رواية الشيخة ليال للكاتبة الوردة البيضاء الفصل الثاني والستون
عانقنيّ.
- لِماذا؟
أحتاجُكَ.
- مَن أحزنكِ؟
لا أحد.
- إذاً لماذا العِناق؟
بِلا سَبب.
- أخبرينيّ؟
فَقط أُريد الأختِباء.
- تعاليّ
ليال: فتحت عيوني بنزعاج من لحيته إلى اجكجك بركبتي وهو يحاول يصحيني رفع راسه باوعلي بتسمت، صباح الخير
جاسر: صباح الورد وهاي اجه اليوم إلى نصبح بي بوجه بعض...
ليال: تنهدت بتسم ودنك باس راسي
جاسر: شلون حاسه اليوم
ليال: زينه بس شويه بزه بكتفي
جاسر: ي هسه تاخذين علاجج وتصيرين زينه.
ويالله صحصحي امج والبنات جوا
ليال: هزيت راسي رفع الغطه ويريد يشيلني للحمام كتله بضحكه، جاسر ترا ايدي إلى مضروبه مو رجلي. وكف ضحك وحك راسه
جاسر: ههههه هاا يعني تكدرين تكومين.
ليال: ي، مدلي ايده ساعدني كمت، دخلت للحمام عرض خدماته بس ما قبلت ضغطت عل نفسي شوي وحسيت الوجع بده يزيد طلعت جان مبدل بس اني بالبجامه حا ابقى ما عندي غيرها كلت الماما تجيبلي وياها وكف يمه عل مرايه اريد الف شالي خلص تمشيط وباوعلي، اخذه من ايدي كال
جاسر: ماكو داعي ماكو احد بالبيت غيري
ليال: اوك بس عل الاقل ارفعلي شعري
جاسر: لاااا حلو هيج خلي لا ترفعينه...
ليال: جاي يزعجني حا اخلي ماما تسوي ضفيره.
جاسر: وليش ماما اني اسويلج
ليال: تعرف، حك راسه
جاسر: احاول
ليال: بديه يحاول والنتيجه جانت كارثيه شربك شعري وخلا ما ينفك ردت ابجي، جاسر صدك تحجي شسويت
جاسر: انتي ردتي تعرفين شعرج مو مال تمشيط
ليال: لاا والله ليش مو مال تمشيط وحد
جاسر: هو مفلفل لازم يبقى هيج او يتعقد
ليال: باوعتله بغيض وعتيته من ايده، اذا تعرف هاي المعلومه الخطيره ليش تبرعت تضفره بعدين شعري ناعم واكدر كلشي اسوي بي.
. احجي ومقهورا وهو فلت وجها
جاسر: ضجتي شنو ترا مو قصدي غير يموت شعرج وانه اموت عليه شتردين بعد
ليال: اريد ماما يالله صيحها اني صوجي اجيت يمك
جاسر: نجبي عصبن عليج مكانج يمي.
ليال: باوعتله بطرف عيني وهو خنزر علي، نعمه هاي اول يوم هيج باوعت الشعري وبرطمت، شوي صعدت ماما وميسم وهاي العار تضحك على جابو ملابسي واغراضي، ماما فتحت شعري ودخلت وياي للحمام لفيت وساعدتني اغسله واني غسلت جسمي بالي اكدر عليه ورطبته لبست فستان بيتي قصير ناعم وطلعت ماما مشطت شعري
مشربك واذاني بالتمشيط بقيت ادرم عل جاسر وماما تكلي هاي بقيتو سوا يوم واحد وهيج تناكرتو ضحكت سويته ضفيرا عل عناده.
صعدت عمتي جايبه الاكل جايبلي مشاوي وراجع طالع بتسمت، ليش تعبتي نفسج عمه جان نزلت اني
ام جاسر: لا حبيبتي لاحكين كومي بالسلامه هسه
ليال: عاشت ايدج، تريكت وبدت ميسم تحجي عن خططها للعرس طبعا كلش فرحت لانو قدمو العرس لانو ذول مو مضمونين يوميه متناكرين وهاي طكه ونص بقو يمي لضهر وراحو
كعدت ماله شوي ودخل باوعلي وسلم بثكل عود زعلان كتمت ضحكتي
جاسر: سلام.
ليال: اهلاً، نزع قميصه شمره ودخل للحمام غسل وطلع، كتله، تغديت
جاسر: لا هسه ننزل نتغده لو اجيبه الج هنا
ليال: لا مو جوعانه اكلت متاخره
جاسر: هاا براحتج...
ليال: طلع برموده لبسهه واجه شال الغطه نام بصفي رفع راسه باوع عل كصيبتي كال وهو يلزم بيهه
جاسر: هاي شلون سوتهه صدك حلوه ولايكتلج
بس انه احبه مفتوح
ليال: يضايكني وبفضل حضرتك تكطع اليوم واذاني، تنهد وتقرب نام نومته المعتاده حضني وخله راسه عل ركبتي.
جاسر: اسف المرا الجايه راح اتعلم واسويهه الج بيده بس بطلي هاي ما صوجي اجيت وياك
ليال: هههههه خليك بعيد عن شعري واني ما اوعدك ما ابعد عنك
جاسر: هههههه احاول، اافيش شنو الريحه الطيبه
ليال: ريحه نضافه، سبحت
جاسر: شلون سبحتي غير تكليلي اني اسبحج
ليال: اني ماما ما خليتهه اخليك انت
جاسر: طبعا ما تخلينهه بس اني اختلف، هسه شنو اغيرلج الضماد
ليال: هاا لا ليش انت بعد شوي تجي بان وتضمده باوعلي بغيض مضيك عيونه.
جاسر: ليش شنو مو بعينج اني لو بان احسن مني
ليال: كتله بقهر مو هيج بس جاسر ماريد تشوف جسمي بهاي الحا...
جاسر: اااششش شنو هذا الحجي شبيهه حالته بعدين اعتقد ماكو داعي اكلج اني ما ماخذج عل جسمج والحب ما ينقاس بهاي السوالف وم هذا الحجي مو. بس الصراحه ماخذج علمود فلافيلج
ليال: ضحكت وهو كام جاب الاسعافات وكعد يم عل السرير بقينه واحد يباوع بالثاني كال
جاسر: هاا يالله.
ليال: شنو هاا اي، مديت ايدي فتحت صرت افتح الدكم مال الفستان بايد وحده، شافني هو تقرب اكثر بعد ايدي وصار يفتح بيهم خجلت لانو ماجنت لابسه شي جوا بسبب كتفي وهو ايده صارت اطخ بصدري صخنت من زمان ما متقربين هيج من بعض نزع الفستان عن كتفي
ومن صارت عيونه عليه صا نفسه عالي يضرب بشره جسمي هز راسه واني.
درت وجهي وهو صار يفتح بالضماد ويعقم الجرح نزلت دموعي من الوجع وهو ساكت مركز خاف ياذيني ايده كلش خففهه بس اباوع لعيونه صارت حمر من العصبيه وايده ترجف لو ادري ما مخليته يشوفه، خلص ورجع لبسني الردن باوعلي تنهد بتسمتله مو بين دموعي مسحها وباس راسي وضمه الصدرا
جاسر: صدكيني حاس بوجعج واتمنى كله اسحبه الي.
ليال: لاتكول هيج ما بيه ش، قاطعني ماخذ شفتي بين شفايفه ونزل ايدي إلى رفعتهه حتى اسد بيهه الدكم ونزل راسه بركتي صار يطبع اثار حبه وملكيته اني نسيت نفسي والوجع بس من صار يتماده ورفع طرف فستان ونزله عن كتفي اكثر واكثر تشنج جسمي تقائين ونوجعت اول ما حس بيه بتعد بسرعه باوعلي عيونه ذابله كال بخوف
جاسر: هاا أذيتج.
ليال: باوعتله بس ارمش بعيوني ونفسي عالي رفعت ملابسي لكتفي غطيته، بلعت ريكي كتله. ماتتفاهم، ضحك ورجع حضني كال
جاسر: هههههه الله وكيلج هاي عود اني مسيطر وبالي يمج بس غير عسل شلون اتفاهم
ليال: بتسمت، شو رجعت نمت ماتنزل تتغده
جاسر: ماريد اكل خلي اشبع حنانه هسه شو خلي ايدج بشعري
ليال: هههههه، خليت ايدي بشعرا العب بي وهو غمض عيونه كتله، جاسر كتلته
جاسر: هم رجعنه ليش تغثيني بسيرته.
ليال: لا حباب ريحني وكلي شسويت بي شلون كتلتهه.
جاسر: ما كتلته غشيم اجيب الروح ثار بس عقيل اتصل بيه واكدلي انو هوا إلى ضرب علينه بالعرس وانه من يوم ما ضربني وانيش وره ولزمت عليه ادله قويه كلت هسه اجه وقتهه رحت البغداد وبديت اراقب الاماكن إلى يتردد الهه ليل وي نهار لا اكل مثل الاوادم ولا نوم لحد ما لكفته ونطيته المقسوم بس ما موته كسرت رجله ورصاصه بصدره وهاي ثارج وشمرته بالستشفى ودزيت العشيرته الادله بدون ما يعرفون من منو وكتلهم بوقت تسليمهه للمحكمه والضاهر هما ختارو موته عل الفضيحه.
ليال: عززززا كتلو هما
جاسر: ي لانو هو الوحيد اليشتغل بهاي الشغله تخيلي ابن الشيخ يلكف بمخدرات معناها عشيرتهم وهيبتهم راح تصير بالارض اذا طلعت عليهه هيج سمعه وعل مر الاجيال فهم ختارو يطمطمون السالفه باموته وهيج لا من شاف ولا من درا حتى اذا طلعت يكدرون ينكرون وراح يجون يفصلونه هم بعد ما عرفو هو إلى تهجم علينه وهيج وله الجهنم انسي السالفه ولا تجيبين سيرته بعد...
ليال: الله يرحمه، باوعلي بخزرا بلعت الساني
جاسر: فوك ضيمج كوات عينج ماراح يرحمه لا تخافين
ليال: ضحكت عل نرفزته، ورتاحيت انو مو هوا إلى كاتله جان ما خلصنه بس شلون ما موته عل ايد اهله وعشيرته راح فلسان من كلشي هاي جزات اعماله ماكو غير الله يرحمه لان الميت ماتجوزله اله الرحمه، اباوعله غفه احسه ما شبعان نوم العصر اجوي هلي كلهم حتى عمو وهبه ويعقوب بدلت ملابسي بصعوبه تركته نايم.
لفيت الشال ونزلت يمهم سلمت وبابا صاحني يمه كعدت حاضني كل شويه وباس راسي
ادري بي يحبنه ويخاف علينه بس اول مرا هيج يكون صريح بتصرفاته ويضهر حبه وخوفه دائما شخصيه الشيخ هي الغالبه عل تصرفاته، ميسم بقت تنكز من الغيرا والكل يضحك عليهه شوي ونزل جاسر سلم عليهم وكعد كل شويه يباوعلي شلون بابا حاضني
خرب هذا هم غار شنو
كامو البنات للمطبخ يساعدون بالاكل وهو طلع همات يجيب مشاوي.
كمت يمهم بالمطبخ وهما يطردون بيه كعدت اكرط اخيار يم بان وفات ليث بيده الجكاير وطلع للحديقه بدون ما يلتفت وعيونهه راح ورا باوعتلهه عاقده حاجبي، شبيك
بان: بتنهيده ماكو شي لاتهتمين
ليال: ماهتميت يالله شبيكم
بان: هه، حجيت الهه إلى صار خنزرت علي
ليال: هو كال هيج اكيد لانو جان متوتر ترا هو اكثر شي يضوجه من يشوفج تبجين حتى كلي اتخبل من تبجي وانتي الله يسلمج ما تعرفين تعبيرن بس بهاي الطريقه الطايح حضها.
بان: طا حضج غير ابجي عل حضرتج
ليال: ههههههه اروحلج فدوا اني بس صدكيني مو قصده عديهه اله هاي المرا الخاطري لاتخليني احس بالذنب بعدين حرام تروحون حلاوت هاي الايام عل هيج سوالف ما شبعتو صار سنين وانتم هيج وهسه من نجمعتو انو تبتعدو عن بعض
بان: لانو احبه ولكل هاي الاسباب الكلتيهه اذتني كلمته وكالهه كدام الكل.
ليال: وانتي مقتنعه هو قاصدهه، ليش ساكته خلص ما اضغط عليج بس فكري بكلامي وانتي قرري، تركتهه وكمت نشالله كلامي يجيب نتيجه لانو اعرف بان شلون حساسه وهو اكيد ما جان يقصد بس غلطه الشاطر بالف...
بان: بعد ما كامت ليال كلامهه كلش غير تفكيري يمكن الموضوع ما يحتاج كل هذا الزعل مني بعد كل إلى عانينا، بعد ما صبينه الاكل طلعت ورا واكف بالحديقه يدخن والله اعلم هاي يارقم
كتله، صبينه الاكل تعال تعشه.
ليث: جاي يدخلي انتي
بان: كاف جكاير يالله تعال
ليث: يي
بان: تنهدت ودرت اريد ادخل ما اعرف شلون ابدي وياي الموضوع راحت الزعله بس ما اريد اني إلى اصالحه، وكفني صوته من كال
ليث: بان
بان: همم
ليث: باجر راح اروح البغداد علمود مشروع وراح ابقى اسبوع لانو يعقوب يريد يشطب بيته وجاسر ما يكدر يترك ليال يعني ماكو غيري
بان: رفعت راسي بسرعه وملت عيني الدموع ما صار غير اسبوع عل زواجنه كتله بعبره، توصل وترجع بالسلامه.
ليث: وانتي
بان: شبيه
ليث: شنو شبيه كل عقلج اتركج اسبوع شفتهمت منج اريد تجين وياي وقبل لا تكولين وتتحججين، ما اتقرب منج واحترم قرارج وزعلتج لحد ما نشوف حل السالفه الزمن بس انه ما اكدر اتركج اريدج وياي هاا شكلتي
بان: يمه احس طرت من الفرحه من كال هيج ابدي ابوسه من حلكه عل هذا الكلام، بس ثكلت نفسي كتله بغرور وعود ما هامني
بكيفك اني هم ما اريد احد يحس علينه عيب منهم.
ليث: ي بس انه حاركه جدي بخبالج جهزي نفسج باجر ورا الغده نطلع وحسبي حسابج راح نبقى سبوع
بان: هزيت راسي واني اخفي فرحتي والله لو ما مسوي هيج جان حركتك يا ليث لو تاركني.
دخلنه ونجمعنه كلنه عل الغده وهل مرا جانت جمعه كلهه حب وموده نتشارك بالحديث والسوالف والضحك كعده تشرح الكلب اول مرا احسنه صدك عائله وحده باوعت اليال صاحبه الفضل الاكبر بهاذ الشي والله جدو ما غلط من ختارها وخلاها شيخه هي إلى جمعته رغم كل هاي المشاكل والصعاب الله يديمهه يارب ومايحرمنه من هاي الجمعه، جان يوم سعد والي ضافله الفرحه الاخبار الحلوه مثل قرار يعقوب إلى صدمنه...
هبه: من اجه اخذه من اهلي عود زعلان ومثكل وجها واني سايرته اخذني للبيت اول ما وصلنه بدلت وهو دخل بدل من طلع واكفه عل المرايه سحبني من ايدي تمدد عل السرير وسحبني بحضنه ورجع نام بدون كلام واني اباوعله متفاجئه بس بتسمت صدك مبين ما نايم يعني ما جذب من كال خل اجي اخذج ما اكدر انام
تنهد وخليت ايدي عل وجههى اتلمس بلحيته عبالي نايم كال
يعقوب: خليني اخمد مو مريضه وتتحرشين بيه وترديني اصبر.
هبه: نزلت ايدي بسرعه عززا حسسني ازحفله شدني الحضنه ونام اني هم رجعت غفيت حضنته تسوي واهس لنوم كعدنه بوقت متاخر وهو لسه يمثل دور الزعلان تريكنه وهو راح للشركه رجع العصر رحنه البيت جاسر وجانت اللمه تجنن والحمدالله ليال صارت بخير، كاعد ناكل ونسولف وما نحس غير يعقوب كال
يعقوب: يا جماعه انه اريد اكل الكم بشغله بما انو كلمه متجمعين هنا
ابو يعقوب: ي كول خير نشالله
يعقوب: خير خير بس انه قررت اتزوج.
هبه: كال هيج وهو يباوعلي لو احس جسمي كله نشل ونربط الساني ويمكن لحضه كلبي وكف
واني احاول استوعب شنو قصده كلهه تباوعله متفاجئه لحد ما ابو سأل
ابو بعقوب: شنو تزوج ليش انت مو متزوج ومرتك حامل شبيك تخبلت
هبه: ما تحملت اكثر ابقى كاعده لا وبصفه هم كمت وعيوني مليان ادموع وكلبي يدك مثل الطبل ما احس غير ايده لزمتني بقوا تمنعني اتحرك.
يعقوب: ي اريد اتزوج انتو شفتو زواجي شلون صار وهسه اريد اصحح هاي الغلطه واذا حامل
انه اريد اتزوج مثل كل البشر وبيتي وخلص وماعندي ماكو شي يمنعني بعد
هبه: انكث بيدي ما يقبل يتركها ودموعي صارت تصب كام وكف كدامي كال
يعقوب: هبه تقبلين
هبه: ييي اقبل روح تزوج شعليه بيك بس مستحيل ابقى وياك ثانيه وحده
يعقوب: يبووو عل درما ااانتي انتي اريد ازوجج وازفج البيتنه عروسه.
هبه: باوعتله مصدومه وارمش بعيوني ضحك وباوع للموجودين كال
يعقوب: ياجماعه تعرفون ضروف عرسنه شلون جانت وني بما انو ما بقى غير الاثاث والبيت كمل اريد اعوض نفسي واعوضها ونسوي عرس بسيط هو عرس وهو عزيمه علمود البيت لو مايلوك النه نصير عرسان مثل العالم
هبه: كلهه ضحكت وايدت فكرته ورحبت بيهه علت صوت الهلاهل واني دنكت خجلانه دنك راسه همس.
يعقوب: وهاي الثانيه وياج صدك طلع ماعندج ثقه بحبي وهاي ابسط ختبار فشلتي بي...
هبه: تنهدت فتهمت قصده، صار الكل يباركونه بس هو بقى شايل بخاطره على بس رغم هيج هو نطاني فرحه وفاجئه ما جنت متخيلتهه احب هتمامه بيه وبتفاصل سعادتي رغم زعله مني زعلان لانو ما يعرف بحبي اله خلص بعد ما كو مكان العقلي وحبه صار مثل الهوس وكلبي وغيرتي هي إلى تتحكم لان اعشقه مو مجرد حب...
بان: ثاني يوم لميت ملابسنه وجهزت نفسي ودعت الكل وحتى ليال رحت شفتهه وهي تنصح بيه انو نتصالح، طلعنه البغداد خلصنه الطريق مناكر ومن تعبت نمت ما اعرف شكد مر وقت كعدني والله مليت كعدي سولفي وياي
وهم رجعنه نتناقش وشوي ونتكافش نزلنه يم فندق تعشينه وبعدهه اخذنه للفندق كتله نروح البيتنه وحتى جبت المفتاح كال عل باجر اول ما وصلنه نطو المفتاح جان حاجز سويت وصلني للباب وكال راجع اجيب الجنط دخلت ونصدمت.
جان من الباب للغرفه ورد والغرفه مزينه بطريقه مال عرسان مثل سويت عرسنه إلى ما تهنينه بي شوكت جهز كل هذا تقدمت للسرير علبه جبيرا وباقه ورد شلتته شميتهه واني كلبي يخفك بسرعه من المفاجئه بيهه بطاقه فتحتهه كاتب.
ليث: ما اكدر ارجع بالزمن واعاتب الساني قبل لا يتجرء يحجي كلمه تجرحج بعد كل هذا صبرنه بس اريد ارجع لبدايه احل ليله بحياتي صبرت ونتضرتهه سنين حتى تجمعني بيج مو ساعه السوده لاا ساعه صدك حسيت بيهه انه بديت اعيش واحب حياتي لان راح اكضيهه وياج، بان حقج عل راسي قبلي هديت ترا مابيه اصبر بعد ولا كلبي حمل زعلج انا...
بان: اقرا مبرطمه ودموعي تنزل يعني يكتب هيج كلام مو اثر وكل مشاعر ومايريدني ابجي.
فتحت العلبه ومسحت دموعي ببتسامه رفعته
فستان او اكدر اكول فستان نوم لان ما ينحسب عل فساتين ابيض تنهدت وقبلت الهديه بس كلبي دخل انذار من التوتر اخذته وفتت للحمام سبحت ولبسته فضيحه اسمه فستان شعري ما بللته فتحته ومشطته همزين مكياج بجنطتي خليت مرتب باوعت النفسي صدك رجعت عروسه.
طلعت جان لسه ما راجع شلت الورد شميته ورجعت قرتت الكرت بتركيز واني فاصله بمشاعره إلى بالكلمات، بس ما عرفت شنو جان يقصد بانا، اوف شنو انت ليث
ليث: اااحبج.
هبه: فزيت من همس باذني وهو وراي ما اعرف شوكت دخل وصار بهذا القرب خله اديه عل خصري وفرني بحركه سريعه عليه صرت بين اديه باوعل عل طولي وتفاصيلي بصفنه علت انفاسه غمض واخذ نفس فتح عيونه باوع بعيوني بتركيز بنضرا مايوم شفتهه ختفت من عيونه وهو يباوعلي بهل لحضه مرت كل المواقف الصعبه والحلوله إلى مرينه بيهه حب وشوق وغيره وعذاب وفراق وهسه نجمعنه بعد كل هذا شعور طغى عل كل هاي المشاعر، دمعت عيوني وبرطمت ماريد ابجي، وهو.
ضحك عل شكلي ضحكه ضحكه مخلوطه بدمعه نزلت من عينه ورجفت اديه وهو ياخذني الحضنه حسيت يريد يدخلني بين ضلوعه كال
ليث: صدك الدموع تشفي من تعبر بيهه عن فرحتك وفرحتي بيج ما انطيهه لاحد، احبج وروح جدي
هبه: انا احبك بكد لحضات عمري العشتهه وياك وبدونك، جر حسره
ليث: البدونج ماجانت محسوبه من عمري...
بان: كال هيج وهو يدفن راسه بركبتي وسحبني للسرير وهو يفتح بسحاب الفستان وينثر لمساته عل جسمي صار يتقربلي مثل المهوش وكلامه وغزله وهو يوصف درجه حبه إلى خلاني ما احس بشي غير وجوده وكاني فصلت عن العالم ورحت العالمه إلى خلقه النه جان هادئ وياي بس عل اعصابه لحد ماصرت ملكه بدون ما انفر منه او اتأذه بالعكس بادلته بالمثل
وصارت هاي احل ليله بحياتي صدك مثل ما يسموها، سحبني عليه حاضني.
نتضرته يحجي يكول شي ماكو رفعت راسي اباوعله مغمض ونايم برطمت
واني اباوعله بغيض رجعت نمت عل ايده مقهورا
شبي نام بسرعه معقوله هاي الشغله اتنوم لعد ليش ما نمت اني اااوف عزاا بس لا صار بي شي وما تحمل، اااااخ، كلت هيج بصوت عالي وما احس غير كرصه بخصري باوعتله
ليث: منو الماتحمل ولج ترا ارجع عليج اعلمج شلون داريتج اول مرا
بان: برطمت افرك بخصير، لعد شبيك عبالي اغمى عليك.
ليث: ههههههههه خرب حضج، حاضنج وعايش اللحضه شبيج ضليتي تكمزين
بان: ضحكت خله راسه عل جبهتي وهو مبتسم
ليث: مبررروك يا مرتي
بان: بتسمت بخجل الله يبارك بيك، سحبني الحضنه وكعد يبررلي ويعتذر لان زعلني بكلامه وشكد ندم وصرنه نتذكر الواقف إلى صارت بينه وكانهه ذكره سعيد رغم الام إلى جان بعضها بس سعادتنه حاليا غطت عليهه اتمنى تكون باقي ايامنه هيج وهذا إلى تعاهدنه عليه نخلق السعاده بكل لحضه بينه الاخر العمر...
ليال: عد الاسبوع ويعقوب كمل كلشي واثث البيت واليوم جمعه سوا عزيمه جبيرا وراح ياخذ زفه البيت هبه الموضوع مثل الجنان انو يزوجون وهي حامل بس كلش عجبتني هاي الحركه من يعقوب انو راح يبدي حياه جديده بدون يخلي الماضي ياثر عليهم اكثر من هيج.
للاسف ما كدرت اروح وي هبه راحت وياها ميسم وبان واني سويت طلبيه بكلشي احتاجه للبيت اصابتي تحسنت شوي سويت مراجعه بس ما شالو الخياط لسه طول هل الاسبوع وجاسر يهتم بيه احسه يعاملني مثل الطفله
ومن تجي ماما وتسويلي شغلات ما اخلي هو يسويهم يزعل بس لسه اخجل منه.
لبست فستان مستور بسيط لانو المناسبه عائليه وحاولت اخلي مكياج خليته بسيط لانو ما اكدر احرك ايدي هواي، واكفه وطلع من الحمام لاف المنشفه طبعا هو اخذ راحته ويتخبل اذا ادير وجهي عنه حتى الخجل ممنوع عنده بغرفتنه هههههه
وكف يبدل و يباوعلي مبتسم
جاسر: شنو هل جمال
ليال: تقربت يمه جان لبس دشداشته وكفت قريبه عليه ادس بالدكم ملاتهه، عيونك الحلوه حبيبي
جاسر: اااخ شلون هاي الكلمه منج تلعب بعدادات كلبي.
ليال: بتسمت رفع شعري ودنك بهدوء باس ركبتي بشمه رفع راسه وكال، يالله اريد مثلهه
وهاي شلون راح اسويهه يا عنصري يا متنمر
جاسر: ههههههههههه
ليال: تقربت منه رفعت رجلي وهو حاوط اديه عل خصري رفعني عليه بسته بركبته وشميتهه عطرا يخدر وهو غمض عيونه مسحت الحمرا الصارت عليهه فزز باوعلي بضحكه كال
جاسر: نزلي ايدج
ليال: خلي امسح دمرتك
جاسر: نزلي نزلي صدك دمرتيني
ليال: بعدت ايدي يخجل دنك باس شفتي بخفه.
ونزلني وكف عل مرايه وهو اخذ كلنس مسح
ولف غترته وخل عطر واني وكفت الف بشالي
جاسر: اساعدج
ليال: لاا خلي هيج من اوصل البنات يرتبو الي
جاسر: هاا ماكو ثقه
ليال: هههههه كلش، ضحك اخذني من ايدي ونزلنه التجمع هل مرا ابيت يعقوب ما شالله بنيانه التصميم كلش حلو والاثاث راقي حقهى ميسم تمشي وتتفاخر بذوق باسل واثاث المعرض ماله ههههههه هاي ورا طبعا بس ويا مناكر الله يساعده عليهه...
جانت اللمه كلش حلوه والفرحه ملت البيت راح يعقوب بزفه وجاب هبه إلى طالعه تجنن بفستانهه الابيض البسيط دخلت البيتهه بلصفكه والهزاريج كلش فرحنالهم وهو راح يم الزلم لانو مسوين عزيمه جبيرا بالديوان وقبل لا يزفونه رحت يمن البنات كعدت كدام بان حتى تلفلي الشال مرتب فتحته اشو كلهن صارن يباوعن على لحد ما ميسم طفرت تتلمس بركبتي
ميسم: ااف اااف شغل طيب هههههههه.
بان: لعد شعبالج اخوي هذا يعرف شلون ياخذ حقه هههههههه
ليال: طاح حضجن يا سخيفات.
ام ليال: ليش ماما هيج مو زين عليج ليش ما صبرتو لحد متشيلين الخياط وتتحسنين
ليال: ، متت من الاحراج ردت ابجي من الفشله وذني يصنفن علي، لا ماما ماكو شي والله
ميسم: ي هاي مقبلات وتصبيرا حقى والله يعني نايمه بحضنه عيب عليه اذا يسكتلج ههههههه
ليال: لج انتي شو طالعه عينج.
ميسم: ي حبي طبعا تطلع عيني ترا اني وياج بنفس المرحله التطور يم بان هههههههه
ليال: هههههههه صدك ضحكتني وبان من يمهه خجلت اووف شلون رتاحيت من عرفت بيهم تصالحو اصلنه وجهم نور اروح الهم فدوه
بعد العشه زفو العريس بالفرقه والهوسات اباوع الهم فد نوب صار يهوسون ليث وجاسر
لانو هما همات ما كملت زفتهم باوعت الايدي وتحسرت ضجت علموده حتى عرسه ما صار مثل العالم احس نفسي عاجزه اااوف
0.
كاعد بالغرفه منتضرتهه بعد ما خلصت احله ليله من ليالي حياتي رغم مسوي نفسه نفسه زعلان وكذا بس ما خلا شي بنفسي وخاصه العرس جنت حابه اجرب هذا الشعور انو تكون مركز الاهتمام والكل فرحان بيك وتكدر تحجي عن يوم زواجك بدون ما تخجل بس الاهم من هذا كله الشخص إلى تكون ويا بهذا اليوم ومتاكد انو راح يعوضك عن الدنيا كلهه.
. من اسبوع وهو ومخبوص يخلص كل التجهيزات مال البيت من اثاث وقبلهه كان يشرف عل كل مراحل البناء ويستعجل بيهه وهاي احنه اليوم صرنه ابيته مملكتنه الخاصه.
وهو احلا واثمن ممتلكاتي هوا وحبيب امه خليت ايدي عل بطني فديت إلى يحضر عرس ماما وبابا باوعت النفسي بالمرايه اصر انو اروح صالون ويزفني من بيت بابا وجانت فرحه بابا ما تنوصف لان كل اقاربنه يعرفون شلون تم زواجنه وجان الحجي صاعد نازل عليه لانو زوجني ونطاني هديه بهاي الطريقه بس هسهه كلهه حتسكت.
لبست فستان بسيط مو افور وسويت مكياج وتسريحه مرتبه واني مع الحمل شكلي تغير وسمنت كلش عجبني شلون طلعت طبعا اجاني للصالون واخذنه صور خلصهه بس يصفن بيه وكل شوي منبهته المصوره عل الحركه واني سلكته ومسايرته لانو ذبت بنضراته رغم ما حجه شي بس نضرات الاعجاب فاضحته بعدهه اخذنه لؤي لبيتنه ومناك زفوني حسب الاصول بجيت وكانو اول مرا اطلع من بيتنه يمكن القهرا إلى طلعت بيهه اول مرا جانت محبوسه بكلبي وطلعت هسه والفرق بين المرتين انو زفوني البيته بفرحه هل مرا.
. فزيت من تفكيري عل صوت الباب نفتح وفات بعد ما توله هو مسوليه توديع الكل وهسه صفينه لحالنه كاعده عل السرير وهو فات بدون اي كلام وكف نزع سترته بهدوء والساعه ودار باوعلي تنهد وتقرب على عيونه بيهه تعب
وما احس غير كعد بالارض يم رجلي وخله راسه بحضني جان سريرنه ناصي سكت لحضات
بعدين بده بالكلام كال
يعقوب: شلون اكدر اخليج تصدكين انه احبج.
ي رحت الكبرها بس لان صارت عل دربي من رحت وياهم مريت بيهه قريت الهه الفاتحه مو مثل البالج رحت الهه متعني وبهيج يوم، لا جنت جايلج متعني تدرين كلهه باتت بس انه اصريت ارجع حتى لو بوقت متاخر لان ادري بيج تنتضريني واول ما شفت الصوره اول شي فكرت بي انتي وخاف تشوفينهه والكلام البيهه الله شاهد على ما يمثلني هبه انه كلبي مات قبل وماتت وياا كل مشاعري وبعدهه رجع دك الج يعني حبج رجع حياا من جديد بمشاعر جديده ما حسيتهه ولاراح احسهه غير وياج انه الج وبس وكل كلمه كلتهه الج بيوم عرس جاسر جنت قاصدهه وما جان قصدي اذيج وابينلج جاي احجيلج بمنيه بس ما اتحمل من تشكين بصدق مشاعري وياج لا وانوب تصرفتي ابرود وخبلتيني دير بالج تعيديهه بعد انتي والبطنج الشي العايش علموده حاليا لاتتخلون عني انتم هم اريد ارتاح وراحتي بس يمكم.
هبه: خليت ايدي عل وجهي وكمت اشهك بالبجي كام بسرعه كعد يمي وسحبني الحضنه كتله من بين شهماتي، تصدكني اذا كتلك ادري بس انه صرت احبك بشكل مو طبيعي
يعقوب: ااششش ليش البجي هذا اكثر شي يسعدني احنه اصلا قصتنه كلهه مو طبيعي ولازم يكون يكون حبنه مو طبيعي
هبه: رفع راسي يمسح بدموعي واني اناشغ بتسم وكال.
يعقوب: منين طلعتيلي انتي احس الله كلي هاك هاي هديه اللك وغصبن عليك تقبلهه وماكو احلا من هدايه رب العالمين، ااوف كافي لا تنشغين ترا ما اعرف اسكت غير بطريقه وحده
هبه: هئ شنو، خله ايده عل بطني كال يحجي ويها
يعقوب: بابا دير بالك عل ابوك وتحمله الليله يعني ترضها عروسه وبهدا الجمال وبدله نخليهه تبجي وما نراضيهه
هبه: صارت رفسه بطني جو ايده ضحك
يعقوب: اخذنه الموافقه.
هبه: دنك بسرعه كتم صوت نشغاتي بشفته وايده تسحب وتفتح بالبدله لحد ماضعت بموجه الشوق والحب الغمرني بيهه كل لمسه منه تحسسني بحبه إلى حلفت انو ما اشك بي ثانيه بعد اليوم هو العوض الجميل إلى الله رضاني بي وكتفيت ويارب ما انحرم منه الاخر العمر.
ليال: نايمه متكايه عل صدره وهو حاضني فاتح الموبايل عل مسلسل متبعيهه وهاي كعدتنه وهاي كعدتنه يوميه عليهه بس هو مخلصها حرشه ركبتي عباره عن اثار وعض اذا اسأله عن المسلسل ماراح يعرف شي، كاعدين نتفرج
وبده المشهد يصير جريئ سد عيوني بيده ونص الحوار قبله طار علي، اووف جاسر خل اشوف شنو صار حتخرب الاحداث علي.
جاسر: عفى عليج اني اخلي الاحداث تفوتج هسه اجي اطبقلج المشهد اطيح حضج شفتي رجال ثاني يسويهه ويخرب اخلاقج
ليال: كال هيج هيج ولزم فكي وهو مغمض عيوني و اخذ شفتي بعضه وبوسه هو يطبكهن سو صاير سكنت بيده فصلها ونزل عل ركبتي
جاسر: هسه نجي للمشهد الثاني.
ليال: ندمجت وياا عل اعصاب ويفصل من يحس راح يبدي يخليني اتاذه لانو اني اشنج نفسي من لمساته واتائذه كتله بقهر على لان هيج جاي اعذبه، جاسر صدكني اتحمل لاتعذب نفسك اذا تريد، سكتني لازم فكي وبعد ايده عن عيوني باوعلي كال.
جاسر: اششش اسمهه اريد مو تريد، اسمهه تطيبين وتشاركيني هاي اللحضات بدون الم وتستمتعين بيهه مثلي، اما هسه ههه خليني اسويلج بروفات حتى ما تخجلين مني وهاي السوالف التعبانه انه اريد تتفاعلين وياي مو جامده ما احس بيج نجرئج شوي ونخرب اخلاقج من هسه
ليال: عززااا نهد على لو ادري ما حاجيه خليت ايدي حل حلكه، خلص خلص فهمت وشكرا الكرام حضرتك...
بعدت ايدي ضحك سد التلفون ودار عليج حضني دفتت راسي بحضنه لان قفلت من النعاس همس باذني
جاسر: متاكده فهمتي.
ليال: ضحكت وسحبت الغطه عل راسي وهو يضحك على والله بسببه حتى إلى ما جنت اعرفه عرفته اذا غرد بعد ماسكت هاي ليليه هيج ومن اكله غير الموضوع يكلي هي اسوالف الليل جاي اعلمج ياها خو ما اعلمج الطبخ هههههه لحد ما صدك خربت اخلاقي واني اريده يسولف ويسمعني كلام الغزل بطريقته الخاصه يخليني احس مثل الفرشه الطايرا بسعاده إلى ما اريدهه غير وياي وبس وهو شريكي بيهه لان هو حبيبي وبس...
زرت معه كل الاماكن، تسكعت معه في الشوارع كلها رأيته وهو يضحك، مستاء، وغارقاً في التأمل، عرفت انني أود ان اقضي معه حياتي كلها، دون ان افوت ثانيه واحده •.