رواية الشيخة ليال للكاتبة الوردة البيضاء الفصل السابع والعشرون
عريآن
أزيحك من رفيف ألروح
ماتنزاح من بالي؛
ميسم: دخلنه للمديره علمود شغلات البطاقه مديت ايدي بالجيب البنطرون ماكو بس صوره وحده وهي تريد ثنين دورت ماكو
رحاب: شنو جايبه بس صورا وحده
ميسم: اااف لا بس ما اعرف وين وكعدت يمكن بسياره بابا ما جاي الكاهه
رحاب: اكو شي اسمه ضرف يتخله بي الصور
ميسم: هوا اني الصور وشلعتهم من اوراق قديمه مو تردين اجيبلج ضرف
رحاب: ههههه زين ما جبتي صور الروضه.
ميسم: ههههه، حاجيت المديرا علمود اجيب من البيت إلى اصلا ما متاكده اذا موجوده طلعت من الاداره صار بوجهي منتضرنا برا
باسل: خلصتو وين رحاب
ميسم: لا لسه احتاج صور بعد راح اتصل يجيبولي
باسل: راح يتاخرن عليج اكو مصور قريب امشي ناخذلج صور بسرعه ونجي
ميسم: فكرت بكلامه انو هذا انسب حل، مااريد اتعبك وياي
باسل: ببتسامه، تعبج راحه.
ميسم: دنكت جاي يحرجني شدعو هيج اخلاقك فايضه، نطيت خبر الرحاب ورحت صعدت ويا صدك المصور شويه عن المدرسه نزلنه وتفق وياا دخلت لغرفه زغيرا ندمت لان اجيت موجوده وي ثنين ما اعرفهم بنفس المكان كعدت متوترا وبده ياخذ صور وكل شويه يحركني بتجاه كاعده عل اعصابي اريده بس يخلص تقرب مني يحرك راد يغير اتجاه الكرسي واني كاعده عليه فزينه انه وياا من الصوت الاجانه
باسل: خللللصنه مااصارت صوووره صارلك ساعه.
ميسم: عتذر الولد وراد يغمى عليه من الفزه لان جان كلش فاهي وفقير حتى ما باوع وبوجهي رجع صورني عل السريع وطلع وهوا طلع وياا عدلت شالي وطلعت نتضرنه الصور شوي وكام ستلمهن ما تجرئت اكوم انه طلعنه بالسياره نطاني ياهن باوعت بالصور عقجت وجهي
شكد اكره هاي الصور الزغار تكلب الخلقه
باسل: حلوات عل فكرا
ميسم: شكرا عل المواسى
باسل: هههه لا جديات حلوا بس نتبهي لا توكعينهم بعد
ميسم: لاا راح استخدمهم كم سنه لكدام.
باسل: هههههه. واضح مو طايقه الصور
ميسم: ههههه كلش، وصلنه للمدرسه رحاب تنتضرنه نطينه الصور وطلعنه واكيد ما قبل اتصل بالسايق صعدت يوصلوني اعرف هذا الوقت يوسف بالشركه مالي خلك اتناقش ويا
صفنت عل الشارع شوي وكفت السياره باوعت وكفنه كدام مطعم ونزل جاب النه اكل
رحاب: يييي عاشت ايدك متت جوع
باسل: والريوك وين خليتي
رحاب: هههههه تصرف، تفضلي ست اكلي اعرفج بدون ريوك لان سحلتج من الفراش.
ميسم: بكلبي انتضرج اتعزميني غير استحي من ابو الاخلاق رفعت راسي يباوعلي بالمرايه
باسل: اكلي عيب ترجعين عزيمتي
ميسم: بتسمت واخذت الفه، دومج مفشلتني يالله ادري بيج ماتردين الكريم. من كل عقلي احجي وي معدتي وصلوني للبيت وراحو دخلت من الباب صارت بوجهي مريم تقربت يمي من حديقتهم اكيد راح تبث سمهه
مريم: هلا والله ابت عمي منو هذا الحليوا الكل يوم والثاني موصلج للباب.
ميسم: كتفت ادي وكتلهه، شنو انتي شايفته بقصدج عتبري هيج بالنسبه الي، تركتهه ودخلت عل اساس اذا اكلهه منو راح تصدك ام النيه الوسخه عل كولت المصريين
ليال: كعدت فزه، اااخ، فتحت عيوني بنعاس وجه بوجهي يضحك لزمت ركبتي افرك العضه
جاسر: صباح العسل
ليال: دفعته بغيض ما يندفع، صباح الخباثه
بتسم وبعد ايدي ودنك باس ركبتي بخفه همس
جاسر: اكزكز عليهه مو بيدي
ليال: يهمس ونفسه عل ركبتي سنحت بعد عني هزيت راسي كام وسحب ايدي.
جاسر: يالله كومي راح نتاخر
ليال: كعدت بسرعه لفيت شالي ولبست الجايكت وطلعنه من نرجع هم لازم نصعد تلفريك صعدنه لزم ايدي بس مبين مسيطر باوعتله بطرف عيني يعني ما تخاف ضحك
جاسر: عفى عليج الشيخ جاسر يخاف بس ما اكدر الزم ايدج كدام ليث فلم يعني وها المرا الجايه نسوي قفز مضلات جربتهه شعور روعه
ليال: نكثت ايدي منع اذا اكو مرا جايه عود، رجع لزم ايدي وضغطهه كال
جاسر: لاا لازم اكو والمرا الجايه غير
ليال: غير شلون.
جاسر: ههههه بعدين تعرفين
ليال: ما فهمت قصده، وصلنه للفندق علمود اجهز نفسي اليوم ختام الندوا وباليل طيارتنه خلصت لبست رحت دكيت الباب عل ليث اكثر من مرا ماكو جواب اتصل ما يرد طلع جاسر مبدل كتله، ما جاي احصل ليث
جاسر: ليث رجع للعراق دزلي رساله كال طلعتلهه شغله مستعجله تخص مشروع ولازم يحلهه بنفسه
ليال: بقيت باهته اعرف هذا الكلام حجه اتصلت بي ما رد رجع دز رساله.
ليث: الوو ليال ماكو شي بس تعبان ومالي خلك واسف لان رجعت وما بلغتج بس اعرف راح تصرين ترجعين وياي وعيب نترك جاسر لوحده
ليال: لو ليث بس ما يصير يعني بربك جاي وياك تتركني شراح يسكت بابا وسعد هسه
ليث: ما راح ارجع للبيت قبلكم راح ابقى بمكان ثاني
ليال: اااوف خلص اخذ راحتك ومن اجي نتفاهم
ليث: نشالله ديري بالج عل نفسج وانه لو ما واثق بجاسر ما اتركج ويا لا تخافين.
ليال: نشالله. باي، سديته وياا رفعت راسي جاسر واكف ومكتف اديه منتضرني
جاسر: هاا خلصتي تنكد عليه
ليال: ما نكدت بس عاتبته لان راح وتركني
جاسر: ي مو تاركج بالشارع وانه شنو هنا طرطوط ترا شرعا وقانون مرتي مو ليث اليحميج مني لو ردت اسوي بيج شي وهم بزواج او بدون انتي عرضي، يالله امشي تاخرنه.
ليال: حجيت بشكل تلقائي اشو كب مثل البانزين بوجهي وطول الطريق بقى وجهه مغيم مع انو ما كان قصدي شي وصلنه وجتمعنه والاجتمان طول لان اخر يوم وبعد كم ساعه خلصت الندوا اخيرا سلمنه عل الكل وطلعنه ما حجى ولا كلمه بس جكاره تصعد وجكاره تنزل ما اعرف شبي متوتر كتله، ماراح تغديني طلعنه بدون ريوك جعت، باوعلي بسرعه
جاسر: للليش ماا حجيتي حتى لو بالندوا جان طلعنه اكلتي خررب دومج فاهيه.
ليال: شبيك كبيت على ندمجه وما حسيت بالجوع ستوني جعت، سكت وكفنه كدام مطعم
جاسر: يالله نزلي
ليال: اريد اكل بعد شبعت من الرزاله
جاسر: ما رزلتج بس جان المفروض تذكريني زين ما تخربطني هسه الساعه ب 3 تقريبا يالله نزلي
ليال: هزيت راسي نزلت فتنى مطعم وطلب الاكل بس شفته بطني ضلت توصوص صدك اكلت بشيهه نسيت نفسي و هوا ياكل بهدوء يباوعلي شلون اكل شوي وكال.
جاسر: احم ما بقى كم ساعه لطياره شنو بقى مكان تردين ترحيله قبل لة نسافر
ليال: ماعندي مكان خل نرجع الم اغراضي وانام شوي
جاسر: يعني ماتردين تشوفين البحر
ليال: لمعت عيوني اكثر مكان اتمنى اروحه، لا منلحك
جاسر: مالج علاقه خلصي لبين ما ارد عل تلفوني...
بان: بقيت كاعده عل اعصابي بغرفتي حتى يم ماما ما نزلت سحبت الغطى وغطيت راسي ضلت الافكار تنخر بي لحد ما غفيت مو نعاس بس هيج هروب ما اعرف شكد مر وقت باوعت ما انطاني كلبي ما انزل اشوف ماما خاف محتاجه شي غسلت وجهي ونزلت البيت هدوء فتحت باب غرفتهه نايمه دخلت للمطبخ اشرب مي ما احس غير نكتم صوتي بيد ونرفعت
بهل لحضه يمكن ردت انجلط من الخوف كل عقلي انو بسام بقيت ارفس برجلي لحد ما فوتني للستقبال وهمس باذني.
ليث: راح اشيل ايدي بس ما اريد اسمع نفسج
بان: رجع الدم بجسمي بس تفاجئيت شجابه مو جان بتركيا لا وابيتنه هم هزيت راسي بعد عني ودار وكف كدامي. ششتسوي هنا
ليث: هه عبالج ما اجيج لو باخر الدنيا ما تخلصين مني
بان: ليش شسويت شصار لكل هذا، رفع حاجه
ليث: شصار بعد كل الصار والسمعته وتكليلي شصار
بان: كتفت ادي، ي ماصار شي شنو يعني انه مجبور افسرلك واخذ رئيك بكل مكان اروحه
ليث: تردين خبالي يطلع عليج موو.
بان: ليث ااحنه كلشي بينه نتهى قبل خمس سنين حتى قبل لا يبدي ليش ما جاي تفهم ومصر تدخل بحياتي، توقعته راح يعصب بس باوعلي ابرود هذا يخوفني اكثر من عصبيته. ضحك بستهزاء وكال
ليث: هههههه وانتي طبعا شفتي حياتج بعدهه وعايشه قصه حب جميله وي هذا الكلب ابن خالج
بان: مالك علاقه كتلك لاتدخل بحياتي احب إلى احبه.
ليث: ييي براحتج منو كلج راح ادخل، انتي هسه وكفتي كدامي بطولج وبصراحه كلتي التردينه هسه انو انتضري ردي بس صدكيني ما راح يعجبج كلش
بان: ولا تكدر تسوي شي كتله هيج ومشيت ما احس لوا ايدي وسحبني عليه بقوا حسيتهه نخلعت احس جسمه يرجف من العصبيه همس باذني
ليث: وحق حبي الج الكتلتل بهاي اللحضه اذا ما خليتج تبجين دم عل هاي الكلمه مااطلع ليث.
بان: نزلت دموعي لان ايدي شويه وطك بيده وكلبي صار نار من وجع كلامه لو راد على بس قبل لا تجي ماما جان شرحتله كلشي صار بس بعد كلام ماما خلي يكرهني ويبعد عني احسن ماريد جاسر يخسر ليث هم بسببي وترجع المشاكل اعرف ماما من تكره مستعده تسوي اي شي حتى لو عل حسابي، ااايدي وجعتني
ليث: بعدج ما شفتي شي من الوجع
بان: نتر ايدي بقوى ودفعني نضربت بالارض
تركني وادري ماراح يكون ليث الاعرفه بعد اليوم.
بقيت اليل كله كاعده وصافنه شراح يصير بيه بعد فزيت من انفتح بابا غرفتي باوعت ماما
ام جاسر: شبيج كاعده مثل الاموات كوومي بسرعه جهزي نفسج راح نرجع للبيت وي ابن المسموم عمج الله ياخذهم نشالله اجيت لهنا وما خلصت منهم
بان: شنو نرجع وي ليث وجاسر يعرف.
ام جاسر: ي هذا اخوج يريد يموتني خابر باليل كال راح يبقى يمكم لان جان عنده شغل بغداد والصبح رجعو وياا وما قبل نقاش شوفي بان اياني وياج تتقربين منه وبس نوصل هناك هم نرجع البيتنه.
بان: مارديت عليهه باوعتلهه ابرود وكمت لميت ملابسي واغراضي ولفيت شالي احس نفس للدنيا بعد ما إلى خلصنه وطلعنه واكف يدخن ستغربت شكله حتى ايده ملفوفه وجهه بيده ندبه شوكت طلع وعارك صعد بالسياره ماباوع حتى بوجهي وطول الطريق ساكت ويدخن وصلنه للبيت جاسر جان واكف بالباب سلم علينه وصل لي شبكته ودموعي بطرف عيني احس حاضنه بابا بعدني باوع بوجهي وكال بخوف
جاسر: شبيج شصاير
بان: ماكو شي مشتاقتلك، باس راسي.
جاسر: وانه مشتاقلج بنيتي يالله ضحكي تدرين ما احب هذا الجو
بان: بتسمه، رجع حضني وباس راسي حسيت بامان بعدت عنه ودخلت سلمت وصعدت دخلت الغرفت ليال نايمه ورحت الغرفتي هم نخمدت.
ليال: خلص تلفونه ورجع طلعنه كتله ياخذني للفندق اغير ملابسي قبل رحت بدلت شي مريح وهوا هم رجعنه طلعنه اخذني عل البحر كد مايبين بالمسلسلات حلو بالواقع احلا واحلا يخبل طبعا انه دائما اتابع مسلسلات وهذا الخلاني اعشق هاي البلد حتى كاني عايشه بيهه واعرف مكاناتهه، نزلنه من السياره وكفت اخذنت نفس قوري اجتني ريحه الجكاير فتحت عيوني باوعتله بغيض، بربك جايبني اشتم هوا نضيف ادخن يمي بعدين شكد دخنت اليوم مو كانو كثرت، دار وجهه باوعلي واخذ نفس جكاره كال.
جاسر: متوتر
ليال: ههههههه انت جاسر متوتر، كتفت ادي ليش بالله
جاسر: تعالي نكعد
ليال: نبرته جديه حتى انه توترت رحت كعدت ذب الجكاره وكعد يمي باع على بعيوني وفجئه كام رجع وكف عل البحر وشغل جكاره وكفت يدخن وهوا ساكت انه هم ساكته واباوعله بستغراب خلص فرك وجهه ورجع كعد كدامي باوع الادي وسحبهن ولزمهن بهدوء هنا حتى النفس الاخذه تخربط وريكي يبس ضمهن بكفوف اديه داافيه عكس بروده الجو
جاسر: باردات بردتي.
ليال: هاا لاا بس يمكن لان، ردت اكول لان اديك دافيه تشوف ادي بارده وسكتت لا اجفص هوا كانو فتهم على باوعلي وبتسم هدوء ضغطهن اكثر باوعلي و كال مباشرتن
جاسر: بيهه مجال نحاول.
ليال: بلعت ريكي كلامه كله الغاز كتله وصوتي كوا طلع، نحاول شنو تلفت بدون هدف ورفع راسه اخذ نفس وكانو يجاهد حتى يعبر عن اليريد يكوله رجع باوعلي كل هذا ومانه حاس انو جاي يضغط عل ادي بقوا وكانو ياخذ القوا مني او يمكن خايف ابعد بعد الراح يكوله، كال
جاسر: ماجاي الكه التعبير المناسب بس انه اريد نحاول نكمل سوا.
ليال: فتحت عيوني وشهكت شهكه خفيفه بالنفس كردت فعل عل كاله هو من شاف ردت فعلي ترك ايدي وكام بسرعه هم شعل جكاره ونطاني ضهرا كال ومبين انغث...
جاسر: شبيج هيج نفزعتي جاي اكول محاوله ما جبرتج.
ليال: خليت ايدي عل كلبي إلى يرجف واخذ نفس مثل إلى صار ويا موقف فززه بطريقه مفاجئه يضل يحاول يتنفس ويعيد توازنه انه هيج صار بيه انه وجاسر رغم كل الماواقف إلى صارت بينه الحد الان ماتخلتلي ولو لحضه انو صادره عن مشاعر منه دائما افسرهه عل انو هي لحضه ضعف الرغباته وهذا شي طبيعي اصلا جنت متوقعه الاسوء اول ما تزوجنه لان جنت اشوفه انسان سطحي حاقد مستحيل يراعي مشارعي وعدم تقبلي اله وبالاخير هوا رجال وانه اسمي زوجته يعني كلشي مباح، بس طلعت غلطانه وطلع انسان مختلف تماما لدرجه صرت امن بي وباقى ويا بخيمه زغيرا، بس عمري ما تجرئت اوهم عقلي انو ممكن نتحول لشي جدي بالنهايه وهوا صار يسكت كلبي ويحذار لحد ما وصل الهاي ردت الفعل من سمعت الكاله إلى هوا حتمال جنت للاغيته ومامتوقعته ابدا جاسر مخليته مثل نجمه بعيده اشوف جمالهه بالسما البسهه عقد عل شكلهه بس انو تنزل مستحل لان خبيثه مثله فزيت عل صوته.
جاسر: كومي خل نروح برد الجو وراح نتاخر عل الطياره
ليال: هزيت راسي وكمت صعدت بالسياره اجه صعد بدون ولا كلمه وكون الجكاره طاحت من ايده جان متوتر وانه مو احسن منه ماخذه وضع لا يسمع لايرا لا يتكلم بس من فتنه عل المولات كلت، ما اخذت هدايه للبنات، وكف وهوا ساكت جان كدامنه وقت عل الطياره دخلنه نفتر بالمول واشتر هدايه دخلت قسم نسائي مال ملابس كال.
جاسر: كملي وبقي نتضريني هنا لمن ارجع لا تتحركين هسه ارجع بس اجيب كم شغله.
ليال: هزيت راسي وهوا راح واني بقيت اشتري ملابس إلى والبنات وشغلات موصيتني عليهم ميسم خو هاي يوميه ادزلي قائمه بطلباتهه وتختمهه لاتتعازين مو كل يوم اسافرين واتامر عليج هههه خلصت وهوا لسه ما راجع طلعت نتضرته بالباب جان كدامه محل شغلات فضه دخلت شغلات اجنن اخذت العجبني بعدين شفت سلسله سوار ناعمه رجاليه اخذته اتذكل قبل لاينتقلون جان لابس وحده بس هسه ماكو بيده شي بس خواتم اخذته واعرف ما راح اجرء انطيهه بدون مناسبه اله بس عجبتني طلعت جان واكف يتلفت بس شافني نتر بيه.
جاسر: مووو كتلج لا تتحررريكين من مكانج
ليال: ما بعدت كلت اشتري كم حاجه من هذا المحل لبين مو تجي
جاسر: وانه اشم ايدي انتي بهذا المحل يالله امشي
ليال: اخذ مني علاليك وهوا هم جان بيده علاكات يمكن هدايه الامه وبان مشى واني ورا خطواته ركض كال قبل لا نطلع كال
جاسر: كملتي.
ليال: ي خلص شتريت للكل، سكت صعدنه بالسياره للفندق صعدنه للغرف دخل اغراضي خلاهن بالغرفه واخذ اغراضه قبل لا يطلع رجع مدلي كيس هدايه شويه باوعتلع بستغراب. اخذ نفس و كال
جاسر: شبيج تباوعين هيج اليوم فاصله عل حضي هاج، اذا ليمته ما لبستيهه راح اعتبرج موافقه عل الكلام الكلته، يالله جهزي نفس لا نتاخر.
ليال: خلاهه بيدي وطلع بس نسد الباب بسرعه فتحتهه جان فستان وياا علبه زغيرا باوعت بالبفستان يخبل بس جريئ حتى ذوقه منحرف كل عقله البسه اله فتحت العلبه وهنا صدك نصدمت جان بيهه حلقه كلش حلو كعدت عل سرير اباوع بيهه يعني هوا جدي بالموضوع خليتهه باصبعي فيت وين عرف قياسي باوعت بيهه بايدي وبتسمت احس صارت لهفه بكلبي شوي شوي بدت تتلاشه هاي البتسامه من تذكرت كل المشاكل الصارت وراح اصير اذا حاولت بس افكر بالموضوع نزعتهه بسرعه وضميتهه تنهدت وكمت لميت الجنط وطلعنه من الفندق بعد ما سلم المفاتيح صعدنه بالطياره كاعد يمي اول ما اقلعت لزمت ايده بعدتهه بسرعه باوعلي وسكت وكل شويه صار يكح اكيد صدرا تحسس من الجكاير شرب كومه ماصر بينه حجي بسيط سوال جواب تعشينه بالطياره ولانو تعبانه غفيت لحد ما كعدني وصلنه وللمطار وما رجعنه للبيت غير وانه هلكانه سلمت وكبل للفراش وليث حجالهم نفس الحجه الفرق انو اجه ويانه وطلع البغداد وباجر يجي كلب لعب اكثر خاف صاير شي خطبر بينه وبين بان تجي وافهم منهه لازم اعرف شنو صاير بينهم وبعدين اكعد افكر بمصيبه المافيا راسي واحاول استوعب إلى كاله...
هبه: عايشن كانو غربه بمكان واحد حتى كلام صار بس بالضروره لهيت نفسي بالمشروع لان ما بقى شي واقدمه بالشركه نتعامل برسميه وعلاقه موضف ومدير ممتازه بس حصلتلي خزرا بالجتماع جاي اشرح عن المشروع اول ما خلصت وكعدت شال هذا المهندس الغثيث إلى وياي كلاصه مال العصير وخلا كدامي وفتحلي بطل المي وحلا همات باوعتله من طرف خشمي بتسم اااخ يسوي حموضه بالمعده من الله مستفز رفعت راسي وماالكه غير يعقوب يخزر بي يمكن راد يكرعه بالببطل وبخياله حسيته يركع براسه بالطاوله من شافني باوعتله غلس وما رجع فتح الموضع بس كلامه تحول نتر وي الكل وهذا ضم راسه خلص الاجتماع والدوام ورجعنه للبيت وبده الملل بدل تغده نام وباليل وبالليل طلع كمت فتت للحمام سبحت طلعت لكيت مريم بالغرفه تفاجئت كالت توتر.
مريم: دكيت الباب ماكو رد دخلت اريد كباسه ورق منكم
هبه: لا ما صار شي بكنتور يعقوب تلكيهه. فتحته واني كعدت عل مرايه انشف.
شعري اجاني اشعار رساله من رقم غيرب فتحته عرفته مروان ودازلي كلامه سخيف وعتذار مثل العاده حضرته ومسحت الرساله وشمرت التلفون عل الميز بعصبيه رفعت راسي واكفه تباوعلي خرب نسيت وجودهه هي بسرعه اخذت الكابسه وطلعت غريبه هاي البنيه رغم سنه الزغير مليانه خباثه احسهه حيل متاثرا بامهه وانه صراحه كلبي مايرتاح الهن ابد اتمنى ينتهي هذا الكابوس باسرع وقت...
كمت نمت او اسمي نايمه انتضرا فات غمضت اعيوني دخل سبح وطلع ماحس غير نرفعت من مكاني عل عل قنفه وخلاني عل السرير بهدوء غطاني وهوا راح نام مكاني فتحت عيوني اتأمله لحد ما غفيت واني احمد رب العالمين عوضني بهيج نسان...
مالي واهس بالعشك بس ضكت شفتك
تيهت دربي الهلي وما تيهيتك
انته يا واهس عشك عل تعب ردتك
تعبان كلبي وخلص هون وستراح اباب كلبك.