رواية الشيخة ليال للكاتبة الوردة البيضاء الفصل الثامن والخمسون
المسافات التي على الخارطة خُدعة، أنت بجانبي
هبه: كعدت عل صوته وهو يخابر بصوت عالي مبين عليه الانزعاج
يعقوب: ي الله مسحها بسرعه ومرا ثانيه تاخذ اذني، ي ي حتى لو مامبين ورمزيه بس انه ما قابل بيهه يالله مسحها بسرعه. يالله لا عادي بس اتمنى ما تنعاد اوك حبيبي يالله باي...
هبه: نايمه بالفراش واباوعله دار وجها باوعلي بتسم تقرب على باس خدي
يعقوب: صباح الخير.
هبه: كتله واني اكوم صباح النور، راح اروح وي البنات للصالون
يعقوب: انه اخذج
هبه: براحتك
يعقوب: هبه
هبه: همم
يعقوب: شبيج بعدج ضايجه لان تاخرت البارحه
هبه: لااا واجب الصداقه والحب اهم
يعقوب: حب شنو
هبه: قصدي علاقتي بي، وكفت اطلع ملابس ادريه حضنتني من ورا
يعقوب: ماعندي شي اهم منكم بعد.
هبه: بعدت عنه بدون كلام دخلت للحمام بدلت وطلعت كاعد يبدل وباوع على بشك وكفت انتضر اباوعله وكف عل المرايه مشط اخذ العطر راد يخلي باوعلي وتراجع، طلعنه نزلنه نتريك ماالي نفس واحس راسي حينفجر رفعت راسي عيونه على دنكت بعدها جهزت نفسني اخذنه يعقوب لمركز التجميل ماعرف بعد اليوم شلون راح اتصرف مو كادرا اتغاضه عن الموضع جاي ياكل بروحي اااف ياربي دخيلك ساعدني.
ليال: كعدت فازه اباوع للساعه عززا اني شلون لسه نايمه لهذا الوقت كعدت ركض بدلت واخذت اغراضي ونزلت البيت كلمن ملتهي بنفسه فتت للمطبخ شفت ماما عاتبتهه عل السريع واني البس حذائي، ماما ليش ما كعدتوني لهذا الوقت ردت وبان راحت اكيد حتى اهي الغبيه ما اتصلت بيه، باوعتلي ماما وبتسمت
ام ليال: شفناج تعبانه وتركناج وراج يوم طويل وتعب كالت تلحكينهه وهسه جنت ناويه اصعد اكعدج.
ليال: اووف ماما هي بقت عل اليوم هسه منو فارغ يوصلني ياخذني وهاي اكيد هسه تتلاطم من التوتر ما تعرف تتصرف شوفي حاركه التلفون علي، تقربت على باوعت عليهه بستغراب من خلت ايدهه عل وجهي بحنيه كالت
ام ليال: صار اكثر من شهر انتي وياها وتهتمين بيهه بس اليوم خلص اكو منو يهتم بيهه وانتي هتمي بنفسج اني هم اريد اشوفج عرس وبالبدله وافرح بيج.
ليال: بتسمت وحضنتهه شنو اليوم ماما هواي متحمسه هسه خلي نزف ليث وفرحي بي وعندج ميسم همات ونبقى اني وياج هيج نفرح بعض يالله اني تاخرت، بوستهه وطلعت
جانو الولد واكفين برا من خوالي ولد عماتي، كتلهم، صبحت عليهم وكتلهم منو يتبرع يوصلني. اجاني صوته من وراي
جاسر: اني متضرج امشي اوصلج.
ليال: باوعتله وقبل لا اعترض رفع حاجبه ومشه كدامي وطبعا ما اكدر اعترض كدام كل الواكفين طلعنه من الباب صعد واشرلي تفضلي كلبت عيوني وصعدت تحرك بدون كلام طلع جكاره وصار يدخن وصلنه نص الطريق وكف عل جها بمكان هادء باوعتله بسغراب كتله
جاسر مو وقتهه من غير شي متاخرا عل بان
مارد على وكال بدون مقدمات
جاسر: احنه لازم نتزوج اليوم
ليال: بقيت ساكته اباوعله وارمش بعيوني اصلا ما مستوعبه إلى كاله، دار وجها باوعلي كال.
جاسر: سمعتيني لو اعيد
ليال: والله ياريت تعيد لانو ما فهمت شنو قصدك بنزوج اليوم نكته لو شنو
جاسر: هه لهل درجه ناسيه الموضوع وله عل بالج اصلا ي حقج عشتي حياتج ومقررا بعد العرس تطلكين محكمه مو ست ليال وليش تهمين بجاسر خطابتج جاهزه عقيل وانس خو راشد جاهز.
ليال: كتمت ضحكتي احسه يحجي بحركه وبدون ما يركز بالكلام اصلا هيج يرد بس يطلع عصبيته علي، كتله ابرود، وهسه انت قررت نزوج بس لانو يجيني خطابه لو شنو الموضوع
جاسل: والزواج شعليه ليش عنج شك انو احد يكدر يتقرب منج وانتي عل ذمتي
ليال: قصدك عل جنسيتك ام ذمتك فا انت طلكتني اذكرك اخاف ناسي
جاسر: ومنوو إلى راد الطلاك وتخله يا جبانه
ليال: جبااانه من خوفي عليك بس انت شنو حجتك طلكت وطلعت من دون متلافت وراك.
وبانو حضرتك كبريائك ما يسمحلك تسامحني عل شنو جاي تحاسبني هسه لا يريد زواج هه
جاسر: يعني هسه اااني الغلطان ومن كلج ميت حتى اتزوج بس احب اذكرج انو بينه اتفاق وصيه لو نسيتي
ليال: وصيه شنوو جاسر شبيك اليوم الوصيه تنفذك وكلمن راح الحاله وجدك الله يرحمه عل كولتهم
جاسر: والله ياست ليال هذا الحجي روحي قنعي بي المحاميه وكليه جدج
ليال: ليش شبيهه.
جاسر: اليوم اجت من سمعت بعرس ليث وسألتني عن موعد عرسنه وليش طول واذا ما راح يتم راح يكون الهه تصرف ثاني ويانه وراح تسحب كلشي وترجع عل تنفيذ الوصيه الاوله بعتبار انو الشرط الاساسي بيهه ما تنفذ والي هو زواجنه
ليال: عزززا ليش بس ماكو شرط بالوصيه انو لازم نبقى متزوجين.
جاسر: هاا ي مو اني هم سالتهه كالت صح ماكو شرط نبقى متزوجين بس عل الاقل لازم زواج المده خمس سنوات وهاي المده القانونيه المخليهه جدج لوصيته حتى تتنفذ عل اكمل وجه
ليال: يعني هي ماتعرف احنه مطلكين يمكن لو عرفت جان رجعتنه النقطه الصفر
جاسر: ي بس هي ما عرفت لانو احنه اصلا ما مطلكين بشكل شرعي
ليال: باوعتله بصدمه بلعت ريكي وكتله شنو قصدك...
جاسر: انه سئلت وطلاكنه باطل لانو جانت طلكه وحده و بلحضه غضب.
ليال: دمعت عيوني وكتله بعصبيه. يعنيي كلل هاي الفتراا تقهر بيه وتلومني واحنه اصلا مو مطلكين
جاسر: ليش شنو الفرق بالاخير انتي كسرتي العهد إلى بينه
ليال: ماراح اجااوبك حتى ما نرجع النفس النقاش إلى مامنه فايده وياك وبعمرك ما راح تفهمني بعد إلى كلته هسه مستحل اني اسامحك جنت مستمتع بعذابي موو
جاسر: لاتلوصين بالحجي عل اساس انه مرتاح
راح اخذج هسه نجيب الفستان ونروح للمركز.
ليال: فستااان شنوو كل عقلك انو راح اقبل ازوجك، باوعلي بخزرا
جاسر: تزوجيني وغصبن عليج ومو علمو الوصيه بس عل هاي حجايتج اشو اله تزوجيني واليوم وذا ما تسوين هيج اروح منى اطلكج واخذ الاوراق للمحاميه واخرب الاول والتالي
ليال: كال هيج بنتر وعصبيه غضيت الساني عل جفصتي، وباوعتله كتله بقهر، وانت شنو جابرك تاخذ وحده ما تكدر تسامحاها خلينه هيج خمس سنين عشره اني ما اريد اتزوج عل هيج عذاب.
جاسر: ليش العمر كم خمس سنين وانه رايدج شايف بيج الاريد اخلص عمري وياها وام جهالي بعد ما جانت ولاوحده تملي عيني ولانو مو سهوله الواحد يلكه الانسان إلى يكمله وماكو احد كامل لازم نتنازل حتى ما نخسر هاي الفرصه ونتي هم لا اضحكين عل نفسج شفناج اصار بيج من خطبت وانه هم لو تموتين ما اخليج تصيرين الغيري فخلي نختصر عل نفسنه وذا عل العذاب نتعذب سوا وحنه متزوجين بدل ما وحنه مخطوبين لان اني خلص عزمت المحاميه عل عرسنه.
ليال: من بين كل هذا الكلام جنت منتضرا يكول لازم نتزوج لان يحبني، باوعتله وكتله انت مقرر كلشي يعني قبولي اوالرفض ما راح يغير شي فلا تكعد تبرر احسن لانو ما يهمني كلشي سويته وراح اسوي بعد هاي اللحضه هوا لخاطر جدو وتنفيذ الوصيته...
نزلت وضربت الباب ودخلت لمجمع الفساتين ادردم وعو وراي هم يدردم على صار يطلعونه مديلت الفساتين بسرعه نشوفهم لانو مستعجلين جانت شي خيالي يجننون بس اني ثكلت نفسي وهو الخبيث لانو مفتوحه ما يقبل بيهم يريد شي شوي مستور لانو عرسنه وي ليث عشتو يغار على من اخوي بس اني هم ما افضل هيج شي بحفل مشترك بقينه نتفرج من يجيبون المستورات يباوعلي اذا تعابير وجهي ما عاجبني يتركه لحد ما طلعو واحد صفت عليه احسه مفصل إلى متت بجماله وبساطته باوعلي جاسر شلون عيوني تلمع عليه وهو هم عجبه ورجع باوع للولد وهز راسه.
جاسر: تردين تجربي
ليال: لاا بس انطي القياس
جاسر: اذا طلع بي مشكله ازفج بدون فستان لا عبالج الغي لو اجل
ليال: كلبت عيوني، عل اساس اني الميته عل الزواج والفستان
جاسر: ي واضح
ليال: اخذنه الفستان وطلعنه نتناكر طول الطريق وصلني للمركز إلى بي البنات تنهدت وقبل لا انزل كال
جاسر: ليال
ليال: نعم
جاسر: شعرج لاتغيرين بي لو تسرحينه، ورجائن لاتعاندين بهاي الشغله.
ليال: بقيت صافنه بوجها ثواني هزيت راسي بدون كلام ونزلت اعرفه يتخبل من اسرح شعري بس شنو تصخم بي من تسريحه بدون ما تسرحه
دخلت وجانو مبلشين بان وهنا جانت الصدمه انو الكل يعرف اليوم راح يكون زواجنه سوا ال اني مستغفليني لاخر لحضه حسب اوامر استاذ جاسر والحنه هم جانت تخطيطهم يعني مو صدفه عصبت عل بان بس ما جان عندي وقت
اعاركها واكفشه وهي بيد البنيه تعدل بيهه والحقيرا طايرا من الفرح لانو عرسنه سوا.
الا اني ما جنت مستوعبه ولا مصدكه جنت شايله هم شلون راح اتحمل اطلك من بعد العرس وهسه اني جاي اتجهز حتى ازوجه هيج فجئه بدون جهاز ولا تجهيز بس جسمي وجهي مسويتله عنايه كامله وتنضيف علمود عرسهم
تنهدت وخضعت للامر الواقع بدت تشتغل بيه وكتلهه عل شعري وشنو اريد من مكياج كل هذا واني ادردم واحجي عل جاسر وهبه وبان يضحكون على لانو دخلت بنوبه توتر مو طبيعيه من هذا الوضع المستعجل ااوف جاسر راح اتخبل بسببك.
ميسم: كعدت وهذا احل يوم بحياتي اغله ثنين عل كلبي راح يعيشون اسعد يوم بحياتهم وخاصه ليال طرت من الفرحه بعد ما عرفت راح تزوج هم اليوم جانت احل صدمه ومفاجئه رغم ما يهون على تبعد عني حتى لو هاي المسافه القريبه بس فرحتي بيهه اعضم كعدت بنشاط اساعد بالشغل بالبيت وعالكه الديجي واركص اني والنبات الجمعه واجواء الفرح جانت ماليه البيت بعد ما خلصنه شغل ولازم نجهز للعرس.
صعدت سبحت وبدلت لبست الفستان إلى مشتريته للعرس ما ردت اروح صالون بقيت وي ماما اساعدها وهمات بنات خالتي وعماتي خبرا بالمكياج ماكو فرق عن الصالون خلتلي بت خالتي المكياج إلى عاجبني واني سرحت شعري وسويت بي حركه بسيطه وخليت بروش شعر من ورد عل طول الجانب مال الشعر، بلوعت النفسي بالمرايه ورمشت باعجاب.
اول شخص اجه عل بالي باسل حابه يشوفني واني هيج كاشخه متاكده اذا شاف فستاني حيرزلني شكد حاول وياي يشوف شنو حا البس كتله ارويك بالعرس وهوا يكل هذا الخايف منه تصدميني فزيت من صفنتي عل صوت التلفون
باوعت باسل بتسمت رديت عليه، الوو هلو
باسل: هلا بيج انه بالطريق بس ما اكون تاخرت عليج
ميسم: لا هسه خلصت بس لو مامتعب نفسك جان اي احد وصلني
باسل: تعبج راحه يالله راح اوصل نتضريني.
ميسم: اوك باي، سديته وعل السريع لبست العبايه الخليجيه فوك الفستان والحذاء ولفيت الشال ونزلت جانو الكل يتجهزون حتى يطلعون نروح للقاعه كلت الماما باسل جاي على وطلعت للحديقه الكل برا ينتضرون يوصلونه وحتى البنات واكفات طبعا جان بالنسبه النة عادي نطلع كدامهم بالمكياج لانو كلهم ولد عمات وخالتي ومابيهم واحد مو راحه او عينه وصخه جاي اسولف وي ابن عمتي وسمعت صوت سلام وراي لتفتت يوسف، تفاجئه شوكت اجه يمكن البارحه باوعلي بتسم تقرب على وسلم عادي واني رديت وباركلي عل الخطوبه واني سألته عل اخباره وصار يحجي عل الدراسه وشغله هناك جاي البارحه علمود العرس وهمات اجازه طول ما احنه نحجي تاكدت انو خلص ماعندي ذره مشاعر تجاه يوسف لانو ما تاثرت ابدن بوجوده ولاهو تاثر بخطبتي بالعكس باركلي وعاملني وكانو ما صاير اي شي بينه وهذا إلى ريحني وخاصه وتاكدت انو إلى جنت اعيشه واحسه باسل حتى بالفترا إلى حبيت بيهه يوسف بجنون ما حسيته.
حتى صرت اشك انو اني حبيته اصلا فزيت من صفنتي عل سوال يوسف
يوسف: شلونه العاشق الولهان
ميسم: هاا منو
يوسف: هههههه خطيبج يالفاهيه، والله عرفته يحبج من نضراته إلى يباوعلي تكول كاتل ابو اذا يشوفني واكف وياج دير بالج عليه مبين خوش ولد.
ميسم: هزيت راسي وبتسمت بخجل، دك التلفون بيدي باسل، رفعت راسي واكف كدامي بالباب بس عيونه مسلطه عل إلى واكف كدامي وتنكط شرار بلعت ريكي بتوتر وترخصت من يوسف وتقدمت عليه قبل لا اوصل طلع كدامي صعد بالسياره صعدت يمه سلمت رد ابرود وحرك السياره وطول الطريق الجكاره ما وكعت من حلكه كال بعد صمت طويل
باسل: هاي اطلعين هيج كدام كل هاي الشباب البابكم عندج عادي.
ميسم: ي كلهم ولد عماتي وخالتي متعوده عليهم واخلاقهم حلوه
باسل: نسيتي اب...
ميسم: سكت قبل لا يكمل الكلمه وسكت اعتقد تجنب النقاش وياي بس عل حساب اعصابه لانو جانت ترجف من الغضب او تعبير ادق الغيره اخر جكاره بالباكيت قبل لا يشغلها سحبتهه من بين شفايفه، باوعلي وسكت لحد ما وصلني للقاعه وهو ساكد ضجت ونزلت بسرعه حتى ما باوع بوجهي ولا كال شي، دسكتي مو زين ما كتلتي نعمه من بقى ساكد وما غثني بكلمه ونغص على العرس كله اااف عل اساس ماراح يضل بالي يمه هسه...
بان: لبست الفستان الابيض واني احس نفسي مو عل الارض واتخيل فرحته بيه وشلون راح يباوعلي بي كلبي مثل الصار بي اجنحه ترفرف افرح واذا اني فرحانه فا فرحتي صارت اضعاف واني اباوع الاميرتي ليالي عل كولت جاسر شلون طالعه مو مصدكه انو صار حلمي الثاني حقيقه وراح اشوفها عروس الجاسر لا وياي بنفس اليوم احس عل كد ما تعذبت الله عوضني بهاي الفرحه العضيمه دفعه وحده فرت بالبدله بعد ما خلصت مكياج وشعر وجان كلشي مثالي بالنسبه الي.
طبعا جاسر وعدني انو هوا يزفني للقاعه مو ليث وبيده يسلمني اله جهزت نفسي وكعدت انتضرا ليال يعقوب راح يجي عليهه بوستهه وهبه ساعدتني لبست الكبوس ستغربت من ماما من كالت هي راح تبقى وي ليال وهبه تروح وياي.
طبعا ماما تغيرت من لم اتصلت بخوالي وخالتي وعزمتهم عل عرسي بس ولا وحده قبلت تجي بعد إلى سوا جاسر وليش اني ما قبل بسام اخو موقف وياريت بس هيج كعدن خالاتي يحجن عليهه وميمننها بكعدتنه بغداد وكانو احنه لاجئين رحنه عدهم لو كعدنه ببيوتهم ولا كانو جاسر هوا إلى غركهم بخيرا وبكل مناسبه هوا صاير شيخ القوم وكله عليه ويعتبرا واجب يوصلهم هسه ما غزر بيهن والله لو يعرف حاجيات عل ماما ما نخلص وطين عيشتهن بس يالله عل الاقل خلو ماما تصحه وتقتنع اخيرا انو ما تفضلهم علينه وانو هما اصحاب مصلحه وبس مو حبن بيهه كلش تاثرت وتغيرت تصرفاتها وياي وشفتهه شلون فرحتلي بالحنه وحتى من عرفت انو جاسر راح يتزوج ليال وياي اليوم ما عترضت طبعا هو لسه شايل عليهه وما صار يستشيرها او يبلغها بالي يريد يشوي مثل قبل وهذا إلى ماذيهه اكثر شي وصارت ادور رضاه بس المشكله انو جاسر اصعب شي بي انو هو صعب يسامح وينطي فرصه ثانيه لهيج جنت اخاف يعرف او يشوفني وي ليث وتهتز ثقته بيه ويزعل مني جنت متت ولا يدير وجها عني مثل ما يصرف وي ماما هسه وحتى ليال نالت نصيبهه من هذا الطبع العنده واتمنى تكون نهايته اليوم ويتصافون، طلعت من تفكيري عل صوت سيارت وجان جايب فرقه ويا.
طلعوني ماما وهبه ساعدوني حتى اصعد بالسياره ونوب تعل جيب إلى يقنع جاسر انو اني وليال ما نصير بسياره وحده ويعقوب راح يجيبهه ورانه واله هوا يرجع عليهه وحتى كتله اني انزل رزلني وسكتت، وما قتنع اله يعقوب اتصل بي وفهمه انو راح نتاخر ويلحك يزفههه بسيارته من ياخذهه من القاعه يالله قتنع جاسر وحرك السياره وهو يوصي بماما عليهه يمه منه هذا الحب كله ومن يلتقون مناكر، وصلنه ونزلني جاسر جان ليث ينتضرنه بالباب باس راسي وسلمني بايده عل صوت الزفه والهزاريج وهو فوتني للقاعه علمود جلسه التصوير قبل لا تجي العلم وكفت متوتره لانو بس اني ويا بالقاعه هبه بقت بغرفه التبديل ومنتضرا المصوره، فتح الكبوس رفع الكليل عني رفع راسي بيده طالع يخبل بالقاط دنك باس راسي ورجع خطوه يباوعلي عل طولي وجر حسره دار وجها باوع عل الباب ودنك عليه تاكد ماكو احد وانو جاسر ما لحكنه تقرب على حضني بسرعه وفر بيه.
ليث: للللج اااااحبجججججج وااااخيررااا صررررتي حلاااااالي
بان: هوا فرحان ويضحك واني ابجي مشكلتي ما عندي غير الدموع اعبرر بيهه عن فرحي او حزني نزلني وباوعلي بخوف كال
ليث: هاا هااا شبيج اذيتج
بان: برطمت وكتله لاااا بس فرحانه
ليث: هههههه خرب عقلج هبطيني
بان: لزم ايدي فرني وعيونه تلمع باعجاب
ليث: شنو هل جمال هذا كله الي
بان: رجع جر حسره كتله، ليث شبيك بس تتحسر خلص والله صرت الك، بتسم وكال وهو يحضني.
ليث: ادري والله بس ماتدرين شلون جنتي حسره بكلبي كل هاي السنين وهسه اريدهه تطلع مو مصدك شايفج كدامي وعروستي
بان: معناها لاتكلي ليش تبجين والله احس غصه بكلبي واريدهه تطلع
ليث: خلص بعد لا حسره ولا غصه بعد اني وياج وبس.
بان: هزيت راسي مسح دموعي وباس خدي، اجتي هبه والمصوره وبدت تاخذ النه لقطات ما خليت لقطه بنفسي جنت حافضه كومه كلهم اخذتهم بس القطات الجريئه هاي ختصاص الاستاذ ليث كل شوي وكلي هاي اللقطه خصوصا الجاسر، ههههه كلش غتاض لان هو زفني من الصالون بس اني فرحانه هوا زفني بايده بس ما احجي كدامه لا يغيم على هههههه خلصنه الجلسه باس راسي وطلع وبدت المعازيم توصل والبنات وعلكو الاغاني وبده الركص والفرح بس اني منتضرا شريكتي بالحفله ما ابديهه بدنه هاي شريكه حياتي وتوامي قبل اخوها ههههههه...
هبه: من وصلنه للقاعه نزلت وشفته واكف برا وي الولد صح ما اشوفه عدل لانو مغطيه وجهي بس جان لابس قاط كلبي صار يدك بلهفه وكانو اول مرا اشوفه هيج كاشخ بس اني هيج احبه كل مرا اشوفه كلبي يدك وكانو اول مرا يشوفه هو هم باوع على تقرب يسولف وي جاسر واني ساعدت ليث دخلنه بان للقاعه رجعت اخذ جنطت اغراضها لاكاني شايلهه اشرت النه البنيه عل غرفه ضمن القاعه مشيت كدامه من وصلنه درت على اخذهه ما قبل
يعقوب: اني ادخلهه.
هبه: فتحتله الباب فات واني بقيت واكفه بالباب تقرب على سحب الشال عن وجهي وباوعلي باعجاب وبلع ريكه
يعقوب: شنو خجلانه مني، اااوف اااوف عل كيفج وي كلبي شنو هل جمال
هبه: جان يحجي بصوت خدران طبك الباب حاوطني بيكه عليه دنك على جنت مستسلمه النضرات بس من اجت الصوره ابالي بتعدت بسرعه واني ادفع ايده بخفه، بان تنتضرني، ما احس غير نترني من ايدي بسرعه ساحبني عليه وكال والغضب مبين بعيونه من تصرفي.
يعقوب: شبيج من البارحه وانتي هذا حالج
هبه: ما بيه كتلك تعبانه شوي
يعقوب: لاااا بيج برودج هذا يطيح حضي ولا عبالج سالفه العطر فاتت على ترا ما تعرفين اجذبين وفوكاها تركتيني وجيتي واني كايلج اني اجي اخذج من الصالون اكدر اعرف شبيج موو طايقتنييي
هبه: باوعتله بقهر كتله وعيوني غوركت بالدموع، يعقوب انت تحبني، باوعلي بصدمه وعقد حاجبه كال بتسأل
يعقوب: ليش انتي ماعندج جواب عل هذا السوال.
هبه: جا اسئل لانو ولا مرا كلتهه إلى صح اكو هواي مسميات ما انكر افعالك بس اكو هواي مسميات الهه يمكن هتمام يمكن مسوليه عشره بس حب الافعال اني انسانه احب يتعبر عنه بالكلامات هم، نكثت ايدي منه وهوا مصدوم وطلعت، خفيت رجفت جسمي وحاولت اكون طبيعيه حتى ما اعكر هذا اليوم عليهم بالعكس اريد افرح الهم وياهم وكفت اباوع الهم شلون ياخذون اللقطات بين خجل بان وجرئه ليث طالعين يخبلون اكيد كل موفق بمراسيم الزواج اله مشاعره بس اني ماجربت هاي المشاعر ومع هيج ردته بس هو ماطلبت شي من هذا بس حتى مشاعره مسترخصها علي...
خلصت الجلسه وبان راحت ترتاح بالغرفه وكفت وي المصوره تراويني القطات كالت خل اخذلج صور ما قبلت لحد ما حسيت ايد لتفت عل خصري باوعتله يعقوب ما باوعلي كال الهه
يعقوب: هسه تكدرين تاخذيلنه سوه
هبه: بتسمت اله وجهزت الكامره وهو فتح السحاب مال عباتي نزعتهه وشمرها عل صفحه وايده مطاوقه خصري مايقبل يفلتهه بس ضاغط على بقوا شوي جنت لابسه.
باوعلي وتنهد اشر للمصوره تصور وصدمني من حضني من ورا ودفن راسه بركبتي يشم بيهه كدامهه حتى هي نحرجت بس سكتت همس ومبين كاتم غضبه مني كال
يعقوب: تردين حب بالكلام سمعي مو بس احبج هذا عطرج ادماان لهيج جنت انام بحضنج ليليه
هبه: مد ايده عل طول كتفي ومرها عل صدري بالمسه باطراف اصابعه بجرئه وهو يهمس باذني.
يعقوب: احاسبج عل لبسج لان ما اتحمل احد ينعجب لو يلفت انتباها جسمج وهو ملكي ليش لا احب كل ذره بي، من ابوسج احس نفسي بعالم ثاني مار اعيش بي بس وياج ليش لان احبج مو شهوا احبج شعور يخليني اروح وياج لهذا العالم شعرج شمفتج عيونج إلى احب اصفن بيهه حتى انسه كل همي احبهم واحسهم إلى وبس كلبج إلى يصير يدك بسرعه من اقربلج اعشقه مو بس احبه االانتي هوس وادمان وااغار عليج بجنون لللليش لاااان احبججج.
هبه: جان يحجي ويتلمس بكل مكان يجيب سيرته بلمسات جريئه وعنيفه احاول ابعد عنه بس هوا فقد واني دموعي تصب من كلامه ومن تصرفاته هذا الجنت خايفه منه لهيج ما ردت اواجها، بالاخير لزم ايدي قوي وكال بنترا...
يعقوب: لاااا هتمام ولاااعشره ولااا حتى مسوليه تجبرني اااسوي هذا كله الدافع الوووحيد هووو اااالحب وووبس خلي هذا بعقلج.
هبه: نتر ايدي وطلع احسه جمر واني نفخت عليه وخليته يشتعل خاف جنت مقهورا هسه صار قهري منه اضعاف عل هذا اسلوبه وياي
ما استحق منه هيج معامله تحسرت عتذرت من البنيه ورتبت نفسي شكلي من حقي اتمنى شي بهاي الدينا وتجيبه إلى عدل لازم ينكلب ضدي...
ليال: كاعده يخلولي المسات الاخير واني اسمع صوته شلون يريد اله ياخذني وياهم خفك كلبي وبتسمت احسه عباله راح اشرد من ورا وبالف يا عالي اله اخذ بان وراح وستغربت من بقت امه وياي وهبه راحت وي بان جانت تساعدني وتصرف بلطف ماجنت نصدكه شنو السبب الخلاها تتغير هيج بس فرحت بهذ الشي الله يهديهه على لانو هي قبل ويشيلون جانت علاقتي بيهه كلش حلوه وتحبني مثل بان بتسمت الهه وهي تباوع على بحنيه تنفست براحه.
خلصت وهنا بديت استوعب اني اليوم عروسه يعني ماجاي احلم كلبي صار يدك بسرعه واني اباوع النفسي بالفستان طلع قياسه فيت ويجنن بالبس على ضحكت من تذكرت كلامه انو يزفني بدون فستان لان ما قبلت اقيسه.
شعري ما تعبها هوا صح كيرلي وكثيف بس كلش ناعم وخاصه بعد جلسات العنايه إلى سويتهه اله وي بان سوته تسريحه ناعمه من ختياري وزينتهه ببروش شعر بشكل طوك ورد ومكياج برز معاني وجهي بتفاصيل حلوه ونطته جماليه ناعمه مرت عمو صارت تقرا المعوذات بس اشو تاخر يعقوب بقينه ننتضر شوي وتصل على يعقوب باركلي ومن سألني ليش تاخرتو فاجئني من كال.
يعقوب: ادري تاخرت عليكم بس هذا المخبل ما خلاني اجي اله هوا يجي ياخذج وقافل فلبين ما يوصل بان ويرجع جهزي نفسج راح تسون جلست تصوير بالقاعه مال المركز ماتلحكون بالقاعه العالم راح توصل ورا جلسه ليث...
ليال: تنهدت اوك، سديته وكعدت انتضر والله ياجاسر هسه شيصير لو جاي هو وليث ماخذينه بس هو واعد بان هوا يزفهه من الصالون نشالله بس بالاخير ينطيه اليث والله يسويهه وياخذنه ثنينه هههههههه.
دخلتني البنيه القاعه مال تصوير ضمن المركز كلش حلوه وجت البنيه وكادر التصوير شوي ونطوهم خبر وصل صار كلبي يدك مثل الطبل رتبو وكفتي بنص القاعه وخل الكليل عل عل نص وجهي ثواني فتحو الباب وي دخلته وشغلو اغنيه ياره وبدو التصوير فيديو الدخله.
دخل بيده الماسكه مالت الورد رفعت عيوني اباوعله خجلان ومبتسم وعيونه مسلطه على واني عيوني تشكلت عليه طالع هيبه بالقاط وشلون مرتب الشعر وحالق طالع ياخذ العقل لسه مو مصدك اليوم راح انزف هيج وبدون تخطيط وبعد كل هذا التعب
تقرب وكف كدامي نطاني الورد اخذته بايد ترجف لزم ايدي بقوى باسهه وراد يرفع عن وجهي رجعت خطوه مايريد يشوف الدموع إلى ملت عيوني بس هوا بحركه سريعه رجعني عليه ساحبني من خصري وهمس.
جاسر: اليوم ماكو شرده هذا مكانج بحضني وبس
ليال: رفع الكليل عن وجهي وصفن بيه وعيونه وشمت وجهي باوع بعيوني نزلت دموعي من الفرحه وهو صار نفسه عالي وما نسمع غير دكات كلبنه تنهد وبتسم مسح دموعي وباس راسي
بس ما تحمل حضني بقو بادلته وهو همسلي
جاسر: ، امشي نروح ما اريد احد يشوفج غيري بعد انتي بس إلى واني ما اريد شي بعد، تدرين هسه يالله ردت روحي. بدونج جنت بدون روح...
ليال: ضربته بكتف بغيض، ليش عفتني.
جاسر: نجبي مخبله انتي اعوفج غي قفل عليج كلبي وعاتدني وكسر كلمتي وهاي رجعت الج لان روحي بيج او واحد يعوف روحه
ليال: مااا، كتله هيج ضحك وعض شفته لان ادلع، نسولف ونسينه نفسنه وهو حاضني باوع البنات يباوعن النه عبالك فلم رومنسي ومبتسمات متت من الخجل همستله، جاسر عيب كدام البنات
جاسر: شعلينه بيهم.
ليال: ياا جاسر منتضرينه، بعد عني منتبه النفسه يباوعلي مثل الدايخ نسه نفسه باوعل للمصوره وضحك حك راسه باحراج بعد عني وغمزلي اجتي تعدل بيه علمود الصور، ضحكت وكالت
من كد محضنج حتى عطره لزك بيج وطغى عل عطرج مبين زواجكم عن حب الله يسعدكم يارب بس نصيحه لتسون هيج كدام العالم لتنصابون بالعين الله يحميكم.
ليال: بتسمت الهه بلطف باوعتله وتنهدت واكف يعدل بشعره عيوني ما جاي تشبع من شوفته وروحي صارت بي رجع تقرب مني وبدينه باخذ القطات وطبعا مايحتاج واحد يعلمه هو لقطاته الخاصه جاهزه ماخله شي بنفسه بحجه الصور
وفوك حركاته كلامه ردت اخرب من الاحراج وهو يتصرف بثكل رغم حركاته تموت من الخجل وهو ولا هامه خله راسه عل كتفي بوحده من اللقطات كال
جاسر: خل اعض
ليال: ماا والله كافي ترا جاي تخجلني انوب عض انوب.
جاسر: احد كلج انه ملاك وهيج اطلعين عسل كدامي واقاوم بعدين شنو هاي اخجل شيليهه من بالج ترا ورانه ليل طويل.
ليال: فتحت عيوني عل وسعها غمزلي بس خل الفكره ابالي جنت ناسيه هاي السالفه، خلصنه دخلت امه باس راسهه وايدهه باركتله واخذت ويانه صور، لبست الكبوسه حتى نطلع وخلاهم يطموني طم وفوك هذا يدرم يريد عبايه مثل بان بس اني ما جنت حاسبه حسابي وبالف يا الله طلعنه رفعني اني والبدله وخلاني بالسياره ما قبل امه تكعد كدام كعدني اني ما جان ويا احد هو سوه زفه الروحه عل اغنيه ويركص وياها واني اباوعله وفرحانه الفرحته لعب لعب بالركص وامه تدعي ما نسوي حادث وعل كد ما نكله راح تموتنه طلع هاي الغنيه ويركص ويغني وياها طلعت تلفوني اصور بي لان شكله تحفه شلون يغنيلي بيهه حتى اني ما تحملت ركصت ويا.
( ما مبين اني احب الغنيه وخبصتكم مو).
ليال: وصلنه للقاعه وتلكو الولد بالفرقه ونزل وياهم وليث يركص بالنص بس هوا فكيت حلكي عل الثكل النزل عليه ولا هتز لعد منو جان كالب الدنيا قبل شوي، اجه نزلني وتلكتني ماما وامه دخلوني للقاعه، جانت مليانه كلهه واصله نزعوني والكل صار يباركلي وكانو الكل يعرف اله اني الغاني معلوكه كعدنه اني وبان عل كوشه عمري ما تخيلت يجي يوم ونتزوج سوه بنفس اليوم يمكن هذا من اجمل المفاجئات إلى صارت بحياتي اباوع.
الكل يركص وفرحان بس هبه اباوع عليهه كاعده مبتسمه وتصفك طالعه تجنن بس بعيونها حزن تذكرت يعقوب من خابرني سال عليهه كتله رجعت وي بان هم حسيته ضاج.
نشالله مايكونون متزاعلين فزيت عل صوت الديجي تعلن عن دخول العرسان ولا كانو قبل شوي جان يمي رجع كلبي يخفك بسرعه يمكن الان راح انزف اله كدام الكل و تاثرت بالغنيه الخلوها لدخوليتهم كلش تعبر عنه وعبالي بس اني دمعت عيوني اباوع البان دموعه تصب ااوف لعد شكد كلوبنه تعبانه حتى هيج نبجي من الفرح.
والحلو بالمضوع انو مغيرين ولابسين زي عربي طالعين صدك شيوخ وليث حبيبي عيونه تلمع عليهه باوعلي متفاجئ ونضراته بيهه عجاب بتسم ومن وصل قريب على عكس عل جاسر واجه إلى كلهه ضحكت حضني حسيته بيهه عناد رفعني من الارض حاضني ونزلني همس...
ليث: راح ينفجر مو
ليال: باوعت الجاسر كلش ما عاجبه لوضع رغم هو هم حاضن بان جوا كتفه، هزيت راسي اليث بالايجاب ضحك.
ليث: احسن حتى يحس بيهه من خذاها مني، وهسه راح ياخذج ابن المحضوضه شنو هذا الجمال خرب خساره بي ههههه، اااالف اااالف مبروك يا روح اخوج
ليال: بتسمت الله يبارك بيك حبيبي والك يارب ااالف االف مبروك
ليث: يبارك بيج شيختنه
جاسر: احم راح ننتضر هواي
ليال: ضحكنه اني ويا بعد عني وسواله تفضل سلمه بان وكله مرجعها اله
جاسر: اذا حضنتهه كدامي اطيح حضك.
ليال: كلهه ضحكت وليث عل لعناد شالهه شيول وصعدها للكوشه تقرب مني باوعلي بغيض كال
جاسر: حبيبي مو
ليال: ليش عندك عتراض
جاسر: بعدين نتفاهم عل هذا السانج...
ليال: ضحكت لان كلش نغاض بدت الحفله والفقرات مالتهه جان التنضيم كلش يجنن.
وبفقره تبديل المحبس جاسر باوع الايدي وبعدين الركبتي بتسم تقرب يمي نزعني العقد إلى بي الحلقه وطلعها نطيته ايدي باوعلي وتنهد براحه اخذهه ولبسني ياها مثل ما وعدني كدام الكل وصوت الهلاهل باذني هنا نسيت كلشي صار بينه من مشاكل ونقاشات حتى عركتنه قبل لا افوت للصالون احسهه ما تسوه اخرب فرحتي وهو حبه إلى مبين بالافعال بدون كلام ومتاكده كلبه ما شايل على وراح اكدر اخلي يرجع يثق انو مستحيل شي يخليني اتخله عنه بعد اليوم، ايدي واني هم حولتله الحلقه لانو هوا ما نزعها ابدا.
ليث وبان همات بدولهن وذول بعالم ثاني همات جاسر كل شوي يباوع عليهم ويبتسم ونضراته البان وشلون فرحانه كلهه حنيه نضرات اب البنته مرات اكول والله نيال بنته بي ومرات اكول الله يساعدها، دار وجها باوعلي كال
جاسر: هسه انتي شلون اتحمل اشوف اخوج هيج وياها واسكتله
ليال: باوعتله بصدمه كتله، لا والله الله يساعدها عليك
جاسر: منو هي
ليال: لا هيج، بس مثل ما هوا يتحمل يشوفك وياي انت هم تحمل.
جاسر: لا يختلف انتن محد يحبكم بكدي
ليال: بتسمت وسكتت لانو الليله مشاعره كلش متخربطه وجاي يخونه التعبير، بفقره الركص بدينه الرقصه بالعكس جان يركص وي بان وعينه على وليث ما يسكت بس يضحك بيه وهم يحجي عل جاسر لان ما مخلي ياخذ راحته وي بان...
بدلنه عل اغنيه الوراها وجانت رومنسيه مالت شيرين حبه جنه وضلمو القاعه بس اضويه علينه وي الضباب وكلمن ركص وي حلاله هههههه شفته باوع عل بان وليث رفعت ادي حاوطت ركبته باوعلي ببتسامه كتله
شنو مو ماليه عينك، حاوط خصر وسحبني اكثر عليه تنهد وكال ببتسامه.
جاسر: انتي اااخ انتي ليش اكو شي يجذب العين اكثر منج اليوم لهيج ما اريد اركز وياج اخاف افقد وبعد ما اشوف كدامي والله انفضح كدام العالم، صدك كتلج اليوم طالعه تردين الروح لو لا، ااف شوكت تخلص الحفله واوعدج راح اركز بكل ذره بيج تركيز دقيق كلش
ليال: هاا بديت تغرد
جاسر: ههههه ليال خلي اطلع هاي الغنيه وي حركه جسمج بيدي دمرتني.
ليال: برطمن شفتي، عزز اباوعله عيونه تسبلت عليهه وصدك نسه نفسه ودنك يريد يبوسني، بعدت عنه خطوه بسرعه نتبه النفسه ضحك خلصت الغنيه غمزلي وطلع هوا وليث
وهنا بدت الفقرات الختصه بالبنات ركصنه وهوسه وتصوير واخر شي ذبينه الورد وخلصت حفلتنه بالقاعه وهنا بده التوتر مو خوف بس توتر رهيب رجعونه للقصر لانو حفله الولد والزفه راح تطلع مناك هيج عاداتنه وسوينه حفلتنه عل وقت رجعنه رتاحينه ولبين ما تعشو العالم.
ميسم: خلصت الحفله جانت من اسعد الايلم بحياتي وفرحت وركصت من كلبي ما اعضم من شعور الفرح الاخواني بس رغم هيج بالي يم باسل وخاصه بعد ما كالت رحاب وصلنه وتبارك اليث وجاسر وراح وكايل الهم ابو يجي عليهم وهو يقوب بالواجب لانو هوا تعبان هنا تاكدت هوا نزعج من إلى صار الصبح بس ليش ما حجه وياي بالموضع اتصلت بي مغلق مو جنه متفقين نطلع بعد الحفله بس شكله تراجع، نتبهت على ليال ضجت صاحتلي وحجيت الهه كلشي تفاجئت من كالت.
ليال: روحي وياهم وفتهمي منه وفهمي إلى صار واذا ضايج بادري انتي ورضي
ميسم: شنو ارضي هو ما كال ضايج بعدين هوا الضربني بوري وما راح يجي علي.
ليال: لاتسوين روحج غبيه هوا كلش ضاج وغار وشتعل غيرا هم لهيج اتجنب يتواجه وياج لا اطلعيله كلاشن كوف مالج مثل المرا الفاتت وتصير مشكله فروحي ميسم لا تصيعين علاقتكم بيهج خلافات بايخه وخصه وي واحد مثل باسل يحبج بهاي الطريقه إلى يدوس عل نفسه حتى ما يسمعج كلمه تزعجج لو تشككج بثقته بيج
ميسم: تنهدت مبتسمه وباوعت الهه بقله حيله، وزفتكم شلون.
ليال: هاي الحفله وخلصت هي شنو الزفه من القصر للفندق ولسه اكو وقت اذاخلصتي تعالي خلي هو يوصلج.
ميسم: بتسمت بفرح وبوستهه، اااحبج يااا احله اخت بالدنيا والله يخلج النه وااالف اللف مبروك يا عمري ونشالله ليلتج عسل، خليتهه تضحك وركضت بسرعه انطيت خبر الرحاب كيفت ولبست عل السريع ورحت وياهم جنت محرجه بس هما حاولو ما يخلوني احس بهذا الشي وصلنه البيتهم اول ما فتنه للحديقه نتبهنه للاركيله بالحديقه والبرد كاعد عل القنفه برا متمدد ومنطينه ضهرا ويدخن حتى ما دار وجها عل صوت الباب اشرولي اروحله وهما فاتو رحاب تشجع بيه تقربت بهدوء وكفت عل راسه.
رفع عيونه باوعلي ومبين صافن اخذ نفس طويل ونفخه بتجاهي بحسره كحيت من الدخان كله صار على كتله بزعل، شبيك باسل خنكتني، طفر من مكانه فاز ويباوعلي ما مصدك كال بستفهام
باسل: اانتي صدك هنا
ميسم: هههههه لا خيالي بقى بس يرمش بعيونه شكله يضحك والله وكانو شبح كدامه، تنهدت وكتله...
من اجت وقت الزفه سولهم عراضه وزفه جبيره وهوسات وفرقه جانت موجوده اليديوان وعدد الحضور جان كلش جبير طلعت تجنن حتى احنه صرنه نباوع بدلاتنه من الشبابيك وقسم من السطح بس مطفين الاضويه، بعد فتره رتبنه مكياج بان وجهزناها زفتهم قبلنه لانو جاسر يريد يسلمها وحتى ما ننخبص سوا دخل عمو وجاسر وبابا وي ليث اباوع الهه من الباب شلون حضنت امها وجاسر وبجت واني ابجي وياها ما اصعب من انو البنيه تودع اهلهه واني حاسه بيهه رغم انو احنه ما راح نبتعد عنهم بس تبقى صعبه.
حضنهه وسلمهه اليث وهو يوصي عليه احس صوته ختنك هو مربيهه اعرف شلون هذا الموقف صعب عليه بس ليث ماراح يفرق عنه اباوعله شلون فرحان اني لاعرف شكد تعذب واخيرا اخذهه سلم عليهم وطلعو عل صوت الهلاهل والهزاريج قسم من الزفه طلعت وراهم وهسه اول ما تحركو اجتني ماما عيونهه مليانه دموع وكالت
ام ليال: يالله ماما اجه وكت زفتج.
ليال: وكفت صافنه عليهه واحس رجفه صارت بجسمي كتلهه، هااا، حضنتني وبجت واني اريد الحجه صارت ابجي وما اعرف عل شنو ورهبه قويه صارت بيه وروحي تعلكت بماما ما اريدهه تتركني كل ما تبعد اشد عل حضنهه اكثر.
أنكِ مِن اللواتيّ صنعنَ لي قلباً آخر. قلباً ك زهر الياسمين مُمطراً لِيحبكِ أنتِ فقط.
علقو وصوتو عل البارت ترا تعبت بي.