رواية الشيخة ليال للكاتبة الوردة البيضاء الفصل السادس والثلاثون
وفي الصَدرِ شَوقٌ أُداريهِ فيَفضحُنيّ
شّحوبُ وجهٍ عَليهِ يَظهرُ الولَهُ.
ميسم: كومي ليال يعني ما اطنكرين اله وي خطوبتي منو إلى غيرج، سحبت الغطه عن راسهه صار يومين عل هاي الحاله مخلصتهه بغرفتهه بالفراش حتى دوام ما تروح
ليال: تركيني بان خلي ماما تاخذج صدكيني مصدعه
ميسم: ماا اذا ما ترحين انتي وياي ما اروح ولااجهز اي شي يعني هاي انتي اختي وهيج تخليتي عني باهم ايام بحياتي.
ليال: رفعت الغطى عن وجهي وتنهدت باوعتلهه كتلهه، عمري ما اتخله عنج يالله كومي بدلي لبين ما اجهز نفسي
ميسم: عاااشوو تقربت حضنتهه وبست خدهه احس كلبي يتمرد من اشوفهه مكسوره لو ضايجه ردت اباي طريقه اطلعهه من عزلتهه...
ليال: طلعت ميسم كمت من الفراش احس جسمي نحلان او يمكن النحول بروحي نفسهه باوعت بشكلي بالمرايه ما اعرف شلون اواجهه وانه بهاذ الستسلام بس انو احيانا حتى كدام نفسك مالازم تتصنع القوا لازم نضعف كدامهه حتى نعرف شلون نواسي ونقوي نفسنه بنفسنه وننطيه الدافع انو تكمل بس حتى العزله ماتكدر تعيشه براحتك وكانو نفسك مو ملكك وحدك وغيرك منتضرين دعماك إلى انته اصلا ما تملكه تنهدت، دخلت سبحت وبدلت بدون هتمام.
نزلت لكيت ميسم تنتضرني هي وماما ويوسف وليث هم موجود باوعولي بقلق وكانومو مصدكين انه نزلت بتسمت سلمت كام ليث حضني م كتفي كال...
ليث: مشتاقلج ولج شلونج هسه
ليال: ههه الحمدالله، يالله نمشي
يوسف: يالله.
ليال: طلعنه رغم مالي نفس بشي بس ما اكدر اكسر بميسم إلى اصلا لحد الان مو مقتنعه انو هي اخذت هيج قرار مصيري بهاي السرعه رفعت راسي نضرات يوسف على دنكت بسرعه لا تنتبه ميسم إلى كانت مشغوله تكلب بتلفونهه حتى تجيك الشغلات المحتاجتهه ااخ احس كلبي راد يطك من القهر خايف احجي واخسرهه وتعتقد انو انه اريد اخرب عليهه لان الكلب إلى يحب ينعمي ماراح تصدك كلامي واله جانت فهمت تلمحي الهه المرا الفاتت...
وصلنه للسوك وصرنه نجهزل الهه بامور العقد والحفله لانو كلشي راح يكون بيوم واحد علمود دراستهه شكد حلوا التفاصيل بس الاهم انو تنعاش وي الشخص الصح ونشالله يكون يوسف هيج، شترينه الذهب وبقى الفستان دخلنه محل وختارت ودخلت تقيسه وكفت اباوع عل بقيه الفساتين اجه يوسف وكف يمي كال
يوسف: الجاي اشوفه انو بعدج متاثرا بالي صار بالشركه.
ليال: عادي تعودنه عل المشابكات والخلافات بينهم جاسر وسعد ما يتكابلون ومشاكلهم راح تائثر علينه كلنه
يوسف: وانتي وياا بالخصوص مو ماجان لازم تثقين بي صدكيني واحد غدار ما يستاهليج
ليال: باوعتله بعصبيه كتله، وبرئيك منو اليستاهلني بما انو انته تعرف مصلحتي اكثر مني
ليال: باوعلي وتنهد بطريقه مستفزه كال
يوسف: تستاهلين كل الخير بس انه مقصدي شي من خوفي عليج.
ليال: وانه مو زغيرا يوسف اعرف اهتم بنفسي واخذ قرارات حياتي، وانته هسه المفروض تركز وي ميسم وبس
يوسف: ي اكيد.
ليال: هزيت راسي، جنت دائما مراعيه مشاعرا وحبه إلى وما احاول اجرحه لان اعرفه يحبني بس من وصل الموضوع الميسم وانو راح يكون خطيبهه لازم اوكفه عد حده، درت وجهي شفتهه واكفه قريبه علينه ماما تحجي وياها بس هي مركزه ويانه بتسمت الهه وتقدمت عليه وانه انعل بداخلي هذا الموقف الزفت إلى شكله راح يتكرر هواي وراح يكرهني حياتي، هاا شلونه
عجبج
ميسم: ي كلش حلو راح اخذه
ليال: اوك حبيبتي يالله محتاجه شي ثاني.
ميسم: لا خلصت يالله امشو.
ليال: تعشينه بمطعم ورجعنه للبيت حسيت نفسيتي رتاحت شوي من شميت هوا بس جسمي مرهق صعدت الغرفتي طبعا من يوم إلى صار بالشركه ما وصلت الهه وحتى الجامعه اخذت اجازه حسيت قفلت كلش مالي نفس بشي حتى تلفوني قافلته دخلت اخذت شور وطلعت مشطت واخذت تلفوني فتحته صارت الرسائل والاتصالت مثل المطر على باوعت من بان ترزلي وتحجي على لان ما ارد بتسمت اعرفهه ماتكدر تجي بسبب بيبي بعد هاي المشكله راح تجلب براسهه باوعت لبقاي الاتصالا جاسر متصل بيه اكثر من مرا بيوم هاي المشكله وبعد ما متصل لزمت رقمه وحضرته اتصلت ابان اول مارديت نهدت بيه.
بان: وينج انتي صدك تحجين ليال كلبي نار عليج والله
ليال: تعالي بان محتاجتج
بان: يلكلبي والله اريد اجي بس تعرفين بيبيتج شنو يركبهه من تشوفني
ليال: هههه تعالي انه انتضرج بالحديقه
بان: اوك جايه خلي اتسحب من ورا ماما لو اشوفلي حجه
ليال: هههه يالله منتضرتج باي
بان: باي.
ميسم: كاعده بعرفتي اباوع عل الاغراض والتجهيزات مابقى غير يومين ونعقد انه ويوسف مشاعر الخوف والتوتر مسيطره على خايفه من هاي الخطوا بحياتي لانو الزواج مسؤليه وحياه مشتركه مادري اذا ختاريت الوقت المناسب تنهدت فتحت العلبه باوعت لحلقتي مو نفس الشفتهه المرا الفاتت إلى ختارهه باسل مع انو رحت علمودهه بس كال نباعت كلش ضجت لانو عجبني مديلهه حسيتهه مصيوغه إلى او يمكن لانو كلامه وقتهه اثر بيه جنت منضرا نعيش هيج موقف انه ويوسف وحنه نختار التجهيزات ما اعرف ليش حسيته بارد او هيج طبيعته وانه صايرا اقارنه اباسل ليش صرت اشوف بي عيوب ماجنت اشوفهه قبل جنت احبه وبس.
هبه: تمشينه بالطرق جان عباره عن مزارع وبساتين امشي واتعثر بسبب الحذاء وهوا منطلق كدامي، دار راسه باوعلي كتله، تعبت لشوكت نبقى نمشي
يعقوب: لحد منلكه احد يساعدنه، شبيج نلوت رجلج
هبه: لا بس الحذاء تعبني
يعقوب: نزعي ما ينمشي بي هنا.
هبه: وهوا هيج، دنكت نزعته ولزمته بيدي، اووف راحه، باوعلي بشبح بتسامه تقرب اخذ ايدي بيده وكملنه دخلنه عل بستان جان بي فلاحين واحد واكف عليهم من شافنه اجه علينه شرحناله الوضع من عرف يعقوب منو لانو العشاير شيوخه معروفه طار بي و اصر انو يضيفنه امزرعته ويدز احد عل السياره ولانو طاح حضنه من المشي باوعلي اكسر الخاطر وافق اخذنه البيته الرجال ستقبلتني زوجته وبناته ناس لطيفين يعقوب كعدو بالستقبال واني كعدت يم البنات مددت رجلي من التعب وهما يضحكون علي.
فدوا شكد حلوا ما تتحملين تعب حقج
ي والله مبينه ترفه مو مال مشي وتعب
هبه: ههههه تسلمون حبيبتي بس مشينه هواي وانه لابسه كعب فتعبت رجلي
هذا زوجج إلى وياج
هبه: ي
يخبل مثلج، اسفه مو قصدي ولله قصدي لايكين عل بعض
هبه: ههههه وله يهمج حبيبتي اين كان قصدج هذا من جمال عيونج حبيبتي
شرايج تسبحين وانطيج ملابس راح ترتاحين اكثر
هبه: لا حبيبتي تسلمين شوي ونمشي
لاا بابا كال نسويلكم عشه ما تمشون.
هبه: شنوو كمت وصلتني البنيه للستقبل دكيت الباب ودخلت عليهم، شنو يعقوب راح نبقى هنا
يعقوب: تعالي هبه ي حجي رزاق يكول انو السياره ما راح تتصلح الباجر
هبه: اوك خلي هوا يوصلنه وهي تبقى يمهم
مو عيب على انتم اشيوخ وتعرفون الاصول ترديني اوصل خطاري بيدي بدون ما اكرمهم
هبه: لا العفو مابيك قصور نشالله بس لان...
يعقوب: خلص هبه راح تبقى ليوم هنا لانو صعب ارجع عل السياره.
هبه: ما ادري ليش احسه يتحجج يكدر يدز احد عليهه او احنه نتصل باحد ياخذنه بس اعتقد مايريد يكسر بالرجال لان اصر، هزيت راسي وستسلمت للامر الواقع طلعت كلت للبنيه تنطيني ملابس حتى اسبح خطيه راح جابتلي، دخلت سبحت بمي دافي احس جسمي رتاح طلعت نطتني دشداشه بس تخبل سوده وعل طولهه تطريز ماروني واجت عل جسمي مرتبه نشفت شعري ومشطته لفيت الشال وطلعت شافني البنات كعدن يمدحن بيه السانهن عسل ما شاءالله قبل وقت الغروب طلعت وياهن نتمشى بالزرع الخضار يخبل احس ردت روحي وهنه يسولفن ويسألن وانه اجاوبهن وكفت يم شجره تين عجبني اكطع منهه رفعت راسي.
يعقوب واكف مسافه يم الرجال مبين هم طالع يتمشى باوعلي ودار وجهه ورجع باوعلي بتركيز
اضاهر ما عرفني بالاول ترخص وتقرب على البنات شافنه مشن اجه يمي يباوعلي بستغراب وحسيت اكو اعجاب بعيونه بس الخبيث ما يبينه
يعقوب: هاي شوكت بدلتي
هبه: سبحت هم
يعقوب: همم اخذتي راحتج عل اخر
هبه: ي لان متت تعب وهاا لازم اتصل باهلي ابلغهم شلون
يعقوب: حصلت شبكه انه خابرتهم
هبه: طفرت اجيب التينه ما الوح، هاا زين.
يعقوب: هوا وين طولج وتكمزين ماراح تلوحين
هبه: ااف شتهيته
يعقوب: لحضه هسه اجيبله
هبه: اباوعله خله رجله عل الشجرا وصعد بسرعه وصار يكطع ويشمر على ونه اكل طعمه عذاب
يعقوب: شبعتي لاا
هبه: انه شبعت بس بعد انت فوك كمل كرمك وكطعلي للبنات
يعقوب: هذا الكطعته كله ما بقيتي للبنات وين يروح هذا الاكل ما شالله ما متاثر ابدا
هبه: حط عينك
يعقوب: حاطهه، احم كافي لو هاي هيه.
هبه: لا كافي يالله انزل، نزل مترب وشعرا كله ورق شجر، دنك راس خلي انكثه
يعقوب: ما يفيد يرادلي غسله
هبه: ي اتربت تقربت عليه بتلقائيه وصرت انكث بقميصه وشعرا حسيت أعيونه تتبع ايدي دنكت راسي صارت عيني بعينه جنت قريبه منه هواي صفنت بعيونه مشتاقتله موت نتبهنه النفسنه بعدت خطوا
يعقوب: خلي نرجع
هبه: هزيت راسي رجعنه نتمشى للبيت رحت يم البنات انطيتهم التين
فدوا جان شكلكم يخبل مثل العشاق.
كانو مشهد مسلسل الله يخليكم البعض
هبه: تنهدت ببتسامه اصريت اساعدهم بالعشه اجوائهم تخبل للحضه تمنيت ابقى هنا فد شهر ابوهم ويعقوب اكلو سوا واحنه وحد سوالف وضحك كلش تونست وياهم وقت النوم فرشوله بالستقبال عبالي راح يفرشولي يمهم بس لا اجه ابوهم كلهم يفرشولي يم يعقوب باوعلي وضحكن
خطيه زوجج مايكدر ينام بعيد عنج.
هبه: ي كلش خطيه حجيت بكلبي وكتفيت ببتسامه كعدت وياهم شويه وكمت امهم نطتني ملابس نوم جديده خجلت منهه تشكرتهه ودخلت جان متمدد بالفراش بملابسه يكلب بتلفون رفع راسه باوعلي، هاك هاي ملابس دزهم الك
يعقوب: هيج انام ما اعرف البس من غيري
هبه: لا جدد
يعقوب: اذا هيج انطيني خل اسبح لان ما راح اكدر انام هيج.
هبه: اخذهم ودخل سبح وانه هم بدلت نطوني دشداشه نوم قصير واكفه ارفع بشعري ودخل ضحكت التشيرت كبير عليه باوعلي بغيض ونزعه بقى بس بالجامه نتبه على بقى يباوعلي درت وجهي شربت مي جانو فارشنه بمكان واحد دوشك جبير وهوا نام عل جهه انه بقيت اباوع خاف اروح انام يمه ويفشلني ويكوم لحد ما رفع عيونه كال
يعقوب: ليش واكفه ما تجين تنامين.
هبه: هزيت راسي، تقربت دخلت للفراش وغمضت عيوني بس اجذب اذا اكول نمت وهوا بهذا القرب مني
يعقوب: نمتي
هبه: جاحاول ونت
يعقوب: هم جاي احاول تذكرين قبل سنه مثل هاي الليله جنه هم نحاول انام
هبه: ي نفسهه بس بمشاعر مختلفه
يعقوب: لو مصارحتني ما جان خليتج تعيشين كل هذا
هبه: عشته وخلص اذا عرفت او لا ما راح يتغير شي بالاخير انه تحملت ثمن اغلاطي
يعقوب: ليش
هبه: شنو.
يعقوب: ابوج ليش زوجج إلى بهاي الطريقه، ادري جان لازم اسئل من اول يوم تزوجنه بس اريد اعرف حتى لو سؤالي متاخر
هبه: لارد
يعقوب: ماراح تحجين
هبه: درت وجهي عل الجهه الثانيه، مو شي مهم حتى احجي بالاخير إلى صار ماضي وما اريد اتذكرا
يعقوب: وانه اريد افهم ارريد تحجيلي كلشي صار بحياتج حتى اااارتاح
هبه: يعقوووب لاتصيح احنه موو ابيتنه
يعقوب: احجي.
هبه: ليش هسه هاا ليش هسه تريد تسمعني موو انت إلى طلعتني من بيتك ومنتضر الوقت المناسب حتى اطلكني انت صدكت برساله وما صدكتني ولا حاولت تسمعني، باوع بعيوني بتركيز
يعقوب: ما جان عندي الجرئه اسمعج ماجنت متاكد اكدر اسمع قصت علاقتج السابقه
هبه: وهسه شنو تغير، تنهد وما كال شي بس بقى يباوع بوجهي بعدين دنك راسه وكال...
يعقوب: حاجيت ابوج بموضوع طلاكنه وفهمته الوضع وهوا ما عنده مانع.
هبه: عيوني غوشت بالدمع واحس الهوا اختنك بصدري بقيت اتنفس بقوا ما اريد دموعي تنزل درت وجهي بسرعه وغطيت راسي كتله بصوت مخنوك حاولت ما ابين بي كسرتي
حدد الوقت فدنوب وي بابا وانه جاهزه، ولاتنتضر مني بعد شي اكثر من هيج واي شي تريد تعرفه روح اسئل بابا عنه لانو من الاول انه جنت سفقه بينكم بديتوهه وراح تنهوا وقت اليعجبكم تصبح عل خير...
هبه: بقى ساكت بس احس نفسه صار عالي مثلي وريحه دخان انه دموعي تحجرت واحس كسرا بنفسي وغصه ما ترضه تطلع هيج كلشي تجمد بيه ماعرف شكد مر وقت ساعه ثنين...
حسيت نفسه تقرب مني صرت احسه عل ركبتي وشعري وجسمه عل بعد سانتيم من جسمي بدون ما يلمسني نزلت دمعتي لانو رغم وجع كلبي هسه منه بس ما محتاجه غير حضنه اريد ابجي عل صدرا واشكليه انو الصار بيه قبل كله ما وجع كلبي بكد السوا بيه هوا هسه وهيج خلصنه هاي الليله إلى رغم المهه تمنيتهه اطول لان راح تكون اخر ليهه اكضيهه وياا بهذا القرب ماردتهه تخلص بس بهاي الحيايه كلشي اله نهايه ويمكن هاي هي نهايتنه...
چنها هالمرة صدگ متفارگين
اليوم أودي وين كل هذا الحنين.
ليال: خليت راسي بحضنهه وهي تلعب بشعري احس راحتي من اشكيلهه همي، اخوج لعب عل عقلي مثل الجاهل
بان: اكيد مو قصده إلى فهمتي
ليال: اذا راح ادافعين عنه كومي روحي البيتكم
بان: مو ادافع عنه والله بس هوا جاسر هيج بعد ما ما متعود عل انو لازم يراعي مشاعرج وهاي السوالف هوا يسوي البراسه وبس.
ليال: مشاعري شنو إلى يراعيه اكلج ستغلني حتى اخلي سعد يوقع عل عقد هوا مغيرا وراي بدون علمي لان يعرف سعد ما راح يدقق وراي مهم يكون عنده ثقه بيه ويعرفني ما راح اغدر بي وقع بس هسه مستحيل يرجع يثق بيه، بان مهما جنا سعد سيئ يبقى اخوي وتعرفيني انو هوا وليث وبابا شنو مكانتهم بكلبي انه حتى من ضربني ما طولت بحقدي عليه، وغير هيج وصيه جدو إلى كسرت ضهري هوا امني اجمعهم سوا واحول انهي الخلافات بس بفضل اخوج دمر اخر امل عندي انو حتى انه صرت عدوته مو بس جاسر.
بان: اااوف حقج والله وجاسر هوا الغلطان بس لو سامعه منه يمكن اله تبرير او علمود الشغل
ليال: هه شغل شنو يا عيني شغل شنو مو من الاول هوا يعرف انو هاي الشركه مو زينه وكتله نرفض العقد بس هوا كال لا تركيهه على وبالاخير طلع يريد يسوي كرصه اذا السعد براسي اااخ والله لو اعرف هيج جان ما قبلت من الاساس
بان: لولو هدي نفسج خلص إلى صار صار ونشالله كلشي واله حل.
ليال: نشالله يارب وهاا لا تكليلي لولو ما اريد شي يذكرني بخوج صرت اتنرفز حتى من الاسم ليصيحني بي
بان: هههههههه والله اخوي صار مثل الشراره بسببج اذا يلزمج يسويج لولوات مو لولو وحده
ليال: وعل شنو مو سوا اليريد بعد بشنو محتاجني
بان: هههههه اكلج سر بس مو تكولين
ليا ل: شنو.
بان: انه اعرفج مطنكره وما راح تردين غير لمن تفكين شوي فما تعبت نفسي بالاتصال والرسائل عليج اله فد ناس من يومين وهي مستلمه تلفوني اتصال ورسائل
ليال: ما اعرف ليش بتسمت بعدين حذرت نفسي، دير بالج تحنين دير بالج ما لازم اخلي يتماده كتلهه، حجي يفيده هذا هسه عرف يخاف علي
بان: والله هوا من ناحيه خايف فخايف حاله مو طبيعي بس يكابر صدكيني وهسه بس كلت اريد اجيج ما انطه مجال الماما تعترض.
ليال: تنهدت، ياريته حس بيه قبل لا يسوي هيج
بان: ياااعمري كافي زعل شوف وجهك حبيبي شلون تعبان
ليال: سويتلهه هيج وحضنتهه ما احس غير الباب نفتح علينه مثل المداهمه ثنينه فزينه باوعت ليث ورافع حاجبه ضحكت اكيد عباله بان تحجي وي احد اباوعلهه نبلع لسانهه
ليث: شتسون ويامن تحجون
ليال: ويامن يعني نواسي بعض ماتشوفنه وحده بوجه الثانيه مثل البومات
ليث: هههه لاكيه احد يواسيج بعمري وحبيبي شتردين بعد.
ليال: يي وتلعب بشعري وتنيمني بحضنهه هم ولا احله من هيج
ليث: اححح الله ينولنه هذا الدلال نشالله.
ليال: اباوع الهاي الخبله كل عقلهه خجلت وجهه صار احمر وهوا ما شال عيونه عنهه اااف ياربي شهل العائله إلى الكل بيهه متعذب ومحد مرتاح، طلعت بان وصلتهه للباب لان بيبي تفترسهه اذا تشوفهه وحده ابيتنه اول ما رجعت الغرفتي فتحت الرسائل الجايتني من بان وركزت بيهم محاول يخليهن طبيعيه يسأل عني ويريدني ارد بس لفت نضري رسالن البارحه دازهه بوقت متاخر كاتب، مشتاقلج وتصالات كومه ذبيت التلفون، راح تشتاق هواي...
ثاني يوم قررت اداوم اجتني بان ورحنه عل الجامعه نفسيتي احسهه حتى انه ما متحملتني ومو طايقتلي كلمه بالمحاضرات ساكته وبالرست ساكته وكاعده كانو وحده عدهه نفصام اوس يباوع على من بعدي بس ما يتقرب مني من شافني صرت اتجنبه هوا هم ما فرض نفسه بس بينه سلام عادب ومرات كلام سوال وجواب بعد اخر محاضرا كعدت انتضر بان بالحديقه يم الباب مثل العاده حسيت بخيال على اجذب اذا ما اكول كلبي عرفه، بقيت مدنكه راسي مارفعته ويدي صارت بيهه رجفه ذب الجاكاره وداسهه برجله كال.
جاسر: راح تبقين هيج
ليال: لا رد
جاسر: ليش حاضرتني حضرتج شنو زعاطيط احنه
ليال: هه ي انه زعطوطه وياهو اليجي يضحك عل عقلي ليش ما تعرف
جاسر: لاعرفه انو انتي مو كفو واحد يثق بيج صدك طلعتي زعطوطه
ليال: شكرا شهاده اعتز بيهه
جاسر: لياااااال لاتخبليني
ليال: رفعت عيوني باوعتله ابرود لان هذا الشي الوحيد الاكدر استفزه بيه يموت ولا اعامله ابرود
كتله، امر، دنك راسه وصك عل سنونه كال.
جاسر: مااا ارحمج صدكيني خليني صابر عليج لانو اذا تصرفت وياج بطريقتي ما راح تعجبج.
ليال: همم اضاهر لسه بعد عندك وجوه ما شفتهه، بس ما اتوقع اسوء من الشفته، كلت هيج لو هوا تخبل والله كلت راح يسحلني بالجامعه رفع راسه صار يتنفس ويمسح بوجهه بقهر صبرلي اذا ما احركك حرك بسيطه، باوعلي بخزرا واجت بان وكفت بينه انه اخذت وكمت منسحبه كتلهه، اخوج اجه عليج رجعي وياا انه السايق ينتضرني اجيت افوت وما احس غير سحبني عليه من ذراعي بقوا حسيته نخلع قرب على وهمس.
جاسر: نشافتج هاي مردوده نشالله لاتلوميني بعدين
ليال: حسيته حجه بقهر نتر ايدي باوع البانه كالهه
جاسر: رووحي وياهه عندي شغل
ليال: تركنه وومشه تنهدت، بكلبي كتله انته لوصلتنه لهيج تحمل، بس اعرفه راح ينفذ تهديده والله اعلم شلون، رجعنه للبيت
وباليل كلش مالي خلك نزلت صار بوجهي اسعد صاعد الغرفته باوعلي بخزرا راد يفوت وكفت كدامه كتله، صدكني ما جنت اعرف وانه اداينت فلوس من ليث وراح ارجعلك جزء من إلى خسرته.
سعد: ما ميت عل فلوسكم وادري انتي لعبه بيد ابن عمج صرتي، وهم هذا مو مهم بس الاهم ما تنسين باقي اقل شهر وتنفتح الوصيه صدكيني ياليال وروح جهالي اذا ما سويتي التفقنه ونهيتي هذا الزواج المزيف اله انفذ تهديدي حرفيا وانه صارب بس هذا الشهر وانتي تحددين نهايته...
ليال: تركني وصعد احس كلبي رتعد من الخوف ما تخيل جاسر يصير بي شي لو نوصل الهاي المرحله طلعت اريد اشتم هوا احس ختنكت والدموع بعيني صار بوجهي يوسف تركته وطلعت طلع وراي كال بعصبيه
يوسف: شنووو يعني زواج مزيف
ليال: مالك علاقه كتلك ركز بخطبتك بس
يوسف: ليااال انه مو جاهل انه واحد من الورثه ومن حقي افهم زواجج انتي وجااسر مزيف مووو لااا يالله كااالتي مريم شلون مااا صدكتهه.
ليال: مززززيف او لاااا انته شنو علاقتك هاااا
يوسف: علااااقتي انووو اخذت قرراراااات راح اندم عليهه بسببج
ليال: ااااانت شنوووو قصدك هااا اي قرررات شوووف يوسف اااذا تكسررر كلب ميسم موووتك فاااهم ولساني يحرم يجي عل لسانك طول عمررري، وكف اخذ نفس ومسح وجهه
يوسف: شفهمتي انتي شدخل ميسم انه رايدهه وراح اكمل للاخير ماراح الكه انسانه تحبني مثلهه.
ليال: ياريتك بقيت بعيد عنهه ميسم مو الشخص المناسب إلى يسد فراغ كلبك بس صدكني اذا خسرتهه انته الخسران اما هي للاسف بكل الحالات خسرانه دير بالك عليهه ولاتدخل بيه وبحياتي بعد اليوم رجائن، تركته ودخلت ياربي من الكهه كلبي راح ينفجر من القهر.
لليل كل احنه متجمعيين وبيت عمو هم علمود يناقشون امور الخطبه والمشيه باجر يوسف كل ما يباعلي اخزرا الحمدالله ميسم مو كاعد اشو تاخرت خلص اتفقو على كلشي تقريبا منتضرينهه تنزل شوي ونزلت تمشي بهدوء وكفت كدام عمو وشكلهه ما جان مضبوط العيون حمر كمت وكع كلبي من منضرهه وكل احنه متفاجئين من الشغلات الشايلتهه بايدهه ذبتهم عل الارض وكالت...