رواية الشيخة ليال للكاتبة الوردة البيضاء الفصل السادس والخمسون

رواية الشيخة ليال للكاتبة الوردة البيضاء الفصل السادس والخمسون

شحلاتك من تعاتبني
وتگلي شعجب مامشتاك
لك مشتاگلك كد النفس
كد الهوى اليخنكني من اشتاك
ميسم: بقيت بغرفتي وبعد ما طلعت بس ميته قهر اريد اسكت ماكو ابجي مثل الجاهل المكتول صدك طلع مابيه حض بس لسان، اسمع الطكطه بالسويت مال ليث يعني بعدهم هنا ما اعرف شكد مر وقت ونفتح الباب غطيت راسي حسيت احد كعد عل السرير
ليال: شبيج ميسم شنو لسه نايمه مو خطيبج هنا وماما جاي تجهز بالغده ليش ما ساعدتيهه
هيوو احجي وياج.

ميسم: كالت هيج ورفعت الغطه باوعتلهه مبرطمه وهي شهكت
ليال: عزززا شبيج ليش تبجين هيج
ميسم: ما بيه ترركوني بحالي
ليال: ، سحبته من ايدهه وكعدتهه، شو كعدي كعدي سالفتج مو خاليه شبيج
ميسم: كعدت وصرت احجيلهه كلشي صار بشهكه، شفتي طلع جذاب مثله مثل غير لا يحبني وله شي ومستحيل اكمل ويا بعد، سحبتني الحضنه لان صدك نقهرت.

ليال: ااشش يالله كافي عيونج نعمت، بس يا ميسم ياحبيبتي مو كلش ينحجي اولا هو حجه هيج من غيرت عليج قصر شكبره وحرس وبيوت عمامج غير من شوكت ننزل بجامه النوم لا وطالعه للباب غير وجود يعقوب ويانه صحيح احنه نعرفه شنو بس هو رجال غريب ما راح يفهم هذا الشي، وانتي هم شلون رديتي عليه رد يعني شنو تتوقعين من من تكليه همجي وسخيف، هههههه ما شاء الله مختاره الفاضج بدقه وين التخبل الرجال.

ميسم: بعدت عنهه كلت الهه بغيض هسه هذا إلى طلع وياج اني الغلطانه، ليال ترا اني مو جاهل واعرف تصرفي غلط بس هذا مو مبرر يمد ايده على اني هاي طبيعتي نزلت واعرف الكل بالشركه هسه وجنت نعسانه وجوعانه كلت تعاجزت كلت اكل عل سريع وصعد وفتحتي للباب جانت هفوه مني.

اعترف اني انسانه تاخذ الامور ابساطه بدون تعقيد وهذا المطيح حضي بس اذا هو هيج من هسه ما يتحمل ابسط اخطأي وهفواتي معناها راح يشبعني مدكه، غلطت بكلامي عليه بس هوا إلى بده وكالي ما تستحين محسسني متعريه كدامه.

ليال: كل إلى جاي تكولينه اني وياج بي بس احلفج بالله انتي حاجيه ويا هيج شارحتله عن طبيعتج وشخصيتج فاتحتله كلبج لو بس كدامي هذا السان ومن داسلج عل طرف تخبلتي عليه، هسه كدامي تنزلن وتكعدين ويا وتتفاهمون
ميسم: ما بيني وبينه كلام بعد لو يموت ما اراوي وجهي
ليال: لاا مو عل كيفج العلاقه مو لعبه ميسم
ميسم: هه منو اليحجي شفنه حبكم ست ليال وهاي وينكم هسه عل اقل ما مد ايده عليج.

ليال: لاتقارنين ضروفنه تختلف، والله ابن عمج لو اكله همجي جان كطع لساني وفلافيلي عل كولته حمدي ربج هذا طراك شايفه وجع عضه لسان
ميسم: عززا يعض السانج
ليال: ي الحقيرر
ميسم: هههههههه والله انتم مو صاحين.

ليال: مو صاحي رسمي، لمهم راح انزل هسه واريدج تبدلين ملابسج وتلحكيني عل اقل كدام اهلي كوني موجوده مالنه خلك مشاكل وتحقيق بابا يالله، بعدين هو هم معذور يعني يشوف هذا الجمال كله بجامه النوم وهو خطيه حارمته من الكلمه يالضالمه وما تردينه يتخبل من الغيرا
ميسم: كلبت عيوني وهي طلعت تضحك.

ليال: طلعت منهه خرب شورطه وي هاي ام خشم فتت للستقبال كعدت يمهم لان سلمت اول ما اجيت ومن ما شفت ميسم وهو وجها مكلوب وما يجمع حتى خطيه من ما منتبه ومنزلين الطاوله عل ايده وتاذت طلعت الفاهيه تشور واني ما اعرف هههههه، اجه ليث اتصال وطلع بابا وسعد لسه ما اجو باوعتله صافن بالفراغ وكل ما يسمع خطوات تصير عينه عل الباب غبيه لان ما جاي تشوف كل هذا الحب
تنهدت وكتل، باسل باسل.

باسل: هاا العفو شردت شوي تفضلي خيتي كولي
ليال: بتسمت لا عادي، اني بس اريد اعتذر بالنيابه عن ميسم وكلامهه ترا صدكني هي بس السان كلب فراغ وخاصه من تعصب لو تكافش لو تحجي بدون وعي.

باسل: ما داعي تعتذرين او تبررين ترا اني اعرف هي ما خذه هاي النضرا مال التخلف على من زمان حتى خجل رحاب محملتني مسوليته وانو بتخلفي خليتهه هيج وما ادري صراحه شنو إلى يخليهه تفكر هيج تفكير ماله صحه اساساً كل ما بالموضع تغير بنمط واسلوب حياتنه بس هي تعتقد خوفي عليهه تقييد لحريته وجرئتهه وللاسف بسبب غضبي اليوم خليتهه تتاكد مع انو اكيد مو انسان يتعامل باالضرب بس...

ليال: سكت واني هم سكتت اكيد اكو كلام مايكدر يكوله إلى لازم هي تفهمه، اسب بيهه شوف الفكرا الماخذهه عنهه يعرف بتفكيرها السزز، لازم اكعدهم وحدهم يتفاهمون، عود اذا فهمت عقل الصخله.

ميسم، كمت اباوع لعيوني بالمرايه كلش حمر وخدي احمر تنهدت بدلت بنطرون وسويتر طويل هذا لبسي عجبه او لا مو يريد يغيرني حسب مزاج حضرته، خليت مكياج اخفي الاثر مال وجهي وحل وحمرا اباوع الشكلي مبين مزاجي زفت، لفيت الشال ونزلت فتت كبل للمطبخ ساعدت ماما إلى من اول لحضه حست على بيه شي بس غلست جهزنه الطاوله بالصاله
ردت افوت اصيحهم وكفت سمعت الكلامه
كلش ضجت مو لهل درجه افكر بي بهاي الطريقه.

معقوله هو هيج شايفني ماخذه نضرا عنه، دخلت واني اباوع عل ليال كلت، الغده جاهز وطلعت بسرعه، رحت للمطبج جبت باقي الاكل لكيت الكل كاعدين ما رفعت راسي حتى ماباوعت وين كاعد لحد ما اجيت اكعد كالت ماما
ام سعد: هناك ماما روحي كعدي يم خطيبيج
ميسم: نحرجت رفعت راسي مدنك رحت كعدت يمه احس كاعده عل اعصابي من التوتر، بده الاكل وسوالف وهوا يادوب يشارك اني ساكته ومدنكه بس لفتني كلام ليث من كال.

ليث: شلون صارت ايدك جبتلك مرهم بعد الغده خلي ميسم تمرخها الك
ميسم: باوعت بسرعه لايده ملفوفه رفعت راسي باوعتله باوع بعيوني وعقد حاجبه، دنكت بسرعه خلصنه غده لا اني اكلت ولا هوا دخلو للستقبال هوا وليث صبيت الهم جاي اخذته قدمته اله واني مدنكه خلصت اليوم مدنكه اخاف احد ينتبه عل وجهي جاي اطلع كال ليث
ليث: جيبله المرهم ميسم
باسل: ماكو داعي ليوثي لازم اروح تاخرت عل المعرض
ليث: وين تروح يمعود الدنيا ضهر...

ميسم: رحت جبت المرهم ورجعت كعدت يمه بتردد مديت ايدي بدون ما اباوعله خله ايده بيهه توترت فتحت الفاف اباوع الهه مورمه خفت لا مفصوخه، خليت مرهم وصرت ادلكها بهدوء بادي الثنين هه قبل شوي ضربني بيهه وهسه جاي ادلكها، جان يسولف وي ليث لحد ماطلع يخبار ساد الصمت لحد ما كال
باسل: تركيهه ما مجبوره
ميسم: ما رديت عليه
باسل: صار بيها هيج الان مديتها عليج كلبي شور بيه
ميسم: هم مارديت
باسل: وين راح السانج ما تحجين.

ميسم: ...
باسل: ميسم باوعيلي اتخبل من التجاهل
ميسم: شافني ما ارد عليه ولا هتزيت، نتر بيه بعصبه وهو يرفع راسي
باسل: ترررررا ااااغار عليجج بجنووون شتردين تعتبرري عتبرري تخلللف همجيه هذاا الموجود مستحيل ابطل غيره عليج طول ما انتي تخصيني
ميسم: باوعتله مستهضمه وتغرغرت عيوني بالدموع، سحبني الحضنه بقوه دفعت سحب بيه واني ادفع بي بس هو اقوا مني سيطر على بديه، وكال.

باسل: ادري راح تكولين الغيره مو بالضرب وشنو كل ماتغار لو اغلط تضربني بس وغلات امي اول واخر مرا راح اخلي اعيونج تصير هيج حمرا بسببي
ميسم: بعد كلامه سكنت بحضنه واني اسمع دكات كلبه شلون ترجف وي كلامه حتى اعصابه ترجف خله ايده يتحسس خدي الضربه غمضت عيوني اشم عطرا لاترضين ميسم شبيج ذبتي هيج من لمسته دنك باسني بخدي فزيت باوعتله وبتعدت بس بقيت كاعده يمه، تنهد ورجع مدلي ايده.

باسل: هاج كملي ترا بسببج صار بيه هيج طيرتي عقلي وخليتي مو براسي حطوها عل ايدي واني مو منتبه افكر بيج.

ميسم: باوعتله بغيض ورجعت اسويلهه مساج، كل هذا وما حجيت ولا كلمه وياي، كل شويه يجر حسره واحس عيونه مسلطه على لحد ما رجع ليث كمت طلعت وهو كعد شويه وي بابا والولد وبعدين راح ماطلعت ودعته رغم كلامه شال الحقد البكلبي عليه ومستغربه نفسي الصراح بس والله ايده ثكيله، خليت ايدي عل خدي بس بتسمت من تذكرت بوسته، خررب راح الثكل...

هبه: كعدت الصبح اتأمل بوجه واني نايمه عل صدرا ياربي اكو حله من هذا الصباح، طبعا من بعد إلى صار بقيت ويا ومارحت وخاصه بعد ما اخذ مشيه البابا حسيت خلص رجعاي حقي واكدر ارفع راسي بين اهله فماكو داعي اتركه.

واني هذا الجنت اتمنى انو ما اتركه ابدا وهوا حاطني بعيونه مثل الكزازه يعاملني وطاير بينه لاحملي مستقر وبطني بدت تكبر بس باله مشغول بسالفه البيت ما يقبل نبقى هنا رغم اني كلش عاجبني ابقى وين البنات بس هوا يحس بالتقيد وخاصه ليث راح يتزوج فما عترضت وتركته عل راحتي اني عني اتبعه للموت.

نهضت من مكاني للبسه بالوزه لان عريض ومريح للنوم بست بخده وكمت للكنتور واكفه عل اطرف رجلي اجيب من الرف إلى فوك ما احس غير نرفعت من خصري وخله راسه بركبتي همس
يعقوب: شنو جاي تسوي فارتي
هبه: برطمت بزعل، اريد ملابس وما الوح
يعقوب: تركج منهن لبسي ملابسي احلا عليج احسهن قطعه منج تدرين ليش اريد بيت وحدنه
هبه: ليش
يعقوب: حتى اشوفج تفترين كدامي بالبيت بهذا الشكل خرب بيومج كزكزت تعالي اكلج.

هبه: لاا يعقوب حباب اريد اسبح واطلع عيب لازم اساعد البنات
يعقوب: اريد اصبح عل ابني منو يمج
هبه: هاي الحجه إلى لازمهه على ههههه رفعني من خصري للسرير واخذني بحبه لعالمه وسفرني بلمساته للسمه، احس روحي طير حر بين اديه بس روحي بي متعلكه تركنه عل راحته حتى تصير راحته يمي وبس طبعا اخر فرحص سويته طمني ماكو خطوره بعد فجان عيد بالنسبه اله.

بعد معانا در اخلص نفسي منه سبحت وطلعت ساعدتهم بالغده ابد ما حسيت بالغربه بينهم يعاملوني مثل اختهم تمنيت نستقر هنا بس يعقوب معند بس ما تضيك اله تفرج وليال جان هي احله فرج النه واستاهل تسمه شيخه...

ليال: مثل ما توقعت رجع دزلي العلاج وي بان ويا تهديد هههه اخذت منه وصدك تحسنت شويه اليوم طلعت طلعه إلى جهزت نفسي للعرس اني وميسم وهبه لانو ما بقى شي رجعنه للبيت وقت الغده وعزمنه عمو طبعا وجود هبه ويعقوب مله علينه البيت واتمنى يبقون عدنه بس يعقوب ما يقبل وجاي يدور عل شي مناسب قريب علينه علمود عمو وهسه رجع فتح الموضوع انو لاكي بس عمو رغم هيج كلش ضاج لهيج قررت اكول المقترح إلى جنت متردده اكول خايفه يرفض بس حجيت بكل ثقه حتى اخفي التردد كتله.

يعقوب ليش هيج ادور بعيد عنه وتخرب لمتنه
يعقوب: شنو قصدج ليال كتلج لا تحاولين ما ابقى هنا لازم يجي يوم واستقل بحياتي
ليال: وليش ما تبقى هنا وتستقل بحياتك
يعقوب: وشلون بالله ياشيختنه حليهه.

ليال: ههههههه حالته من زمان، انت مثل ما جاي اتشوف المساحه إلى خلف القصر كولش جبيرا تكدر تبني وتسوي التصميم إلى يعجبك عليهه وبالمساحه إلى تعجبك همات، بقو الكل يباوعون بوجهي، للتستغربون هيج ورجائن يعقوب لا تتحجج بشي وصيه جدو انو يبقى جامعنه بنفس المكان واني جاي انفذ وصيته بعتبر هذا المكان بسمي واني نيابه عنه اكلك هيج لانو لو هو بمكاني جان سوا نفس الشي بعدين القانون إلى يمشي عل بيتك مثل إلى يمشي عل باقي بيوت عمامي هي كلهه بالاخير راجعه الجدو حتى اني ما اكدر اتصرف بيهه.

ابو سعد: وانه وي ليال ماله داعي نتشتت هيج تبقى قريب عل ابوك وما يتكدر خاطره
ابو يعقوب: يي مابقى بعمري شي اريد ابنك يكبر كدام عيني
يعقوب: عمرك طويل حجي، بتنهيده اذا انتم شايفين هيج ماعندي مانع بالعكس راح ائمن اكثر عل هبه بينكم بعدم وجودي بس هاا، ما راح ابدي بالبناء اله اذا اعرف انو الكل ما عنده عتراض عمي ليث سعد حتى انتي عمتي ما اريد اضايك او اقيد احد ابيتي.

ليال: لكل ردو عليه انو ما عدهم عتراض بالعكس كلش موافقين القرار تنفست ابارحه لمن وافق واشوف الفرحه بعيون هبه احس سويت شي فرح جدو من فرحت عمو من هم اباوعله يباوعلي بنضرات حنونه بيهه امتنان تنفست براح ومن رجع ساد الصمت كتلهم، اكدر اكول شي ثاني
ليث: هههههه شنو ليوم قراراتج هواي
ليال: هههههه اسعى للسلام بالعائله ليش راح اجحي كلشي في سبيل يتحقق هذا الشي
ابو يعقوب: والله ياريت عمو كولي.

ليال: بيت عمو براهيم برئيي اجه الوقت حتى ينتهي هاي الفجوه إلى بينه وخاصه بعد إلى سوا وي سعد وليث خلص راح يصير نسيبهم بس رغم هيج بعد هاي الفجوه ما نسدت
فخريه: واذا فجوه عشتو شنو تردين تكعدينهم فوك راسنه هو وامه المسمومه
سعد: بيبي هذا الموعاجبج نقذ حياتي اني مستعد اسوي اي شي حتى ارجع جزء من فضله على كولي ليال شنو تقترحين.

ليال: بيبي لشوكت يبقى هذا الحقد تر العمر ما بقى بي إلى نضيعه عل شي فارغ مثل المشاكل
فخريه: شنو قصدج تردين تموتيني
ليال: بعد الشر عليج الله يخليج خيمه فوك راسنه بس تخيلي شنو راح يكون وضع اطفال ليث وهما يطلعون عل كلوب ما متصافيه وي خالهم
فخريه: ي هذا الكاتلج خالهم تردينه يرجعلج
ليال: نرفزني كلامهه
ابو سعد: يممممه
سعد: بيبي ماله داعي هذا الحجي
ليث: اكو داعي اغرد لو كافي.

ليال: ، لا اغرد ولا احد يحجي خلي اكمل كلامي للاخير وبعدين راح تعرف انو مو هذا غرضي ابدا
ابو سعد: كولي
ليال: جاسر عرض حياته للخطر حتى ينقذ سعد وينقذنه من مصيبه اله اول مالهه تالي مخدرات.

سعد وبابا شنو سويتو بالمقابل وله شي فا اني اعتقد لازم عل الاقل تعبرون عن شركم وامتنانكم اله رغم وهو مو منتضر هذا الشي وهذا اكبر دليل هو مو حاقد وخلص سد صفحه الماضي ليهج اني برئيي انو احنه لنبادر ولازم تروح مشيه الجاسر تشكرونه عل سو بين كل العشاير وبابا كدامهم يرجع ويعترف بحقى بالشيخه وقتهه هو يقرر اذا ينطيهه او ياخذهه
واي شي يريده خل يكوله لا اطلعوون اله وهذا الخلاف منتهي نهائياً.

يعقوب: عمي والله شيخه وصدر ديوان بعد وهذا الصح جاسر بعد إلى سوا فتح باب الصلح واحنه لازم اندخله ونصلح الوضع عل تمام
ليث: والله اني هم هيج اكول خلونه نخلص ملينه كافي على امها ناعله ساسي
فخريه: مسمومه غير.

ليال: كلهه ضحكت وبابا وسعد ماجان عدهم مانع عل كلامي بالعكس كلش تقبلو لانو إلى سوا جد مو يتجازه عليه، رجعت كتلهم وهذا قراري لانو اني هم من حقي ارتاح، بابا وحتى كلشي يرجع الطبيعته مثل ما كان بعد زواج ليث اريد يتم الانفصال بينه بشكل رسمي
يعقوب: ليال شن...
ليال: هذا قراري فدا لحد يدخل زواجنه جان عقد عل كد الوصيه ونتهى انت شايف هو معترف بي لاا فنخصمه عل الاخر احسن.

ماسويت هيج علمود ارجعه بيبي سويت هيج حتى انفذ وصيه جدو واجمع شملنه إلى جاسر واهله جزء منه، خليتهم وكمت احس غصه بكلبي انت الجبرتني اسوي هيج جاسر انت.

وبالفعل ثالث يوم بابا جمع مشيه اجبيره من شيوح كبار حتى من محافضات ومن كل العشاير وراح الجاسر وسوا كل إلى كالت عليه وجاسر تقبل بالصلح ونهاء الخلاف مقابل شروط بسيطه انو بابا يعترف انو اخذ حق عمو بالشيخه وبابا عترف بهذا الشي حتى انو عترف انو هوا إلى ضغط عل جدو بشغلات ما حجاهن بالديوان لان راح تهتز صورت ك شيخ بس كال انو مستعد يتنازل عنها حالا لان هي من حق جاسر وحتى وصيه جدو تشهد وطبعا شيخ جاسر العضيم ما قبل بهذا الشي وخله الشيخه لبابا مقابل انو بعد عمرن طويل نشالله وبعد بابا راح ترجع اله والاطفاله بالمستقبل بابا ما عترض ولا حتى ليث وسعد إلى عتذر منه كدام الكل وطلب الصلح والاخوه منه كدام كل الحاضرين وجاسر قبل ومن هاي اللحضه والكعده نفتحت صفحه جديده وياا ما بيهه اي خلاف ومشاكل والله ردت ابجي بهاي اللحضه لانو جاي اشوف انو كدرت احقق امنيه جدووصيته مو مصدكه صارت حقيقه والف الحمدالله انتهى كلشي عل خير رغم لسه اكو ثنين معكرات هذا الصفو بيبي وام جاسر بس مدام بابا ما صار وسعد ما صارو يسمعون البيبي وجاسر اصلا من سالفه خطبته وصاير اصلا ما يخليهه تدخل با شي يخصنه او يخص الشغل فا هذا الشي يطمني انو ماراح ياثرن بشي بعد اليوم ويجيهن يوم لازم يقبلن بهذا الواقع رغم هذا الشي الحلو إلى صار.

بس الموقف الغريب إلى صار بالكعده ضافلهه نكهه طيفه خاصه ههههه
بيومهه جنه كاعدين عل اعصابنه ومن خلصت ما نحس غير دخل يعقوب وليث خربانين ضحك وحتى بابا وسعد بس شنو ساعه هما يضحكون وانه ما نعرف شنو السبب لحد ما حجى سعد وعرفت انو جان.

الرائد عقيل حاضر الكعده بيومها جاي ضيف يم جاسر وبعد ما خالصه الكعد وتم الصلح طالبني من بابا يابه من حجى الموقف ما اعرف انصدم لو اضحك او انقهر عليه كال ليث انو بعد ما خلصت الكعده وشربنه الجاي كال الرائد.

عقيل: بما انو الكل موجودين واني جاي اليوم عل غايه وبالصدفه الله جاب كعدكم هاي فاني اتشرف وبحضور شيخ عشيرتي والانو صرتو اهل انو اطلب اخت جاسر الجبيره من عمهه ومقام والدهه واتمنى ما يردني بعد اذن جاسر طبعا
يعقوب: ههههههههه طبعا هنا حضرتك فلت وجهاك وردت تهد عل لولد لو ما ابوك تلاحك الموقف
ابو سعد: نتشرف والنعم منك بس شكلك غلطان ابني جاسر ما عنده غير اخت وحده ومخطوبه لابني ليث عل منو تقصد.

عقيل: العفى اني توقعت إلى شفتها بالمستشفى اخته
ابو سعد: هههه لا انبي غلطان إلى شفتها هاي بنتي الجبير
عقيل: لا نشالله ما كو غلط اني جنت معتبرها بنتك وهسه طلعت بنتك صدك واني ارجع اطلبها منك واتشرف بنسبكم
ليث: ههههههههه اول مرا اشوف عيون اطلع نار بنضرتها وتريد تحرك المقابل هيج جان جاسر يباوع عل الرائد واعصابه ترجف رد عليه بنترا من بين اسنونه.

جاسرررر: لاااا اكووو غلط سيااده ااالرائد لانووو ااانت جاااي تخطبهااا حضررتك هااي مررررتي وجانت جااي تطمن على بالمستشفى
يعقوب: هههههههههه اباوع للولد من الصدمه وجهى صار ينطي الوان
عقيل: عفوا ليش انت شوكت خاطب
ابو سعد: بعد وفاه جدهم صارت بسرعه وعائليه
عقيل: اني جدا اعتذر صراح ما اعرف شنو اكول.

ليث: ههههههه بقى الولد خطيه يعتذ ويبرر وحتى شيخهم عتذر وجاسر يباوعله قافل تكول كتل ابو ههههههههه لحد ما طلعو ومشو عود هو سوا نفسه فك شوي بس حقى عمي يخطبون مرته منه كدام الديوان ههههههههههههه
ليال: مو مرته
ليث: حجي يفيدج انصحج سدي مو ضوع الطلاك لفد سنتسن لكدام لحد ما يفك وينسه هاي اشويه ههههههههههه.

ليال: بقو ينكتون ويضحكون عليه وعليه وعل هذا المسكين إلى تورط ويانه لحد متعبو وكلمن راح الغرفته، يعقوب باس راسي وكال قبل لا يروح
يعقوب: ما تدرين شلون فخور بيج سويتي إلى محد كدر عليه ما غلط جدي من سواج شيخه والله تستحقين سدر ديوان
ليال: بتسمت وكلش فرحانه عل فخرهم بيه...

احس مسويه انجاز الحمدالله احلى نجاز، صعدت الغرفتي بان متصله حيت وياها هم بس تضحك تكول جاسر من طلعو ليجاي مدخلنه نذار، بس يصيح ويغلط خو الرائد غسله غسل بالغلط والشتايم، ما ادري ليش فرحانه انو سوا كل هذا علمودي سديته وياها واني اسوي كدام الكل اني لا مباليه ردت اشمر التلفون دك عبالي بان نست شي تكوله رديت بسرعه اجاني صوته يحجي بغيض ومبين عصبي
جاسر: مبرووك خطبوج مني.

ليال: تسلم الله يبارك بيك الموضع يمك بعد يكولون صديقتك
جاسر: اااني اكول لسانج ايحكج صار فترا ما معضوض وهاي صارن ثنين وياج
ليال: لاني وي باي
جاسر: الى القاء
ليال: خرب خيط خبال بي مكن ههههههههه
يَّ مطرِزه عيونك شَذر
ومّترسه خدودك ماي
مو گتلي أمر بيك العصر،
شو هسه ليل وما جاي؟