رواية الشيخة ليال للكاتبة الوردة البيضاء الفصل الرابع والأربعون

رواية الشيخة ليال للكاتبة الوردة البيضاء الفصل الرابع والأربعون

ردني ل آول سآلفه.
ب ذآك الدرب من نمشي سكته
ردني ل آول مستحه يطيح ب آحبك
ردني ل آول نظره چآنت.
عآيزه تسافر ل گلبك
لمني يمك!
وآنه ب كل ثآنيه ب گلبك آحبك!
ليال: طلعت من الغرفه امبدله اباوعله فتح عيونه بنعاس ما اعرف شلون اخذنه الوقت وغفينه باوعلي بستغراب
جاسر: وين
ليال: نمشي غير، باوع للساعه
جاسر: هسه ب 3 وين نمشي
ليال: للبيت حتى نوصل قبل لا احد يحس ويعرف اني مو ابيتكم.

جاسر: تحجين صدك لو تردين تخبليني، شنو مصاحبج انه وخايفه
ليال: جاسر لا تكلب الموضوع تدري اني طلعت بدون اذا ومايعرفون يعني تجنب للاحراج والمشاكل مو خوف
جاسر: ضلي وهوسي راح تتخبلين من ورا هذا تفكيرج
ليال: ونت هم اضغط على اكثر، تركته ودخلت رتبت الغرفه ورجعت اغراض بان طلعت لكيته فايت الغرفته شلت الورد من المي طلع سابح ينشف بشعرا باوعتله، ليش سبحت الجو بارد برا.

جاسر: اريد اصحصح كعدتيني من عز النومه شلون اسوق هيج
ليال: ااسفين ازعجناك، دخلت للغرفه جبت السشوار طلعت نطيت هيا، جفف شعرك
جاسر: ما يحتاج
ليال: باوعتله بغيض شكلته وكفت كدامه اني اسشورله ساكت ويباوعلي مد ايده يتلمس الاثار البركبتي تنهد وكال...
جاسر: اضغط عليج لان ما اتحمل فكرا خوفج من شي ونتي وياي.

ليال: رفعت راسي باوعت بعيونه لو اكدر اكله هذا خوفي عليك مو عل نفسي، بس اعرفه يتخبل اذا كتله هيج، حضنته، انت اماني شلون اخاف واني وياك بس كتله قبل ما اريد مشاكل ولا اريد اتخير بينكم...
جاسر: بتنهيده نصبر عليج ونشوف اخرتها وياج امري لله
ليال: ضحكت وبعدت عنه، يالله امشي
جاسر: رجعت دفيت من حضنتيني خل نرجع انام شويه.

ليال: لا حبيبي ماكو نوم يالله خلي نطلع تاخرنا كافي دلال، اخذت الورد والكيكه ضليت اباوع للبالونات
جاسر: ههههه تركيهن انه اجيبلج غيرهن
ليال: ي يالله صورت وياهم هواي بس اخاف امك تجي للبيت وتشوفهن شتكول، اباوعله عض اصبعه
جاسر: اااخ هسه من اكتلج احد يلومني.

ليال: هههههههه، طلعنه وقفل الباب بقيت الطريق كله اسولف ويا لا ينام ما تاخرنا لان الطرق فارغ دخلنه البيتهم ماكو صوت فاتت للستقبال ليث نايم بي بتسم بخفه توقعته راح يعصب لان من وقت سالفه الخطوبه ماشفت دار بينهم كلام صعدت الغرفه البنات وهوا الغرفته لان عيونه مقفله انه ما اجاني نوم نزلت ليث كعد عايدته وسويت ريوك
ليث: ليش ما قبلت ترجع.

ليال: ما حبيت اسئل كلنا نعرف هي شنو تريد بس جاسر طلع منهم معصب لانو احرجته وما اجت وياا
ليث: هسه لو تبقى لعمر كله عد اخوها التريده مايصير اله عل جثتي
ليال: وجثتك ليمته تتحرك وتفضنه، تنهد
ليث: خل نشوف جدج اشضام النه بعد وتفض هاي السالفه
ليال: يا خوفي تتعقد اكثر
ليث: الله كريم بكل الاحوال الامور ختلفت هل مرا بعد مابيهه مجال
ليال: ي نشالله...
ليث: خلي اكوم من غير شي بقيت هنا بدون اذنه بس ماكدرت اترك البنات.

ليال: لا عادي ما حجى شي نتضر خل اجيب اغراضي واجي وياك
ليث: يالله
ليال: صعدت فتحت غرفته نايم عل وجهه، تعبته اليوم تقربت عليه بسته بخده بخفه حتى لا يكعد بس تحركت كال بثكل
جاسر: رايحه
ليال: باوعتله ببتسامه، ي حبيبي كمل نومتك كعدتك
جاسر: ليش اكو احل من هيج كعده.

ليال: هههه، مد ايده رحت يمه سحبني باسني بشفتي، تركته رجع نام طلعت اخذت ورداتي وطلعنه اني وليث اول ما فتت من الحديقه صار بوجهي سعد ستوا نازل من سيارته عيونه تشخصت على وعل الوردات البيدي رفع حاجبه تنهدت سلمت عليه ودخلت اعرف مايكمل وياي شي...

هبه: باوعت عل المشروع جنت متوقعه راح اكون فرحانه اكثر من هيج باول انجاز إلى بالهندسه ودعت كل الكادر إلى ساهم بهذا الانجاز العمال والمهندسين إلى وياي واخذت الاوراق وطلعت للشركه اليوم اخر اجتماع إلى هنا.

دخلت جان بادين بالاجتماع سلمت الكل رد ما عدا رفع راسه باوعلي ابرود وهاي ردت فعل اكثر من الطبيعيه عل سويته بي تركته بالشقه وطلعت بدون خبر من يومها هاي اول مرا نلتقي جنت متوقعا هذا الشي كل عاده اكيد ماراح يعتب او يستفسر عن السبب.

تنهدت كعدت وتصرفت بشكل طبيعي سلمت المشروع الجاسر إلى اشاد بشغلي وبشهاده كل الحاضرين الحمدالله كدرت عل اقل انجز شي بين كل هل خيبات إلى مريت بيهه خلص الاجتماع وبعد ماطلعو كل الموضفين وبقو بس هما
طلعت ستقالتي من الجنطه وخليتهه كدام جاسر الكل باوعلي متفاجئ
جاسر: شنو هاي.

هبه: هاي نهايه الاتفاق بينه بما انو اني وفيت بوعدي وخلصت المشروع والحمدالله النتيجه جانت مرضيه الكم، اعتقد هسه اجه دورك انو تنفذ وعدك إلى وتقبل ستقالتي...
جاسر اباوعله باوع عل يعقوب إلى باين عل شكله صاير اعصاب مدنك وضاغط القلم بيده، رفع راسه باوعلي عيونه حمر بلعت ريكي
سحبهه بعصبيه من كدام جاسر فتحها وقعها بسرعه وعصبيه، وشمرها كدامي عل الطاوله
اخذتهه ايدي ترجف وختنك صوتي كتلهم.

شكرا، طلعت امشي مثل التايهه اول ما وصلت للمتنزه إلى صار مكاني إلى اشرد اله من اختنك، نفجرت بالبجي اريد اطلع كل القهر إلى بكلبي بس دموعي صارت تنزل بدون صوت وجع كلبي مايرضه يطلع مسحت دموعي معرف شكد مر وقت واني هيج صافنه بالفراغ بعدهه رجعت للبيت احس اعيوني ما احس بيهه من الوجع...

اول ما دخلت صار بوجهي بابا والولد كاعدين بقو يباوعون بوجهي بستغراب مصدومين سلمت عل السريع وصعدت الغرفتي باوعت الوجهي شاحب وعيوني حمرر دم من البجي دخلت غسلت ولزمت راسي احس راح يطك مو الوجع بسبب البجي احس جسمي وروحي كلشي بيه يوجعني وما اعرف شلون راح اكمل باقي الايام هيج...

هبه: مرت يومين تقربنا حابسه نفسي بغرفتي والنفسيه تحت الصفر نايمه او اسمي نايمه ندك بابا غرفتي كمت سحبت نفسي فتحته لؤي باوعلي من فوك لجوا
لؤي: شبيج هبه شنو هاي الحاله انتي مباوعه النفسج بالمرايه شنو مريضه اخذج مستشفى
هبه: لا حبيبي مابيه شي بس شوي خمول وتعب تعرف صار فترا مشغوله بالمشروع وهسه طلع على التعب
لؤي: متاكده التعب جسدي بس
هبه: دنكت راسي، لاتخاف علي.

لؤي: لا كلش خايفين عليج، عل عموم بدلي ملابسج ولبسي شالج وتعالي ابوج يريدج
هبه: باوعتله بستغراب، بابا ليش شنو يريد مني وليش البس شال اكو احد غير
لؤي: سوي مثل ما كتلج وتعال ونتي تفهمين كلشي
هبه: هزيت راسي راح واني معدتي نعقدت بدلت ملابسي غسلت وجهي ولفيت الشال...

اباوع الوجهي عيوني صايرا بنكرا والتعب مبين على صدك اليشوفني يكول مريضه هه واني اصلا هيج، نزلت دكت الاستقبال ودخلت بس بابا وخواني ماكو احد غريب ستغربت، بابا صحتني
ابو لؤي: ي بابا كعدي
هبه: كعدت اباع بوجوهم بقو ساكتين
شوي وندك الباب كام لؤي فتحى شوي ودخل لؤي كمت متفاجئه من شفت يعقوب ورا باوعت الباب اشرلي اكعد كعدت بس كلبي لزمته الرجفه مو بس كلبي اصلا مابقى اتزان بجسمي.

دخل سلم وكعد رفعت راسي عيونه على تتفحصني دنكت سمعت تنهيدته
يعقوب: تفضل عمي اسمعك كتلي الموضوع مهم
ابو لؤي: ي انه صحتلك اليوم لهنا حتى نخلي حد الهذا الوضع إلى بينك وبين هبه، وللاسف انه الجنت سبب بي خليتكم كدام امر واقع وموقف صعب ما راح انتضر تسامحوني عليه لان اذيتكم هواي الله يسامحني بس
يعقوب: لا العفو انت شيخنه وعل راسنه.

ابو لؤي: وهذا من حسن اصلك بويه ونت ابن اصول وراح تفهم على هسه راح احاجيت بصفتك شيخ وابن اشيوخ، شوف وليدي والله شاهد معزتك بمعزتهم ولو ما هيج ما انطيك اعز ما املك وهي بتي الوحيده، انه قبل سنه.

اطيتك اياها هديه مو لان بنتي ناقصهه شي لا سامح الله لاا بالعكس من خوفي عليهه ولكيت بيك الشخص المناسب إلى يصونهه ومن حركت كلبي عليهه ذيج الفترا خفت تخسر نفسهه وي انسان ما يستحقها بس هي جانت معميه عن هذا الشي وما جان كدامي غير هذا الحل وصحيح انه ابو وخايف عليهه بس اعترف جان تصرفي، اناني وضلمتكم ثنينكم.

بس انت ما قصرت اخذتهه وكلت هاي امانه وصنت الامانه لانك ابن اصل وكفو بس هسه اجه الوقت ترجع الامانه لان صار حملهه ثكيل عليك ورحم الله والديك وما قصرت والحياه قسمه ونصيب ونتم لهنا وختاريتو نهايه نصيبكم والحياه طويله وما تستمر وي عثره فما نريد نصير بطريقك، لؤي بابا شوف الشيخ وين صار.

هبه: اسمع كلام بابا واني كاعده ومهضومه بالكو لازمه ادموعي موقف ما اتمنى احد ينحط بي مرت احداث وتفاصيل سنه كامله كدام عيني لحضات الحلوا ولمرا وي كل كلمه نعادت على وطول هل الوقت واني اكبار الحد الكلمه الاخير من بابا احسهه اجت عل جرح ولجمته...
رفعت راسي بسرعه باوعتله هوا مو اقل صدمه مني دنكت راسي بسرعه وطفرت دمعه من عيني مسحتهه، احذر نفسي انهار بس هوا الوجع بين برجفه ايدي وهاي هوا بقى عل سكته.

ندك الباب غمض اعيوني ابلع الغصه شوي ودخل لؤي والشيخ احس ماخذيني للاعدم، بده بالحجي وتحذير من الطلاك ولانو بقينه ساكتين ستسلم وكال
الشيخ: الضاهر انتو متفقين عل كلشي، وبحضور الشهود تكدر ترمي عليهه يمي الطلاك.

هبه: عيوني تغرغرت بالدمع شكد ماجنت متصورا هاي اللحضه راح تكون صعبه فهي لا شيئ كدام الشي الجاي احس بي احس احد جاي يسحب بكلبي وعصاره بيده حتى يشلعه من صدري حتى الهوا نسيت شلون اتنفسه ولا جسمي إلى سيطرا عليه.

رفعت راسي اريد اباوع بعيونه وهوا يكولهه يكم يخف وجعاها واريد اشبع عيونه منه هاي اخر نضرا بينه بالحلال اباوعله مركزه بتفاصيله ملامحه التغيرت وتوترا رجفه ايده نضرته الجت بعيني وهضمتني شفته إلى تحركت تخلي حد لكشي بينه والكلمه الراح تطلع منه هي النهايه
الشيخ: يالله يا ابني شنو قررت
هبه: اباوعله فرك وجهه بيده وباوع البابا كال.

يعقوب: كل الكلام الكتله عل راسي واشكرك عل ثقتك بيه وامنتني هاي الامانه بس انت غلطان انه ما صنتهه، انه بجيتهه وبمواقف قللت من قيمتهه كدام نفسهه وجعتهه وطلعتهه من بيتي بيد اخوي ماسمعت منهه ولانطيتهه فرصه ادافع عن نفسهه مثل ما سويت انته، يعني احنه ثنينه غلطنه بحقهى وهي الينطلب منهه السماح وانه راح اكون اناني للمرا الاخيرا وياها
هبه انتي
هبه: اباوعله شلون كام وكلي هيج غمضت عيوني وكال.

يعقوب: مرتي وما اريد اطلكج، اضاهر ابوج لسه ما عرف شنو انطاني حتى يريدني اتخله عنج بهاي السهوله وكانو ما صار شي يارت جان نطان امانه بسيطه جنت رجعتهه بالضعف بس انتي لاا وحتى لو انتي تردين الطلاك عذرني ونت شيخ هم اعذرني بس كتلك انه راح اكون اناني ونت انطيت وانه خذت مو مشكلتي اذا ندمت او لا هذا الشي تحله وي بنتك اما اني اترخص...

هبه: خفك كلبي بقوا مثل الجان ميت ورجع للحيا خليت ايدي عل عيوني برجفه بعد كلامه ما سمعت اي شي ثاني ولا شنو صار داير ما دايري بلعت ريكي بصعوبه ولشتي ترجف لحد ما حسيت ادين حضنتني وصوت لؤي بذاني وانه عل وضعي
لؤي: شبيج هبه خلص راح وكلشي نتهى اهدي
هبه: دفنت نفسي بحضنه وبجيت بعبرا همس باذني
لؤي: مخبلين والله اخر شي توقعته يحبج اكثر من حبج اله اشش بعد بسمه لاتخافين...

هبه: هوا يحجي ويااي وانه صفرت اذني وجسمي وكلشي بيه بهت بعد ما حسيت بشي...

ميسم: مثل كل مرا حضي واعرفه ما صارت الامتحانات وي المشاكل والازمه إلى صارت بالبيت بعد فتح الوصيه حاولت ما اتأثر بهذا الشي واعزل نفسي بس وليال رغم إلى جاي تمر بي ما تسمحلي حتى ادعمهه واوكف وياها كل مرا تكلي ركز عل دراستج ومالج علاقه بيه لحد ما حسيت انو نجاحي مسؤليتي ولازم عل الاقل افرحا بهذا الشي بس راح البالي والحجي مو مثل الفعل قرت اول متحان وبتركيز كد ما اكدر وتحفيز رحاب إلى كل شوي تتصل هاا خاف مو فاهمه شي هاا اقري وتراجعلي لحد ما نمت كم ساعه عل وجهي مثل المغمي على كعدت الصباح حاولت اراج إلى اكدر عليه وبالكوا فاتحه عيوني بعدهه بدلت بدون نفس اخذت الطريق نفس الحاله اكلب بالكتب وبديت اتوتر لكيت رحاب تنتضرني ومبين واصله من فترا وباسل يمهه اول ما شافتني نترت بيه.

رحاب: بربج كلل هل تاخير وين جنتي
ميسم: ما جنت والله شبيج هوا الطريق طويل وزحمه فدوا لا اطير كم معلومه لبراسي
رحاب: لاا عوزها بعد اطير
باسل: صباح الخير ردي اذا صارلج مجال من رحاب ولسانهه
ميسم: باوعتله خرب حتى نسيت وجوده واكف ومكتف اديه ويباوع النه نتناكر كتله، صباح النور اسفه ما نتبهت
باسل: لا عادي ليش انتي شوكت من منتبهى يالله كافيجن مناكر وتوترا اهدن حتى تركزن بالاجابه.

ميسم: رغم ضيع الموضوع بس اني بقيت اباوعله ارمش بعيوني مستغربا شنو قصده
دخلنا للمتحان ما جنت متوترا اعرف مستواي والي دارسته حليت إلى اعرفه وحاولت اركز بالاسئل بهدوء واجاوب لان التوتر ماراح يفيدني.

خلصت وطلعت ورحاب اكلت راسي شنو إلى تكلي اكلهه هي حتى لو مجاوبت غلط بس اريد اخلص لان طلعت مسطورا سطر اتمنى بس اوصل لفراشي طلعنه جان منتضرنه ما قبل اتصل بالسايق حيل جاي احس بالاحراج لان معذبتهم وياية، سلمنه وصعدت بالسياره
باسل: ها شلون المعنويات
رحاب: والله اني عني تمام بس الست نعرف بالنتيجه
ميسم: ضحكت بخفه لان تعرفني اسايرها ومو مصدكتني
باسل: هههه شنو تبادلتو الادورا
رحاب: شلون يعني.

باسل: اشو هي صارت هادئه وتحجي بالصدفه بعد ما جان العكس
ميسم: كال هيج وهوا يباوعلي بالجامه بنضراته الغريبه بتسمت بخفه عل كلامه ودرت وجهي عل الجامه تركته يحجون هوا ورحاب.

تكيت راسي عل ايدي واباوع ما اعرف شكد مر وقت وفتحت عيوني اجت عيني بعينه صافن بيه ومن نتبه دار وجهه بسرعه وانه متت من الفشله لان غفيت شوي عدلت نفسي وكعدتي وهوا اضاهر جان مبطئ علمود حرك بسرعه وصلوني للبيت سلمت ونزلت، بس كميه الاحراج إلى صارت بيه ابدي بعد ما اباوع بوجهه من الفشله...

ليال: خلص اسبوع من القلق والتوتر بين حوستي بالتجهيز للامتحانات حتى الشركه صرت ما اروحه وبين الخوف من الجاي بس جاسر هوا واللحضات الاحجي بيهه وياا هي الاانسه بيهه خوفي وتجنبت اقابله بوجود سعد بالبيت رغم بالدقيقه اشتاقله الف مرا لحد ما و اخيرا اجت اللحضه المنتضرا ورجعت المحاميه من السفر رجتمعت بينه بالديوان حتى تفتح الوصيه وتعيد ترتيب كلشي من الاول...

المحاميه: مثل هيج يوم قبل سنه جمعتكم هنا بعد وفات الشيخ الله يرحمه وقريت عليكم الوصيه مالته وشروطها والي جاي اشوفه الحمدالله ملتزمين بالشروط وكد المسؤليه وتعاونكم اجه بنتائج ايجابيه حتى عل مستوا الشغل وهنا احب اشكر ستاذ جاسر وادارته الحكيمه صراحه النتائج مبهبرا اشكر جهودك وامانتك
جاسر: واجبي هذا ومثل ماكلتي هاي امانه وجان واجبي اصونهه حتى لو نحطيت تحت الامر الواقع بيهه.

المحاميه: ماكو شي امر واقع هاي املاكم وانتم مسؤلين عنهه اما عن الزواج فهاذا الاسباب خاصه بجدك حتى انه ما اعرف بيهه...
ليال: بسرعه دارت نضراته على وتنهد
جاسر: لا مو قصدي عل زواج بت عمي والنعم منهه
المحاميه: واني هذا رئيي صحيح ليش لسه ما صار الزواج
ابو ليال: منتضرين نخلص من هاي السالفه والوصيه ونشالله انتي اول المعزومين. تفضلي كملي كلامج.

المحاميه: نشالله اعرفكم كلكم متوترين ومنتضرين تعرفون شنو وصيه جدكم النهائيه خلوني اكلكم شنو هي وبحضور الشهود
ليال: عرفتنه عل الشهود وبدت تقرا الوصيه اني كلبي صاير مثل الطبل حتى ام جاسر اجت وحضرت وبيت عمو ماعدا يوسف إلى سافر قبل فترا وكل يعقوب مكانه وبابا والولد واني واي طرف اله علاقه بالورث كل الموجودين كاعدين عل اعصابهم ماعدا جاسر بروده ينرفز.

المحاميه: صراحه الوصيه الثانيه ماراح تختلف هواي عن الوصيه الاوله غير انو راح تكون بتفاصيل ادق
جاسر: يعني
المحاميه: يعني انو كل املامك جدكم راح تتقسم عل ولده ماعدا بعض الاستثنائت او نكدر نكل شروط هذا التقسيم ونبدي بالقصر والديوان القصر والديواني ممنوعه من البيع او التقسيم لانو الشيخه الله يرحمه يريد يبقى اسمه عامر وديوانه مفتوح وحتى يضمن هذا الشي هوا ختار شخص متاكد راح ينفذ زغبته والي هي الشيخه ليال.

ليال: كل الانضار صارت علي، كتلهه اااني
المحاميه: ي ملكيه القصر والبستان وحتى الكاع البيهه بيوت عمامج وي الديوان راح تنتقل باسمج ئمانه جدج الج وراح يتم تعويض الورثه مادياً في حال قررو نيتقلون او يتركون بيتهم فقد يعني إلى إلى يريد يبقى ما الج حق التصرف ابيته او اجباره عل تركه يعني لختاصر نكدر نكول وقف الجدج انتي المسؤله عنه.

ليال: باوعت العمامي وبابا بلعت ريكي بيبي ضلت تلطم وتحجي ما قابله وبابا وعمامي سكتو جاسر وليث بس هما مبتسمين بوجهي باوعت للخاتم البيدي سواها صدك جدو وخلاني شيخه وبقصر.
المحاميه ؛ رجائن حجيه هااي وصيه واحنه جاي انفذ وبس خليني اكمل بهدوء لا اطر اطلعج واسفه يعني بس انتي جاي تعيقين شغلي
ليال: سكتت بيبي وبس تخزر بيه هي وام جاسر رجعت المحاميه كملت كلامهه.

المحاميه اما بالنسبه للشيخه مثل ماتعرفون فهي جانت المفروض تكون لابنه الجبير والد الاستاذ جاسر الله يرحمه لاكن بعد وفاته صارت الاخو بسبب بعض المشاكل إلى صارت وقتهه
اما المذكور بالوصيه حاليا فهو انو لازم ترجع الابنه الاكبر جاسر بعد التفاوض وي عمه بحضور الشيخ، ويتوصلون الحل يرضي الطرفين.
يعني هاي الموضوع تحلو بينكم بحضور هذا الشيخ إلى ذاكره المرحوم...

ليال: اباوع الباب مثل إلى نهد حيله اعرفه شلون متعلق بالشيخه ومنطي كل حياته الهه ما اعرف شنو راح يكون ردت فعل جاسر بس اذا لسه حاقد عل بابا اكيد هذا الوقت المناسب للانتقام...

المحاميه: نجي هسه للشركه، إلى هي ايضا راح تكون ملكيه مشتركه لاكن بحصص متساويه لكل اولاده مع نسبه شرعيه من الارباح كل شهر لبنات المرحوم وراح يستلم جاسر هوا واخته حصه والده المتوفي وبالنسبه للاداره فمثل المرا الفاتت راح تكون بالتصويت وتختارون المدراء بينكم...
جاسر: بس انه ما اكدر ابقى بالشركه عندي شركتي الخاصه واريد اديرها بنفسي.

المحاميه: تكدر توكل احد يمثلك بالشركه ومو شرط تكون انت المسول عن قسم او اداره معينه بس تبقى عضو بالاداره تمثل حصتك وهاا في حال احد منكم راد يبيع حصته فلازم تنباع عل واحد من اولاد الشيخ او اولاده وكذالك التحويل.

اما باقي الاملاك بيوت وعقارات ومحلات فكل احفاده اولادكم يعني وبناته راح ايكون اله عقار باسمه هوا محددهم ايرادهم راح يرجع اله سواء ولد او بنيه اما البقيه فقسم هوا محدده ايضا وقف عل روحه والبقيه الباقيه راح تتقسم عليكم اولاده بالتساوي، تمنى يكون كلشي واضح لحد الان بقت اخر فقرا من الوصيه وهي مزرعتين مثل ما تعرفون الشيخ متزوج ثنين
فخريه: وشجاب سيره المكبوره هسه.

جاسر، شفتي هي هااي الدنيا الزين يبقى بس ذكراا والشين يشم الهووا
فخريه: شنوووو قصدك انه شينه اااالله ينتقم منكم نشالله اجيتوو وشاركتنوني بحقي وحلال ولدي
جاسر: شتسوين بعد الاصل غلاب بس انه فلوسي هواي اخصصلج راتب مني شتردين بعد
سعد: حتررررم نفسك وانت تحجي وياااها
جاسر: اووي
ليال: كلت خلص راااح يتلازمن بقو واحد يشمر عل ثاني وبيبي تزيد الطين باله لحد ما صاحت بيهم المحاميه.

المحاميه: كاااافي رجائن شنو وين كاعدين انتم حتى حرمه للميت ما خليتو خلوني اكمل
ابو ليال: تفضلي كملي بس ستعجلي لان المكان صار ضيك علينه
المحاميه: ستغفر الله، ي وين جنه المرحومه زوجت الشيخ راح تكون الهه مزرعه بمواصفات كذا وقف الهه ايراهه يروح للفقرا والمحتاجين واكيد الوصي عليهه جاسر بعتباره ابن ابنهه الوحيد.

اما بالنسبه لحضرتج فا ايضا راح تكون الج وحده من المزارع بمواصفات كذا بالاضافه لنسبتج من ايرادت الورث بعتبارج حيه
جاسر: هههههههههههههههه
ليال: اباوعله ضحك بهستيريه وبيبي شتعلت نار دنكت كاتم ضحكتي اني وليث
فخريه: حيه بعينج حيه شنوو
المحاميه: شبيج شيخه قصي عل قيد الحياه مو الحيه إلى ابالج
جاسر: ههههههه مادري ليش الانسان يزعل من الحقيقه بس والله جدي عادل ويفتهم هههههههه.

ليال: ياربي شلون عليه برود ستفز الكل وترهم وهوا ولا كانوو ما خوفني غير نضرات سعد اله وكانو نار الحقد طالعه من اعيونه عليه، وخاصه هسه نفتحت الوصيه وكلشي توضح يعني هسه الكره بالملعب وراح يبدي شطو ثاني بحياتنه بس الله يعلم بنتائجه...
إنته بَس لو ينفتحلَك
‏باب گلبيّ،
‏تشُوف بي أُمك وابوك
‏وديّرتك وحرُوف إسمَك،
‏والعيُون التنذِر الشُوف إعله طولَك
‏حَتى خوف الوادِم الرادت تضُمك.

‏ياهو أحن مِني ويحبَك.