رواية الشيخة ليال للكاتبة الوردة البيضاء الفصل الخامس والخمسون
هذا الدفء الّذي بيني و بينك يجعلني أبدو خفيفاً رُغماً عن تكدّس وإرتطام الأشياء السيئة داخل صدري!
بان: رجعنه من السوك اباوعله يتفاوب ومبين.
النعاس عليه باقي اسبوعين عل زواجنه وهلكنه بالتجهيزات لان الوقت ما يسمح للتاخير وهاي يوميه نكعد من الصبح ما نرجع للضهر لو للعصر وفوك ما طايح حضي مطيحه حض ليال وياي لازم كل ما اطلع هي وياي واني اتعمد اسوي هيج لان نفسيهه بالنزال وبسبب منو بسبب حضره اخوي رغم هوا مو احسن منهه تخبل من رجعتله الهديه بالاخير شمرهم على واني الصرت بينهم شوكت راح يبطلون مكابر عل بعض ما اعرف.
اما ليث وهوا خطيه تعبان اكثر من عدنه للن واكع براسه الشغل الثكيل غير توصلينه ورجعتنه الغرفه اخذناها من خطيب ميسم رحنه ختاريناها وباقي ينصبوها وتقريبنا ما بقى اله القليل تنهدت رفعت راسي باوعلي بالمرايه بتسم
بتسمت رغم كل هذا التعب بس تبقى احله لحضات بعمرنه وتعبهه يهون وما يتقارن بالفرحه إلى احنه بيهه...
وصلنه لبيتنه وكل عاده ليال راح للقصر ماتقل تفوت البيتنه ولا حتى تمر من الحديقه اعرفهه ما تريد تشوفه وهوا هم مخلصها بغداد ومتاكده السبب فراكها اكثر من الشغل الله مخابيل ميتين عل بعض ويكابرون.
دخلت للبيت وفتح الباب ليث دخل العلايك والمسواك وصلهم للباب اجيت افوت اجيبله شي يشربه ما احس غير سحبني من ايدي وفتح باب الستقبال الخارجي ودخلني وهي دخله وهو هجوم لان مطمن جاسر ماكو مسوي عليه حصار ولو هوا ينلزم اخذ شفايفي بلهفه بادلته بحب بس هوا لمساته وجرئته خبال والله مرات اريد ابجي وهو يكلي تعب السنين كله اطلعه بيج وما تكسرين خاطري
لان عذبتيني يعني ليث الثكيل بعد الخطوبه تبخر وزاحاها فد نوب.
ومن اشكي ليال منه تخرب ضحك تكلي وراثه ما اكدر اسويلج شي عرفتهه تقصد عل جاسر طلع الاخ نفس خبالت ابن عمه صدك وراثه
سمعت خطوات برا عززا ماما حتى الباب ما قفلنا دفعته
عززا ليث ماما ادفع بي وهوا مو يمه لان اني هم ذايبه بحضنه لحد ما جمعت قوتي دفعته وكع من القنفه مثل السكران
بس شكل ايده تائذت كام يفرك بيهه
ليث: خررب فلشتيني.
بان: ماما ماما برا سديت الدكم مالت القميص عل السريع واعدل بشعري لفيت الشال شلون ما كان، هو هم عدل نفسه ويخزر بيه بغيض
ليث: وشكو خايفه من ماما عيني هو اني اريد كدامهه حتى احرك كلبها
بان: يااا تخبلت والله
ليث: منو التخبل ولج
بان: هههههه، طفرت بسرعه قبل لا يلزمني طلعت ماما بالمطبخ ضيكت عيونهه على شوي وطلع سلم عليهه ونطيتهه العصير كال
ليث: لا حبيبي مو زين على اكثر.
بان: كال هيج وغمزلي عضيت شفتي عزا ولا يستحي سلم وطلع اباوع الماما خزرتني دنكت اشي الغراض ونفتح الشال نترت بيه
ام جاسر: مااكو خجل ومسحه بعد ياا خساره التربيه والله شخلتو للعرس بعد فضوها فرد نوب.
بان: نزلت على رزايل وحجي حتى دمعت صايرا ما اتحمل من التوتر حتى بعد ما نخطبنه ما اكدر اعيش هاي اللحضات ويا براحتي كلت هيج وشمرت الشال باوعت بالمرايه، فتحت عيوني ولطمت خدي عزا بعينج وبراحتج والله عمي حقها المرا تتخبل صدك شخلينه للعرس اباوع شفتي وارده وركبتي كلهه اثار حمرا بكل مكان اوووف منك ليث والله يسولنه قضيه شرف وكتلونه قبل العرس من وراك طنكرت عليه ودزيتله الصوره كتله، ليث دير بالك تقرب مني بعد منا للعرس رد علي.
ليث: اااخ الله اذكرت الطعم و شتهيت هسه
بان: عاد انهد وصار يحجي بالقلم العريض مثل العاده بس الليل عندت ويا حتى كامرا ما فتحت هو شخبله على غيرها والله اذا يشوف جاسر هاي الاثار بركبتي يمكن اطم نفسي، هو هم طنكر على وسده ونام متت قهر لان زعل علي...
ليال: سحلت سحله تمام حلفت اذا عرست اعرس بدون جهاز بسب الامتحامات والتخرج وغير المشاكل كلشي تكوم علينه بوقت قصر وليث اندكه وندك الكاع يكول يوم واحد ما ااجل.
دخلت الغرفتي الجو بعده زين ابروده اني شغلت مروحه وبوجهي للحمام سبحت وطلعت لابسه برموده وكيمونه انشف بشعري ذبيت نفسي عل فراش ثواني وغفيت من التعب...
ما اعرف شكد مر وقت وكعد احس جسمي كله نحلا وما اكدرت اتحرك رجفت من البرد باوعت للمروحه وسحيت نفسي طفيتهه ورجعت تغطيت اكثر واحاول ادفي نفسي لحد ما رجعت غفيت.
فزيت عل بروده الماي بوجهي فتحت عيوني بحضن ماما وتغسل بوجهي اريد احجي صوتي متحشرج وبلعيمي يوجعني كلش واحس حراره تطلع من جسمي عرفت ضربتني فلاونزه قويه بسبب غبائي بقت ماما كاعده تخليلي كمادات وليث نخبص ما قبلت اروح مستشفى بالاخير يعقوب خطيه راح جابلي باوعت الساعه المغرب واني نايمه من قبل الغده لو ما مفتقديني جان لسه عل نفس النومه جبرتني ماما اكل كم خاشوكه شوربه و اخذته العلاج ورجعت نمت.
غزيت عل حركه يمي فتحت عيوني بثكل الاضويه مطفيه بس كلوب نوم شفت خيال اسود كاعد يمي عل السرير من خله ايده بهدوء عل وجهي رجف كلبي عرفته هو كتله بصوت متحشرج ضعيف، ليش اجيت شلون فتت
جاسر: اشش لاتحجين شنو تحسين، عندج حروره ليش ما رحتي مستشفى...
ليال: نكثت اديه عن وجهي، ملك علاقه ليش اجيت روح ارجع منين ما اجيت
جاسر: لسانج ما يفصل حتى ونتي مريضه رشاش.
ليال: ي صحيح كلت بعد ما يجي عل لسانك لو اموت درت وجهي وهو كال بستفزاز
جاسر: مريضه واخاف انعدي جان عرفت شلون اخلي يجي بس يالله مردوده نشالله
ليال: اخس صخنت ةكثر من قبل ياربي يريد يجلطني سحبت الغطه وغطيت راسي درت جسمي بصعوبه كلت بصوت خافت...
مابيه شي روح
جاسر: بتنهيده ما اجيت من بغداد لهنا حتى اروح...
ليال: زادت دكات كلبي من حسيت بحركته كتله هيج بس ما اريده يروح، ثواني ونرفع الغطه وما احس غير نرفع راسي كعد وخلا بحضنه بعد ويرجعه 3 مرات لحد ما دخت بعد ما اكدر حتى احرك جسمي
سحب الغطه ذبا واني اسحب بي ومي بارد يمه بلل المنديل وخلا عل راسي لو غير متت من البرد والرجفه حضنت نفسي مثل الجنين...
وهوا احسه يلمن بشعري بس كلش بهدوء وخصله خصله حتى رجعت نعست من حركته كتله بهمس، شلون اجيت لهنا.
جاسر: من اجيت امج جانت بالمطبخ كتلهه اريد اشوفج اعتقد هي جانت يمج كتلهه نامي انه اهتم بيهه
ليال: ، هنا بديت اهلوس احجي اي شي يجي عل عقلي بصوت بالضيم مخنوك كوا يطلع كتله، ماريد هتمامك طلعت اكبر جذاب هتمامك وحبك جذب وانه كرهتك اصلان
جاسر: والله لو ما مريضه اله اكطع هذا شعرج بيدي
ليال: ااكرهك
جاسر: مشتاقلج
ليال: والله اكررهك
جاسر: والله اريد ابوسج واحضنج
ليال: راح ترجع تروح
جاسر: لااا
ليال: جذاب.
جاسر: ليش شوكت مجذب عليج
ليال: بذيج الليله الخلتني اصدك بيك وخليتك تصير بطل روايتي الحقيقي بعد ما جنت دافنتك بين صفحاتهه بكلبي
جاسر: معناها خلي نرجع الاول الروايا وشلون التقينه بس هل مرا من اول صفحه ما نفترك
ليال: مااريد روح ليش اجيت صار خمس سنين منتضرتك شوف شوف شلون ضربتني بالطاوله ومشيت بدون ما تلتفت ورا، حجيت بزعل ورفعت الشعى بيدي هن مقدمه وجهي بتسم ودنك باسهه بتنهيدهه كال.
جاسر: ندمان لان ما لتفتت وراي ضيعت خمس سنين من عمري بعيد عنج
ليال: لاا تندم رجعت رحت وهم ما لتفتت، يالله روح ليش اجيت
جاسر: غير بنيتي مريضه شلون ما اجي اشوفها
ليال: لااا تكول بنتي جذاب
جاسر: يالله شيختي
ليال: انت شتريد مني جاي اكلك اكررهك
هنا بعد راسي عن حضنه خفت عبالي راد يروح نقهرت رغم اني كتله، بس هو لا تمدد بصفي وسحبني الحضنه وسحب الغطه علينه رفع راسي وكال بتنهيده
جاسر: كتلج اريد بوسه مشتاق الهه.
ليال: كال هيج ودنك سحب شفايفي لان هم وارمات ويوجعني بسبب المرض هو ما شد عليهه هواي كل مرا يشلعا إلى يالله يرتاح غمضت اعيوني ورجف جسمي مشتاقتله موت فوك مرضي هو فوكي بس احس التعب كله نسحب من جسمي، فصلهه وطبع الثانيه بخفه عل نحري وحضني قوي من حسيت بدفو حضنه
رجعت قفلت عيوني.
كعدت الصبج فركت عيوني وراسي يريد ينفجر فزيت من شفته ماكو، هه يعني صدك جان حلم ماكو شي بالغرفه يثبت جان موجود هنا حتى عطرا خشمي مقفل ليش جاسر لاحكني تحى باحلامي حرام عليك، تنهدت بقهر اليوم اشوا بس نحول كارثي وي القهر كملت على اذا ناقصه
اااف.
ميسم: علاقتي اباسل انتقلت المرحله جديده من رسالته اخر مرا بعدهه صرنه نتواصل هواي عل تلفون بس همات بقه بحدود وهو احسه بدها وياي بصداقه حتى ما اتقيد منه صار يحجلي عنه وعن شغله وشنو وصله الهاي الحاله كلش شدني كفاحه مر بهواي صعوبات لانو اهله ماجنو عدهم املاك او شي لهيج هو عتمد عل نفسه ودرسته حتى وصلهم الهذا المستوا حسيته فخور بنفسه واني هم كلش كبر بعيني.
واحس صرت قريبا منه وكلش افرح من يحجيلي تفاصيل حياته واني اندمج واسولف ويا بس يكلب الموجه وتغزل ينعقد لساني لان هوا ما يلحك بالكلام والغزل مرات بنص الكلام وكال راح اتصل اريد اسمع صوتج هنا الكلام كله يضيع مني والاصعب لمن يكلي فتحي كامرا او عل الاقل دزي صوره ويسميني كله الناشفه.
وهو مرات يحجي بصمات صوت ما اعرف ليش اركز بصوته اكثر من الكلام واعيدهم اكثر من مرا صوته كلبي يصير يدك بسرعه من التوتر وكانو واكف كدامي
هواي انقهر لان جاي اضلمه وياي وهو جد انسان ماكو منه زين وتاركني لسه عل راحتي حتى صرت اخاف يمل مني لان هيج اتصرف وياا، تنهدت.
وكمت فتحت الكنتور اطلع ملابس لان حا اروح وي بان وليث علمود يختارون الاثاث لسويت مالتهم هوا كال تعالي وياهم حتى اشوف المعرض ماله لان يعرفني مقرره ادرس تصميم داخلي سحبت جاكيت وكع واحد من الفستان
بتسمت اتذكر من مرا نحجي من خلصنه وقبل لا اكوله تصبح عل خير كال فجأئه
باسل: ميسم
ميسم: همم
باسل: تذكريني الفستان الوصفتيلي عل جسمج وشعلتي جد جدي بيومها ضل بنفسي اشوفه عليج دزيلي الصوره مرا ثانيه.
ميسم: احس صخنت من الخجل من تذكرت المحادثه وقتهه حتى اتذكر نتر بيه وعصب لان وصفت جسمي، كتبتله اسوي نفسي ما اتذكر
اي فستان، لحضات ودزلي سكرين للمحادثه عزززا محتفض بيهه بلعت ريكي يعني نحشرت بالزاويه ماكو مهرب كتله، بس دزيتهه وقتهه ماشفته.
باسل: ولج هو الوصف شنو سوا بيه انوب اشوفه ستغفرت ربي لان هم عندي عرض وصار ليث بين عيوني رغم الشيطان كعد براسي بس هاي الله كافئني وهسه اكدر اشوفج بي ونتي حلالي، يالله دزي
ميسم: بتسمت عل كلامه وقتهه شكد بجيت عبالي شايف صوري كرهته وحقدت عليه لهذا السبب، رجعت للصور اخذت ربع ساعه واني ادور عليه وقتهه لبسته بعرس صدقتي.
جان اسود قماشه ناعم و بردن وحده وينزل ضيك عل الجسم مفتتوح بشكل كركش عل وحده من الجاهات طالعه رجلي وسويت شعلي كيرلي ومكياج مناسب وحمرا وحذا بسمار احمر واني معالم جسمي بارزه طلع فد شي وقتهه يمكن اجرء فستان لبسته حتى رحاب كلش عجبهه بس ما قبلت لان لبسته بمناسبه هيج مو من اقاربنه خافت على مثل اخوها ما تتفاهم بهاي الشغله، جنت دازتله صوره من قسته.
هسه لا دزيتله اكثر من لقطه من القاعه خجلت لانو فاضح شوي بس عجبني اعرف رده وهاي اول مرا ادزله صوره إلى من بعد الخطبه
لحضات وطلع عندي شايفهم بس ما حجه شي عدت نص ساعه وهوا ماكو ضجت رحت راسلت رحاب جاي احجي وياها كالت
رحاب: اكلج انتي جنتي تحجين وي باسل
ميسم: هاا ي ليش
رحاب: شنو تعاركتو اشو مثل الدايخ طلع من الحمام وكاعد بالحديقه بالبرد يدخن
ميسم: هااا لا ما تعاركنه ولا غثيته عززا بس لا نغث من الصور.
رحاب: اي صور
ميسم: حجيت الهه عليهم لو هي نتهت من الضحك اريد اسكتهه الحيوانه ماكو، ولي اني اصوجي حجيت عل شنو الضحك
رحاب: ههههههه مو عليج والله بس اخوي طلع من ذول اليحمون بسرعه الله يساعدج
ميسم: ياا سخيفه هي صوره قابل تقربت يمه
رحاب: شوف هاي عيني الصوره مالتج تلكينهه طلعته من الاسلام هسه هو بخطوبتكم وخلصله سبوع صافن ونوب انتي فارضه عليه حصار.
ميسم: هي تحجي واني صارت بخدودي اطلع نار، زين اذا هيج ليش ماتزوج من زمان
رحاب: ماعرف جان كل همه الشغل تعب حتى وصل للي يريده مايقبل يتزوج رغم اصرار ماما يكلهه ما اريد لمن امن نفسي واستعد عل اخر وما اريد اي مرا شكله جان منتضر يحب عني وفطر عليج وخوش شلعتي كلبه، بس اكيد مو ذنبج الكلب وما يحب، هسه روحي دخلي والله مرضه يشلع الكلب ههههههههه.
ميسم: طاح حضج ولي، سديته وياها ورجعت راسلته كبل كتله، فوت لا تستبرد وتتمرض مثل المرا الفاتت رجع على بسرعه
باسل: ههه هاا المخابرات وصلولج اخباري
ميسم: ي صراحه هههه
باسل: افوت بس تحاجيني كامرا شويه
ميسم: صفنت عزا بعيني شسويت بروحي
قبل لا ارد كال، لاانسي
ميسم: تنفست براحه اوك
باسل: ميسم
ميسم: هاا.
باسل: شلون اطلعج من راسي هسه كون هسه اخليج بحض، ههههه روحي نامي ترا اذا احجي هسه بعد رسائلي ما تردين عليهه وحنه ما صدكنه كلنه يا الله
ميسم: عرفت قصده بس ليش اني مستعده اسمع هيج اجاني حساس اريد اسمعه يحجي ويتغزل بيه وشلون صوره مني هيج تاثر بي احب كلامه وسلوبه يخليني ما اندل دربي كد ما حلو تنهدت كتبتله، تصبح عل خير.
بيومهه نمت مبتسمه، فزيت مد تفكيري رجعت الفستان واخذت ملابس بدلت وطلعت وصلنه ليث للمعرض اباوعله فخم يخبل من برا الاضائه والتصميم ومن دخلنه ساحر الاثاث بقيت بس اصفن بس من ستقبلنا البنات إلى يشتغلن بي جانو لابسين رسمي وكلش حلوات ومرتبات باوعت النفسي لابسه كجول بس عادي اهم شي الثقه خرب حضي...
شوي ونزل باسل من مكتبه من سلم عل ليث باوعلي وسلم ببتسامه رديت عليه وهم بتسمت بوجهه جنه هلال العيد عل كولت فخريه دوم تكلي جدج وجهه بشبابه مثل هلال العيد هههه
باسل: ليث اخذو راحتكم وليعجبك صيحلي احمله اللك
ليث: ونعم منك ما تقصر ابو نسب راح نزين راسك لا تنطينه وجه
باسل: ههههههه ادلل
ميسم: بتسمت عليهم راحو واني اجيت امشي وراهم سحبني من ايدي عليه بهدوء
باسل: هوب هوب وين
ميسم: وياهم غير.
باسل: ناس تريد تزوج وتختار غرفه وين رايحه وياهم يجوز يردون يجربونها
ميسم: ضليت ارمش بعيوني شنو يجربون ضحك كال
باسل: الكنتور يشوفونه يتحمل ملابس هواي...
ميسم: عرفت شنو يقصد خرب بفهاوتي. بتسمت باحراج
باسل: ههههه تعالي لا تصفنين خل اخذج القسم إلى تحبينه.
ميسم: خذاني من ايدي وصعدني للطابق الثاني جان بي قسم لكسسوارات الاثاث وتحف وانتيكات ولوحات فهيت عل الجمال والتصميم صرت اتمشه بينهم بحذر وهو يسولف وياي عليهم عل جوده والاسعار
باسل: يالله تخرجي حتى اسويلج ورشه تصمميلنه هيج فن
ميسم: باوعتله بعيون تلمع صراحه هوا الوحيد إلى كل مرا يشجعني اصلا ما حاجيه بحلمي غير كدامه وكدام ليال كتله، ان شالله، واكفه اباوع وخله كدامي تبلام زغير وبي مسيقى.
بس شنو مثل التحفيات اثنين يفترن البنيه مثل الرافعه خشمه والثانيه ولد يفتر يريد يبوسهه بس تتجاوزه وهيج يفترون بس شفتهه ضحكت
باسل: هاي مثلج يابسه هههههه
ميسم: باوعتله بغيض ضحك بعدين نطاها الهم يغلفونهه الي، طلعنه اخذني عل مكتبه كلش مرتب واثاثه بسيط بس انيق سمعت بطكه قفل الباب علت نفسي بتوتر ثواني وفتني اديه من ورا همس
باسل: مشتاقلج.
ميسم: شال الدنبوس وفتح الشال رجف جسمي من صار راسه بركبتي بقينه ثواني هيج سمعت بيهه بس دكات كلوبنه من الهدوء وما حسيت بمضايكه بهذا الشي بلعكس احس نسحلت ياربي ما انفضح، حسيت بوساته تتوزع عل طول ركبتي تكزكزت من لحيته حركت ركبتي دارني، بعد عني ودارني عليه وصار يخلي شعري ورا اذني من ركز بوجهي، كتله بتوتر
خلي البس شالي لا يجيون
باسل: بتنهيده براحتج.
ميسم: بتسمت اخذت شالي لفيته وهوا راح فتح الباب كعدت وجاب النه عصير طول ما احنه كاعدين ما حجه هواي بس كاعد مقابيلي ويباوعلي كتله لان بعد ما اتحمل نضراته
ليش تباوع على هيج
باسل: هههه خليني اعيش اللحضه واشبع منج لاحكين عل حجي او انتي احجي
ميسم: ما عندي شي.
باسل: همم شرايج بالمعرض مالي
ميسم: كلش كلاس وحلو
باسل: مثلج.
ميسم: بتسمت، حجيت بكلبي والله انت العسل الله يكفيك شر خبالي بس، اجوي ليث وبان ختارو الاثاث كلش حلو بس الطخم مال الصاله انطى هديه منه وقفل اله يقبلونه شربنا عصير وطلعنه قبل لا اطلع باوعت عليه بتسم
كتله، وين هديتي نسيتهه، باوعلي بستغراب وبتسامه
باسل: ما توقعتج حبيتهه
ميسم: كول تراجعت لتتحجج عادي ادفع فلوسهه
باسل: ههههههه لا العفو انتي تحملين المعرض هوا وصاحبه.
ميسم: بتسمت راح جابها ورجع نطاني ياها سلمت عليه وطلعت منتضريني بالسياره جان يوم كلش حلو بالنسبه إلى ما اعرف ليش...
ليال: كعدت طول ليوم بالفراش ولحلو انو كل شوي واحد دخل يمي يسولفون ويغيرولي جو ويطلعون اخر شي باليل اجتي بان إلى خطيه كلش مقهورا عبالهه مرضي بسببهه او ما دخلت اجت تمددت يمي وحضنتني، وكالت
بان: عمري إلى تعب بسببي
ليال: وخري يا غبيه لا تنعدين وراج عرس
بان: ماا ماا احبك
ليال: ههههه مخبله، بان.
بان: همم
ليال: اخوج هنا
بان: هاا ي
ليال: باوعت الهه متفاجئه شوكت اجه
بان: احم هسه قصدي الضهر وي الغده هو وصل
ليال: هاا
بان: ليش
ليال: لا هيج ماكو شي، باجر شوكت موعدج وي المركز
بان: الصبح رتاحي اشوف ميسم تروح وياي او هبه
ليال: لا اني باجر نشالله اتحسن واخذج باجر تجي اثاثكم يوصل واكيد باسل راح يجي ولازم ميسم موجوده وهبه حامل خطيه اخاف ما تكدر.
بان: حضنتهه اكثر، تدرين عمري ما اتمنيت عندي اخت لانو وجودج يكفيني والله تعبتج وياي
ليال: بله سخافه شنو اخت اني وبس ولخاطرج اطيح ميسم كلت هيج وي دخلتهه
بان: هههههههه ي اصلا اني ما عادته بالعده
ليال: باوعت النه بغيض وحجت يغيرا
ميسم: ي عيني شكو بيه منو ميسم وتعدينهه بالعده هيج ليال بسطيه والله خل ازوج واروح يم اختي هم واطيحج الهه
بان: هههههه ي طيحهه تولي واني اصريلج الاخت الجبيره وله يهمج.
ليال: باوعنالهه اني وميسم ورفعنه حاجبنه ضحكت
ميسم: ادورين خوات بروسنه، شو سوولي مكان
ليال: اجتي رفعت الغطه ونامت بنصنه الغيورا
يااااقوم اني مريضه انتو ما متحسون كل شوي جاي احد نايم بحضني ترا اعدي
ميسم وبان: ي عادي ما نحس
بان: المهم ي ست ميسم شخبار الخطوبه اشو مامبين عليج، واني وختج حتى البركه طارت من وجوهنه بسببهم
ميسم: ماكو شي جديد بنتعرف
بان: هممم لسه اصدقاء وتعارف وهاي السوالف الما توكل خبز.
ليال: خرب حضج لسه تتعززين عل الولد
بان: يبوو شلون متحملج
ميسم: ووواااللله مو اتعزز ليش ما تفهموني ترا ياناس انسان يادوب بينه سلام صار خطيبي اكيد لازم اخذ وقتي اتعرف عليه
بان: ممم تردين تقنعيني تعارف وبس بعيني شفته صعدج المكتبه شنو سويتو
ميسم: طاح حضج شنو سوينه يعني هوا واعدني ابقى براحتي لحد ما اتقبله
بان: ما اصدك ما سوالج شي اكيد بارد هذا
ميسم: لاااا مو بارد
ليال: اوي اوي شعرفج اذا انتم اصدقاء بس.
ميسم: موو هو سوا
بان: شنوو شنوو
ليال: هههههه شبيج شبيج انتي مو مخطوبه ما شبعتي من هاي السوالف
بان: هههههههه تحمست احجي ولج متت
ميسم: ههههه ماسوا البعقلج بس حضني وباسني من ركبتي ومن كزكزت بعد
بان: ووواي شكد كلاس عيني، طاح حضج معذبه الولد والله لج هذا ميت عليج بس انتي محملته وعد كاسر ركبته
ليال: ي بان خفي عليه ترا يستاهل باسل خوش ولد لو ما يحبج صدك جان ما نطاج هيج وعد.
ميسم: تنهدت والله جاي احاول بس اني لسه اخجل منه
بان: ههههههه تعرفين تخجلين
ميسم: مو صوجكم والله.
ليال: كامت وحنه نضحك عليهه طبيعه ميسم غريبه من تحب تحب بجنون بس حاليا هي متحفضه حتى ما تحب بهاي الطريقه حتى ما تنصدم بعدين مثل المرا الفاتت وهو شكله فاهم عليهه وتاركهه عل راحتهه بس إلى جاي اشوفه انو هي هواي جاي تميل اله ويمكن حتى تحبه لان بدت تغير بنفسهه علموده واله جان نفرته من زمان يجي يوم وتعترف النفسهه بهذا الحب ونشالله يكون قريب...
ثاني يوم جهزت نفسي رغم لسه خامله وصارت عندي كحه قويه وصوتي مبحوح بس اذا اقبى بالفراش راح اتعب اكثر نزلت طلعت برا توقعتهم منتضريني لكيت بس بان واكفه، صباحو وين ليث
بان: هاا مو كلت اريح ليث اليوم جاسر راح ياخذنه.
ليال: كالت هيج وطلع من الباب كاشخ عل اخر حبايه باوعت البان خزرتهه كل الفترا الفاتت تجنبت اقابله لدرجه حتى بيتهم ولا امر حتى من الحديقه اتذكر من اتصل بيه بعد ما ردتله الهديه اكثر من عشرين مكالمه بالاخير ستسلمت ورديت اجاني صوته يرعد
جاسر: مااااتردين طااايحه الحضض
ليال: ما سمعته ولا تتجاوز لا اسده
جاسر: ي سدي شو خل اشوف حتى اكسره عل راسج
ليال: يووه شتريد جاسر.
جاسر: ليش راده الهديه حصرتج صايرين ما نعجب لان صرتي محاميه عود
ليال: ردت اغيضه اكثر كتله ي اليوم بديت مرحله جديده بحياتي واريد بديهه واني متخلصه من كلشي يأذي بالصفحه القديمه
كال صاك عل سنونه
جاسر: هيج معناتها نتضري شلون راح اشككها عل راسج
ليال: سده بوجهي من يومها لا اني وصلت وصرت اتجنبه وهو همات خلصها ابغداد لحد ما حلمت بي يمكن من كد ما مشتاقتله صرت اهلوس...
جاسر: صباح الخير عندج العافيه سمعت مريضه.
ليال: تسلم، كتله هيج وصعدت بالسياره ما كدرت اتراجع صعدت وره وهوا تحرك من تجي عينه بالمرايه اباوعله يخزر بيه حتى بلعومي شحط نطوني مي وشكلت عندي كحه تحولت نضراته القلق وصلنه للمركز نزلت بان اجيت انزل قفل السياره
شكو فتحها
جاسر: منو كلج امشي بكيفج انه.
ليال: ضلت اتناكر وياا واحرك باليده بغضب لحد ما حرك السياره وتصل ابان كلهه خلصلي ونرجعلج كعدت واحد يخزر بالثاني واحاجي وين ماخذني ما يرد واخر شي مل مني شغل غني وعله الصوت اني هم صفنت عل كلمات الغنيه وتغير الموقف كله وصارت النضرات تعب وعتب عيونه تشرح حالنه وي الغنيه...
مايدي هو تعبي تنهدت وكف السياره باوعت عياده نزل فتحلي الباب وسحبني من ايدي
جاسر: ما اريد عتراض لا والكعبه اكتلج هنا
ليال: ي تايهتلك.
جاسر: للليال
ليال: سكتت لان عالم منى مو مال فضايح جان حاجز دخلونه للدكتوره ومبين يعرفها شرح الهه وضعي كومتني لسديه فحصت صدري بدايه التهاتات بسبب الفلاونزه كتبتلي علاج وشدتلي كانوله واخذنه الوصفه وطلعنه كتله بغيض
مرا ثانيه لا تلعب دوور ابويه ممكن
جاسر: قصدج عمو حبيبي.
ليال: ردت اصرخ من القهر عل بروده، رررجعني بسرعه صعدت ورا وهوا راح جاب العلاج شمره على وصعد بعد ما خزرني لان صاعده ورا بعدهي الحركه بيه اول ما حركه السياره فتحت الجامه وشمرت علاكه العلاج.
باوعلي بصدمه اني باوعتله بتحدي وكتف ادي ما احس غير شخط السياره وكفها ودارلي. يمه خفت فتح الباب ودخل وياي جان هجومه مفاجئ ثبت ايدي ام الكانوله وسحب ايدي الثانيه ودنك وسط مقاومتي و عضني بزندي لو احس شاطت روحي صرخت بس الطريق فارغ الضهر جان مفضحنه بعد عني كال
جاسر: متحلف بيج من سالفه الهديه وهسه هاي سوايتج انتي متعلمه اذا ما تنعضين ما تجرين عدل.
ليال: باوعتله افرك بالمكان مدمعه لان كلش اذاني صفن بوجهي بس اني ما اتوب كتله، حقير مافيا والله اااكرره، دنك بلهفه قاطع كلامي سحب شفتي بسنونه وبعدين اخذهه بلذه غمضت عيوني خدرانه فصلهه يلهث اباوعله اتعس مني عيونه كوا فاتحهه.
دفعته بقهر ومسحتهه شفتي بقوه كتله بصياح، لاااااتلمسنيي مااا اريدك مشاااعري مو لعبه عندك تدري بيه اضعف كدامك هل تسوي بيه هيج، ي اضعف وقوتي تنهار بس صدكني انت الخسرران ورااح اتجااوز هذا الضعف وشوف
جاسر: محد يتجاوزني اله بمزاجي خلي هذا الشي براسج ياا شيخه.
ليال: كال هيج بعصبيه بارده ووطرق راسي باصبعه صدك باوعتله بحقد وهوا باوعلي بنضؤات ناار نزل وضرب الباب بقووا ورا وشتغل تدخين بس فتح الجامات ساد الصمت كل ما يباوعلي امسح شفتي بعصبيه عناد وهوا احسه يريد يطك وصلني لبان نزلت وضربته بقوا مثل ما سوا خللص استسلم والله خلصت كل الطرق ويا مسدوده لان هو مو طبيعي...
خلصنه ورجعنه هم نفسه الحاله شالي خشمه للسمه ويخوزر من وصلنه للبيت ردت انزل مدلي العلاكه وكال نتر، هاااج علاجج
ليال: جايبه مرا ثانيه لان الوصفه يمه اخذته ونزلت اول ما وصلت يم الحاويه بالباب شمرته كدامه وباوعتله رافعه حاجبي وانكث بيدي بان خلت ايدهه عل حلكه مصدومه لان حجيت الهه شنو سويت قبل.
دخلت بسرعه من شفته تقدم على سمعته عاط بيه من الباب ركضت الغرفتي عل فد نفس لا والله ما اخلي يحرك بكلبي واسكتله وهو يمشيني بكيفه، بس العلاج شلون خليت صخمه كانوله يالله اكيد راح يدزه وهل مرا ما اذبه لا عيب من ابني عمي هههههه...
ميسم: كعدت متاخره والنعاس بعيوني ذبيت شال عل شعري باهمال ونزلت ابجامه النوم متعاجزه واعرف وجوعانه حميت الجاي وطلعت اكل من الثلاجه وسوتلي رايوك جاي اكل وندك الباب كمت الجاي بيدي فتحته وصرت عل جهه.
اول ما فات رفعت راسي وكفت مصدومه وبعدين طخت عندي اليوم يوصلن الاثاث هوا هم باوعلي متفاجئ عيونه مشت عل طولي مثل الليزر الشال هيج خالته باهمال والبجامه إلى لابستهه ستن صح عريضه بس تبقى مال نوم ورجع باوعلي وخزرني خزرا عبالك ملابسه ملابس كال صاك سنونه.
باسل: ااانتي شلووون اطلعين بهاي اااالملابس إلى حدهه باااب غررفه النوم للباب واصلااا شلون اطلللعين بيههه من الغرررفه ابن عمج مووو سااكن عندكم ااانتي مااا تستحيين.
ميسم: باوعتله عاقده حاااجبي بغضب واحس داخلي يغلي واني شلون اعرف الزم الساني كتله بصوت تقريبا نتر، ااعتقد اني موو طفله حتى مااا اااعرف الصح وااالغلط لووو الحلااال والحررام اانت ليش ماااتبطل هذااا التفكيرر السخيف والمتخلف ياارت ماا تتتجاو، كلت هيج بعصبيه وما احس غير حراره كفه بخدي
من قوته وكع الكوب من ايده اباوعليه عيونه نار لزمني من معصمي بقوا وقربني ليه همس من بين سنونه.
باسل: انتي لتجااوزتي هووي ودستي عل خطوط الحمرر لسانج هذا انه اعرف شلون اكصه واكسر راسج واعلمج المتخلف شلون يتصرف لان الضاهرر ااانتي موو مال حترررام
ميسم: جسمي رجف من الخوف ضاغط يدي بقوا وعيونه اطلع نار تريد تحركنيما بيهه نضرت الحي والحنيه إلى دائما اشوفها تلمع بيهه نتر ااايدي بقوا احسهه نخلعت اله شويه ونتر
باسل: وووولي الغرررفتج لا وحق الله اشككهن علليج هسه.
ميسم: باوعتله بقهر من اسلوبه ودخلت بسرعه لاكاني ليث عقد حاجب تركته وصعد صاح وراي ما رديت كبل الغرفتي دخلت نزعت البجامه بعصبيه حتى كطعت الدكم ودموعي تنزل وحدهه وجسمي يرجف، باوعت بالمرايه اصابعه مطبوعه بخدي، لو يموووت ماا اتزوجه بعد الحقييييييررررررر...
عِدني بأن لا تنساني دفعةً واحدةً
تنساني بالتدريجِ اليوم صوتي، غدًا ضحكتي،
ما يلي ذلك بريقَ عينيّ،
أريد أن أتساقطَ من ذاكرتِك كرذاذ المطرْ.
لا كجثَّةٍ هامدةٍ.