رواية الشيخة ليال للكاتبة الوردة البيضاء الفصل الحادي والستون
أينما وجد الرماد
ستجدينني.
أنا الحريق الهائل الذي أحبك
كان بوسعك اخمادي بابتسامة واحدة.
صعدني السويت ماله دخلنه وسد الباب برجله احس نفسي مخطوفه اخذني للسرير تفاجئت شلون مزين بالورد وهسه ذابل تحسرت باوعتله يباوعلي بتعب نزلني وحضني بس بخفه لا يأذي جرحي بس راسه دافنه بقوا بركبتي كال بقهر
جاسر: موتيني والله صدك حسيت متت وعدلت بهل كم يوم ااااااووف موو مصدك رجعتي بين اديه وبحضني هسه الف الحمدالله والشكر.
ليال: حضنته بيهه خوف وشوق بجي وكتله بعتب، ليش تركتني ورحت
جاسر: ماتحملت اشوفج بهاي الحاله وهو يشم الهوا وبلحضتهه متت نعدم عندي كل حساس وما بقى الكره والحقد حتى انتقم منه
ليال: عبالك راح اموت
جاسر: مشفتج بيدي والدم اخذج كلت ترفه ماراح تتحمل رصاصه، بس طلعتي بطله وكد الوعد وما تركتيني هاي المرا
ليال: همم لهيج من كلك يعقوب صحيت بجيت علي
جاسر: منو انه لاا مو الهل درجه.
ليال: كتله بغيض واني اريد ادفعه بايد وحده بس هو مقيد حركتي بحضنه، بعد عني ماتريد تعترف موو والله بجيت على اني سمعتك
جاسر: غلطانه
ليال: ي صحيح نسيت انت حتى ماكلفت نفسك تتصل بيه وتطمن على واني الاتصل غالقه بوجهي
جاسر: لو سامع صوتج جان ما تحملت ورجعت وجنت مقرر ما اخلي شي يرجعني اله وماخذ ثاري يعقوب جان يطمني عليه اول باول
ليال: يعني انت الكتلته
جاسر: تكدرين تكولين هيج.
ليال: ليش تخوفني ترا تعبت من المشاكل والثارات
جاسر: لا تخافين ماعليه ثار ولا واحد راح يطالبني بشي
ليال: شلون يعني ودمه النهدر
جاسر: سالفه طويله وانه هسه تعبان ترا صار سبوع ما شايف النوم
ليال: دنك اخذ شفتي بلهفه ورفعني من خصري ومددني عل السرير بهدوء وهو حاضني غمض عيونه نايم عل كتفي الثاني صدك التعب ماخذه كلش وجها صاير اصفر خليت ايدي بشعرا العب همس وهو يقرب راسه من ركبتي يناغي بيهه.
جاسر: ترين لسه بيج ريحه العرس
ليال: مادري ليش خجلت يمكن لسه مو مستوعبه الوضع لانو ماكملت المراسيم احس لسه مخطوبين بس...
سكتت وهو غفه اباوعله مقفل عل خصري عبالك راح اشرد يااربي شلون مشتاقتله، بقيت صافنه عليه شلون لو ميته وما رجعت اشوفه معقوله جان حب غير والله اجيته بالحلم وموته ويااي الخبيث ما عترف بجه على والله بجيت.
ضحكت عل نفسي شلون اتعارك ويا وهو نايم شفت تلفونه طالع من جيبه سحبته بهدوء ما عرفت الرمز كتبت اسمي ما فتح باوعتله بغيض
حاولت كل الرموز ما صار بالاخير باوعت الايده إلى حاضني بيهه رفعتهه بهدوء ولزمت اصبعه وفتحته بالبصمه كلبي يدك مثل إلى مسوي جريمه
فتحته عل سريع رحت للاتصالات بس عقيل بيهن هواي اتصالت لو اني منه بعد إلى سوا بيه جاسر احضره هههههه.
دخلت فيس ماكو شي بس اصدقائه و طلبات مراسله كومه ما قابلهه واغلبها بنات كلهه ويتغزلن بي الحقيرات حذفتهه وطلعت فتحت انسته نفس الشي همات حذفتهم وسويت حسابه خاص هههه، كعدت انكش بالتلفون ماكو شي اغلبه شغل اخر شي فتت عل الا الستوديو
عززا ملف كامل باسمي وبي قفل كتبت اسمي ما فتح جربت هواي بس رموزه نحسه جاي احول اباوعله بده يتحرك بانزعاج وفجئه فز مفزوع وصاح باسمي
جاسر: لياااال.
ليال: انه هم فزيت وطفر التلفون من ايدي وهوا يباوعلي وبعده بين الكاعد والنايم كتله بخوف، شبيك، فرك وجها وتقرب رجع حضني دفن راسه بركبتي
جاسر: ماكو شي، شلونج هسه
ليال: زينه الحمدالله
جاسر: هممم شجاي تسوين
ليال: اخذ تلفونه وباوعلي ضحك كال
جاسر: هاا بدينه
ليال: هاا شنو اصلا ما عرفت افتحه ردت اشوف بي مسلسلي لانو ما جبت تلفوني
فتحه يكلب بي واني فلت وجهي باوعلي رافع حاجبه كال.
جاسر: لا واضح ما فاتحته البرامج تصوصي
ليال: ي وشنو يعني مسحتهم خاف عاجباتك
جاسر: معجباتي طيرتيهم ليش تغارين لان احل منج
ليال: هه عشتو خلي انشر صوري واسوي حسابي عام ونشوف منو معجبينه اكثر
جاسر: ييي حتى اطيح حضج انتي وياهم
ليال: باوعتله بغيض وكلبت عيوني، ليش اكو ملف باسمي فتحه خل اشوف
جاسر: بي صورج والفيدوات العندي شايفتهم
ليال: وين شايفتهم وهما كلهم اختك الخاينه دازتهم الك من وراي.
جاسر: ي شي خاص بيه مو اله تشوفيهن
ليال: لاا والله
جاسر: هااج كملي مسلسلج ولا تجذبين بعد
ليال: اااخ لاتعض، خل التلفون بيدي ورجع نام كلش تعبان مبين ما شايف النوم فتحت التلفون و جلبت وي الملف ما فتح ستسلمت وطلعت مسلسل صدك تابعت لحد ما نعست وغفيت وياا...
دخلت للغرفه اباوعله متمدد وايده عل عيونه واخيرا اليوم ارتاحينه طول الايام إلى فاتت الكل جان عل اعصابه بسبب خوفنه عل ليال وقلقنه عل جاسر لانو جان مختفي بس هسه الحمدالله راح نجر نفس واني وضعي تسقر قللت الحركه وصرت اهتم بنفسي لانو يعقوب فوك راسي، وكفت افتح بشالي شال ايده عن عيونه، كال
يعقوب: ها خذاها المخبل
هبه: بتسمت ي اخذهه
يعقوب: حقه عمي لازم ياخذه، تعالي نامي اليوم هواي تحركتي.
هبه: هزيت راسي اخذت ملابس نوم بدلت ورجعت دخلت للفراش فتحلي اديه بتسمت ونمت بحضنه باوع بوجهي بصفنه تنهد وكال
يعقوب: صايرا هادئه هواي
هبه: من عاشر القوم جاي اخذ من هدوئك
باوعلي متفاجئ كال
يعقوب: بس انه ماريدج تصيرين مثلي
هبه: يكولون انو الانسان الهادئ يكون داخله ضجيج واني اريد اصير مثلك حتى ما اموت من الفضول حتى اعرف شنو سبب هذا الهدء البيك.
يعقوب: هه انتي صدك جاي تحجين، قصدج انو اني بارد وياج من ذيج الليله وانتي متغيرا وياي
هبه: ليش تضل تذكر ذيج الليله رغم انو انتن بررت واني عذرت ومو بالي، يعقوب لتحط ابالك مبيه شي بس تعرف نفسيه حوامل، يباوعلي بتفكير مو مقتنع، دك تلفوني نقذني رديت بتسمت، هلو حبيبي لؤي
ههههههه واني اكثر والله ي نشالله راح اجي عن قريب، سلملي عليهم هههههه، ي هذا يمي
باوعت عل يعقوب، لؤي يريد يسلم عليك.
هز راسه نطيته التلفون واني كمت اخذ علاج شوي ودعه درت وجهي وما احس غير يعقوب
طفر من السرير وتلفوني بيده تقرب على وخلا كدامي بلعت ريكي وهو جسمه كله يرجف كال
يعقوب: منين جبتي هاي الصوره
هبه: مثل ما انت شايف من هذا الحساب إلى مسكرنتهه منه
يعقوب: وشدخلج عليه
هبه: من الملل واني انتضرك سكرنتهه لانو عجبتني ليش وين المشكله، باوعلي رافع حاجبه
يعقوب: هذا برودج وتغيرج بسببهه مو.
هبه: لاا لانو زيارتك الهه مو زاعجتني ولا جنت واجهتك بالصوره وسويت مشكله اكيد ماراح اغار من وحده ميته
يعقوب: هه ي واضح.
هبه: ي بس إلى مو واضح انو اني ميته غيرا من مشاعرك الحيه تجاها وكل مرا تثبتلي انو هي بعدهي عايشه بداخلك سواء بكلامك او تصرفاتك انه اموت ميه موته وهذا الشي مو بيدك اعرف ولا راح الومك او اسوي مشكله بس انت هم لا تلومني خليني اتقبل هذا الشي وبعدهه كلشي راح يصير تماما صدكني راح ارجع مثل قبل لانو اعرف انت تحبني وما انكر هذا الشي بعد كل إلى سويته علمودي، تصبح عل خير...
يباوعلي مصدوم وصافن بوجهي واني احجي بغصه بس احس جبل ونزاح عن صدري وصرت اتفس براحه دخلت للفراش وغطيت راسي سمعت طكت الباب عرفته طلع وجبرت روحي انام يمكن الوجه الفجر يالله غفيت من حسيته دخل للغرفه وشميت عطره يمي...
كعدت الصبح فتحت عيوني نايمه بحضنه بسته بخده فتح عيونه بنعاس بتسمت...
صباح الخير، تقرب باسني بشفتي وكال
يعقوب: بتنهيده صباح النور
هبه: اليوم اروح اشوف بابا تاخر عليه
يعقوب: وتبقين.
هبه: ي راح ابقى يمهم اليوم
يعقوب: براحتج بس باجر اجي عليج
هبه: اوك، هسه ممكن تححرنه، بتسم وفتح اديه بس مبين لسه متاثر بكلامي صرت اتمنى ينسه الموضع وكلامنه البارحه ماردت يصير بينه حاجز جنت منتضرا اكدر الملم نفسي وتخطى الموضوع بس تناقشنه البارحه ماتحملت ونفجرت بوجهه اااوف من الساني.
نزلنه تريكنه بعدهه ودعت الكل وطلعنه وصلني لهلي ماقبل يبقى للغده طول اليوم بقى بالي يمه لان وضعه مو طبيعي صار صرت الوم نفسي لان حجيت لهيت نفسي وي بابا واخواني سهرنه الوقت متاخر وقبل لا انام فتحت التلفون لكيته مخبوص بالاتصالات والرسائل، هاا وينج ليش ما تردين، وغيرها حتى معصب واخر وحده.
هااا رحتي وما ترديني بعد مو بس مو بكيفج عبالج اتركج والله غصبا عليج باجر اجي اخذج، اقرا الرسائل بستغراب وضحكت عل اخرها، كتبتله
اسفه حبيبي والله جنت سهرانه وي الولد والتلفون مو يمي بس ليش هيج معصب صاير شي، ثواني شافهه ومارد علي، رجعت دزيتله
شلونك، هم مارد ثواني وصلني منه مقطع فيديو مال شعر
هبه: ضليت اعيد بالفيديو وخانكتني العبرا، تصلت بي رد ساكت كتله بصوت مخنوك
شبيك ضايج حبيبي ليش لسه ما نايم.
يعقوب: راح اجي اخذج
هبه: هااا هسه
يعقوب: ي ماكدر انام هبه اريدج فدوا لا تعارضين خل اجي اخذج
هبه: بس شلون كلهه نامت والوقت اتاخر اخاف عليك
بعقوب: ااااااانتي تحررركني وترحين ونوب دكوووولين ااخف عليك
هبه: عاط بيه دمعت كتله بنتر، لااااا تجي والله ولاا اروح وياك
يعقوب: اااه هيج يي ادريج بيج ما ترديني بعد
اطلعين سوالف من عقلج حتى تعوفيني ضلي اخذي رااحتج رتااحي مني.
هبه: كال هيج وسده مثل طفل متذمر سديته واني هم طنكرت بقيت سهرانه اسمع بالفيديو واعيد بي احسه هوا جاي يحجي بصوته ويشرحلي مشاعره واني مبتسمه وضايجه بنفس الوقت لحد ما غفيت
كعدت عل صوت التلفون سحبته ورديت بنعاس
الووو
يعقوب: كعدي يالله منتضرج جوا
هبه: هااا
يعقوب: ما شبعتي نوم ندري بيج مرتاحه هنا بس مو تنامين ل12 يالله كعدي اني اجيت.
هبه: يي، يحجي بغيض سده واني بقيت صافنه بالتلفون لعد وكلامه مال البارحه وضلي وضلي رفعت راسي باوعت الساعه بالسبعه جاي من الصباحيات ويكول ب 12 وشابعه نوم ومرتاحه نعمه بدينه نتخبل حسدته هههه...
من اخر موقف بينه وصرنه مناكر طلع زعله صعب واني رغم اني الغلطانه بس هيهات اعترف من ليال بالمستشفى كل يوم العصر يجي ياخذني الهه ويرجعني نحجي عل كد السوال وسوالف عاديه اليوم رجعت وجان اخر يوم نتضرته يراسلني لو يتصل طول اليوم ماكو
ضجت بس ما بادرت بس حجيت وي رحاب
وحاجتني علمود التقديم ضجت اكثر ليش مو حاجاني نمت
كعدت عل رزاله من ماما فتحت عيوني بنعاس باوعتلهه
ام ليال: هنيالي انتي ما خطوبه وزواج انتي.
ميسم: صباح الخير ماما شكو اليوم الرزاله صاعدتلي برجليهه
ام ليال: كوومي يا مسعده خطيبج واخته من ساعه كاعد جو شوفي تلفونج وين يكول اتصل مغلق
ميسم: طفرت من الفراش خرب كالت اليوم رحاب اليوم نروح نسجل واني من الضوجه منه قفلت التلفون ونمت نزلت ماما تكلهم جايه واني بدلت عل السريع بس بكشخه اول مرا راح افوت للجامعه مالتي نزلت قبل لا ادخل بلعت ريكي ودخلت همزين ما نتحاجه بلكي ما يرزلني.
كاعد مدنك عل تلفونه من كلت صباح الخير رفع راسه كصني كص وهو مخنزر ورحاب هي تولت الرزاله ترخص من ماما وكام طلعنه ورا ردت اصعد ورا بس رحاب العوبه سبقتني كعدت يمه
يسوق بهدوء وما حجه شي مستفز يعاملني عبالك مو موجوده
رحاب: جبتي كل اوراقج
ميسم: اي كل إلى كلتي عليهم جبتهم
رحاب: اوك تمام.
ميسم: طبعا الحمدالله رحاب طلعت طب واني هندسه مثل ما اريد بيومها طرت من الفرحه واول واحد باركلي هوا وهوا جان اول واحد اشاركه حلمي من جنت اراسله عل انو رحاب ما اعرف شلون فتحت كلبي وحجيتله وبقى يشجعني وهسه باقي بس اقدم عل تخصص التصميم الداخلي وكلشي يكون تمام دخلنه للجامعه هنا اخذني الحماس والصفنه صرت اباوع باعجاب وبتركيز عل الاقسام والكليات تصميمهه والحدايق كلشي مثل اي وحده اول مرا تفوت المكان مختلف ما جنت اعرف اكو عيون تراقبني باوعتله باوعلي بغيض لان هواي طلاب عباله اباوع عليهم.
دنكت راسي وهو ماجه صار يمشي بصفي وكلش مغثوث من الوضع اول ما رحنه قدم الرحاب ورجع قدملي بس هلكنه من الروحه والرجعه وهو كلش تعب بالاخير كعدنه بالحديقه وراح يجيب ستنساخات ما فوتنه لانو زدحام
كاعدين وما احس اله خيال فوك راسي رفعت راسي ولد شاب مشبهه عليه بتسم بوجهي وكال
سلام ميسم موو
ميسم: اهلا ي ميسم منو حضرتك.
لؤي: ببتسامه اني لؤي اسف ما صارت فرصه نتعرف بس اني اعرفج من قبل كلت اسلم واخاف محتاجه مساعده لون شكلج جاي تقدمين اليوم
ميسم: من كال اسمه عرفته اخو بان كمت وكفت ورديت عليه السلام ببتسامه، اهلا وسهلن اسفه ما اعرفك من قبل
لؤي: لا عادي ما كلتلي محتاجه مساعده انتي والاخت ما عرفتينه.
ميسم: باوعت للاخت حاطه رجل عل رجل وتهفي بالملف إلى بيده وجها صاير احمر من الحر وتباوعله بطرف عينهه خذتهه الغيرا عل اخوها تعرف بي خطبني من قبل عززا نسيت باسل هسه يجي شيخلصنه كتله بسرعه...
لا تسلم ماتقصر بس وياي باسل اقصد إلى هوا خطيبي وهاي تكون حماتي اخته رحاب
لؤي: اوو تشرفنه انسه رحاب
رحاب: اهلا.
ميسم: الولد جان شكد لطيف وذوق وهاي الحيوانه ردت عليه من ورا خشمهه ولاويه حلكها حتى هو ستغرب رغم كلش جان مركز وياها كال خازرها
لؤي: اترخص انه واي شي تحتاجينه اني بالخدمه همات اداوم هنا السنه رجعت اكمل ماستر
ميسم: تسلم ما تقصر وبالتوفيق نشالله، هز راسه وجاي يمشي بعده اول خطوه ونزت الست
رحاب: دروح شكد غثيث نخطبت وبعد لازك
لؤي: عفووا.
ميسم: عزاا شكله سمعها ولتفت عليهه وهي كامت مكتفه اديهه وكلته بنفس الاسلوب النعالي مالهه
رحاب: ماكو شي
لؤي: ي مو اني اطرش شنو قصدج غثيث من تقرب منج اصلا شوفي خل انصحج بما انو انتي مرحله اول مو اي واحد يحاجيج عبالج يريد يصاحبج اكو شي اسمه ذوق بالكلام
ميسم: كتمت ضحكتي وهي شاطت
رحاب: شنوو قصدك اني ماا عندي ذوق بعدين شنو هاي مرحله اول شايفني زعطوطه كدامك
ميسم: اشو هذا صار يباوع عليهه وخذاله صفنه.
طبعا رحاب صاكه عل اخوها حتى طولها وجسمهه حلو واليوم خاله شويه مكياج وكاشخه بلبس جامعي طالعه غير عن المدرسه تخبل، باوع عل طولهه وكال بتنهيده
لؤي: لا والله بس السانج زعطوط مال مرحله اوله
ميسم: يمه هوا كال هيج وهي تخبلت رادت تخهد عليه عززا هاي البت صكطتهه صايرا وكحه مثلي واني الصرت هادئه ولو هي ما بيهه هده صوتهه ناعم وناصي احسهه تعارك باناقه هههههه
رحاب: ااانت واح...
ميسم: سحبتهه بكرصه وهمست الهه، خل يروح لا يجي اخوج وشيخلصنه بلعت السانهه وكعدت مبوزه كتله بضحكه، ههههه اسفه عذرها بس هي متوتر شوي لانو كليتهه صعبين طب وماجاي نخلص التقديم كل شوي طالعينه بسالفه باوعله رافع حاجبه
لؤي: دكتورا
رحاب: اخاف ما عاجبك كلي اغير الاختصاص مدامني هنا
لؤي: هههههه لا الله يسهل عليج مرخصتكم بس بس شلون راح تصيرين ملاك وانتي لسانج هلاك.
ميسم: ضحكت وهي غيمت مخنزرا ضحك واشرلي بيده باي ومشه ما لحكت ترد عليه، وما نحس غير باسل فوك راسنه دخلنه تحقيق عليه لان شافه من راح ومن عرفه منو تخبل ازيد من اخته شنو يريد وين يعرفج وشكو يسلم وهي تكله فد غثيث واحد يرفع واحد يكبس اكلو راسي طول الطريق بس كلش فرحت وتشفيت بي من شفته شلون شتعل من الغيرا.
رجعت للبيت بعد ماغدانه وكبل للنوم لان من غير شي صار فترا ما نايمه عدل كعدت عل التلفون هوا يصل رديت بسرعه كال
باسل: هم نايمه نزلي انه جوا اريد احجي وياج
ميسم: هاا وين جوا عدنه
باسل: يي يالله ماريد اتاخر نزلي اريد احاجيج.
ميسم: اوك نازله، سديته وكمت غسلت وبدلت عل السريع ورتبت نفسي لفيت الشال ونزلت كاعد بالستقبال لاكتني ماما برزاله عل نوم وحطت بيدي صينيه التقديم اول ما فتت جان يمه ليث وبابا ترخصو وطلعو باوعتله سلمت وتقربت خليت الصينيه عل الطاوله اجيت اكعد كال.
باسل: قفلي الباب خلي نحجي عل راحتنه.
ميسم: كمت بستغراب قفلت الباب ورجعت ردت اكعد يمه ما احس غير سحب ايدي وكعدني بحضنه وقفل عل خصري باوعتله متفاجئه سحب شال ودنك اخذ شفتي بدون بلهفه مال مشتاق واني هم ما قصرت حاوطت ركبته وبادلته صايرا كلش ماعندي كنترول عل مشاعري تجاها اني هيج ماعندي حل وسط...
فصلهه بعد ماحتاجينه الهوا خله جبينه عل جبهتي وكال وهو يلهث، خلي نزوج.
ميسم: باوعتله متفاجئه جنه مقررين عل نصف السنه، رد سحبني عليه وصار يوزع بوسات متفرقه عل طول ركبتي نسيت منو اني اصلا همس
باسل: ما اكدر انتضر اكثر اريدج يمي وقبل لا تلتهين بالدوام خل نستغل هذا الوقت شكلتي
ميسم: مممم، باوعلي بتسم
باسل: يعني اعتبرها موافقه
ميسم: هزيت راسي بخجل عزز نسيت نفسي...
تنهد براحه
باسل: شعجب مة عاندتي
ميسم: بعدك زعلان.
باسل: يعني من ساويتي كلمتي بالكاع شتتوقعين ميسم لاتستغلين حبي الج عل حساب حترامي
ميسم: اكيد احترمك شهل كلام بس صدكني وضعي ما جان يسمح بالتفكير ستغلت انو انت ما اهون عليك انو ما تتركني يمهه بس من ادخل بابا قطعت الامل
باسل: هههههه اذا هيج الشغله مال دلال مو عن قصد نعديهه بس بمقابل طبعا
ميسم: شنو
باسل: قافله الباب عدل مو تعالي اخذ المقابل مال 3 ايام زعل.
ميسم: ضحكت بس سواها صدك وطلع الزعله من عيوني حتى من راح وطلعت ماما كالت شبيج مسطوره مثل السكرانه رجعي نامي احسن وهو غسل وجها بكلاص مي يالله صحصح وكدر وكدر يسلم عل ليث قبل لا يطلع
باليلتهه سهرنه للصبح وحنه نضحك عل رواحتنه وكملهه بالحجي سوالف اشلونج شخبارج راحت واني العبالي هادئ وبارد طلع بركان حضرته
بس احل شي اني احجيله عل خططي للعرس وهو يسمعلي بتركيز وما عترض على شي بالعكس كال
باسل: بس هيج سهله.
ميسم: وانت شنو تريد حتى اضيفه للترتيبات
باسل: مو انتي العروس كلشي ما اريد بعد بس زوجوني
ميسم: ههههههههه، خلص خلص لا تبجي والله راح نزوجك
باسل: تضحكين على مو ي نشوف منو يبجي بالاخير وقبل شوي صارت تتحجج لا احد يجي وشردت من ايدي والله طلعتي بس السان
ميسم: عرفت شنو قصده، كتله بغيض لا تذب حجي انتي ما تستحي
باسل: نعم الله عليج صرت ما استحي بس صوجج خليتيني افجر بعد ما سويتي عندي كبت بالمشاعر هههههه.
ميسم: ضحكت وهو ضل يحجي على وشلون جنت اقهرا وكل مرا يشوفني شنو يحس وشيصير بي وهاي اول مرا نحجي هيج واني ساعه اضحك وساعه انصدم والله لو اني منه جان تخليت من زمان لان كلش طول خلك وياي والحمدالله انو ما تخله عني لو لو افر الدنيا محد راح يحبني مثله واني ردت اضيعه بغبائي...
نايمه عل جهتي وهوا بجهه طبعا من يوم كلامه بالمستشفى واني ما اخلي يتقرب مني وهددته ارجع لهلي وهو يخاف اسويهه صدك لانو بومها صدك نقهرت وهسه عل اساس مسوي نفسه محترم حدوده يخليني اغفه ويحضني مايدري بيه اصلا ما انام اذا ما يسوي هيج اليله كلش قافل كاعد ويدخن
هسه باقي تحركت عرفني كاعده كال بغيض
ليث: شوكت نخلص من هذا الوضع يعني كلمه طلعت بدون تفكير وضع طايح شلو بالله نضل هيج ياكلمه رجعي المكانج.
بان: ما راح ترجع تعرف ليش لان حجيتهه كدام الكل وجرحتني بيهه
ليث: لج انتي غبيه يعني كتلت روحي وسحلتهه وهاي انه اعترف طاح حتى حضي يالله كدرت اخذج وهسه كلمه روحت كل هذا عندج وصرت ما اريدج
بان: لاا اعرف هذا الحجي كله بس انت جرحت كرامتي كدامهم حسستني عرسنه جان شؤم وصار هيج بسببه بعدين تعال هنا كتلت هيج بسرعه تقرب على صحت، لاااا تتقرب ما قصدي هيج والله اكوم ترا، رجع بعد وخزرني.
ليث: لا ااااله ااااله اااالله
بان: ي المهم نسيتني شنو ردت اكول، بس انت ما عندك شي عندي لحد ما تصحح غلطتك
ليث: ي ست بان وشلون اصحح غلطتي بالله فيدينه لانو اريد اصححها باسرع وقت
بان: هممم خلي افكر
ليث: ي بالله فكري شطلع وياج فضينه.
بان: عل كيفك ستوا فكرت هااا يي، انت مو كلت عساني لا ازوجت اوك عتبر نفسك ما ازوجت واذا تريد تسحب هاي الكلمه وتصحح غلطتك فلازم ترجع بالزمن لقبل لا تحجيهه وقتهه بس راح ارضه وصدكني اذا تقرب مني ماراح ابقى وياك بمكان واحد...
ليث: وحق ااالله مخبله شلون ارجع بالزمن بالله اااااخ ياااا صبرررر ايوب.
بان: بقى يدرد ويحجي على واني اضحك بس نقهرت لان دخن هواي سكت مرت نص ساعه ترب على بهدوء كلش من تاكد نمت وسحبني الحضنه همس وهو يدفن راسه بركبتي
ليث: خبله بس احبج انتي وعقلج ابو الافكار الخايسه ارجع بالزم من الله يطيح حضي وحض الساني
بان: درم بذاني همس وي روحه لحد ما غفه.
كاسر خاطري ما يهون عليه اجافي باحله ايام بحياتنه بس هوا زعلني واذاني بكرامتي حتى لو بدون قصد لازم اخذ موقف حنى ما يعيدهه فا خلي يتحمل عمل ايده، دفنت نفسي بحضنه ونمت زعل نص ردن هههههه.
- إخُذني لِ وين ما عندك
آنه ب گلبي بياض هواي
يرهم سالفه لِ خدّك
وأحلّيك ب سماري ولهفتي تدفّيك
وأوگع وين ما ودّك
وآنه كُلي حَنين
وحتى إذا زعلان من تشتاگ ماردّك.