رواية الشيخة ليال للكاتبة الوردة البيضاء الفصل الثالث والستون
لا داعي لأحاديث الحُب،
فقط تأملي عيناي وستجدين
كوناً بأكمله وقع في حبك.
ميسم: رحت وي هبه للصالون لان ليال ماكدرت واني همات عل لواهس كشخت وخلولي مكياج
اخذت كم صوره ودزيتهم اله وكتله، حبيبك الحلو، لحضات ورد علي
باسل: اويلللي عل حبيبي غير عسل خلينه نضوك عود
ميسم: ههههههه
باسل: حبيبي غطي وجهج من تجين البيت يمكم كله عالم
ميسم: ي اكيد
باسل: زين اجي اخذج اذا خلصتو.
ميسم: اوك تعال بس مو عل الصالون البيت اهل هبه
باسل: شنوو ونتي شنو تسوين هناك
ميسم: شنو اسوي يعني غير وي هبه
باسل: ميسم تردين تخبلليني رررحتي وياااها للصالو شموديج البيتهم
ميسم: يحجي صاك عل سنونه هنا حسيت بالخطر اكيد طك فيوز الغيرة بعقله هسه عباله كون مكابله لؤي وكاعده كتله، ليش غير وياها حيزفوها منا
باسل: ووين جان هذا الحجي شو ماكلتي.
ميسم: باسل مو كانو طولنها وهي كصيره عذرني بس اني ما متعوده عل هذا النظام ولا عاجبني، حسيت شتعل من كلامي كال بنترا
باسل: شنو كصيت راسج بعدين تعودي انه هذا نظامي ويالله جهزي رووحج جاي
ميسم: كال هيج وسده احس دمي غله ردت اضرب التلفون بالحايط كلشي بي حلو اله هااي
العاده راح تجلطني.
لفيت لبست عبايتي ولفيت الشال ونطيت خبر الهبه مع انو ما بقى شي عل الزفه بس هو خبث كعدت انتضرا الحد ما اتصل على طلعت شفته واكف وي لؤي يسلم عليه هو وابو خليت الشال عل وجهي لاينطيني محضراه صعدت ويا بدون كلام وهو ودعهم وصعد اول ما حرك ذبيت عن وجهي واخذت نفس ختنكت
باسل: الله يساعدج.
ميسم: كالهه بغيض باوعتله اني هم ثكلت وجهي كتله، ويساعدك، باوعلي راد يحجي وسكت صفن بوجهي بنضرا إلى احبهه لان حتى لو زعلان ما يكدر يخفيهه كتله، ادري طالعه حلوه بس نتبه حنسوي حادث
باسل: هااا احم منتبه، بعدين منو كلج طالعه حلوه اليوم
ميسم: باوعتله بطرف عيني ودرت وجهي كال...
باسل: انتي دائما حلوه
ميسم: بتسمت وكتله بغرور، اعرف
باسل: لو طالعه هيج اله احركج فوك ما انه محترك.
ميسم: يووه باسل تعرفني ما اركز بالتفاصيل مثلك واله جان كتلك، تقربت عليه بسته بخده بسرعه وكتله، خلص فكها، سويت هيج وهو نخبص وتخربط بالسياقه وشطحت السياره، متت ضحك ههههههه
باسل: خرب حضج جاان روحتينه
ميسم: شبيك هيج بوسه بس انته تتاثر بسرعه
ههههههه، كتله هيج واني امسح بخده من الحمرا باوعلي بتسم وهز راسه بيأس ولزم ايدي، لحد ما وصلني للبيت من الباب الخلفي
باوعلي تنهد
باسل: يالله نزلي.
ميسم: بتسمت فتحت الباب ردت انزل سحبني من ايدي عليه باوعتله دنك باس شفتي بخفه
باسل: جان المفروض اخطفج بس يالله ما بقى شي وتصيرين يمي
ميسم: رمشت بعيوني بخجل مبتسه ضحك وباس ايدي
باسل: هههههه روحي روحي لا صدك ما اتركج
ميسم: ههههههه باي، نزلت اخذت نفس براحه كب كيك مو رجال بس لو ما غيرته إلى محسسني بيهه اني انجلينا جان صار لوز هههههه.
ليال: فتحت عيوني بنعاس باوعت للساعه ااوف شكد نايمين باوعت للثكل عل ايدي فدوا شلون نايم بعمق حركت ايدي عل شعره فتح عيونه بنعاس وبتسم، صباح الخير عمري
جاسر: وبوسه هم وي عمري حتى يحله الصباح
ليال: ههههه دنكت بسته بخده رجع غمض عيونه وميل راسه عل ايدي، ماراح تروح للشركه
جاسر: لاا لازم اروح البغداد
ليال: هااا.
جاسر: غير انتي ما تقبلين تجين وياي امري لله راح اروح اصفي شغل الشركه هنا واوكل واحد عليه وانقل الاداره هنا
ليال: مو قصه ما اريد اروح وياك بس صعب هواي على انو اعيش بغير مكان بعيد عن الكل هنا
جاسر: يعني اني ما اكفيج اذا خيرتج بيني وبين العيشه هنا منو تختارين وهسه راح اخذج ونروح اذا ختاريتيني لان كلش صعبه انقل وراح اخسر هواي
ليال: صفنت بوجها وشكله يحجي جدي يباوعلي منتضر الجواب، تنهدت بستسلام.
كتله، ليش تخلي نفسك بمقارنات انت ما تتقارن بشي عندي اكيد راح اختارك واعيش وياك باخر الدنيا
جاسر: رحم الله والديج حليتيلي مشكله يالله كومي خل نروح
ليال: كتله وبدت عيوني ادمع، هسه ماراح الحك اودع الكل
جاسر: شكو مودعتهم راح نجي كل سبوع نزورهم او شهر يالله كومي كومي بسرعه ترا عندي شغل كلش مستعجل لازم اليوم نروح.
ليال: بقيت اباوع متفاجئه كام دخل للحمام يعني صدك يحجي متت من القهر حتى ما انطاني وقت استوعب الموضوع شلون راح اودع الكل شلون راح اكدر اعيش واتاقلم هناك واتقبل فكره جنت رافضتهه نهائين، فكرت اتراجع وكله ما اكدر بس ما اريد اخذله لازم اتحمل علموده كمت بالعه الغصه طلعت الجنطه وبايد وحده خليت الاغراض إلى احتاجهه وملابس وخليت ملابسه واغراضه بجنطه ثانيه.
طلع واني عينه ورا عندي امل يتراجع ماكو يفتر.
يفتر يبدل ويستعجل بيه تنهدت بستسلام ودخلت بدلت طلعت اخذ الجنط ونزلنه لكيت عمتي هم مجهزه نفسهه يعني صارت صدك
طلعنه اني وياا علمود نودع اهلي اول ما فتنه لحديقه بيتنه نزلت دمعتي مسحتهه بسرعه لا ينتبه ويحس على ما اريد اروح وصلنه للباب اريد افوت لزم ايدي باوعتله بستغراب بتسم تقرب باس راسي وصدمني من كال
جاسر: ديري بالج عل نفسج
ليال: شنوو يعني مو راح نروح سوا.
جاسر: لاا اتشاقه وياج ردت اشوف صدك تسوينهه وتجين وياي
ليال: كتله مبرطمه تختبرني يعني
جاسر: هههههه احب اشوف معزتي
ليال: ضربت بصدرا بغيض وحضنته ضمني الصدرا، لاتتاخر
جاسر: سبوع واحد اصفي بي الشغل وارجع لان بعد ما اريد ابعد عنج دير بالج عل نفسج لو ما مطر جان ما رحت هسه لحد ما تطيبين
ليال: لا تخاف بديت اتحسن وعل سبوع الجاي راح اشيل الخيوط روح انت ولتفكر بيه الكل يمي بس ارجع بسرعه لان اشتاقلك هواي.
جاسر: بتنهيده مو اكثر مني جان اخذتج وياي بس ماريد تعبين وانشغل عنج يالله فوتي لا ابطل
ليال: مااا، صدك عمتي ليش رايحه وياك
جاسر: خالي وده عليهه اخذهه واجيبهه وياي
ليال: اوك، بعدت عنه رفع راسه يشوف خاف اكو احد ضحك ودنك باسني بشفتي وبعد بسرعه عبالك جاهل شوي وابجي تركني وراح جاب جنطتي واني واكفه بمكاني رجع حضني رفعت رجلي بسته بركبته وشميته بعد عني بسرعه.
جاسر: هاا تستغلين نقطه ضعفي ترا ابطل وارجعج للغرفه ههههه
ليال: ضحكت باس راسي مودعني وراح عيني ورا لحد ما ركب سيارته وتحرك تنهدت بضوجه ودخلت.
وهيج صارت الايام تمر بطئ كلش واني كاعده انتضر الساعات والدقائق إلى يفرغ بيهه ويحاجيني ميسم قربت تخلص التجهيزات لانو عل راس الشهر راح يتزوجون قبل لا يبدي الدوام ليث وبان سافرو الاربيل اجازه قصيره وراح يرجعون قبل زواج ميسم وهبه ويعقوب مثل العصافير واصلا صايرن مانشوفهم اله هم يجون مانريد نزعجهم من اشوف الكل سعيدين احس نفسي فرحانه اكثر منهم بس مشتاقتله.
وخلص يومين ومثل كل ليله احس نفسي مخنوكه لان مو موجود يمي وما يجيني النوم الحد ما يتصل، بتسمت وفتحت الخط وسكتت كال
جاسر: هلاا براحتي الوو ليش ما جاي تردين
ليال: شتريد ليش متصل
جاسر: ااه هيج يعني ما مشتاقتلي
ليال: لاا
جاسر: شو فتحي كامرا خل اشوف شبيج
ليال: فتحتهه باوعلي وتحسر كال
جاسر: هسه شلون احضنج، مشتاق لبنياتي
ليال: ضحكت يقصد عل شاماتي...
جاسر: شو خل اشوفهن
ليال: خليت الكامره عل ركبتي.
جاسر: ااخ حتى اثر بوساتي رايح يالله اجي واعوضج
ليال: باوعتله كتله مغيرا الموضوع لا يغرد وانقهر عليه، شلون شغلك
جاسر: مابقى شي ويخلص، انتي شلونه كتفج خو ما تتحركين وتعبين نفسج هواي
ليال: الحمدالله لا الكل فارضين على ممنوع حضر للحركه
جاسر: ي احسن والله نامي مو زين السهر عليج ونتي مريضه
ليال: ماا، كلتهه بدله صفن علي
جاسر: ترا جاي اتعبيني هيج ليش تخليني اغرد
من اتلكاها من دلعج لو من الضيم الابسته.
ليال: لابس كيمونه ونايمه مثل المسنحه واحجي وياا طلع مركز كلش ضحكت وعدت نومتي فرك وجها وبقى يحجي وياي ويتغزل بعدين سده نمت واني مبتسمه عل كلامه ما جاي اتحمل فراكه اااوف.
ميسم: بديت اجهز وعرفه انو حلوه هاي اللحضات إلى تبدي بيهه تجهز الحياه جديد صحيح مصيرها مجهول بس الثقه إلى ينطيك اياها المقابل حتى تبدي وياا هاي الحياه يخليك تطمأن واني واثقه بي، بس هذا الشي مو معناها ما اغار عليهه وكتشفت انو اني غيوره مثله اذا مو اكثر وعرفت هذا الشي بيوم إلى رحت عل المعرض ماله علمود اختار الفرفه والاثاث مالهه.
اجه اخذني للمعرض دخلنه واني عيني عل الموضفات إلى عنده يالله كلهم كلوات وشكلهم مو مريح، اخذني عل قاعه مغلقه وبس غرف منصوبه بيهه وصرت اتفرج عليهم شفت وحده كلش عجبتني دخلت بيهه وكفت بالنص وكتله فاتحه ادي، شرايك
ضحك وطلع اديه من جيوبه وتقدم على ضحك وتقدم على وبشكل مفاجئ حضني متقدم للسرير وذباني اني ويا عليه
باسل: لا قويه كلشي تمام
ميسم: يااا عززا باسل بعد لا يفوت احد وننفضح.
مارد على اصلا مو وياي نفسه صار يضرب بوجهي ودنك اخذ شفتي وصار يتفنن بيهه انه حاوط ركبته وسنحت مستمتعه فصل عني حتى عيوني ما اكدر افتحها خرب خبرا بتسم كال بصوت خافت
باسل: عجبتني
ميسم: نتبهت النفسي خجلت نزلت ادي كتله. خل نكوم هسه احد يفوت احد
باسل: محد يفوت وي العرسان لهنا وحتى كامرات ما خال اخاف يردون يجربون الغرفه قبل لا يشترونهه شلون احنه هسه، عجبتج انتي هم
ميسم: هاا.
باسل: ههههههه الغرفه عجبتج بعد التجربه
ميسم: دفتعته بغيض وكمت ارتب بنفسي، حتاريت شكله وما يفهمني غلط كتله، اوك ناخذهه، ضحك بقينه نفتر وختاريت الطخم والبردات والتحفيات وكلشي يخص الاثاث دزني عل مكتبه انتضرا وهو ما اعرف شنو بقى يسجل.
فاحت الباب وما اشوف غير الست واكفه تعدل بالورد جابته المكتبه وبعدهه لزمت مخبرا ورفعتهه تبخر تجاهلت وجودي واني وكفت مكتفه ادي اباوع الهه شلون تفر بنفسهه مال خنك دارت وجهه باوعتلي وكالت بمياعه
اسفه منتبهت عليج تفضلي
ميسم: انتي شن تسوين هنا اعتقد شغلج جوا
او اعرف بس اني متعوده يوميه اجيب ورد المكتب باسل لانو اعرفه يحبه ولازم ابخرا المكتبه وانضفه بايدي.
ميسم: احس دمي فار من كالت اسمه بدون لقب وهي التهتم بي هنا رفعت حاجبي وكتلهه
وماردت ابين غضبي واسويلهه إلى تريده
شكرا عل خدمه حبي متقصرين بس اعتقد محتاجينج جوا الشغل الحقيقي اول بجهودج
خلقتهه نكلبت نترت المبخرا عل الميز ونزلت
بقيت افتر بالمكتب شايطه لحد ما نفتح الباب ودخل باوعلي بستغراب
باسل: هاا شكوو شبيج.
ميسم: باوعت للورد اخذته مردته بيدي بعصبيه وشمرته بالارض وكتله، شنو عندك وي هاي الحقير حتى تهتم بيك هيج
باسل: شنوو شنوو شبيج شهل الالفاض شو بالله اهدي خل نفتهم
ميسم: ماا اهدء والله ما تبقى هناا هسه تطردهه بقى يباوعلي صافن مستغرب واني وحجي واعصابي ترجف تقرب على راد يلزمني رجعت خطوه لورا
باسل: ممكن تفهميني بهدوء قبل لا انه هم اتخبل ونضيع المشيتين.
ميسم: كتفت ادي، ي فهمني انت من شوكت حضرت الست نرجس تهتم بيك ورد وبخور وحركات
باسل: ترا مساعدتي هي اكيد تهتم بهاي الشغلات بس ورد هاي حتمال جايبته علمودج مو دائما
ميسم: كلامه حركني اكثر كتله، تريدني اصدك انو هي ما تتوددلك ولا انت ملاحض هذا الشي، سكت وفرك وجهه كال
باسل: ما انطيهه مجال تتجاوز حدودهه ولا بعيني اصلا
ميسم: يعني تعرف بيهه سخيفه ومشغلها عندك يعرف ليش لانو عاااجبك هذاا الشييي.
باسل: ميسم صووووتج ولاااااا تجفصين، مكااان شغللل هنااا شدخلللني بيهه
ميسم: بس اني دخلني مااريدهه تبقى هنا يمك واذا ما فصلتهه معناها انت رايدهه وياك باوعتله عيونه اطلع صارت اطلع شرار قرب على كلش ولزم فكي ودار وجهي عليه كال بعصبيه صاك عل سنونه اجذب ماكول خفت لان صدك جفصت.
باسل: اااحبج اي بس مووو معناها تستغللين حبي حتى تمشييين كلمتج علللي، مو طروطو تعلميني شنوو اسوي لو اريدهه خلصت عمرهاا كدامي بس انه موووو حيووووان ونفسي دنيه ثمنييي كلااأامج ااااحسلج
ميسم: عاط بيه ونترر وجهي وكف يروح ويرجع بس مشتعل نااار يرد يهدي نفسه، درت اخذت جنطتي وكتله ابرود، توصلني لو اتصل باحد يجي علي
باسل: راح تقفلين موو لا تكلبين خلقتج للا اطيييح حضج.
ميسم: باوعتله مصدومه شلون غلط علي، تركته ومشيت بسرعه ارريد اطلع لزم ايدي وصغطها
باسل: ااانتي ليش ترردين تعبيني كووه دورين عل المشاكل دوراا ويااي...
ميسم: باوعتله وخنكتني العبره ودمعت عيوني كتله مبصوت محشرج، سوي التريده مالي علاقه بيك بعد، غمض عيونه احسه راح ينفجر فلتت ايدي منه وطلعت وهو اجه وراي اباوع الهةي الحقيرا تباوعلي بغرور، ابوي ماربته فخريه واني مو بته اذا اخليج هناا.
طلعت وصلني وطول الطريق ساكتين بس هو معصب لهيج سكتت عنه ويسوق بسرعه جان روحنه، اول ما وصلنه نزلت بسرعه بدون ولا كلمه خلي تفيده بس هوا لاعب بيه لعب بسبب غيرته يمه ستوا حسيت بي لسه احس جسمي نار ومشتعله بي من شفتهه شلون تتموع وبمكتبه اااخ لو ساحلتهه جان رتاحيت اااخ...
اخذتني ماما ويعقوب وسويت الفحوصات كلشي تمام وشلت الخياط وصرت واخيرا صرت اكدر احرك ايدي براحه اكثر بس هم تحتاج وقت حتى تتشافه تماما رجعت للبيت مرتاحه انو اخيرا راح يرجع وضعي طبيعي والكل فرحان إلى وخاصه جاسر اكل راسي بالاتصالات لحد ما طمنته بس ضوجني من كال ما راح يكدر يجي لسه عنده شغل حيتاخر كم يوم طنكرت
جاسر: ليول حبيبي لا تضوج ترا انه طايح حضي اكثر منج.
ليال: خلص جاسر مضجت خلص شغلك براحتك، سمعته جر حسره، كتله بهمس شبيك
جاسر: مشتاق انام بحضنج وتلعبين بشعري، وفتحتي الخياط اااخ جان عرسنه الليله، شو فتحي كامرا عاد اشبع عيوني
ليال: فتحتهه متمدد والجكاره بيده وسكت اني هم بتسمت ساكته
جاسر: تر نفسج بالسماعه ومنضرج هذا دمرني احجي لا تسكتين
ليال: تنهد لا تتاخر
جاسر: عفا انه اتاخر عليج بس هذا الكو، اخلي الدفعه عل باجر
ليال: يووه رجعنه عل غلط.
جاسر: سكتي خليني بضيمي مشتاقلج كلش
ليال: كافي جاسر شكد ادخن
جاسر: خليني مطلع حركتي بيهه ناس شبعه شهر عسل وانه ونتي كلمن بمكان
ليال: ههههههه غيران
جاسر: غير هذا اخوج العار اتصل بي يكلي انه يم اختك شتريد اجيبلك من الشمال العسل هنا مضبوط
ليال: ههههههههههههههه
جاسر: خررررب يومج صووتج
ليال: كتمت ضحكتي وهو خنزر علي
جاسر: شوكت تبطلين هاي ضحكتج
ليال: كتله مبرطمه مو حلوة يعني.
جاسر: ليش اكو شي بيج مو حلو، بس فضيحه تلم امت محمد علينه
ليال: ههههههه
جاسر: هسه شنو ايدج تمام
ليال: ي الحمدالله تحسنت هواي
جاسر: الحمدالله
ليال: اباوعله اخذ نفس من الجكاره ونفثه على يباوعلي امكر، ليش تباوعلي هيج
جاسر: عطشان
ليال: اشرب مي
جاسر: ياا ماي اريدج ولا تخليني اغرد
ليال: ههههه، همم جسوري
جاسر: صار بيهه جسوري خير
ليال: هههههه رحت الخوالك
جاسر: لا بس شفت خالي بالشركه
ليال: هممم لاتروح.
جاسر: لا ما اروح ماريد اضيع وقت ولا مزاج مجاملات، ضحكتي فرحتي حضرتج مو
ليال: هزيت راسي بالايجاب، ضحك دزيتله بوسه عض شفته متحلفلي سديته وضجت لان صدك مشتاقتله...
ثاني يوم ماما وميسم وهبه طلعو واني بقيت بالبيت بحدي قبل شوي سديته وي جاسر وبيبي بغرفتهه ندك الباب طلعت اني فتحته وتفاجئت بلمحاميه رحبت بيهه وفات تحمدتلي بالسلامه
كعدتهه بالبستقبال وطلعت جبتلهه الضيافه كلش احبهه انسانه جدا راقيه.
اديان: شلون صرتي حبيبتي
ليال: الحمدالله احسن هواي
اديان: الحمدالله، ما تصدكين شلون فرحت لمن عزمني جاسر عل زواجكم، اوجعني كلبي عل إلى صار بيكم
ليال: بقيت ارمش بعيوني، جاسر عزمج
اديان: ي وتفاجئت انو هيج فجئه قرر يسوي زواجكم وي زواج اخوج
ليال: صفنت احول استوعب كلامهه تلاحت نفسي قبل لا تنتبه على كتلهه، هاا اي هي ضربت بعقله هيج فجئه انو نزوج وياهم.
اديان: ههههه ي واضح انو صار يحبج هواي يعني جدج ما غلط من اختاركم البعض
ليال: بتسمت وهزيت راسي، بقت كاعده شوي حجينه بمواضيع مختله وبعدين راح ما قبلت تبقى عل العشه، بس كلامهه بقى بالي وكشفلي جذبه جاسر والله وطلعت مخرج وممثل واني ما اعرف بس اني اعرف شلون ارجعها الك بسيطه...
بعد العشه اول ما صعدت الغرفتي اتصل لازم يتصل بيه ليليه قبل لا ينام، ودما رديت عليه وصار يتصل بستمرار وما ارد اخر شي خليته صامت شفت اشعارت الرسائل بس ما فتحتهم بدلت ودخلت للفراش بسرعه وغطيت راسي لانو عرفت شنو إلى راح يصير شوي ونفتح الباب على ودخلت ميسم اسمعهه تكله انو نايمه ولا مبيهه شي قبل شوي صعدت ونامت
طلعت وسدت الباب، بعدت ما شفت شي ستاذ جاسر نمت.
وثاني يوم اني طلعت وي ميسم علمود اجهز نفسي ما بقى غير سبوع عل عرسهه رحت وياها وشتريت كلشي بنفسي واحتاجه اني همات عروس وما جهزت نفسي اخذت فساتين العرس ميسم واخذت فستان لا هذا للخطوه الجايه من الخطه بعدهه رحنه عل المركز من عرس ليث واني مارايحه سويت سنفره كامله للجسم والوجه وحتى شعري سويتله معالجه ورتبته بس تركته عل طبيعته باوعت النفسي احس طلعت انسانه جديده حته طاقتي تغيرت.
طلنه شتريت باقي التجهيزات إلى احتاجهه وهي همات اخذت إلى تريده كملنه ورجعت للبيت
فتحت تلفوني جنت قافلته طول اليوم لكيته محترك بالاتصالات والرسائل من عده لسه ما فاتحتهم وتصل اخذت نفس ورديت اجاني صوته يرعد كال بعصبيه وصياح. بس مبين بي الخوف علي
جاسر: هيووووو ااااانتي وينج مااا تكولين هاذ ااابن المشعول خلل اريد عليه وينننج من البااارحه
ليال: كتله بصوت ثابت وبارد عكسه هو صاير نار، ليش جذبت علي.
جاسر: شنوو شنوو اي جذبه هيووو شكووو
ليال: ليش جذبت على بسالفه زواجنه كلت المحاميه جبرررتك بس طلعت واااحد جذاب
وهذاا كله فلم من يمك
جاسر: شنو توج تذكرتي سدي الموضع ماله داعي حتى نذكره ردت اقنعج بسرعه وما جان عندي غير هذا الحل واكيد جنت ناوي اكلج بس راح من بالي.
ليال: يااا هيج سهلل عندك الموضوع، هذا الموضوع العندك سهل اااني بالنسبه إلى استغفال وجذب واني مستحيل اعيش وي واحد جذاب مو انت ما اتثق بيه وااني هم بعد ما اكدر اثق بيك، كال صاك عل سنونه واحسه يريد ينفجر
جاسر: ي وشنو المطلوب هسه ست ليال بما اني طلعت هيج جذاب وما اناسبج
ليال: لازم ننفصل خلص بعد هذا إلى سويته طريقنه مسدود واصلان زواجنه جان بهاي الحجه وهسه طلعت جذبه فخلي ننهي احسن.
جاسر: اااه اخرر كلام يعني لج ااااانتي شنوووو تخبلتييي بت الكل...
ليال: لااااا تغلط اااي تخبلللللت مستحيل ااااتعايش وي هاااااي الجذبه
جاسر: صوووووتج حيوووووانه اووكفي جااايج اليوم ااااطلع حركه اعصابي من الصبح ليجاي واااحرررك ابوووج عل هذاا كلامج جذااب وتردين تنفصلللن مووو اوكفيلي اله اااافصمج باااالنص
ليال: ضل يحجي ويغلط بدون وعي طرش اذني بعدت التلفون سديته بوجها وقفلته بسرعه.
واني ادعي انو الله يستر واحصل النتائج إلى متخيلتهه واله جد راح يفصمني ويدفني عدله.
ميسم: كل عاده طنكرنه ثنينه ومحد يقبل يتنازل واصلا اني ما اريد تنازله قفلت عل شغله نرجس لو يسويهه ويفصلها لو راح ابقى هيج
صار تواصلا فقط سوال جواب عن الترتيبات وشلونج شلونج زينه هاي هيه وحتى ما اقبل هو يجي ياخذني اجهز اطلع وي ماما اول بنات.
واليوم كعدت من الصبح عل مفأجئه، اجتي على هبه وفاجئتني وصدمتني همات بكلامهه انو لؤي يريد يخطب رحاب وحتى ما يقبل اكول اروح نخطبها مباشرا اجذب اذا ما اكول فرحت صراح رحاب تستال شخص هيج محترم والي زاد اعجابي بي انو هو ما عنده يما رحميني خطوبه كبل هههه بس شلون يريد يخطبها وهما اجو يتكافشون اليه شوي ذاك اليوم وشلون عنده ثقه انو راح توافق عليه هي واخوها القافل عليه ما اعرف بس نحاول مخسرانين شي ههههه.
العصر بدلت ورحنه اني وياها وماما صار كم يوم مو شايفته كشخت كشخه معتبرا مكياج ولبس وين اليحبه كلبه بس قبل ما نروح اتصلت بي حتى ما يكول اطلع بدون علمه ويلزمهه علي
لحضات رد
باسل: الوو
ميسم: الوو شلونك، تنهد وكال
باسل: من الله زين
ميسم: اعرفه يبسمر، الحمدالله اتصلت حتى اكلك انو باجر حنجيكم، رد بستغراب
باسل: هلا بيكم بس شنو ليش
ميسم: هاا اذا مو عاجبك خلص ما اجي وياهم.
باسل: ليش إلى الحق ما استقبلج ابيتج، قصدي جاي علمود تحجون بالعرس والتحضيرات لو شنو
ميسم: لا كلشي كامل بس جايين زياره
باسل: همم يي خلص هلا بيكم، ولو اعتقد الزياره مو خاليه
ميسم: شوف بعد، يالله تصبح عل خير
باسل: هاا خلصتي الردتي تكولينه ورايحه كل عاده
ميسم: ليش بقى شي ينكال اني كلت الاريده وانت كلت التريده
باسل: لج انتي شنو والله لويمي هسه اله اعرف شلون اتصرف وي هذا السانج، نامي نامي رفعتي ضغطي.
ميسم: اوك باي، سديته واني كاتمه ضحكتي باوعت الشكلي كلشي تمام
نزلت ماما وهبه منتضراتني ويعقوب وصلنه اول ما وصلنه البيتهم ماما دكت الباب وفتح النه هو سلم وستقبلنه فاتت ماما وهبه اجيت افوت قطع على الطريق رفعت راسي، باوع عل طولي وصفن بوجهي وتنهد كال، شلونج.
ميسم: تمام مرخصتك منتضريني، اجيت افرت لزم ايدي وسحبني وياا كعدني عل الكرسي بالحديقه وسحب كرسي كعد كدامي لازم ادي يفرك بيهم بايده، لاتستسلمين ادري مشتاقتله دير بالج، احجي نفسي مدنكه وكلبي صار يدك بسرعه لان هيج قريب مني
باسل: شو باوعيلي
ميسم: رفعت راسي صارت عيوني بعيونه، يبو هسه كملت هاي نضرته تسحلني كال...
باسل: ما كافي ملاحضه جاي تعاقبيني عل شي تافه مالي ذنب بي.
ميسم: تاافه، يعني من افوت عل مكتبك والكه وحده مثلهه تبخر وتخلي ورد تسميك باسمك وتتموع بحجيهه وحركات جسمهه واني اتخيلك كل يوم انت تفوت المكتبك عل هذا الوضع، برئيك هذا الشي تافه ولازم اسكت عنه
باسل: تغارين
ميسم: لاا الموضع مو موضوع غيرا بس مو منطقي وما يعجبني، اباوعله ترك ادي ورجع جسمه لورا مكتف اديه كال ابرود.
باسل: يعني ما غيرانه على مجرد الموضوع ما عجبج اوي هي شوف شلون ستفزتج، اذا هيج معناها الوضوع راجع إلى بعتبار موضفه عندي وانه اعرف شلون اتصرف وياها واني وضحتلج انو مالي علاقه بيهه وهاي بس كدامج سوت هيج ماتجرء تجاوز حدودهه وياي فاذا عندج ثقه بيه خلي نسد هذا الموضوع
ميسم: كمت كتله بنفس البرود وانار ومشتعله بيه لان متمسك بيهه مكيف حضرته عل مياعتهه.
اوك واني كتلك براحتك محادخل مرا ثانيه انت إلى رجعت فتحت الموضوع عن اذنك
تركته وفتت لانو اني احجي وعيونه تتوعدلي يمكن يفكر يكتلني، تنهدت رجعنه النقطه الصفر، رجعت يمهم وبعد الضيافه وبدت ماما تحجي بالموضوع اباوع الرحاب فتحت عيونهه بصدمه وعضت الشفه تتوعدلي باوعت الهه بغرور وحده بوحده مثل ما سوته بيه خجلت وكامت وكامت للمطبخ كمت وراها وتكافشنه
رحاب: هذا كل عقله لو يموت ما اوافق عليه قليل الذوق.
ميسم: والله انتي قليله الذوق ونهديتي عل الولد اصلا جنتل وحماره اذا ما وافقتي عليه
رحاب: اااه هيج صارت هسه درتي علي
باسل: منو هذا الجنتل والحماره اذا مخذت
ميسم: جمدت بمكاني درت وجهي واكف بالباب ومكتف اديه رحاب الحقيره بس شافته فلتت تقرب على وكف كدامي كال
باسل: شنو الفلم
ميسم: بلعت ريكي كتله ماكو شي هبه جاي تخطب الاخواها منكم، عقد حاجبه كال
باسل: منو لؤي
ميسم: احم يي، اباوعله سكت صاف على ضيك عيونه وكال.
باسل: ليش ما كتيلي عن الموضوع
ميسم: خفت تكول لاتجون واتفشل وي هبه
باسل: ليش منو كلج حضرتي مخبل واكف ابابنه اطرد بالعالم
ميسم: ضحكت وكتمتتهه، مو هيج بس اعرف انت تتنرفز من سيرته، تقرب اكثر على حاوط اديه على مخليهم حاصرني عل الميز وراي
باسل: اتنرفز لان خطبج بوقت توني كلت يالله طلعلي عرض ردت اجلط لو ماخذج مني شسوي بي وبيج والله اموتكم...
ميسم: باوعتله صافنه بكلامه مبتسمه عبالك جاي يتغزل بيه. نتبهت النفسي، رجعت غندبت...
كتله عاد مثل ما خطبني اجه خطب غيري ماعنده شي خاص وياي وصراحه اني راح احاول اقنع رحاب انو تفكر بالموضوع لانو خوش ولد واهل هبه كلش ناس محترمين
باسل: وجنتل كلش عاجبج ومتاثرا باخلاقه
ميسم: كلش اعزه عل معزه هبه ما تشوف شلون اجيت اخطبله بنفسي، باوعلي بغيض رافع حاجبه كال
باسل: تعزينه
ميسم: احم ي واعز رحاب لهيج اتمنالهه الاحسن.
باسل: يي نشوف
ميسم: ي، خلي اروح يمهم خاف يردون نروح، يقرب حرك خذه ولحيته عل خدي، احس بديت ادوخ كال...
باسل: همم وشوكت راح نلتقي مرا ثانيه بما انو لسه ميبسه راسج...
ميسم: دبر نفسك...
باسل: اااخ من راسج اليابس
ميسم: ااااخ، عض خدي وبعد عني باوعتله بغيض
باسل: نلتقي بالعرس، ونتفاهم.
ميسم: تركني وطلع، نشوف بعدك ما تعرفني ستاذ باسل، رجعت يمهم بعدهم يناقشون هبه كاعده تحجي وي ورحاب خطيه صايرا حمرا من الخجل هههههه ودعناهم وطلعنه وراح وكالت امها ننتصر خبر من عدهم نشالله باسل ما يخبث بس لانو اذا هوا وافق يعني رحاب وافقت وبفضل زني عليهه اكيد هههههه...
عيون الناس تحجي وانت الك عين
تصب نظراتها براسي موسيقى.!