رواية الشيخة ليال للكاتبة الوردة البيضاء الفصل الثالث والثلاثون
زرعتك ورد، بنص الكلب والروح
واريد اعرف حضرتك وين زارعني
شريتك بالسهر. وبدمعة العين
ما رايد اشوفك يوم بايعني
هزني الشوك موت وحيل حنيت
ومن شوفة عيونك ليش حارمني
بان: اليوم الاول للدوام كلش ما متحمسه وهسه من كلشي خربان وخاصه بعد ما رجعنه البيتنه صار هدوء ممل الوحيده الفرحانه بالرجعه ماما، نزلت كاعده عل الريوك هي وجاسر كعدت يمهم، صباح الخير
جاسر: صباح النور واخيرا شفناج الصبح
بان: ههههه حكم القوي.
جاسر: شدي حيلج ما بقى شي
بان: نشالله
جاسر: منو راح يوصلكم
بان: راح امر عل ليال ونروح وي السايق
جاسر: عدي شغل جان وصلتجن دير بالجن
بان: ي نشالله لا تتعطل انته
جاسر: يالله كايم انه محتاجين شي
ام جاسر: لا سلامتك الله وياك
بان: انه هم خلصت اكوم لا نتاخر، بست ماما وكمت طلعت ورا اروح البيت عمو شفت واكف يم الورد وبيده مقص قطف ورده بيضه دار باوعلي وبتسم نطاني ياهه اخذتهه
جاسر: هااج اريد اوديلهه ورده خاف تغارين.
بان: هههههه يعني تعترف جاي تسكتني
جاسر: انتي ورده بيتنه ماتحتاجين ورد
بان: هههه لا وتصرفني بالكلام هم بتسم ونطاني ورده حمرا
جاسر: انطيهه الصاحبتج وكليلهه مثل ما اتفقنه لاتسخت بالجامعه
بان: هههههه نشالله باس راسي وراح. فدوا شلون متغير وصاير حبيب ماتخيلت بيوم اشوفه بهاي الحاله غير هيج الحب مبين عليه ااوف يارب يكمل حبهم عل خير.
تمشيت البيت عمو دخلت كاعد يتريكون كلت، صباح الخير، الكل رفعو راسهم وردو على إلى بيبيتهم احرطتني من كالت
فخريه: شعدج راجعه علينه عبالي اليوم نتريك بهنا
ليث: حجيه ماله داعي هذا الحجييي هذا بيتهم همم لوو نسيتي تعالي بان تفضلي
بان: انه ما جاي اتريك بالعافيه بس اجيت عل ليال وراح انتضرها برا كلش ضجت من اسلوبها، تركتهم وطلعت وكفت بالحديقه دكيت عل ليال حسيت خطوات وراي درت وجهي
ليث: لاتهتمين لحجيهه.
بان: لاا عادي متعوده، بقى واكف يباوعلي وخاصه عل الوردات البيدي ساكت طلعت ليال
ليال: صباح الخير، اسفه حبيبتي تاخرت عليج
بان: ههههه نعديلج اول يوم
ليال: ههههه اوك، شنو اليوم شايله ورد المن ماخذته يا خاينه
بان: اباوع اليث عقد حاجبه هسه هم يصدك، قدمتهم الهه، لا الج هذاول
ليال: فديت جبتيلي ورد وانه ضلمتج
بان: كتفت ادي كتلهه بخباثه، مو مني.
ليال: الخبيثه فضحتني اباوع ليث رفع حاجبه وضحك، احم انه اكول خلي نمشي تاخرنه
سحبتهه وطلعنه للسياق اول ما صعدنه ضحكت
يا خبيثه
بان: هههههه جيبي هاي البيضه الي
ليال: لو تموتين تخليتي عنهه كدام ليث وفشلتيني ما ترجعلج بعد ثنينهم من حبيبي ما انطيهم
بان: ويلي ويلي صار حبيبج مو هذا المافيا الحقير وغيرا من القابج العضيمه
ليال: ي هذول كلهم وحبيبي هم فديت شلون دزلي ورده والله طلع جنتل.
بان: والجنتل مو بس دزلج ورده ودزلج رساله هم يكول لا تسخت بالجامعه ههههههه
ليال: ههههههه ي هوا اخوج يكسر ويجبر قصده عل انس
بان: ي اعرف برئيي لا تنتهي هاي السالفه بفضيحه بالجامعه
ليال: تنهدت، ي وهوا هيج، شميت الورده وبتسمت وبان تضحك على شكلي بديت اغرق بستاذ جاسر وحركاته ههههه...
هبه: كعدت ما شابعه نوم صار مانمت غير ساعه وهسه راح رارجع بدلت ونزل ستغربت ابوجود بيت خالتي اهل مروان عدنه من خطبوني وما نطاني بابا والمشاكل إلى صارت وهي العلاقه بينه شبه منتهيه مادري ليش جاين هسه دخلت سلمت وخالتي ستقبلتني بالاحضان وسلام حار.
رديت عليهه ابرود ما ناسيه كلامهه ولا شلون صفت وي بابا ضدنه بس حتى ما يسحب الشركه منهم كلهم لحكو مصلحتهم عل حسابي. تركتهم وطلعت والي عرفته جايين طالبين الصلح وي بابا طلعت جان واكف يم سيارته هي هاي الناقصتني بس شوفته اجه تقدم على كال بلهفه
مروان: هبه انتي هناا ماجنت اعرف شلونج ليش ادك عليج ما تجاوبين ماتتخيلين رسالتج شسوت بيه
هبه: هوب هوب مروان الرساله الاجتك انساها لانو مو وانه الدازتهه.
مروان: بستغراب شنو مو انتي وجتني من تلفونج
هبه: ي مو انه احد يريد يخرب بيني وبين يعقوب ستغل رسائلك ودزلك هاي الرساله انه موقفي ثابت والكلام إلى كتلك يا ماراح اعيده ورغم هيج بقيت تراسلني وهاا حركه ناقصه عيب بحق الرجال يسويهه
مروان: انتي ليش ماترضين تفهميني جااي اكلج انه لسه احبج والصار مو بيدي وبعدين شوفي انتي رجعتي إلى وزوجج تركج مو اكيد شاف الرسائل وجابج الاهلج.
هبه: هه انت كل عقلك جاي تحجي تعرف مروان اومجرد اتذكر كلشي عانيته جان بسببك اتمنى اطم نفسي وين جان علقي ما اعرف بس هسه الحمدالله براسي فانصحك اطلعني من راسك لا اخليك انه براسي لان هذا الكلام بعد ما ياكل وياي وما مستعده ارحم اي احد ياذيني لاتضغط على اكثر لان انفجر بوجهك، تركته ومشيت اتمنى هل مرا يوكف عد حده بعد ماا اتحمله يمكن ارتكب بي جريمه غير انو كلامه وجع كلبي وضرب مزاجي.
وصلت للشركه دخلت للجتماع سلمت، ردو بس هوا حتى راسه ما رفعه، بدينه نتناقش عل المشاريع وشنو الخطوات الجايه وانه ارد عل كد السوال لحد ما صفنت اباوع الايده شلون تتحرك ومرا ارفع راسي اباوعله وهوا مو منتبه وافكر بكلام مروان احس روحي تحترك ليش ليش ما حاول يسمعني او يخليني افهمه تنهدت فزيت عل صوت جاسر يصيحني اكثر من مرا
جاسر: هبه هبه
هبه: هااا وياك تفضل
ليال: شنو بيج شي هبه تعبانه.
هبه: لا ماكو شي حبيبتي لا تخافين شنو جاسر ردت اتكول شي
جاسر: ردت اكول عاشه ايدج مشتغله شغل حلو وماواجهتنه مشاكل من اول يوم
هبه: تسلم ونشالله البقيه الانجاز هيج
جاسر: ي نشالله ومن باجر راح نتقاول وي شركه المواد علمو تباشرون بعد الاجتماع حسبي انتي ويعقوب النوعيه و الكميه.
هبه: هزيت راسي بالايجاب رفعت راسي ياوعلي بتركيز وبعد عيونه من شافني كملو الاجتماع وطلعت رحت ورا دخلت اسراء بلغته ودخلت كاعد عل مكتبه اشرلي اكعد خليت الملف كدامه وكعدت كتله، سويت الحسابات بس تاكد منهه اخذ الملف راجعه وصرنه نتناقشني بالشغل برسميه بس انه بداخلي حرب حتى اكدر اقاوم واتاقلم وي هذا الوضع خلص اخذت الملف وكمت درت اطلع كال
يعقوب: رجعي للبيت
هبه: باوعتله بستغراب.
يعقوب: ودي الملف الجاسر وكافي رجعي للبيت شكلج مو مركزه اليوم
هبه: رغم كالهه بطريقه بارده بس حسيت بيهه قلق ما اعرف انه جنت محتاجه احسه بهتمامه مثل قبل كتله، لااا مابيه شي واصلا خلص شغلي هز راسه وطلعت حتى مكتبه ذكرياته تخنكني رحت غلست وجهي واخذت غرضي وطلعت جنت مخنوكه الدرجه ماريد ارجع حتى للبيت ما خابرت السايق اخذت تكسي ونزلت عل الجسر اريد اتنفس ختنكت من حياتي كلهه...
ليال: وصلت للجامعه سلمت عل الطلاب وصديقاتي وحاولت اتجنب انس كد ما اكدر وكتفيت بسلام عابر وبعدت ثاني محاضرا كعدت بالسنتر باوعت للورده بتسمت اخذت وياهه صورا اشم بيهه ودزيتهه اله لحضات ورد
جاسر: صباح الورد ااوف مشتاقلج
ليال: وانه
جاسر: اجي
ليال: هههههه لا لتجي اصلا انه بعد محاضره واطلع ارجع للبيت ابدل واجي للشركه
جاسر: بس انه راح اطلع لازم راح اطلع لازم اتابع وي هبه.
ليال: ي لا تتاخر خلي اشوفك قبل ما ارجع للبيت
جاسر: وحنه نبقى هيج ما اشوفج غير بالصدف
ليال: الله كريم بس اصبر حباب
جاسر: خليهه على انه اشوف حل لهاي الوضعيه، المهم شلون الدوام
ليال: عادي اخذت محاضرات وهسه راح اكل شي وارجع
جاسر: وحدج مو
ليال: ي وحدي لا توسوس
جاسر: ي عفيه لاتخليني اوسوس يالله خلصي بسرعه وتعالي.
ليال: اوك حبيبي باي، سديته وياا احس دوامي عل اعصابه لو بيده يجي يداوم وياي شفت انس جاي بتجاهي كمت بسرعه حجيت وياا عل الماشر وكلش خجلانه من تصرفاتي هاي لان مو طبعي بس شسوي بعد اخذت اخر محاضرا وطلعت قبل بان رحت للبيت وبعدهه للشركه ما جان موجود اجه وقت الاجتماع ومن خلصنه دزلي رساله
جاسر: جيبي اي ملف يمج وتعالي نتختل حتى نشوفج امرنه لله
ليال: ضحت واخذت ملف صار بوجهي سعد كال.
سعد: انه راجع للبيت تعالي ارجعي وياي اعتقد شغلج خلص وهم اريد احجي وياج بموضوع
ليال: ما كدرت ارفض رغم انه ويا بعد إلى صار ما بينه كلام بس كلش حذرا منه هاي الفترا واريد اسايرا كتله، ي خلص شغلي تركت الملف واخذت جنطتي وطلعت وياا كتبت رساله الجاسر انو طلعت وياا وقفلت التلفون لان اعرفه راح يبقى يتصل ويراسل صعدت وياا وحنه بالطريق كال
سعد: جانت ساعه عصبيه اتمنى كون ما شايله بكلبج على بعدج.
ليال: لاا، بس ياريت تلزم اعصابك مرا ثانيه لان هاي ساعه العصبيه جانت روحتني
سعد: ماتنعاد نشالله مادام كل واحد بينه يعرف اله والعليه
ليال: سكتت ما جاوبته والله كلامه واسلوبه صاير يخوفوني من و عليه لان كلش متغير خايفه يصر نفسه وخايفه عل جاسر منه، رجع كال
سعد: هسه سدي هذا الموضع نتهى وراح وتصافت الكلوب بينه نشالله هسه انه اريد بموضوع يخص الشغل
ليال: وشنو هوا.
سعد: عندي شركه مواد اريد نتعاقد وياهه واريد موافقتج
ليال: تذكرت كلام جاسر من كال راح يجي يطلب مني هذا الطلب كتله، بس انه شنو بيدي تعرف جاسر هوا المدير مال المشروعات
سعد: مال علاقه بهذا الكل، لاتخليني اسبه ميه سبه بعد، انتي تكدرين تمشين كلمتج عليه لان الوصايه بيدج وهو جاي يعطل شغلي وما جاي يقبل الشركات الاجيبهه بس هل مرا الربح خيالي لازم نتعاقد وي هاي الشركه واريدج تساعديني.
ليال: حترك دمي من سبه كتله، مادري نطيني اوراق الشركه اشوفهه ونقرر
سعد: ي ماشي باجر اجيبهه ودرسه بس هاا كولي ونوافق مو بس تشوفين لاترديني هذا اول طلب اطلبه منج
ليال: نشالله باجر اردلك خبر، كلبي بقى يلعب من كلامه ابد صايرا ما عندي ثقه بي وصلني للبيت صعدت الغرفتي فتحت تلفوني يبوو جاسر كالب التلفون بالاتصالت والرسائل اتصلت بي بسرعه رد بعيطه
جاسر: وووووين وللليت وللليش قفلتي تلفونج.
ليال: شبيك جاسر مو كتلك سعد يوصلني وغلقته لان اعرفك راح تخبصني
جاسر: اااخبصج مووو اخ لو الزمج هسه اله اعدل حلكج واخليج اتوبين من هذا الحجي، لا وتحجيي ابرود طالعه وي سعد مووو سمحلج اصلا اطللعين وي هذااا العاار
ليال: شبييك جاااسر كبيت على ترر ما طلعت وي غريب اخوي وصلني للبيت شبيك اهدى شووي ممكن
جاسر: للللج انع، لابو اخوج كوون مسوي بيج شييي منووو يعررف مكانج شلوون تامنين بي هاااا.
ليال: وصلت بيك تغلط على لاا انت الحجي وياك ضايع باي، سديته لو هوا تخبل يتصل ويدز رسايل كلهه غللط من السانه الفالت مبين محترك حرك بس انه محتاجه اشرحه الصار اريد احجيله عل كاله سعد حتى يشوفنه حل ما نطاني مجال ادري خايف على بس مو لهل درجه مهما كان يبقى اخوي، التلفون بيدي دز رساله صوتيه فتحته ضحكت شلون جابر نفسه يحجي بهدوء كال...
جاسر: كاافي ردي خل نتفاهم عود نعتذر لان غلطنه عل الوالد العزيز وراح اعديلج سدته بوجهي ردي يالله لاتحركين اعصابي اكثر خل نتفاهم
ليال: وربي مو صاحي ولو ما مطره ارد عليك جان شويت اعصابك شوي مو حرك، اتصل رديت عليه بثكل، كتله، تفضل بس والله اذا حجيت كلمه زايده لو غلطه حتى الخط اكسرا
جاسر: ي راح اسكت بس بعدين نتحاسب ست ليال، هسه خلينه بالمهم شنو كلج.
ليال: مثل ما كلت يريد هوا يجب شركه المواد وطلب مني اوكف ويا واوافق عليهه
جاسر: ي ادري بي عار ويريد يورطنه الغبي، وشنو كلتيله
ليال: كتله اشوف الملفات وبعدين اقرر بس هوا حجى بنبرا كانو امر انو لازم اوافق
جاسر: وهوا هذا إلى راح يصير راح توافقين وانه اعارض وبالاخير كلامج إلى راح يمشي
ليال: بس شلون هيج اذا انه ما مرتاحه للموضوع شلون تقبل نوافق.
جاسر: سوي الاكلج عليه وتركي الباقي على انه مخطط لكلشي ماراح يكدر يسوي شي
ليال: تنهدت بستسلام خلص راح اسوي إلى تكول عليه ونشوف
جاسر: ي وهذا المطلوب بعد خو ما سوالج شي لو حاجاج شي
ليال: لاا ما سوا شي ما ذبحني وذبني بالطريق وصلني للبيت وهسه بغرفتي وعن اذنك اريد ابدل ملابسي وانام
جاسر: طاحضج وانه صوجي اخاف عليج.
ليال: سد التلفون بوجهي ضربت رجلي بالارض بغيض وشمرت التلفون بسيطه اريد اشوف منو يحجي وياا بعد ابو لسان فالت...
بان: طلعت من المحاضرا الاخير طبعا ليال انطتني خبر راح تطلع قبلي طلعت من باب القسم تفاجئت من شفته واكف كدامي ومتكي عل سيارته تقرب مني كال
ليث: خلصتي
بان: ي خلصت اخر محاضرا بس انت شلون فتت لهنا
ليث: عندي رخصه يالله صعدي خل اوصلج
بان: ليش تعبت نفسك جان رجعت وي السايق
ليث: تعبي مو شغلج يالله صعدي.
بان: باوعتله بغيض يحجي بطرف خشمه، كتله اريد اروح لمكتبه الجامعه محتاجه كتب قبل لا اروح، سد السياره وباوعلي
ليث: يالله امشي
بان: تمشينه انه ويا ساكتين الطلاب تباوعلي اول مرا امشي وي ولد بس غير شعور يخبل ابدي اتشكل بيده مو بس امشي بصفى، سرحانه بفكاري السزز وباوعلي عقد حاجبه كال
ليث: شبيج هيج تباوعيلي لاتخافين مبينين مو كبل ماياخذ عليج نضرا.
بان: ي والله ريحتني ما اريد احد يفهم غلط انو انه مرتبطه، كلت هيج باوعلي بخزرا واول ما دخلنه للمكتبه بيهه كومه طلاب لزم ايدي الخبيث كتمت ضحكتي بعدهه ساعدني ندور عل الكتب الاريدهه وللاسف ما حصلت غير كتاب واحد طلعنه كعدنه بالسنتر القريب منهه جاب النه عصير لان هلكت ادور عل الكتب وضجت لان ما حصلتهه كعدت صافنه كال
ليث: محتاجتهه للبحث.
بان: ي لازم اسوي بنفسي ما اريده جاهز بس متاخرا و صعب احصل الكتب نادره وبالنت تحتاج وقت يالله احصل المعلومه منهه تنهدت وسكتت كال
ليث: كومي انه اعرف اكثر من مكتبه نروح ندور بيهه
بان: بتسمت بفرح صدك راح تساعدني بس ما اريد اخرك عل شغلك باوعلي تنهد وكال
ليث: كومي باله سوال مالج علاقه بشغلي ماراح نتاخر
بان: كمت وياا وطلعنه اخذني عل مكتبه كلش جبيرا وقديمه وهمات دورنه حصلت عل كتاب بس مو كل الاحتاجه كال.
ليث: تاخر الوقت هسه ما نكدر ندور اكثر شتغلي عل ذوي الكتب اخذي التردينه بعدين نشوفي البقيه
بان: يي نشالله من اخلص اخذ باقي عناوين المكتبات منك
ليث: انه اخذج لان يعرفوني مو بسهوله ينطوج هيج كتب نادره اله شخص يعرفونه وعدهم ثقه يرجعه فا شوقت ما تردين بلغيني
بان: ما اعرف شلون اشكرك
ليث: ماريد منج شي انتي مريم وخواتي ماراح اتاخر عنكم لانو هذا واجبي يعني مو شي خاص يالله امشي.
بان: هزيت راسي وصعدت بس احس ختنكت لان ساواني وي مريم عنده واحس الطريق طال وطول الطريق ساكتين شوي وكال
ليث: اذا جواعانه هل انزل اجيبلج اكل.
بان: كتله بسرعه لا ما اريد اكل بالبيت طلع صوتي متحشرج خانكته العبرا عبالك راح ابجي، باوعله وضل يرمش بعيونه مستغرب، دنكت فشلانه ياربي صايرا عبالك جاهل اذا شي يخصه كلش ما اتحمل جفا رغم انه سببه واريده حتى اخلص من كلام ماما بس مو بيدي روحي بي وتريده، درت وجهي عنه بس هوا ضلت عيونه على حسيته توتر نضراته تحولت ندم وقلق وصلنه للبيت كتله، شكرا ونزلت بسرعه دخلت للبيت ماما شافته من وصلني ونزلت على محاضرا طويله عريضه نزلت دموعي بوجهي وصعدت بدون ما ارد عليهه اذا داخلي متشهم لو شما احاول ما اصير قويه لان اقرب الناس إلى جاي ياذيني بحرب نفسيه وانه ما اكدر اذيهم بكلمه حتى فاطلع خسران هاي الحرب بكل الاحول...
هبه: تمشيت لحد مالكيت نفسي كاعده بمنتزه وبحيرا يخبل كعت ناسيه نفسي الهدوء واباوع عل الجاهل والعوائل وابتسم احس الخنكه راحت وانه اتخيل نفسي نكون عائله هيج انه ويا حبيت الجو وعشته حتى لو بالخيال كاعده وصافنه وما احس غير الدنيا ليل باوعت الساعه الساعه بالسبعه وانه طالعه بالاربعه من الشغل المفروض انه بالبيت او عل الاقل انطي خبر طلعت تلفوني فاصل شحن يبوو هسه بابا مسويني مخطوفه اخذت جنطتي بسرعه وتكسي ورجعت للبيت اول ما فتت شافني بابا كعد مهدود حيله واجه على لؤي يركض نتر بيه.
لؤي: للللج انتي ووووين جنتي وكفتي كلوبنه من القلق
هبه: كتله برائه كاعده بمنتزه اباوع عل الجاهل ونسيت نفسي
لؤي: منتزه وجاهل لج ااانتي طفله تلفونج وين ولليش مغلق.
هبه: فاصل شحن اسفه لؤي والله مو قصدي بس اليوم كلش ختنكت وطلعت اتمشى كلت اغير جو ونسيت نفسي، اسفه بابا خو، رفعت راسي ونصدمت اباوع يعقوب كاعد يم بابا بيده كلاص ليمون وردانه مسرفن ودكم قميصه مفتوحه وحالته حاله رفع راسه باوعلي بنضرا غريب بيهه خوف ولوم دنكت كال بابا.
ابو هبه: هو هيج اليتمشى ياا بويه جا جلطت حتى يعقوب خطيه اتصلنه نسئله عنج كال طلعت من الاربعه انوب اجه هوا وخوج بعد ما دورو عليج ورتفع ضغطه من ما حصلج عبالنه صارلج شي خاصه بعد ما كال انو وضعج مو طبيعي اليوم.
هبه: دنكت خجلانه عبالك طفل تايه ويدورون عليه شكد عيب كتلهم، جد اسفه لان خوفتكم على ما اعرف شلون نسيت نفسي، سحبني لؤي الحضنه لان ردت ابجي من الشعور بالذنب
لؤي: اششش كافي اصلا متعودين عل خبالاتج.
ودكاتج الناقصه
يعقوب: بما انو رجعت بالسلامه الحمدالله انه اترخص
هبه: كال هيج بتعب كام وختل توازنه ورجع كعد
ابو هبه: ماكو طلعه ونته بهاي الحاله تعالي هبه خذي للغرفه خلي يرتاح حتى ينزل ضغطه.
هبه: هزيت راسي وهوا ستسلم الكلام بابا لان جان صدك تعبان اباوع لاديه ترجف كلش خفت عليه مشى لازم راسه اول ما دخل للغرفه ذب نفسه عل السرير وخله ايده عل عيونه كتله بعتذار وندم عل حلته، اسفه يعقوب ماجنت رايده كل هذا يصير بس الوقت اخذني وما حسيت وجنت صافنه ما نتبهت للوقت شال ايده وباوعلي عيونه حمر كال همس ونبره غريبه
يعقوب: عبالي تركتيني ورحتي وياا لو نتحرتي
لانو وضعج ما جان طبيعي ابدا اليوم.
هبه: فتحت عيوني عله وسعهه مصدومه بكلامه كتله بقهر...
ليال: مرت 3 ايام احنه واحد مثكل عل الثاني يادوب نلتقي بالشركه لان هوا مشغول وانه ما اتقرب منه منتضرا هوا يعتذار وهوا ميبس راس كلامنه عل كد السوال والشغل بس الورده ما كطعها يوميه الصبح يوديهه بيد ميسم حسهه عتذار بس مغلسه عنه اليله تاخرت اكلب بالتلفون لان متعوده اسهر احجي ويا بس من تزاعلنه مانحجي وين اروح ابقى العب بالتلفون لحد ما انعس وبالكوا لازمه نفسي ما احاجي شوي اجتني رساله منه كاتب
جاسر: نامي.
ليال: ما جايني نوم من يجي انام
جاسر: بس من احجي وياج تغفين هسه ما يجي
ليال: ي بكيفه وهسه سبحان الله نعست
جاسر: ي يالله نامي باجر عندج دوام
ليال: وانته ليش كاعد
جاسر: منتضر حضرتج تنامين
ليال: ضحكت تعجبني صراحته ياربي طاك كلبي عليه مشتاقتلع موت بس لا ما اتنازل اله هوا يصالحني كتله، ما انام وباجر اوف عندي ما اداوم
جاسر: همم واحد يعرف عن سالفه الاوف هاي
ليال: لا من باجر يبدي ونوب يستمر عدنه يوم بالاسبوع.
جاسر: حلو لاتكليل لاحد وباجر بدلي مثل كل يوم وروحي للجامعه وي بان بس هاا لا ادخلين نتضريني بالباب
ليال: ضحكت بس ثكلت روحي كتله، وليش اسوي هيج باجر اريد اسبع نوم وبعدهه عندي شغل كومه بالشركه
جاسر: حتررررك ابو الشركه مثل ما حاركتني اذءا ما تردين اجي اسحلج من غرفتج وتعرفيني اسويهه سوي الكتلج عليه باجر الكاج منتضرتني
ليال: ضحكت لان صار اعصاب وهذا المطلوب سديت التلفون ونمت مايدري منتضرته من هسه.
اخذنه الشوگ مدري الوين
نسينه وياك زعلانين
يماي العين...
شمتانين.
ليش الهسة ما حاجين.