رواية الشيخة ليال للكاتبة الوردة البيضاء الفصل الثالث والخمسون
أحببت تفاصيلك الصغيرة،
حتى عندما غيرت إتجاه شعرك تغير إتجاه قلبي
ليحبّك بطريقة جديدة.
ليال: كاعده من الصبح مسحوله من الفراش والنعاس لسه بعيوني وحتى بدلت بدون هتمام ومزروعه بالباب منتضرتهم، وحده تريد تتزوج وحده تجهز للعقد واني همزه وصل لازم بكل طلعه وياهم...
كاعده عل السياره منتضرا العرايس من ربع ساعه وهما ماكو ابوع لرجلي وضحك ما واصلين لارض نفتح بابا بيت عمو تنفست بملل واخيرا.
توقعت بان طلع بوجهي جاسر طالع كاشخ اكيد رايح للشركه باوعلي بستغرب عل كعدتي حسيت كتم ضحكته باوعتله بغيض ودرت وجهي...
تذكرت اليوم إلى بقيت يمه كعدت عل صوت حركته بالغرفه اباوعله يتحرك بهدوء حتى لا اكعد طالع من الحمام المنشفه عل خصرا شككني بنفسي بيه شي سابح من الفجر لو ما اعرفه هذا طبعه اول ما يكعد لازم يسبح النضيف
كعدت رفعت شعري لفيته لتفت علي
جاسر: كعدتج، كملي نومتج انه طالع.
ليال: لا ماكو داعي زين سويت كمت من السرير نزلت فستاني توجهت للباب اريد اطلع كال
جاسر: احم نتضري اوصلج
ليال: باوعلته اذا ما عندك مانع راح اكمل نومتي بغرفه بان، باوعلي بصفنه احسه ضيع الجواب كال
جاسر: اكيد بيتج هذا
ليال: لاا بيتك، طلعت وسديت الباب وراي، مستغز، طلعت من تفكير عل صوته واكف كدامي
جاسر: وين وصلتي
ليال: باوعتله، لا ماكو شي، تريد السياره مو بعد خلي انزل
جاسر: اني انزلج.
ليال: مالحكت اعترض رفعني من خصري ونزلي عل الارض عبالك طفله بايده باوعلي وضحك عل فرق الطول إلى صار بينه
جاسر: اليوم مالابسه طولج
ليال: باوعتله بغيض اجيت ارد وطلعت بان وميسم وليث سكتت سلمو عليه وهو صعد سيارته باوعلي وحرك السياره ومشه تنهدت
وصلنه ليث للسوك نقسمنه قسمين اني وميسم وهوا راح وي بان حتى ما يروح علينه الوقت لانو الست ميسم يارد الهه كلب وحدهه...
ميسم: ليش تباوعيلي هيج.
ليال: بربج ليش هذا الفستان الف إلى تقيسي وما يعجبج رغم يجننون وستايلج ليش تشلعين كلبي ورانه كومه تجهيزات
ميسم: اسفه والله بس ما تشوفينهم افر
ليال: اكيد اوفر هذا عقد يعني المناسبه اوفر بحياتج مو كافي ما راح تسوين حفله، ممكن اعرف السبب
ميسم: سبب شنو
ليال: ليش ما جاي يعجبج شي، ميسم باوعي بعيوني، انتي خجلانه منه
ميسم: هاا، اااوف ليال والله مو متخيله البس هيج كدامه انتي ما تعرفين شلون علاقتي بي.
ليال: ههههههه شلون علاقتج بي بالله
ميسم: يعني هيج مادري بس هو ما يحب هاي الملابس من البس شي ما يعجبه يبقى بس يبسمر
ليال: اووي اووي ميسم حتصير تسمع الكلام
هههههههههه
ميسم: باوعت الهه وكلبت عيوني، رجعت اكلب بالفساتين وهي تضحك على يااربي جد متوترا وما اعرف شلون اتصرف تنهدت...
ليال انتي ختاري واني راح اقبل با شي تختاري والله.
ليال: ههههه اوو شكلج مضيعه خلص اني راح اختار، كعدت عل جهه واني ختاريت الهه فستان وجبرتها تقيسه وناخذه لان يجنن عليهه رغم بساطته
اخذنه باقي لوازم العقد وتغدينه ورجعنه وليث تحلف ما يطلع ويانه بعد وبان مغيمه لان ما عنده صبر وهي تريد عل مزاجهه واني رجعت نمت.
كعدت وي المغرب نزيت تفاجئت انو سعد راجع بعد إلى صار بابا سفره تجنب إلى طارء او خطر سلمت بشكل عابر ودخلت للمطبخ ساعدت بالعشه بعد العشه صعدت الغرفتي باجر اروح اجيب النتيجه وكلش متوترا خايفه اعيد كم ماده وما إلى مزاج كلش، ندك الباب، كلت تفضل
تفاجئت من دخل سعد عدلت كعدت وهوا تقرب كعد كدامي عل السرير
سعد ؛ اكدر احجي وياج شوي
ليال: ي تفضل، كلتها بقهر ودرت وجهي، كال ومبين بصوته الندم.
سعد: ما راح تسامحيني مو لا انتي ولا جاسر غلطت بحكم هواي بس انه جنت ضحيه حقد وكره مال سنين عمه عيوني عبالي بالدنيا لازم اصير فتوه حتى اخذ الاريده بس بلحضه جنت راح اروح بيهه ومنو نقذني هه اكثر انسان حاقد عليه بهاي الدنيا من احنه زغار بس مو ذنبي زرعو وبيه هذا الحقد ما طلعت مثلكم ولا مثل ليث تاخذن الامور ابساطه عل عموم مايفيد الندم هسه انه بس اعتذر منج لان ادخلت بحياتج وخليتج وحده من ضحايه حقدي عليه جنت اضن انو راح يستغلج حتى ينتقم منه عل سوينا بي ولسه حاقد لان اخذنه الشيخه من ابو بس هسه تاكدت انو انه الشرير الوحيد بهاي القصه.
ليال: كام راد يطلع كتله، سعد لتفت علي، كتله، ماكو وقت متاخر عل اي شي، انو تحاول تكون احسن هذا هو اليغفرلك احسن من انو تبقى عل غلط طول عمرك، تنهد وهز راسه وطلع
ومبين الموضوع إلى صار مأثر بي كلش وبده يتغير لاحسن وهذا الشي يفرحني بس ما اعرف اذا اكدر اسامحه بعد كل هذا الرعب إلى خلاني اعيش بي...
بان: اووف ليث والله خايفه
ليث: اول مرا اشوف سجاجه خايفه ههههههههه
بان: ليييث والله بعد ما احجي وياك.
ليث: ههههههههه لا يا عمري انتي جاي احجي هيج لان واثق من نجاحج ادري ما ينخاف عليج
بان: هممم
ليث: كومي فتحي الضوه خل اشوف وانه احاجيج ضاله بس تمهمين بذاني
بان: ههههههه بارده مابيه اكوم
ليث اااخ ليمته تجين ادفيني وادفيج
بان: ليث
ليث: لا تحاويلن حبيبي العرس ما يتأجل طلبي اي شي اله هاي
بان: هئ والله ما الحك وراي التخرج وتجهيزات العرس كومه شلون الحك.
ليث: جهزي للتخرج ووتجهيزات العرس البنات يساعدنج بان لا تتحججين ترا صبر ماضل عندي
بان: بتسمت، هههه اوك حبيبي
ليث: يروحلج فدوا حبيبج يالله فتحي الضوه خل اشوفج حتى اتركج تنامين لان باجر وراج طلعه من الصبح
بان: بتسمت فتحت الضوه وفتحت وياا كامرا بكلامه وغزله نساني التوتر لحد ما غفيت عل صوته...
ليال: كعدت عيوني مقفله اجذ اذا اكول مو متوترا بدلت عل السريع ونزلت تريكت وي ماما وتمنتلي توفيق وهي مو اقل قلق مني وصل السايق طلعت برا ودكيت عل بان شوي وطلعت ورها جاسر بوستهه وهوا سلم رديت، تعاملنه صار طبيعي من الضاهر بس بوجده ما اكدر اخفي رجفه كلبي إلى بسبهه اريد اختفي من المكان الموجود بي باسرع وقت وممنوع اخي عيني بعينه رغم هو عنده حريه بهاذ الشي كلبه قوي مو مثلي، حاجيت بان، يالله صعدي ماريد اتاخر ويصير القسم هوسه.
جاسر: انه راح اوصلجن
ليال: ماكو داعي ليش تتعطل
جاسر: لا ما عندي شي اوصلجن واطلع لبغداد
ليال: بلعت الغصه يعني هم راح يروح، هزيت راسي ورحت صعدت كل الطريق ساكته واباوع من الجامه حتى بان من تحاجيني ما انتبه الهه اول ما وكف بالكراج نزلت بسرعه ومشيت عل قسمي بدون كلام وحتى بان تركتهه وراي.
دخلت للقسم وما تأخرت هواي اخذت نتيجتي وجنت لازم كلبي بس الحمدالله ناجحه رغم مو بالمستوى المطلوب بس كرم منهم نجحوني اااوف وهاي وحده من الهموم نزاحت اخيرا، طلعت من القسم صار بوجهي انس وكف. سلم على ببتسامه دريت عليه
انس: بشري
ليال: فتحتهه كدامه
انس: يي الف مبروك
ليال: الله يبارك بيك ونت
انس: لسه ما فتت، نشالله خير
ليال: نشالله
انس: راح اشتاق المتنه مو تكطعين.
ليال: لا نشالله، رديت عليه ببتسامه رفعت راسي ستغربت من شفت جاسر جاي يتقدم علينه شجابه مو جان را
انس: ي وهاي تخرجتي شوكت العرس نشالله
ليال: بقيت ساكته ما اعرف شنو اجاوبه ماردت اجذب بسبب إلى صارت تفصله خطوات عنه وجهي صار ينطي الوان من الاحراج، ردت احجي، مالحكت سبقني بالرد
جاسر: قريبا نشالله بوجودك
ليال: بلعت ريكي، وانس سلم عليه ورجع باوعلي كال
انس: معناها مبروك مقدما، اترخص انه اشوفج بخير لولو.
ليال: ونت بخير، باي، درت وجهي باوعتله رافع حاجبه كال
جاسر: مو كانو الاخ ماخذ ميانه زياده
ليال: عادي صديق ومن حقى...
جاسر: همم صديق امشي ولا تخليني ادخل افرك حلكه والله، كالهه بنترا وعيونه تعلكت بعصبيه مشه كدامي ويفرك ويضغط عل السويج مبين اعصابه فلتت يتخبل من انس تنهدت، حتى ما سألني عل نتيجتي، وصلنه للكراج بان تنتضرنه اول ما شفتنه طفرت بفرح
بان: نجحتتتت.
ليال: بتسمت وتنفست براحه الحمدالله واخيرا، حضنهه جاسر وبارك الهه وبصوته مبينه الفرحه والفخر بيهه
بان: انتي لولو وجهي ما يبشر بخير
ليال: هههه لا الحمدالله ناجحه...
بان: يااااااي اااالف ااالف مبروك كلبي هسه كملت فرحتي.
ليال: تقربت حضنتني وباركتلي وباركت الهه رفعت راسي يباوعلي وكانو نتبه ويأنب نفسه انو ما سئلني وبقى عل سكته لانو يعرف نفسه تاخر هواي ثواني وصفه سياره ليث، شكله متواعد هو والست ويردون حجه بارك النه وفرحته اكثر منه جان متخوف انو تطلعله سالفه جديده تاخر زواجهم
ليث: يالله امشو نحتفل بيكم
ليال: لا روحو انتم اني اريد ابشر ماما بنفسي هسه اكيد منتصرتني
بان: لعد خلص نرجع للبيت وناجل الطلعه عل غير وقت.
جاسر: لا روح انتم انه هم راجع للبيت اوصلهه وياي
ليث: لا خلص انه اوصلها خليهه غير وقت
ليال: لاا ارجع وي جاسر وانتو روحو ليش تتقيدون بيه بعدين ما احب اكون عزول
ليث: ههههه خلص براحتج بس ها اطلبيني
ليال: اكيد هههه، ترخصت بان من جاسر وراحو ماردت يتقيدون بيه خليهم ياخذون راحتهم اخاف حاب يحفل بيهه، صعد للسياره وصعدت وياا بهدوء ساد الجو كسر الصمت سواله
جاسر: ليش ما كلتي
ليال: ما سئلت
جاسر: بتنهيده مبروك.
ليال: الله يبارك بيك، رجعنه سكتنه بس شنو الغصه تحشرجت بالعومي ماريده يسأل ولا يحاجيني بعد بهاي الرسميه لانو جد راح افقد اعصابي عليه اول ما وصلنه رغم حسيته طول الطريق بسياقته البطئيه نزلت بهدوء
ودخلت بشرت ماما واكيد مثل كل امي فرحتهه نا تنطيهه الاحد وفرحتها بيه هي الانطت الهاي المتيجه قيمه عندي وفرحتني بست راسهه وصعدت الغرفتي.
كبل رجعت للنوم مهربي الوحيد، كعدت عل صوت ميسم تهوس عل راسي من الفرحه ضحكت عل خبالها إلى يشوفها ما يكول بعد يومين عقدهه ما اعرف شلون مقتنعين انو هي مال زواج حضنتني وباركتلي وسحبتني وياها لجوا تفاجئت من شفت الكل متجمعين حتى عمو يعقوب ليث جايب كيكه إلى باركولي جانت اجواء بسيطه مليانه فرح بنجاحي غمرتني بالسعاده رغم ناقصه بدونه
للعصر ندك الباب وماما صاحتلي نزلت تفاجئت ابوكس جبير وعالي كالت جاي عل اسمي.
فتحته بستغراب اول ما فتحته وكعت الاطراف مالته وطارت منه بالونات تجنن اشكالهم عرفته منه لان يعرفني احبهن باوعت بداخله مليان ورد طبيعي وبكس صغير فتحته...
تفاجئت. بيهه سوجي مالت سياره ميسم لكفته من ايدي وطلعت للباب طلعت وراها شهكت وخليت ايدي عل حلكي سيارات ثنين يجننون وعليهم شريط احمر لكل تفاجئ ثوني وطلعت بان همات تكمز من الفرحه وجاسر طلع وراها الكل عرفه منه سكتو بس ليث كله بضحك.
ليث: ههههههه يعني جبتلهه سياره هديه اني كخطيب شهديلهه بعد
جاسر: ههههه غير الهه المديل كل سنه بالاحدث
ليث: ههههههه توريطه يعني
جاسر: لا توريطه الصدك انت راح تعلمهه السياقه
ليال: بان باوعتله وتهز بالسويج وهو ضرب كصته، اباوع لميسم شلون فتحتهه وتتحرك بيهه بدون فهم واني واكفه مكاني اباوع بدون هتمام درت وجهي باوعتله ولكيت عيونه على منتضر ردت فعل.
درت وجهي وفتت للبيت اخذت الورد والبالونات وصعدت الغرفتي فرحانه بيهم اكثر من السياره صح هوا يعرف انو اتمنى تصيرلي سيارتي الخاصه بس ذولي لا يعرفني افرح بيهم واحبهم
ولاهم من هذا كله تمنيت اشوف فرحته بيه بعيونه مو بالهدايه...
صوت الورد والبالونات بس وخليتهم ستوري كتبت عليه، . هديه عَ كد كلبَي. .
ميسم: واكفه كدام المرايه واحجي وياها وهذا حالي من ايام كد ما متوترا رحاب من اول يوم رديت الموافقه وهي اتصلت بيه طرشت اذني بالهلالهل وتحجي بلهفه وفرحه ماما مصدكه والحيوانه م عرفت بيه شلون متوترا صارت كل يوم تتصل وتهلهل وكلي باقي هل كد ايام ونجيكم وتحجيلي شنو جاي يسوي ويجهز وعن فرحتهم بي اني ما اسئل ابدا وحتى اختصر وياها حتى ما اتوتر اكثر وهوا الحمدالله ما اتصل بيه ولا دز حتى مسج كل التجهيزات وكعت براس يليال لانو اني مثل التايهه جنت مخليه باسل بعقلي بمكان وهسه صار بمكان مختلف تماما وشوكت استوعب هذا الشي ما اعرف...
مثل هسه ما اتخيل نفسه راح اطلع كدامه هيج احس راح يرزلني او يبسمرني غير الخجل انو البس كدامه هيج، لبست الفستان إلى ختارته ليال وي تسريحه برم مرفوعه ومكياج مناسب ويارز عيوني مخطوطه بعنايه وتفاصيل وجهي بارزه واني دائما جان مكياجي طبيعي تقريبا كدامه والله اذا رزلني اتخبل عليه وابطل
سحبت شال خفيف خليته عل كتافاتي بلكي يستر شوي.
ما حبيت اسوي حفله من بعد إلى صار تعقدت منهه وما صار إلى نفس بحفله العقد وهمات شايله خاطر عمي بالاخير بيت واحد واعرفه شكد راح يتأذه حتى لو ما يبين بالاخير يبقى ابنه إلى نلغه حفله العقد ماله باخر لحضه واحنه بيت واحد واعرفه شلون يحبنه، وغير هيج ما راح اتحمل اذا سمعتلي كلمه منا منا كافي الكلام إلى طلع ومن شرحت الاريده الرحاب ردتلي انو براحتي اي شي اريده، درت وجهي للبنات يباوعولي باعجاب ليال حتى مدمعه...
والله اني مو مصدكه راح اصير عروس هي شلون، نزلوني للستقبال إلى جان بي طاوله العقد تلكتني ماما بالهلال وحضنهه الحنون كعدت وخلو رجلي بالياس والقران وادي عليه وينن اصابعي الهيل بحضني وشال ابيض ستن جبير عل راسي غطه كل جسمي رجف جسمي وشعور غريب جتاحني احس قلبي يرجف...
من اجاني صوت سلامهم وهما داخلين وخاصه صوته الهادء كل عاده بس نبرته قويه ورجوليه ميلت راسي حسيت عل قرب ليال مني لان ما اشوف شي اصريت هي وماما يبقن وياي واحنه نعقد وهو دخل ويا بابا وليث وحتى وجاسر ويعقوب إلى جانو شهود للعقد وامه وابو
اجه كعد يمي وتخربط توازني وجسمي تشنج من سمعت الشيخ بده يردد بالعقد جيب اليطلع صوتي اذا هوا وحسيت بسرعه انفاسه، وترني اكثر ارد ورا الشيخ وكل شويه كال على صوتج.
واخر شي من كلت موافقه طلب اعيدهه بصوت اعله كلت، موووافقه، بس بصوت كلش عالي يبو متت من الفشله لان ضحكو على ويحششون
يعقوب: درينه والله هههههه
ليث: عوفها يمعود لاتبجي علينه لو تبطل ههههه
جاسر: ههههههه ميسم خلصي ونتقمي منهم اعرفه نتقامج مر
ليال: همس ي طالعه عل ابن عمهه غير، حسيته عرفني ارطن عليه باوعلي ورفع حاجبه.
ميسم: متت من الغيض وتحلفت بيهم بس هسه ةني بياحال، اسمع نبره صوته شلون يردد ورا الشيخ بكل ثقه وثكل بس صوته بي رجفه شوي يمكن بس انه حسيت بيهه، خلص وكال بالرفاه والبنين لو اني عقلي عطل عن ستيعاب الكلمه وعجز يفهم اني خلص صرت مرته وباسم باسل نطوني الدفتر وقعت وشتغلت الهلاهل والجكليت فوك راسي تقرب على بس عطره وصلني باس راسي رجف نفسي وكام هوا سلم واسمعهم يباركوله ويوصو على دمعت عيوني وخاصه بابا يوصي بطرقه حنونه، وهوا كله يرد بعيوني بعيوني.
حضنتني ماما وليال وباركولي وبابا من حضني بجيت باس راسي وطبطب عل كتفي بحنيه وباركلي وليث همات وجاسر ويعقوب باركولي ويعقوب كال بمزح
يعقوب: وكفنالج فوك راسه خاف تكولين ولد عمي مو كفو حنى ما يفكر ينك بيج ولو انتي ما تحتاجينه نشالله ما اوصيج بعد
باسل: يا جماعه خوفتوني اكو شي ما اعرفه صارحوني
ليث: هههههه ادبست بعد ما يفيدك بس والله اخذت الهده مالتنه
باسل: والنعم هههههههه.
ميسم: خرب فضحوني ردت ابجي من وراهم يالله عل اساس هوا ما يدري المواقف البينه تشهد عل تاريخي بالفشلات...
ترخصو وطلعو وبقى بس هوا كاعد تقربت امه و.
هي تصلي عل محمد رفعت الشال عن راسي وصارت تمدح وتهلهل وتهوس دخلت رحاب حضنتني وطايرا من الفرح وباركتلي وباركتله وتتغزل بيه كدامه خاف نتقصه ودخلو العدد القليل من المعازيم إلى عازميهم وين كل هاي الهوسه والصفكه والهلاهل ما تجرئت ادور وجهي ولا التفتت عليه حته ولازمه ايدي لا تبين ترجف تقربت ليال همست باذني
ليال: حرام عليج كافي لابسته مو راح ياكلج بعيونه ولسه ما صاد بوجهج خرب حضج اذا فوتي هاي النضرات.
ميسم: من كالت هيج بتلقائيه درت وجهي عليه اجت عيني بعينه سحب نفس قوي وزفره بتنهيده عيونه تلمع ويباوعلي بصفنه صدك نضراته تخبل خلتني اصفن بيهه لانو تخلي الواحد يحس انو هو جاي يباوعله وكانه اكبر انجازاته من حسيت عل نفسي دنكت بسرعه ميل راسه على وهمس
باسل: مبروك بلسمي وفرحتي.
ميسم: بلعت ريكي ومانا وبدت الفقره الاصعب الشال اول ما نتبهت عليه راح سحبته عن كتفي وما كدرت اعترض بس اله اسحلهه من شعرها عل هاي الحركه وكفنه يم الطاوله جابو الذهب لبسني ونفضحت من رجفه ايدي وجسمي من شفت الحلقه إلى ختاريتهه من جنت وياا باوعتله متفاجئه تنهد وبتسم يعني كلام رحاب حقيقه...
قطعنه الكيك واخذنه لقطات ثور واني اتجنب اصد بوجهه ليال وزعت التوزيعه وخلت العالم تنسحب من الستقبال واني استنجد بيهه طلعت ورحاب ورها هم نسحبت بعد ما اخذت النه لقطات صور
اول ما ن الباب اني هم تحركت خطوه ما احس غير بحركه سريعه سحبني عليه وضربني بصدرا وحضن خصري بيده ويده الثانيه رفع بيهه وجهي
باسل: شوو باوعيلي من دخلت لحد الان ما صاده بوجهي.
ميسم: باوعتله بعيونه واحس كلبي صار مثل الطبل ولثتي رجفت نزلت عيونه عليهه وبدون مقدمات دنك راسه ولتهمهه بين شفايفه بس بكل هدوء ورقه غمضت عيوني واحس كلبي هيج صارت اطير منه فراشا صار يتعمق بيهه اكثر حسيت توازي ختل وهوا لازمني مادري اذا كل بوسه هيج لذيذه لو لان اول مرا واخذني غفل حتى ما بادلته بس بنفس الوقت ما نفرت منه
فصلها وجنه ثنينه فاصلين وعبالك بعالم ثاني...
كال بنبره حسيت بيهه قهر من اسلوبي وياا.
باسل: بس هاي لان من عرفتج وهي ضاله بنفسي وحالف اول ما تصيرين حلالي اخذي عذيه شفايفج العذبني هنا وصاحبتهم وراح اتحملهه اكثر ما راح اطلب ولا اجبرج عل شي واطول خلك وياج وصبر لحد ما تجيني انتي وتكولين خلص ابدي وياك حيات جديد، بس هاا ديربالج تصدين بوجهج عني بعد هذا التصرف ذنب بحقي والله
ميسم: كال هيج وميل راسه على باس راسي وترخص وطلع وصل للباب دار وجهه على كال ببتسامه.
باسل: طالعه اليوم فتنه والله بس دمار الكلبي ا، ي ضلي رمشي هيج برائه الله يساعدني بس
بقيت صافنه واكفه عل تصرفاته وكلامه صدك بقيت بس ارمش بعيوني خليت ايدي عل كلبي احسه راح يطلع ولسه دايخه من حركته، هذا من ياكوكب وبتليت بي والله مو كده اني...
يَحلوتهن،
كُل حلوه بصفچ مو حلوه
شفتي شكَد تعبان كبالچ
من كَد ما رايحلچ فِدوا.