رواية الشيخة ليال للكاتبة الوردة البيضاء الفصل التاسع والخمسون
كم أشتهي أن أسرق من الزمان لحظة لقاء
فقط لأخبرك ماذا يفعل حبك داخل روحي
ميسم: شلونك كالو تعبان
باسل: وانتي خفتي على و جاي تطمنين
ميسم: يباوعلي مبتسم بخفه، هو لو بس يشي عيونه وهاي النضرا البيهه عني جان اني بخير
كاتله بتوتر، ي مو اتصل بيك مغلق
باسل: يي اني غلقته، كعدي لبتقين واكفه
ميسم: بتسمت كعدت ورجعت سألته، ليش غالقه بقى بالي يمك، صفن بوجهي كال
باسل: شكد حلوه هاي الكلمه منج، بالي يمك.
شنو اليوم هذا الدلال ترا ما متعود
ميسم: دنكت بخجل مبتسمه، ليش محسسني اني ماعندي حساس، ضحك وكام اخذ جاكيته تقرب كعد بصفي خلا عل كتفي وحنه راسه خلا عل كتفي هم من تقرب مني هيج احس كلبي فوت نبضه وصارت دكاته مفضوحه واني ادعي ما يسمعها تنهد وكال مجاوبني عل سوالي
باسل: منو كلج ماعندج حساس بس حبيثه وياي
ميسم: انت ضايج من الموقف إلى صار الصبح.
ترا سلم على عادي وحتى سأل عليك هو يبقى ابن عمي ما راح اضل اتهرب منه طول عمري، رفع راسه باوعلي عاقد حاجبه، شكو
ضحك ورجع خلا راسه عل كتفي
باسل: ههههه لا بس مستغرب جاي تبررين رغم اني ما حجيت
ميسم: مو تبرير بس حبيت اوضح اخاف هذا إلى ضوجك
باسل: همم
ميسم: كال هيج هو يتمدد وخل راسه بحضني ويباوعلي من التوتر صارت رجفه بايدي واني مطيره عيوني حتى ما اباوعله، كال
باسل: ي ضجت وبمعمى ادق غرت كلش.
ميسم: رفع ايده ولزم وجهب وداره عليه باوعتله تلمس خدي بحنيه وكمل كلامه
باسل: يعني هذا الجمال كله طالعه بي كدامهم وما ترديني اغار مو بيدي حتى ما كدرت ابقى هناك
ميسم: بس جد هما ما يباوعولي بهاي الطريقه
باسل: يمكن لان اتخيل الكل يباوعولج بعيوني
ميسم: يعني ما زعلان مني...
باسل: لو ادري تجين تصالحيني جان زعلت.
ميسم: بتسمت ردت اغير الموضوع لان بديت اصخن من المستحه، لزمت الخرطوم مال الاركيله تحمست ردت اخليهه بحلكي سحبهه منه
باسل: هوب هوب شنو تاركلين ولج
ميسم: يي، خنزر على كتله بتبرير، لا لا بس مجربتهه من نلعب اني وليث طاوله مرات اشرط عليه انو اذا غلبته اخذ نفس
باسل: ي ست ومنو جان يفوز
ميسم: مرات اني وينجبر ينفذ الشرط هههههه
باسل: شلون يقبل تشربين.
ميسم: عادي مرا وحده ومرات ما يقبل، ليث يتعامل ويانه كا اصدقائه اكثر من خواته، يعني عادي نتكاتل ويا علمود لعبه وهواي مواقف مجنونه بينه اصلا اي مصيبه نسويهه اني وليال لازم هوا يشلهه وينقذنه، تدر مرا اخذت وحده من السيارات وطلعت كبل جان الطرق فراغ لانو وقت ضهر بس بعدين ما عرفت شلون ادير وارجع اتصلت بيه اجه اخذني بس شنو اكلت رزاله منه ومن وصلنه للبيت كال انو هوا جان وياي ههههههه...
ومرا اصرينه عليه اني وليال انو يعلمنه نستخد السلاح وقتهه خلانه نلبس دشداشه ولفينه الغترا عل وجوهنه واخذنه عل مكان لصيد وصار يعلمنه هههههه يمكن اكثر يوم بحياتي ضحكنه بي، جنت منطلقه واحجي عن خبالي ومصايبي باوعتله يباوعلي يبتسم، سكتت، باوعلي بغيض سحب ايدي وعضها حيل، اااااخ ليش
باسل: شنو هاي الوكاحه بس مو صوجكم صوج ليث مطلع عينكم.
ميسم: برطمت كتله، اصلا جاي احجيلك حتى تعرف لكدام مو تكول ورطوني بيج ترا بعد الزواج انت راح تتحمل خبالي، كلت هيج بتلقائيه باوعتله يباوعلي صافن عبالي كلت شي غلط خفت من نضراته، كتله، ترا مو كلش مخبله عقلت هسه، يابه اني كلت هيج وهو كعد غاص من الضحك بقيت اتلفت عزه نفضحنه
تقربت بسرعه يمه نحنتت عليه وخليت ايدي عل حلكه تفاجئ وباوع بعيوني بصفنه خجلت نزل ايدي بهدوء وهو يهمسلي...
باسل: ومنو كلج اني اريدج تعقلين بتليت بحبج حبيتج مثل ما انتي واريدج تبقين هيج ما تتغيرن اريد تكسرين الملل والهدوء البحياتي وتخلني اشوف الحياه بالطريقه الحلوه التشوفينهه بيهه بعيونج كافي رجعي مثل ما عرفتج اول مرا وطريتي عقلي بعنادج ولسانج مشتاق الميسم القديمه إلى صارت ماتطلع غير لمن تنسه نفسهه وتنطلق بالحجي احس الكه الشي الفاقده بيج من تسهين
ميسم: كتله بعيون مدمعه اني هم مشتاقت الهه.
ساعدني حتى ارجع الكاها صرت ما اعرف نفسي
سحبني الحضنه
باسل: راح ترجعين انتي بس انطي النفسج الامان وانو مو كل اصابعج سوا، ماراح اخيب ضنج ابدا كسري حاجز الخوف إلى بنيتي ونطيني الامان مرا وحده وما راح اخليج تندمين
ميسم: رفعت راسي باوعتله كتله مبرطمه، راح تخليني اشرب اركيله وياج، باوعلي بغيض
باسل: نجبي شنو من اولهه ستغلال.
ميسم: هههههههه وهو يضحك شكله وكلامه خلاني صدك احس بالامان وخلاني اتجرء تقربت وبسته بخده بهدوء باوعلي متفاجئ كتله، شكرا...
باسل: لا البوسه تكفي ماكو داعي للشكرا بعد
ميسم: يحجي وهو ساهي وعيونه عل شفتي دنك بهدوء على واني صارت دكات كلبي مسموعه تقرب كلش وفجئه بتعد وكانو تذكر شي كام وكال
باسل: احم كومي خلي اوصلج لاتتاخرين عيب.
ميسم: حسيت نحرجت من إلى سوا وندمت لانو اجيت كتله بخجل ي اصلا محد يعرف بطلعتي بس ليال كمت ردت امشي بس هو بقى واكف يباوعلي كتله، يالله امشي ليش وكفت
باسل: شنو ضجتي ترا اريد اخذج لانو اذا تاخر الوقت خايف اتهور وبعد ما ارجعج لهلج
ميسم: لاا لاا مضجت والله
باسل: ههههههه جبانه يجي يوم وما ارجعج
ميسم: بتسمت بخجل وفتحت شالي الفه عدل وهو يباوعلي كال
باسل: احم ماراح تراويني شنو كاشخه اليوم بالعرس.
ميسم: ما جبت تلفوني خلي اوصل وادزلك الصور
باسل: يعني انتي واكفه كدامي وترديني اصبر حتى اشوفج بالصور
ميسم: باوعت للمكان إلى احنه بي بس يالله امن وهم اهلهه جوا ما اعتقد احد يطلع بعد، جاي افتح العبايه وفززني صوته
باسل: هووب خبله ما كلنه هيج
ميسم: هاا غير انته ردت اتشوف
باسل: ههههههه انه اشوف بس حتى النجوم ممنوع، تعالي
ميسم: هاا ووين
باسل: شبيج خفتي شنو خايفه مني.
ميسم: بتسمت وهزيت راسي ب لا اخذني من ايدي فتح باب الاستقبال البرا ودخلني يمه حسيت كلبي راح يوكف من الخجل فتح الاضائه
وكف متكي يباوعلي دنكت وفتحت العبا ايدي ترجف من الخجل نزعتهه اباوعله فتح عيونه واكلني اكل بنضراته نزلت عيوني وهو رجع داس دكمه الكلوب وخفف الاضائه تقرب على وكف خطوه عني كال
باسل: راح اوكف هنا واشبع عيوني منج لان اذا اتقرب بعد ما اضملج ما اكسر وعدي الج.
ميسم: صفنت وعقدت حاجبي بعدين تذكرت شنو يقصد بوعده انو ما يتقرب مني اله اني اكون خلص قررت ابدي ويا صفحه جديده.
صفنت بعيونه شلون يباوعلي بحب ولهفه تنفسه المو منتضم واديه إلى خلاهم ورا ضهرا لهد درجه كد حجايته وخايف انفر منه بس اني ليش اريد هاي الخطوه تختفي بينه ليش حالي ما يفرق عن حاله هم توازني ختل من نضراته وعاجبتني ودكات كلبي المسموعه وكلشي بيه يتمنى قربا مر شريط علاقتنه كدامي وكانو كل الاحداث إلى صارت والمواقف البينه بينه من عنادي وحبه وخوفه على وغيرته تثبتلي انو اني مكتوبه اله ونصيبه بس اني عميه وما جنت اشوف وهسه لو ينعاد بيه الزمن احس كلبي الجاي يرجف بشوفته هسه ماراح يشوف غيره.
لان صار يحبه بجنوب وعتى مغتاض من هاي الخطوه إلى تفصلنه وماراح فوت لحضه على تسمحلي انو اكون قريبه منه تجرئت وكسرت هاي المسافه إلى تفصلني عنه ماراح اسمح الهه تضيع على لحضه حلوه ويا كتله واني واكفه كدامه مباشره، عادي اني اكسرها...
باوعلي بصفنه ثواني لحد ما ستوعب قصدي اخذ نفس بقوه وفرك وجها زافره وبنفس اللحضه.
ما احس غير رتفعت من خصري بايده والايد الثانيه ثبتت راسي واخذ شفتي من المسجون واطلقو صراحه غمض اعيوني مستسلمه الهاذ الهجوم ولذت المشاعر البيه خدرت بيده وبادلته بهدوء لو هو فقد لحد ما حسيت راح يغمى على لحاجتي للهوا ضربت صدرا فصل عني وحضني يشم بركبتي كعد مخليني بحضنه خليت راسي عل كتفه اتنفس بتعب وهوا انفاسه عاليه ايد محاوطه خصري وايد تتلمس بشفتي همس
باسل: اذيتج
ميسم: هزيت راسي، دنك باسهه برقه.
باسل: شلون كدرتي هيج تخليني اسعد انسان بالدنيا بهاي اللحضه واني القبل شوي الدنيه طالعه من عيني
ميسم: هم بسببي هو انت ليش تمسكت بيه وصبرت لحد هسه على بتسم وكال.
باسل: شايفه إلى يكعد طول عمره يدور عل شي و يحصله مستحيل يتخله عنه وهاي اني هيج من لكيتج من وصلت الهاذ العمر وصرت افكر بالاطفال والعائله واني لسه ما لكيت الانسانه المناسبه وما اكدر اتقبل انو اتزوج بس علمود هذا الموضوع واله جان تزوجت من زمان، بس جنت مومن بشغله وحده ما ادري اذا صح او لا وقتهه لحد ما شفتج وثبتيلي صحتهه
ميسم: شنو.
باسل: دائما جان عندي ايمان انو اول ماراح اشوف الانسانه إلى اريد ارتبط بيهه راح احس انو هاي انخلقت إلى وضلت مومن بهاي الفكره سويت علاقات وجانت ناجحه بس ماحسيت بهذا الشعور ورغم هيج مستعد اكمل وياهم بس سبحان الله يصير شي وتخرب لحد ما شفتج
ونصدمت من هذا الشعور هو اني رحاب واشوفها طفله ليته إلى شفتج بقيت الليل كله ما نمته والوم نفسي عبالك عقلي متحرش بطفله.
لانو صراحه عيوني ما كدرت اسيطر عليهه بختصار فصلتج تفصال
ميسم ؛ لعد شكو كلبت خلقتك على بيومها كرهتك كره لان جنت من اكثر نوعيه شخصيه اكرها متعجرف وشايف نفسك محد عاجبك وبس انت وبس وجيد واوك شكلت
باسل: هههههههههههههه ترا جنت اتاحرش بيج
ميسم: هههههههه ردت اركعك بلصحن والله طلعت مخنوكه من بيتكم
باسل: ومن يومها ما طقتيني
ميسم: ياخي ما تنبلع هي كوا، سكتت اباوعله رافع حاجبه
باسل: اخي وما انبلع مو.
ميسم: لااا لااا ااااخ، دنك عضاني بزندي
باسل: خررر فضحتينه هسه يكولون شو شسويت بيج
ميسم: ااااخ لتعض بعد
باسل: بعدج ما شفتي شي اطلع عليج ضيمي كله وهذا فستانج ماكو مشلح بعد اكثر
ميسم: كرصني من خصري ردت ابجي ضحك برطمت عليه
باسل: خرب لا تسوين هيج لان هسه جاي احاول اقنع نفسي ارجعج لهلج الليله
ميسم: من جاب سيره اهلي شي وعصر كلبي كمت بسرعه فازه اخذت عباتي لبستهه ولفيت الشال العبره خانكتني
باسل: شبيج.
ميسم: مادري اريد اروح فدوا وصلني ما مرتاحه
باسل: خلص خلص اهدي شبيج يالله امشي
ميسم: بسرعه شغل السياره وصلني وكلبي حساسه ما خاب عرف الصاير لو تخبلت...
ليال: بعدتني ماما ومسحت دموعي لكل صار يحجي على لانو هيج سويت وخربت المكياج واني راح اكون قريبه منهه بس اني روحي لابت ما اعرف شبيه كعدت رتبولي شكلي ومكياجي ولبسوني الكبوسه حسيت ختنكت.
بس رجف كلبي من دخلو عل صوت الهلال والهزاريج البره كومني بابا حضني وباس راسي رجعت دموعي اتصب وحتى عمو ويعقوب جانو موجودين باكولي وعمو صارو يوصونه على وخلوني بيده هنا صرت ما اسمع شي غير دكات كلبي ولهفتهه لهاي اللحضه شعور اني نجمع بي ما اكدر اوصفهه بالكلمات كل الحروف تعجز عن التعبير صاري حياه واريد اسكن بيهه وما اريد شي ثاني بعد حلم حلو ولحضه خلت كلبي طاير مثل الفراشه.
فزيت منهه عل كاابوس وصوت الرصاص إلى صدح صوته بكل مكان اول ما طلعت من بيتنه وتحولت اصوات الطبل الاصوات عاليه من الصريخ زلم ونسوان وني من بين هذا كله روحي صارت بالي حاوطني باديه يحميني وخلان جو كتفه وصوته يزئر مثل الاسد ويتوعد لزمت ايده بقوا واني انحل بين اديه بضعف من البروده إلى سرت بكل بجسمي مودعه هاي الفرحه إلى شفتهه بعيونه وهو يهمس باسمي بصوته الخوف والرعب وهو يصرخ بي ويانبني لانو ماجاي ارد عليه بس طاقتي خلت كلشي يضلم بعيني وتجبرني اسمعه ويحترك كلبي لان يعز عليه ما يجاوبه رحت بعالم ثاني بارد وبي ما حسيت بشي بعد...
هبه: لحضات الفرح من تتحول بثواني اللحضات تعيسه هذا إلى يتسمه كابوس بعد حلم جميل وهذا إلى صار زفينه ليال بالهلال والهوسات الجميله وجنت اباوع عليهم بفرح انو اخيرن راح تكمل فرحتهم بس للاسف ما كملت.
اول ما طلعو من الباب ومن بين اصوات الفرقه والعزف ما نسمع غير صوت رصاصه ثارت جانت مستهدفتهم كدرت تحول اصوات الاغاني والمعزوفات الى صوت الصريخ والرعب طغه عليهه صوت واحد من بين كل هاي الاصوات وهو صوت جاسر وهو يصرخ باسمهه بصوت اسد مجروح وهو يشوفها شلون شلون تكومت بحضنه وفستانها الابيض تحول الاحمر من الدم وما ترد عليه وبعد ماجان راح يزفهه القفصهم الذهبي شالهه بيده وهي غركانه بدمهه وزفه للمستشفى وبدل ما تكون احل ليله بحياتهم وكلهه مشاعر حب وفرح تحولت بيهه المشاعر الاسوء ما يكون وهي مشاعر الفقد والفراق.
وكفت متصنمه بمكاني من هوا المنضر واني اشوف شلون الجو حترك بالرمي والطلب بالثار عل انتهاك عرضهم ابي محني ضهره وام تبجي عل بتهه بفجع وهي تشوفها تنزف للمجهول وكل الموجودين اصواتهم تحولت من الضحك والفرح للخوف والبجي.
رجلي ما حملني واني اتخيل يصير شي بليال إلى الدنيه نطتني ياها اخت وعوضتني بيهه عن الحرمان مال حب وخوف الاخت ومشاركتها بالحضات الحلوه والمره كل هذا حسيته وياها وهسه يصير بيهه هيج كعدت مهدود حيلي ودموعي تنزل بفجع دخل يعقوب مو بوعيه وحالته حاله من العصبيه ونضرات مليان خوف ونار يطلع منهه
عاط بالموجودين والي اصواتهم علت بالبجي والنحيب.
يعقوب: كااااااااافييي خرررب حضكمم لاااا تولووولون وتفااااولووون عليههه لااااا احرك الببببيت بيكممممم هسهههه
هبه: الكل خنس لان ما يتفاهم تقرب يم امها حضنههه وي يواسي بيهه ويطمنها وهواا اصلا حالته ما تفرق عنهه اني الاعرف شنو تعنيله ليال
هو مثلي فقد الاخت وحنانهه عل اخوها ولكا بيهه دائما من تسوي شي يعجبهه يكلهه اريد بتي تطلع عليج هيج بميه رجال وهي تضحك فرحانه.
اااف يم كلب الطيب والحنونه يارت بيه ولا بيج بجيت بشهكه وحس الوت بطني بجيت بصوت واخذت من الوجع حجه حتى اطلع قهري نزل يعقوب بعد ما جان صاعد بسرعه يجيب سويج سيارته واغراضه حتى يلحكهم جاي يفوت عبرني وكف فجئه دار وجها، وشافني اجااني يركض بخوف وكعد كدامي يهز بيه
يعقوب: شبيييج لللليش كااعده هيج احجيي هبه لا تموتيني.
هبه: شهكت وذبيت نفسي بحضنه حضني بقوا وكانو محتاج هذا الحضن اكثر مني حتى ما كدر ينطق شي يطمني بي وهو خوفه يحتاج واحد يطمنه كومني واحسه مهدود حيله الوجع إلى صار عندي فضيع للحضه توقفت ايده وصارت ما تسندني وجها إلى جان تعبان ختفه منه الون باوعت عيونه وين متشخصه وجفلت بخوف وصرخت من شفت الدم مالي فستان
يعقووووووب ااااابنييييي، سحبني الحضنه وصاح.
يعقوب: عبااااايه بسرعه من ااااانعل ساعتي كوووون شووووكت اااارتاح ياااربي
هبه: لبسني الشال والعبايه واني جامده من الخوف وبس عيوني تصب طلع سوالي طريق وام ليال اجت ويانه لان فرفحت عل خبر عنهه
ما ساق هو يوسف اخذنه كعد ورا وخله راسي بحضنه اباوع اعيونه حمر واني افتحها واسدهه بتعب كال وهو يمسح وجهي بكف ايده.
يعقوب: دير بالج اتركيني لو يصير بيج شي، ترا انتي حيتي روح ميته وصارت مرتبطه بروحج، ليال هدت حيلي انتي تموتيني
هبه: دنك راسه على اكثر وهمس بصوت كله حنيه وخوف وقهر.
يعقوب: جنت خايف اكلج احبج خايف حتى اعترف النفسي وابين الهه شكد هي فرحانه بيج حتى لا احس روحي وانه ادري مادوملي فرحه حبست هاي الكلمه بكلبي رغم كل ثانيه اتمنى اكلج ياها واشوف عيونج لحلوه شلون تلمع من تسمعينهه بس شنو صار هاي انتي بين ادي وماخذج الوجع وانه مربط ما اكدر اسويلج شي غير الندم لان مشاعري لعنه وتصيب كل شحص احبه.
هبه: يحجي واني تنزل دموعي لزمت ايده وخليتهه عل كلبي كتله بضعف، حبني وبس وضل كولهه حتى لو لعنه اني قابله وما راح اتركك ولا يصير بينه شي انت بس حبنه وهذا إلى ينطيني القوه، تنهد وجر حسره رفع راسه ودار وجها عني يداري ضعفه خليت ايد عل بطني، نطيته وعد ما نتخله عنه كون قوي لخاطري...
بان: تحرك الزفه وماما اجتي وياي ماجنت اشوف شي بس بنبضات كلبي إلى طاير من الفرحه وحراراته ايده إلى من طلعنه ليجاي ما تركت ايدي اسمع صوت الهورنات والاغاني ورانه وبالي وي زفه جاسر اذا طلعت لو لااا، جان عاك اغاني وضحكته وي السيارت إلى تصير قريبه منه وحرشه اصدقائه بي تطلع من كل كلبه وكلبي يرف الهه لحد ما فجئه.
كلشي ختفه وحتى صوته بعد ما رد عل اتصال اجاه حسيت برجفه ايده إلى سحبهه من ايدي بعد ما صف عل صفحه ونزل من السياره رفعت راسي اباوعله شلون نزل من السياره وبتعد يرخابر وايده تفتح الرباط ودكم القميص برجفه كلبي رجف بخوف وماما هم تسأل رجف جسمي وزاد خوفي من شفت صديقه حضنه وصار يحجي باذنه وهو جان مفرفح مثل الطير يشمر باديه ويضرب الارض بجسمه شوي وهدئ غسلو وجها ورجع لسياره حالته حاله عكس من طلع.
طفه الراديون ولساني انعقد بالف ياعلي طلع منه السوال كتله، شنووو صاير ششبيك
ام جاسر: شبيك ليش هيج انكلب حالك صاير شي
بان: كال بصوت مخنوك وكو يطلع بدون ما يباوعلي
ليث: مااصار شي بس امي رتفع سكرها ونقلوها للمستشفى
بان: شهكت، وهسه شلون صارت، اباوعله احس عيونه دمعت كال
ليث: ستقرت بس بعدهي بالمستشفى
بان: ليث خلي نرجع روح الهه شوف شلون مقهور اطمن عليهه احسن، هز راسه وما جاوبني ساق بسرعه وكل ملامح الفرحه ختفت.
وصلنه للفندق ونزلنه جان حاجز سويت دخلوني بي وهو دخل الجنطه وتقرب يمي رفع الغطه عن وجهي ولزمه بين اديه كال ومتت قهر عليه شلون حاله صار ويحجي بتعب
ليث: حبيبتي باني راح هسه اطمن عل امي وارجعلج ماراح اتاخر
بان: اخذني وياك خلص ما اريد عرس ولا فندق خلي نرجع
ليث: لاا شنوو هذا الحجي وين اخذج كتلج بس اطمن عليهه وراجعلج وامج راح تبقى يمج ماشي نامي ورتاحي لبين ما اجي
بان: لااا راح انتضرك، سحبني الحضنه وباس راسي.
ليث: لاتتصلين باحد ماريد واحد يعرف اني طلعت واي شي تردين اتصلي بيه وبس حتى امج لا تتصل ماشي
بان: هزيت بعد عني وصه ماما وشرح الهه الوضع وراح وانه كلبي ضل يفور ماما مرتاح مثل الغمامه هم صارت عليه هه اني اتملي فرحه حضي واعرفه الحمدالله عل كل حال ما ادعي غير الله يشافيهه يارب...
خُذني إليكَ، ولو طيفاً تُعانِقُهُ
إن كانَ شقَّ اللِّقا، أَو شَطَّت الطُرُقُ
فالعاشقان إذا جِسماهُما إفترقا.
تَفنى المَسافاتُ، والأرواحُ تَعتَنِقُ.