رواية الشيخة ليال للكاتبة الوردة البيضاء الفصل الحادي والأربعون

و أثارينه شتل عنبر،
يطش بينه الوفه و يكبر.
باسل: احم يالله امشي خل نوصلج ويانه
ميسم: هزيت راسي، باوعلي بستغراب وضحك
باسل: شعجب ما عاندتي
ميسم: بتسمت بخجل
رحاب: ههههه لانو اني إلى ساحلتهه تروح وتجي وياي اذا تبقى عليهه ما تجي اصلا
باسل: لاا ما اعتقد تهمل دراستهه وهي عدهه احلام حلوا تنتضرها.

ميسم: كلمته اثرت بيه رجعتني الايام الرسائل البينه اتذكر مرا من كعدت الغي عل راسه باحلامي طبعا باسل بينه وبين رحاب صفه خلتني ما اميز بينهم انو من اكعد الغي ينطوني عل مايي عل كولت رحاب اذاعه ماتنطيني باص ضحكت عل هاي الايام رفعت راسي اجت عيني بعينه درت وجهي عل الجامه هسه يكول خبله تضحك وحدهه
رحاب: ميمي ويانه عل الغده اليوم
ميسم: لا حبيبتي تسلمين ماريد اتخار
باسل: الغده اليوم عل شرفي يفوتج وبي باجه.

ميسم: بتسمت بالعافيه بس جد ما اكدر اسفه
باسل: لا براحتج وهسه الوضع تغير هم ما نكدر نضغط عليج بشي
ميسم: فهمت قصده سكتت وصلوني للبيت قبل لا انزل كلت الرحاب، رحاب مو تنسين الجمعه معزومين عل دورت السنه مال جدو وراح اخلي ماما تتصل بخاله للتاكيد
رحاب: لاحبي ماكو داعي اني اكول الهه
ميسم: باوعت عل باسل، شكرا تعبتك وياي
باسل: ادللي.

ميسم: بتسمت وتركتهم ودخلت اخذت نفس ياربي هذا وي الكل هيج لطافه وذوق لو بس وياي يربك الواحد ما يخلي يعرف يرد...

ليال: البيت مليان ناس واصوات الجي والقرايه تحسسنه وكانو اليوم مات جدو افتر عل الشغل والدمعه بطرف عيني ما مصدكه مرت عل فراكه سنه كامل صح عشنه حياتني وكملنه بدونه بس من يوم ماراح واني احس وكانو كل واحد بينه عايش بدنيا مختلفه ولا كانو يجمعنه بيت جان هوا جامع شملنه والقاهرني اكثر انو جان يتمنى يجمع الكل حواليه بهاذ البيت بس ما كدر ومات وجانت هاي اخر امنيه اله وللاسف ماكدرت بكل طريقه انو احققها بس لسه عندي امل وما راح ابقى احاول بس خايفه انو الوصيه تأزم الامور اكثر...

سوينه القرايه العصر والتوزيع وبعدين اجه عليه تعب وتجهيز طبخ العشه احس جسمي تملخ من التعب وعيوني تغوش من كد البجي دخلت للمطبخ اساعدهم جاي ينقلون بالاكل ودخل جاسر لاف الغترا ورافع دشداشته يشرف عل الاكل فدوا احل معزب شلون حبيبي النادر.

بس غرت عليه من بنات عماتي شلون سلمن عليهه ويضحكن ويا اكلنه بعيونهن ولو هنا منو يدخل ياكلنه حتى ليث وهاي بان راح تفقد من الغيرا هسه حسيت بيهه، رفعت راسه يدور بالوجوه اجت عينه على مر شبح بتسامه عل شفته وختفه باوعلي عقد حاجبه طلع تلفونه من جيبه ورجعه اخذ الصينه وطلع، خلصو نقل العشه رحت طلعت تلفوني لكيته داك دكيت اعليه رد بسرعه، هلا حبيبي
جاسر: هلا روحي وين انتي
ليال: صعدت اشوي الغرفتي.

جاسر: نزلي للحديقه الخلفيه منتضرج
ليال: اوك عمري نازله، سديته ونزلت بسرعه فتحت الباب وطلعت شفته واكف بالجها الثانيه ورا القصر تمشيت اله او ما شافني فتحلي اديه حضنته وحاوطت ادي عل خصرا وحضنته خليت راسي عل صدرا وبجيت حضني بقوا باس راسي
جاسر: اشش لاتبجين كاافي شوفي عيونج شصاير بيهه
ليال: مشتاقتله ومقهورا لان خذلته جانت امنتيه بس يشوفنه كلب عل كلب
جاسر: وهاي احنه كلب عل كلب.

ليال: قصدي كلنا جاسر نكون عائله وحده مثل العالم
جاس ؛ هوا السبب انتي ما الج ذنب ولا مسؤوله عن تصحيح اخطائه، بعدين خراب سنين ماتصلحه سنه وحده
ليال: تنهدت ي صحيح، جاسر انت لسه حاقد عل جدو
جاسر: لاا تصالحنا هوا نطاني هديه عوضني بيهه عن كل اذيه سواها بحقي
ليال: باوعتله امسح بدموعي، شنو هاي الهديه بتسم كال.

جاسر: هيج بلوا زغير خبلتني واخذت كلبي وهسه من اشوف عيونهه تعبانه لو بيهه دموع كلبي يوجعني واتيه دربي بعيونهه، كافي رحمه للكعبه دموعج راح تخلص.
ليال: سحبني الحضنه يسكت بيه ما اعرف شجاني عل البجي بس ما اتحمل من اتذكر انو جدوا هوا سبب هاي السعاده وانو صدك فكر بيه حتى وهوا ميت، هوا ليش سوا هيج شلون شافنيه مناسبين البعض وحنه محد طايق الثاني
واني زغيرا جنت دائما اشكيله منك من تزعجني.

واكعد اصيح واغلط عليك وهوا يهدي بيه ويكعد يتحلف بيك بس معدين مايسويلك شي
جاسر: اضاهر ضامهه إلى وبالاخير بلاني بيج طول العمر هههههه
ليال: بعدت عنه وضربته بصدرا بغيض، اني بلوو موو
جاسر: ههههه اخ ولج جسمي مفصخ من التعب
ليال: ااوي حبيبي اسفه والله اني هم نسحلت سحل، قطعني ورفع راسي مبتسم كال
جاسر: ااحل بلوا وربي
ليال: برطمت بزعل عض شفته ودنك يريد يبوسني، يااا جاسر وقتهه هسه وهنا.

جاسر: تعبان وربج اريد طاقه سويهه عل روح جدج
ليال: ضحكت سحبني من خصري فعني عل طراف رجلي وسحب شفتي الحمدالله جان اكو ضوا خافت واكو اشجار جان نفضحنن، فصلهه وبقى حاضني لان انسحل بيده بس يتقرب مني يباوعلي بتركيز وانه عيوني ذبلانه دنك باس طرف ركبتي بخفه صحصحت وبعدت عنه بهدوء
يالله روح هسه يفتقدونه
جاسر: ااااخ كون انام بحضنج ومحتاج مساج باجر وراي طريق
ليال: حبيبي انت شايف الوضع.

جاسر: تنهد يالله دخلي لان كلش عجبني الوضع او ما ادخلين بدلي هذا تركج
ليال: بتسمت وهزيت راسي تقربت رفعت رجلي بست خده بسرعه ومسيت اسمعه جر حسرا ضحجت ما احب يتسحر على لو ما اكدر انفذله طلب وخاصه من يريدني ابقى يمه انه هم تحسرت ودخلت للبيت وكملو عل بالشغل
بقينه عل هذا الحاله لحد وقت متاخر يالله عزلنه البيت بحيث كل وحده وكعت عل وجهه من التعب لا وباجر ورانه سفر للنجف حضنه ينغسل...

خاله ماناويه تزوجين ليث مو كانو طول
ليث: شنو عندج عروس إلى الله ويدج.

بان: واكفين نعزل بالمطبخ احنه بنات خالتهم وعماتي بعد العزيمه اني وكع براسي الغسل مسرفنه ردني واغسل والبقيه يعزلون دايرا وجهي وبت خالته كالت هيج، وي دخلته جايب الصينيه ومن سمعهه وكال هيج غمضت عيوني اطلب الصبر من غير شي من الصبح واني من الصبح متحمله نضراتهن وشقاهن وياا وساكته احسه يريد يقهرني وهذا اكثر شي قاهرني، غلست ولا كانو اسمعهم وهوا شلون يضحك ويسولف وياهم اشتغل وعقلي يمهم من الثول شغلت المي الحار عل ايدي سحبتهه متألمه بس ما طلعت صوت بس عيوني دمعت لان اريدلي الحجه غسلتهه بمي بارد رفعت راسي اجت عيني بعيونه يسولف وياهن وعيونه على عشتو درت وجهي عنه.

ليوثي حباب باجر احنه وياك اذا وي ماما ماراح تخلينه نتفس طول الطريق
ليث: هاا ي ادللي
تسلم ياا شيخنه
ليال: خير عني لا تتغزلون باخوي محجوز
والمنو بالله ليش هاي السمعه
ليال: لا حبيبتي اني حاجزته ومنتضرتها تقبل
ليث: اااه هيج
ليال: ي شنو عندك عتراض مو زين تقبل تاخذك عل سكاطه خشمك
ليث: ههههههه بكيفج بعد
ياا والله تخبل لاتاخذ حجيهه هسه تجيبلك وحده زركه.

ليال: لاا عيني ذوقي مشهدوله وبعدين لاتدخلون رجائن هوا اخوي ياخذ عل رايي مو هيج حبيبي
ليث: هههههههه هيج ونص
ليال: ههههه
بان: تعالي ليال كملي تعبت
ليال: وجع من الصبح عل هل وكفه ليش ما ساعتوها تعالي حبيبتي اني اكمل
وووي شكو هيج خايفه عليهه مو جاي نعزل وياها
ليال: عشرا عل تعزيل وحده تغسل وين لاكياتهه هاي فالحات بس بالسوالف، يالله فضوني خل نعزل بسرعه ورانه سفر هم فوك هذا التعب.

بان: بتسمت شلون رزلتهن رتاح كلبي فدوا شلون عايشه دور الشيخه حتى محد تجرئت ترد عليهه، ضجت من شفته لسه واكف متكي عل الباب، نشفت ادي وطلعت جاي افوت بالممر ما احس غير نسحبت من ايدي باوعت هوا سحبني بسرعه ودخلني الغرفه قبل لا احجي قفل الباب ودار علي
باوعلي تنهد واني اباوعله متفاجئه راح لثلاجه فتحا ما اعرف عل شنو يدور باوعت احنه وين عزززا مالكه غير غرفه بيبته فخريه يدخلنه بيهه تفضحني.

ركضت بسرعه للباب مقفول ركضت وكفت كدامه، ليث انت صدك تحجي جايبني هنا افتح الباب اذا تشوفني هنا تحتار شتسوي بيه
رفع راسه باوعلي وكف ولا كانو احجي ويا
لزم ايدي ورفعهه صايرا حمرا وتحركني بس غلست عنهه اول ما لزمهه نخرست احس معتي نمغصت حقي ما شايفه منه حنيه زين ما يغمى علي، فتح عصاره خل عليهه السعت، اااخ
رفع راسه باوعلي بتسم
ليث: لا تكابرين عل وجع بعد اذا صار دموع يفضح ألم اكثر.

بان: ومرات الوجع الخفيف هوا دموعه حجه الوجع جبير ماكدرنه نكابر عليه
ليث: سلامتج من الوجع.

بان: سحبت ايدي، الله يسلمك واكفين واحد بوجه الثاني وسمعت طكطه يم الباب باوعتله مخلوسه من الخوف سحبني من ايدي اكو مكان ورا الكنتور ختلنه بي وهوا كدامي خال ايده فوك راسي شوي ونلزك ابعض لانو المكان ضيك وصايرا بحضنه، يمه احس راح يغمى على من سمعت طكه المفتاح حتى النفس كطعته وما ضاغطني غير بروده يباوع بوجهي ومبتسم ناصب على غمضت عيوني منتضرا اللحضه التلزمنه بيهه.

دخلت ادردم وفتحت الكنتور ماعرف شنو اخذت من شوي وطلعت ورجعت قفلت الباب علينه خليت ايدي كلبي وفتحت تك عين درت وجهي باوعت ماكو رجعت اخذت نفس براحه
باوعتله وما احس غير دنك راسه شفته نطبكت عل شفتي ابوسه طويله الرجفه لزمت جسمي و
حسيت خدر وردت اوكع لحد ما فصلهه بقيت مغمضه واحس كلبي مثل الطبل همس باذني
ليث: هاي فصل خشمي فتحي عيونج عليتي كلبي.

بان: فتحتهه بعيونه والهت بالنفس، دنكت لان مفضوحه. ااافتح الباب، مد ايده عل رداناتي نزلهن وكال
ليث: بعد لا ترفعين هيج يسون اغراء واحد يعضعضهن
بان: افتح الباب تاخرت عل البنات اوو قصدي انت تاخرت عيهم
ليث: ههه الغيرا تحرك موو عل الله فد ناس تحس بيهه وما تكعد تلوم
بان: فتحلي الباب ليث اعرف نهايه كلامك وين منغير ما اتكول دائما اني الغلطانه اعرف
ليث: شيلي هل افكار الخايسه من عقلج ترا تعبتيني.

بان: باوعتله ستهضمت اجيت امشي سحبني الحضنه دفعته زعلانه وبعدت باوعلي بخزا درت وجهي فتح الباب وطلع واني طلعت تختل ورا يمه احس نص حيلي وكع رحت طلعت عصير ليوم جاي اشرب وكفت يمي وحده من البنات شركت واني اشرب من كالتي
شنو هذا الاثر عل طرف شفتج بس لا بدايه حمى
. هزيت راسي مجامله مشت تلمست شفتي وتذكرتهه بتسمت ملكوم مشايف رحت خليت حمرا خفيت الاثر والله لو يشوفهه جاسر يعدمن.

هبه: اجيت لدوران السنه مال جدهم كميه التأثر عليه غريبه اني اعرفهم هواي يحبونه ويعقوب دائما يحجيلي عنه وكلش متأثر بي للاسف مالحكت اتعمق بمعرفته، بعد العشه اتصلت بلؤي كال انتضرج ودعت البنات وما قبلت ابقى من غير شي اني مغثوثه من كلام امه وبساميرها هي ومريم وانه نفسيتي اصلا بالنازل والتفكير نخر راسي والشغل روحي طالعه من الدنيا طلعت من البيت جاي اطلع من الباب وصار بوجهي يعقوب شكله مبين تعبان كلش اضرب من حالي رفع راسه باوعلي طبعا بعد اخر لقاء بينه صرنه واحد يتجنب الثاني حتى من رحت للشركه ماشفته كتله، البقيه بحاتك.

رد على بنترا
يعقوب: وووين طالع الديوان مليان عالم رجعي خل تخف يالله اطلعين
هبه: هم فشلني وهم نتر بيه كتله، لؤي اتصل بيه منتضرني
يعقوب: انه راح احاجي
هبه: هزيت راسي وراح اباوع الطوله يارب شنو هاي النار التاكل بيه شلون راح اتحما هذا الاشتياق، بقيو واكفه يم الباب شوي واجه كال
يعقوب: تعالي اخذج عل الخلفي راح ينضرج هناك
هبه: مشه كدامي وجكارته بيده
يعقوب: شوكت تسلمين المشروع
هبه: عل سبوع الجاي
يعقوب: همم.

هبه: سكتنه ومنتضرين لؤي يدور بالسياره فركت ادي باوعلي كال
يعقوب: بردتي
هبه: لاا شوي زين الجو، بقى صافن بوجهي عيونه ذبلانه من التعب باوع الادي مد ايده لزم ايدي ايده دافيه احس كلبي نهضم من لزمهه
يعقوب: ايدج مثلجه امشي خل نفوت
هبه: لا هسه يجي ما اعرف ليش تاخر، باوعلي تنهد وسكت بقى كل شوي يفركلي وحده من ادي يدفيهه واني اباوعله وبس واحد يكلي بز ابجي بقنيه عل هاي الحاله لحد ما قاطعنه صوت لؤي
لؤي: احم احم.

هبه: بتسمت فلت ادي ومشيت للسياره باوعتله سلم عليهه لؤي وبقى شويه وصعد حركت السياره بتعدت وهوا واكف تنهدت
لؤي: مستحيل تلكين احد يحبج مثله. هه حتى انه اشك احبج بكده حرام تخسرينه
هبه: نزلت دمعتي ودرت وجهي افتح الجامه قفلها لؤي وكال
لؤي: وصوني اشغلج تدفئه لاتفتحين الجامه الهوا بارد
هبه: باوعتله ضحك علي.

ليال: كعدنه من الصبح علمود انروح للنجف بالكوا فاتحه اعيوني بدلت ونزلت لكيت الكل جاهزين بس ميسم ماراح تروح لانو عدهه دراسه طلعنه السيارات بالباب جاسر واكف يم سيارته يدخن اول ما طلعت باوعلي اريد اروح وياا بس ما اكدر لانو سعد رايح ويانه ماكدر طلعت بان صعدت وياا جاي اصعد وين ليث وحجت عميتي
وين صاعده حبيبتي خطيبج سيارته فارغه لاتثكلين علينه روحي يمه.

ليال: بقيت صافنه بوجها باوعت سعد سمعها بس سيارته مليانه وليث عمتي نزلتني واخذت مكاني باوعتله، غمزلي وبتسم اعرفه هاي سوالفه لان اني كتله البارحه ما اكدر اجي وياك، اشرلي ليث اروح اصعد وياا رحت وهوا صعد واجت وحده من بنات عمتي ويانه ردت اصعد ورا نزلت بان ودارت بتسمت صعدت يمه باوعلي
جاسر: صباحو يا حلو
ليال: صباح النور حبيبي
دنيا: اوي اوي حديقه وراكم راعو مشاعي
بان: اعملي نفسك ميت مثلي.

جاسر: ههههه اني ما ارعي مشاعر كطفن ذانجن عنه
ليال: هههههه، تحركت السيارت واحنه وراهم البنات يسولفن واني مالي خلك كلش اباوع صافنه عل الطريق
جاسر: شبيج لولو
ليال: هاا ماكو شي بس تعبانه من البارحه وما شبعت نوم
جاسر: نامي لبين ما نوصل وكافي تضغطين عل نفسج بالتفكير
ليال: هزيت راسي رجعته عل الكرسي وفتحت عيوني اباوعله دار وجها على عقد حاجبه وبتسم اشرلي براسه شكو، هزيت كتفي ماكو شي.

احس ما جاي اشبع منه ما اعرف شنو المكتوب النه بالايام الجايه بس هسه اريد عيوني ما تشوف غيرا بقيت اغلب الطريق هيج وهوا كل شوي يسهه عن السياقه والبنات يضحكن عليه شغل جكاره.
دنيا: هههههه يبوو جكاير انوب نزلنه عل اول طريق رجائن
جاسر: شوفلجن إلى يرجعجن كلشي ما فتهمت بسببجن.

ليال: بقن يضحكن وهوا يسولف وياهن بس هاي الضحكات ختفت اول ما وصلنه للمقبرا ااخ احس هموم المشاكل كلهه نزلت عل راسي بجيت من كل كلبي زرناه وقرينه قران وكمنه علمود نروح نزور اباوع الجاسر الوحيد إلى ما تقرب زاره لحد ما تحركنه وفرغ يالله تقرب اباوعله كعد عل ركبته يمه تقريبا بالربع ساعه وكام قراله الفاتحه واجه علينه اباوعله ماباجي معقوله لسه ما مساح جدو وشايل بكلبه عليه لو هيج صلب وما يبين ضعفه صعدت بالسياره واجه صعد باوعلي...

جاسر: حرام عليج شوف شمسويه بيهن
ليال: شنو
جاسر: عيونج.

ليال: بتسمت، حرك السياره ودعت جدو واتمنى المرا الجايه الازورة بيهه يكون كلشي بحياتنه مثل ما تمنى رحنه للامام زرنه وطلبت منه انو كل هذا التعقيد بحياتي ينحل لان تعبت من المشاكل، خلصنه وطلعنه عل مطعم كعدنه بطاولات متقاربه بس منفصله اباوعله ما اكل هوا ولا اني اكلت لان اتعب بالطريق خلصنه وطلعنه حتى نرجع بس ما قبلو اله يتمشون بالاسواق ماجان إلى نفس بشي بس اخذت شغلات الميسم وهبه لانو خطيه ما اجو وخاصه ميسم اخذتلهه حبشكلات وحلويت لانو عدهه دراسه بان كل شويه توكف جاسر حتى تشتري شي كل شويه وكلي هسه اكتلهه اخر هوا غط اباوع ماكو شوي ورجع بيده علاليك ما سئلته بس الفضول اكلني واصبر نفسي انو هما حلويات.

رجعنه للسيارات وقبل لة نصعد كالي
جاسر: اذا سويتي بيه مثل الجيه صدكي ما نوصل هل مرا
ليال: ضحكت شرايك اصعد ورا وي البنات
جاسر: ي مو سايق ابوج انه
ليال: ااوي جاسر هم رجعنه
جاسر: لا لسه صعدي يالله
ليال: صعدت ولتهيت اسوف وي البنات لاصدك نروح بيهه درت وجهي باوعلي بغيض ضحكت.

بعدهه صرت اسولف وياا بس بشكل عام لانو البنات ويانه لحد ما وصلنه ودعته ونزلت، يمكن راح انام اسبوع بعد هذا التعب وبعدهه لازم استعد التعب جديد ما بقى شي ودور السنه ومن ترجع المحاميه راح تفتح الوصيه النهائيه.
وهذا اكثر شي موترني ومخوني بس الله يستر.

ميسم: الكل راحو وبقيت وحدي بالبيت وياي هاي العامله إلى تشتغل عدنه ماما قترحت انو اروح يم رحاب منو ادرس ومنو ما ابقى وحد بس اني تعاجزت كعدت بالبيت وحاطه الكتاب بحضني لحد ما اتصلت رحاب وعرفه بالوضع اكلت رزاله من هاي التمام وماقبلت اروح اله لمه قربت تزعل من العجز لبست بشت فوك البنطرون والتشيرت مال البيت ونعال بس مرتب ولفيت الشال شلون ما كان وي مكياج خفيف وعطر باوعت النفسي حتى البيو الجيران ما اروح هيج وكلش عادي عندي هسه متقبله الوضعيه طلعت وصلني السايق اول ما دخلو واكفتلي بالباب مثل الجلاد سلمت عليهه ودخلتني عل حديقه تدرم عل راسي لحد ما نترت بيهه.

لج كااافي دخيلج فصلي هياتني اجيت
سكتت وضحكت مثل الخبله، اجاني صوتت من الحديقه درت وجهي صاير اجنن مليانه ورد وهوا بنصها يرتب يهم شوكت ما اجي كاعد هنا بس حقى صراحه مسوي الحديقه خيال، كال
باسل: تذكرني فد ناس جان ماتفصل
ميسم: بتسمت ودنكت خجلانه حسيته تقدم علينه رفعت راسي صار كدامي بيده ورده قدمهه إلى كال
باسل: نورتي تفضلي احنه نضيف ورد بالباب
ميسم: بتسمت مديت ايدي ستغرب لونهه كل مرا ينطيني بيضه، أحمررر.

باسل: اول هديه للسنه الجديده
ميسم: اخذتهه من ايده بخجل كلش خجلت هاي امرا ما اعرف يمكن لان صافن بوجهي بجرئه
رحاب: وهاي تضيفتي ورده انه ابمكانهه محرم على اشمهه صدك لو كالو الناس مقامات...
ميسم: ههه هاج شميهه
رحاب: لا عيني خاصه اليج يسلمو ما اريد
تعالي مفوت
ميسم: باوعتله، ممكن ندرس هنا وعد ما نلمس شي بس الهوا حلو هنا
باسل: اي يخبل احم قصدي لاتصدكين هاي الخبله الحديقه كدامكم ما فارض عليهه حضر اكيد ممكن.

ميسم: تسلم
باسل: الله يسلم اخذو راحتكم
ميسم: دخل يغسل لان مترب واحنه كعدنه درسنه عل الثيله والهوا يرد الروح شوي وطلع لابس ملابس بيت بس مرتب شعرا رغم مرابسه عاديه بس مبين عبالك احد مواعد وكاشخ باوعت النفسي يبوو فضيحه ندم لانو اجيت هيج بس اني ليش اقارن نفسي بي وهوا رجال ما اعرف ليش.

واكف بالجه الثانيه يروح ويرجع يخابر ويضحك تركيزي صار كله وياي والفضول اكلني ويمن هيج يضحك كل هذا الوقت لحد ما خلص صارت عيني بعينه وي رفعت راسي دنكت بسرعه لاعنه نفسي
رحاب: نشف ريكي اكوم اجيب شي ناكله
ميسم: هزيت راسي كامت اجه وكف عل راسي بقيت عل تدنيكتي كانو ما ادري بي بس فاجئني سواله
باسل: رحاب كلتلي عل الصار اسفه عل كلامي المرا الفاتت ماجنت اعرف
ميسم: لاا عادي ما صار شي
باسل: ليش.

ميسم: بقيت ساكته وافكرك بيدي بالقلم لحد ما احس غير قعن كدامي ولزم ايدي سحبهه ونتر بوجهي صدمني
باسل: اااانتي غبيه شوفي شسويتي غير تنتبهيين، ضلي هيج مفهيه ماتشوفين لحد ما توكعين بيهه
ميسم: باوعتله وباوعت لايدي ضاغط عليهه بكف ايده جارحتهه بالقلم بدون ما انتبه طلع منديل ولفهه عليه بس شنو احس جسمي كام يرجف من الخجل والتوتر شدهه ونتبه عل نفسه فلتهه وكام بسرعه ردت فعله جانت قويه عل شي بسيط.

باسل: ااحم اسف لانو جاي ادخل بشي ما يخصني ولانو رفعت صوتي لاتاخذين ابالج رجائن
ميسم: راح بقيت بس ارمش بعيوني ورا حرام كون فتهمت شي صح خجلت من الصار وتمنيت اختفي بس جبرت نفسي عيب اطلع تغديت عدهم وعوا ماكو بعدهه اتصلت ماما كلت اجو لكيت حجه تصلت بالسايق اجه ياخذني جاي اطلع من الباب صار بوجهي مد ايده إلى كال
باسل ؛ منديلي بقى عندج
ميسم: هاا خلي اغسله وارجعه
باسل: لاا اريده.

ميسم: متت من الاحراج مديت ايدي ترجف ما اعرف شلون افتح العقد لحد ما مد ايده فتحا واخذه خلا بجيبه وسوالي طريق عززا بعيني عل هاي الجيه ابدي بعد الصار ماراوي وجهي مرا ثانين كلش استحي منه ما اعرف ليش...
‏ في كُل مَرة أجلِس مَعكِ تُصيبُني عَدوى بَشاشتك، أنتحِل عذوبة ضحكتُكِ لعدة أيام قَادمة.