وكت اليوم مو عطله
ليال: ي بس شابعه نوم صار سبوع نايمه كلت اكعد اساعد العسل
ام ليال: هههههه بكاشه يالله اخذي الاكل رتبي السفرا.

ليال: ههههه، اخذت الاكل ارتبته عل سفرا لاكيت جاسر نازل مدبل وكاشخ عل اخر حبايه لو ما اعرف جان اغمى على من الشخصيه الكدام بس حرامات هاي الخلقه عليه باوعلي درت عيني افوت وكف كدامي اخذ قطعه خيار من الصحن كتله، شدتسوي اصبر اخلي واكل
جاسر: لا مستعجل اريد اطلع.

ليال: دك نقاله طلعه رد ردت افوت ما خلاني رجع يلكط من الصينيه وكفت بملل ابدي اركع الصينيه براسه بس ما اريد اسوي اي شي يخلي يسوي مشكله بلبيت فمسايرته خلص تلفونه إلى فتهمته منه يريد يروح موقع مال مشروع
باوعلي كتله، هاي تريد تطلع شخليت عن الريوك
جاسر: بالعافيه على المهم، رايحه فتتاح قبل هيج
ليال: ستغرب سواله كتله، ليش
جاسر: راح يفتتحون مول من تصميم شركتنا وماريد ادخل ويدي فارغه كلت اخذج وياي.

ليال: هه اني وياك
جاسر: طاح حضج مو بعينج شنو
ليال: جاسر رجائن ما اريد مشاكل وي بابا راسي توا طاب
جاسر: همم يعني ماعندج مشكله ترحين وياي خايفه ما يوافقون
ليال: ما اعرف بعد عن طريقي، تركته وفتت بس والله اتمنى اشوف مشاريع شركتنه بعد الانجاز بس مستحيل بابا يقبل اروح وياا، جهزت الريوك وكل كعدو بس هبه خطيه ما نزلت شوي ودخل جاسر كعد هذا مو كال راح اطلع نفصام فول شوي باوعلي وعرفته ناوي عل قنبله كال.

جاسر: اليوم راح يفتتحون مشروع المول مثل ما تعرفون راح اروح وهناك راح نتفق عل الدفعه الاخيرا اريد واحد من قانونين الشركه وياي
ابو ليال: ومنين نجيبهم اليوم عطله اجل الموعد
جاسر: ماعندي وقت تاجيل واحب التزم بالمواعيد منتضريني اليوم وليش ماكو احد هاي ليال مو جوده هي ما باشرت الشغل بالشركه يعنين تعتبر وحده ومن القانونين بيهه
ابو سعد: لااا ليال ماتروح وياك لاي مكان وهي اصلا متدربه مالهه علاقه بالشغل.

جاسر: ي براحتك بس اي خلل بالعقد والتسلم انه ماراح اكون مسول عنه بالاخير انه و قانوني حتى افهم بهاي الشغلات
ليث: خليهه تروح وهاذ يعتبر جزء من التدريب كومي ليال روحي ويا هاي فرصه حتى تطلعين عل الشغل.

ليال: باوعت البابا اشرلي بيده كومي بس ما عاجبه الوضع هزيت راسي وكمت ياربي داهيه مو بشر صعدت بسرعه لبست شي مرتب وضبطت نفسي لعد بس هوا كاشخ نزلت بان كالت ينتضرج بالسياره شاكه لحلك بالضحكه وتتغامز باوعت الهه بملل وطلعت كاعد بالسياره صعدت يمه باوعلي بنضرات تفحص وهاي النضرا تخجلني حسيت بالغت باوع بعيوني توترت اكثر كتله، نمشي
جاسر: همم احم اي يالله
ليال: شغل السياره وتحرك درت وجهي عل جامه كال.

جاسر: اشو ما عارضتي تجين وياي
ليال: ليش مو انت محتاج احد وياك وسويتني جمس بوند بالقانون ضحك وكال
جاسر: يعني ما خايفه مني عادي تجي وياي وحدنا الاي مكان
ليال: باوعتله بستغراب وليش اخاف بالاول والاخير تبقى ابن عمي يعني عرضك اني خلي نفسك بمكاني لو بان ما تأمنهه وي ليث، باوعلي بنضرا غريبه كال
جاسر: اكيد امن بس صدمتيني بتفكيرج صراحه
ليال: صح هذا تفكيري بس مو شرط يكون صحيح
جاسر: طاح حضج لو سلكته احسن.

ليال: ههههه المهم قصدي اكدر احمي نفسي
باوعلي رافع حاجبه كال
جاسر: متاكده بالله اذا اطبك بيج هنا شتسويلي
ليال: بلعت ريكي وكتله، يمعود كول يالله بس بوخه اني اصلا جايه وياك عل ثقه وعل اضافري
جاسر: هههههههههاي لا بالله اضافلج كفو منهن بس عل يوم اطيرهن الج
ليال: ضميت ادي ورا ضهري اله اضافري. ضحك باوعت من الشبك وكتله
كانو الطريق طول وين هذا المشروع
جاسر: بغداد.

ليال: شنووووو وليش ما كتلي هيج بعيد رجعني ما اريد اروح
جاسر: مو توج ثقه واحمي نفسي
ليال: لاا بس مو هيج شوكت نلحك نرجع
جاسر: باليل احنه هنا
ليال: كتفت ادي بيأس خرب شجابني اني.

هبه: مااعرف شكد مر وقت واني نايمه البارحه تاخرت بالنوم بسبب إلى صار والتفكير جاي بعد كل إلى كاله جاي اباساطه وبهاذ الاسلوب يريد يرجعني كلني كفرت شفت صورهه عشتو غسلت ونزلت الساعه 11 اووف شكد نايمه دخلت المطبخ ام ليال تسوي غده شافتي بتسمت بتسمت باحراج منهه اجيت وكعدت بيتهم بدون اذا، صباح الخير.

ام ليال: يا صباح الخير تعالي كعدي خل يسوولج ريوك ماردت اكعدج عل ريوك واقلق نومتج بس هاى بالغده بعد ماكو فوك كعدي حالج حالنا انتي هم بنتي
هبه: كلمتهه سوت غصه بكلبي بتسمت بمتنان
كتله واني ما اجيت لو ما اعتبركم بمقام اهلي تقربت مني طبطبت عل كتفي بحنان
ام ليال: كلشي يهون.

هبه: دنكت راسي: نشالله، رادت تصبلي ريوك ما قبلت كلتهه انتضر الغده وياكم كلبت بتلفوني هواي وضغطت على حيل من سمعت صوته دخل يسلم بس ما رفعت راسي شوي ونسحب الكرسي وكعد مقابيلي رفعت عيوني باوعتله جاي بملابس النوم وشعرا مكوش مبين من الفراش لهنا والجكاره بيده دليل عل مزاجه المعكر رجعت باوعت للتلفون كال
يعقوب: شلونج
هبه: الحمدالله، حجى بصوت خافت لايسمعونه.

يعقوب: ليش طلعتي من البيت بدون اذني وفوكاهه ما تقبلين ترجعين وتخليني احجي وحدي مثل الغبي
هبه: اذا عل تركه البيت فختنكت ماكدرت ابقى هناك واذا عل اذنك فما رحت مكان بعيد مثل ما تعرف مالي احد اروحله عتبرني رحت الغرفه ثانيه والبارحه تركتك ومشيت لان انت ما تريد تسمع تريدني امشي بامر منك واني ما اعرف اسوي شي ما اريد او بامر راح ارتاح كم يوم وارجع بوحدي مثل ما طلعت بوحدي.

يعقوب: انتي دائما هيج ردج جاهز عل كلشي
هبه: اذا انته شايف هذا عيب بيه فمشكلتك اني انسانه واضحه وهذا طبعي ومثل مكتلك قبل وارجع اعيد ما مجبور تتحملني واصلا اني بلاء انصحك تخلص منه باسرع وقت
يعقوب: لاتضلين تقيسين عل كلامي الكلته وانه معصب تدرين بيه افقد وما اشوف كدامي وانتي الغلطانه من الاول.

هبه: غلطت وعتذرت ونت ما قبلته ولو نسد هذا الموضع يكون احسن لان ما يخصني واعتذر للمرا الالف انو ادخلت بخصوصياتك جد اعتذر
يعقوب: هبه كافي ترا تعبان وطالعه روحي لاتزيدينهه على رجعي للبيت ما اكدر اخليج هنا
شيكولن علينه اني ابيت ونتي ابيت
هبه: اخر همي اليكولون ؤجائن لا تضغط على اني مرتاحه هيج
يعقوب: بس انه ما مرتاح
هبه: كالهه بنبرا غريبه باوعتلي دنك وكمل كلامه.

يعقوب: كتلج احسج امانه عندي ما ارتح تبقين بعيده هيج
هبه: كم يوم وارجع وهاي كدام عينك
يعقوب: هذا اخر كلام عندج
هبه: وما عندي غيرا، سحب الباكيت وطلع جكاره ثانيه عل ريكه يشرب ويباوعلي سويت نفسي اكلب بالتلفون بس نضراته توتر شويه وكام للاستقبل كمت ساعدتهم بالاكل ورتبت السفرا هوا بقى عل غده كاعد وي ليث من كعدنه اجه كعد يمي همسلي
يعقوبة: ترتبين السفرا و ماخذا راحتج عل اخر.

هبه: مارديت عليه بس صراحه اكلت براحه بوجوده وهوا كل شوي خال شي بصحني واني اشيله بعد الغده كعد وكي ليث وهوا تمدد بالصاله عل التخم يعني كاعدلج اليوم حتى يوسف هم اجه هما متعودين عل هذا الشي اني هم كعدت اسمع لسوالفهم وهو احس عيونه على سويت نفسي مو يمه ميسم جابت الجاي وكعدت يمي لكزتني باوعت الهه بمعنى شكو
ميسم: شنو اليوم يعقوب عدنه
هبه: هوا دائما عدكم لاتتغامزين
ميسم: لا اليوم غير لعد خل ارزل عليه.

باوعت عل يوسف كتله، ي يوسف ما الوعد مو
يوسف: ههههههه لا ما نسيت العصر جهزو نفسكم
ميسم: اوك وراح ناخذ هبه وبان ويانه لانو ليال ممو موجوده
يوسف: ليش وين راحت
ليث: راحت وي جاسر
ميسم: اباوعله تفاجئ وضاج كتله، خلص ناجلهه عل غير يوم
يوسف: لا ليش انأجل اني وعتج وهبه وبان هم ويانه
ليث: وحنه شنو مو بعينك عزمنه بالجذب
يعقوب: طلعت مو كريم عل اخوك وسفه
يوسف: هههههه شبيكم تلاطمتو ماتحتاجون عزيمه انتم اليريد يجي.

هبه: لا تحيبون حسابي جد تعبانه ما اكدر اطلع. كلت هيج وكمت قبل لا اسمع اعترض احد صعدت ليال ودخلت للحمام شوي وطلعت فزيت من شفته متمدد عل سرير كتله. شتسوين هناا، رد وهوا مغمض عيونه
يعقوب: تركتيني وجيتي لهنا اجيت وراج هذا بيت جدي هم عل فكرا وليش ما قبلتي اطلعين لان اني ردت اروح مو
هبه: لا مالي علاقه بيك اريد ارتاح واريح راسي ما اريد اروح الاي مكان فتح عيونه وكام من السرير كال بيأس.

يعقوب: وانه ماراح اضغط عليج اخذي راحتج بس هاي هنا هل يومين وبعدهه ترجعين مثل ما اجيتي وراح انسه طلعتي بدون اذني وجهزي نفسج لانو البنات كنسلن الطلعه اذا ما طلعتي وياهم.
هبه: تركني وطلع هه اجه وما كلف نفسه حتى يعتذر عن الكلام إلى كاله لا ومو شايف نفسه غلطان بالعكس اني الغلطانه بنضرا اااوف.

بان: كعدت اليوم عل عصبيه ماما بعد ما عرفت جاسر ماخذ ليال وياا اصلا اني تفاجئت شلون لتمو عل بعض وبالاخير وكعت براسي السالفه لازم اتحمل لحد ما يرجع ومن جمال حضي ماكو دوام اليوم ما قبلت لا تتغده ويانه تركتهه عل راحتهه بعد الغده جابو سيره الطلعه بعد ما كامت هبه كتلهم، اني همين ما اكدر اطلع اليوم
ليث: ليش ليكون جاسر ما يقبل اطلعين ويانه
بان: لاا لاا بس ما اكدر اترك ماما
ليث: هه ليش وين تاركتهه بالغابه.

بان: ما عجبتني ضحكته وكلامه المستهزء، ترخصت وكمت دخلت يم ماما معصبه كالت شبيج، ما بيه بس اريد اطلع وي البنات مخنوكه
ام جاسر: كعدي وسكتي وين طالعه وياهم وخوج ماهو
بان: شنو قصدج ماما مو لهل درجه مصختوهه
عاد طلعت وضربت الباب وراي طلعت من الباب الخلفي كعدت ورا القصر كدام صاري النخل منضرا يجنن شوي ونحجب عني بمنضرا احلا صراحه هههههه
ليث: اليوم الدنيا كلهه مزعلتج مو
بان: قصدك عل ماما عادي متعوده.

ليث: وانه ترا مو قصدي
بان: تنهدت ما كلت شي غلط صحيح ما اكدر اطلع بدون اذنهم، تقرب كعد يمي
ليث: ويزعجج هذا الشي
بان: لا بالعكس اصلا جاسر ما ضاغط على وحتى لو منعني من شي ما انزعج لان من وفات بابا وهوا يعاملني مثل نبته مو اخته ماكو احد
يخاف على مثله
ليث: همم تحجين وكانو عايشه بين غربا وماكو احد يخاف عليج غيرا وهسه لانو مو موجود ماراح اطلعين ويانه مو
بان: فهمت الموضوع بطريقه التريدهه لل تسألني.

ليث: اااه الطريقه الاني اريدهه مو زين شنو قصدج بالله
بان: مااا قصدي شي خلص كلت هيج وكتفت ادي ودرت وجهي
ليث: عبالي كبرتي وصرتي دكتورا بس طلعت غلطان بعدج دلوعه مثل ما انتي
بان: باوعتله بسرعه بغيض بتسم وكال
ليث: وهذا احله شي ماتغيرتي لان يلوكلج
بان: بتسمت ودرت وجهي طيرت هيبه الزعله اول ما تغزل بيه
ليث: راح اتصل بجاسر واخذلج اذا اطلعين ويانه
بان: لا ماما معصبه ماريد اضوجهه اكثر خلص عل جايات نشالله.

ليث: خلص براحج
بان: صفن بوجهي يباوعلي بنضرا ادوخ خفت اتهور واجيب العيد كمت بسرعه، اكوم اشوفهه هسه تفتقدني
ليث: اوك
ليال: شنو بعد هواي يالله نوصل
جاسر: مابقى شي خلي اطبك اجيبلج اكل
ليال: لا لا ما اريد اي شي اريد بس نوصل تتخربط معدتي اذا اكلت
جاسر: براحتج احسن شي نامي ومن نوصل اكعدج
ليال: واذا ندعمه
جاسر: هههههه ملاحضه اني الجاي اسوق مو انتي
ليال: بس اني الاخصر واسوي لااااا مثل الحركات الافلام ههههه.

جاسر: لأ عايشه الدور كلش
ليال: متعوده عل اكشن
جاسر: لاتتعودين صيري تردين الصاع صاعين
ليال: مثلك يعني
جاسر: ترا انتي ما شايفه مني شي بدون ما امدح نفسي بس صدكي انه مؤذي اكثر من ما تصورين
ليال: تمدح نفسك ليش هذا الشي زين بعمرا الاذيه ما جانت شي زين
جاسر: مو شي زين بس تريح الكلب وطفي ناره
ليال: راح يجي يوم تريح كلبك وطفي ناره من الاذيه بس بعدهه راح يبقى بس الرماد بي وتندم.

باوعلي نضرا غريبه صفن شوي ودار وجهه ما حجه شي اني هم سكتت وتكيت راسي لورا ما اعرف اذا غفيت حسيت حركه اصبع عل وجهي فتحت عيوني صارت بوجهه فاتح الباب وماد راسه فزيت
جاسر: شبيج فزيتي يالله كعدي وصلنه
ليال: هاا وين باوعت واكفين كدام بيت باوعتله بستغراب كال
جاسر: احم راح نتغده عد خوالي بعدهه نروح
ليال: شنو لا جاسر مو لهل درجه ليش ما كتلي جان ما اجيت والله شكد عيب.

جاسر: ليش عيب نزلي لا تكبرين الموضوع انه نطيت خبر الخالي
ليال: اعرفة عندك غايه جبتني هنا بس صدكني ما راح اسوي حركات سخيفه كدامهه مهما صار
جاسر: ي مو انه ماعندي شغل وعمل غيرجن.

ليال: باوعتله بطرف عيني دك الجسر وطلع خاله كلش خجلت من جيتي بهاي الطريقه عرفني عليه بس ارجال جان سلامه بارد خجلني اكثر جاسر حس على من ردنه نفوت ما احس غير لزم ايدي باوعتله مستغربه دخلني وتلكتنه المريه والبنات سلمو علينه ورجعت ضجت لان شافته شلون لازم ايدي وبين عل ملامحهه الانزعاج اريد اسحبهه بدون ما ينتبهون مايخليني لحد ما خلص سلام وردنا نفوت يالله فلتهه.

هي تباوع على ومبينه منزعجه امهه وخواتهه موجودات نفس النضرا اني نبلع لسلني بس اوزع بتسامات مجامله واجاوب عل كد السوال كامو جهزو الغده وهوا يسولف وي خاله شوي ودخل ولد وهم كام سلم عليه وعرفني عليه من عرفته هذا بسام الحجت بان عنه مارتاحيتله واصلا مبين مو راحه ما صدكت شوكت خلصنه غده اصلا ما اكلت وهوا كل شوي يباوع على حس بيه ما مرتاحه كمت اغسل وسجى وخواتهه وكفولي بالباب سئلتني اختهه بهجوميه.

شلون هيج صارت خطبتكم بسرعه انتي وجاسر يعني ليش وافقتي عل هيج سوال
قبل لا ارد ردت عليهه سجى
سجى: هه ليش ما سمعتي عمتي شكالت انو جدهم كاتب هيج بوصيته يعني زواج مصلحه لا حب ولا بطيخ هاي اذا ستمر
ليال: باوعت الهم ابدي اضحك كل اعقلهم متكابلات يردون يستفزوني ردت امشي فسيت من صوت جار وهما هم تفاجئو وبلعو كصوتهم من كال
جاسر: يالله حبيبتي اذا خلصتي جهزي نفسج حتى نمشي.

ليال: بقيت بس ارمش بعيوني هذا يحجي وياي فاتني ودخل يغسل سجى خزرتني ومشت دخلت بغرفه وركعت الباب عزززا صارت الاجواء كلش مشحونه وما اعرف شنو السبب ليش الهل درجه ماخذين موقف مني كعد يشرب جاي وكل شويه ابزه باصبعي اريده يكوم وهوا يسولف اخر شي رنيت عليهه باوعلي وبتسم يالله ترخص منهم وكام لو ما طلعنه وصعدت بالسياره سحبت نفس عميق وباوعتله وكتله بقهر، لو اموت ما اروح عل مكان وياك بعد.

جاسر: جبانه حرامات هاي ونتي شيخه ماتعرفين تصرفين بيهيج مواقف
ليال: اولا اني مو اعرف اصرف اني ما احب اتصنع واذا مكان ما ارتاح بي مااعرف اصرف عل طبيعتي وثانين جيتنه مالهه داعي لو ما انته الك بيهه غايه اوك والدليل الكلمه الكلتهه ما كان الهه داعي ولا لزمت ايدي
جاسر: ياكلمه
ليال: لا تغشم نفسك ميعبرا علي
جاسر: ههههههههه ما اعرف شلون منطيج مجال تحاجيني بهاذ الاسلوب.

ليال: باوعتله بطرف عيني غمزلي نشالله تشكل عينك عل كد ما تنرفزني بهاي الحركه حجيت بكلبي
‎...
ميسم: اتصلت برحاب ودردشنا وبعدهه كمت جهزت نفسي للطلعه جنت متحمسه هواي وكشخت هبه غيرت رئيهه وقررت تطلع ويانه ويعقوب هم بس ليث وبان بطلو طلعنه مطعم ومول قطيتهم قطا معتبرا مو كل مرا تصحلي هيج فرصه بالاخير فترقنه وكعدنه اني ويوسف بكوفي ننتصرهم جابو طلب كال يوسف
يوسف: نشالله نكون كد الوعد ست ميسم.

ميسم: هههههه كداهه بس اني مو كفو مو دست بيكم زايد
يوسف: لا ادللي بس عني تبت اوعدج بشي
ميسم: تحملوني بس السنه وبعدهه راح اصير انسه جامعيه يعني ما ينخاف علي
يوسف: منو كال عيوني عليج هاا مو تكولين ما كال
ميسم: لعد تحملني ولا تذمر ههههه
يوسف: هههههه اتفقنه ما كتيلي شنو خطتج بالنسبه لجامعه اي ختصاص.

ميسم: مم ما اعرف اشوف ابالي اشيى هو، نكطعت كلمتي من رفعت راسي وشفته كدامي يا خذ طلب بس ما نتبهلي شنو ياربي هاي الصدف يوسف نتبه على دار وجهه ورجع باوعله ورجع باوعلي سالني بشك
يوسف: تعرفي ليش هيج سكتي فجئه
ميسم: هااا لا قصدي اي اخو صديقتي رحاب
يوسف: وشبيج كمتي ما اجمعين عادي تشوفي ويالله كومي تاخرنا خل نشوفهم وين صارو.

ميسم: نبرته جانت غريبه عزا بس لشك بشي واو اخذ غير نضرا من غبائي رفعت راسي جان منتبه عل وجودنه بقى يباوع على او مرا ما نتبه الوجودي دنكت وكمت بسرعه يوسف رجع باوعله كالي وحنى طالعين
يوسف: وليش جاي يباوعلج هيج كانو مو عاجبه الوضع بعدين مو هذا الغبي نفسه الراد يروحنه مقابيل المدرسه ميسم بتعدي عن هيج نماذج حتى لو اخو صديقتج.

ميسم: شبيك يوسف شنو ابتعد عنه هوا اني اصلني شكو بيه مجرد اخو صديقتي باوعلي وهز راسه بدون كلام رجعت للبيت راسلت رحاب وحجيت الهه الصار وبالاخير كتلهه
بس اريد افهم اخوج طالعلي بالبخت وين ما اروح بوجهي
رحاب: وليش مو انتي إلى طالعتله بالبخت وين ما يروح بوجهه بعد هذا ابن عمج شدعوا عليه ترا ما ركض وراكم
ميسم: هههههه لج مو تذكرا هوا الرزل عليه بالسياره كدام المدرسه.

رحاب: هوا صحيح ليش اجه خذاج والليله ليش طالعين سوا بينكم شي
ميسم: هوب هوب شبيج كانو فاقده الذاكره مو حجيتلج ليش اجاني المرا الفاتت ومن اتصلت كتلج راح نطلع اليوم وتعرفين ما طلعنه وحدنا هسه تركينه من هاي السالفه خليني اقيس شنو جبت اراويج جبت كومه شغلات للعرس واذا عجبج شي كولي لان ما راح البسهم كلهم اكيد
رحا: لااااا لاا ادزين اي شي خليهه الصبح دزي عل التلي هسه اريد انام.

ميسم: شجاج كسرتي واهسي البارحه واليوم يالله تكسحي نامت عليج طوفه
رحاب: ههههه تصبحين عل خير
ميسم: خجلتيني بالقلب مو عادتج يالله جاو وهاي قبلاتي، سديت النقال بس حماسي نتصر جربت الفستان ورتبت شكلي وشعري واخذت بي لقطات عل مرايه يجنن ما تحملت للصبح لانو اهم شي رئيهه عندي رسلتهم الهه بوقت متاخر وكتبتلهه صبحي عل هذا الكيك والعسل انتضر رئيج ياا عار ‍.

ليال: رحنه للافتتاح وجان شي خيالي العروض والبالونات وكلشي يجنن ونساني اني ندمت اجيت بالعكس ستمتعت فوك الوصف وصرت اني اجر بجاسر منا ومنا بس هوا اغلب الاماكن ما قبل لان زدحام طلع عقده فد نوب بالكو اقنعته لوكف جوا البالونات من يوكعهون من الطابق الاخير شعور يجنن وهوا صور فيدو وبعدين سحلني عشاني لان جد نسيت نفسي وما اكلت ابيت خاله يعني ميته جوع وبعدهه جتمع بيهم وحولو الفلوس اصلا ولا حتاجني ولا شي ما عرف شنو حسيت من عرفته هيج جابني بس حتى اتونس واشوف شي جديد اباوع عل المول التصميم يجنهه لعد شكد مهندس شاطر هوا تلكدت من كلام بان لمساته الفنيه والتفاصيل خرافيه.

جاسر: شرايج بالتصميم
ليال: خرافي عندي مشروع استقل ابيت راح اخلك تصممه الي
جاسر: همم حلو بس اجري غالي راح تكدرين عليه
ليال: هسه اني خل اكدر ابين بيت بعدين اجرك سهل
جاسر: امني با احلامج يا جبانه
ليال: امنت بالله وبعد هوا بكيفه ههههه
اووف بعد هاي الونسه راح نرجع بالطريق الممل
جاسر، ؛ تردين نبات هنا.

ليال: حجاهه بجديه، طفرت بسرعه صعدت بالسياره صعد باوعلي بطرف عينه وحرك السياره من التعب بس حرك نمت قبل لا اغفه حسيت حل شي على من اجاني عطرا عرفتهه سترته ريحتهه طيبه ستسلمت للنوم والغريب انو نمت الطرق كله فزيت وهوا يحرك بوجهي فتحت عيوني هم وجهي بوجهه اباوع بنعاس وهوا يباعلي ضوا السياره خافت مد ايده لزم طرف حاجبي فزيت ونتبهت اني وين باوعت اباب بيتنه نزلت بسرعه.

رجعنه بوقت متاخر كلش اول ما فتت صار بوجهي بابا وسعد يمه جمد الدم بعروكي شوت رجع وما رجع اله بهذا اليوم واكفه اباوعلهم ودخل جاسر يحاجيني مو منتبه بعدين نتبه
جاسر: ليال نسيت اغراضج بالسياره، او ابن العم رجع من السفر تو ما نور البيت والله
‏ وهَذَا اللّيلُ أوسَعَني حَنينًا
‏فَمَزّقَ ما تَبَقّى مِنْ ثَبَاتِي
‏تَلُوحُ الذّكرَياتُ بِكُلَّ دَربٍ
‏لِأَهرُبَ مِنْ شَتَاتِي لِلشّتاتِ.

‏ومَابٍي غيرُ شوقٍ لا يُداوى
‏وبَعضُ الشّوقِ أَشبَهُ بِالمَمَاتِ.