رواية الشيخة ليال للكاتبة الوردة البيضاء الفصل السادس عشر
تلآگينه وحچن نظرآتنه البينه.
تره العآشك مبينه سوآلفه ب عينه!، .
ليال: دخلت للغرفه بسرعه علاجه كان عل السرير دخل اشرلي عل الابرا سويتهه بسرعه بس شنو ايدي ترجف والمشهد عباره عن رعب لانو شكله كلش مخنوك مد ايده ضربتهه بالكانوله كدع عل السرير وشوي شوي بده ياخذ انفاسه اجيت اطلع عل السريع لزم ايدي كال بخنكه
جاسر: وين رايحه
ليال: اكعد ليث ناخذك مستشفى اشرلي عل الدوا.
جاسر: وهذا شنو اني رحت ونطوني هذا العلاج بس غفيت وما اخذت الابرا كعدت بهاي الحاله لا تكعدين احد تسمع امي وتصير خبصه بلداعي
ليال: سحبت ايدي منه كتله بعصبيه. كل عقلك انته جنت راح تموت وتكول بلداعي باوعلي وبتسم بتعب
جاسر: انتي موجوده نقذتيني
ليال: كعت عل سرير بتعب، اووف جنت راح اموت والله هذا الموقف ما راح انسا بحياتي
جاسر: خفتي علي.
ليال: طبعا اخف واي احد بمكاني كان خاف من يشوف احد كدامه بهاي الحاله، بس سوال هاي اول مرا يصير بيك هيج
جاسر: لاا عندي حساسيه من كم شغله بس ما توصل لهاي الحاله يمكن لا الحشرا سامه
ليال: ي تختلف، غمض عيونه وتمدد عل السرير صرخت. هااا شبيك رجعت ختنكت فز من صوتي
جاسر: هههههه شبيج اريد انام احس جسمي نحلاً.
ليال: هاا اوك عبالي اغمى عليك، باوعلي بطرف عينه وضحك غمض عيونه اريد اكوم بس خايفه اعوفه ويختنك ومحد يمه اصلا شكله مبين تعبان وجبينه عركان مديت ايدي بتردد خليتهه عل راسه فتح عيونه يباوعلي نحرجت بعدت ايدي بسرعه بس جبينه حار كلش كتله، حرارتك مرتفعه
جاسر: همم من العلاج احسن
ليال: خلي اكعد بان تسويلك كمادات وتبقى يمك
جاسر: لا ما بيه شي ونتي هم روحي نامي شنو جاهل واحد يبقى يمي.
ليال: اسمهه مريض مو جاهل لازم احد يهتم بيك
جاسر: راح انام واكعد زين ماكو داعي.
ليال: كمت كتله بنترا، اوك براحتك اصلا راسك مثل الحجاره مستحيل تقتنع بشي بس اتعب نفسي فتح عيونه باوعلي بهدوء ورجع غمض طلعت وسديت الباب رحت لغرفتي واني ناويه ما إلى علاقه بي بعد بس ما اكدر شكله كلش تعبان طلعت جبت مي بارد ثلج وفوطه فتحت الباب بهدوء مغمض عيونه ومتغطي بغطى ثكيل تقربت كعدت عل طرف السرير يم راسه اول ما خليت الفوطه عل راسه رجف من البروده وباوعلي كال
جاسر: اششش شيلهه بارده.
ليال: حرارتك مرتفعه لهيج بردان مالك علاقه ارجع نام، رجع غمض عيونه واني صرت كل شوي اجددهه الفوطه عل راسه لحد ما نزلت حرارت شوي سحبت الغطه عنه نزل راسه من المخده وخلا عل رجي بتعدت بسرعه فاجىتني حركته فتح عيونه باوعلي كال
جاسر: لهل درجه خايفه مني
ليال: انت شتكول، بتسم وسحب نفسه ورجع خل راسه عل رجلي ما بعدت بس احس الموقف غريب كال
جاسر: انه اكول ضالمتني.
ليال: ممم ضالمتك ليش مو انت الكلت اني مؤذي اكثر من ما تتوقعين
جاسر: لانو اني نفسي ما اكدر اضمن نفسي
ليال: سوري بس احب اكلك انو داخلك اسود هذا السبب انو ما تكدر تضمن نفسك، بقى يباوعلي مارد اني كلت راح انكفخ بس لا رجع غمض عيونه كتله، شلون حاس هسه
جاسر: احسن بس شوفي حرارتي بالله
ليال: خليت ايدي عل جبينه لزمهه وخلاهه عل خده اطراف اصابعي صارت عل شفته نترتهه بسرعه كتله بتوتر: زينه بس كوم اسبح افضل شي.
جاسر: ليش شنو سويت حتى اكوم اسبح
ليال: بعدت راسه عني وكمت كتله، قصدي قوم اسبح حتى تنزل حرارتك وترجع طبيعيه
جاسر: ههههههه ابد ما ما مصفيه النيه
ليال: هسه اطمنت انو خلص ما بيك شي اروح انام باجر وراي دوام. طلعت بسرعه وسديت الباب بنرفزه خرب مو شهل كائن صاح وراي مارديت رحت الغرفتي ميته نعاس وما كعدت اله عل بان تصحيني للدوام سحلتني سحل...
بان: اليوم ماكان مثل اي يوم عادي بالدوام ستغربت انو اكو واحد ملاحكني وين ما اروح الكي كدامي حتى صديقاتي نتبهو بس اني سديت الموضوع وانو مو على بس تجنبت امشي وحدي عزا منين هذا حتى اول مرا اشوفه.
نتضرت يخلص الدوام افارغ الصبر حتى ارجع للبيت لانو اني بطبعي مو من النوع إلى اكدر لهيج المواقف ولا اتحملهه بسرعه اقلق واخاف رجعنه من القلق ما شتهيت اتغدا وعل العشه كاعده وصافنه نتبهت من حاجاني جاسر بهدوء لان كاعده يمن
جاسر: بان مو احجي وياج
بان: هاا ي وياك
جاسر: شبيج ليش ما تاكلين
بان: لا جاي اكل بس افكر بالامتحانات هاي الفترا مضغوطه شوي
جاسر: انتي كدهه لا تفكرين هواي ياالله اكلي.
واذا تردين اني اساعدج بالرسوم
بان: بتسمت وهزيت راسي رفعت راسي عيون ليث على يباوعلي بشك دنكت بعد العشه الكل اجموعو حتى بيت عمو ياسين اجو ومريم الغثه وياهم واني صبيت الجاي جاي قدمته وحترك دمي من شفتهه كاعده يمه ودك سوالف كعدت اشويه ختنكت من منضرهم لان هوا هم مندمج ويضحك وياهه خليت وكمت رحت للمطبخ شربت ماي ورجعت اريد اصعد الغرفتي صار بوجهي اجيت افوت رجع صار كدامي كال
ليث: شبيج اليوم مو طبيعيه.
بان: شبيه مبيه شي بس خل افوت اريد اريد اصعد ادرس حجيت بنترا خزرني وبعد مد ايده كال
ليث: تفضلي دكتورا مو صوجج صوجي انه السئلت
بان: ي غير محتاجك اكثر اني مبينه شي خليته ردت اصعد لزم ايدي عصرهه كال بغضب مكتوم
ليث: لا تنترين
بان: احس عيوني غرغرت بالدموع كتله صوت مخنوك بدون ما اباوعله، اوك ما راح انتر بعد هيج ولا احجي كلمه بس تركني، لزم وجهي بيده الثانيه ودارا عليه باوعلي عاقد حاجبه كال
بقلق
ليث: شبيج.
بان: ما بيه تنفس بعصبيه وكال
ليث: براحتج اله ما تبين السالفه
بان: تركته وصعدت احس نفسي بدوامه احيانن احب قربي منه واحيانن اكره هذا الشي هوا مستحيل يتقبلن بعد هيج بس اني بقربا جاي احبه اكثر وكثر وما اتحمل احد يتقرب منه وما اعرف لشوكت ابقى باهاي النار الجاي تاكل بكلبي.
هبه: فتحت عيوني بنعاس لانو الشمس دخلت بعيني نتبهت اشوي نايمه عل ايده ضليت بس ارمش بعيوني لحد ما فتح عيونه بوجهي كمت افزه بس متت خجل بتسم وكال
يعقوب: صباح الخير نشالله رتاحيتي بالنومه.
هبه: باوعتله بطرف عيني وكمت طلعت الجنطه ولميت اغراضي خلي ارجع احسن كافي على فضيحه اليوم وانو بقى يمي كعد يمط بجسمه ويبتسم بنتصار طلعنه الحمدالله ما كان احد بالبيت لكل طالع لان تاخرنا بالنوم بس ام ليال لسلمت عليهه بخجل وهي فهمت خجلي وكعدت توصي بينه وكانو زعل بين اي ثنين علاقتهم طبيعيه واني بس ابتسم واهز براسي مثل الهبله وهوا يكلهه نشالله طلعنه اول ما رجعنه للبيت حصلتلي كم حجايه من امه ومريم كل عاده ما هتميت دخلت للغرفه وكعدنه نبدل اني ويا حتى نروح للشركه بدون اي كلام وكذالك مر يوم الدوام عادي راجعت وشتغلت عل كم شغله جعت شوي رحت للكفتريا طلبت اكل كاعده اكل وما احس غير واحد خله صحنه وكعد رفعت راسي نفسه هذا إلى شفته بمكتبه شكله ابد مو راحه وحركته هاي زباله تبين معدنه كال.
اكدر اشاركج الطاوله مو
هبه: يعني شتريدني اكلك مثلن وانت اجيت ولزكت لا وتستئذن بعد ما كعدت قله ذوق عل اصولهه احجي بكلبي. كتله عادي اني اصلا خلصت وراح اكوم
همم ملاحض انج منعزله وما الج غير بشغلج صراحه عجبتني مهنيتج
هبه: ببتسامه مزيفه، شكرا بتسم الكريه وكال
مو بس مهنيتج صراحه عجبتني انتي كلج عل بعضج جذابه
هبه: عفووووا...
احم لاتفهميني غلط بس اني جاي ابدي اعجابي بشي جميل كدامي مو قصدي شي.
هبه: احس صعد الدم لراسي يحجي بطريقه نيتهه باينه بيهه ردت ارد عليهه بطريقه اخلي يبلع لسانه بعدهه ما يتجرء يحاجيني رفعت راسي وصار بوجهي يعقوب بس شنو اعيونه مضلمه كانو سمع إلى كاله خزرني وتقرب صار كدامه وهذا شافه تخربط كام ويعقوب كله ويحجي بعصبيه مكدومه
يعقوب: من حاجيتني المرا الفاتت مد دخلت علينه وشفتهه شنو كتلك
ااانه ااس...
يعقوب: شنووووو كتلك مووو كتلك نزل عينك عنهه ولا تقرب او تحاول وياهه اني ما عادي هاااا السوالف بالشرررركه كم مر تغاضيت عنك وهذا جان تحذيري الاخير عتبر الشغل البينه تنتهى
لا ادخل الشغل بالموضوع المشروع عل نص وانه اسف بس صدكني ما جاني نيتي مثل ما فكرت واعتذر مرا ثانيه ست هبه
يعقوب: كتلك مالك كلام وياهه راح ادفع الشرط الجزائي ومشروعك يلغي يمنه شوف شكركه ثانيه تكمله وخذا اخر كلام عندي تفضل.
هبه: اباوعله وجهه صوفر لانو الغه المشروع وشكل يعقوب مو مال تفاهم تركنه ومشى واني بالعت ريكي بدون ما يباوعلي كال لحكيني عل المكتب لحكت واو ما فتت كاعد عل الكرسي رفع راسه باوعلي خرب عيونه تخوف صارت وكانو غضبه كله بيهم حاولت اكون هادئه كال
يعقوب: ليش سمحتيله يكعد يمج
هبه: ما سمحتله هوا الكعد
يعقوب: وبعد ما كعد كعدتي تسمعين شلون يتغزل بيج يبدي اعجابه لو ما اجيت جان عترفلج بحبه.
هبه: كتله بستهزاء واوو ما جنت اعرف احبي واني جنت منتضرا هاي اللحضه افارغ الصبر انو يجي احد يحبني ويتغزل بيه، عاط بيه
يعقوب: هبه ه ه ه لا ااااااطلعيني من طوررري
هبه: وعل شنوووو تطلع من طورك اني هاي المرا الثانيه إلى اشوفه بيهه جنت راح اوكف عد حده بس انت اجيت واعتقد الموقف صار كدامك
مسح وجهه بكف ايده ورجع باوعلي كال بتحذير
يعقوب: ماااريد تختلطين باحد هنا
هبه: اعرف اعرف متوحد
يعقوب: شنو مو عاجبج.
هبه: هه لا العفو شلون مو عاجبني اكدر ارجع الشغلي هسه
يعقوب: تفضلي بس لا تنسين الكلتهه.
هبه: تنفست بملل وطلعت لو بين علاقه مثل الاوادم جان كلت يغار امه بهل وضع ما اعرف شنو نفسير تصرفاته وهوا حتى حبيبيه عنده نغزني كلبي من ذكرت الموضوع كملت شغلي وهوا عقد اجتماع وصدك لغه المشروع وياهم بعد ما كال راح يدفع الشرط الجزائي من حسابه وبلكوا اقنع عمه وسعد بس جاسر والبقيه وافقو خرب انسان مو عاقل وربي راح يدفع كل هل فلوس عل موقف بسيط لو لاحكه اخلي الصينيه براسه جان ما صار هيج.
ليال: بعد الدوام رحت للمكتب واني افكر ابان إلى حالتهه مو طبيعيه من رجعنه وافكر بامتحانات الكرورس إلى راح تبدي بعد فتر كل يوم يمر بي جاي نقرب من نهايه هاي السنه واني تسائل عن مصيرنه زشنو مضموم اكثر النه بوصيه جدو، عقوب عقد اجتماع مستعجل وهناك يالله شفت جاسر جان شكله متحسن من طلعت الصبح ما جان نازل عل الريوك الضاهر خلصهه نوم وبعدهه اجه للشركه الحلو بي انو يتعامل برسمه داخل الشركه واثناء الاجتماع بعد ما خلص يعقوب وضجت عليه انو راح يدفع هيج مبلغ يمكن راح استغل صلاحيتي بالوكاله واخلي جزء منه عل حساب الشركه بس لازم يوافق المافيه احاول اقنعه بعد ما اعرف سبب المشكله من بان المهم بعد هاي المشكله حجو عل سفره عمل التركيا ندوا ما اعرف ورشه عمل هيج شي بس كلش تحمست لانو راح اصادف عل عطله نصف السنه يعني اذا تكفلني ليث اكدر اروح واصلا اني مسافرا قبل وياا خلص الاجتماع ورحت بوجهي البان فهمت الشغله سالفه غيرا شكل ابن العم وكع ومحد سمه عليه وهاي الفاهيه مو يمهه اصلا زاد اصراري انو اساعده وخاصه واخيرا بدت تنفك عقدته وينسه امنيتي انو يعيش حيا طبيعيه بعد الايام السوده إلى عاشهه وبما انو قرب عيد ميلاده راح اسويله هاي الشغله مفاجئه انو ما يدفع كل هذا المبلغ لانو جان المشروع ضخم شوي سويت دراسه للوضع والميزانيه تمام وضعهه واخذت الملف ودكت الباب من كال تفضل اخذت نفس ودخلت.
يشتغل عل اوراق باوعلي بستغراب ترك البيده وكال...
جاسر: اووو ست ليال ظشرفتنه اكيد اكو شي مهم تفضلي
ليال: برئيي انو مهم وحابه اخذ رئيك بي
جاسر: ي نشوف ياا متدربه
ليال: باوعتله بطرف عيني، قصدك انو متدربه مااسوي شي مهم وحتى لو هيج رئيك مايهمني عل فكرا وما جايه بصفتي متدربه
جاسر: هناا ختلف الموضوع تفضلي يا شيخه ليال واحنه بالخدمه انشالله.
ليال: الموضوع بخص يعقوب، وصرت احجيه انو لازم انساعده والميزانه ما راح تضرر ونطيته الملف تصفه باوعلي بتفكير وكال
جاسر: والله اني ما عندي مانع واصلا جنت ناوي اساعده بعد ما اعرف سبب المشكله بس مو بهاي الطريقه لانو هيج راح تنخفض الارباح إلى تتقسم عل الحصص واكيد محد راح يقبل.
ليال: اعرف بس جدو ما ذكر انو لازم ما ناخذ من ارباح الحصص ونسبه الحصص لسه ماكو شي ثابت بوصيه وبهيج بالتوكي إلى عندي اكدر اتصرف واخطي هيج خطوا بس مثل ما تعرف لازم، كال بغرور
جاسر: موافقتي اكيد
ليال: ي فتهمنه وهسه شنو رئيك يعقوب صديقك راح توافق اكيد
جاسر: من كلج اخلط بين الشغل والعلاقات
ليال: شنو يعني مو موافق
جاسر: اوافق بس بشرط
ليال: شنو هذا الشرط.
جاسر: انو...
بان: ثاني يوم ما شفت هذا الولد رتاحيت وبعد وحده وحده من المحاضرات قررت اشرب شي رحت للسنتر ابحدي جبت عصير واني راجعه صار بوجهي نصدمت وايدي رجفت شكله هيبه اكثر من قريب ومبين محترم كال
شلونج بان بان مو
بان: تفاجت يعرف اسمي كتله، ي تفضل منو حضرتك
اكدر احجي وياج شوي عن موضوع راح احاول اختصرا
بان: طبعا تفضل.
راح اكلج الصراحه شوفي اني صديق جاسر وشفتج ويا من قبل وكل معجب بحضرتج وهذا الكلام قبل سنه تقريبا بس ما طلعتي من بالي وجنت ناوي اتقدم بس اجلت الموضوع لانو اني مو مستقر شغلي جان ابغداد بس هسه ثبت هنا من حسن حضي انتو هم رجعتو هنا وعرفت هذا الشي من جاسر اجاني علمود توصيله الج بالنقل مالج واخذت المعلومات ولصدفه الحلوا هم انو اختي وياج هنا وهم كدرت تجيبلي معلومات والي شفته اني يكفي يعرف عنج و زاد عجابي اكثر اخلاقج تصرفاتج رغم انو اني اعرف انو تربيه جاسر ما عليهه غبار ذكر كدامي انو يعتبرج بنته مو اخته شوفي بان اني ما قطعت طريقج علمود نيه مو زينه لة سامح الله بس انه حبيت اعرفج بوجودي واعجابي بيج لانو ما اكدر اصبر اضم اكثر من هيج ونشالله الايام الجايه راح تثبتلج حسن نيتي وحتى ما احرجج اكثر من هيج لة تكولين اي شي كلشي بوقته حلو بس مثل ما كتلج حبيت اعرف عن نفسي بس وها اني نائب العميد مال كليتج توضفت جديد او الصراحه اني القدمت هنا علمودج فاي شي تحتاجي لا تترددين بالخدمه انه وهسه عن اذنج.
بان: هزيت راسي بالايجاب ومشى طول كلامه اني مدنكه وابلع بركي خفت يغمى على واني واكفه صايرا وهيج مواقف ومصارحيني جنت اتركهم وامشي لان مو بهاذ الاسلوب وطريقه الكلام تجبرني اوكف واسمعله حتى ما قاطعته بعد من خلص وراح كعدت عل المصطبى مسطورا سطر واني اعيد بكلامه احاول استوعبيه شربت العصير جطه وحده ريكي يبس نائب العميد وصديق جاسر اكيد دكتور وجاسر ما يصادق اله الوينه الوينه وهذا مبين من اسلوبه صديقه حتى ماكو داعي اتاكد شنو كال الايام الجايه تثبتلي حسن نيته الايام الجايه سدوه عل دماغي يبووو منين اجتني هاي التايهه.
مدري نضحك. مدري نبچي
مدري نرثي گلوبنا الما ترضى تحچي.