رواية الشيخة ليال للكاتبة الوردة البيضاء الفصل السابع والأربعون
خلي بالك من نفسك.
قالتها ورحلت ساحبة معها
الهواء والنور ومسببات الحياة.
رحاب: انتي راح تجلطني تصدكين ميسم هاي متحانات فاينل وتحديد مستقبلج مو لعبه حتى تتهاونين بي هيج
ميسم: كاافي رحاب لاتزيدينهه على صدكيني جاي احاول وطول الوقت وي الكتاب بس انتي تعرفين شنو الجو اني عايشه بي هاي الفترا فا لا تكولين تهاون
رحاب: وكم مرا كلت تعالي درسي وياي اني بنفسي اجي اخذج.
ميسم: ما اريد كلشي ما اريد تركيني بحالي هي سنه زفت عل راسي خلي اوكع وشنو ينعي
رحاب: يعني طياح حضج كلامج حيجلطني
ميسم: رحاب إلى بيه مكفيني لاتخليني ازعل عليج
رحاب: زعلتهم واني صوجي ادخل
ميسم: اااوف، كتفت ادي ودرت وجهي عنهه الدمعه وكفت بطرف عيني البيت ما ينطاق ومقهورا عل ليال وعقلي معند بالدراسه وما جاي اجيب النتيجه المطلوبه، ورحاب تلوم بيه اعروف من خوفهه على بس والله مو بيدي.
حسيتهه مشت اكيد اجه باسل بقيت حتى وجهي ما درته لحد ما حسيت خياله وكف كدامي
باسل: احم شو باوعيلي
ميسم: رفعت بس عيوني مغندبه باوعتله بتسم
باسل: شلون بيجن جهال انتن يوميه عركه
ميسم: هي عاركتني
باسل: بتنهيده خايفه عليج ماتريد تتعذبين بجرجره الدور الثاني ولغوته
ميسم: تنهدت الله كريم
باسل: ونعم بالله
ميسم: باوعله كال هيج صفن بوجهي دنكت بخجل حس عل نفسه كال...
باسل: احم زين اكدر تقبلين مساعدتي.
ميسم: باوعتله بستغرب مساعده شنو
باسل: بما انو ما تكدرين تجين دائما تكدرين تنضمين النه عله التلفون نفتح وياج كامرا حتى لو بس رحاب تسويلج واهس وكل شوي رزاله
ميسم: هههه صاير لسانهه طويل علي
باسل: هههههههههه لانتي صايرا هادئه ومطيتهه مجال
ميسم: بتسمت بهدوء، تحسر بوجهي قوي فزيت
باسل: هههههه شبيج
ميسم: هزيت راسي بسرعه لااا ماكو شي، عن اذنك وصل السايق واني موافقه من ادرسون خلي رحاب تحاجيني
باسل: نشالله.
ميسم: بتسمت وصعدت بالسياره اول ما حرك اخذت نفسي احس جنت كاتمته بوجوده حتى كلبي صار يدك بسرعه مو كانو يحجي كلام عادي بس انتوتر من يكون هيج قريب مني ويحجي باسلوبه الذوق وهدوئه يخليني ما اعرف حتى ارد عليه يمكن هوا الوحيد الاخجل من الحجي وياا براحه اااف...
رجعت للبيت وهنا دمرت نفسيتي اكثر من عرفت ماما واكعه وليث وليال ما خذيهه مستشفى طبعا توكع وهي تشوف بتهه واكثر وحده متعلقه بيهه بينه لان دائما احسهم صديقات تشاركهه بكلشي بس هسه تشوفهه عتزلت الحياه من الجامعه إلى ما بقى شي عل امتحاناتهه الكعده ويانه عل الاكل وصوتهه بالبيت وهي إلى كانت صديقه الكل من اكثر من اسبوع وهي مطفيه مثل الشمعه ويمكن اني اكثر وحده حاسه بيه مهم تكون قويه بس تجي فترا تنجبر تعبر بيهه عن حزنك ويبين عليك لان وقتهه الرجعه مثل الاول راح تكون اصعب او حتى يمكن ما تعرف ترجع وتبقى هي شي بنفسك مكسور تنتضر الوقت هوا يصلحه بس تنتصر ابرود برود تجاه كلشي بحياتك...
ليال: اصعب شعور انو تحس جاي تاذي الناس إلى تحبهم وتحبهم هواي مو شويه واني حسيت بهذا الاحساس مرتين يعني نوجع كلبي بالضعف
من شفت ماما شلون متاذيه بسببي نغمست بحزني ونسيت حزنهه على مو قصدي ازعلهه واحزن كلبهه على بس انه البيه خلاني افقد الاحساس بكلشي حوالي...
فزيت من صفنتي ومسحت دموعي عل صوت طلعه الدكتور من غرفتهه تقدمنه ليه اني وليث
ليث: شلون صارت.
الدكتور: الحمدالله عدت سلامات بس ديربو بالكم نوبات السكر والضغط إلى هيج ممكن ادمر صحتهه...
ليث: نشالله دكتور
الدكتور: سلامتهه
ليال: دخلت الماما ركضت حضنتهه رغم التعب البيهه بس يبقى حضنهه دافي يسحب التعب القهر كله كتلهه بصوت مخنوك، ااسف ماما ماتخيلت يصير بيج هيج بسببي فدوا سامحيني
ام ليال: ااش ماريد اشوف ادموعج بعد كافي
ماريد تعتذرين اريد ترجعين مثل ما اعرفج قويه.
وصبروا ربج يجبر الخاطر انتي بس صبي وكولي يالله المكتوبلج ما يصير الغيرج يا امي
ليال: انه ضايجه من نفسي ماما جاي ائذيكم واحد ورا الثاني
ام ليال: الغايه بالكلب وانتي انسان وسبحان الما يخطأ لا تحملين نفسج اكثر من طاقتهه واني هاي الحمدالله كدامج ما بيه شي بالف خير
ليال: الحمدالله لاتخوفيني عليج مرا ثانيه
ام ليال: نشالله انتي بس كوني بخير انه اصير.
ليال: حضنتني احس هم كلبي راح كافي ضعف وحزن ما راح يغير شي خلي اضمه بكلبي مثل الجمره التجوي بي ولا اكون سبب بتعكير حياه وحزن إلى حزني ياثر عليهم بس لان يحبوني.
طلعنه ماما من المستشفى رجعنه للبيت جانو الكل متجمعين حتى بيت عمو بس لفتتني نضره الخوف بعيون بابا اول مرا اشوفه مهتم بماما هيج بعد ما كان دائما راكنهه عل الرف ما تشارك لا بقرار ولا رئي بالبيت وهذا اكثر شي يزعجني بس هسه بابا يباوع الهه وكانو مضيع شي وحتى من باوع على نضراته مليانه حنيه تنهدت وبعد ما سلمت تجاهلت نضرات الشامته بعيون مريم وامها وصعدت بدلت ملابسي وطلعت مالي نفس حتى اباوع بوجهي عل مرايه واصد بيهه.
نزلت للمطبخ تساعدنه اني وميسم إلى تباوع على بفرح وكانو نازله من غير كوكب، سوينه الغده دخل يعقوب اول ما شافني هذا الثاني بتسم يقرب باس راسي
يعقوب: واني اكل البيت منور اليوم شلونج لولو
ليال: كتله بصوت حالي مبين بي اصلا، الحمدالله، همس
يعقوب: مخابيل وربي
ليال: رفعت راسي اباوعله وهوا فهم نضرت السوال البعيوني، بتسم.
يعقوب: اذا تسألين عنه فلا تخافين مابي شي بس عنده شغله كلش مهه يخلصهه ويرجع البارحه حجه وياي وكال ابلغ اهله.
ليال: تنفست براحه من اسبوع وهوا ماكو خبر عنه دنكت راسي ورجعت اشتغل ومقاومتي حتى ما ابجي تحولت الرجفه اليدي طلع يعقوب صبينه الغده وجتمعو عل السفرا كعدت وياهم كدام ماما نشالله محاولاتي واني ابين الهه اني بخير تريحه شوي بس حتى ذكرياتي غدرتني واخذتني الصفنه المتنه سوا عل هاي السفرا ويا ومشاكسته تنهدت بقهر فزيت عل صوت يعقوب
يعقوب: احم ياجماعه بما انو الكل متجمعين. انه حاب اكلكم خبر حلو.
ميسم: يالله والله زمان عل الاخبار الحلوا
يعقوب: ههههه
ابو يعقوب: كول من شكلك مبين خبر حلو
يعقوب: ي يابه الخبر المنتضرا من زمان، انت راح تصير جد
ابو يعقوب: بفررح شنوو صدك
يعقوب: ي هبه حامل
ام يعقوب: شنووووو شنووو ومنين حااامل هاي الص...
يعقوب: يماااااااا
ام يعقوب: ييي ااارفع صووتك عل امك ودافعلهه بدل ما ترروح تشوفها من جااابته وهي عد اهلهه اكيد من حبيب الكلب الاتفقت ترجعله
وهسه لبسته براااااسك.
يعقوبة: ييييييي موووو انه مكرررررن والنسوووووان تضحككك علللللي واااالله ماااا الووومهااا بعد لااان ماااتقبل ترررجع وااانه هم مااارح اضلللج بلللبيت مداااام طلللعت موو رجاااال وهييج تحجين عل عرضيي كدامي واااالله لووو كدام عمي جاان إلى وياج حجي ثاني...
ليال: ضرررب الطاوله وطللع واكدر اجزم لو مو امه يمكن جاان ما طلعت من بين اديه عدله.
شكد ما جانت لحضه حلوا وهوا فرحان بنقل الخبر الحلو حترك كلبه اضعاف بكلام امه وصارت اللحضه الحلو عليه مثل السم اضاهر يعقوب هم نضم القائمه المنحوسين بهاذ البيت إلى مالهم نصيب بالفرح...
اباوع العمو شلون فرفح عل ابنه بعد ما جان ينتضر بفارغ الصبر هذا الخبر سنين وهوا يقنع بيعقوب يتزوج ويمكن لو القسمه الغريبه إلى جمعته بهبه جان لسه بدون زواج مو انوب يصير عنده طفل هذا خبر عضيم لمفروض الكلب امه بس هي بدل ما تباركله كلبت فرحته لقهر.
ابو يعقوب: اااانتي شنووو من بشرر هااااا شايفته زعطوووط كدامج وتكليله هيج اطعنين بشررف مرته كدامه بنيه مااشفنه منهه غيرر كل خير والله لو ما كلي لا تدخلل جاان رجعتهه البيتهه من زماان جااي فرحان ورررراد يفررحنه هيييج تقابلينه بهذاا ردج شنوووو من ام ااانتي
شوفيي اذا طلللع من ااالبيت اطللعين وررا خسرررت واحد ماا مستعد اااخسر الثااني.
ليال: اباوع الميسم نسحبت طلعت مرت عمو ومرت عمو ماردت عليهه بلعت السانهه بعد كلامه وطلعت وليث راح جاي يعقوب عدنه حتى ما يسويهه ويترك البيت وقتهه ماراح يتأذه غير عمو...
تنهدت واخذت ماما عل غرفتهه نطيتهه العلاج وتركتهه ترتاح طلعت لمينه السفرا إلى محد اكل منهه هه ورجعنه النقطه الصفر إلى مايمر يوم بدون مشاكل بهذا البيت
دخلت للمطبخ ميسم تغسل بالماعين، تركي من ايدج اني اغسلهم انتي مو عندج متحانات.
ميسم: مبقى شي اغسلهم واصعد ادرس
ليال: لاا عوفيهم هاي فاينل مو لعبه، كتلهه هيج دارت حضنتني
ميسم: ااحبج لا تسوين بينه هيج بعد
ليال: بادلتهه الحضن اعرف ميسم صعب تعبر عن مشاعرها لعد شكد مأذيتهه هي هم، ما اتركج يا روحي انتي شعندي غيرج
ميسم: بتسمت بعدت عنهه بستهه بخدهه. اني فوك اذا حتاجيتي شي، بس هاا خلي بالاول نتصل بهبه نبارك الهه صاعده اجيب تلفوني.
ليال: صعدت شويه ونزلت بيدهه التلفون تحجي وي هبه خلصت ونطتنيا سلمت عليهه وتباركت الهه الفرحه مبينه بصوتهه الله يديمهه عليهم نشالله
هبه: شبي صوتج ليال بعدين ليش من فترا من اسبوع اتصل بيج مغلق ومن اسئل البنات يكولون ماكو شي بس هسه صوتج ياكدلي اكو شي مو طبيعي بيج.
ليال: بلعت الغصه، ماكو شي حبيبتي صدكي بس شويه تعبانه وخطي متوقف يالله هاي ميسم تريد تحاجيج، نطيته الميسم بتصرفه قبل لا ترجع تحجي وتسأل لان ما عندي جواب إلى بيه مكفيني يااربي رحمتك تعبت...
هبه: نصدمت من إلى كالته ميسم كل هذا صاير وي ليال واني ما اعرف كلش نقهرت شلون جانو حلوين نصدمت من الخبر طلعت رقمه وايدي ترجف كلش نغاضيت منه ليش ما كالي...
دكيت عليه مغلق ستغربت الصبح حجى وياي وهسه مغلق تنهدت للعصر قررت اسويلهم زياره وخاصه بعد ما عرفت امهم تعبانه اطيب من اطيب الناس إلى تعرفت عليهم هنا شكد اتمنى لو جان يعقوب ابنهه واخو البنات ههه
بدلت ملابسي بتسمت من شفت بطني شلون بارزه شوي وجسمي مليان حتى خدودي بارزه اكثر لبست فستان شتائي كلوش من جوا بي قصر شوي وشوز رياضي لفيت الشال وعطر وطلعت وصلني لؤي طلعت ميسم ستقبلتني.
ودخلت يم امهم واجت ليال تصرفت طبيعي ولا كاني اعرف شي بس مو كانو ليال كدامي شخص ثاني تماما سلمو على وباركولي وفرحتهم فرحتني كل مرا يثبتولي انو صدك يعزون يعقوب مثل اخوهم واعز بس رغم هيج ما جان الحديث مثل المعتاد وياهم لانو ليال كانو مو يانه خلصتهه صفنات تنهدت...
كعدتكم متنمل بس لازم اروح
ليال: وين رايحه ما بقى شي عل العشه المرا الفاتت فوتناها بس هسه لا.
هبه: بتسمت انتي تأمرين امر خلي انطي خبر الؤي، دزيت رساله الؤي ورجعت اتصلت بيعقوب اريده يجي اشوفه هنا همات مغلق تنهدت بملل
ميسم: شنو ما يرد اخوج
هبه: دزيتله رساله بس يعقوب ما جاي يطلع مغلق ما اعرف ليش قلقني شوي الصبح اني احجي وياا وهسه ختفه
ميسم: ههههه يمعوده هسه بسابع نومه وين يسمع التلفون، لا تقلقين هسه اخذج اله شخصين
هبه: هاا لا ما اكدر اروح عل بيتهم
ليال: يعقوب نايم هنا بغرفه الضيوف مو ابيتهم.
هبه: بستغراب هنا ليش مو ابيتهم
ميسم: هاا مو اجه شاف ماما وتغده يمنه بعدين تكاسل من التعب يروح البيتهم دخل نام هنا
هبه: هزيت راسي بس حسيت اكو شي مو طبيعي
ميسم: تعالي اخذج اله
هبه: لاا تركي نايم هسه يكعد
ام ليال: كومي حبيبتي لا تنحرجين البيت بيتج.
هبه: بتسمت وهزيت راسي، كمت وي ميسم اخذتني عل غرفته ونزلت، تقربت فتحت الباب ودخلت بتسمت من شفته شلون نايم عل وجهه وشعرا واكع عل عيونه فتحت شالي وخليت الجنطه شلت الغطه ودخلت وياا بالفراش خليت ايدي جوا خدي واباوع الملامحه الهادئه شلون عاقدهه بغضب مبين ضايج من شي نشالله ماتكون مشكله وي اهله بسببي. تحسرت وقربت راسي من وجههه بست شفته بخفه، رتخت ملامحه بتسمت رجعت بسته فزا بطفرا يباوعلي عقد حاجبه فرك وجهه ورجع باوعلي...
يعقوب: انتي صدك هنا
هبه: هههههههه، ضحك ورجع نام وسحبني الحضنه، ليش فزيت هيج ههههه
يعقوب: عبالي جاي اخونج بالحلم
هبه: هممم هيج
يعقوب: هههههههه، من شوكت انتي هنا
هبه: من ساعتين تقريبا
يعقوب: ليش ما كعدتيني
هبه: باوعتله بغيض، عل اساس اعرف بيك هنا تلفونك مغلق
يعقوب: والله ما اعرف حتمال خلص شحن
هبه: يعقوب ليش ما كتلي عل صاير وي ليال
يعقوب: بتنهيده الكل متضايك ماردت انتي تضوجين هم.
هبه: ي والله كلش نقهرت ااوف وهسه شلون
باوع بعيوني وبتسم
يعقوب: اذا حبهم حقيقي ماراح يكدرون ينفصلون
هبه: بتسمت نشالله، صدك انت ليش نايم هنا، اباوع الوجهه تغير ملامحه
يعقوب: ماكو شي بس تكاسلت اروح البيتنه
هبه: بس مو هيج مبين
يعقوب: بتنهيده تحاجينه انه ومي
هبه: كلتلهم عل حملي مو
يعقوب: يي
هبه: اكدر اتخيل ردت فعلهه اكيد اول شي سوته طعنت بيه، باس راسي
يعقوب: هبه لاتاذيني بدموعج مو انه وياج ما الج علاقه باحد بعد.
هبه: شفت ليش ما اريد ارجع لبيتكم
يعقوب: ما ترجعين اله لمن احل كلشي وهسه كافي يالله مسحي دموعج ماتصدكين شكد شوفتج شلون ريحتني جنت مخنوك وشردت للنوم لا ترجعين تضوجيني من الموضوع
هبه: بتسمت وحضنته دفنت راسي بركبته
يعقوب: هبه احنه ابيت عمي رحمه لربج رحميني ما اتحمل دلالج
هبه: ههههههه بعدت عنه، يالله خلي ننزل اريد اساعد البنات...
يعقوب: همم بس خلي ابوس بنيتي
هبه: دنك باس بطني رفع راسه باوعتله بغيض ضحك.
يعقوب: ههههههههه جذب مو بنيتي انتي بنيتي وبس
هبه: بعد تضحك عل عقلي، تقرب على واني وادفع بي لحد ما ثبت ادي ودنك سحب شفتي بين شفايفه نسيت نفسي والزعل بعد باوعتله بعيون ذبلانه همس
يعقوب: تكومين لو ارجع اكمل وما اتركج والله
هبه: لاااا كايمه طفرت بسرعه من يمه واني اضحك اخذت شالي الف وكفت البسه كدام المرايه وهوا كعد اباوعله يباوعلي عاقد حاجبه
يعقوب: هبه ملابسج ضيكه.
هبه: ي لان سمنت كلتهه بزعل واني اباوع الجسمي كام تقرب على حضني من ورا خلا راسه عل كتفي كال
يعقوب: جنج العافيه
هبه: اااخ خدودي
يعقوب: ينكرطن، خلي نخلص عشه ونطلع نجيبلج ملابس ما اتحمل تلبسين هيج
هبه: كتله بتردد، تغار
يعقوب: انتي شتكويلن
هبه: مم ما اعرف...
يعقوب: جذابه...
هبه: ههههه، باس خدي وتركني وفات للحمام
اعرفه يغار بس حتى حبه ما يعترف بي بالكلام مو بس غيرته.
تنهدت لفيت شالي وطلعت شفت عمو ابو فتت سلمت عليه بتردد بس تفاجئت من ردت فعله وفرحته الستقبلني بيهه نشرح كلبي من معاملته إلى بهاي الطريقه ابني محضوض بجد مثله نشالله يفرح بشوفته...
ميسم: صعدت بعد اليوم هذا اليوم المزدحم الغرفتي تعبان وما نمت من رجعت من الدوام اااوف راح اليوم بدون دراسه وبعد باجر عندي متحان فتحت تلفوني عززا رحاب حاركته على بالاتصالات حتى اتصال الباسل لكيت دكيت عليهه ماردت باوعت الوقت متاخر اكيد هسه نايمه لان منضمه جدولهه مال الدراسه ترددت بعدين ضغطت عل زر الاتصال بي بس رن طفيته بسرعه وكلبي يدك عبالك مسويه جريمه لحضات ورجع اتصل هتز التلفون بيدي اخذت نفس ورديت بس خليته عل اذني اجاني صوته.
باسل: الوو
ميسم: الو مساء الخير، ضربت كصتي الساعه فاتت ال 12 اي مساء الخير هاي
باسل: مساء النور شنو جنتي نايمه رحاب هواي اتصلت بيج واني هم اتصلت حتى اعرف اذا تراجعتي عن الاتفاق
ميسم: هاا لا والله بس اليوم جان عدنه ضيوف ونشغلت شوي هسه يالله صعدت غرفتي وشفت الاتصالات
باسل: والله ما تنلام بيج رحاب
ميسم: هاا.
باسل: كل عقلج تاركه الدراسه وتهتمين بالضيوف روحي نامي مبين من صوتج شلون تعبانه يمكن حتى نوم ما نمتي وباجر إلى جحي ثاني وياج، تصبحين عل خير
ميسم: ضليت ارمش بعيوني سد التلفون كانو امرني ورزلني لو اني غلطانه لا واني إلى خجلانه ارد عليه بس والله كلامه صحيح اني انام وباجر الله كريم، بعد الكتب وسحبت الغطه عل راسي ونمت لان ميته تعب...
كعدت الصبح عل صوت التلفون سحبته ورديت واني مغمضه عيوني
ميسم: همم.
باسل: صح النوم يالله وقت دراسه
ميسم: فزيت عبالي حلمانه باوعت الساعه ب 6 الصبح رجعت خليت التلفون عل اذني اريد اتاكد
باسل: راح اتصل بيج بعد نص ساعه مصحصه ومجهزه كتبج ولافضل كونين متريكه، ميسم وياي
ميسم: هاااا اي اي
باسل: ههه جيد لاترجعين تنامين
ميسم: سد التلفون ذبيت نفسي عل السرير استوعب إلى ديصير من حسيت بديت ارجع اغفي كمت سحلت نفسي للحمام بسرعه غسلت وجهي وطلعت نزلت سويت كهوا وصعدت.
جهزت كتبي ومن اتصل لفيت شالي وحولته عل الاتصال عل التاب
رحاب: صباح الخير ست عاش من شافج
ميسم: كالتهه بغيض هههه صباح النور وانتي العايشه حبيبتي
باسل: صباح الخير، يالله كافي مناكر
ميسم: هههه صباح النور، بدا يشرح النه الحمدالله انو مو مدرس جان مانجحت عنده وربي كل شوي وسئلنه شي واحنه نصفن خزر رحاب واني ضحكت دار على باوعلي بطرف عينه نخلست يبوو عل احراج رجع عاد لحد ما فهمنه
باسل: لحد هنا كافي ستراحه.
ميسم: نطانه ستراحه وصارت الشاشه سوده توقعته فصل الخط صفطت الكتب ونمت عليهن، بديت اغفي وكعدت عل صوت
باسل: بسس بسسس
ميسم: رفعت راسي فازه نزل شعري لان قصير والشال رخي عدلته بسرعه اباوعله داير وجهه
اسفه غفيت شوي، باوعلي تنهد
باسل: صار عليج ذنب هسه ذنوبج كثرت بسببي
ميسم: ليش النوم ذنب عندك
باسل: هههههه كومي اكلي شي لاتبقين عل كهوا يالله منتضرينج.
ميسم: غير الموضوع بتصريفه هزيت راسي سد الاتصال تنهدت دئما كلامه مثل الالغاز بس والله لطيف كلامه تحسه حكم هههه
ليال: رجعت من الجامعه إلى بالاسم رحت الهه اصلا مادخلت ولا محاضرا بس حبيت اطما ماما انو خلص كلشي تمام هه اول ما دخلت سمعت اصوات عاليه بالديوان تقربت من الصوت تشنج جسمي من الرهبه
ابو سعد: شلللللون متصووووب يعنيييي.
ليث: خاله اتصل بيه من المستشفى وهذا إلى كااله هوا هم ما يعرف شي وانه هسه راح اروحله وراح وبلغ يعقوب وعمي ويلحكوني بس ياريت ولا وحده من النسوان وخاصه ليال امه واخته يعرفون بشي حتى خاله بلغته ما يبلغهم
ابو سعد: زين ماكلك شلون تصوب
ليث: لاا خاله هم متصلين بي من المستشفى ولي جايبته الشرطه
ابو سعد: بتنهيد وخوك وين بيااااا مصيبه ليش ما جاي اوصله.
ليث: نفس لمخوفك مخوفني صدكني اذا البالنه طلع صدك معناها ابنك اصل مرحله خطيره وي هذا رشاد وراح يجيب النه وجع راس احنه بغنه عنه ويضيع نفسه
ابو سعد: الله يستر را احاووول اوصله، يالله روح لبن عمك واذ حتاجيتوني دك على ولاتخلي ابغداد جيبو وياكم لان اكيد خطر عليه اخذ وياك كم واحد هم
ليث: ي نشالله.
بعد إلى سمعته بقيت اقاوم حتى اخذ النفس ريكي يبس طلع ليث مستعجل اونصدم من شافني كدامه نزلت دموعي وحس الدم نسحب من جسمي كتله بالسان يرجف، جاسر موو
ختل توازني ولزمني
ليث: والله ماابي شي خاله طمني وهسه انه رايح اشوفه وضعه مستقر اهدي فدوا ارحلج
ليال: ووين وضعه مستقرررر لاااتضحك على اني سمعت مستشفى كلللللي شبي فدا ليث جاسر وين رررراح اااموت يااااربي كلللي شبيييي، سحبني الحضنه، كال بترد.
ليث: ليال جاسر متصوب بالمستشفى بس صدكي ما بي شي وهسه هسه راح اروح اشوفه
ليال: رجف رجسمي وكعدت بالارض رجلي ما تعيني ساكته احس كلبي نسه شلون يدك ودموعي تنزل بقهر ولثتي ترجف دنك ليث على هز كتفي كال وحسيت بنبرته شفقه عل وضعي
ليث: ليال لاتسوين هيج امه واخته ما يعرفن ولا اي احد لو ما انتي سمعتي ماجان خليتج تعرفين لان اعرف راح تسوين بنفسج هيج.
ليال: زعلان مني راح وهوا زعلان مني كال ما يتركني، كال ماراح يسامحني، صار صار سبوع مو شايفته، ليث
ليث: ليال لاتسوين هيج مردتي كلبي
ليال: ليث مشتاقتله ووالله احس روحي تفرفح عللل شووووفته، سحبني الحضنه شهكت شهكه جنت حاابستهه من يوم إلى صاار طلعت وجرحت كلبي، بجيت بقهر وحركه كلب كتله من بين شهكاتي، ااحلف وغلات ماما مابي شي
ليث: صدكي مابي شي توصالت وي الدكتور شخصين وي خاله هم.
ليال: يحجي ويحضن بيه لان فرفحت من البجي، شش شلون صار هيج وليش مممنو الضربه سعد موو ااعرف اعرف سعد ليش هيج مو هوا وعدني اذا اطلكت ما يأذي وووانيييييي سوووووووت اااااليريده لللليش سوووا هييييج
ليث: اااااهدي شبييج تخبلتي صدكي مابي شي مو سعد الضربه لسه ما نعرف شنو صااير وياا الموضوع معقد ولسه ما فتهمنه شنو السالفه
ليال: للليث، باوعتله وكلبي يرجف وعيوني ما اشوف بيهه من الدموع.
ليث: يااروح ليث كافي ولج دمرتيني
ليال: ااااروح وياك
ليث: لااا وين رايحه تحجين صدك هوا اني راح اجيبه واجي بس يطلعه الدكتور شوفي حالتج
ليال: شهكت، اذا ما اخذتني وياك ااااروح وحدي وراك والله
ليث: شلون اخذج بهاي حالتي
ليال: مبيه شي والله اذا مااا اخذتني اشوفه صدك وقتههه راااح اموت، حضني هز راسه بيأس
ليث: بطلي تبجين هيج واني اخذج
ليال: مسحت دموعي وهزيت راسي بدون روح.
كومني نكث ملابسي واني صافنه بالفراغ ونار مشتعله بصدري نااارر طلع بابا باوع النه اشرله ليث على هز راسه بالايجاب اباوع لبابا وجهه مخطوف ومبين مهموم يباوعلي بقهر بس بهاي اللحضه حتى هوا حقدت لحضه عليه لان سوا هيج خلاف وي عموو وخلانه نوصل الهاي الحاله وتوارثنه حقدهم ومشاكلهم بس من شكله مبينانو سعد اله طرف بالي صار وي جاسر واله ليش يجيبون سيرته واذا صدك وكتهه راح ما راح اسمحه وربي عل هاي النار البيه ولا راح افوتهه اله.
صعدني ليث بسيارته وحتى للبيت ما قبلت ادخل، مشينه واحس الدرب يطول ما يكصر بأي حاله راح اشوفه وشلون راح اواجها واني السبب بكلشي صاار وياا بسببي راح البغداد وبسببي سعد او رشاد اذا، كل لحضه من خوفي عليه جاي تاخذ مني عمر، كلشي بيه يوجعني بس ماكو وجع يتقارن بوجع كلبي واني اتخيل ضحكته وسولفه إلى مرت مثل الشريط كدامي، ماريد شي بحياتي بعد بس يكون بخير وبعدهه وعد ياربي ماراح اطلب شي ثاني.
عودتني. وعودتني. وعودتني
وكلهن انتَ.
وگتلي بالدنيا شحلالك؟
گتلك انتَ
گتلي كل ناسك مشوا
ياهو ال بقالك؟
گتلك انتَ!