رواية الشيخة ليال للكاتبة الوردة البيضاء الفصل الرابع والعشرون
آنه
من گد غيرتي مرات
انشدك،
آنه
أغار اعليك منك
و انت تدري،
خدك اعتبره حلالي
وهاي شامه،
شبيها و شعدها علة خدك
ميسم: اخخ منضر الاكل يشهي بس هوا كاعد ما اكدر اخذ راحتي كل ما ارفع راسي عينه على واختهه همات كاعد ويانه عل السفرا بس ما بلعتهه احسهه غثيثه لو اعرف ماجان كشخت لحفله ابنهه راح تسويله هنا. همستلي رحاب
رحاب: شبيج تنقشين مو عادتج
ميسم: نجبي ليش ما كلتي اخوج هنا
رحاب: لان اعرف ما راح تجين.
ميسم: بسيطه اله انتف شعرج صايرا اجذبين
رحاب: هههههههه
سهر: ليش تتهامسن ضحكنه وياجن
رحاب: ماكو شي جاي تكول الاكل طيب
سهر: همم بالعافيه حبيبتي
ميسم: الله يعافج
سهر: اكول ميسم
ميسم: كولي
سهر: يعني لاتزعلين مني مجرد سوال
ميسم: لا عادي كولي عل شنو ازعل
سهر: بس اريد اكلج انو ستايلج يجنن ما شالله شايفه صوركم عد رحاب حتى اختج انيقه تخبل
ميسم: بتسمت تسلمين عيونج الحلوا
سهر: بس انتن شلون تلبسن هيج وانتن بنات شيوخ.
ميسم: من جابت سيره الملابس عرفت هذا السوال التالي رادت تحجي رحاب لزمت ايدهه وباوعت السهر ببتسامه كتلهه
ليش شدخل إلى نلبسه بالشيخه
سهر: لا قصدي يعني انو الشيوخ عاده محافضين بشكل مبالغ بي...
ميسم: صاحب بخت وشهامة ونخوة واخلاق كريم وحكيم ومحترما بين الناس عل قدرة الإقناع وحل المشاكل وغيرهه من الصفات هاي إلى تربينه عليهه والي نمثلهه كدام الناس بعتبارنه بنات اشوخ واكيد الحشمه والحمدالله احنه ما متجاوزين الحدود وبالاخير الملابس مو مقياس للانسان
ام رحاب: ي والله صح السانج حبيبتي اسم الله عليجن وردات ماكو مثلجن.
ميسم: ببتسامه تسلمين خاله باوعتله مدنك وما علف جنت قاصده اسمعه كل ما يشوفني يحسسني طالعه بدون ملابس شوي وكام
باسل: دايمه اخذو راحتكم
رحاب: ما اكلت هاي عود مسوين الاكل عل حسابك
باسل: عاشت اديكم شبعت خلي ميسم تاخذ راحتهه ما اشوفهه اكلت
ميسم: هاا لاا جاي اكل
باسل: ببتسامه تنقشين قصدج يالله تغدي براحتج انه شبعت
ام رحاب: وانه شبعت اكوم اسويلك جاي
ميسم: كام وباوعت الرحاب، عل حسابه مو
رحاب: واحسابج والله.
ميسم: بسيطه اعلمج راقبيلي المكان خلي اتغده لا ينحسب على غده عل فاضي، باوعت للاكل الكل كامو حتى اختهه ابنهه بجه كعدت اكل عل راحتي خلصنه وساعدت رحاب بنقل المواعين وهي تغسل واني ارتب الهه
رحاب: تركي لا تبللين ملابسج
ميسم: ديالله عاد طلعتوهن من خشمي جان اجيت بالبجامه لو اعرف هيج
رحاب: هههههههه مالج علاقه بسهر هي هيج عبالهه كل العالم مثل زوجهه
ميسم: ما الومهه عادي هي وحده من الالف إلى سئلو هذا السوال.
رحاب: ههههه بالضبط يالله خلصنه خلي نزين الصاله لحفله الاستقبال
ميسم: بينت جاي تكربين على بحجه الغده
رحاب: ي استغلج بحجه الغده ههههه.
ميسم: اردهه الج، خلصنه ورتبنه الحفله وبدو معارفهم يجون وعيال اختهه بدت الحفله ونزلت هي والبيبي يمه من شفته كزكزت ناعم يجنن من زمان ما صاير عدنه بيبي زغير بدت فعاليت الحفله والتقديمات وكام يبجي اخذنا اني و رحاب للاستقبل لانو امه ملتهيه رحت اباوعله شلون ياخذ الرضعهاخذ عقلي
رحاب: شكلج يضحك شلون تباوعيله
ميسم: ههههههه شوي واكله
رحاب: تشيلي
ميسم: لاا لاا اخاف عليه ما تشوفي شلون ناعم
باسل: شنو ما خلصتو.
ميسم: باوعت واكف بالباب يريد يفوت
رحاب: تعال الحفله بالستقبال مو هنا
تعال شوف هذا الكيك
ميسم: بتسم ودخل كامت رحاب خلته بحضنه
رحاب: ابقى هنا راح اجيبلك تقديمه
ميسم: لا يا عار خلتني يمه اباوعله شايله احسه ضاع بجفوف ايده صفنت شلون يناغيله اول مرا اشوف سنونه ممم ضحكت حلوا باوعلي درت وجهي
باسل: هاج خذي مني لا يوكع من ايدي.
ميسم: كمت بسرعه لاا لاا خل تجي رحاب ونطي الهه اني اخاف اوكعه اصلا تقرب على وكف يمي وقربه علي
باسل: شوفي تفوتج
ميسم: ماتحملت رفعت ادي وخلا بحضني بهدوء يمه فدوا كزكزت شوفي شلون يحرك بحلكه اكلك اكرطك يعمري
باسل: منضركم يجبر الواحد يفكر بالزواج
ميسم: رفعت راسي، عفوا
باسل: مو وياج دا اكول تنكرط عل كولتج.
ميسم: دنكت لهيت نفسي بالطفل عزا شنو قصده. اجت رحاب رجعنه للحفله وبعد ما خلصت تاخر الوقت ردت اتصل بالسايق ماخلتني رحاب
رحاب: باسل كال اني اوصلهه لا تتصلين شيخلصني
ميسم: ماكو داعي حبيبتي الجابني يرجعني
رحاب: يعني ما يعجبج اني اوصلج
ميسم: سويتلج فلم يالله امشي، بدلت وطلعت وياهه هوا وصلوني اول ما نزلت عل حضي الزفت يوسف نزل من سيارته يباوعلنه باسل بس ذبني شخط السياره ومشى حتى ما نطاني مجال اودع رحاب...
ليال: دك تلفوني فتحت عيوني ولا تكول مسافرا بطيرا تكول جاي مشي شلته ليث والله ما إلى وجه احجي ويا من الفشله بعد السوا جاسر، ردت
ليث: وينج راح نتاخر عل الاجتماع
ليال: يا جتماع يااا عزااا يالله نازله نطيني نص ساعه بس
ليث: يالله ستعجلي
ليال: اوك، كمت بسرعه ابدل وتذكرت امس من طلعنه من البيت بعد الغده لكيناه منتضرنه بالمطار جنت لابسه بنطرون وقميص بي طول ستايل سفر باوعلي وضيك عيونه وكال كدام ليث.
جاسر: شنو هاي ملابسج مو قانونيه اليوم
ليال: ليث باوعلي توترت، ليش شبيهه
جاسر: بنطرونج ضيك وجسمج يريد يطك منه وخل...
ليال: ياا جاسر شبيك نهديت بيه
جاسر: انتي ما تلبسين هيج هاي اول مرا اشوفج هيج لابسه شمعنى يعني
ليال: لانو مريحه للسفر واذا اول مرا تشوفني مو معناهه ما البس هيج بعدين القميص عريض وطويل ولو بي شي جان ليث كالي مو، باوعت اليث مكتف اديه ويباوعلنه متفاجئ.
ليث: هاا ي اكيد لو بي شي جان ما جبتهه بي هي اصلا شبرين شمبين منهه
ليال: للليث
جاسر: هااي شبيرين ما تشوف الجس، ستغفر الله امشي جدام راح نتاخر عل الطيارا وهوا اصلا مو صوجج صوج اليشوف لبسج مابي شي
ليث: رحم الله والديك هسه صار الصوج بيه
جاسر: اوالديك ولو ما يستاهل الرحمه يالله امشو تاخرنا عل الطياره.
ليال: اني وليث بقينه واحد يباوع للثاني نداء الطياره خلصنه من السانه جان رجعني للبيت مشينه وهوا كدامنه ليث يسحب بالجنط شوي فتنه بزدحام وشباب مسافرين دار باوعلي من فوك لجوا ورجع صف وياي ولزم ايدي وسحبني ورا يبووو متت من الخجل كدام ليث إلى فك حلكه ما شايفنه هيج قبل دنكت راسي ومشيت لحد ما صعدنه الطياره هوا لازم ايدي بالطياره ليث حاجزلي يمه كعدنه مكانه وهوا عل الجه المقابله اول ما اقلعت لزمت ايدي ليث بقوا لان شويه رهبه بالبدايه باوعتله يباوعلي فلتت ايدي ولتيهيت اباوع من الشباك الغيوم والمنضر يجنن.
باوعتله نايم شكله هادء كلش حسيت طكه اصبع يم وجهي فزيت ليث باوعله وباوعلي
ليث: شنو الفلم صفنات وغيرا شكو جنهه صارت صدك
ليال: هاا شنو هي الصارت صدك لا طبعا ماكو شي بس انت تعرف جاسر وتصرفاته
ليث: لا ما اعرف بس راح اعرف نشالله
ليال: كال هيج وغمزلي وضحك باوعتله بطرف عيني ودرت وجهي، الله يفضحك ياجاسر...
طلعت من افكاري عل صوت المبايل مرا ثانيه ليث اخرتهم باوعت النفسي اخر مرا لبست قاط كامل نيلي بخطوط ناعمه ابيض مديله عريض لبست كعب شال ابيض وي مكياج خفيف ونزلت جانت غرفتي او مو غرفتي بين غرفهم حجزوهه جانو منتضريني جوا وهوا كاعد يدخن بس شنو كشخه مديل كلش طالع انيق نتبه من حاجني ليث وعيونه اكلتني اكل
ليث: وين صرتي تاخرنا
ليال: اسفه بس اخذتني النومه
جاسر: امشو بعد اكو مجال.
ليال: جاي نمشي وحسيته تراجع خطوات صار وراي شوي وسمعته همس
جاسر: حتركو بكاز
ليال: خرب رجع لورا يباوع عل ملابسي المايستحي وصلنه الاجتماع وهوا كالب خلقته جان مثل ورشه عمل اخذت وقت يالله خلصت بعدهه اخذنه عل مطعم تعشينه واني خلصتهه سارحه بجمال الشوارع والاماكن تاخذني الغير عالم باجر اخلي ليث يطلعني يمشايه الجو هنا يخبل رجعت نتبهت الهم جانو يحجون بالشغل
ليث: راح تسوي وياهم المشروع.
جاسر: نشوف تخلص الورشه وبعدهه راح نعرف السلبيات ونقرر
ليث: نشالله، شبيج ليال مليتي اشو ساكته
ليال: للا مو ملل بس المكان يستحق الصمت شوف الاطلاله ترد الروح
جاسر: جاي هنا قبل
ليال: ي بس هم سفرا قصيرا وي ليث
جاسر: يعني ما شايفه شي
ليث: ماصةر عندي وقت فما اخذتهه عل اماكن هواي خاصه هي تريد اماكن طبيعيه وبعيده عن المدينه شوي بس نشالله هل مرا ما اخلي شي بنفسه
ليال: ييي باجر اكعدك تمشيني بالشوارع.
ليث: خليهه عل إلى ورا لان ميت تعب مو مال اكعد من الصبح باجر
ليال: باوعتله بغيض، لعد اسكت احسن اعرف راح تخلصهه نوم مثل المرا الفاتت
جاسر: انه اخذج لان اكعد من الصبح
ليث: ي تسوي فضل.
ليال: كال هيج وغمزلي خرب وكعت بالسانه بعد كتله، لا خلص انتضر ليث ما اريد اتعبك وياي. باوعلي رافع حاجبه خلصنه عشه ورجعنه للفندق كلنه تعبانين رحنه كلمن الغرفته دخلت سبحت وطلعت جاي امشط شعري بده يرجع الطبيعته شوي من الغسل دخلت للفراش ستوني نمت بسترخاء اجت ابالي تصرفات جاسر ضحكت وندك الباب لفيت الشال وكمت كلت، منو
جاسر: احم انه فتحي
ليال: فتحت الباب، شنو صاير.
جاسر: شبيج ما صاير شي بس الاكل اذاني لان بوقت متاخر سويلي جاي او اي شي
ليال: وين اسويلك جاي غير تطلب منهم
جاسر: لا ما طيب سويلي انتي
ليال: امري لله فوت مع انو نفس الجاي ما راح تفرق تركته وفتت اكو ركن بسيط يم الثلاجه مخلين بي اجهزه جاي وكهوا هوا وملحقاتهه سويتله الجاي وجبته متمتت عل القنفه ويفرك بصدرا مبين متأذي رحت نطيته الجاي، هاك وهسه انطيك علاج اعشاب ماما خلته الي
جاسر: ما اشرب هاي السوالف.
ليال: مو عل كيفك رحت فتحت الجنطه وطلعت العلاج عل شكل كبسولات اخذت وحده نطيته شربهه وكال
جاسر: دلكيلي كتافاتي وضهري وانه ارتاح
ليال: ترددت بس بعدين كعدت ورا وصرت ادلكه احس جوا ايدي بس اعضام ما اعرف عضلات
جاسر: شنو جاي ادغدغين شدي ايدج
ليال: شلون اشد ايدي بالله اذا اضغط عليهه بعد تنفصخ من ورا عضامك
جاسر: حطيتي عينج راح اتكسر
ليال: ااه فوكاهه بعد ما ادلك
جاسر: ديالله يالله خوش طلعتي الوجع كملي.
ليال: باوعتله بطرف عيني يضحك عل عقلي، ضغطت ايدي شوي وانه ادلكه اباوعله يضحك، شبيك هم مو عاجبك مو
جاسر: ههههه هسه انه حجيت
ليال: ليش تضحك
جاسر: ههههه. صخنت من وراج وين اولي هسه
ليال: ليش شنو مسويتلك خليت ايدي خل كصته، وين ماكو حراره
جاسر: شتعلت شعل يا ما كو حراره تردين اراويج الحراره
ليال: صفنت بوجهه وبعدين طخت، كمت
بسرعه وضربته عل كتفه حيل، يااا حقير سخف اني صوجي عبالي مريض.
جاسر: ااخ هههههه هسه طلعت قوتج. وداعتج مريض
ليال: يحجي همس ويباوعلي، جااااسر
جاسر: ههههههه خلص فضحتينه بالفندق وكلشي ما ممحصل انتي مو فندق
ليال: يبوو شنو هذا السانك كانو ماخذ راحتك زياده...
جاسر: وينهه راحتي الماخذهه اشو ساكتني سلك. شعرج بده يرجع
ليال: ي ارجع صنف
جاسر: اموتج اذا تسرحينه بعد، يالله نشفي لا تتمرضين وباجر من الصبح الكاج جاهزه
ليال: وين نروح
جاسر: باجر تشوفين.
ليال: ي، شلون صرت هسه، دار على دنك باس خدي...
جاسر: عاشت ايدج. يالله قفلي الباب
ليال: هزيت وطلع رجعت لازمه خدي هزيت راسي شبيج هووب شبيج مبتسمه مثل الهبله، ذبيت نفسي عل السرير ونمت بسرعه من التعب...
ام ميسم: تركي التلفون وكملي اكلج.
ميسم: نزلت التلفون نتبهت لازمته وابتسم رفعت راسي الكل يباوعن دنكت راسي جاسر اصر انو اجي البغداد يم ماما فترت سفرا ورجع فتح النه البيت لان ما يقبل ابقى عد خوالي وليث من يومهه ماكل راسي كل شوي مراسل وحتى اغيضه كتله انو معزومين هنا وصار ساعه يرزل بيه اتذكر من من كاعدين عل الريوك ونزل جاسر كال
جاسر: كومي بان جهزي نفسج حتى نطلع البغداد
ليث: بان: ليش
ليث: احم قصدي صاير شي.
جاسر: لا ما صاير بس راح اخذهه يم امها خلال فتره سفري
فخريه: ي خفه وراحه روحه باله رجعه
جاسر: ونمر عل الامام الكاظم كون من ارجع اكو بشر منقرضين من هذا البيت
بان: كمت بسرعه قبل لا تعلك هوا وفخريه كامو واحد يذب عل الثاني، ي ربع ساعه واجهز، صعدت بسرعه بدلت ملابسي ولميت اغراضي طلعت صار بوجهي ليث وجهه ما يتفسر
ليث: هيج مستعجله عل شوفته
بان: عفوا
ليث: وحق الله لو تموتين ما اخلي يطولج
بان: منو هوا شبيك ليث.
ليث: انه حذرتج خليج ميه خطوا بعيده عنه احسلج
بان: اذا قصدك بسام والي شفته المرا الفاتت فاحب اكلك لاتخلق افلام بكيفك مثل العاده وجاسر راح يفتح بيتنه ومثل مابقيت اربع سنوات هناك محد داسلي عل طرف راح ابقى هل كم يوم هناك، تركته مشيت خطوا كال بهدوء...
ليث: ديري بالج عل نفسج
بان: مارديت يقهرني وبعدين يوصي نزلت طلع ورانه للباب، اول ما وصلت دزلي رساله
ليث: وصلتي
بان: مارديت. بقى يتصل رجعت جاوبته، ي وصلت.
ليث: جاسر رجع
بان: ي فتح النه البيت ورجع
ليث: من اراسلج ردي لا تشلعين كلبي
بان: نشالله، سديته ويا يحجي ولا كانو مسممني بكلامه، بعدهه سمعت سافر واليوم خالو عزمنه عل الغده اول ما وصلت صار بسام بوجهي وين ما اروح وراي وكل شوي يسمعوني كلام علينه وماما موافقتهم احس روحي طلعت واول وليث كانو حس اتصل على سديته ورسلته
ما اكدر احجي احنه ابيت خالو معزومين
ليث: هااا بدت رحمه الله وانتي وين موليه.
بان: يعني ابقى بالبيت وحدي
ليث: وهذا الشخيف يمج
بان: ضحكت صدك سخيف، مالي علاقه بي
ليث: خل اتصل
بان: من ارجع للبيت
ليث: لا اريد هناا
بان: خل اتغده باي، سديته ورجعت اكل رتاحيت لان عصبته اباوع ماما تخزر بيه وبسام يباوعلي بشك غلست عنه
يوسف ؛ وين جنت ليش راجعه وي هذا
ميسم: وعليكم السلام شبيك نهديت بيه جنت عد رحاب عدهم حفله ستقبال بيبي.
يوسف: ونتي صايرا صاحبه واجب بعد لا ترحين ليهم هذا اخوهه ابد ما ارتاحله ليش بعدين ليش وصلج ما تصلتي بيه
ميسم: ما قبل حتى اجي وي السايق اصر هوا يوصلني ورحاب اجتي ويانه ما اجيت وحدي ويا
يوسف: ي لان حاط عينه عليج بعد لا ترحيلهم
ميسم: يوسف شبيك شنو هل كلام ما احب هذا الاسلوب
يوسف: غصبن عليج تسمعين كلامي جاي اكلج روحه ليهم ماكو بعد ذاك اهو مبين حاط عينه.
ميسم: ما راح ارد عليك دام انو مصر عل هذا سلوبك تركته وفتت لا وحسوده عل العائله الكريمه خل يجون يشوفون الخبال المشاكل العدنه جان محد حط عينه عل عيشتنه...
هبه: دز على رحت للمكتب ماله دكيت الباب وفتت رفع راسه ورجع دنك كال
يعقوب: ابوج اتصل بيه عدكم عزيمه ماعرف شنو
هبه: شنو راح نروح يعني
يعقوب: انه ماكدر عندي جتماع بعد ساعه بس انتي روحي وراح اتصلج بالسايق
هبه: اللسايق ماشي رايحه اخذ غراضي واطلع.
اجيت اطلع كال
يعقوب: اخلص شغلي وارجي اخذج
هبه: براحتك واذا ما تكدر هم دز السايق عادي
رحت اخذت جنطتي وطلعت من يوم إلى صار وهوا مثكل وجهه على احس نفسي تايهه وما جاي الكه بر ويا اجتني مسج فتحتهه
اني قريب اوصل لاهلج للعزيمه لازم تجين حتى نحجي
هبه: غمضت عيوني اخذت نفس صبرني يارب رديتله، انتصرني بالكوفي القريب عل بيتنه
يالله نتضرج
هبه: لازم اخليله حد كافي تعبت من كلشي بحياتي مو ناقصه مشاكل جديده.
ليال: دك المنبه كعدت ما اريد اتاخر مثل البارحه كمت غسلت وبدلت لبست فستان كاجول حتى ما يتحجج بالبس ويفضحني مثل امس خليت مكياج طبيعي وعطر اخذت غراضي وطلعت تصلت عليه ماكو دكيت غرفته ماكو رد فتحتهه وفتت اباوع بعده نايم تخصرت يكول لا تتاخرين وهوا نايم تقربت شغلت المنبه باذنه فتح عيونه بنزعاج ومط جسمه نايم بدون تشيرت باوعلي
جاسر: شكو
ليال: شنو نسيت مو كلت اطلعني اليوم فرك وجهه وكال.
جاسر: هاا اي نسيت شو رجعي لورا شوي
ليال: باوعتله بطرف عيني ورجعت باوعلي من فوك لجوا وكال
جاسر: ي تمام بيش الساعه هسه
ليال: ثمانيه...
جاسر: سويلي جاي لمن ابدل
ليال: كم من الفراش بس بالشورت درت عززا وجهي بسرعه ومشيت من الخجل ايدي كامت ترجف واني اسوي الجاي تخربطت ما احس غير نحضنت من ورا جمدت بمكاني همس باذني
جاسر: ليش خجلتي
ليال: ما خجلت بعد جاسر روح البس ملابس تاخرنا، خله ايده عل كلبي.
جاسر: اوف هيج قبري يسوي بيج باع الخدود شلون صارت
ليال: دنك عض خدي بخفه، بطني انمغصت راد يغمى على حتى صوتي ختفى، جاسرر رجائن بعد
جاسر: اافيشش ريحتج طيبه، هدي شبيج هسه انه بس حاضنج لو...
ليال: رفعت ايدي خليتهه عل حلكه، لا تغرد رجائن حركت روحي اريد اتخلص ما اكدر، عض اصبابيعي، اااخ
جاسر: اويلي حترك عمي خل ابعد احسلي لا تموعين بيدي...
ليال: باس خدي بعد عني بسرعه بقيت واكفه امكاني بلعت ريكي منحرف، سويتله جاي شوي وطلع مبدل لابس قميص زيتوني بلون فستاني تقرب اخذ الجاي مني باوعلي كال
جاسر: ليش لابسه مثلي
ليال: انه لو انته
جاسر: وشنو كانو ما عاجبج شلون يعني ما البس قميصي ترا انزع
ليال: لاا لاا دخيلك لا تنزع خلصني هسه انه حجيت
جاسر: ي عبالي كلت انزع وانزعج وثنينه ما نلبسه
ليال: لسانك بذيئ
جاسر: ي تربيتي.
ليال: لعد الله يكون بعون اطفالك إلى راح تربيهم
جاسر: اااخ خل يصير البالي يطلع لسانهم عسل مثل السان امهم، يالله نمشي
ليال: خل الكلاص وزمني من ايدي وطلعنه بس كلمته بقت ادك براسي منو هاي اليحجي عنهه معقوله بت خاله ما عنده ذوق اصلا لسانهه فاهي عشتو عسل ويع يالله تلوكله ابو السانين...
أشبگك شَبگة النسمات للنعناع
ولك ليش الروح يامَدلولّ يَمك تنشرّه وتِنباع!؟