رواية الشيخة ليال للكاتبة الوردة البيضاء الفصل السابع والخمسون
أمشيلك شواطي الليل
وأنت نجوم تبرالي
كل روجة بجرفها تنام
وأنت تظل گمر عالي.
ليال: اخيرا اجه اليوم المنتصر بعد ما خلصت سبوعين جانو الكل بيه يجهزه لاول فرحه ابيتنه بدون مشاكل والكلوب متصافيه اجواء من الفرح مله الجو وخاصه بعد ما وصلت اقاربنه عماتي وخالاتي البيت انمله بالصوت والبهجه خو البنات الديجي ليل ونهار شغال ويركصن كون ليث يطب ويطلع متلكينه بالهواسات وهو خطيه من الفرحه طاير مو مصدك وكلش متفاعل ويانه.
طول هاي الاسبوعين جنت مشغوله وي بان نكمل باقل التجهيزات نادرن لان هو همات ترك شغله وكعد يساعد ليث بالتجهيزات ويعزمون ستغربت صراحه هو مو من إلى الهم خلك الهاي السوالف وخاصه شغله هواي بين الشركتين ما جان عندي وقت اركز ويا بس إلى اعرفه انو من اخلي راسي عل المخذه قبل لا انام هل كم ساعه لازم يهج على شوقي اله وحنيني كلشي بي حضنه وقربا كلامه وحنانه حتى خباله وغيرته
قبل سبوع غيرت مقوله البايو طبعا كتبت.
(انت الحياه وانا على قيدك )
طبعا من اخر عركه بينه عل الفيدو إلى نشرته بان وجبرها اتحذفه اني حضرته فما جنت متوقعه انو يشوفها بس نصدمت من غافلت بان وشفت حسابه كاتب نفسهه بالبايو ماله ضلت ارمش بعيوني سألت بان هوا فاتح حسابي منهه كالت لاا، يعني حاطني براسه فد نوب واني مشتاقتله موت، تنهدت واني اباوع النفسي بالمرايه.
اليله الحنه لبست فستان احمر لانو اليوم عيد الحب وبان راسه والف سيف اله الكل يلبس احمر وياها مع انو اني عندي هذا اليوم عادي بالنسبه إلى الحب مو يوم معين ولا لون اوهديه تعبر عن الحب بسبب مناسبه بس يبقه يوم مميز وحلو يكون اكو يوم للحب وبس الحب بشكل عام مو بس للحبيب، هو وينه الحبيب بس شلاع كلب هههه...
طوخت حمرتي الحمره شعري تركته مفتوح واشال ذبيته هيج عل راسي ونزلت طبعا فستاني ردن ومستور من فوك ضيك وينز من الخصر كلوش لانو بان ما قبلت تسوي حنه بقاعه رح تجي هنا يمنه ونسويهه عائليه ما عزمنه لانو حنه ليث بالحديقه قرر يسويهه وعازم هواي، وهم حتى نتونس بحنتهم ثنينهم...
دك تلفون يبوو صاير محد يتصل على بكدهه شجيب باجر و ازوجهه واخلص، الوو
بان: ياااللله ليال وينج تعالي اخذيني
ليال: تعالي انتي وامج.
بان: لا ما اكدر تعالي انتي
ليال: امري لله يالله جايه طلعيلي للباب الخلفي ما ادخل اني كتلج
بان: هههههه اوك
ليال: طلعت من الباب الخلفي باوعت ماكو احد لسه ما كثرو تمشيت البيت عمو وكفت بالباب وتصلت عل بان تنزل، ثواني ونفتح الباب، وين جن، سكتت من شفته كدامي باوعلي بنضراته إلى احسه تاكل بيه شمطيح حضي غيرها، كاشح عبالك حنته الدشداشه والشماخ والساعه والسبحه بيده احب اناقته.
درت وجهي وهو اتكه عل الباب وكتف اديه باوعلي من فوك لجوه لازم استعد الحرشته المستفزه وبالفعل ما طول كال...
جاسر: ليش لابسه احمر لحبيبج
ليال: لا لختك محد يستاهل حبيبه مثلي
جاسر: همم يعني ما عندج حبيب
ليال: انت ابن عمي مو عيب تسأل هيج سوال
جاسر: ههههههه معنها لازم اتمنالج الحض، لحضه
ليال: يااربي عل الاستفزاز والله ابدي اكفشه واخرب كشخته، وها الغبيه اتصل بيهه ما ترد
نتضرت لحضات ورجع بيده ورده حمرا صفنت.
ورجف كلبي بس من تقرب مني حسيته بهاي تصرفاته يريد بس يقهرني درت ردت امشي
تقدم بسرعه سحبني من ايدي عليه ادفعه اريد ابعد قفل خصري بيده باوعتله كتله بعصبيه وجسمي صار يرجف من الغيض، جاسر بعد عني
جاسر: اششش اوكفي لحضه.
ليال: ماريد بعد، ما سمع مني، نزل شالي جنت جنت رافعه شعري من الاطراف بماشات ثبت الوره عليه ودنك شمهه، باوعلي واني اباوعله بغيض بتسم ونزلت عيونه عل شفتي دنك بهدوء راد يبوسني درت وجهي عنه ضحك وخله جبهته عل راسي
جاسر: اااف اااف ترا مايهون على زعلج
هبه: بعد عني جاسر
جاسر: ما ابعد تعجبني رجفه جسمج بيدي ودكات كلبج إلى اسمعها وكانو تصيح باسمي
ليااال لج انتي من شنو مخلوقه خرب شو بالله خلي نضوك طعم هاي الفروله.
ليال: كل عاده خدرني بكلامه خلاني اضيع دربي حتى يحصل إلى يريده، دار وجهي عليه ودنك راسه بلهفه
واني سلمت خلص بس الحمدالله انو...
بان: خليتج تنتضري...
ليال: فزيت وبعدت عنه بسرعه، اباوعله غمض عيونه يطلب الصبر فرك وجهه بيده كلت راح يكتل بان، باوعلهه بخزرا
جاسر: منو سلطتج على ما تكليلي
بان: ماما هي كالت ستعجلي ههههههههه
ليال: ضحك وباوعلي كال بتنهيده
جاسر: يالله ما ضل شي ونعوض.
ليال: كال هيج وغمزلي ما فهمت قصده بس لازم ما انطي فرصه ثانيه يسيطر على كلبت عيوني عنه وهوي ضحك وتقرب يم بان باس راسهه وتغزل بيهه وصاها لحد ما رادت تبجي ما خلاها حضنهه وباس راسهه رجع باوعلي بتسم وعدل ياخته وغمزلي وراح بتسمت ورا مايبطل هاي العاده ابدا.
تقربت ساعدت بان جانت لابسه بدلت نفش والنيه العدلتهه اجتي للبيت اخذتهه البيتنه والاخت اول ما وصلنه سلمت وغافلت الكل وصعدت اليث جان لسه ما نازل المستخفه حجتهه والله اريد اعايده وهو هم ما قصر حرك التلفون عليه والله بعد الخطوبه صرت ما اعرفهم هذول الثنين كل ثكل ما بقى عدهم الحمدالله باجر راح نستر عليهم قبل لا ننفضح هههههه...
بان: دكيت الباب فتحه بسرعه وسحبني دخلني الغرفته، ليث والله ما يصير هيج بعني كتلك ما اكدر اصعد كدام العال، سكتت واني اباوعله شلون صافن بيه، بتسمت، ليش تياوع على هيج
ليث: بتنهيده، مو مصدك صارتي حقيقه والليله حنته، بس الحقيقه احل بعد شنو هذا الجمال شلون بيه
بان: بلعت ريكي بعبره وعيوني دمعت من تذكرت كل إلى مرينه بي
ليث: اششش ماريد ادموع بعد ابدا من اليوم ما ن ما اريد اشوف وجهج غير يضحك.
بان: بتسمت تقرب على خذاني الحضنه حاوطت ركبته رفعني من خصري حاضني حضنته بقوه، ليث فرحانه
ليث: مو بكد فرحتي احس الدنيا كلهه فرحانه اليوم
بان: باوعتله عيونه تلمع بفرح، نزلني ودار طلع علبه، شنو هاي
ليث: ببتسامه هاي اول عيد حب احنه سوه هاي هديتج
بان: اخذتهه من ايده بفرح، اني هم جبتلك هديه بس ما جبتهه وياي
ليث: انتي هديتي بعد ما اريد شي
بان: بتسمت فتحت هديته كلاده اسمائنه مزج (بان ليث ) طرت بيهه، تجنن.
ليث: ممكن اسجلج بسمي
بان: هزيت راسي بالايجاب، اني بسمك من زمان، بتسم وتقرب على اخذهه من ايدي وكف وراي كدام المرايه لبسهه إلى وحضني
ليث: انتي ليش مو نازعه هذا الخفاش خلي نشوف رحمه الله
بان: لاا العالم تنتضرنه
ليث: شعلينه بيهم خليهم وحنه هنا نحتفل وحدنه
بان: ممم تكدر تسويهه وتترك العالم المنتضرتك انت هم هههههه، اباوعله حك راسه
ليث: بس الليله وبعد لو العراق كله ينتضر ما انزل واعوف هذا الكيك.
بان: ااخ لا تكرص خدودي خربت الميكب، درت عليه سديت الدكم مالت الدشداشه ورشيتله عطر وهو يباوعلي بتسمت
ليث: تعودت عل الدلال ترا
بان: شعندي غيرك حبيبي
ليث: اااخ الله شيجيب باجر بان ستري على خليني اطلع
بان: نزلت ادي وخجلت، يالله اطلع
ليث: ماريد ولا تخجلين والله ترا ما اطلع
بان: ههههههه اني راح اطلع لتتوتر ليال تنتضرني بالباب
ليث: بتنهيده يالله.
بان: باس راسي وطلعت بسرعه لان احوله تخربطت خفت لا صادك يسويهه وما يطلعنه هههههههه
هبه: الايام الفاتت جانت من اسعد ايام حياتي رغم المشاكل إلى صارت بيهه بس سعادتي جانت من رجع شاركني حياتي باوعت الغرفته شلون جهزتهه من الزينه للطاوله بمساعده ليال هاي اول عيد حب النه سوه حابه احتفل ويا بي.
حتى هديه جبت تذكرت من اتصلت بي بالشركه وكتله مسويتلك مفاجئه بعد حفله الحنه حاول يعرف بس ما قبلت الحماس مبين بصوته وكال اول ما تخلص الحفله حا اجي لانو اني هم اريج احجيلج شغلات هواي بتسمت و كتله ماشي انتضرك
تركت كلشي عل حاله وباوعت النفسي اني هم جاهزه لبست فستان قصير جو الركبه احمر مثل مرادت بان سوت شعري ومكياج وطلعت جانت الحفله.
تخبل وتونس لانو بس الاقارب تعرفت عل الكل ام يعقوب جانت حاضره بس مريم ماكو بس ما تقربت يمها ابدا جانت الحفله روعه بس للاسف مركصت مقبلت ليال تخاف عل البيبي ما تدري ابو مطيح حضه هههههه ااوف شوكت تخلص الحفله ويجي رغم الاجواء الحلوه بس منتضره جيت ومن بدت حنه الرجال والهوسات اصيت طفينه الاضويه وصرنه نباوع من الشببيك بس.
دورت عليه بعيوني بكل مكان ما جان موجود لا وي الواكفين ولا وي اليهوسون، لعب كلبي رحت بسرعه للغرفه اتصلت بي مغلق زاد خوفي اكثر رحت اليال وكتلهه هي هم ستغربت اتصلت بليث مارد بعدين اتصلت بجاسر رد عليهه وتفاجئت من كال الهه انو مخابره من واحد من اصدقائه كايله انو ابو واحد من اصدقائه متوفي ورايح وياهم بالدفن وراح يرجع متاخر.
ما اعرف ليش مصدكت إلى كاله بس سويت نفسي طبيعيه بقيت شويه وتحججت بالتعب وفتت الغرفتي كعدت عل السرير ومن اول ما سمعت بسيره النجف عقلي راح ليهه معقوله راح يزوها لانو اليوم عيد الحب نفضت الافكار من عقلي اكيد ما يوصل بيه الخبال اغار من وحده ميته، كعدت اقنع بنفسي انو إلى جاي افكر بي غلط فتحت التلفون ودخلت عل حسابه، اعرف منو اصدقائه المقربين دخلت عل حساباتهم وعقلي يكلي فتحي الستوريات فتحتهم اغلبهم جانت تغزيه معناها صدك رتاحت شويه بس فتت عل ستوريات الواحد جانت صور إلى ناشرها اغلبهه تصور حترافي وكاتب يمهم مقولات تعبر عن الصور صوره للمقابر.
وصوره شلون يصلون وكاتب عليهه عن الموت والوداع جاي اكلب عل هذا الحال وكفت ايدي برجفه
جانت صوره مثل الرمزيه حتى ما يبين بس كدرت اميزه ي هذا يعقوب كاعد محني عل كبر اسمهه واضح عليه ورافع اديه بالدعاء مدنك هذا المصور ماخذهه بطريقه حترافيه ومؤثره وكاتب عليهه...
اشكوك عن فقدانك.؟
اشكوك عن فراقك.؟
اشكوك عن حبك.؟
جسمي رجف واعصابي تلفت نمت وسحبت الغطه عل راسي وبقيت اباوع للصوره بتركيز واعيد الكلمات الف مرا غيرتي صارتي تصورلي انو هو جاي يسوي هيج جاي يشكيلهه شلون عايش وي وحده غيرها ويشكيلهه شلون يتخيلهه بالتفاصيل إلى تصير بينه تخبلت كلج واقهر بكلبي ودموعي تصب عقلي قفل عن التفكير وكلبي الغيرو هوا إلى فسر بكيفه ويكلي شوفي كتلج اليوم عيد الحب وراح الحبه الاول.
شمرت التلفون اعرف تفكير غلط بس مو بيدي ما اكدر اسيطر عليه، حضنت نفسي اتمنى اغفه يمكن اذا ابقى كاعده راح اتخبل غمضت عيوني وما اعرف شكد مر وقت بس الاعرفه جان كلش طويل علي
حسيت بحركته بالغرفه من دخل ومن فات للحمام وطلع واخر شي حسيت بديه من حاوطت خصري وسحبني الحضنه همس هو يبوس ركبتي
يعقوب: تاخرت عليج اعرف بس ما كدرت ما اروح وشحني خلص بلغج جاسر مو.
هبه: بلعت الغصه وحجيت بصوت تصنع النعاس، ي الحمدالله عل سلامتك بس تركني انام كلش نعسانه وتعبانه من الحفله
يعقوب: شنو نعسانه وتعبان وهاي المفاجئه إلى مسويتهه إلى كعدي اريد احتفل بعد وقت عل نوم اجيت وسقت سرعه علمودج اااخ شهل عسل اليوم
هبه: جان يحجي وينزل بكتف الفستان ويوزع بوساته عل طول ركبتي وكتفي دفعت نفسي عنه بنترا، بعد يعقوب ريحتك مطيبه
يعقوب: شنو مطيبه سبحت اول ما وصلت وتقربت منج.
هبه: ي ريحه جسمك مطيبه واني دايخه تركني انام
يعقوب: بستغراب ومن شوكت هذا الحجي الصبح ما بيج شي لو زعلانه لان تاخرت ترا والله صديق قريب ونقهرت وفشله منه انو ما اروح
هبوشتي كبري عقلج الزعطوط
هبه: كل هيج وداز وجهي باسني بحلكي طفرت بسرعه للحمام نقيئت لعبت نفسي مو منه لا من افكاري المقرفه وراسي كثل من التعب والتفكير ومعدتي كلبت طلعت واكف يباوعلي بصدمه كال.
يعقوب: يعني صدك تلعب نفسج مني، وهاي شبيهه عيونج هيج حمره
هبه: لبست لانسزز واذه عيوني، اخذت بجامه بدلت وغسلت وجهي وطلعت واكف بالشباك يدخن باوعت للطاوله وتنهدت بقهر من شوكت جان مقسوملي شي حلو يكمل وياي، سحبت الغطه عل راسي ونمت جبرت نفسي اغفه بس حسيت عليه من اجه نام يمي وحضني بين اديه باس عيوني وراسي وهمس...
يعقوب: كل عام والله لايحرمني منج لانو انتي احل شي صار بحياتي.
هبه: رجع باس راسي وسحب نفسه ودار وجها وبتعد عني لو احس روحي نسحبت وياي هبه شجاي تسوين انتي بلعت الغصه وغمصت عيوني الصوره ما جاي تروح من بالي ماريد اعاتبه ولا اذي ونرجع النقطه الصفر بس اريد انسه خلي بعيد عني حتى ما اطر اطلع هذا الموقف بالمواجها ويا وساعتهه اموت اذا خسرته.
ميسم: بعد إلى صار حتاريت شلون اتصرف ويا هو صح عتذر مني بس هم شال بكلبه بعد كلامي ويا وصار مو مثل قبل يحجي ويسولف باريحيه بس سوال وجوب يسأل عني واخباري ويروح
كلش ضجت احس خسرت صداقته وفوكاها صرت قليله ادب بعينه ليال هيج تكلي وضوجتني بزياده والمشكله ما اعرف شلون اتصرف اطريت اكعد وي ناس خبرا واسئلهه.
ستشاريت ست بان وكعدت تحجيلي عل علاقتهه بالمحروس اخوي بالخطوبه واني فاكه حلكي طبعا ما اعممها علينه لانو علاقتهم عن حب سنوات وفوكاها ابن عمها بس تعلمت شغلات إلى تفيدني وابسط شي انو لازم اهتم بي ابادر بالسوال عن تفاصيل اثناء كلامه شنو يحب شنو يكرهه وتفاصيل بسيطه هواي الحمدالله اني ولا وحده مطبقتها فا باول محادثه بينه بعد هاي المعلومات العضيمه.
جان جاي من المعرض راسلني سلم وسأل عل اخباري وعل البيت وتجهيزات العرس جان اني بدون مقدمات لطشت السوال بوجها
تغديت، بقى ثواني يالله رد
باسل: ههههه لا لسه
ميسم: ضربت كصتي عل تفاهتي رديت، هاا ليش
باسل: لبين ما يجهزونه جاي احجي وياج، ليش السوال اخاف مشغوله روحي اذا تردين
ميسم: لاا لاا بس هيج ردت اعرف
باسل: اذا من ناحيه انج مهتمه بالموضوع فيسعدني هذا السوال كثري منه.
ميسم: بتسمت، كتله اهتم طبعا لعد ليش اسأل، هاا نسيت اكلك اليوم راح اطلع وي ماما اجيب فستاتين للعرس واجهز نفسي
باسل: تاخذين اذن يعني
ميسم: ممم ابلغك
باسل: هههههههه اوك مقبوله هم نعمه الله احسن من الماكو، واكيد ما راح تشوفيني شنو حتلبسين
ميسم: ليش تريد تشوف لاا عادي
باسل: اكيد اريد اشوف بس عليج ولو مباشر تسوين فضل
ميسم: بتسمت، وكتبتله نشالله وسكتت هو رجع كتب
باسل: ميسم
ميسم: همم.
باسل: ه الله هالله بقماش الفساتين
ميسم: هههههه روح تغده
باسل: شبعت ابقي احجي اليوم سوالفج حلوه
ميسم: صدك بقيت احجي ويا وهو يتغده من بعدهه صرت تقريبا اشاركه بكلشي بتفاصل يومي وهو هم يحجيلي يعني صرت شوي اريحيه بالكلام ويا يالله رجع طبيعي واني نفتحت عقدت الساني وجيب ليسكتني ههههه.
فزيت من صفنتي مبتسمه عل باقه الورد البيدي دزاها بيد رحاب وياها علبه هديه دخلت الغرفتي فتحتهه ماشه جبيرا عل شكل ورده كلش نازكه تخبل جنت لابسه فستان ستن احمر تصميمه مثل إلى بي لفه عل الجسم ومسويه شعري ضفيرا راخيه وبيهه شريط ناعم خليت الورده بالجه الثانيه وتشجعت تصلت بي رد علي
كتله، شكرا عل ورد والهديه كلش حلوه، رد بدون مقدمات
باسل: احبج.
ميسم: بقيت ساكتت بس كلبي فوت نبضه وحسيته حيطلع من صدري شعور يجنن جتاحني واتمنى يعيدهه ميه مرا من طال سكوتي رجع كال متلافي الموضوع
باسل: بالعافيه اريد اشوفها عليج
ميسم: هسه ادز صوره الك
باسل: لا اريد اشوفج كلج فتحي كام اذا تكدرين
ميسم: هاا اوك
باسل: خلي ارجع اكعد بالسياره واتصل.
ميسم: اخذت نفس ورتبت شكلي طوخت الحمره راحت من الركص شوي وتصل ثبتت التلفون بالاضائه اتصل وفتحت الاتصال جان كاعد بالسياره توترت من نضراته إلى بدون كلام هي تحجي شكد اني حلوه بعيونه اول مرا احد يحسسني بهذا الشعور، كتله اكسر الصمت واني ادير راسي، شلونها
باسل: مثل ورداً على قمر والندى عل شفه
ميسم: بقيت اصفن بوجها ودنكت خجلانه
باسل: ههههههه لا تخجلين يابه وين الوحج هسه، شو خل اشوف الفستان.
ميسم: بتسمت وبتعدت تمشيت شوي وفريت بي نص فره، رجعت كتله، شلوني، جر حسره وصافن بوجهي كال
باسل: تنهد كافي ترا روحي صارت بيج هسه شوفتج تنعل السلفه يعني ما بيهه مجال اشوفج...
ميسم: همم هاا لاا عضيت شفتي من الفشله كمت اخبط
باسل: هههههههه خلص والله فتهمت ما تكدرين بس باجر ما كو حجه بعد الزفه اطلعين وياي
ميسم: ان شالله اوك.
باسل: ميسم
ميسم: همم
باسل: فلتيهه.
ميسم: شنو، اباوعله فتح الرباط ماله ومسح وجهه بمنديل كال
باسل: بتنهيده شفتج فلتيهه من سنونج حسي بيه هم قطعت اغراء واكفه كدامي وما اكدر الزمج وهم تعضيلي شفه اتمنها بين سنوني انه هسه وربج اشلعا ربي جااي اشوف الشامه وين حاطها
ميسم: ضلت صافنه عزززا احس السانه فلت وكام يغرد كتله بسرعه، ديصيحولي باي
باسل: ي شردي يالله باي شوكت تحسين ما ادري.
ميسم: كال هيج بنترا وسده ضحكت هاي مو اول مرا يسوي هيج كل ما اتصل بي كون الجكاره بيده ويضل بس ساكت ويباوع بيه لحد ما اسده يعصب وينام كلش احب تصرفاته وقتهه احس حركاته تصير من الطفل المتذمر مثل هسه هههههه، باوعت بالمرايه عل الشامه صاير عل صدري يادوب طالعه خرب شلون شافهه لعد شكد مركز طلعت واحس نفسي صرت اجمل واجمل وهوا هم شطالع شدعوه هيج كاشخ وطالع كل حلاته ما اقبل لو اعرف هيج ما نسقتله هاي الملابس ااف.
ليال: جانت الحفله جميله وعشنه فرحه بكل معنى الكلمه ما بقت هوسه ولا ركصه او غنيه تعتب علينه صفكنه وهوسنه وركصنه افرح وبان وليث فرحتهم هي إلى انطت هاي الاجواء بهجه
دخل حناها وضحكتهم ترج بالمكان سحبتني بان واله تتحنين وياي سوينالهه جلوه وهم اله اكعد وياها حسيت نفسي الليله حنتي وعشت شعور الاجواء لان خلتني اشارك بكل الطقوس وياها.
والله انتي تعبتي بكلشي وياي وتفرحين لفرحتي مخبله واخذتهه عل كد عقلهه وغير هيج تونست.
حنت الرجال برا ما تفرق شي عنه من بدت حنتهم طفينه الاضواء وصرنه نتفرج الدبجه والهوسات خياليه وجميله بشكل بس نغاضيت ليش جان يهوسون عل جاسر هم مو بس ليث وهو لزم راس الدبجه ويا بس شنو طلعت ترج الكاع تخبل ماما تمشي وتقرا المعوذات انو هاي فرحتنه وضحكنه يعدي عل خير لانو مشهود النه ماتم النه فرحه اله وراها مصيبه جد الله يعدي ضحكنه وفرحتنه يتممه عل خير نشالله...