رواية الشيخة ليال للكاتبة الوردة البيضاء الفصل الثاني والأربعون
ومثل فَزة طفل روحي
تفز لو سمعت بطروآك.
ليال: مر هذا الاسبوع واني مخبوصه من تراكم المخاضرات والدروس الفايتتني غير هيج بدينه نجهز لتخرج والانو قربت متحاناتي ماصرت اروح للشركه ليث ايجيبلي الشغل للبيت، ومن دورات السنه واني احس جسمي تعبان وهم التفكير راح ياكل راسي مع انو جاسر كل يوم يحجي على لانو هيج خايفه بس مو بيدي بداخلي شي مخوفني واكفه عل المرايه اباوع شلون هامله نفسي هاي الفترا دك تلفوني باوعتله بتسمت تنهدت ورديت، الوو حبيبي.
جاسر: اااخ هل ياروح حبيبج، لولو
ليال: ممم
جاسر: اريد اخطفج
ليال: خطفني
جاسر: بس هل مرا خطفه بعيده
ليال: هههههه وين
جاسر: مفاجئه اريد ابدي وياج السنه
ليال: اني اريد كل يوم ابدي وياك، اسمعه تنهد وكال
جاسر: ما ضل شي عن قريب اجيبج يمي
ليال: نشالله
جاسر: الفستان الجبته الج لسه ما شفته عليج لبسي من اخطفج
ليال: ههههه لا حبيبي حيخرب اخلاقك اذا لبسته
جاسر: قصدك ماتضل اخلاق هههه
ليال: هههههه ي بالضبط.
جاسر: صبري عليج صعب صار
ليال: كافي لاتزيده علي
جاسر: ااهو مو كلنه مانريد افكار سلبيه
ليال: لا خلص لا تعصب، بقيت احجي ويا مثل كل يوم هاي القائق إلى اكضيهه ويا هي سعادتي سديته ونزلت ميسم تدرس بالحديقه دخلت للمطبخ اساعدهم والي عرفته انو سعد مسافر وهاي يمكن الثلاثه خلال شهر حتى بابا متعارك وياا لان تارك الشغل ومشاكله كثرت وهوا جد وضعه مو طبيعي ااوف الله يستر بس.
بان: جاسر طلب مني اجهز نفسي حتى انروح الماما عل راس السنه ونرجعها ويانه فرحت لانو اني كلش متعلقه بيهه وما اكدر عل زعلهه جهزت ملابسي وتصلت باليال جان نفسي اكضي هذا اليوم وياهم همات بس ما صارت كالت راح تجي تساعدني بس طبعا جنت حجه اني حتى تشوف الحب، سديته وجاي ارتب بالاغراض وتصل ليث بلعت ريكي اكيد عرف رديت بشكل طبيعي
الوو
ليث: وين موليه
بان: شنو
ليث: جاي اكلج وين موليه ماكو روحه.
بان: انت صدك تحجي شلون ما اروح هاي امي
ليث: ييييي مااااترحين البيته كلت
بان: ممكن ما تصيح وتفهمني احنه لازم نصالح ماما ما اكدر ابقى هيج مرتاحه وهي ماكو
ليث: خلي جاسر يروح يرجعها ونتي صالحيها براحتج هنا
بان: جاسر كال اخذج ويا ليث جاي تفهمني
ليث: ييييي اااااااافهم بس مااااريد ترحين البيت هذا العاااار.
بان: خلص هدي ممكن، اني هم مو ميته عل الروحه وهسه راح اخجي وي جاسر انو ياخذني البيتنه وهي يجيبهه الي، سكت بس فاتح خط شوي وكال
ليث: اذا هيج تمام، اضاهر طولت هاي السالفه من ترجعون إلى حجي وي جاسر
بان: اي سالفه
ليث: سالفه عله كلبي
بان: بتسمت وهمست، سلامت كلبك، تنهد وكال
ليث: بان ديري بالج عل نفسج
بان: نشالله، سديت التلفون وحضنته ياربي خلص صبري شلون نخلص هيج حياتنه...
ليال: كاعدين عل العشه ودخلت بان تفاجئت خو ليث تيه حلكه وبعد مايعرف ياكل ضحكت علي
بان: مساء الخير
الكل: مساء النور
بان: جنت متوترا بس جاسر ورطني السالفه مابيهه رجعه سمعت بيبيتهم تهمس لاهل ولا مرحبا غلست
ليال: تعالي بان تعالي كعدي خل اجيبلج صحن
بان: لاا حبيبتي متعشيه بس اني جاي عل عمو بطلب
ليال: باوعلهه بابا متفاجئ يمكن اول مرا تحجي هيج ويا بطريقه مباشر وتكله عمو، كلهه
فخريه: عمه العماج
ليث: حجييييه.
فخريه: سكتنه عل كيفك لايطكلك عرك
ليث: ستغفر الله
ابو سعد: كول شرايده
بان: هاا احم، اني اريد ليال وميسم يجون يبقون يمي اليوم لانو جاسر راح يروح البغداد علمود يرجع ماما وراح ابقى وحدي بالبيت.
ليال: عقدت حاجبي وبداخلي غيض ليش ماكلي راح البغداد لا وما عجبه يصالح امه اله براس السنه احس كلبي يغلي صار ومنتضرا رد بابا شنو يكل البان إلى طلبت منه بطريقه طفوليه وشكلهه يساعد صراحه اباوع عل ليث ساح الاخ يباوع عا حلكهه ضحكني واني مقهورا
ابو سعد: وهوا شلون يتركج وحدج
بان: اني مو خايفه ابقى وحدي ولا هوا دزن بس اريد البنات لان مسويه حفله بسيطه لراس السنه.
فخريه: حفله شنو وحنه حزانه هاي اول سنه ادور وجدج ما موجود ويانه وانتي تردين تحتفلين
ليث: حجيييه مو كته هذا الحجي
ميسم: اني عني ميتعده للحتفال القرايه طلعت من خشمي وروح جدي حتى هوا هسه مقهور علي
ليال: بابا راح نبقى يمهه بعد اذنك، اباوع البابا باوع عليهه وباوعلي هز راسه هي بتسمت
بان: راح انتضركم يالله تصبحون عل خير اروح اني
ليث: نتضري اوصلج
بان: بتسمت بيبيته تخزر بيه طلعت وطلع وراي يمشي ساكتين شويه كال.
ليث: احسن شي سويتي انو ما ترحين اصلا
بان: ممم ليش
ليث: لان هذا الشي يليريحني، شلون قنعتي جاسر
بان: ههههه، هوا قبل بس بشرط
ليث: وشنو هوا
بان: ليال تروح ويا مكاني، بس هي لسه ما تعرف صراحه واذا ما وافقت او انت ما وافقت راح اطر اني اروح
ليث: وهسه انه لازم اختار بينجن مو.
بان: لاا طبعا ماجاي اساومك بس جاسر يحب ليال ومستحيل يسوي شي يضرها هوا بس يريد يكضي شويه وقت وياها لانو الجو هنا ما يساعد، كتله هيج اسمعه تنهد كال
ليث: كلش ما يساعد
بان: شنو
ليث: سلامتج عل عموم القرار اليال مو زغيرا حتى انه افرض عليهه شنو تسوي بالعافيه عليهم عمري
بان: باوعتله مبتسمه فرحانه لان ما عارض، شكرا لتفهمك ستاذ ليث، بتسم
ليث: بخدمه هل ضحكه الحلوا.
بان: ضربتني الصفنه عليه شهل خلقه يربي اووف كلبي صده
ليث: ي ابقي صافنه بوجهي ترا خشمي لسه ما طاب حتى اخوج يكسرلي شي ثاني
بان: ضحكت ودنكت بخجل وصلني البابنه وراح...
ليال: كعدت مو من الصبح من الفجر وكعدت ميسم تروح وياي ماقبلت كالت اجي وراج، بدلت عل السرع ورتبت نفسي خو ما اعارك واني مبهذله وطلعت البرد احسه جمد وجهي بس من اتذكر شلون البارحه تارك رساله انو راح ينام مايكدر يحجي وياي ورا سفر وقافل تلفونه ردت اروح اخنكه نص الليل، دكيت الباب فتحه صار بوجهي مبتسم باوعتله بغيض
جاسر: صباحو يا حلو شعندك من الصبح يم بابنه.
ليال: ونت شنو كاعد ورا الباب، باوعت عل طوله مبدل وكاشخ، لو متواعد من الصبح
جاسر: ههههههههه، فوتي ولج خدودج جمدن
ليال: بعد عن الباب دخلت ورجعت اباوعله بقهر
جاسر وين رايح وليش البارحه قافل تلفونك
تقرب وكف كدامي خله اديه عله خدودي يفرك بيهه
جاسر: اويلي صايرات فراوله
ليال: دنك راد يبوسني درت وجهي وكل مايقرب ادورع عله جهه لحد ما ضحك ولزم فكي وباسني بشفتي ما بادلته بعد عني يضحك
جاسر: ههههه قافله يعني.
ليال: باوعتله بطرف عيني
جاسر: عسل حتى ونتن معصب يالله بعدي خل اطلع تاخرت وراي طريق
ليال: وكفت كدام الباب وكتفت ادي، ماتروح والله اله تكلي شتسوي رايح
جاسر: هههههه، رايح اشوف ماما
ليال: وماما ماتذكرتهه اله اليوم
جاسر: ليش شنو اليوم
ليال: ي ماتعرف وكاشخ هيج، ضحك وتقرب مني خله ايده عل الباب حجزني بي رفع راسي بيده
جاسر: شنو حبيبي تغار
ليال: لاااا روح بالعافيه
جاسر: اذا تريد روح وياي يا روحي.
ليال: باوع بعيونه بشك، وضربته بصدرا
ياااخبيث ياااخبيث
جاسر: هههههههه
ليال: تضحك مووو وبان صاير مثل دروبك الخاينه اني اعلمهه
جاسر: اااخ غير اموت عل غيرتج، يالله صعدي بدلي منتضرج
ليال: ماااا مااروح
جاسر: ودور عليج السنه وحنه مو سوا
ليال: واهلي شلون
جاسر: ي مو طالعه وي صاحبج ترا مرتي شرعا واقانون واذا تردين نوثقه
ليال: جاااسر والله ترا ما اروح
جاسر: ههههههه، ترا معناها صعدي بدلي واني منتضرج
ليال: ما جبت ملابس.
جاسر لبس من بان اي شي
ليال: بان تضحك على سحلتهه واخذت منهه عبايه خليجيه ولبست وياها شال ابيض خطيت عيوني وي حمرا حمرة ورتبت نفسي ونزلت توسلت تجي ويانه ما قبلت ميسم راح تجي يمهه لبين ما نرجع وصدك راح انخطف لانو اهلي ما يعرفون بطلعتي بس رتاحيت انو ليث عنده خبر، نزلت كاعد منتضرني رفع راسه باوعلي صفن بوجهي وبعدين عقد حاجبه تقربت منه كام
جاسر: مو كانو لون الشال والمكياج اوفر
ليال: ليش مو حلو.
جاسر: طركاعه سوده شنو مو حلو ولانو حلو نزعي لو خفقي مكياجج
ليال: باوعتله برطمت، ماا، صفن عل شفتي وتنهد
جاسر: راسج ما ترفعينه بالسياره
ليال: بتسمت اوك ودعنه بان وصاها عل نفسهه وهوا هم كلهه تعالي ويانه ما قبلت الضاهر عدهه تعليمات قويه، طلعنه والطريق طويل بس ما حسينه بي ما اعرف يريد ياخذني البغداد ولا سئلت لانو اريد اكون ويا وبس مو مهم المكان.
هبه: ليش تصرون ما اريد اطلع.
لؤي: ومنو كلج اخنه طالعين نحتفل طالعين نشم هوا ونشوف العالم والاجواء ننسه لهم شويه يالله كومي ما نكدر احنه نطلع ونتي تبقين بالبيت جنج ارمله
هبه: فز كلبي من كلمته تلقائين كتله، اسم الله عليه لؤي شنو هذا الكلام، صفن بوجهي وبتسم
لؤي دكومي كومي خايفه عليه وهوا يوصي عليهه ويردون يطلكون والله مال واحد يربطكم سوا يالله ننتضرج احنه.
هبه: طلع واني ستسلمت وكمت ما اريد اكسر بخاطرهم بدل ونزلت كاعدين منتضريني طلعنه وهوما يتشاقون ويضحكون ومشغلين اغاني واني اباوع عل الناس والاجواء تخبل بس بال يمه وين وشنو جاي يسوي هسه تنهدت وصلنه للمول دخلنه جان اكو ورد طبيعي لؤي اخذلي بيضه وعلى ورديه بتسمت الله لا يحرمني من حنيتهم بس ستغربت ليش ما اخذولي حمرا بس ماركزت، تمشينه بالمول الاجواء تخبل بس ازدحام مو طبيعي دخلنه مطعم وكامو يطلبون الاكل كعدت اصور بتلفوني بالعالم مندمجه حسيت عليهم من كعدو سديت تلفوني ودرت وجهي اريد ارزلهم لانو تاخرو، وين صرتو حتى نع، نصدمت من شفته كاعد عل الطاوله ويانه بقيت ارمش بعيوني اخاف اطلع اتخيل.
يعقوب: سلاام شلونج هبه
هبه: بلعت ريكي واحس دكات كلبي صارت فاضحتني كتله الله يسلمك لحمدالله
يعقوب: الولد عزموني اذا تردون اتركم تاخذون راحتكم
لؤي: ههههه لا اصلا راحتنه وياك
هبه: خزرت لؤي اعرفه يبسمر اباوعله بتسم درت وجهي سويت نفسي متفاعله وي الاجواء لو اكل لان كل ما ارفع راسي الكه عيونه علي
خلصنه من الاكل وطلعنه نتمشه جاي امشي واصور لتفتت ماكو لا على ولا لؤي بس هوا يمشي يمي كتله، وين راحو.
يعقوب: ليش ما اخذتي اذني من طلعتي
هبه: كم مرا راح اجاوبك عى هذا السوال
يعقوب: شنو الضاهر عجبج العقاب وتردين اعيده
هبه: سكتت، اني رايحه اشوف وين راحو جاي امشي سحبني من ايدي ولزمهه باوعتله متفاجئه كال
يعقوب: لا ادورين وتعبين هما تعمدو يعزموني ويتركونه سوا
هبه: هه هيج توقعت يعني سوو بينه حركه سخيف بس اذا انته تعرف هذا الشي ليش اجيت.
يعقوب: لكيت نفسي فارغ كلت اجي ابدي وياج السنه اخاف عل غفله تسافرين بدون ما تنطين خبر انتي مرا مخططه حياتج بدون ما ترجعين الاحد فلازم ناخذ حتياطاتنه
هبه: اعرفه يريد يغيضني بهذا الكلام بقينه نتمشه كل شوي ساحبني لا احد يطخ بيه وبس ينافخ واني بداخلي فرحانه حيل بي خلي كلبه يحترك لان زدحام ادور عل خواني الخونه ختفو
يعقوب: خلي نطلع منا ختنكت.
هبه: اي اطلع منو لازمك واني راح ابقى هنا انتضر الولد نطت عيونه كال بعصبيه
يعقوب: شراااايج ااامنج عد واحد بعد.
هبه: سحبني بقوا ومشه قبل لا نطلع وكف يم ابو الورد اخذ باقه كامله بس ما قدمهه إلى احس دمي حترك طلعنه من المول طلعت تلفوني اتصب بيهم قافلين تلفونهم والله اني اعلمهم بعد ولا احجي وياهم جاي نمشي للسياره وشتغلت الالعاب الناريه وما احس غير فات واحد من يم يعقوب شغلها وحركه بالغلط وضربه بوجهه صرخت وهوا لزم عينه اني شفت الدم ودموعي صارت تنزل وحدهه نخبصت العالم بينه وهوا شالفهه هيج سحبتي من ايدي عل السريع واخذني للسياره فتح الباب وصعدني وصعد وحرك السياره احجي وياا عل ضربته إلى صايراه بجبهته ولا كانو يسمعني يسوق ويهدي بيه، يعقوب حباب خلي نروح مستشفى.
يعقوب: كافي شبيج والله مابيه شي مجرد خدش هسه نوصل واضمده لاتبجين راح اسوي حادث وترتيني.
هبه: سكتت بس وكل شوي امسح الدم وصلنه كدام الشقه الجابني ليهه المرا الفاتت نزل ودار على ترددت انزل بعدين نزلت وياا لان حالته مو مال واحد يتناقش وياا اول ما دخلنه كعد لازم راسه رحت دوره عل الاسعافات جبتهه كعدت كدامه وصرت اضمد بالجرح وهوا يباوعلي بدون صوت جسمي كله يرجه من الرعب خفت الضربه تكون اجت بعينه باوعتله اجت عيني بعينه لزم ايدي يفرك بيهه لان ثلجت من الخوف وترجف
يعقوب: هيج تخافين علي.
هبه: نزلت دمعتي مسحه بيده وخله راسه عل راسي يباوع بعيوني همس
يعقوب: دقائق وراح ندخل بالسنه الجديده ما اريد ادخليله وانتي تبجين بسببي كافي إلى عشتي هاي السنه وقبل لا تخلص اريد اكلج، رغم كلشي صار وراح يصير بس السنه واللحضات إلى عشتهه وياج جانت احله ايام وسنه وللحضات عمري
هبه: دار وجهه اخذ الورد نطاني ياا كال.
يعقوب: هذا عتذا بسيط عن كل شعور مو حلو سببته الج، بعد هاي اللحضات انتي راح تقررين كلشي بحياتج وانه راح احترم قرراراتج صدكيني هاي السنه ماروح يكون بيهه جبر الج عل اي شي، ماعرف شنو اكدر اسويلج ولا شنو اكول لان ما اعرف انتي شنو تردين حتى اسوي الج.
هبه: اخذت الورد من ايده شميته باوعتله احس الدموع تحجرت بعيوني بتسمت بتسامه مزيفه واني كلبي نار ماتعرف شنو اريد، ردت ما اهون عليك ردت كلمه وحد بس واله الف معناه تنكال بي، لاتركين اريدج لاطلعين من حياتي مصدكج وهوواي معاني مالازم، احبج بس للاسف هوا ترك ألخيار بيدي واني الغلطه إلى سويتهه مرا عل حساب كرامتي مستحيل اعيدهه.
هنت عليك بس مارح تهون على نفسي اعذبهه مرا ثانيه، سمعت العد التنازلي للسنه الجديده بده والصوت يجي من الشارع...
تقربت عليه وخليت شفتي عله شفتهه حسيت برعده كلبه اخذ شفتي بالهفه وسحبني الحضنه دخلت السنه الجديده واني بين اديه وهذا اكثر شي جنت اتمنى انو كل سنه وكل يوم وكل دقيقه من عمري تبدي وياا وبجوده عشت وياا لحضات الحب إلى صار فترا طويله ما عايشتهه تسحبت من حضنه بخفه كمت بدلت ملابس عل السريع وتصلو بلؤي إلى هل مرا رد على كتله يجيني باوعتله شلون نايم ذاب نفسه بتعب ما اعرف شنو عتبر الصار بينه بس انه عتبرته حقه وحقي انو اروي شوقي اله طلعت الدمعه بعيني لوي جمت من شافني بس سكت اول ما وصلت للبيت طلبت من بابا يحدد يوم حتى ننفصل بي لان تعببببت اكوون لاني طايله سما ولا كاعده.
لو چفوف الناس كلها
تحبني وتمدلي دفوها
هم أظل عايز شبگتك.