رواية الشيخة ليال للكاتبة الوردة البيضاء الفصل السابع عشر
وأحاط عُمركِ بالورُودِ وجمّلك؟
وحباكِ حسًّا فاتنًّا.
من كمّلك؟
فملكتِ قلب المُستهامِ ليسألك: هل أنتِ شمسٌ بيننا تركت مداراتِ الفلك؟
أم أنتِ بالدُّنيا مَلَك؟
جاسر ؛ انو ما توافقين عل اي مشروع من طرف سعد
ليال: صدمني كلامه كتله بستنكار، انت هيج رسمين جاي تطلب مني اعادي اخوي المصلحتك شوف جاسر لا ادخلني بالمشاكل البينكم.
جاسر: ما احتاج ةحد يدخل بمشاكل اعرف شلون احلهه وكلامي هذا المصلحه الشركه مو مصلحتي يعني اله اكلج سعد جاي يدخل بمشاريع مشبوهه وي شيخ راشد وراح يحاول يدخله الشركه
ليال: بهتت من السمعته، ممشبوبه شنو يعني
باوعلي وكانو نتبه شنو كال حسب كلام كان رايد يكوله وغيرا كال
جاسر: قصدي يعني مشاريع بيهه مشاكل ما لازم نورط الشركه بيهه لانو هيج راح نخسر اكثر
ليال: بهذا الشي صعب على ليش مو انته.
جاسر: وحدي ما اكدر اكدر اضمن صوت يعقوب ممكن بس بس هوا ابوج ويوسف دائما لجانبيه عمي دائما حيادي يبى انتي وليث واهم صوت انتي لانو الوكاله عندج بدون موافقتج ما يدخل اي مشروع للشركه
ليال: لهل درجه وضعي صعب علاقتي بسعد راح تدمر حتمال حتى ابابا.
جاسر: والله هذا الشي بقى يمج بعد هي هاي المسوليه الخلاهه جدج عندج شنو جنتي متوقعه الموضوع سهل هاي ثروه وحصه اكثر من خمس عوئل بايدج يعني اذا خسرتيهه راح ادمرين العائله كلهه اخذي وقتج وراجعي حساباتج وانصحج انو لازم تعرفين حجم المسوليه العليج حتى تكدرين تتحملينهه وتغامرين علمود عواطفج بس هاا لايخطر ابالج ابدا انو اني بهذا كلامي اريد استخدمج ضد اخوج وادخلج بالمشاكل البينه جاي اكول هذا الكلام بصفتي وصي عليج يعني واجبي وذمه الوصيه البركبتي بصفتي وصي تجبرني احذرج ولانو صلاحياتي محدوده ما اكدر اتحكم بصوتج وصلاحياتج بالشركه.
ليال: كلامه فر راسي فر ومنطقي صداقه سعد براشد معروفه وعلاقته بي خلته اكثر عدوانيه وتصرفاته تغيرت من وفات جدو يعني الكاله شي اكيد صحيح وكل هذا واحس ضم على شي بعد ما كال مشاريع مشبوهه عقلي خلا الف علامه ستفهام عل هاي الكلمه باوعتله كتله
انطي مجال استوعب كل هذا الكلام
جاسر: ي اكيد اخذي وقتج
ليال: هزيت راسي وكمت ردت اطلع ورجعت باوعتله كتله، وموضوع يعقوب. بتسم وكال.
جاسر: عتبري منتهي اني اوقع وادزلج الاوراق
ليال: تنفست براحه وطلعت بس عقلي يريد يطك من كميه الخربطه والافكار الصارت براسي.
ميسم: بدت فترت امتحانات وبد العذاب مالهه يعني نسحلت سحل نشرت كتبي بالحديقه وكعدت ادرس دخل يوسف لكاني مبسطه ضحك
يوسف: هههههه تقبل الله سعييج
ميسم: ههههه شكله ما راح يتقبل
يوسف: محتاجه مساعده.
ميسم: باوعتله بقله وحيله وهزيت راسي كعد يمي وصار يدرس بيه وطبعا ما فهمت توترت لان جان قريب مني جاي يشرح ونتبهلي وكف دنكت بسرعه بس متت من الاحراج كال
يوسف: احم فهمتي لو نعيد
ميسم: هاا ي شكرا
يوسف: شرايج ناخذ ستراحه خل اطلعج اشمين هوا من الدراسه نتمشى شوي ونرجع
ميسم: ما اعرف
يوسف: كومي كومي يالله بسرعه بس لا تبدلين راح نتمشى ونرجع.
ميسم: هههه اوك، صعدت بسرعه لبست بشت فوك التراك مال البيت وشحاطه بناتيه ولفت الشال ونزلت كلت الماما وطلعت منتضرني بالباب تمشينه بتجاه المنتزه يمنه قريب وسولفنه سوالف عاديه بس الحوا يرد الروح صدك غير نفسيتي تذكرت شغله وكتله
صحيح يوسف مو كلت تريد تكمل دراسه وتسافر شنو صار بهاذ الموضوع الغه.
يوسف: لا ما الغه متأجل حاليا لحد ما تنفتح الوصيه واعرف راسي من رجلي حلمي هذا اريد اسافر اطور نفسي حتى افتح الشركه الاحلم بيهه
ميسم: اوو حلو الطموح بالنسبه إلى الكلام سهل بس التنفيذ صعب
يوسف: طول ما هاي الفكره براسج راح يضل صعب طلعيهه من راسج وفكري بالهدف وبس
مثل هذا الهدف البنهايه للطريق إلى سحلتج حتى اوصله ههههه.
ميسم: باوعت مطعم شاورمه لموجوده بالمتنزه، ياريت كل الاهداف مثلةهذا امشي وراك واني مغمضه...
يوسف: هههههه امشي
ميسم: دخلنا طلبنا سفري حتى للبنات يوسف بالكوا كاتم ضحكته عل شكلي واني اباوعلي بغيض لان كال بس نتمشى اخذنه الطلب وطلعنه وهوا يضحك على واني اضرب بي بغيض، خبيث كلت بس نتمشى وبالاخير فوتتني للمطعم بهاذ الشكل
يوسف: ههههههه اخ ولج ايدج ثكيله بس والله شكلج تحفه.
ميسم: ههههههه ضحكت ورفعت راسي صار بوجهي باسل جاي يمشي بتجاهنه لاا ياربي مو الهل درجه مشينه كلت اليوسف، خل نمشي
يوسف: لا تعالي ناكل هنا ونرجع الجو حلو
ميسم: يوسف ما نتبه على جاي نمشي وهوا صار قريب صرنه وجه بوجه باوعلي من فوك لجوا رافع حاجبه ودار وجهه وخطف من يمي.
ياربي شلون غريب هل انسان والاغرب اني إلى كل ما اشوفه اخاف وكانو واحد من بقيه اهلي وراح يحاسبي عل تصرفاتي اصلا كل ما يشوفني يحسسني مسويه جريمه كعدنه عل وحده من المسطبات ناكل شويه وطلع بيده علاكه اكل من شافنه كاعدين وكف ثواني باوع النه ومشى اخذت نفس من مشى وجوده يربكني خلصنا اكل وسوالف ورجعنه للبيت
يوسف: لا دخلي كملي دراستج ونامي عل وكت وشوكت متضوجين كليلي نتمشى للهدف المشترك مالنه.
ميسم: ههههههه الهدف راح يدمر جسمي
يوسف: ههههه لا نتمشى ونحرك الاكل ما نخرب وبعدين عادي واذا كبرت خدودج الحلوا.
ميسم: كال هيج وكرص خدي جمدت بمكاني وفقدت انتزاني هوا هم نتبه عل حركته العفويه ونحرج ستاذن وراح واني واني نثولت دخلت للبيت اصفن وايدي عل خدي مبتسمه لاكتني ليال تهز بيده دفعت عليهه علاكه الاكل وصعدت الغرفتي واني طايرا بس تذكرت الامتحان الزكت بالكاع ورجع التوتر والقلق ونسيت ابو يوسف راسلت رحاب استنجد تشرحلي رزلتني رزاله معتبرا وبعدين صارت ادزلي حل للمسائل وتكتبلي شرح مبسط بسرعه فهمت عليهه نمت مرتاحه لانو احس سيطرت وستقرت الماده بعقلي...
بان: رجعت للبيت الدنيا كلهه طالعه من عيني صدك بديت اكتأب من حياتي احس الجاي يصير وياي مو طبيعي ليال بقت تلح على لانو وضعي جد مو طبيعي حجيلهه كلشي وحلفتهه انو ما يعرف احد عن هذا الموضوع ما اريد تصير مشكل واصلا ماكو شي واضح مجرد حجي ولو ليوم منطيني مجال جان ماكال عاده ما نطيته امل ابدا نمت اريد اشرد من هذا الواقع كعدت باوعت الوقت كلش متاخر هواي نايمه وليال ما جانت بالغرفه غسلت ونزلت البيت ماكو صوت فتت للمطبخ جوعانه باوعت من الشباك كاعدين هي وليث ضربت كصتي يارب ما تكون جاي تكله فتحت الشباك بهدوء اسمع كلامهم لان المطبخ ضلمه ما يشوفوني سمعتهه تكله وهوا يدخن.
ليال: يعني هذا اخر كلام عندك
ليث: يعني رفضتني شنتضر اكثر
ليال: كل وقت واله ضروفه
ليث: وهسه الضروف اصعب ومستحيله ما شايفه الحرب الصايرا بالقصر
ليال: مو حجه هاي ليث اذا راح تنتضر الضروف راح تروح منك، باوعلي وعقد حاجبه
ليث: وين تروح
ليال: قصدي انو تنخطب مثلا، ذب الجكاره وعدل كعدته كال
ليث: شنو سامعه شي احد متقرب الهه بالجامعه.
ليال: لااا لاا من جبت هذا الكلام بس جاي اكول مثلا لو انك تستعجل احسن قبل سالفه الوصيه وقبل لا تكثر المشاكل من تنفتح ومدام الامور هادي هاي الفترا
ليث: استعجل عل شنو بالضبط ليال سدي الموضع خليهه عل راحتهه.
ليال: لعد اذا عل راحتهه شكو تخربطت احوالك وهديت خاف احد متقرب الهه وليش ما يتقربون الهه جمال واخلا والف واحد يتمناهه اوو نسيت جاي تسئل بصفتك مثل اخوهه وخايف عليهه شوف ليث راح اكلك كلمتين اتمنى تسمعهم.
بموضوعك وي بان خلي كبريائك عل صفحه وانسى الماضي لان اني وياك نعرف هي ليش سوت هيج والاحسن تستعجل وتفتح صفحه جديده اما اذا تكول لا هي صارت ماضي وطويتهه وي وي الصفحه القديمه وهسه هي مثل اختي فا اوك احترم قرارك بس هاا يوم لا ينفع الندم لا تصير عنتر سوري عل هاي الكلمه ما اقلل بيهه منك بس صدكني ماكو شي مضمون ولاهم لاتنسى انو بان تعتبر جاسر ابوهه يعني توقع اي شي مثل ما رفضتك الخاطرا تسويهه وتزوج إلى يدخل خاطرا، تصبح عل خير...
بان: طلعت من المطبخ قبل لا اشوفني وخلت للحمام دموعي نزلت اني ليش هيج ضعيفه كلام ليال اثر بيه ما اكدر الومهه او ازعل منهه هي جاي تحجي وي اخوهه عن مشاعرا هوا بس اني ياريت ما سمعت ما حبيت الشعور الحسيت بي
طلعت بعد حتى اكل ما اريد فتت اريد اصعد صار بوجهي طالع من المطبخ باوعلي وتنهد كال
ليث: ليش ما تكليلي شبيج وضعج ما عاجبني
بان: دراسه وجاي متحانات
ليث: هذا السبب بس
بان: ي ماكو شي، تصبح عل خير.
ليث: ونتي بخير
بان: تركته وصعدت الغرفتي احاول اتماكل نفسي وصبرهه بكلمات انتي ما مفروضه عل احد حتى ليث ولا احد يكدر يجبرج عل شي حتى جاسر توازني ولاتصيرن مثيرا للشفقه اليريدج يسعالج حتى لو انتي ألغلطانه مالازم احس بالذنب لان هوا يعرف اسبابي ذبيت نفسي عل السرير وندك الباب كمت فتحته بعصبيه عبالي ليال صفن وركز بوجهي وبيده صيني اباوعله صفن على عزا بدون حجاب رجعت بسرعه لفيت الشال ورجعت باوعلي بتسم كال.
ليث اعتقد جنتي نازله تاكلين بس رجعتي بادين فارغه كلت انه اجيبه وراج لانو شكلج ناسيه نفسج
بان: دنكت واخذت الصينيه منه كتله، شكرا
ليث: بان احد زاعجج هاي الفترا بالجامعه او البيت او اي احد
بان: لاا كتلك ولا شي بس دراسه
ليث: ما حاسج طبيعيه وهاا راح اعرف بطيقتي ونشوف منو شنو هذا الولا شي، تصبحين عل خير.
بان: ونت بخير، راح واني اباوع ورا وابتسم راحت الدموع والعصبيه من حسيته مهتم بيه ومنتبه انو ضايجه كلشي ختفه بلحضه احس حبي اله نذل وياي مايخليني احقد عليه او حتى اضوج منه كرهت ضعفي كدام كلبي اليحبه اااف.
ليال: طول اليوم الوقت واني بالشركه بقيت ابحث عن كلشي يخص الشركه والشغل لازم اعرف كلشي حتى تصير عندي اسبابي اذا ارفض شي صارت عندي معلومات عن المشاريع والتنفيذ وشغل الاقسام والبنات ساعدوني اني اما القسم القانوني اني تقريبا اعرف كلشي صعندي هواي معلومات وعن كل الاقسام بس شنو هلكت تعب وجوع شوي وفات واحد من الكفتريا بيده صينيه بيهه لفات وعصير خلاهم كدامي كتله، ما طلبت
ستاذا جاسر طلبهم الحضرتج.
ليال: رفعت راسي ركاعد بغرفه الاجتماعات تصير زجاجيه كدامنه باوعلي ورفع تلفونه يكتب شوي وصلني مسج رفعته كاتب
جاسر: همم شكلج اخذتي كلامي عل محمل الجد بس مو كلشي لازم تعرفينه بيوم واحد يالله كافي اخذي ستراحه درينه بيج كد المسؤليه جربي هذا الكيك طيب.
ليال: يتسمت تصرفه الطيف هذا فاجئني رفعت راسي البنات كلهم يباوعولي ورجعون يباوعوله يبوو دنكت راسي باحراج ودست عل الاكل لانو ميته جوع والكيك صدك طيب ذوقه حلو بالاكل.
هبه: وي الموقف إلى صار قبل وي هذا الموقف صرنا حرفيا محد يباوع بوجه الثاني رجعنه من الشغل مزاجه ضارب غير المشكله الفلوس إلى خسرهه ومشروع راح من الشركه صرت احس اني فارل سوء عل كولت امه الشي الوحيد إلى هون على كلام ليال انو الشركه راح تتحمل جزء من الفلوس وهمات عرفت انو عيد ميلاده قرب سبح ونام منغير ما ينطق ولا كلمه اني بدلت ونزلت اكل شي بالشغل تنغصت صبيت اكل كعدت اكل لسه ما خاله لكمه بحلكي نشمر الاكل من كدامي للارض رفعت راسي مصدومه اباوع الهه تباعلي بغل وحقد كالت.
ام جاسر، من يوم ما اجيتي ما شفنه يوم حلو وهسه بسببج هيج راح خسر شغلج وراح يخسر فلوسه
مريم: فال اسووود وكع عل راسنه شوكت راح نخلص منننج
هبه بلعت غصه كلامهم وما رديت كمت جبت المكناسه ولميت الاكل من الاض
ام جاسر: جاي احجي وياج ردي على منو راح يدفع الخسرا هااا ابوج هااا
مريم: الله اعلم شنو سوالهه حتى يعقوب هيج هيج تصرف تركيهه شترديهه ترد عليج.
هبه: باوعتله واحس دمي بده يغلي عليهم هيييي هيييي لاتشمرين بالحجي لا ادوس عل راسج ماشي
ام جاسر: هااا منو التدوسين عل راسهه وانه موجوده فوك شينه كوات عينه
مريم: ي فوك ما فضحتنه بالشركه والراح والجاي جاي بعدهي عينهه كويه.
هبه: باوعت الهه بطرف عيني والشيطان تربع براسي بعد ما بيهه مجال طفرت عليهه وسحبتهه من شعرهه من ورا امههه ونيمتهه بالارض وضربتهه ضرب يسوا عمرهه بس هي شرمخت وجهي الحقير وامهه تصرخ وتسحب وتضرب بيه بس اني فقدت كلشي هيج لحد ما بلعتهه السانهه ما حست غير لمه واحد رفعني بقوا ودفعني بعيد عنهه بنفس القوا احس جسمي تكسر صرخ بينه بعصبيه
يعقوب: كاااافي شنوووو جلاب مربي بيتي كااافي.
ام جاسر: هاي اخرتهه هيج تجيب وحده تكتلنه وتجاز على ابيتي خل يجي ابوك ما ابقى دقيقه وحده هنا خلي البيت الك والمرتك
هبه: حاضنه بتهه وتبجي وشكه بدموع اول مرا اشوف ادموع التماسيح إلى يكولون عنهن وهوا صار ينفخ نار باوعلي عيونه طاكه حمر باوعت بعيونه بتحدي مو اني إلى اكسر عيوني عل شي من حقي اوعلي كال
يعقوب: ليش هيج سويتي ها تصرفات عاقله بررررربج.
هبه: كمت وكتله، لااا منو كلك اني عااقله بس العاقل يسكت لليجاوز على اني مخبله واخذ حقي بيدي اما السبب فالي يكلولك عليه عتبرا هوا الصار ما راح ادافع عن نفسي هيج راضي كلش تركتهم ومشيت لزم يدي بقوا وخزرني مو عاجبه كلامي فلتت ايدي وطلعة اعرج من وجع رجلي وكعني عليهه دخلت للغرفه ودخلت للحمام باوعت الشكلي نصدمت وكعدت بالارض ابجي حاضنه نفسي ملابسي مزكه وشعري منكوش ومكطع حالتي حاله وجهي بي شراميخ شلون وصلت الهاي الحاله من العدوانيه ما جان هذا اسلوبي دائما بس السان ما امد ايدي حسه نفسي صاير ما اتحمل وافقد اعصابي عل اقل شي بس كلامهم هواي جان ثكيل على نزعت ملابس وسبحت جسمي مكسر وشبعت بجي عيوني صارن دم لبست البرنص وطلعت كاعد عل السرير ويهز برجه باوعلي فتحت الكنتور طلعت جنطه زغيرا وصرت اخلي بيهه ملابس شافني اجه سحبهه بسرعه وشمرهه كال.
يعقوب: وين ناويه هلل مرا شنو تعودتي كل ما اصير مشكله لميتي ملابسج وطلعتي
هبه: لا هل مرا طلعه بدون رجعه راح اتصل بلؤي يجي ياخذني
هبه: فتح عيونه عل وسعهه ولزمني من اكتافي بقوا عصرني احس ادي نخلعت بيده باوعتله بوجع كال بعصبيه
يعقوب: منو كلج انه رجل كرسي هنااا حتى اطلعين بكيفيج اول مرا فوتهه بمزاجي بس هل مرا اكسر رجلج والله والصار جوا هسه اريد اعرف شنو سببه واذا الج حق انه اخذهه.
هبه: وكعت دمعتي إلى صايرا ماكو ارخص منهه كتله بهمس مابيه حيل حتى احجي، تعبت حرام عليكم انه بشر يعني شيصير بيه اكثر بعد شنو غلطتي حتى استحق كل هذا ليش تعبت رحموني مااريد ابقى هناا بعد ماااريد، احجي واناشغ رخه ايده وسحبني الحضنه بقوا حضني احس راح ادخل بين اضلوعه رفع راسي واخذ شفتي بالهفه سكت بيهه بيهه وجع روحي تحولت الحضات جنونيه حسيت بيهه باضعف لحضات حياتي ولكيت الامان وكانو من كد المشاكل والضغط عقلي فصل وما صرت اميز الصح من الغلط كل الاعرفه انو جنت مستعده استسلم الهاذا الشعور وانه بين اديه حتى لو اعرف انو هاي لحضات ضعف حتى من عنده لحضات ستسلام لرغبه اني انطيته الاذن بيهه وسلمته نفسي وروحي وكلشي باقي بيهه بارتي او مو باراتي لانو حتى جسمي ماصار إلى سلطه عليه كلشي ملكه...
أبليتني بالعشق ثم تركتني...
وأذقتني حلو الهوي وقتلتني...
ووهبتني قلبا يفيض تعطفا...
بضعا من الأيام ثم قهرتني...
تقسو على ولست أعلم غلطتي...
أو غلطتي إني بحنيني أنحني...