رواية الشيخة ليال للكاتبة الوردة البيضاء الفصل الحادي والخمسون

رواية الشيخة ليال للكاتبة الوردة البيضاء الفصل الحادي والخمسون

أحتاجُ وَجْهَكَ فِيْ الظَّلامِ الثَّائِرِ
‏ويدَيكَ في هذا الفراغِ الشَّاغِرِ
‏يافَجْرَ أُغنيتي, وَكَوكَبَ شَرْقِها
‏مُرِّي على عطشي كيومٍ ماطِرِ
ميسم: هفيت عل وجيهه بعد ما كتلهه دخلت بصفنه، وين وصلتي
ليال: يعني ما خطب
ميسم: بتسمت بعد ما باوعتلي بعيون تلمع من الفرح، لا يا ستي ماخطب وبات تكول انو هوا إلى متفق وي ابن عمهه لانه صديقه.

ليال: هزيت راسي. يي يي اكيد هوا إلى مخطط الهذا الشي هسه فهمت شنو جان قصده بالكلام إلى كاله بعصبيه لمه عل التلفون
ميسم: والله طلع مو سهل منو جان يتوقع يسوي هيج، صدك وين جنتي انتي
ليال: ويا حبسني بالشقه حتى ما اروح وياهم
ميسم: هههههههههه، وفر عليج المشوار
ليال: تنهدت، بس جفصت اكثر من قبل وعقدت الامور وجاسر مو سهل ينسه.

ميسم: تقربت يمهه حضنتهه، راح ينسه وترجعون مثل قبل واحله مستحيل يضيع هذا الحب انتي بس انطي مجال يصفي عقله ويستوعب انو إلى سويتي جان علموده
ليال: بحسره نشالله اصبر والله كريم كافي عندي انو هوا ما انطه بيه
ميسم: يي لان غركان بيج وبس ههههه
ليال: هههه شنو ست ميسم صايرا تنطين نصائح بالحب وانتي تاركه العالم متعذبه بسببج
تدرين من اول ما شفته بالمول اول مرا شلون يباوع عليج وزعجج عرفته معجب بيج.

ميسم: تنهدت يعني اني الوحيده إلى ما جنت منتبهه
ليال: ليش هسه دريتي انتي فاهيه
ميسم: مثل اختي غير
ليال: كومي لا ادفرج
ميسم: يعيني كايمه اتركج تحتفلين
ليال: ليش عيني عل شنو احتفل
ميسم: هههههه باوعلي بعيونج بالمرايه ونتي تعرفين ليش لازم تحتفلين.

ليال: تركتني وطلعت تضحك كمت وكفت كدام المرايه فتحت الشال اباوع لعيوني صايره عيونه حمر حتى توجعني فتحت الشال شعري مكفش باوعت الركبتي وتلمست العضه مالته، بتسمت عاضني بقهر، بس ليش ما كلي هيج عاجبه قهري، نفذ كلامه وعذبني مثل ما كال، اخذ راحتك ستاذ جاسر...

ميسم، كميه الاحداث إلى جاي تصير بحياتنه ولا بالافلام ذبيت نفسي عل السرير بعد يوم من شد الاعصاب وقهرا معدله عله ليال اسوء شي انو تشوف احد تحبه مر باحساس ما تتمنى العدوك، تنهدت اتصلت برحاب لانو طول اليوم متجاهلتهه لانو ما ردت اعكر مزاجها وياي.

طبعا الموقف إلى صار غلست عنه وما فتحت الموضوع حتى وي رحاب وكانو ما صار شي ولا رجعت سألت عليه مع انو كلش حابه اعرف اذا صار زين لو لسه مريض ما اتجرء اسئل بس إلى فهمته من لمحات بكلامهه انو رجع الشغله. وهذا الشي يوحي انو صار زين
رحاب: وين رحتي مو احجي وياج
ميسم: وياج بس خلص صبري شوكت النتاىج
رحاب: ي والله خالص صبرهم اكثر منج
ميسم: من هما
رحاب: هاا احنه قصدي اني، لج مشتاقتلج كومه.

ميسم: واني والله شنو رئج تجين يمي زياره
رحاب: ي هوا اصلا هيج مخططه بس بعد النتائج
ميسم: اووف هواي بس يالله نصبر
رحاب: ميسم
ميسم: همم
رحاب: باسل يسلم عليج
ميسم: الوت معدتي وتخربطت احوالي بلعت ريكي كتلهه، الله يسلمه، عرفته كاعد يمهه.

لان سمعت صوته يكول الله يسلمهه من كلتله هاي الغبيه، وهي تسلم عليك، باوعتله رفعت حاجبي ضحكت سديته بوجها، هواي صايرا تصف وياا على وتحطني بمواقف محرج، ذبيت التلفون وخليت ايدي عل كلبي يدك وكانو واكف كدامي سحبت الغطه عل راسي وحاولت انام بدون ما افكر مثل كل ليله...

مر اسبوع واني عل هاي الحاله بس اليوم ستثنائي كاعده عل اعصابي واهز برجلي بصف ليث وهوا يطلع بالنتائج اليوم نتيجتي كلبي مثل الطبل والكل وياي كاعد عل اعصابه منتضر تلفوني بيدي اخاف رحاب تتصل بيه لانو همات جاي تبحث مافكل بمعدل افكر بس بالنجاح واني ادعي ربي انو ما اعيد دور ثاني لانو لعبانه نفسي من الدراسه
ليث: كاااافي ولج وترتيني لاا تهزين برجلي
ميسم: ديالله فضها ليث والله كلبي راح يوكف.

ليث: هاي طلعتهم ثواني خلي يحملون
ميسم: بهاي الثواني اجني رساله باوعت التلفوني بصفنه فتحت الرساله جانت من باسل كلمه وحده، مبروك بلسمي، ضليت ارمش بعيوني بنفس اللحضا ضربني ليث عل كتفي
ليث: وووين وصلتي مبررروك عيني ناجحه
ميسم: جذذذذذاب يهووووو ضلت اصيح واكمز والكل يباركلي خبصت الجو. شوي وكفت وباوعت اليث كتله، صدك شكد معدلي
ليث: بعد وكت لو متخرجه من الجامعه يالله سائله.

ميسم: ههههههه والله اخر همي اهم شي نجحت، الكل بقى يضحك على الفرحه ما سايعتني بس القهرني انو بابا حتى ما باركلي لسه زعلان مني رغم اشوف الفرحه بعيونه. تنهدت
جان معدلي 80 وهذا معجزه بالنسبه إلى بس كل الفضل بي الرحاب وباسل وعل سيرتهه دك تلفوني رديت بلهفه طرشت اذني وهي تباركلي
كتلهه، الله يبارك بيج يا عمري، بس هسه عوفج مني انتي شنو طلعلج رائده فضاء
رحاب: هههههه عابتلج شنو رائد فضاء.

ميسم: ي اكيد معدلج معلك للفضاء، سمعت صوت ضحته يمهه اكيد سمعني عضيت شفتي بس من كالت معدلهه 98 صرخت وضليت اكمز
وربي فرحتهه اكثر من فرحي النفسي
سمعتهه تبجي، شبيج يا حماره مو راح تصيرين دكتورا شكو بعد تبجين بس لا صدك تردين رائده فضاء هههههه
رحاب: لااا اريدج وياي
ميسم: هههههههههه لا اكس كيوزمي بأه اني ما عولت اخلص منج ترديني اروح وياج بعدين اني اريد شي خفيف ضريف مالي بهاي السوالف بعد.

رحاب: قصدج شي ما بي دراسه وتعب يناسب كسلج يا كسوله
ميسم: هههههههه ي بالضبط بس جد لا تخافين ما راح افترق عنج راح نروح نفس الجامعه وبس مجرد الاقسام تختلف يعني لازكه
رحاب: هههههه واحله لزكه نشالله يصير البالي وتلزكين بيه بكل مكان
ميسم: ضحت عليهه نطتني امها باركتلي بس هوا ما باركلي ما اعرف ليش حسيت ضجت سديتهه وياها وبعد ما هوست وكعن رجلي صعدت الغرفتي وتنفست براحه وذبيت نفسي عل السرير واااخيرا خلصت.

ما اعرف شكد مر وقت وكعدت عل صوت التلفون سحبت التلفون ورديت بنعاس اجاني صوت رحاب
رحاب: وينج انتي من ساعه احنه ابيتك
ميسم: كمت فازه صدك لو تشاقين
رحاب: هههههه والله شبيج ماما اصرت انو نجي نباركلج
ميسم: ههههههه فديتهه والله، تدرين اني نمت من الفرحه يالله نازله طلقه
رحاب: ههههه منتضريج.

ميسم: كمت بسرعه للحمام غسلت وجهي وطلعت لابسه دشداشه بيتي بيهه دبدوب عل جسمي وشعري رفعته من الجوانب ورشيت عطر ولبست الشبش ونزلت ركض وصلت للصاله شاكه الحلك ختفت بتسامتي بخجل من شفت مرا كبيرا بالعمر وي رحاب ومها وياهم مرا بكد امها بتسمت بوجهي تقربت سلمت بخجل وباركولي وكعدت يم رحاب جبتهه كرص لان ما كلتلي اباوع إلى عرفته انو هاي عمتهه وبيبيتهه.

وبيبيتهه تباوع على من فوك لجوا ستغربت ي حقهه المرا ختلست نازله مثل الفزاعه حتى شعري ما مشطته ودشداشتي يبهه قصر ولابسه شبشب متت من الخجل كرصت رحاب...
رحاب: ااخ لج زوركتيني
ميسم: احسن يا حيوانه ليش ما كلتي جايين
رحاب: كل عقلج انتي خامده وما تردين عل الاتصالات
ميسم: لاا والله وي جدي حجيت قبل لا انام جان كلتي لج شوفي منضري
رحاب: شبيج جنج العافيه عل طبيعه احلا.

ميسم: باوعت عليهه بطرف عيني وترخصت وكمت جهزت الضيافه لان الاخت جذابه توهم واصلين دخلت
ليال: عزا بعينج شلون طالعه للعالم هيج
ميسم: لتفتت عل صوتهه، لج سكتي من غير شي ميته من الاحراج توقعت بس رحاب ومها عندي ميانه وياهم عادي
ليال: ههههه خلص لاتقهرين نفسج عادي اصلا مابيج شي هي هاي ملابس البيت شنو تلبسين يعني
ميسم: تنهدت عل كولتج شنو اريد اسوي، بس مو مبهذله مو.

ليال: هههههه تخبلين والله احلا مابيج طبيعتج اصلا، بس غريب ليش جايه بيبتها وعمتهه
ميسم: ما اعرف يمكن حبو يتعرفون
ليال: او يخطبون
ميسم: وكفت ايدي وجمدت بمكاني باوعت اليال كاتمه ضحكتهه واني الرجفه لزمتني
ليال: ههههههه ما يحب يضيع وقت كالج من تستلمين النتيجه وطلع كد كلمته
ميسم: ليال لا مو قت شقه فدوا رجلي بعد ما يشيلوني
ليال: هههههه اتشاقه حبيبتي روحي بردت الضيافه.

ميسم: تركتني وراحت بعد ما دخلت الشك براسي معقوله صدك يسويهه لا لا مو لهل درجه وهاي السرعه، بلعت ريكي واخذت الصينيه دخلت متوترا اكثر من قبل دخلت ضيفتهم نضراتهم واسئلتهم زادت الشك بكلبي اباوع الرحاب تتهرب بعيونهه مني ضيكت اعيوني وترخصت ويحبتهه وراي ما نطيتهه فرصه ترفض
دخلتهه الغرفتي وبقيت افتر عل راسهه من التوتر
رحاب: كعدي خيلتيني
ميسم: رحاب عترفي ليش اجيتو حسيتهه توترت.

رحاب: ليش اجينه غير نشوفج عابتلج اي والله
ميسم: نجبي مو هيج قصدي، بس شعجب هيج بيبيتج وعمتج وياكم ستغربت عبالي جايين...
رحاب: شنو عبالج
ميسم: تنهدت ماكو شي كومي خلي ننزل، كمت من السرير رجعت سحبت ايدي كعدتني باوعتله بستغراب تنهدت وكالت
رحاب: ميسم راح احجي وسمعيني للاخير رجاءا
ميسم: هزيت راسي.

رحاب: ههه ما اعرف شنو كالج باسل بذاك اليوم بس اعرفه ما كال كل إلى راد يكوله، هوا رايدج من زمان حتى يمكن باول يوم زرتينه اذا تذكرين صح خلصتوها مناكر ههههه بس متاكده من يومها وانتي صرتي اباله وتصرفاته بعدين تثبت هذا الشي عيونه تلاحكج اني الساحلني بسببج خليهه تدرس تمرضت خليهه تاكل ووغيرا ووغير هاي كوم ومزاجيه الغيرا إلى لازم اتحملهه كل ما يشوفج وي يوسف بس تدرين شنو اصعب شي صار بهذا انو باليوم الكلتلي عل خطبتج من يوسف هوا جان ناوي يصارحج بالمول وصارت بوجها.

ميسم: شهكت وخليت ايدي عل حلكي من تذكرت ذاك اليوم وشلون تعامل وياي هسه فهمت قصده من كال شتريتي الحلقه كدامي.

رحاب: ههه لا تستغربين هيج عل فكرا هوا سافر حتى بس يكدر يطلع هذا اليوم من راسه لانو ما اعرف شلون طلع عليه صبح يومها اول مرا اشوف باسل باين عليه الحزن ومقهور هيج وهوا عاده شخص كتوم صح ما بين النه بس اني حسيت بي وصدكي حتى من فسختي نقهر عليج اكثر من فرحا بعد ما شاف حالتج وجبرني اهتم بيج اكثر هههه وبعد وبعد هواي موقف صارت هوا عاش وياج تفاصيل علاقه انتي ما تعرفين عنهه شي اصلا.

ميسم: ليش ما كتلي اذا تعرفين بكل هذا
رحاب: وشنو الفايده انتي وعلاقتج بيوسف جانت ماخذه كل طاقتج لدرجه مو منتبهتله
ما جان بيدي غير انقهر عليكم ثنينكم من ناحيه هوا وشلون متعذب بسببج ومو حاسه بي ومن ناحيه انتي وشلون متعذبه بسبب يوسف وما حاس بيج هم يعني بالحالتين ثنينكم عشتو نفس المعاناه...

لزمت ايدهه وهي صافنه بالفراغ كتلهه، مو لانو اخوي ولا اريد توافقين عليه واسببلج نوع من الضغط بس صدكي ماراح يمر بحياتج شخص يقدرج مثل باسل لاتخسرينه، تركتهه وطلعت خليهه تاخذ راحتهه حتى تستوعب الكلام إلى كلتهه تفكر بي وبالفعل احنه بيومه اجينه خطبناها وتركناهم ياخذون وقتهم بالموضوع ومن كلبي ادعي انو اتم عل خير...

ليال: رجعت للبيت فاتحه عيوني عل النص بعد كل هاي البلاوي إلى صارت بوقت الامتحانات وفوكاها دراسه وسحله معدله واخيرا خلصت بدون نقاش وبدون تفاهم اول ما فتت عل غرفتي دخلت بوجهي للحمام سبحت ومن الحمام ذبيت نفسي عل السرير مو مصدكه انو راح تكون اخر مرا امتحن بيهه هاي اذا ما عدت كم ماده نمت نومه تعب وسهر ما اعرف اشكد مر وقت وكعدت شبعانه نوم باوعت الساعه بالاربعه.

اوو شكد نايمه من الصبح للعصر لفيت شالي ونزلت البيت هدوء طلعت للحديقه اشتم هوا بعد ما اخذت ريست من الدراسه، لكيت المتعوس الثاني كاعد كدامي جكارته بيده باوعلي بتسم سحبت الكرسي وكعدت، شلونك
يعقوب: طايح حضي
ليال: ههههه عفى
يعقوب: هي ضله بيهه عفا انتي شلونج
ليال: الحمدالله بس مثل ما انت شايف المتحانات ما خلت طاقه
يعقوب: متاكده الامتحانات
ليال: كلنا بالهوا سوا.

يعقوب: هههههه ااخ لاتذكريني شلون جنت مريح راسي هسه بسنه شيب
ليال: يعني انت ندمان، اباوعله صفن بالفراغ وصارت بتسامه عل طرف شفته باوعله تنهد وكال
يعقوب: ههه هي صح بلوه حياتي بس ما اريد اتخيل حياتي بدونها
ليال: لعد شنو المشكله اذا هي مثلك
يعقوب: وهاي المشكله انو ما نعرف شنو المشكله اصلا
ليال: بتسمت، اسويلك جاي
يعقوب: واذا كهوا تسوين فضل
ليث: حسبي حسابي وياج.

ليال: درت وجهي عل صوته، ادلل، تركته كعد ودخلت سويت الهم كهوا طلعت وكفت لحضه واني اشوفه كاعد وياهم بلعت ريكي وتقدمت قدمت الهم الكهوا بدون سلام ولا كلام
وتصرفت كانو ما جاي اشوفه ما صديت بعيونه ابد مو ثكل بس اذا صديت راح انفضح شكد اني مشتاقتله جان ابغداد لانو تعارك هوا وامه هوا من شافني هيج كام ورفع تلفونه وجكايرا من الطاوله
يعقوب: وين اشرب كهوتك
جاسر: ما محسوب حسابي واصله.

بعد 3 نشالله بعقد ومشيه ليث عل بان
ليال: رفعت راسي باوعتله بعدم تصديق ورجعت باوعت اليث بصدمه وهوا مثل حالي يباوع الجاسر مصدوم بيده كوب الكهوا هتز من رجفه ايده وكعه عل نفسه وما حس بحراره جاسر هز ايده بضحكه ومشه واني تقربت ذبيت عل ايده مي باوع النه اني ويعقوب إلى كاتم ضحكته عل منضرا اضاهر وقعت الخبر ما جانت سهله عليه هوا اني لسه ما مستوعه معقوله جاسر سوا وكال هيج.

ليث: معقوله إلى سمعته صحيح لو جاي اتخيل انتم سمعتو إلى سمعته مو
يعقوب: ههههههه طاح حضك فشلتنه
ليال: هههههه الف مبرووووك حبيبي
يعقوب: الف ااالف مبروك ضلعي
ليال: باوع النه بعيون تلمع من الفرح يمه رجف كلبي عل فرحته سحب تلفونه وكام مثل الدايخ مو مصدك تنهدت براحه واخيرا راح يدخل شويه فرح علينه، ركضت بسرعه اتصلت ابان إلى ردت وهي تشك من البجي وكفت كلبي، شكو شبيج.

بان: ليال مو مصدكه من كالي جاسر واني عل هاي الحاله مو كادرا ابطل
ليال: ههههههه بس ليش البجي
بان: تعاركو هوا وماما مو موافقه
ليال: اااوف خلص حبيبي محلوله نشالله لتبجين ودير بالج تتراجعين هاي المرا والله تخسرين للابد
بان: لااااااا شنو اتراجع وبعدين من كلج اني ابجي هئىئ عل العركه شعلي بيهم
ليال: لعد هههههه
بان: من الفرحه هئ هئ والله مو مصدمه ليال ما جاي احلم مو ولا لسه نايمه من التعب مال الامتحان.

ليال: ههههههههه حرام انتو مخابلي نزفكم للشماعيه احسن صحصحص يا حلوا عندج 3 ايام بس
بان: ياااا عزااا
ليال: ههههه رلكس حبي كله تحت السيطره.

ليال: ليث فاتح بابا بالموضع وتفقو عل كلشي وبدو يجهزو علمود العقد طبا بان كالت انو جاسر ما مخلي امه تفتح حلكهه وتعترض لانو هوا اصلا شايل عليهه من سالفه خطبته لان تخطيطها وكايل الهه بشكل صريح انو بعد ما تدخل بي ولا بان رغم صاير نقاش حاد بينهم بس ما كادرا ترجعه عن قراره بس القهرني انو هي راجعه ضاغطه عل بان ومن ما خاضعه الهه ساحبه ايدهه من عدهه وما تحجي وياها اباوع الهه نكسرت فرحتهه واني إلى تكفلت بالترتيبات.

حجزت كوشه وميز كامل جنت ناويه احز قاعه بس هي ما قبلت تخاف امها ما تحضر عدهه امل انو بالبيت تحضر المهم ختارينه الصالون والفستان طلعنه اني وياها وميسم ماما ااخذتنه ما قبلت ليث شرطهه انو ما يلتقون إلى وهي مرته حتى اتصالات ماكو وهوا تقبل الموضوع يكول هذا اضعف الايمان حتى تعذبني بعد خلصت طرقها هههه فا من طلعنه جبنالهه ذهب وكملنه كلشي يخصه ثاني يوم اجت الكوشه والتجهيزات اني مسوله عن ترتينهه وميسم مسوله عن بان الصاله جبيرا يعني ما تفرق عن القاعه بديت ارتب بالكوشه وي البنيه والميز التجهيزات جانت تحفه بس وكع حضي من التعب بس الحمدالله طلع مثل ما اتمنى وكفت اباوع باعجاب حتى ديجي حجزت...

جاسر: عاشت ايدج
ليال: نبره البرود تخللت الاذني مثل المرض، باوعته واكف وراي بالباب تقدمت عل الطاوله واخذت شالي لبسته باوعتله بنفس نضرته كتله، تسلم، اباوعله رفع حاجبه ولمحت نضره نرفزه من حركتي رجعت اتحرك وكانه مو موجود لحد ما طلع تنفست براحه لان جنت كاتمه نفسي حتى لا يضطرب كدامه لو تبين رجفه جسمي تنهدت وكملت شغلي.

وثالث يوم رحنه للصالون هوا وصلنه كل عاده بس يدخن طول الطريق بنرفزه جبرت بان تصعد بالمقدمه درت وجهي وهوا حرمت عل عيوني تتحارش بيه وصلنه الصالون وبدت تشغل ابان
واحنه هماتين جهزه نفسنه وخاصه طالعين من متحانات يعني سمكرا سوينه من اول وجديد.

واول شي سويته سحبت شعري وخليتله ماده تثبته وسويت طلع حلو ما مقتنه بس حابه اغير حتى شعري ما اتحمل شكله بعد. وميسم جنو نطو دائما مودهه غير وتسوي إلى براسهه وشلونه راسهه هاي الفترا لسه ماما مرجعين الخبر للمسكين من نتضرين صدور الحكم من بابا ومن الست ميسم
اما بان فا اباوع الهه مثل فرشاه وجاي ترفرف من الفرحه هي طاله فاراشه اووف واخيرا راح تكمل فرحتهم نشالله...
إني وإن أبديتُ ماء مشاعري.

‏ أخفيتُ بحرًا من هوايَ مُهابا.