رواية الشيخة ليال للكاتبة الوردة البيضاء الفصل الثاني والخمسون
حبيبي ليس شاعراً
يُقيدني بين الأسطر
هو هادئ،
قليل الكلام كثير المشاعر
عادةً يُخبرني بأنه يريد قول الكثير
لكن
يصمت يتنهد
ويقول
أُحبكِ.
بان: القران بايدي ورجلي بالماي والياس وصوتي يرجف واني ارد ورا الشيخ مو مصدكه انو حلم حياتي صار حقيقه واليوم راح انعقد باسمه هوا وعدني بهديه من اخلص متحانات وهاي جانت احل هديه هوا حاجي وي جاسر وراجع خاطبني منه وما رجع خبر غير قبل 3 ايام حتى بدون ما يسألني لانو جوابي مو مخفي عليه خاصه بعد إلى سوا المرا الفاتت بالمشيه...
ماجنت مصدكه لمن فاجئنه اني وماما بقرارا من الفرحه هاي المرا حتى ما ركزت بالخلاف إلى صار بينه وبينهه لانو حاسمه قراري وما راح اتخله عنه مهما يصير تعبت واني انتضر تعبت واني انتضر اللحضه إلى يصير بيهه إلى واكدر اباوع بعيونه بدون خوف وندم بتسمت واني اتذكر قبل 3 ايام من اتصل بيه بوقت متاخر بعد ما كلي جاسر عن الموضوع رديت بخجل، الووو
ليث: طلعي خمس دقايق منتضرج برا بالحديقه.
بان: كال هيج بسرعه عزز هذا شلون يريد اطلعه بالله شافنه جاسر لو ماما والله اذا خربت هاي المرا انتحر، نزلت اتسحب وفتحت الباب الخلفي وطلعت واكف منتضرني او ما شافني تقدم على وكف كدامي اباوعله يتصرف توتر ويتلفت باوعلي، تنهد ببتسامه
ليث: وصلتج الهديه
بان: دمعت عيوني وهزيت راسي
ليث: ااشش لا لا تبجين ترا كوا واكف عل رجلي لا توتريني اكثر
بان: ليث أجلهه حباب لا يطلع احد ويشوفنه وتصير مشكله ثاني.
ليث: هههه لا بسرعه شبيج
بان: بقت اتلفت وهوا هم والجو بارد واكفه ارجف من التوتر والبرد من ايده بجيب وطلع علبه شهكت وخليت ايدي حلكلي وهو ضحك كعد كدامي عل ركبته وفتحه وقدمهه إلى بيهه محبس باوع بعيوني نزلت دموعي بسرعه دائما اتمنى هيج يتقدملي واحب هاي الحركه بالافلام بسرعه نزلت دموعي مو مصدكه صارت حقيقه وانو سوا هيج ليث المغرور اعرفه مايحب هاي السوالف باوعتله شلون يباوع بعيوني كال...
ليث: لا تستغربين ليال كالتي، وانه ماريد اخلي شي بنفسج
بان: برطمت وباوعت النفسي بالبجامه ورافعه شعري لابس كبوس وشحالي، ليش ما كتلي اجهز نفسي واخلي احد يصورنه
ليث: بتنهيده وبتسامه، تعجبيني بكل حالاتج ماخذه عقلي وشالعه كلبي نتضرتج اسنين وصبرت وكلمه منج هي راح تعوض كل صبري بان...
بان: كبل لا ينطقها، كتله بسرعه وتلقائيه
تتزوجني، سكت وباوعلي بغيض.
ليث: لج غيبه اني المفروض اكولهه صار ساعتين ادرب عليهه ولجي وكعدت واني راكع
بان: ضحكت مسحت ادموعي وركعت بمستوا
لاا اني إلى غلط بحقك بس انت ما تخليت عني رغم كلي إلى سويته بيك لهيج المفروض اني إلى اكولهه، ليث تتزوجني، بتسم وحاط اديه عل خصر وسحبني عليه خله راسه عله جبيني كال.
ليث: إلى صار نسيته لاخذلتيني ولا خذلتج من اليوم راح نبدي صفحه جديد بيضه ماريد هذا الموضوع ينفتح، وبخصوص طلبج همم راح افكر بالموضوع...
بان: باوعتله بغيض وضربته بصدرا دفعت وكمت وهوا يضحك باوعتله بغرور مصطنع كتله، يالله تفضل عيد العرض شنو جنت اتكول
ليث: ههههههههاي، احم ي ست بان، ممكن تتكرمين على لان طاح حضي وتقبلين تتزوجيني.
بان: ضحكت و هزيت راسي بدموع، ي موافقه والله، نتبهت عل وايد تهز بيه، كلت بسرعه وتلقائيه، ي موافقه موافقه، كلهه ضحكت باوعت عل ليال ضربت كصتهه وكالت
ليال: ولج ندري بيج موموافقه فضحتينه الشيخ وكع السانه وهوا منتضر وكالتج.
بان: ردت ابجي من الفشله ودنكت كلت بخجل بعد ما رجع كرر الشيخ السوال كتله، نعم وانت وكيلي، بس ختفت هاي المشاعر واني اسمعه يردد ورا وكلب صار يدك مثل الطبل من بارك النه وعلن زواجنه شتغلت الهلاهل واني بقيت اهفي عل عيوني لا ابجي حضنتني ليال وهلهلت الكل صار يباركلي بس اكثر شي فرحت من اجت ماما باركتلي وبعيونهه لمحت الفرحه بعيونهه.
كمت للكوشه ما مر وقت وطويل وهلهلا عل دخوله جسمي كله بقى يرجف وكانو لسه عايشه بحلم و وي دخلته شتغلت اغنيه رغم كلهه فرح بس لعبت مشاعر خلتني ابجي من الفرحه ستقبلنه ليال وميسم يركصن عليهه وهوا عيونه على يباوعلي بعيون تلمع من الفرحه طالع يخبل مدري عيونه تشوفه احله واحد بالدنياا
(سمعوها ).
ليال: فرحتي بليث وبان ما تنوصف ماكدر اوصفه يمكن من احلا ايام حياتي وهذا الخلاني اتكفل بكل تفصيله وادق تفاصيل منى لحد ما ازفهم بايدي ما مصدكه انو بعد كل هذا التعب نجمعو اخيراً بدخله ليش شغلت اغاني وتكابله اني وميسم ركصنه من كل كلبنا ههههه ما مصدكين فرحه واخيراً جنت لابسه فستان اسود عل الجسم بتصميم حلو جوا الركبه ونازل من الكتف شويه شعري سويت بي لون وتركته نازل بس سحبته مادري ليش هيج سويت بس حتى هو تعب نفسيتي مكياج مرتب طلعت توب خاصه بكصه جسمي الجديد لان هواي نزل وزني، يعني صدك طلعت الطاقه العندي وليث يستاهل.
بان: كعد يمي وبعد صرت ما اشوف غيرا وكانو بس احنه موجودين تقرب يمي همس
ليث: مبرووووك اخذتيني اخيرا
بان: ضحكت، كتله لعد شعبالك غير ابن عمي وحصتي
ليث: اااخ اويلي واني هذا الجمال كله حصتي ابوس امج عل هاي الخلفه
بان: يحجي ويباوعلي باعجاب ضحكت، ماتخليك هههههه
ليث: بسيطه اله اطلع عذابي من عيونهه، وما ابوسج اله كدامهه
بان: تقرب باس خدي باوعتله بصدمه وضحكت، ليث منى العالم
ليث: يا صبر ايوب العالم وراي وين ما اروح.
بان: تنهدت باوعله شلونه فرحان لازم نفسه كوا ما يكوم يركص وي البنات، جابو الذهب وادينه ثنينه ترجف مو مسيطرين عل بتسامتنه لبسني الحلقه عل المحبس إلى لبسني يا المرا الفاتت وباقي الذهب سوينه كل فقرات الحفله الركص والكيك والتصوير وجانت اسعد لحضات بكل حياتي شعوري بيهه ما ينوصف لحد ما طالع
وهنا نطلقت ركصت بحيلي اريد الكل يشوف فرحتنه اني والبنات...
بعد ما خلصت الحفله دخل جاسر حضني وباركلي حضنته حسيته حاضنه بابا بهاي اللحضه وهوا جان نعمه الابو فرحته بيه باينه بعيونه باس راسي وكال
جاسر: اوويلي بنيتي كبرت وصارت عروس تخبل، اتمنى ما اكون قصرت وياج بان
بان: دمعت عيوني كتله، جنت سندي إلى ما خلاني اميل بيوم امشي واني رافعه راسي طول العمر
جاسر: بتنهيده واضلج سند طول العمر وهسه خليتلج سند ثاني ماراح يفرق عني انشالله.
بس هوا شويه لزكه روحي شلعي من الستقبال ترا اتراجع اذا راح يلزك النه
بان: ههههههههه، ضحكت ولبست شي عل راسي وتركته يدور بعيونه عل فد ناس مسوي نفسه مو هامينه
ورحت للستقبل اول ما دخلت الباب مفتوح اباوع محد سمعت طكت الباب درت بتسمت واكف ومتكي عل الباب باوعلي بتسم وتنهد اكلني بعيونه وهوا يتقرب مني جنت لابسه.
وي مكياج مرتب وتسريحه بسيطه نازله اول ما وصل لي بسرعه وبدون مقدمات حضنته وهوا حني بلهفه وصار يفر بيه خلاني عل القنفه واخذ شفتي بلهفه مثل العطشان بادلته بنفس اللهفه
فصلتهه اني ما احس غير اجاني طراك بخفه عل خدي باوعتله برطمت، كال بغيض
ليث: ليش تاخرتي بالرد عل شيخ
بان: ضحكت، تصدكني اذا اكلك جنت افكر بيك وسهيت، رخت ملامحه وبتسم كال وهوا رجع يتقرب مني.
ليث: ههه ي اصدك، لان اني هيج ونتي يمي افكر بيج، عود ليش احبج هيج
بان: شنو
ليث: احبج، اشش كافي بعد دموع ممنوع وياي ماريد اشوف بس ضحكتج، لج شنوو طالعه ليوم والله مال كرط
بان: بتسمت مسح دموعي ورجع اخذ شفتي بكل حب ولهفه، بهيج لحضات تتمنى بس يوكف الوقت خلص تلونت حياتي بي وماريد شي بعد من الدنيا وسامحتهه عل كل عذابي لان خلتني اتكأفئ بي ومن اليوم هوا كل حياتي...
ليال: كعدت بزاويه بالاستقبال وبحضني صحن كيك لان ميته جوع اكل بي و احس جسمي كل عضمه بي توجعني من التعب ونعسانه صار 3 ايام اني مسحوله بالتحضيرات بس الحمدالله النتيجه والفرحه هونت على التعب كاعده ومنتضرا بان تجي هم لازم ارجع اساعدهه نعزل هاي الهوسه بيدي مبايلي اباوع عل الصور إلى صورتهم إلى هبه ومقاطع الفيديو ما شالله الرقاصه إلى بداخلي لسه موجوده بتسمت تذكرت اخر مرا من ركصت كدامه تنهدت.
رفعت راسي وتفاجئت واكف بالباب مكتف اديه ويباوعلي واحسه جاي يرسمني بعيونه كد ما ممركز بيه.
دنكت بسرعه بعد ما اني هم صفنت بي جان لابس دشداشا سوده وغترالافهه بيجي وهوا هم ضعفان ولحيته طولانه عن قبل بس زايدته هيبه وجماليه شلون صدفه ثنينه لابسين اسود، ثواني ونتبهت النفسي عدلت كعدتي لان جنت طابكه رجلي عل القنفه والكعده مو قانونيه وشعري سحبته عل كتفي العاري وخليت شال عل راسي ورجعت اتصرف كاني ما شفته البارحه اجه من بغداد علمود الخطبه وحتمال يرجع شكله خلص نوا يستقر هناك بس يخلص عرس بان إلى ناوين يكون باقل من شهر مايردون يتاخرون هواي تنهدت.
ومن حسيت خطواته تتقرب على سويت المستحيل حتى اخلي انفاسي منتضمه كعد بصفي عل نفس القنفه بعد ما اخذ الصحن إلى بحضني وتعمد يدنك قرب مني وهوا ياخذه يعرف روحي بي وحتى عطرا يأثر بيه
كعد طابك وحده من رجليه يعني صارت كعدته مباشرتن على كال بنبرا بارده يغلف بيهه صوته كل ما ياخذ موقف واهني عل هاي القدرا...
جاسر: سلام.
ليال: وعليكم السلام، كلت بهدوء واني لسه مخليه بالي وي التلفون او امثل انو بالي بي، حسيت عل شالي نسحب بطرف اصابعه وشمرا كال وحسيت غيض بصوته من غير شي هوا مغتاض من حركه لبس الشال كدامه كال.
جاسر: تغيير حلو
ليال: شكرا، كلت هيج وتركت التلفون وكمت لفيت شعري كبه وصرت اتحرك اعزل بالستقبال احس عيونه على وتتبعني واني داخله ضغط نفسي حتى اقاوم مشتاقتله، مر وقت واجاني صوته بي نوع من النترا والغضب.
جاسر: تركي من ايدج شكلج تعبانه هواي بس حقج ما مخليه رجلج تنحط بالكاع
ليال: باوعتله مستغربه باوعتله باوعلي رافع حاجبه وكفت صافنه، تلفوني بايده نسيت هوا يعرف الرمز اكيد شاف فيديوات الركص سويت نفسي مغتاضه من تصرفه تقربت بسرعه اريد اخذه من ايده لزم ايدي وباوعلي بخزرا كال صاك سنونه...
جاسر: كد هاي الحركه
ليال: كتله بتحدي، ي كداهه مالك حق تفتش بتلفوني
جاسر: إلى حق بكل ذر بيج غصبن عليج.
ليال: هذا الحجي قبل انت مطلكني لو نسيت رفع حاجبه وبتسم بستهزاء
جاسر: هه منو يكول، وهاا صححي المعلومه انتي طلبتي الطلاك مو اني طلكتج
ليال: ضليت اباوعله وارمش بعيوني اريد استوعب قصده ثواني نتبهت اباوعله صافن وعيونه عل شفتي وانفسه صارت تضرب بيهه عاندت نفسي ماريد اضعف نترت ايده بسهوله لانهوا شكله ضيع وبعدت عنه واخذت تلفوني من ايده نتبه عل نفسه فرك وجها وكام طلع.
تنهدت بحسرا اعرفه ماراح يتنازلعن كبريائه اني حلفت ما اذل نفسي اكثر كافي إلى صار بيه يوم خطبته وعتبرته عقاب عل خذلاني اله وهس بعد تصافينه لازم هو إلى ينازل شوي لهيج شكلنه مطولين هيج...
فتحت التلفون وبتسمت داز النفسه اكثر من صوره وفيديو ما حاذف المحادثه ناسي المغرور فاتته لان عصب، بس حاذف الستوري مالتي رغم صوره رمزيه بس ايدي وجزء بسيط من جسمي، خبيث بس حتى خباثته حلوه.
شوي ودخلت بان تترنح وتبتسم بثول ذبت نفسهه عل القنفه مبتسمه بغير عالم ولا باقي مكياج ولا تسريحه ضحكت وهزيت ايدي وكفت عل راسهه مكتفه ادي كالت
بان: ليش هاذ الشعور اليسمونه السعاده هيج ايدوخ
ليال: ههههههههههههه خرب انتي فاصله كلش
هاي بس ليث طلع مثل حالتج والله فضحتونه
بان: هههههههه لاا مركز اكثر مني هوا هم كلي روحي لان فصلتي قابله للاستغلال وراح تخليني اتهور.
ليال: هههههههه ااخ لو داخله قبل دقايق جان عرف جاسر شلون يخليج تصحصحين، كلت هيج فزت مصحصحه
بان: غززززا وينه
ليال: هههههههه صعد الغرفته
بان: صاعده ابدل لا ينزل ويشوفني هيج يطلكنه
ليال: ههههههههههه، صدك ضحكت صعدت غسلت وبدلت ونزلت ساعدتني خلصنه بعد ما وكعنه صفح والفستان دمرني ماردت اغير كلت اخلص وارجع للبيت فدنوب اسبح وانام
بان: لو تموتين ما اطلعين اله تتعشين وياي
ليال: ليش بيج بعد تسوين عشه ما شبعتي.
بان: هههههههه نو ما شبعت راح اطلب دلفري هاي المرا بس اكل لا يروح فكرج لبعيد
ليال: لا راح البيتنه اتصلج بي
بان: ههههههههه نتضري راجعه
ليال: راحت ذبيت نفسي عل القنفه بتعب ومددت اتصلت بميسم اطمنت عل هبه كالت بايادي امينه سديته منهه وبقيت اكلب بالتلفون حاولت اقاوم بس النوم سلطان غفيت بمكاني وما حسيت غير لمن انرفعت من مكاني واني بين الواعيه والنايمه ومن ثبت بكاني رجعت غفيت.
ما اعرف شكد مر وقت فتحت اعيوني بنزعاج نومتي مو مريحه بسبب الفستان، بقت صافنه شلون نايم كدامي مكتف اديه ومنطيني وجهه باوعت بغرفته معناها هوا شالني لهنا ما جنت احلم، تنهدت ببتسامه تقربت منه هاي المسافه إلى تتقدر بكم سانتيم اخذت الغطه خليته عليه وياي خليت ايدي بهدوء عل لحيته وتقربت بست شفته بخفه حسيت بعدم نتضام انفاسه ورمشت عيونه بس ما فتحاها بتسمت احسه زعلان مثل الطفل العنيد ردت اتقرب انام عل ايده واحضنه بس تراجعت خلي هاي المرا براحته كلش.
بعدت الغطه عني ارديد انسحب واكوم ما احس غير سحبني من ايدي بنترا الحضنه نيمني عل ايده وحضن خصري بالثانيه حتى رجله ثبت بيهه رجلي وكانو راح اهرب تنهدت ورخيت جسمي دفنت نفسي بصدرا.
اعرف ما باجر راح اكعد ما الكاه وحتى يمكن الكا واصل البغداد مثل ما جاي يسوي هاي الفترا بس اني هم احتاج هذا الحضن حتى اقاوم الاشتياق اله بين فترا وفترا لان وصلت المرحله حبي اله تعده مرحله يكون بينه كبرياء وزعل وتنازلات وكرامه صرت اتقبل منه كلشي لانو اعرف هو شنو يريد وتاركت عل راحته ياخذ قراره واني اتقبله اين كان مو ضعف بس مدام هوا جاي يشد اني لازم ارخي من يمي لان اذا شديت هم راح تنكطع علاقتنه وحنه ما نريد هذا الشي، وهذا هو الحب...
هبه: دخلت ميسم بيدهه كلاص لبن وتباوعلي بقلق، ما كدرت ما احضر خطبه بان وليث لان هما اعتبرهم خواني وعزيزين على بس ما كدرت اتحمل الكلام والمغثه ام يعقوب كالبتني وصارت تحجي طالع نازل وتبسمر حتى باخلاقي شككت بطريقه غير مباشرا كدام العالم ولا كانو عرض ابنهه وكرمته واهانته من كرامتي واني ساكته ما اريد اخرب فرحتهم لحد ما علك ضغطي من القهر جابتني ميسم للقصؤ علمود الهدوء، اخذت الكلاص منهه، شبيج لاتخافين ما بيه شي بس دخت من الصوت العالي ما الديجي.
ميسم: من الصوت لو من المسمومه
هبه: شنو هذا الكلام تبقى مرا جبير شنو نسويلهه يعني
يعقوب: منو هاي، وشبيج
هبه: رفعت راسي عل صوته يباوعلي ويحجي بقلق
ميسم: ي الله جابك تعال اخذهه عل مستشفه حتمال ضغطهه علك
يعقوب: شنووو شوكت هاي ليش لسه ساكتين كومي بسرعه يالله
هبه: تقرب مني يحجي بقلق ويتفحص بيه
والله ما بيه شي هسه اصير تمام وراح اشرب لبن هوا الحمل هيج لعد كل شوي اروح دكتور ما صارت هاي.
يعقوب: بتنهيده الراس اليابس شلون يقتنع
هبه: كال هيج وكام باوعت الميسم بغيض الكاتمه ضحكتهه شربت البن رجع بيده جهاز الضغط قاس ضغطي الحمدالله نازل شوي جان ما خلصت، باوعلي كال
يعقوب: كومي رتاحي شوي.
هبه: باوعت بعيونه احسه يحجي بترجي، بلعت ريكي جاي احجي ودك التلفون لؤي باوعله وسوا نفسه يعدل بالجاهز احسه تنرفز خله وكام، تنهدت سديت الخط وكتبتله رساله ما اجي اليوم ميسم باوعتلي بتسمت ترخصت منهه وكمت دخلت عليه للغرفه.
متمدد عل السرير بملابسه ويدخن اول ما شافني طفاها بسرعه وصار ينكث الدخان بيده وكفت كدام المرايه نزعت الشال والعبايه اباوعله عيونه على تشخصت لابسه فستان بسيط قماش ناعم مال حفلات من الصدر تعاليك ونازل كلوش بارزه بطني شوي وي مكياج وتسريحه بسيطه درت وجهي اله، بتسم، كال
يعقوب: حليانه وتجيبين العين
هبه: بتسمت وهوا ادنه سوالي مجال تقربت منه اخذ ايدي ونيمني يمه حاضني صرنه قراب من بعض وعيونه بعيني كال.
يعقوب: منو ضوجج
هبه: محد بس الاصوات عاليه دخت، كال بعدم تصديق
يعقوب: بتنهيده ي واضح
هبه: بعدك ضايج مني
يعقوب: ماضوج لان حقج بس ياريت لو ما كاسرا بخاطري كدام اخوج وجايه وياي صدكي ماكان جبتج لهنا
هبه: اسفه وتدري اني هم تعبت، خلص إلى تريده يصير
يعقوب: ماريد اتعبج اريد بيت ازغير وياج انتي وجهالنه لانصدك تعبنه
هبه: تقربت حضنته وهو ضمني الحضنه اكثر كتله، ميخالف حبيبي تهون، رفع راسي باوعلي بتعجب.
يعقوب: شنو كلتلي
هبه: كلت بتردد وعرف قصده، كلت حبيبي ليش انت مو حبيبي، بتسم بفرحه اول مرا اشوفها تنهد
يعقوب: ي حبيبج ومن اليوم دائما كوليهه
هبه: بتسمت وهزيت راسي دنك باسني بخفه ورجع حضني
يعقوب: ننتضر ينزل الضغط شعدنه
هبه: ضحكت وحضنته اقوا احس روحي ردت من نتزاعل احس مختنكه وما طايقه حتى نفسي الله لا يجيب زعل بينه بعد نشالله...
ميسم: كاعده كدام عمو وبابا افرك بادي من التوتر باوعت العمو من كال.
ابو يعقوب: شوفي عمو الحياه قسمه ونصيب وانتي مثل بنتي تدرن بنفسجن يعني إلى صار بينج وبين يوسف قسمه وما صارت وانه كلت لبوج هذا الحجي وهسه اجت قسمتج لا تتقيدين بيه لو بزعلي ولا تتقيدين با شي الولد احنه نعرفه ذهب هوا واهله وما قاصر شي وحتى صديق ليث ويعرفه عز المعرفه ما جاي اكول هيج حتى اضغط عليج واغير قرارج.
بس هذا رئينه وحتى ابوج هيج رئيه وهاا دراستج ما الهه علاقه بالموضوع انسي كلام ابوج قبل لحضه عصبيه وراحت الحالهه وعل ضمانتي تكملين دراسه بس الصراحه ماردنه نخسر هيج انسان فهسه القرار ولا نريد انكرر الغلط مرتين فهسه القرار الج وبكل حريه.
الولد منتضرنه من اكثر من اسبوع وعيب لازم نرجعله خبر ومن شفافكم مغلسين اجه لي ورجع مرا ثانيه طلبج مني حتى مايخلليلكم حجه كال انت مثل ابوها وجاي طالبها منك واذا عندك عتراض انه انسحب والصراحه هاي بعد هاي حركته عرفتني معدنه اكثر ابن اصول وما ينرد وهسه بقت عل كلمه منج شكلتي بويه.
ليث: ميسم لاا تفكرين ذره وحده انو ممكن نغط عليج او قرارج ياثر عل تعاملنه وياج مثل ما كال عمي دراستج تكمليهه وحياتج تبقى مثل ما هي حالج حالنا ما راح تتاثر حتى انسي انو صديقي
واذا تردين بعد وقت هم عادي اني احاجي تردين ترفضين مو...
ميسم: اني موافقه، قاطعت كلمه ليث اباعله بتسم وتنفس براحه باوعت العمو نفس الشي ترددت اباوع البابا بس من باوعتله بتسم بوجهي كال
ابو ليال: متاكده.
ميسم: ي وماكو رجعه هاي المرا لاتخاف بابا ما كو رجعه هاي المرا اخذت قراري بعد تفكير وبدون ضعط، اباوعله تنفس براحه
ابو ليال: الحمدالله اذا هيج الله يتمم عل خير
ابو يعقوب: مبروك بنيتي ونت ليث اتصل بالولد وبلغه.
ميسم: ترخصت وكمت خجلانه طلعت ليال وماما حضني عبالك مسويه انجاز وهوا بالفعل نجاز اليل ما انامه واني افكر بالموضوع درست وتذكرت ورجعت عشت ادق التفاصيل بينه بذاكرتي وكتشفت شغله انو اني وياا متشابهين بالطريقه إلى نحب بيهه هيج ننطني من روحنه وطاقتنه حتى لو المقابل مو حاس بينه بس ما نستسلم ونفضل سعادته عل سعادتنه كتمت حبي من عرفته يحب ليال وباسل كتمه من عرفني احبه بس رغم هيج ما تخله عني والول ما اجته الفرصه تمسك بيه وافقت لانو اريد احد يحبني بنفس الطريقه إلى احب بيهه ولانو مستحيل اخلي باسل يعيش تعاسه الشعور إلى عشته واعرف ما راح اندم ابدن لان ماكو احد يقاوم هيج حب مغري وما يقابله بنفس الحب.
فتت من باب الستقبال اسمع ليث يكله
ليث: يي وافقت عن رضى تام ما ضغطنه عليهه كااافيك من هذا السوال مو كرعت راسي ترا هي اختي مو اختك شبيك محسسني انت ولي امرها وما تريدهه تنجبر ولا كانو انت العريس هههههههه ي ادري ادري بعدهي زغيرا وتتأثر
اذكرك بعد ما تعاشرها من الزغيرا الخايف عل مشاعرها عود تعال اشكي من السانهه وشيطنتهه اله ادفرك، هههههههه، يالله جهز ناسك البلوه بنتضارك.
ميسم: واكفه ورا الباب ومكتفه ادي بغيض، والله لو ماتوني مخطوبه ولازم اخجل وكذا جان عرفتك ستاذ ليث من الشيطانه والبلوه بس وين تروح اضمهه الك، صعت الغرفتي واني ابتسم من اتذكر رده عليه بس صدك هذا شكد شايفني برئيه، شلون راح يتحملني يالله عل كولت ليث الخبيث إلى اني اعلمه شوه سمعتي إلى هي اصلا حقيقه، هوا جاب البلوه الراسه يتحمل هههههه...
بعيونك سوالف بيهن الف تفسير.
وحرت يانظرة منهن انت قاصدني.