رواية الشيخة ليال للكاتبة الوردة البيضاء الفصل السادس والعشرون
كم
نبضه ستحترق
حتى تدرك
أني أموت
فيك عشقاً
وأن الشوق
في أحشائي يختنق
اما زلت تعتقد أني أستطيع
أن أعشق غيرك
دعك من ظنونك
وأقترب
#وأنا سأ أحبك
ميسم: ممم شتردين من الصبح
رحاب: لج فاهيه صحصحي وياي جاي اكلج لازم نروح للمدرسه علمود صور ما اعرف شنو للبطاقه الامتحانيه
ميسم: ي نروح نروح
رحاب: الصبر ياربي البارحه بيش الساعه نايمه انتي، قصدي انو هسه اليوم لازم نروح.
ميسم: كعدت افرك بعيوني البارحه سهرانه ونمت متاخرا كتلهه، وليش هذا الاستعجل كدامه كم شهر لكدام
رحاب: ما اعرف هي اتصلت وتريدهم باسرع وقت راح امرلج ونروح
ميسم: تذكرت كلام يوسف، لا لتمرين انه اجي وي احد لو وي السايق نتضريني هناك
رحاب: خلص براحتج انتضرج لا تتاخرين.
ميسم: اوك، كمت اسحل بنفسي من النعاس غسلت وبدلت عل السريع ونزلت نطيت خر الماما وفجئه قرر بابا هوا ياخذني بطريقه لان عنده طلعه عل مدرستي صعدت وصلني جانت رحاب وباسل منتضريني بالباب خطيه اول ما شاف بابا تقرب علينه سلم عليه اضاهر يعرفه
اجيت امشي صاح وراي بابا، نعم
ابو سعد: تعالي هاج مصروف.
ميسم: طلع محفضته ونطاني فلوس عززا متت من الفشله كدامهم، بابا عندي شنو انه طفله تنطيني مصرف، باوعلي نضرا ما مقتنع بكلامي
ابوسعد: وين كبرانه مو بعدج بالمدرسه
ميسم: ضحكت بست ايده واخذتهم ودعنه وراح درت وجهي باسل يبتسم دنكت باحراج
رحاب: ههههه ابوج خطيه مادري ابته السانهه بطولهه عباله بعدهي زغير
ميسم: باوعت الهه بطرف عيني
باسل: ي ست رحاب منو ضاحك عليجن وكايلج انتن كبرتن.
رحاب: والله احنه كبرنا بس عدكم ما نكبر هاي انت وماما نفس الشي تعاملوني عبالك بالروضه
باسل: من خوفنه وحرصنا عليج غير
ميسم: بس الخوف والحرص الزايد يضر ما ينفع لاتزعلين رحاب على راح اكوله، بس بسبب حرصكم الزايد جاي اشوف انو ماتكدر تاخذ ابسط القرارات بدون ما ترجع الكم.
باسل: وهذا الصح بهاي المرحله من عمرهه للزم ترجع النه باي قرار بس صدكي هي تعرف انو منطينهه الحريه والثقه إلى تكدر تاخذ القرار إلى يناسبهه بالمستقبل لانو هي راح تتحمل مسوليته بالاخير
ميسم: حجي
باسل: شنو حجي قصدج
ميسم: الشخصيه إلى تنبني عل شي معين صعب انو تتغير، باوعلي بطرف عينه
رحاب: احم احم ملاحضين وجودي لو لا ونتي ست ميسم سكطتيني هدي شوي
ميسم: بتسمت الهه بمرح جاي حجي بصورا عامه حبيبي وين اكو منك انته.
رحاب: هههههههه ولا تبطين تحاجيني بهاي الصيغه ونتي عمري محح
ميسم: اباوعله جان يمشي بعد خطوه كدامنه ومن سمع كلامي دنك ضحك تذكرت من جنت اراسله عبالي رحاب جنت كله هيج احجي وياهه اووف شكلي مراح اخلص من هاي الاحراجات ويا
ليال: يعني راح ياخذونه للغابه واوو شكد حلو
جاسر: من هسه جسمي كام يحكني
ليث: عادي اذا تريد نلغيهه
جاسر: لا كل المدعوين للندوا راح يرحون يعتبروهه ضيافه ولد الكل، بنص الغابه.
ليث: ليش شنو نريد يضيفوك دليميه ههههههه
جاسر: ااخ مشتهيه نشفت بطني من اكلهم
ليال: ابقو انتو فكرو بس بالاكل مو وجه طبيعه وجمال
جاسر: ي عمي احنه وين ونتي وين حتى كاشخه للطبيعه.
ليال: يحجي وباوع بتفحص الملابسي، يبو عل هل عاده المستفزه مع انو ملابس ما بيهه شي اصلا هوا الكاشخ لابس كجول ولونه عسكري كلش حلو طالع عليه، الحمدالله نقذوني من السانه من كالو وصلت السيارت صعدنه بعدهه اخذونه عل مكان يجنن يصير بنص الغابه بس مكان سفاري نزلنه اخذت نفس الهوا يرد الروح و جمال الطبيعه يخبل رحبو بينه وبدت السفرا ويه مرشد سياحي يشرح تفاصل االاماكن والطرقات اباوعله بس يكش باديه يخاف يلسعه شي جاي نمشي وصلنه لتلفريك عالي بس المنضر روعه جوا تحمست الكل صعد باوعت اليث وجاسر مصفصفين تخصرت وكتلهم، شمنتضرين، واحد باوع لثاني ضحكت، ههههه خايفين.
ليث: لا شنو نخاف جهال بس خايفين عليج
ليال: لا تخاف عاجبني اجرب كلش
جاسر: لااا موزين عليج خاف تتخربطين علينه
ليال: شوف باله حجج اذا ما تصعدون وياي اصعد وحدي، باوعولي بستسلام وصعدنه كدت بيناتهم اول ما تحرك بنفس اللحضه لزمو ادي يابه ردت اخرب ضحك بس كتمتهه
ليث: لا تخافين ما نترك ايدج
ليال: ي ي والله هواي خايفه لزموهه اقوا بعد ههههههههه
جاسر: هذا اليمشي ورا مرا يطيح حضى.
ليال: تسكت لو اترك ايدك، باوعلي هز راسه و وضحك باوعت للمنضر من فوك حسيت نفسي طاير وجد شعور حلو بس بي رهبه وخوف واصلا همات بيهم حاسه بالامان ليث ترك ايدي وندمج وي النضر حتى كام يصور وكل شوي مصورنه خجلت منه شلون جاسر مجلب بيدي ضاغطهه ما تركهه وهوا بل شي ناصب علي.
باوعت الجاسر صافن وضاغط عل ايدي واصابعه معانقتهه بتسمت شهل شعور ياربي معقوله انه فرحانه بهاذ الشي دار فجئه باوعلي عقد حاجبه ببتسامه درت وجهي بسرعه خرب شافني صافنه بي دنك همس باذني
جاسر: علكتينه بالسمه علمود هذا المنضر والطبيعه الحلوا بس عيونج خانتج.
ليال: يبووو تمنت اوكع من فوك عل هذا كلامه الحمدالله ليث داير وجهه ردت اسحب ايدي ضغطهه اكثر لحد ما وصلنه ونزلنه يالله تركهه بس عيونه على ويانه بنات ندمجت وياهن وهما بدو يجهزون للغده جانو جايبن وياهم اكل وكعدنه الكل عل طواله خشبيه طويله وسوالف وضحك كلش تونست بس ضجت اكو كم بنيه بالكروب مو راحه ولاخ ماخذ راحته كملت غده وتركتهم كمت اخذتلي زاويه جوا شجرا نعزلت بيهه اريد اسمتع بالمنضر...
هبه: كعدت عل طكطه جاي يبدل يروح للدوام ما اعرف شوكت رجع البارحه من طلع بقيت انتصرا الحد ما غفيت وطبعا ما اتجرء اسئله كمت بدلت بهدء وطلعنه حتى بدون ريوك احس كل واحد صار بعالم ما نطق ولا حرف وهيج مر اليوم عادي بارد بينه وياا خوفي تمر باقي الايام هيج بدون احساس دائما اشتاق النفسي القديمه.
جنت عباره عن طاقه وروح تضحك وتسمتع بكل تفاصيل الحياه ورغم القيود إلى جانت على جنت اكسرهه حتى اسوي الشي اليعجبني الحد ما راهنت عل شخص طفى الروح البداخلي وخلاني انكسر كدام نفسي قبل الناس بي شفت ضعفي وبي نذليت والاصعب من هذو كلهم صرت عاله عل انسان ماله ذنب باخطائي طفيت المي بعد ما تركته يختلط بدموعي حتى لا اعترف بضعفي اكثر طلعت من الحمام انشف بشعري باوعتله متمدد عل القنفه هه واخيرا رجعنه النقطه الصفر، كمت وكفت ارتب الغطى قبل لا انام لحضات وحاوطتني اديه من ورا وصات اديه وشفته تتملك جسمي داني عليه وسحب الروب وذبا دفعني عل السرير بلحضتهه يعقوب ولهفته مو جوده بس حنيته وهدوئه إلى عودني عليه ماجان موجود وكانو يكلي شوفي شلون راح اخذج رغبه حتى تميزين مرا ثانيه وهذا إلى سوا اخذ إلى يريده بدون ما يباوع بوجهي حتى الدمعه وكفت بطرف عيني ختار طريقه صعبه يعاقبني بيهه راد يبعد لزمت كتفه باوعلي بنضرات متهربه رفعت راسي وبسته بشفته حسيته تفاجئ نسه نفسه ومن تفاعل وياي بعته عني بخفه وكمت اكثر شي اكرها بحياتي هي المشاعر السخيفه إلى اتمنى اصرخ واصرخ حتى اطلعهه بس اطر اكتمهه وتنزل بشكل دموع تحركني اكثر، سحبت وطلعت ما جان موجود اخذت غطى وانه نمت عل القنفه حتى فراشه بعد ما اريد اشاركه بي...
بان: كاعده واهز برجلي ماما طلعت وي مرت خالي وتركتني عدهم وتاخرت كاعده يم البنات ونزل بسام من غرفته يوو هسه كملت
بسام: اوو اكول بيتنه منور اليوم
بان: غلست اجه كعد يمي ادنيت يتساخف زغم خواته كاعدات جنت لازمه التلفون بيدي ودك ليث يمه عبالك حس وانه توترت عبالك يشوفني
ولا اكدر اسده ولا اكدر ارد كدام هذا الغول
بسام: هذا شعد يتصل بيج.
بان: بعد التلفون بسرعه اباوعله ماد راسه يباوع بالتلفون، شنو هل تصرفات بعدين شنو دخلك باليتصل بيه، باوعلي بنضرات خبيثه ورافع حاجبه، تركته وكمت ناقصني بعد بس هوا دخلت عل الممر ورديت
ليث: الوو وين جنتي
بان: اسفه بس ما جنت يم التلفون
ليث: همم شلونج
بان: تمام الحمدالله انت اشلونك شلون السفرا
ليث: يعني عادي بس لو انتي وياي وتشوفين هذا المكان الحلو الكاعد بي جان صارت احله.
بان: بتسمت، خلص المرا الجايه تاخذوني وياكم
ليث: قصدج اخذج وياي انه وبس
بان: ممم ومنو كال اروح وياك
ليث: انه اكول شنو عندج مانع
بان: ي اكي...
بسام: يالله حبيبتي بان تعالي تغدي تركي التلفون
بان: قاطع كلامي كال هيج بصوت عالي وهو يبتسم بخباثه وراح ضيت باهته لكد ما اجاني صوته فززني
ليث: منوووووو هذا الكللللب اليمج ووووين انتي
بان: اهدى ليث خلي افهمك.
ليث: شتفهمين هاااا تكليلي بالبيت ونتييي يمه ويكلج حبيبتي مووووو اليوم احرررك ابوج
بان: ليث لاااتجاوز كتللك خلللي افهمك
ليث: بسيطه انه اعلمج جااايج واحق الله اله احركج اااامشي بسرررعه ولللي البيتكم ياللله.
بان: سدا بوجهي ايدي ترجف طلعت لكيته كاعد شمتان تقربت منه كتله، انت احقر واحد شفته بحياتي خليت وطلعت صاحو وراي البنات ما سمعت الهم رحت البيتنه واتصل عل ليث ما يرد لحد ما اجت ماما وكعدت ترزل بيه لان رجعت للبيت وابحدي واني بالي مو يمهه افكر بكلام ليث حتى رسائل ادز ما يرد على ما احس غير نسحب تلفوني ماما خذت من ايدي وشافت الرسائل والمكالمات لان مكابله رقمه وكاعده، ماما خل افهمج، نترت بيه.
ام جاسر: هاااااذا همج مووو جعتليلي عل الجانو السبب بوت ابووج ترررردون تموتوني انتي واااخوج ررراح تزوج بت عمج إلى هوووا وفخريه دمرووو حياتنه والله والله لو مااا الوصيه البلانه بيههه جدج المايخاف الله جان تبرت منه ولاااا ارضه يزوجها وبس تخلص هاي السنه لو انه لوو هي وياااخذ بت خاااله مثل ما تفقت ويااا حتى اقبل بهذ الزوواج وهذاا الكلام يمشي عللليج اذا ضللليتي بهاذ رايج لااا انه امج والى اعرفج واتبرا منكم واكعد هنااااا ولا اعرفكم ولاا تعرفوني كااافي الضيم الشفته من اهلكم بعد مااا اتحمل اكثررر ونتي بكيفج بعد.
بان: جانت تحجي وتصيح بعصبيهه دموعي ضلت تصب حالتهه هستيريا حسيتهه راح تتخربط وهي عدهه ذبحه توصل للموت بسببهه من تعصب كمت لزمتهه، ماما اروحلج فدوا اهدي لا تتخربطين الموضوع مو مثل مانتي فاهمه بس هدي خل نحجي، كعدت بلكوا تجر نفسهه ركضت جبتلهه ماي واجيت شربته واخذت نفس.
ام جاسر: ماريد اسمع ولا افهم جنت شاكه وهسه تاكدت واذا هسه ماراح توعديني تبتعدين عنه وتسدين هذا الموضوع من اليوم مابينه حجي بعد والشفته راح يوصل لخوج وتعرفينه بعد مامو داعي احجي
بان: باوعتلهه بقهر ماما انتي جاي تستغلين حبي الكم وتعرفيني ضعيفه كدامكم ونتي وجاسر اهم شي بحياتي ليش جاي تحكمين على حتى بدون ما تسمعين مني
ام جاسر: هذا العندي.
بان: هيج يعني ي ماشي بس صدكيني انه راح ابتعد عن ليث إلى اصلاً اني بسببج بتعدت عنه قبل وما وافقت ازوجه بس هااا وروح بابا لو تنطبك السمه عل الارض مااقبل بابن وخوج وخلي يكف عني احسله وادري بي هسه هوا التارس راسج على بس صدكيني انه إلى راح اكل الجاسر اذا تعرضلي مرا ثانيه ونتي هم تعرفينه، مسحت دموعي وصعدت الغرفتي احس كوا اتنفس من القهر طلعت الخط بعصبيه وكسرته ونت ياليث هم راح اطلعك من حياتي كلكم نفس الشي تردون تمشوني عل كيفكم بس محد حاول يسمعني لو يثق بيه وانه هم مو بحااااجتكم اللله ياخذني وارتاح ياااارب.
جاسر: ليش نعزلتي اهنا
ليال: رفعت راسي، شبعانه من الناس والحجي خليني اتستمتع شويه بهدوء الطبيعه، كعد عل الصخرا البصفي
جاسر: ماجنت اعرف تحبين الهدوء
ليال: هه هوا اني شوكت شايفه هدوء اشو اكعد عل صوتك وانام عل صوت اسعد ونتم تغردون
جاسر: يالله ما بقى شي سبوع اكثر ونرجع البيتنه تقريبا خلصت الاعمار بي وخمدي براحتج
ليال: هاا راح اتركون القصر، باوعلي وضيك عيونه
جاسر: جنج ما تردينه انروح.
ليال: لااا شعلي روح بس تعودت عل وجود بان وياي
جاسر: سهله هي ترجع وناخذج انتي وياهه
ليال: باوعتله بطرف عيني، ردت ارد عليه واجه ليث وجهه ما يتفسر وعيونه بكصته مبين فول عصبيه كال
ليث: انه راجع للفندق تعبت هنا
ليال: شبيك تعبان مريض
ليث: لاا لا بس دخت شوي من المشي
ليال: خلص اجيب اغراضي ونمشي سوا
ليث: لاا ليش ابقو انتو هنا تعرفيني مو مال هاي الطلعات امل بسرعه اريد ارجع جاسر ليال امانتك.
جاسر: لاتوصي واذا تريد نرجع وياك خاف تحتاج شي
ليث: لاا جديات ماكو شي بس مليت واريد ارجع
ليال: ماا اريد ارجع وياك انه هم مليت، غمض عيونه بتعب وسحبني من ايدي عل صفحهه
ليث: مرخصتك جاسر
جاسر: تفضلو
ليال: شبيك ليث شوف وجهك شلون مكلوب شصاير فدوا
ليث: ماصاير شي صدكيني بس تلاغيت انه وبان وعصبت وهسه خرب واهسي وما اريد ابقى هنا اريد اصفي ارجع اصفي عقلي...
ليال: اااوف ما تشبعون من المناكر انتم ليث كافي جد جاي تضغط عليهه هواي اسمع منهه ولوو مرا
ليث: ي يصير خير نشالله راح اسمع منهه هواي لاتخافين يالله رجعي لا جاسر يحس بشي
ليال: خلي ارجع وياك حباب
ليث: شنو خايفه تبقين وياا
ليال: جاسر لاا شنو السالفه بس خاف انته تحتاج شي
ليث: لا ما احتاج اصلا راجع انام ونتي تونسي هوا بس اليوم باجر راجعين
ليال: تنهدت بستسلام يالله اوكي براحتك.
ليث: دير بالج عل نفسج.
ليال: نشالله، باس راسي ورفع ايده سلم عل جاسر وراح كلبي ما مرتاح لان شكله ابد مو طبيعي اتصلت عل بان مغلق اااوف.
ليال: جعت كعدت يم جاسر ضايجه
جاسر: شبيج ترا رجال مو جاهل وتخافين عليه
ليال: مو خايفه عليه بس ما عجبني وضعه ضايج
جاسر: ونتي ضجتي وياا عل واهس الك الله ياانه محد يضوج وياي
ليال: بتسمت شبيك عبالك عجوز، بتسم وكال
جاسر: عفاا شهل ابتسامه الحلوا كومي خل اروحلج الضوجه.
ليال: وين، مارد على سحبني من ايدي اخذني مكان يسوون بي جولات عل سيارات زغار بس اطاراتهه ضخمات، شنو هاي جاسر لا تكلي راح نصعد بيهه
جاسر: ي راح اسوليج جوله بيهه لاتخافين راح اصعدين وياي
ليال: هذا المخوفني اساسا
جاسر: طاح حضج
ليال: هههههه ضحكت بس جد خايفه منهن لان الارض مو مستويه صعد عل وحده منهن واشرلي صعدت ورا لزمت قميصه
جاسر: حضني خصري لا توكعين
ليال: مديت ادي بتردد حضنته صار راسي عل ضهرهه.
جاسر: خرب شهل حضنه ولج كلهه حنيه ههههه
ليال: خجلت بعدت عنه بسرعه، والله ابطل
جاسر: هههههه لا يالله احرك
ليال: او ماشغلهه ومشت انرعبت حضنته بقوا لان كله طسات احس ترفع وتلطش بالارض لحد ما شويه بديت استمتع بيهه رهبه حماس تونس وهوا اضهر مو اول مرا يسوقهه اباوع عل الاشجار والغابه تجنن سنحت راسي عل كتفهه
جاسر: خفييي على لا ادخل بشجره.
ليال: ضحكت طول يسوق وحلكه رشاش جاب اليسوقون يمه غلط وصياح خربت ضحك لحد ما جعنه وكفهه بعدت عنه نزل اريد انزل احس دايخه لزم ايدي ونزلني
جاسر: شبيج كعدي خل اجيبلج مي
ليال: كعدت راح اجه ولد فتحلي بطل مي شافني دايخه اخدته منيده بتسمت بمتنان مبين تركي رجع جاسر خزرني هوا مشى خليت البطل عل جهه ما شربته اول ما تقرب مني كال مغثوث
جاسر: شيريد هذا
ليال: ماراد شي شافني تعبانه نطاني مي، مديت ايدي عل البطل البيده.
جاسر: شتردين
ليال: مي غير
جاسر: شربي مايه.
ليال: لاا اريد البيدك انته جبته الي. باوعلي بطرف عينه فتح البطل ونطاني ياا شربت شوي ورات الدوخه صار وقت مغرب سوونه خيم وبدو يشون للعشى وشعلو نار لان جوهم بارد اجواء مثل الافلام كعدنه ناكل وبيهم يغنون غنو بالتركي مافهمت بس اصواتهم حلوا صورتهم طبعا جاسر بد ما راح ليث ما تحرك عني سانتي متر من خلصنه كومني تمشينه وكعدنه قريب النهر رغم البروده بس الجو والمنضر يخبل باوعتله صافن ويدخن باوعلي بتسم كال.
جاسر: بردانه
ليال: لااا زينه، نزع جاكيته وخلا كتفي لابس نص، لا تبرد لو يكرصك شي
جاسر: ما بردان جسمي حار عل كولتج
ليال: دنكت عرفت مارح اخلص من السانه، رجع سألني
جاسر: احم ليال انتي شلون مخطط الحياتج بعدين
ليال: هواي امور ما اعرف الوصيه وتقسم الورث شلون راح يكون بس انه حابه اكمل شغل بالشركه واطور نفس لحد ما افتح مكتبي الخاص
جاسر: همم هااي الشغل والزواج شلون.
ليال: ستغربت سواله وشكله جان منتضر جوابي بفارغ الصبر. كتله، اجذب عليك اذا كتلك انو ما جنت مفكرا شلون راح تكون عائلتي الاريد اكونهه وشنو الاسلوب إلى ناويه اعيش عل اساسه وهواي امور بس بعد إلى صار، واذا خلصت فترات الوصيه ونفصلنه راح اشيل الموضع من بالي لوقت طويل كلش او يمكن نهائين، طول ما انه احجي هوا ساكت ويباوعلي وكل شوي يشغل جكاره كال
جاسر: شكلج حلو ونتي تحجين برزانه.
ليال: هههههه ي اعرف اتفلسف، ممم زين وانته شنو خططك
جاسر: ما اخلي خطط ما اضمن نفسي اعيش غير يومي لحد ما يجي
ليال: قصدك خططك براسك ما يطلعن كادم احد
جاسر: احسن موو
ليال: اكيد اذا مابيهه مشاكل، كمنه رجعنه لان قفلت من النعاس ردت اروح عل خيمه البنات سحبني الخيمته جانو فارشيهه، هاي ليش جبتني هنا
جاسر: ما امن اتركج بمكان بعيد عني هنا
ليال: بس البنات ويانه
جاسر: اشش يالله دخلي.
ليال: بستسلام نزعت حذائي وتت جانت مفرشه فراشين وهي زغيرا فتحت شالي وتركت جنطتي وسترته عل جهه كاجنت جايبه ملابس معبالي نفات بس ملابسي ترفات بس نزعت الجاكيت وتمدت بالفراش البصفه وتغطيت جبت مخده خليتهه بينه هوا اول ما فات تمدد صارت مسافه بينه اباوعله مغمض بهدوء غمضت عيوني شوي وما احس غير ثكل عل صدري فتحت عليوني خال راسه ورفع ايدي خلاهه بشعرا
جاسر: رحي بي خل انام ما جاي اكدر بسبب البك.
ليال: صرت احرك بشعرا واكش عنه البك لحد ما غفه وسحبني الحضنه دفن راسه بشعري وضعنه غريب بس ما اعرف ليش ما مستغربته دائما اخلي حجه هذا الشي عل انو رابط الزواج البينه مخليني متقبلته هيج باوعتله شلون نايم بتسمت وضلت اتأمله بي وبمعانيه لحد ما غفيت ويا،
مدري احضنك مدري ابوسك
مدري احط راسي على صدرك
مدري روحي مدري روحك تصرخ بكل
صوت احبك
مدري شصير انا بيه
من. اشوف
انسى كل الدنيا ليش تطلب مني اعوفك
يتبع ملاحضه.
بنات خربطت لان شغوله كلش هاي الفترا يعني صدكو جاي احاوول كلش انو ما اكطعه واكتب وانشر وقت الاكدر عليه واعرف من البدايه انه مو ملتزمه بس ضروف حياتي تغيرت عن القصص القبلهه بس جاي احاول واذا ما جاي ابرر التاخير لان انه ما احب ادخل تفاصيل حياتي بالقصص وكل بارت لازم اكعد اشرح ليش تاخرت واذا باجر راح اتاخر انه نسانه الكتابه عندي هوايه اكتب عل فرغتي وقت اليناسبني وحتى مو حقيقه والتزم وي ناس وهذا الشي بعد اصعب لازم انه اخلق المشاهد ويحتاج وقت وتاخري ماله اي علاقه بحترامي الكم ولا اله علاقه بانو انه انسانه مغرورا وشايفه نفسي ونشهرت وكمت اتمنن عليكم وهاي صراحه سخافه لان انتو ماتعرفوني ولا انه اعرفكم غير من تعلق لطيف ابتسم عليه ويحسني انو اني جاي اسوي فد شي لطيف تستمتعون بي وهي بالاخير قصه باي وقت تنقرا للمتعه ماكو داعي ترهقون نفسكم بالانتضار او تخربطون نضام حياتكم ونومكم والله شاهد انه هم جاي اسهر علمودكم رجائن خلو تفكيركم بسيط واخذو الامور ابساطه الحياه ما ناقصه حتى المايعرفك يذمك وانته بكل الاحوا ممحصل شي المهم وعذروني عل تقصير احبكم.