رواية الشيخة ليال للكاتبة الوردة البيضاء الفصل السابع
حبني.
ومن يجي الضيم اعله متنك
راح اشيلنه اعله متنِي...
ليال: كعدت واني مغمضه الازم ارجع للبيت عل وقت رفعت راسي وما احس غير شعري نسحب بقوا وجعني فتحت عيوني ضلمه الغرفه وهاي العوبه متلفلفه بالشرشف وماخذه شعري وياهه سحبته بهدوء ما ينسحب وصار يوجعني اكثر من حرت الوجع مديت ايدي وكرصتهه بزندهه.
للللج بان كطعتي شعري، سحبت الشرشف عن وجهه وشهكت، واني اباوعله فتح عيونه بنزعاج ولازم شعري بيده فرك وجهه بيده الثانيه وبده ركز نضرا واني اباوعله مصفصفه هذا شجابه هناا كال واني بعدني مصدومه
جاسر: شكد مزعجه شبيج تصرخين
ليال: باوعت للغرفه مالت بان يعني ما مخربطه وداخله غرفته كتله، اااانته اجااابك هناا وشلون تنام يمي وين هاي الغبيه، باوعلي بنفس البرود وعت شعري، ااااخ
جاسر: لاتصيحين صوتج.
ليال: كتله بغيض لان حركتي مقيده وهوا لازمه، اترك شعري، كتله هيج وهوا اعناد رجع سحبه مرا ثانيه، ااااخ
جاسر: لاتصيحين كتلج
ليال: غمضت عيوني واخذت نفس اطلب الصبر قبل لا اتخبل من تصرفاته المستفزه وباوعتله بطرف عيني، لازم ارجع للبيت قبل لا احد يلاحض غيابي، اترك شعري بده يوجعني
جاسر: ههه ما لازمه هوا مجلب بيه.
ليال: شنو لعد شل، سكتت من شفته شلون مجلب بالساعه مالته، ااااف يااا لزمت ايده احاول افتحه وهوا يباوعلي ياااربي ثلج مو رجال، نفشت شعري نفش يالله نفتح ا خساره فلوس الصالون، بقا شعر بساعته صار يوخر بي شوي ونتبه عل ايده مكان الكرصه صاير احمر باوع الهه وباوعلي بلعت ريكي
جاسر: هااي كرصتج موو شو خل اشوف اضفرج.
ليال: خليت ادي وري وكمت اريد اطفر من السرير بس مالحكت سحبني بحركه سريعه وكعت عل ضهري، هااي شبيك جاسر خليني اروح
جاسر: طلعي اضافرج
ليال: مااااا الا اضافري
جاسر: اه طلعيهم ولج
ليال: تركني ماجنت اعرف انته عبالي بان
جاسر: باان موو
ليال: كال هيج وقرب بسرعه وعضني من زندي من قوتهه صرخت صوت لو ماكتمه بيده جان وصل البتنه
جاسر: خرب علقج فضحتينه.
ليال: ضربت اديه ودفعت وتسحبت كمت افرك بيدي باوعتله بغضب، ما اسمحلك تلمسني
باوعلي وبتسم بتسامه جانبيه مستفزه كال
جاسر: انتي لمستيني اول وانه ما اضيع حقي
ليال: مكروه حقير
جاسر: لا ترطنين احجي حيل خل اسمعج
ليال: الحمدالله طلعت ما تسمع عل اقل. سحبت شالي ردت اطلع صاح وراي
جاسر: هووووووب هووووب
ليال: باوعتله بستغراب، شكو اشرلي بعيونه عل ملابسي
جاسر: راح ترحين منا البيتكم هيج.
ليال: باوعت النفسي بجامتي الستن ضربت وجهي ورجعت اخذت الروب لبست بسرعه حسيت بالخجل من تذكرت الاحداث إلى صارت قبل شوي كانو تماديت زياده ردت اطلع كال
جاسر: لاتخافين اذا حاجاج سعد كليله جنت بيت زوجي
ليال: باوعتله وكلبت عيوني بتفكير كتله، اي زوج، شال المخده طلعت بسرعه وسديت الباب.
نزلت اتسحب لاكتني بان خزرتهه، كالت انو نام وما جان يعرف اني موجوده، سكتت اطمنت عل امهه بس ما خليتهه تعرف بوجودي طلعت من بابا المطبخ ورحت البيتنه اسحب دخلت الغرفتي تنفست براحه اااوف حسيت نفسي جيمس بوند باوعت لفراشي بشوق...
هبه: كعدت اكمز من الصبح اليوم اول يوم راح اداوم كعدت مخبوصه جهزت ملابسي اباوعله نايمه عل وجهه دخلت للحمام سبحت عل السريع وطلعت كاعد يفرك بعيونه رفع راسه باوعلي مبتسم شوي وتغيرت نضرته وصفن على باوعت النفسي ونخبصت عزززا طالعه برنص الحمام سحبت الملابس بسرعه رجعت للحمام بدلت وطلعت جان طالع ماموجود بالغرفه شوي وفات باوعلي دنكت خجلانه وسويت نفسي ملتهيه الف بالشال كال.
يعقوب: شنو هذا الحماس اليوم راح اطيرين
هبه: ههههه والله يمكن راح اطير من الفرحه
يعقوب: هههه دايمه نشالله.
هبه: باوع عل ملابسي لازمه كلبي ما يوافق عليهم لبست تنورا وجاكيت طويل تنسيقه بشكل حلو كتله، هااا مقبول، هزر راسه بالايجاب ومشه بدون اي ردت فعل حتى ما بتسم دخل سبح وبدل عل سريع طلعنه بدون رايوك لان اول ما فتنه للمطبخ جان مريم وامه كاعدات وبس نكعد راح نتلاطش اني وياهن يعرفنه وخاصه امه صارت تبسمر اول ما شافتنه بس سكتت.
طلعنه وبدي اكمز من وصلنه للشركه بده يعرفني عل الاقسام والشغل واخر شي دخلني عل قسم الهندسه كان مقسوم قسمين قسم مهندسات وقسم مهندسين قبل لا افوت صاح مساعته ادليني عل مكتبي واشرلي عل مكتبه مقابيل القسم
يعقوب: وهسه راح تستلمين شغلج بالتوفيق بس هاا من هاي اللحضه اني المدير وانتي مهندسه عندي يعني نسمع الكلام يالله دخلي تعرفي عل زميلاتج.
هبه: حسيته ركز عل كلمه زميلاتج هزيت راسي ودخلت وي البنيه تعرفت عل كل بيهم المعجبوني ولا عجبتهم وبيهم الحبابات وبلاخير ماراح يهمني شي غير شغلي اريد اثبتله نفسي وانو اني كد المسوليه.
ميسم: خلص يوم شاق بالمدرسه إلى صرت من اروح ليهه احس رايحه عماله ما اعرف شوكت راح تخلص هاي السنخ واتحرر طلعت اني ورحاب نسولف ونضحك رفعت راسي واشوف للمنضر الصادم حسيته مشهد مسلسل يوسف وباسل كل واحد واحد واكف يم سيارته هسه باسل رحاب كالت السايق معطل بس يوسف ليش جاي على ودعت رحاب وراح لخوهه واني وتقدمت عليه لاكاني ببتسامه بس احس توازني تخربط من التوتر من جيته اكيد مو خاليه
يوسف: سلام.
ميسم: هلو وعليكم السلام شنو صاير شي
يوسف: هههه لا ما صاير بس اريد احجي وياج شوي وبلغت السايق ما يجي اذا ما عندج مانع طبعا
ميسم: بلعت ريكي وبتسمت مجامله، لا اوك شنو المانع
يوسف: تمام تفضلي مبينه منفوخه من الدراسه راح اخذج عل مكان يعجبج.
ميسم: ههههه ياريت، جاي اصعد واني اضحك رفعت راسي بعده واكف مكانه ويباوع على من اجت عيني بعينه باوعلي بنضرا غضب صعدت بسرعه وهوا هم صعد سيارته اول ما حرك يوسف شخطهه كدامنه جان دعمنه
يوسف: لاا ياا عار جان روحنه
ميسم: سكتت، اخذني عل محل مثلجات وكعد يسولف شغلات عاديه ويسئل عل دراستي واني اجاوب بس مبين يريد يحجي شي بالاخير تجرء وكال.
يوسف: احم ميسم اني جايبج هنا حتى اطلب منج تعذريني عل إلى صار ذيج الليله والحاله الزفت الشفتيني بيهه صدكي هاي جانت اول مرا ونشالله ما تنعاد
ميسم: كلبي بده يدك مثل الاعصار من جاب سيره ذيج الليله كتله، لا عادي بس صدك اتمنى ما تنعاد يوسف هاي الشغلات ما تناسبك.
يوسف: لاا خلص كتلج مرا وغلطه ونشالله ما تنعاد بس انه حسيت انو علاقتنه تاثرت وصرتي متقيده بالكلام وياي حتى صرت ما اشوفج هواي خفت تكونين زعلانه او حجيت شي مو مناسب الله شاهد جان بدون وعي مني جاي ابرر لان تعرفين ما اكدر عل زعلج وخاطرج غالي
غندي.
ميسم: بتسمت براحه الحمدالله ما يذكر إلى كلتهه وصدك بديت احس صار حاجز بينه يوسف انسان لبق بالكلام كلامه كلش اثر بيه وما اكدر انكر وجوده كله يأثر بيه كتله باريحيه
اووو ستاذ يوسف كلبتهه دراما اصلا ما كو هيج شي من البالك بس صدكني الدراسه هاي السنه مزعجه فراح يغيب الفرح والسرور عن العائله هاي الفترا تحملو...
يوسف: لاا دخيلج شلون نعيش خاف ندخل بكأبه لازم تفرغينه نفسج شوي ههههههه.
ميسم: ممم اجرب ههههههه، رجعت عل طبيعتي الكلام وياا فادني وشال هم هاذ الموضوع الجان عل كلبي، بقينه نسولف ونضحك بعدهه رجعنه للبيت الجو جان مخبوص بالطبخ تذكرت اليله جمعه وجاي يسون عزيمه عل روح جدو...
ليال: اليوم عزيمه والشغل فوك راسنه كل عزيمه هيج ننخبص لان عالم وشيوخ من منختلف المناطق تجي حتى اليوم ما صارتلي فرصه انو اروح للشغل بس للجامعه ورجعت عل وقت وسحلت بان وياي من الجامعه عل قصر ما خليتهه تروح البيتهم والحمدالله حتى امهه لكيناهه يمنه وبيت عمو ياسين وعل هل حال اكيد جاسر موجود شعور حلو انو الكل ملتمين لان هذا اكثر شي يريده جدو بدينه نشتغل ونجهز بالاكل لحد ما صار وقت العشه ما احس اله جاسر فوك راسنه سلم وصار يتفقد الاكل لابس دشداشه ولاف الغترا والسبحه البيده المايفاركهه طالع ارتب من حياتي ردت ازحفله اله شوي كد ما طالع هيبه بعدين تذكرته جاسر وتراجعت تاكد انو كلشي تمام وحاجه ماما عل كم شغله وطلع شوي واجه سعد نفس هم جيك عل كلشي وباوعلي وخزرني واشرلي لبسي شالج وطلع غلست فوك التعب يريد يخنكني جنت مسويه الشال مثل الربطه عل شعري اعرفه سوا هيج لان شاف جاسر جان هنا نكلو الاكل واخيرا رتاحينه واخذنه نفس كل هاذ واني لازمه كلبي لا عل ساعه يتلاطشون كدام العالم وكفت اعزل بالمطبخ قبل لا يرجعون الماعين وينخبص المكان الكل راح يرتاح حتى بان والبنات باوعت من الشباك المضلل العالم بدت تطلع تغسل شوي وفات يوسف بصينيه ومبين تعبان خطيه هوا النكل وهسه شالهم كتله.
الله يساعدك تعبت موو
يوسف: طاح صبغي حتى ما شتهيت اكل من التعب
ليال: الله يساعدك خلص بعد اشوي اني اصبلكم عشى اكيد الولد همات ما تعشو
يوسف: ي لتهو يعزبون.
ليال: بقى يفرغ بالصينه واني اخذ من ايده بهاي اللحضات دخل جاسر بيده صينيه ثانيه تفاجئت خلاهه ورفع راسه شافنه باوعلي وباوع اليوسف ورجع باوعلي خزرني خزرا وعيونه تاشر شالي واني ناسيه نفسي بس الحقيق دائما انسه نفسي كدام يعقوب ويوسف وهاي مو اول مرا وخاصه وهما هم مايباوعون علينه بنضرا مو حلو بس علمود الحرم واله اني حرفين اعتبرهم مثل خواني.
فتفاجئت من تصرفه، ويوسف بس انتبه عل وجوده حسيته ضاج وطلع من طلع اني غلست عل شال ورجعت اعزل ما احس غير الشال نسحب من راسي بنترا باوعتله بسرعه مصومه شمرا علي
جاسر: هذا لبسي مو مخليته زينه ومكشفه للرايح والجاي
ليال: انته باي حق تسوي هيج مو ملاحضه جاي تتماده بتصرفاتك ويااي، حجى صاك سنونه بعصبيه
جاسر: صوتج مناا عالم، لاتخليني اكلب عليج وكلبتي مرا والله اندمج فصيري حبابه وسمعي الكلام.
ليال: باوعتله بتحدي. هوواي صدكت نفسك إلى بينه مو عقد حتكار حتى تعاملني هيج، كلت هيج وعيونه شتعلت نار تقدم على بحركه سريعه وسحبني من زندي بقوا وكال وصوته بي بحه من الغضب حسيت جسمي رجف من طلامه.
جاسر: اذا ما راح تفهمين بلكلام عندي اسالب ثانيه واصدك نفسي وين ما اريد وعليج وعل اكبر واحد اسمج صار عل اسمي وهذا التعرفه العالم يعني الماقبله عليج يمس اسمي تم وخلص بدون نقاش ومن اليوم لو راضعه وياا ما ينزل الحجاب كدامه وشوف مرا ماتنفذ كلامي.
ليال: نتر ايدي بقوا وطلع اصرير مثل الريشه بيده زين ما وكعني بقيت مصفصفه لا هذا مخبل رسمي وصار ينطي اوامر من اليوم احس الايام لليوم الراح اخلص بي منه حبطني تركت حتى الماعين وطلعت اااف شيخلص هاي الليله.
بان: صعدت الغرفه ليال اخذ ملابس احس ريحتي صارت مثل ريحه الفرن كلهه اكل صعدت اطفر عل الدرج حسيت خطوات وراي درت ليث جاي يصعد جاي من الباب الخلفي اضاهر ودشداشته مبهذله ومدمرا بس فدوا شلون لايكتله وكفت بمكاني هوا باوعلي وفتني بدون حتى ما يسلم الخبيث عشتو ميته عل سلامه
دخلت وركعت الباب وراي طلعت ملابس بدلت وكفت اضبط شكلي بعد لو يموتون ما افوت للمطبخ هلكت جاي ادردم ونفتح الباب باوعت ليث حجى بستعجال.
ليث: وين البنات
بان: درت وجهي وما رديت رجع كال بصوت عالي
ليث: شبييج اااحجي وياج ما تسمعين
بان: هاا ويااي اعتذر ماتوقعتك وياي لان فكرت نفسي غير مرئيه، بقى صافن بوجهي. رجعت كملت كلامي، البنات جوا مشغولات بالعالم
ليث: اني فارغه تعالي بسرعه ضربيلي الدشداشه اوتي لبين ما اسبح يالله لا اتاخر
بان: ومنو كلك مو مشغوله صعدت ابدل وانز.
مالحكت اكمل كلامي سحبني من ايدي الغرفته شمرهه على وفات للحمام ومبين كلش متوازي والضاهر مو وقت عناد وخباثه واجبي الانساني يناديني جان خال الاوتي امري لله صرت اكوي بيهه وادردم شوي وطلع يتنقل كدامي ينشف بشعرا ورموشه مبلله نسحلت رسمي واني اباوع التفاصله وشخصيته وعيت من الخيال ورجعت عل واقع من حسيت بلسعه قويه بيدي كتمت وجعي إلى احسه صعد لعيوني نزلت ايدي بسرعه قبل لاينتبه باوعلي كال
ليث: خلصتي.
بان: اي اي هاك
ليث: شبيج ليكون ضجتي لان جبتج بهاي الطريقه ترا مستعجل ما...
بان: قاطعته لااا عادي اني بالخدمه ابقى بت عمك عادي اطلب مني باي وقت البيك
ليث: هه والله كلامج ريحني خلص مارح اتقيد اطلب شي مرا ثانيه انتي بت عمي واختي واعز بس البعد شويه سوا حزازيات نتجاوزهه نشالله.
بان: من كال اختي احسه شعل نار بكلبي وعيوني حركتني بالدموع نزلت راسي لا تفضحني وتوكع كدامه اريد انطق واكول اي كلمه ماكدرت رفعت راسي باوعتله مركز نضرا على هزيت راسي ببتسامه جذب وطلعت بسرعه فتت الغرفه ليال ونفجرت دموعي صارت تنزل بدون صوت احس نخرست رفعت ايدي اباوع للحرك وابجي واني اصلا ما حاسه بالوجع ماله بعد.
خلص يعني نساني هه وما الومه السويته بي مو مال ينسا ويسامح رفعت راسي امس بدموعي بقوا اريد اسيطر عليهه بس نصدمت من شفته واكف بالباب وعيونه على من عبائي وحركه كلبي نسيت اسده وهاي فشله ثانيه صرت بموقف لا احسد عليه نزلت دموعي هل مرا من الفشله مالكيت حجه غير ايدي كتله بتوتر واني اتمنى الكاع تبلعني
بان: نجويت اووجاي تحركني
ليث: ليش ما كلتي.
بان: كال هيج وتقدم عل جرار طلع عصاره وتقرب كعد يمي سحب ايدي رجفت بيده اصلن جسمي كله فقد اتزانه باوع الايدي بقلق واسف كال
ليث: اسف نجويتي بسببي
بان: ي بسببك، بس عادي استاهل
ليث: تستاهلين لان كويتيلي
بان: لااا لان ما انتبهت
ليث: هه كافي تبجين دهنته هسه يخف الوجع
بان: باوعتله بقى يباوع لعيوني وكام بسرعه راد يطلع صحته وكف وباوعلي اخذت نفس وكتله واني بالعه العبرا.
شكرا خويه، بقى صافن بوجي وبعدين هزر راسه وطلع كانو نصدم وني بقيت الوم
بنفسي لان نطقتهه خايفه يصدكهه...
الأمر تخطى كونه حُب , انتِ جزء مني.