رواية الشيخة ليال للكاتبة الوردة البيضاء الفصل الثاني والثلاثون
مدري منين جاي اشتاك
مدري منين اريد ابدي
اضيعج واللتفت واللكاج
وردة وخدج يندي
احب حروفج التنباس
من كد الترافه البيج
لون سوالفج وردي
ليال: باوعتله مصدومه، شوكت هذا الحجي
جاسر: البارحه من اجو انتي جنتي مشغوله وي بان بغرفتي
ليال: تنهدت ي بالاخير القرار الهه الله يتمم عل خير.
جاسر: ليش ضجتي
ليال: مو ضجت بس جان المفروض تاخذ وقتهه
جاسر: ي مثل اختهه المفروض تشلع كلبه.
ليال: يحجي بغيض ضحكت، سويتله باي وطلعت نزل وراي يلبس بقميصه وصلني من الباب الخلفي وهوا يدرم
جاسر: اشوفج بالمكتب
ليال: لا باجر دوام واني كلشي ممجهزه وغير هيج اريد انام
جاسر: شنو بدينه
ليال: بدينه شنو
جاسر: هيج ماكو شي يالله دخلي.
ليال: تركني وراح ما اعرف عل شنو نغث دخلت الغرفتي وكفت كدام المرايه اخذت نفس براحه حاسه بفرح وراحه مو طبيعيه لزمت الحلقه بركبتي مو مصدكه الصار هسه انه حبيبه جاسر إلى لحد الان اشوفه مافيا وخبيث شوف شنو لاعب بجسمي سنونه طابعه بي اباوع للاثر كزكز جسمي من اتذكر شلون لحيته تجكجك بي ذبيت نفسي عل السرير وحضنت المخده مو دافيه مثل حضنه بقيت استرجع لحضاتي وياا لحد ما غفيت بس فرحتي مو كامله كلبي مو مرتاح عل ميسم.
هبه: بعد ما اخذت القرار ثاني يوم لازم اروح للموقع حتى نباشر طلعت ملابسي مو مال تراب وبناء طلعت شي مناسب ولبسته جنت البس بهاي الطريقه لخاطر هسه ما صرت اهمه لا اني ولا لبسي واصلا راح احاول ما التقي بي وابقى بعيده عن الشركه، او اروح بس من اشتاقله تنهدت اخذت التصاميم وطلعت للموقع.
كل المهندسين إلى وياي بالمشروع جانو موجودين وي العمال باشرنا بالتخطيط والقياسات وضربتنه الشمس عدل للضهر كعدت حيلي نهد من التعب والوكفه كعدت بالستراحه صح تعبانه بس فرحانه بالانجاز السويته خلصنه جزء صح بسيط بس احساس انو مشروعي بدا ينبني عل واقع كلش حلو، خلص الوقت لميت اغراضي وتصلت بالسايق اجاني حسين من المهندسين الوياي بالمشروع بس كلش انسان محترم ومرح يعاملني مثل صديقه قديمه ويضرب ميانه بسرعه، كال.
حسين: هاا مبين تعبتي بعدنه بسم الله
هبه: هههه ولانو بعدنه بسم الله تعبت من الايام راح اتعود عل التعب
حسين: كفوو والله وهيج اريدج صح انتي المسوله بس هاا ماكو تسخت بالشغل
هبه: ههههه لا نشالله ماكو بوجودك
حسين: هههههه نشالله يالله هاج هاي خلي ستاذ يعقوب يوقعها الج
هبه: ليش مو وقع الموافقه.
حسين: وقع مباشرا بس بعد هيج كل مرحله هم لازم بتوقيع منه وباجر اول مرحله لازم يوقع قبل لا نباشر يعني اول ما تجين لازم الوراق يمي
هبه: عادي ادزهم فاكس او بيد احد
حسين: هوا انه ما اكدر اخذهم واتحمل المسوليه اذا ضاعو لازم انتي شخصين
هبه: هزيت راسي اوك عتبرهم توقعو
حسين: وهذا المطلوب يالله اترخص.
هبه: الله وياك، باوعت النفسي حالتي حاله مليانه ترب وتعبانه مو مال اروح للشركه بس مطره لانو الصبح ما يلحكن اجه السايق وصلني للشركه كتله ينتضرني صعدت المكتبه حاجي اسراء حتى ادخل عليه اتصلت تنطي خبر صدمني ردهه
اسراء: للاسف ما اكدر ادخلج خلص وقت الدوام وراح يطلع ما يستقبل شغل بعد
هبه: شنو يعني هوا توقيع باجر راح اتاخر
اسراء: اسفه بس هاي اوامرا.
هبه: خلي افوت ونشوف اوامرا تركتهه تصيح وراب دكيت الباب ودخلت جان كايم من مكتبه حتى يطلع رفع راسه باوعلي بعدين نزل عيونه باوعلي من فوك لجوا كلب وجهه بالزايد كتله
محتاجه توقيعك
يعقوب: خلص وقت الدوام خليهه عل باجر وماكو داعي تعتذين عل فوتج بهاي الطريقه راح اعديهه هاي المرا.
هبه: لا اعتذر عل فوتي هيج ماكو داعي تعديهه، واذا عل توقيع هم نخلي عل باجر مو مشكله، طريقه كلامه مستفزه تخلي الواحد يفقد طلعت ونضرب الباب وراي عل اساس مايخلط الشغل بالحياه الخاصه هه طلعت السايق ماكو اخذت نفس اطلب الصبر شهل يوم يربي اتصلت بي يريد يفول بانزين كعدت انتضرا.
شوي وطلع دنكت راسي سويت نفسي ملتهيه بالنقال من الموقف الزباله هذا إلى بعده راح اتعلم سياقه راح صعد سيارته وطلع ولا كانو يشوفني ابو الذوق والاخلاق
اوو اليوم مهندستنه الحلو مشرفتنه
هبه: درت راسي ييي ما جان ناقصني غير هذا الغثيث رجعت درت وجهي كتله بدون نفس...
ليش وين اشتغل اصلا ورجائن تلتزم بحدود الشغل ماكو داعي لهاي القاب إلى ما اتقبلهه من شخص مثلك مايجمعه علاقه غير العمل.
سالم: افف اعصابج جاي اتلاطف مو قصدي شي حبيت اساعد بس تفضلي اوصلج وياي
هبه: شكرا السايق بالطريق، اسمعه همس هنياله غمضت عيوني قرفانه منه فتحت شفت سياره يعقوب راجعه هوا هم بس شافه مشه بتجاه سيارته صعد ومشه، اباوع اليعقوب نزل يباوعله وتقدم على وكف عل راسي كال
يعقوب: ليش لسه كاعده هنا كومي اوصلج
هبه: السايق بالطريق
يعقوب: وانه ما جاي اسئلج بعدج محسوبه على وكعدتج هاي كدام الموضفين ما تعجبني يالله كومي.
هبه: يحجي نتر واسلوبه وكلامه كل ما يفتح حلكه ويحجي وياي يزيدني قهر بس ماريد ابين كسره نفسي كدامه. مديتله الملف البيدي كتله
وقع بالاول
يعقوب: ما جاي نحجي باطار الشغل
هبه: ولانت ملتزم وقت الشغل باطار علاقه المدير والموضفه بينه اذا تريد توصلني وقع بالاول او تكدر تتفضل ستاذ حضره المدير شوي ويجي السايق، خزرني وسحب الملف طلع القلم وقعه ورجعه راح لسياره وكمت صعدت وياا حرك ساكتين.
تعيسه اللحضات إلى تشاركها وي شخص تحبه بدون كلام وعتاب مجرد مشاعر متبعثرا
جنت اباوع عل الفراغ كصر الصمت كال ابرود
يعقوب: شنو جان يكلج
هبه: منو
يعقوب: سالم ليش واكفج يمج شكو
هبه: ماكو شي عرض على يوصلني لان شافني كاعده انتضر ورفضت، سكت ما حجى شي بعد تنهدت وسكت وصلني للبيت نزلت بدون ما التفت ولا حتى شكرته بس روحي احسهه تركتهه يمه هيج تعلق بي ماجنت اعرف غير لم نفصلنه.
ليال: ما نمت هواي وكعدت بدلت ونزلت لكيت ماما و ميسم بالمطبخ تهربت عني بعيونهه كتلهه ببتسامه، صباح الخير
ميسم: صباح النور لولو
ليال: تقربت يمهه، مبروك ياحلوا سمعت راح تصيرين عروسه قريبا
ام ليال: من قلت العقل غير
ميسم: الله يبارك بيج، انه طالعه
ليال: توركتنه وطلعت ومبين نغثت من كلمت ماما باوعت الماما بلوم.
ام ليال: لاتباوعيلي هيج ما اتحمل اشوفكم تسون الغلط واسكت وخاصه هاي اختج تسوي بس البراسهه بس شسوي طول عمري مالي كلمه حتى عليجن
ليال: اوو شكل الحلو كلش زعلان، حضنتهه من ور وبس خدهه منو يتجرء ما يسمع كلمتك يا حلو، باوعتلي بطرف عينهه
ام ليال: وين جنتي البارحه مابيه لوعه بعد واشوفج كدامي دمج بطولج
ليال: ماما مو...
ام ليال: لاتبررين هوا زوجج وينصلح الحال بينكم احسن ما اشوفج مطلكه بس ياروحي نتبهي اخوج ما يتفاهم وكلبه صاير قاسي البارحه مرته تشكيلي منه ومن معاملته ماريده يأذيكم انتم هم
ليال: بتسمت متنهده نشالله ماما اوعدج راح انتبه اكثر لحد ما الله يفرجهه وانتي لاتضغطين عل ميسم خليهه تسوي الشي إلى تحسه يسعدهه
ام ليال: نشالله ولو اني اشك بهذا الشي يالله حبيبتي طلعي انتي لا تتاخرين.
ليال: بست راسها وطلعت للشركه دخلت للمكتب جاي اشتغل وفات جاسر يسأل ملف رفعت راسي نتبه الوجودي بتسم اخذ الملف اليريده وطلع شوي ودزلي رساله
جاسر: مو كلتي ما اجي
ليال: مم غيرت رئيي لان شتاقيت للشغل
جاسر: هههههه والشغل هم مشتاقلج
ليال: دزيتله، ضحك نزلت التلفون مبتسمه مثل الهبله والبنات يباوعولي خجلت...
بعدهه لتهيت بالشغل من باجر راح يبدي الدوام وراح يتراكم على حسيت خيال على رفعت راسي.
جاسر: شنو هل نشاط يالله كومي خل نطلع عازمج
ليال: باوعت البنات ماكو وقت غده، كتله شلون نطلع بلكي احد شافنه وخاصه سعد ما اريد يعرف بع، ضرب المكتب بقوا قبل لا اكمل فززني ونتر بيه صاك سنونه
جاسر: لللليش تخللللين اغرد تحتارين شلوون تغثيني اخذي راحتج.
ليال: خلاني وطلع ااوف عمرا ما راح يفهمني اخذت جنطتي ورحت ورا كاعد بسيارته ومشغل جكاره كاعد منتضرني وكانو متاكد راح اجي ورة صعدت حرك السياره اباوعله وهوا يسوق دماراته ناطه وساكت وصلنه لمطعم نزلنه ختار طاوله كعدنه، جاسر انه شرحتلك مخاوفي وعدتني نتجاوزهه سوا ليش هيج عصبت.
جاسر: وانتي كلتيهه نتجاوزهه سوا يعني اكيد حاسب حسابي لكل خطوا اخطيهه بس لا تنتضرين اتخل من احد لو مهما يكون هذا سلوبج إلى تحسسين بي مصاحب مراهقه بلمدرسه يستفزني وما اتقبله
ليال: ي بس لا تصيح على وفهمني يعني شسوي انه تعبت من المشكال وخاصه سعد صاير ما يسمع الاحد ومن تتلازم انته وياا ماكو داعي اكلك شيصير
جاسر: اكسر راسه.
ليال: ستلم وهذا الخايفه منه، باوعلي وكلب عيونه طلع جكاره راد يشغلهه لزمت ايده كتله بتوسل، كاافي، رجعهه الجيبه وكال
جاسر: شتاكلين
ليال: اذا هيج تحاجيني بدون نفس ما اريد شي
جاسر: انتي حركي دمي وجفصي ونو تعال لا تعصب
ليال: باوعتله بزعل كتله، ي ونت لازم تتحملني وما تصيح علي، باوعلي احسه هدء وعقد حاجبه ببتسامه كال
جاسر: هسه انه تخلت بجو تقبل الهرمونات وسوالفهه
ليال: ههههههه ي بالضبط.
جاسر: بتنهيده ي نتحمل بس انتي هم تحملي عصبيتي من اقفل
ليال: ادري بيج اتحمل من تجيك الحاله
جاسر: ي مو مخبل كدامج
ليال: العفو حبيبي انت ابو العقل كله، كلت هيج اباوعله صفن بوجهي مصدوم
جاسر: شنو حبيبج
ليال: بتسمت ي ليش انت مو حبيبي كول حتى بعد ما اعيدهه، اخذ ايدي باسهه وحسيت عيونه لمعت بفرح، وانه حسيتهه طالعه من كل كلبي وبما انو جاي اعيش احله شعور بحياتي ويا ما اريد احرم نفسي انو اعبر عن هذا الشعور.
جاسر: اصلا اموتج اذا كلتي غيرها بعد
ليال: سحبت ايدي بزعل انت كله تهديد رجع اخذهه ضغطهه بيده كال
جاسر: شترديني اصريلج انتي بس اصفي وياي
ليال: مو صافيه جوعانه شوكت توكلني
جاسر: اااخ مال اكلج مو اوكلج هسه
ليال: ضحكت، طلب الاكل ورجع يضحك ويسولف الحمدالله قفلته ما اطول خلصنه ورجعنه للشركه وبالرجعه رجعت وي ليث إلى منتبه اعلينه ومخلصهه بس يبسمر بيه هوا منو ما عرف بسبب هذا المفضوح...
ميسم: وافقت عل حب تركز بكلبي وعقلي من اول ما وعيت عل مشاعر الحب اليوسف جنت اول انسان حبيته بحياتي مثل الانسان إلى يتربى عل عاده معينه وتعيش وياا وحتى لو يتجاهلهه او يحاول يتخلص منهه ما يكدر وهذا الصار وياي اكو هواي اسباب تخلي يوسف مو مناسب إلى ولازم اتركه بس شي قوي بداخلي ما اكدر اقاومه انو هوا الشخص إلى نتضرته واحد من احلامي وصار حقيقه ومشيت عل هذا الشعور وتجاهل باقي مشاعري حتى كلام ليال والتلميحات البي تجاهلتهه وكملت مراهنه عل حبي اله رجعت الخبر انو.
موافقه وشفت الفرحه بعيون عمو رغم امه مو قابله بس تجاهلتهه وباليل هوا اتصل بيه بعد ما بلغه عمو بقراري. رديت عليه
يوسف: مبروك يا مرتي
ميسم: الله يبارك بيك
يوسف: ههههه شبيج خجلانه وين السانج من احاجيج اشو ما الحك افتح حلكي
ميسم: ااه هيج تكول انه هم احس عشت الدور زياده
يوسف: هههههه ي هاي ميوس الاعرفها، اتصلت حتى اكلج اسبوع الجاي الجمعه العقد والمشيه.
ميسم: لا شنو سبوع الجاي ماكو شي راح يصير قبل لا اخلص سادس من باجر راح نبدي دراسه مكثفه
يوسف: هوا يوم شراح ياثر لا تصعبينهه خلي نخلص منه
ميسم: شنو قصدك نخلص منه هذا من اهم الايام بحياتنه واله تجهيزاته ولازم اعيش كل تفصيله بي واستمتع بيهه مو اسوي كفيان شر.
يوسف: مو قصدي شبيج نهديتي بيه بس قصدي كدامنه العرس والحنه وسوي اليعجبج والتتمني بس هسه لان مضغوطه وبعدين انه مو جود والبنات يساعدنج يعني زعلتي لان اريدج حلالي باسرع وقت
ميسم: تنهدت لا ما زعلت بس انه ما طايرة هاي يمك وجاي نحجي عادي يعني العقد للمثلنه مو مو ضروري نستعجل بي وعل العموم احول وابدي اجهز وشوكت ما اكون جاهزه نسوي بهاي الفترا
يوسف: ولواني مو مقتنع بس خلص براحتج يكفيني انو صرتي الي.
ميسم: بتسمت كتله، فرحان
يوسف: ليش مو افرح مو انه الخطبتج
ميسم، : ي طبعا يالله تصبح عل خير باجر اريد اطلع اجيب كم شغله علمود المدرسه
يوسف: حلو معتاهه بطريقج شوفي الحلقات والتعجبج صوريهه إلى اوصي عليهه وبهيج خلصنه من شغله شكلتي
ميسم: ليش مو المفروض نطلع ونجيبهم سوا
يوسف: اذا تردين هيج هم ميخالف بس شوفيهم وقرري ونطلع نجيبهم لان تعرفيني ما احب اضل افتر عل شي هواي حددي المكان ونروح بعدين
ميسم: ي نشالله باي.
يوسف: باي ياحلوا.
ميسم: سديته وضجت ما اعرف اذا كلامه واسلوبه المفروض ما يكون هيج لو انه بديت اتحسس من كلشي يخصه ويحجي لان صار خطيبي اخذت نفس نتجاهله الافكار السلبيه ومطيه منطقيه الكلامه صحيح انه طالعه اذا شفت شي عجبني اطلع ويا اجيبه، تقبلت هاي الفكرا ونمت بعد معانا كعدت الصبح وجانت نواجهه ليال صعبه بس هي ما حسستني بهذا الشي بس ماما رفضهه جان واضح وهذا الشي ضوجني، مريت عل رحاب اخذتهه ورحنه للمول شترينه شغلات للمدرسه جنت متردده اكللهه بس بعدين تفاجئت من وكفتني كدام محل للذهب وكالت بس اتصل واجي هزيت راسي راحت وانه بقيت اباع للتصاميم من برا.
كلش حلوا وصعب اقرر فقررت اكللهه وهي بعدين ندخل وتساعدني خلصت اتصالهه ورجعت
مبتسمه كتلهه، شكو اشو رجعتي منتعشه بعد هذا الاتصال
رحاب: هيج فرحانه راح يصير شي اتمنى اخيرا
ميسم: وشنو هذا الشي والله اذبحج اذا عندج شي وما تكليلي وانه كل عقلي اريد اكلج شي يفرحج
رحاب: ههههه هوب هوب وين راح تفكيرج لاتخافين ماكو شي يخصني بس يخص شخص عزيز على هسه يالله كولي شنو التردين تفرحيني بي شكل الاخبار الحلوا اليوم هوايه.
ميسم: بتسمت اخذت نفس وكتلهه جره وحده لان اعرفهه ما تنطي صبر، رحاب يوسف خطبني وانه وافقت، اباوعلهه ختفت بتسامتهه والاغراض البيدهه وكعت مصدومه كالت بطريقه باهته فاجئتني
رحاب: ششوكت هذا الحجي ولليش ما كتيلي
مسيم: قبل كم يوم ونتضرت اقرر والبارحه اخذت قراري وافقت وهسه باله اسئله هواي تعالي ساعديني اختار حلقه حلوا، حسيت انو انه تهربت من اسئلتهه لانو ردت فعلهه غريبه بقت تباوعلي باهتهه وعيونهه تشخصت وراي.
شبيج رحاب اعرف صدمه بس مو لهل درجه كلت هيج ودرت راسي اباوع وراي ليش صافنه هناك باوعت ونصدمت بوجود باسل بس نضرات تسلطت عليه غريبه كلشي ما اعرف ليش حسيت كلبي نعصر من شفته كتله بتردد، اهلا باسل اسفه ما نتبهن الوجودك، رد على وهوا بعده مركز بوجهي بصوت هادء غريب
باسل: مبروك
ميسم: بلعت ريكي ودنكت راسي بتوتر كتله، الله يبارك بيك، بوجوده كلشي حالي يتخربط لسه ما اعرف السر بهاذ الشي اله هيبه حضور غريبه توترني.
رحاب: مبروك حبيبتي الله يتمملج عل خير بس باسل اجه على وما اكدر اساعدج خليهه المرا الجايه لو كايلتي عل وقت جان ما خليته يجي
ميسم: لاا عادي انه مو مستعجله خلي نروح
باسل: لا ما عدنه شي دخلي شوفي شنو يعجبج.
ميسم: ردت اعترض تركنه ودخل كدامنه دخلت ورا واكف عل صفحه واني صرت اباوع واصلا عقلي مو وي المديلات وجوده وراي موترني ضلت اباوع دخت المديلات هواي شوي حسيته وكف يمي وسحب وحده من الحلقات ومد ايده كدام عيني كال
باسل: شرايج بهاي راح تناسب اصابعج الناعمه.
ميسم: باوعتله وضلت ارمش بعيوني متفاجئه من كلامه حسيته ضايج لو هوا دائما هيج جامد بس هل مرا بي شي غريب وتصرفاته اغرب وخاصه جرئه لامه وياي هسه ما عرفت شنو ارد
ابو المحل: ختيار موفق هذا المديل حديث وكلش مرغوب. برئيي اخذي كلام خطيبج مو باي مكان تلكين هيج مديل مرتب واخر قطعه
ميسم: باوعت لبو المحل متفاجئه ونحرجت من كلامه اباوع للحلقه صدك تخبل كلش حلوا
باسل: جربيهه
ميسم: هاا لا بعدين من ارجع عود.
باسل: بس تاكدي من القياس
ميسم: جان مصر هزين راسي واخذتهه من ايده لبستهه فيت عل اعصبعي باوعتله كال
باسل: لايكتلج الله يتمملج عل خير ويسعد كلبج.
ميسم: تسلم كلت هيج ودنكت نزعتهه وهوا طلع بعد ما كال راح ينتضرنه برا رجعت الحلقه بعد ما صورتهه وترجيت ابو المحل انو يخليهه الباجر عل ما ارجع كال احاول طلعت ورحاب صعدت وياا وانه نتضرت السايق لمن اجه على ولمن تحركته يالله هما مشو ضليت طول الطريق اتذكر نضراته وشلون مركزهه على تذكرت كلام رحاب شنو جانت تقصد بكلامهه معقوله هوا هم راح يخطب لا ما عدهه عزيز غيرا لازم اسئلهه اااوف ليش ياربي تجمعنه بهيج مواقف دائما انه وياا شكد اتوتر واخجل يمه اااوف انثول بفد نوب...
جاسر: هسه شلون احضنج منا
ليال: نايمه بسرري واحجي وياا كام مايقبل اله هيج نايمين واحد مقابيل الثاني وكانو بمكان واحد بتسمت عل كلامه كتله، حضني بعيونك
جاسر: هوانه اشايف منج شو بعدي الغطى عنج خل اشوف رحمت الله
ليال: كلبت عيوني، قصدي احضن شوفتي يا منحرف التفكير
جاسر: هههههه وشوفتج بيش احضنهه غير بعقلي المنحرف مثل حسه جاي يباوع الشفتج وهيج يتخيل شغلات اجراميه بيهه
ليال: يوو جاسر والله ترا اسده.
جاسر: حتى اطيح حضج مو كافي طلعتي حجى حتى ما تجين بس انه صوجي تركت القصر جان هسه علمتج عل هاي دكاتج الناقصه بيه
ليال: ضحكت، كافي ادخن راح تموت
جاسر: واذا ما ادخن هم اموت بيش اطلع حركتي
ليال: سكتت شحجي ويا ماراح يفيد بقيت اباوعله واغفي صافنه بي صدك اتمنى بحضنه هسه كال وصوته صار هادء والجكاره بيده كل شوي ينفخ علي...
جاسر: نعستي
ليال: هزينت راسي بالايجاب.
جاسر: من تباوعيلي هيج وخاصه ونتي بحضني احسج بنيتي بعمر اربع خمس سنوات كد ما شكلج طفولي يصير وشعرج اااخ شعرج ضيم علي
ليال: بتسمت. هسه صار شعر مو جان فلافيل
جاسر: واحله فلافيلي هنا وصاحبتهن
ليال: جاسر
جاسر: همم كولي
ليال: تعرف انته حبيبي
جاسر: اعرف ياا روح حبيبج يالله غمضي عيونج مبين قفلتي.
ليال: غمضت عيوني وغفيت عل صوته احسه يمي وروحي تعلقت بي و أصعب أنواع التعلق، هو التعلق بالروح، التعلق بالروح أعمق وأخطر من احساس التعود، التعود شيء فرضي تنفذه الأيام.
لكن التعلق بروح إنسان هو احساس يفوق الحب بكثير،
شيء يشبه الأدمان، أدمان الروح ابتلاء
وأجمل ابتلاء.
ريحة ليل تندهني وأسولف بيك
وأتوسد حلم ملگاك وأغفه بحسبة متانيك
وأفز محتام لشلونك
تهت والعافيه عيونك.
الكبير جدآ #مظفر النواب.