رواية الشيخة ليال للكاتبة الوردة البيضاء الفصل الثلاثون
تجيني وبيه اگلك طوف
يَ سالوفة سواجي الليل
ألوذ لحضنك من الخوف.
بان: رغم كلام جاسر إلى يرفع المعنويات بس ماما غسلت شراعي ما ضجت من كلامهه متعوده عليه بس الكل سمعهه وهي تحجي وكانو طفله وراسبه بالمدرسه تنهدت الحديقه هدوء والهوا حلو ياريت حياتي تصير هيج، نفتح الباب ودخل هاي الفترا يا دوب اشوفه بالبيت وانه اصلا اتجنبه درت وجهي وهوا دخل للبيت بقيت كاعده شوي ودخل جاسر الضهر وصلنه وطلع ومارجع بعد شكله مو طبيعي مبين ضايج تقرب سحب الكرسي وكعد كدامي.
جاسر: ليش كاعده هنا للجو بارد
بان: هيج ردت اشم هوا واكعد بهدوء
جاسر: همم ما بقى شي باجر استلم البيت يومين ونرجع
بان: لاتنتضر مني افرح تعودت عل البنات
جاسر: تردين نبقى
بان: هههههه لا دخيلك هل نخلص من المشاكل وخاصه ماما والحجيه فخريه يوميه وعالكات سوا
جاسر: سمعتج حجي عل النتيجه
بان: عادي اكيد من زعلهه علي
جاسر: ي لا تهتمين انه احاجيها ويالله كومي الجو برد
بان: وانته ما راح تكوم
جاسر: بس ادخن جكاره وادخل.
بان: هزيت راسي وكمت دخلت، لاكتني ليال اباب المطبخ
ليال: وين جنتي اجيت ادور عليج
بان: كعدت بالحديقه شوي
ليال: شنو عمه غثتج مو
بان: بتسمت لا عادي تعودت
ليال: يالله صعدي نامي وريحي راسج تعبتي اليوم وهاي بوسه هم
بان: بتسمت، ااوي شهل دلال اليوم لو ناجحه ما تسون هيج
ليال: ههههههه ي والله
بان: تصبحين عل خير.
ليال: وانتي بالف خير حبيبتي، صعد بان باوعت من الشباك كاعد بالحديقه ترددت اروح احجي ويا بس لازم الموضوع ما يتاجل طلعت وكفت كدامه رفع راسه باوعلي ابرود ويدخن بروده يخوف صراحه كتله بتردد، اريد احجي وياك بموضوع اشرلي بعيونه اكعد كعدت كدامه كتله، احم اريد احجي وياك علمود هبه ويعقوب اليوم صايرا مشكله بينهم وهسه هبه يم اهلهه وشكل الموضع جدي
جاسر: والمطلوب.
ليال: كرهت سلوبه اخذت نفس وكملت، هبه اكيد راح تترك الشركه او ممكن يعقوب هوا ليفصلهه بس انه اريدهه تترك سوا هي رادت او يعقوب لازم نجبرهه تبقى وخاصه انو هي لازمه مشروع اكيد هي ملزمه تبقى لحد ما تكمل نسبه منه عل اقل
جاسر: يعقوب هوا يقرر ما اكدر افيدج بهاذ الموضوع
ليال: بس انته مدير المشاريع
جاسر: والمشروع صار قيد التنفيذ يعني صار من مسوليه المدير التنفيذي يعقوب عني هوا يقرر.
ليال: حسيته يخبث وياي حتى ما يساعدني ويباوعلي بغرور وينفث بالدخان كمت وكفت كدامه وكتفت ادي ونفشت ريشاتي مثله وكتله بغرور، ممم تعرف انه هسه فكرت بالموضوع جد انته ما تكدر تسوي شي ولا حتى قرار يعقوب مهم لانو اذا انت مدير وهوا مدير فانه مديرتكم ثنينكم والوكاله بايدي وبالاخير الاريده هوا إلى راح يصير، اسفه عل ازعاج تصبح عل خير...
جاسر: وانتي بخير يا مديرا دخلي نامي لا باجر افصلج قبلهه.
ليال: هه عل كلبك، تركته وفتت ميته من الغيض وبروده يذبح الحقير الخبيث...
هبه: نزلت جانو كاعدين بالستقبال ويضحكون بشماته عمو جان موجود والله اعلم شنو جان الحجي إلى راح اسمعه منهم سلم على وباس راسي بحنيه وطلعت اجه لؤي اخذني طول الطريق ما حجينه شي او ما وصلت البيتنه صعدت الغرفتي بدون صوت حتى بدون سلام ما بجيت ولا عصبت وطلعت غضبي صرت انسانه مشاعرهه مبنجه بدون ردت فعل وهذا اصعب لانو احس نار وتاكل بروحي قفلت تلفوني وكمت بهدوء دخلت بفراشي احس جسمي نحلان وتعبان غمضت اجبر عيوني عل النوم نمت نومه عباره عن كوابيس ما اعرف شكد مر وقت كعدت بدلت ملابسي ونزلت احس نفسي امشي بدون روح كاعدين بالصاله الكل باوعلي بقلق كتلهم.
بابا وانتو الكل الكاعدين راح احجي مرا وحده واتمنى تفهموني هاي المرا، علاقتي وي يعقوب شلون ماراح تكون نهايتهه ماريد احد يدخل باي شي راح يصير، دمعت عيوني وكلت بغصه اذا اني عزيزه نفس عدكم وماتردولي الذله اكثر من هيج لاتعترض وهاا يعقوب ما ئذاني باي شي ولا بي اي قاصر بس علاقتنه اساسهه غلط واذا راح تنتهي خلوهه تنتهي بالطريقه الصحيحه غير هيج، ماراح اسامحكم هل مرا ابدا، اباوع لخواني مدنكين راسهم وبابا عيونه غرغرت بالدموع فتحلي ايده تقدمت عليه حضنته وبجيت بقهر عل صدرا احس هموم الدنيا عل كلبي اخوي على يفرك بايدي ولؤي يمسد عل راسي يهدون بيه.
ابو هبه: طول عمرج عزيزه نفس وما راح يصير غير التردونه بس لاتعذبين ضميري اكثر بدموعج
هبه: شلت راسي ومسحت دموعي كتله، يمكن عاقبتني بطريقه قاسيه شوي بس لو خليني عل هواي جان غلطتي راح يكون عذابهه اعضم يعني وانه ما شايله عليك ذرا بلعكس اخذ قوتي منك لان انتن ساندني، سحبني الحضنته وهوا باس راسي ياريت رئي كلبي بالامور بهاي السهوله مثل عقلي احسه مشتعل نار عليه...
صعدت الغرفتي احس اخذت دعم حتى اخلي نهايه الهاي العلاقه إلى ما نكتب الهه تبدي حتى فتحت تلفوني الف الرسائل والاتصالات من البنات وخاصه ليال واخر شي محاجيتني علمود المشروع حلم ثاني من حياتي ما نكتبله يتحقق مارديت عليهه باجر انه اروح وانهي كل صله راح تربطني بالشركه بعد اليوم.
ليال: فتحت الباب عل ميسم نايمه غريبه ما تنام بهل وقت معقوله تتجنبني حتى اليوم ما نزلت هواي ااف وهاي هم لازم احجي وياها يربي شهل ليوم دخلت الغرفتي اريد انام باجر وراي يوم لطول فتحت تلفوني قبل لا انام انس مراسلني تذكرت نضرات جاسر واسلوبه وياي طول اليوم حسسني مسويه شي كلش غلط والمشكله انه ما اشوفه غلط لا وفوك هذا كله حاسه بالذنب من دون ما يحاجيني حتى اااوف بقت السالفه والافكار تفر براسي واحرك باعصابي لحد ما غفيت كعدت من الصبح جهزت نفسي ورحت وي ليث إلى شكله مو هوا الثاني مو نايم اصلا للشركه لان كعدت الصبح لكيت رساله من هبه انو راح تجي علمود تصفي شغلهه وتسلم المشروع دكيت راسلت مغلق.
واول ما وصلت للشركه رحت عل غرفه يعقوب يبوو وجهه ما يكصه السيف احسه قنبله موقوته باي دقيقه تنفجر والي سمعته من يوسف انو بعد ما طالعه هبه راجع لاعب لعب مامبقي شي صاحي يعتب عليه بالسويت ومالهم غير صوته وصياحه وصل لبيتنه ما حاجيته مو مال واحد يحجي وياا بس بلغته بالاجتماع
وبعد ساعه جان الكل موجود وكل واحد شايل همه عل راسه جان يوم مو طبيعي بدينه و.
نتناقش عل الشغل واخر شي وصلنه عل المشروع إلى لازمته هبه ندك الباب وفاتت سلمت يعقوب بقى عل سكته ومنزل راسه حسيته عل اعصابه وهب مو احسن من حالته بس هبه مو من النوع إلى تبين ضعفهه ادري بيهه هسه محطمه من الداخل بس خارجين ياجبل ما يهزك ريح بحيث حتى مضهرا هوا هوا نفس الاناقه والترتيب وهاي نقطه تشترك بيهه وي يعقوب يعني نفس الصخرا براس الثنين ثنينهم نفس الراس اليابس والعناد بس مو اعند مني إلى اجيب روسهم واضربهم ابعض بسيطه.
هبه: كاعده وياا بنفس المكان بس المكان ضرباته بالقلم عل الطاوله وتجاهله كانو مو موجوده وحساسي انو مو متحمل وجودي هذا دمار بحد ذاته بس لازم ابقى للزمه نفسي واقويهه بس هل ساعه واطلع وبعدهه ما راح اخلي يشوف وجهي ماريد ابرر ولا اشرح تعبت هوا هاجم وانه راح اخذ وضع الانسحاب بعد كلامه اذا اريد ادافع عن نفسي ذله اخذت ونفس وكلت مو جهه كلامي الجاسر واني اخلي المخطط كدامه.
انه خلصت كل تصاميم المشروع وهاي كدامك وسبق ودققت اكثر من مرا بدون اغلاط وباقي الدراست والخطط وحتى دراسه الميزانيه كله جاهز عند البنات وبهيج يكون يخلص شغلي تكدر تسلمه لاي مهندس مجرد يشرف عل التنفيذ وراح يكون جاهز بالمده المطلوبه...
جاسر: عاشت ايدج انه اطلعت عليه وشغل مضبوط
هبه: تسلم.
ليال: باوعت الجاسر اترجا بعيوني الخبيث يباوعلي ويغلس يعقوب ما حجى كتلهه بس اعرف بقله خبرتي بالهندسه ما راح اكدر اسوي شي، انتي شلون اتركين المشروع وبدون اشراف مباشر منج اكيد راح تصير اخطاء بالتنفيذ
هبه: ماراح يصير هيج لانو ما شتغلت عليه وحدي فريق المهندسين إلى وياي يعرفون ادق التفاصيل وماراح تواجهون اي مشكله بالتنفيذ
ليال: اوك، سكتت وهي صارت تلم باغراضهه باوعت الجاسر مبرطمه كلب عيونه بستسلام وكال.
جاسر: لحضه هبه
هبه: نعم.
جاسر: انه اتفق وي ليال اذا ما راح تشرفين بنفسج اكيد راح تصير اخطا ماكو شي اسمه ماراح نواجه مشكله اكيد المهندس إلى راح يستلمه ماراح يدقق عل تفاصل هوا مشتغلهه بايده ومارح تكوله رويه مستقبليه بالمشروع يراح يشتغل الوراق وبس انه وياج نعرف انو مستحيل ما تصير اخطا بهيج حاله هاي نقطه النقطه الثانيه انو عقد المشروع ماراح يسمح بهيج شي اكيد ماراح يقبلون واحد يصمم واحد ثاني ينفذ حتمال ينسحب المشروع وهيج راح تتغرام الشركه عل التاخير لانو مارح يكون الوقت كافي انو نعيد التصميم فاللاسف انتي مجبورا تكملين ويانه وتشرفين بنفسج عل التنفيذ يامه باسوء الاحتمالات راح ننسب التصميم المهندس جان المفروض من الاول ما تستلمي هبه انه وثقت بيج اذا راح اتركيني بنص الطريق معناهه اسف انو اكلج انتي مو كد مسوليه هاي المهنه وراح تفشلين مستقبلن.
هبه: احس نفسي نحشرت بالزاويه يامه اتخل عن التصميم إلى سهرت وتعبت عليه كل هذا الوقت يامه اكمل وكانو ما صار شي وادوس عل كلبي وابقى وياا بنفس المكان مثل المنبوذه.
بس انو كلام جاسر بالاخير نطاني دافع انو لازم عل اقل انجح باخر شي عندي ايمان بي وهوا مهنتي اذا فشلت بهاي هم راح تكون نهايتي باوعتله اليعقوب يباوعلي بتركيز بس نضرات بارده راح اتحمل لانو الدنيا هيج او هيج راح تضل تخبرني وماريد انكسر بعد كل التحملته وخاصه باول مشروع الي، لا طبعا اكيد ما اقبل انو تصميمي ينسب المهندس ثاني ولا اقبل اضرك او اضر الشركه انه جاهزه اشرف عل المشروع الحد التسليم.
جاسر ؛ وهذا الاني جنت منتضرا منج نكول بالتوفيق باول مشروع الج
هبه: تسلم
ليال: تنفست براحه باوعت الجاسر الضحكه شكت حلكي الخبيث عرفته ما يكدر يخليهه غيرا انه بوخه سوه نفسه ما يشوفني المغرور و يعقوب اول ما كالت هيج نسحب من الاجتماع اول واحد والبقيه لحكو اول ما طلعو كمت حضنتهه حضنتني
هبه: ليال تعبانه
ليال: سلامتج من التعب كومي خلي نشرب شي وفهميني شنو فلمكم انتي وهذا ابو راس يابس.
هبه: ماريد احجي بالموضع هسه بعدين راح افهمج كلشي
ليال: خلص مو مشكله بس كومي ناخذ شي يهدي اعصابج
هبه: يالله
بان: فزيت مفزوعه حسيت نفسي مخنوكه كل ما انام وانه ضايجه لازم احلم احلام مو زينه حسيت شي كاتم عل صدري ومهمومه مالكيت نفسي غير ابجي مثل الغاصه بشي الحلم ابد مو حلو ندك الباب كمت ضلمه مسحت ادموعي وفتحته صار بوجهي ليث كال ابرود
ليث: شكو سمعت صوت صوت صرخه هنا.
بان: لا ماكو شي بس حلمت حلمت حلم مو حلو وكعدت فازه وطلع صوتي حجيت بصوت متحشرج ما احس غير نضرب فااش عل عيوني
ليث: باجيه
بان: رفعت نضراتي صارت عيوني بعيونه صفنت بيهه مشتاقتله وحس اعذب بروحي من ابعدهه عنه نزلت عيوني بسرعه ما اريد ارجع النقطه الصفر وياا، هزيت راسي لااا، تصبح عل خير اريد ارجع انام، اجيت اسد الباب دفعا وفات كعد عل الطخم البغرفتي
ليث: تعالي نامي ومن تغفين اطلع
بان: ليث رجا...
ليث: ما جاي اتوددلج وحجيج براسي ما ناسي ولاراح اذل روحي دخلي نامي وانه اولي لاتختلسن بها ليل وين نولي بيج.
بان: سكتت لان صدك خايفه رجعت لفراشي نايمه منطيته وجهي اباوعله شلون يكلب بتلفونه ويضحك معقوله وي اصدقائه مثل المرا الفاتت رفع راسه شافني اباوعله رفع حاجبه غمضت عيوني دقيقه وفتحتهه شفته بعده يباوعلي رجعت غمضت بسرعه والله اضحت عبالك طفل جاي ينيمونه بقيت كل شويه افتح اعيوني واسدهه بنعاس اباوعله ترك تلفونه واخذ الكتاب الموجوده عل المكتبه مالتي جاي اقرا بي حاليا تركته يكلب ويقرا بي وانه ستسلمت للنوم، فتحت عيوني الصبح ماكو بس الكتاب بمكانه باوعت الساعه اوف شكد نايمه اكيد هسه هما بالشركه رحت شلت الكتاب باوعت باوعت للصفحه لواصلهه وطابك الورقه عل نص.
لم تكن شيئاً عادياً لتمر وتنتهي دون ان تحرك ساكناً، كنت العاصفه التي قلبت المدينه رأساً على عقب.
بان: بتسمت احب بليث شفافيته حتى لو يقسه على مايكدر يخفي حنيته وخوفه على ياريت اكدر اغير قدرنه تعبت من هذا العذب يااربي.
ليال: رجعت من الكفتريه للمكتب كلش ضجت عل هبه رغم ما عرفت سبب المشكله بينهم وما ضغطت عليهه بس مبين الموضوع جبير وكلش متاذيه نشالله اذا بقت بالشركه هذا الشي يكدر يساعدهم امشي صافنه وفزيت من نضربت بجسم كدامي رفعت راسي واكف كدامي مبين متعمد
جاسر: نتبهي
ليال: انت واكف بالطريق
جاسر: وليش ما شفتيني وين عقلج
ليال: حسيته يلمح، براسي ما نتبهت لان طلعت بطريقي فجأه.
جاسر: ي نتبهي مرا ثانيه المهم وين ملف المشروع الكلفتج بي
ليال: هسه ادققه عل السريع واجيبه الك
جاسر: شكد فاهيه لسه ما مدققته كانو جاي تسختين بالشغل
ليال: باوعتله بغيض اذا ما تكعد تعطلني اكثر راح ادققه بنص ساعه واجيبه
جاسر: ي يالله يا مديرتي الشطورا.
ليال: تستهزء حضرتك الخبيث متشمت بيه وجهه ناشف على دخلت للمكتب شتغلت عل الملف الراده واخذته اله دكيت الباب ودخلت جانت مو جوده يمه مهندسه يشرحلهه عل مشروع ما اعرف شنو كعدت انتضر يخلصون اباوع شلون كل شوي ايدهه اطخ بايده احسهه متعمده بقيت اهز برجلي من التوتر يتناقشون ولا كانو موجوده ما تحملت اكثر كمت وكتله بنزعاج، هذا الملف بما انك مشغول شوفه بعدين واذا اكو نقص دز علي
جاسر: ي مشغول حاليا اخذي راحتج.
ليال: كال هيج ابرود وبدون ما رفع راسه كلش ضجت، تركته وطلعت رحت للمكتب اخذت جنطتي وطلعت للبيت حتى اذا يدز على ما يلكاني وصلت بيت عمو عدنه سلمت وصعت كبل الغرفه ميسم جاي تجهز بنفسهه تريد تنزل
من شافتني توترت كتلهه، خلينه نحجي شوي صار يومين ما جاي احصلج
ميسم: ليش وين اني تعالي بس بشنو نحجي
ليال: كعدت عل السرير واجت كعدت كدامي، تنهدت يي شنو قررتي
ميسم: بشنو
ليال: بطلب عمو
ميسم: دنكت راسي، انتي شنو تشوفين.
ليال: بالنسبه إلى الموضوع ماله علاقه بيوسف ابن عمو او غيرا اذا كان شخص غريب بس رئيي اذا اطلبينه اكيد جنت نصحتج انو ما توافقين خاصه انو هاي السنه كلش مهمه بدراستج وبعدهه عندج الجامعه يعني هذا الوقت مو وقت هاي المسوليه
ميسم: بس انه اكيد ماراح اتزوج هاي السنه.
ليال: بتسمت افهم من كلامج انو انتني خلص ماخذه قرارج وما منتضرا رئي احد واهذا الصح تعرفين ليش لانو ابعاد هذا القرار ما راح يتحملهه غيرج بس اتمنى يكون قرارج عن وعي وتفكير كلش طويل اخذي وقتج هذا قرار ما منه رجعه تعرفين حتى هوا اهم قرار بحياتج باوعي هيج لبعيد لبعد كم سنه من حياتج وشوفي شلون تتخيلن نفسج وي يوسف باطباعه بشخصيت خلي كدام عينج كلشي تعرفي عنه وتخيلي حياتج وياي واذا هوا الشخص المناسب الج مرات يا ميسم تفاصل زغيرا هل كد تخلينه نغير نضرتنه الحياه كامله وتخلينه نعرف هذا القرار صح او غلط دوري عل هاي التفاصل بين الشغلات الواضحه والمبهره وبعدهه راح تعرفين تقررين وهذا راح يكون دليلج، خليت ايدي عل كلبها تركتهه صافنه بوجهي وكمت صعب على احجي وياهه بهاذ الموضوع لان علاقتها بيوسف حساسه وخاصه انو جنت طرف منها اريدهه هي تقرر حاولت اوصللهه رئي بطريقه تتقبلهه بس ورغم القرار الهه بس انه ابد ما مرتاحه وخايفه عليهه تنصدم او تفشل باول علاقه بحياتهه وتدمر بعدين اااوف الله لا يكولهه.
ليال: دخلت الغرفتي هلكانه تعب سبحت وبدلت جففت شعري ردت اتمدد عل سرير ونمت ما اعرف شكد مر وقت كعدت بنعاس حيلل شكد نايمه نمت بدون غده وهسه وقت عشى غسلت وبدلت ونزلت واكفين بالمطبخ يجهزون العشه بس بان ماكو صعدت فتحت الباب عليهه
سلاام ياحلو شدتسوي...
بان: هلو لولو مثل مشوفين هلكت
ليال اباوع الهه لامه اغراضهه نسيت اليوم ستلمو البيت وباجر يرجعون ضجت تقربت حضنتهه.
بان: اااوف لاتزعل حبيبي هياتني يمج احسن من بعد المحافضات
ليال: لا زعلت اريدك تبقى جار غرفتي
بان: غمزتلهه نشالله قريبا تجين وياي
ليال: دفعتهه بخفه، باوعت الهه بغيض هههاي ما تضحك
بان: هههههه تضحك ما تضحك لاتحاولون كاشفتكم بس هل ايام ما اعرف شبيكم صدك شنو صاير اشو جاسر روحه بخشمه
ليال: وشنو الجديد اخوش وجهه وجه رئيس مافيا من يومه، هسه عوفينه منه خلينه نتعشى وبعدين اساعدج لو مكعدتني ليش هيج وحدج.
بان: لا حبيبتي ما تعبت هي شويه كتب وملابس لميتهم بقت بس اغراض جاسر نخلص وساعديني بيهه.
ليال: ي امري لله، نزلنه للعشه رغم جنت جوعانه بس نسدت نفسي ضجت لان راح يرجعون ورغم الفترا البقو بيهه هنا ما كدرت اغير شي بعلاقتهم هوا وسعد وبابا ما جان موجود عل العشه رغم تصرفه وياي اليوم ضوجني بس هسه ضجت اكثر لان راح ينتقلون كملنه عشه وصعدت انه وبان لغرفته اساعدهه نلم اغراضه احس كلبي نعصر ما اعرف ليش بدت تلم ملابسه بالجنط.
واني اعزل بالمكتب مالته كتبه واوراقه شلتهم جاي اخليهم بالكارتون وكعت ورقه مطبكه عل الارض شلتهه تلقائين فتحتهه نصدمت ضليت بس ارمش بعيوني معقوله راسمني وهاي اني جانت رسمه بسيطه بس محترفه تشبه ملامحي بس راسمهه بطريقه قريبه للانمي تخبل احس لامست كلبي بتسمت نفتحت الباب عرفته هوا طبكته بسرعه ورجعتهه بين الكتب دخل تمدد عل السرير ويحجي وي بانه رفعت راسي يباوعلي سويت نفسي ما حاسبته موجود خليتهم كلهم بالكارتونه باوعت عل بان كتلهه.
وين اخلي هذا دارت علي
بان: عل الكومدي وراج
ليال: هزيت راسي ودنكت اشيله طلعت من ملابسي لبرا رفعت نفسي بسرعه ورجعتهه جوا وسديت سحاب البلوز رفعت راسي يباوعلي بتركيز عاقد حاجبه توترت عزا نفضحت كدامه
خلصنه تعزيل كام تقرب شال كارتون الكتب كال البان
جاسر: جيبن باقي غراضي وراي من الليله راح انتقل هناك.
ليال: كال هيج وهوا يباوعلي طلع تنهدت، بقن ملابسه سحبنه انه جنطه وبان جنطه ورحنه ورا دخلنه للبيت صح تعديلات بسيطه بس يجنن مسوي التصميم الداخلي والالوان صعدنه فوك روعه مسوي جزء منه وي غرفته سويت كامل وديكوره خيال مدلل نفسه عل اخر اجانه صوته من غرفه بان يصيحهه
بان ييي اروح اشوف غرفتي تعالي
ليال: لا روحي انتي باجر اشوفهه راح انزل انتضرج جوا حتى نرجع للبيت.
بان: اوك بس فتحي الجنطي طلعيله بجامه لا ينكشهن و يخرب الترتيب وتعالي اكوي من جديد
ليال: بتسمت وهزيت راسي فتحت جنطته وطلعته بجامه ودرت اريد اطلع صار بوجي سد الطريق على باوعتله كتله، بس شوي اطلع
جاسر: ليش طلعت اليوم من الشركه مو كتلج اخلص واصيحلج
ليال: وانه ما اشتغل حسب وقت شوكت يسمح خلصت شغلي وطلعت
جاسر: همم هيج يعني
ليال: ي، بعد بان تنتصرني
جاسر: مو قبل ما اتكد من شي.
ليال: باوعتله بستغراب دفعني بخفه وسد الباب. وسحبني خلاني عليه، جااسر شدتسوي شبيك، باوع بعيوني وبسرعه نزل السحاب ما الترك ومد ايده عل صدري طلع الكلاده بقيت اباوعله باهته عل جرئته بتسم وكال
جاسر: ليش لابستهه هناا شنو معناهه هاي الحركه
ليال: مممالك دخل ركبتي والبس بيهه الاريده، دنك على وجهه صار بوجهي عن قرب كال بهمس
جاسر: ترديني بس جبانه ماعندج جرئه تعترفين.
ليال: بقيت اباوع بعيونه واحس راح يغمه على وكلبي احس يريد يطلع من مكانه، كتله...
حتى وانتَ هناك أشمك
وحتى من يحچون يمي بسالفة
وجابوك بيها، أتغاضه عن السولفوهن
وبالي كله يصير يمك
شنهي عود مطشره ايامي إعله وينك؟
واليريد يلمني بس يطخني ب اسمك.