رواية الشيخة ليال للكاتبة الوردة البيضاء الفصل الخامس والعشرون

رواية الشيخة ليال للكاتبة الوردة البيضاء الفصل الخامس والعشرون

أخذنيّ يَمك.
عينيّ مِشتاگه لضوَاك.
وگَلبي چَن شُباك ماشَايف شَمس.
ليال: وين ماخذني
جاسر: نتريك بمكان راح يعجبج
ليال: نزلنه عل منطقه شعبيه كلهه اشجار وبيوت قديمه تخبل نزلنه نتمشى بيهه لحد ما وصلنه المطعم يخبل وكانو داخله بمسلسل كلهم يحجون تركي بس هوا حاجاهم بالانكليزي
جاسر: عجبج
ليال: يجنن
جاسر: شنو تاكلين
ليال: ممم اي شي
جاسر: دشوفي ريوكهم شلون يفتح النفس
ليال: طلب الريوك صدك يفتح النفس منوع وطيب.

جاسر: هاج ضوكي هاي شلون طيبه
ليال: اجيت اخذهه من ايده
جاسر: لااا كليهه من ايدي
ليال: ما لحكت احجي قرب ايده وكلني. شكرا طيبه
جاسر: بالعافيه، هاي اول مرا اوكل احد بيدي شوفي شلون مسويلج متيازات
ليال: شكلك راح تذلني بهاي الكمه
جاسر: لا دين.

ليال: كال هيج وغمزلي، الله يستر من دينه خلصنه ريوك ورجعنه نتمشى وهوا يشرحلي عل الاماكن تخبل تمنيت ما ارجع فتنه عل شارع قديم والبيبان مغطايه بالورد ومدرجات يجنن وكفت دار وجهه باوعلي بستغراب
جاسر: شو وكفتي
ليال: تعرف اصور اريد صور هنا...
جاسر: مو عيب عليج تسئلين الفوتغرافي جاسر هيج سوال
ليال: باوعتله بطرف عيني. ليش احسك تضحك عل عقلي، باوعلي بطرف عينه وسحب تلفونه.

جاسر: يالله روحي اوكفي وسوي مثل هاي الحركات ما لاتجن
ليال: ههههه اوك بس هاك تلفوني ليش طلعت تلفونك
جاسر: ما اعرف اصور بغير انه ارسلهم الج
ليال: ماشر رحت وكفت يم منضر الورد واسوي حركاتنه عل كولته وهوا هم يكلي شلون اوكف خلصت رجعت اشوف الصور رفع التلفون باوعتله بستغراب، شنو ما صورت مو
جاسر: لا صورت بس ما تشوفين
ليال: تخصرت ليش بالله
جاسر: بعدين، يالله امشي.

ليال: اصلا جنت اعرف ما تعرف تصور، ما رد الخبيث ضم تلفونه وسحبني من ايدي مشينه شوي ورجعنه للفندق بعد الغده ورانه جتماع هم.
قبل لا افوت الغرفتي كتله، شكرا عل التمشايه
جاسر: بعد وكت عل الشكر
ليال: بتسم ودخل الغرفته دخلت رتاحيت شويه وبعدهه نزلنه تغدينه وي ليث وطلعنه للندوا.

هبه: وصلت للكوفي شفته من الباب كاعد عل وحده من الطاولات تذكرت وكفت اللحضه اتذكر شلون جنت اجي بلهفه بعد الجامعه حتى التقي بي هنا يوميه وقبل لا ارجع للبيت يمكن هاي اول مرا هوا يجي قبلي دائما انه اكعد انتضرا
بس هسه احس هاي الهفه مثل شمعه ونطفت تنهدت ودخلت اول ما شافني كام، سلام
مروان: اووف شكد مشتاقلج واخيرا لتقينه، شلونج
هبه: الحمدالله انت شلونك
مروان: بدونج مو زين كعدي مشتاق للكلام وياج.

هبه: كعدت مروان ماجاي اسولف جاي اسمعك بشنو تريد تحجي وياي، تنهد وكال
مران: هبه انه لسه احبج وما اكدر اعيش بدونج ولا اتجاوز قصه حبنه احنه علاقتنه مو سنه وسنتين حتى تنتهي بهاي الطريقه
هبه: هه هاي للطريقه ليش اكو نهايه اسؤ منو انته سافرت وتركتني اواجه بابا وحدي ونجبرت اتزوج هااي اذا نكدر نسمي زواج اااانه رحت هديه بسببك
مروان: موو بسببي بسبب ابوووج نسيتي شنو هددني اذا ما بعدت عنج.

هبه: وانت ما شالله حاربت هواي علمودي او ما كلك ابوك راح اسحب الشغل منك طفرت
مروان: غير ابوج هدده يسدله الشركه لو نسيتي مأجر البنايه منه
هبه: مروان شنو تريد مني هسه لانو النقاش ما راح يفيد وياك انته لو عشت ربع إلى انه عشته جان ما تجرئت تكعد كدامي هيج وتحجي بهاذ البرود
مراون: انه احجي بارد هبه جاي اكلج ما جاي اكدر اكمل حياتي بدونج بس الضروف جبرتني اتصرف هيج واتركج.

هبه: والمطلوب مني شنو بعد هاي المشاعر إلى تكرمت عليه بيهه حضرتك
مروان: ليش تحجين هيج انتي هم لسه تحبيني
بس تحجين هيج لانو زعلانه مني
هبه: هههههه تصدك ضحكتني حبك انتهى من وكف كدامي بابا وبلغني بسفرك شمتان بيه بسببك شفت الشماته حتى بعيون ابوي فتخيل شنو شفت من الغريب وشنو تحملت وانه الجان خشمي وي السمه وماينداسلي عل طرف واخر شي اروح حالي حال الفصليه وهسه جاي تكول حب.

مروان: ي سينين حبنه ما تنمحي من اول ازمه
هبه: انته ليش ما جاي تفهم بالحجي جاااي اكلك انه متزوجه متزوجه
مروان: ادري متزوجه بس ادري مستحيل يستمر هيج زواج عل كولتج مثل الفصليه مو انتي التقبلين بهيج شي.

هبه: تعرف المخليني هاديه هيج كدامك لحد الان ومتقبله كلامك التافه هذا لان جد كلامك مايهمني حتى اسمعه ولا تهون على نفسي حتى اعاتبك شايف الاي مرحه وصلت ما اريد حتى اعاتبك فارجع فكر بالسويته بيه وبعدين فكر بهاذ كلامك وعل الله احس مروان لاتتصل بيه بعد ولا ادز حتى مسج والا صدكني المرا الجايه ما راح يصيرلك خير واطلع عليك القضه والمضه.

مد ايده لمس ايدي سحبتهه بسرعه احس جسمي كش من لمسته تركته وكمت ضل يصيح وراي مارديت عليه اخذت تكسي ورحت البيتنه اااف تاخرت دكيت الجرس مرا وثنين شوي ونفتح الباب رفعت راسي ونصدمت منو فتحه
ليث: نمتي
بان: شبيك اليوم نمتي اكلتي
ليث: ما مرتاح بوجودج هناك رجعتي من بيت خالج موو
بان: ي رجعت وهسه بيتنه وبفراشي بعد
ليث: دافي مو
بان: شنو هواا
ليث: راح اتصل
بان: لااا شنو تتصل ما اكدر احجي ماما تسمعني.

ليث: لا تحجين بس اشوفج
بان: اتصل بسرعه خليت البطانيه عل راسي ورديت اباوعله نايم وخال ايده عل خده وهم غرفته ضلمه مثلي بقينه ساكتين ما نحجي شوي تنهد وكال
ليث: شلونج
بان: تمام انت شلونك
ليث: الحمدالله
بان: ي الحمدالله
ليث: بردانه
بان: لاا بس بملابس النوم بدون حجاب
ليث: اااخ سكتي خرب حضج
بان: شنو شبيك كلت شي غلط، ضحك
ليث: لا ماكلتي بس جاي احسج يمي وهيج انه قريب عليج
بان: تخرطت من كلامه وكع التلفون عل وجي، اااخ.

ليث: الله الله يمعوده شبيج مو لهل درجه
بان: باوعتله عيوني دمعت من الفشله، ترا ما يضحك تأذيت
ليث: اووف اروح فدوا لهل صوت كون الزمج هسه واعرف اشلون اطيب الوجع
بان: سنحت عل كلامه خليت ايدي جوا خدي متنهده، شلون
ليث: ما اكدر عل تلفون لازم تطبيق عملي، حتى جاسر شلون تباوع مندمجه النوب
بان: لاتحجي عل جاسر
ليث: هسه صحصحتي قبل شوي ناسيه ابوج وحركتيني حرك
بان: انوب درت عل ابوي بااي اريد انام.

ليث: انتي شبيج هسه انه شحجيت وفصل فيوزج
بان: ما حجيت شي اريد انام
ليث: ولي نخمدي وخوالج بعد ماكو بح
بان: خلصت اوامر بااي
ليث: تسدين التلفون بوجهي بسيطه ارجع وازمج نشالله...
ليال: خلصنه سغل وطلعنه اباوع جاسر يفرك بعيونه
ليث: وين هسه
جاسر: نووم انه قفلت راجع للفندق روح انتم تعشو بمكان ورجع
ليث: شتكولين
ليال: امم براحتك
ليث: يالله امشي اندل مطعم رهيب
جاسر: ديرو بالكم ولا تتاخرون
ليث: ههههه حاضر ماما.

ليال: يباوعلي ويحجي بتسم عل كلام ليث وراح لو ما تعبان ما تركنه اخذني ليث للعشه اول ما نزل الاكل تذكرت ريوك الصبح وشلون وكلني بيده وسالفه الصور بتسمت كتشفت اليوم الجانب اللطيف بشخصيته بس حتى هذا الجانب خبيث حسيت ايد تتحرك كدام وجهي نتبهت عل ليث يبوو
ليث: ترا الصفنات مالهه غير تفسير واحد انو اكو الماخذ عقلج ومطلعج من الواقع
ليال: لاا ماكو شي سرحت شوي عل اكل
ليث: همم طيب
ليال: شنو.

ليث: الاكل غير ولو بعدج ما ضكتي
ليال: ااف ليث شبيك وياي
ليث: هههههه خلص سكتت صدك وين رحتو اليوم
ليال: ما اعرف مشينه بازقه تخبل كلهه ورد وتريكنه هناك
ليث: ي حلوا هاي تصير بالداخل المكانات
ليال: ي وباجر انت تاخذني سفاري بالطبيعه لانو ماكو شغل باجر
ليث: ماشالله مخططه لكلشي
ليال: ي واخر محطه البحر ماريد مثل المرا الفاتت ماشفت شي بسببك
ليث وهسه هم اكلج ذبي حملج عل جاسر انه انتضر الوقت الارجع بي
ليال: ليش شصاير.

ليث: ما صاير شي بس مزاجي مو شي بالسفر
ليال: ممم كتلي مزاجك مو مال سفر يالله لاتخاف خلص الاسبوع مابقى شي ويتعدل مزاجك.
ليث: لاتبسمرين ام الصفنات اكلي اكلي.

ليال: ههههههه، خلصنه عشه ورجعنه للفندق باوعت بابا بغرفته بعده نايم يمكن بدلت ملابسي وذبيت نفسي حاجيت البنات وبعدهه نمت لان هم تعبانه ما اعرف شكد مر وقت وندك الباب اكثر من مرا سحلت نفسي وكمت بنعاس فتحته جاسر باوعلي من فوك لجوا لابسه دشداشه قصيرا مال نوم خزرني
جاسر: شللللون تفتحين الباب هيج معرايه وما تعرفين منو عل بابا حتى ما سئلتي.

ليال: نتبهت النفسي فتت بسرعه اخذت روب لبسته، جنت نايمه وانت دكيت الباب وما نطيت مجال
جاسر: هسه صرات انه الغلطان والله لو ما اريد نطلع جان علمتج شلون ما انطي مجال
ليال: باوعتله بستغراب وين نطلع بهل وقت
جاسر: جوعان بدلي خل نروح المطعم
ليال: مطعم بهيج ساعه بعدين انه متعشيه
جاسر: ماريد مخنوك من الفندق ومطاعمهم ما تنام لا تخافين ولا تتعشين بس طلعي وما اقبل ترفضين بعد اكو سوال ثاني.

ليال: تنهدت اصلا طيرت النومه نتضرني ابدل
جاسر: لبس اي شي بسرعه
ليال: دخلت بدلت بسرعه ورتبت نفسي عل سريع وطلعت الف بالشال
جاسر: هاا رجعنه
ليال: السويتر طويل جاسر لا تتحجج لو روح وحدك...
جاسر: ديالله امشي بس هاا هذا بس وياي ينلبس.

ليال: امشي هم ساحلني وراك وتنطي اومر، باوعلي بطرف عينه طلعنه من الفندق لزم ايدي الجو بي بروده والشوارع تجنن ولا كانو الوقت متاخر باوعتله لابس تشيرت نص ردن، الجو بارد ليش هيج لابس
جاسر: طبيعتي ما ابرد اله برد قوي كلش
ليال: ي ايدك دافيه مبين جسمك حار، عضيت الساني خرب عل تجفيص، رفعت عيني يباوعلي ويضحك...
احم قصدي يعني ما تبرد بسرعه، ضحك بصوت وكال
جاسر: ههههههه ي والله حار كلش ما ابرد بسرعه خرب بنيتي.

ليال: غمضت عيوني ردت ابجي من الفشله نترت ايدي، تعرف قصدي لا تحور
جاسر: هههههههه ي ي اعرفه
ليال: يووووه، ضحك ورجع سحب ايدي لزمهه عقله شاطح يبتلي اليحجي كلمه، وصلنه للمطعم وطلب اكل
جاسر: شنو تاكلين
ليال: ما اريد شي متعشيه
جاسر: راح اطلبلج حلو
ليال: اوك ولو ما اكل بوقت متاخر
جاسر: ي مبين جسمج متعوب عليه.

ليال: غلست عل تعليقه شريد ارد، جابو الاكل وصحن الحلو يشهي رفعت راسي بالطاوله الكدامنه ولد بس زعير تقريبن 10 سنوات عمرا مدنفش شكله يخبل بتسملي من شافني طالبه مثل طلبه واشرلي عل صحنه ضحكت نتبهلي جاسر
جاسر: المن تضحكين
ليال: دار وجهه شاف الولد وخزرا دنك راسه بسرعه، لااا جاسر ليش وياا شوفه شلون حلو
جاسر: خل يولي مايشوفج كاعده وياي شلون يضحكلج
ليال: هههههه ترا طفل
جاسر: هذا طفل شوفي شكبرا شكد اكره الولد.

وتربيتهم الزفرا
ليال: شنو يعني انت ماتحب يصير عندك ولد
جاسر: اذا صار حياه الله واذا ما صار بعد احسن لان افضل البنات اكثر
ليال: ليش شعجب
جاسر: ادبسززيه بس تعب
ليال: كلت بكلبي، كلمن يشوف الناس بعين طبعا
جاسر: لاتحجين بكلبج هوا انه لان عذبت ابوي ماريد اخلف ولد مثلي لو اخلف ولد ويطلع عل ابوج لو اخوج العار وين انطي وجهي
ليال: جاااسر. بس تعرف وجه نضر مثل انت ما تشبه عمو ابدا
جاسر: ي غير طالع عل ابوج.

ليال: ستغفر الله باوعتله بضوجه...
جاسر: قصدي طالع عل عمي العزيز، يالله كملي اكلج خلي نطلع
ليال: ولا كانو كال شي كمل اكله، وكام
جاسر: راح اغسل وارجع
ليال: ي يالله، اول ما كام باوعلي الولد واجه يمي يسوف وياي بس تركي كلشي ما فتهمت بس ابتسم اخذ ورده من الطاوله ونطاني ياهه ورجع الطاولتهم او ما شاف جاسر اجه، دفع الحساب وطلعنه يالله نتبه هل الورده البيدي، منيلج هاي
ليال: هاا اني اخذتهه من الطاوله.

جاسر: ماتعرفين اجذبين هذا ابن الكل، اطاج ياهه
ليال: هههههه انت مو طبيعي لااا جاسر ليش، سحبهه من ايدي ومردهه وذبهه، حرام عليك
جاسر: عود انه افصلج
ليال: باوعتله بطرف عيني رجعنه للفندق الوقت تقريبا ب 2 ونص
جاسر: نعسانه
ليال: ي
جاسر: دخلي نامي ولا تفتحين الباب ونتي نايمه بعد
ليال: هزيت راسي بالايجاب ودخلت
هبه: يعقوب
يعقوب: تفضلي.

هبه: مبين معصب بس ما يريد يبين شي وحنه هنا جانو كل عائلتنه ملتمين حتى خوالي وعمامي بابا مسوي عزيمه دخلت هوا راح للديوان واني فتت للبيت سلمت بدلت ملابسي وصرت اساعدهم الاجواء ماجانت تخله من التبسبس عل وعل طريقه زواجي والصار شايلين حياتي ويفترون بيهه والحمدالله صاير اخر همي انو اتاثر بكلامهم هسه همي اكبر شلون راح افسر اليعقوب وجودي برا، واكفه اعزل وياهم بعد الغده وبت خالتي واكفه يم الشباك كالت، عززااا شوف الجمال والثكل يربي اذوب.

منين هذا يالكعبه ما شايفته قبل تعالي هبه شوفي بالله بالكي تعرفي
هبه: سحبتني من ايدي وفتحت البرده كدامي صار بوجهي رفع راسه وشافني خزرني واشر براسه دخلي بعدت بسرعه يي هسه كملت
اااخ الله شفتي شلون يخزر اااذوب
هبه: غرت من كلامهه شلون تتغزل بي، طاح حضج اكو بنيه تحجي بهاي الطريقه
عشتو عود ازوجت وصارت مؤدبه شحال ما ماخذه شيخ بكد عمو
هبه: هااي منو كلج هيج.

حبيبتي بكل مناسبه انتي الموضوع الاساسي بحلك عماتج وخالاتج
هبه: الحمد الله يعني انه هسه ما عندي ذنوب بسببكم
اووو عندج قصور بالفردوس الاعلى
هبه: ضحكت ردت ارد ودك تلفوني رفعته اجاني صوته ينتر
يعقوب: اذا المحج بالشباك بعد اطيح حضج
هبه: شبيك يعقوب شهل اسلوب والالفاض
يعقوب: سلوب مو بعدج اشفتي من الاسلوب لا تثكلين حسابج اكثر
هبه: ردت عليه وجااني صوت عمتي الجبيرل.

شبي ينتر ويصيح هل شويب فوك مانطينا بنيه مثل الورده بلوشي والغبر حتى ما سلم ولا اجه تعرف علينه
هبه: ضربت كصتي
يعقوب: ها تقصدمن
هبه: هيج ويمك جاي تحجي وي البنات
يعقوب: ي مو شفتيني غبر عل كولتهه وتجذبين على بس والله صدك انه اليوم كتشفت صدك انه غبر من وراج.

هبه: سد التلفون بوجهي اخذت نفس اريد الصبر حتى ما انفجر دخلت كعدت يمهن اسمع سوالفهن حتى لو على بس اريد عقلي يتشوش شوي ودخل لؤي فاجئني بالكاله عماتي وخالتي كلهم كاعدين
لؤي: تجهزو شوي ويدخل زوج هبه يريد يسلم عليكم
هبه: بقيت اباوع بالوجه نخبصن هاي تستر نفسه وهاي تلبس شالهه ويحجن عليه كصنه كص شوي ودك الباب ودخله لؤي اباوعله جان لابس دشداشه رصاصي ولاف الغترا طالع هيبه.

بقن وحده تباوع بوجه الثانيه سلم عليهن السانه يخبل بالسالم اكلهم اكل باوعت البت خالتي التتغزل بي صوفرت ههههه عجبني انو ما رفع عينه بس على بس باوعلي بخزرا طلع وكلهن بعدهه بلعن لسانهن تصرف بسيط منه خلاني ارفع راسي بينهن واسكتهن بدون تعب عرف جاي يزعجوني بدون ما احجي بس انه زعجته هواي وشلون راح احلهه ما اعرف للعصر خلصت العزيمه والكل نسحبو بابا لزم بيعقوب بس ما قبل يبقى سلمت عليهم ورجعنه للبيت طول الطريق ساكت اول ما وصلنه دخلت للبيت حسيت انسحبت من ايدي بقوا باوعتله.

يعقوب: وين رحتي قبل لا تجين البيتكم
هبه: ااخ ايدي شبيك يعقوب شهل اسلوب اتصلت بيهه صديقتي ورحت شفتهه بكوفي واكيد السايق كلك وين نزلني
يعقوب: وليش ما تردين مو اتصلت الف مرا
هبه: ما نتبهت خالته صامت
يعقوب: تدرين شكلي صار زفت واني داخل عليهم بدونج المفروص عل اقل تنطيني خبر قبل لا تغيرين طريقج لا وكاعدتلي بكوفي
هبه: انت إلى وديتني وي السايق ماكلت راح اجي وراج.

يعقوب: ما ردت اخرج واخلج تلغين مشاوريج علمودي وعل فكرا عيونج جاي تجذبج ما مقتنع بالكلتي بس نشالله اطلع غلطان
هبه: تركني ودخل صارت بكلبي رهبه من كلامه درت وجهي مريم واكفه بالباب وتضحك بشماته لان ابد ما نتناقش او نبين شي كدامهم هسه شيخلصني صعدت لكيته مبدل ملابسه سحب سويجه وطلع شتهيت اركع راسي بالحايط واخلص من حياتي ومشاكلي وارتاح
ي كُون بفي رِمش عَينك،
‏ننسى أرواحنا ونِختل.

‏ي كُون نشِمَك ونرتاح،
‏حتى أنفاسنه تهَلهِل.