رواية الشيخة ليال للكاتبة الوردة البيضاء الفصل الثامن والثلاثون
وأعترِفلَك.
چانَت أكبَر أُمنيّاتي لمَّن أزعَل
تعتنيّني بآسِف ورِدلي ودخيّلك
وإنتَ تدري.
تدري بأوَل چلمَه أرِدلك
چنِت أقدسَّك.
حَتى مِن تجرَحني
أرِد ليّك أشتكيلَك.
ليال: بعدت ايده عن خصري
جاسر: خبيثه
ليال: روحت خصر بالكرص واني الخبيثه، شدني الحضنه اكثر كال
جاسر: بعدج بردانه
ليال: خنكتني
جاسر: هههههه شكد لئيمه بس احبج، ويالله كافي دلال رجعي حبيني
ليال: انسه
جاسر: ااه هيج...
ليال: ي
جاسر: شلون اراضيج
ليال: تاخرت.
جاسر: واذا كتلج السويته المصلحتنه كلنه حتى سعد
ليال: هم جان المفروض اعرف مو خليتني بوجه المدفع كدامه
جاسر: جان لازم اسوي هيج لو كايلج ما تقبلين، ليال سعد جاي يلعب بالنار وانه اريد اساعده حتى لا يحركنه وياا
ليال: رفعت راسي باوعتله بقلق، ناار شنو
جاسر: همم
ليال: اباوعله منزل عيونه عل شفتي وجهي قريب منه باوعتله بطرف عيني باوعلي وضحك
جاسر: راح اكتلج والله شلعتي كلبي.
ليال: كتمت ضحكتي. ودرت وجهي عنه حضني سحبني عليه
جاسر: بسيطه اطلعهن عليج وحده وحده
ليال: اكرهك
جاسر: مالج حق تذكرين شنو كتلج
ليال: شنو
جاسر: اذا وافقتي على بعد مالج حق تتراجعين
ليال: لاا والله
جاسر: ي والله شنو لعبه عندج انه
ليال: لعد خلي نعيد الاتفاق بعد السويته بيهه
جاسر: لا ما نعيد الحياه الخاصه مالهه دخل بالشغل
ليال: يعني ستهنت بمشاعري عل حساب الشغل.
جاسر: بتنهيده مستحيل اذيج او استهان بمشاعرج انتي تسوينهه وانه لا والوقت راح يثبتلج هذا الشي، بس هسه كافي زعل ترا اتعب بدونج صاير
ليال: كال هيج ودفن راسه بركبتي يشم بيهه ياربي تعبت اقاوم واني ضعيفه كدامه، تعرف شنو اكثر شي ضوجني انو هاي عداوتك وي سعد راح تبعدنه اكثر هوا مارح يتقبلك انت سويت الشي الخايفه منه ينعي انه انتضر اللحضه إلى تصافون بيهه تجي انته وتهدم كلشي وترجعنه النقطه الصفر.
جاسر: ماكو شي يوكف بوجهي هسه بس تخلص الوصيه اخذج برضاهم لو غصبن عنهم...
ليال: درت عليه باوعتله وانه ما اريد هيج جاسر ماريد ابدي حياتي وياك بمشاكل، تنهد وبتسم.
جاسر: حياتي وياك شلون حلوا هاي الكلمه منج
ليال: لسه مارضيت عل فكرا
جاسر: هههههههههه
ليال: حضنته ودفنت راسي بصدرا مشتاقتله احس ردت روحي، شدني الحضنه
جاسر: اااااخ اويلي شلون مشتاق الحضنج خرب شهل قفله العندج والراس اليابس.
ليال: ويكون بعلمك ماراح نساها سوايتك هاي
جاسر: انه انسيج وحتى كلشي مو حلوا صار ويانه راح ننسا
ليال: نشالله
جاسر: لولو
ليال: ممم رفع راسي بيده واخذ شفتي بلهفه غمضت عيوني ذايبه ابوسته عض شفتي بخفه حتى ابادله طلع على الايام إلى زاعلته بيهم وكانو اني مزعلته...
بان: كعدت من الصبح اليوم معطلين نزلت اسوي وي ماما ريوك ولازم الهيه لانو عرفت الاخ ميسر الشيخه بغرفته شيوخ اخر وقت عاد كون يتصالحون هم زين.
جا اجهز بالطاوله وندك الباب باوعت ماما ماكو فتحت الباب صار بوجهي ليث كال
ليث: صباح الخير
بان: صباح النور
ليث: شنو وين البنات انشغل شوي الكاهم مشردات حتى ليال ماكو
بان: خليت ايدي عل حلكه كتله، اااش لاتسمع ماما تلفتت ورجعت باوعتله يباوع ليدي بعدتهه سحبهه وعضها، اااخ
ليث: هاي شلون تفتحين الباب هيج وين عرفتي منو بالباب
بان: باوعت النفسي وباوعتله، شنو لابسه قابل هي بجامه
ليث: بجامه بعيونج.
بان: عقدت حاجبي، شنو يعني، اباوعله كتم ضحكته باوعتله بغيض ورحت لبست شالي لا تدخل ماما وتسويني حاضنته، رجعت كتله
تفضل هسه اصيح الميسم ميسم وبس
ليث: فتهمنه ميسم وبس وهاي الجايبتلنه الحجي داخله تهريب
ضحكت دخلت ماما ختفت ضحكتي وهي كلبت وجهه عليه سلم ودخل للستقبال واني صعدت كعدت ميسم ودكيت الباب عل جاسر وصحت بصوت يسمعو ا، جاااسر ليث ينتضرك جوا.
نزلت وصرت انقل الاكل عل الطاوله احس عيونه وراي ااخ فدوا اروح لعيونه ياربي فرجهه كلبي خلص...
فتحت عيوني عل صوت بان عزا هسه كملت بجيت ليث صحصت اريد اكوم ما اكدر اباوعله صايرا جوا وراسه عل صدري شلون جنت غافيه وما حاسه بثكل جسمه اريد اسحب نفسي ما اكدر، رفعت شعرا عن وجهه وحركت اصابيعي عل رموشه ولحيته كعد بنزعاج رفع راسه فتح عيونه رفع نفسه قرب وجهه مني وباس خدي ببتسامه كال
جاسر: شهل صباح الحلو.
ليال: صباحو حبيبي صباح الفضايح كدام امك
جاسر: هههههههههاي امي لو تعرف صار شكد ما نايم مرتاح هيج جان ما خلتج اطلعين من غرفتي
ليال: بتسمت عل كلامه، دوم الراحه يارب
جاسر: راحتي وياج
ليال: تنهدت ببتسامه، لاتاكل عقلي بكلامك وكوم شوفلي طريقه اطلع ليث جوا وامك ما تعرف بوجودي
جاسر: ليش شكو بيهه باليل اجيتي عل ميسم شلون اذبج من الشباك حتى ما تشوفج.
ليال: مااا والله ما لازم تشوفني انته انزل يمهم واني اطلع بدون ما ينتبهون
جاسر: هههههه جبانه واريد رشوا حتى انف...
ليال: قبل لا يكمل سكته ابوسه بحلكه فصله وكال
جاسر: خرب يومج شلون رشوا انوب بالطريقه الاحبهه خل نعيد بشرفي وانه اكطفج من الشباك بغرفتج.
ليال: هههههه ماا دفعته وكمت خرب شفتي صايرا وركبتي صايرات زرك والله فضيحه لبست الروب ولفيت شالي وهوا يبدل ويباوعلي ويضحك رتب نفسه سحبني من خصري باسني ونزل ورا بشوي فتحت الباب لاكتني ميسم. سديت حلكهه كتلهه تباوع شافتلي الوضع جانه امه مطيتنه ضهرا كاعد كلهم يتريكون بالصاله بس شوي مسافه عن الدرج نزلت خاتله ورا ميسم بخطوات بدون صوت نتبه ليث غص بالكمه وجاسر غاص بالضحكه ويلهون بعمتي بالحجي لحد ما وصلت النهاي الدرج باوعلي جاسر غمزلي مشيت عل المطبخ بسرعه وميسم دخلت يمهم وكفت اخذ نفس حسيت كلبي راح يوكف عززا انه شجاي اسوي من ورا هذا الخبيث ونفس الحاله رجعت البيتنه اتختل لا احد يلاحض انو انه مو بالبيت يااربي شهل حياه الاكشن شوكت اخلص...
بان: بعد ما نزل جاسر اصر انو نلتم عل الريوك وليث وميسم ويانه تمنيت ليال تكعد ويانه بس الاخت طلعت تهريب جاي ناكل وماما بس تمسر بليث وميسم رغم جاسر يخزر بيهه ليث احسه راح ينفجر لحد ما ختمتهه بمغثتي من كالت
ام جاسر: جاسر خابرني خالك باجر جايك بطلب
جاسر: شعنده خالي صايرا رجله خفيفه علينه
ام جاسر: شنوو نيمه هيج مليت من خالك هاي عود انته شيخ واهل كرم.
جاسر: هسه انه شلكت هل بي دواني مفتوح اله بس ما كلج شنو السبب
ام جاسر: طلب بي كلل الخير بس هاي ماريدك ترده واله ارد وياا وبعد ما تشوف وجهي وهذا ابن عمك شاهد
جاسر: الله يقدم إلى بي الخير مو انه فلا تحاولين تلوين ذراعي بشغلات مالهه داعي لان ما تلوي.
ام جاسر: ما عاش اليلوي ذاعك بس جاي اكلك عن معزه اخوي عدي وانته احكم
جاسر: ي الله كريم.
بان: بطني مغصتني وعيوني تشخصت عل ليث إلى وجهه حتقن وصار احمر كلنه نعرف شنو قصد ماما رفع راسه اجت عيني بعينه دنكت بسرعه ما اكدر اصد بعيونه ضرب الطاوله بخفه وكام كال
ليث: دايمه ابن العم نترخص احنه يالله ميسم امشي انه حجيت وي عمي وهسه راح تحاجي ابوج ونحل الموضوع امشي
جاسر: وين لسه ماكملتو اكل
ليث: لاا دايمه شبعنه كلش
جاسر: يي بالعافيه محتاجين مساعده او شي ههه تعرف علاقتي بعمي اجي اثرلك عليه اذا تريد.
ليث: ههه لا محلولوه نشالله اترخص
جاسر: الله وياك
بان: طلعو وجاسر رجع رعد علينه انه نسحبت الغرفتي وهوا وهوا بقى يتحاجه وي ماما لان هيج تصرفت كدام ليث اني كعدت باهته خايفه يطلع البعقلي صحيح بقيت طول اليوم ما طلعت من غرفتي خايفه اتواجه وي ماما وتسم كلبي بكلامهه اما ليث ما اجتني من غير رساله وحده وما فهمت شيقصد بيهه كاتب بس كلبي عصرني من وراها.
ليث: اامج وصلتهه حدهه لاتلوميني بالراح اسوي، حتى لو كلفني اخسرج واخسر جاسر. بس امج ما خلتي خيار ثاني...
هبه: من يوم إلى صار واني قررت ما اوصل للشركه وكتفيت بشغلي بالمشروع وهو همات ما وصل اليوم طلعت من للبيت اول ما وصلت عرفت انو خالتي وزوجهه عدنه ومروان وياها جاتهم كثرانه صعدت الغرفتي بدلت اباوع عل نفسي حياتي صايرا عباره عن روتين ممل وما صاير شي ياثر بيه او افكر بشي حتى جيتهم هسه احسهه شي عادي صرت اتعامل وي الامور بدون مشاعر لان قبل ستهلك عليهه هواي من مشاعري وما بقى عندي طاقه الهه صعدت بدلت ونزلت دخلت للمطبخ جاي يحضرون بالغده شميت الريحه متت من الجوع الاكل يشهي بس لسه ما خلص طلعت دقررت ادخل اسلم عليهم فتحت الباب بهدوء جاي افوت وسمعت زوج خالتي يحاجي مروان بعصبيه بس بصوت خافت.
كتللك ااالف مرا لاتضيعهه من ايدك لو متزوجهه جان هسه ما نحطينه بهاذ الموقف وتوسلنه حتى ابوها ما يطلعنه من الشركه بس انته مابيك حض اول ما حط بيدك كم فلس وهددك سافرت
مراوان: لييش هوا خله بيدي خيار لو هددني بشي سهل لو ما تاركهه جان هسه تقرا الفاتحه عل كبري، بس اصبرلي هسه كلشي ختلف ورا مراح تطلك ماراح تبقاله حجه.
ام مروان: هااي اذا اطلكت اتنه شفت الماخذهه والله انته ابني بس انه اكلك يشوا راسك ما شفته شلون من دخل علينه اكلهه بعيونه مو مبين عليه راح يطلك
مراون: لا تخافين يطلك هبه صار اكثر من شهر عد اهلهه يعني ما ضل شي وتلكينهم منفصلين ولا تنسين طريقه زواجهم اكيد ماراح تقبل عل نفسهه تبقى هديه طول عمرها، تطلك وقتهه لو اموت ما اضيعهه من ايدي واضيع كل هذا العز
غبائي اول مرا ما راح يتكرر مرا ثانيه...
وهذا المطلوب.
هبه: رجعت لورا ايديه يرجفن ودموعي صبت معقوله اكو ناس بهاي الحقاره صعدت الغرفتي جسمي ما شايلني بجيت بهستيريه مو متخيله انو خلصت نص عمري احب بهاذ النذل وهسه راح اخسر يعقوب بسببه، بس هوا هم تخله عني وصدك برساله قرر يطلكني شاون راح امن باحد بعد هذا إلى سمعته ياااربي دخيلك، بدلت عل السريع احس اختنكت وكتلهم طالعه صارلي شغل رحت عل المكان والبحيرا إلى كعدت بيهه المرا الفاتت صافنه اباوع للجاهل.
تلقائين خليت ايدي عل بطني تخيلت انو يجي يوم يصير هيج طفل عندي بشنو راح احس اكيد شعور عضيم شلت ايدي وعيوني غوشت بالدمع بس ما اريد شي من غير يعقوب اذا مو هوا ابو ماراح يكون اله هذا الحب بكلبي
قطع تفكيري دكت التلفون طلعته من جيبي هوا، رديت بصوت مخنوك، الوو تفضل
يعقوب: احم اكو اورق للمشروع لازم اوقعهن بس ما جاي يوصلن للشركه
هبه: ي نشالله باجر يكونن كدامك
يعقوب: شبي صوتج.
هبه: للليش يهمك عل عموم ماابيه ولا تدخل بصوتي ولا اني شنو مالك اي حق على ولاااا راح ابقالكم هناااا اصلا ااانه بشررر حرام عليكم سديته وبوجهه واعرف لصت بالحجي كعدت ساعه ابجي وساعه اصفن حل حالي الما اعرف شنو تاليته...
ميسم: نزلت اخذني ليث الحضنه وهذا الامان الجنت منتضرته من بابا بس للاسف هوا فكر بالناس والسمعه قبل لا يفكر بيه اخذني وطلعنه من بيت عمو رغم طلعنه مو غثوثين وهوا بالذات بس حاول ما يبيلي وكعد يهدي بيه ومن خوفي من مواجه بابا وانو هوا وياي وماراح يتخله عني دخلت جانو كاعدين عل الريوك بس مبين ماكو احد مشتهي ياكل رفع راسه باوعلي خزرني بابا وسعد كال.
سعد: هاا اجتي ست ميسم شوفي ولج هاي الحركات تتبطل واليوم العقد مالج مالنه خلك فضايح
ليث: ااذا ملاحض هي واكفه وانه مو طرطور كدامك حتى تهددهه كدامي
سعد: والله ما خرب اخلاقهن غيرك
ليث: عدل عدل مايخرب بس الاعوج ما ينعدل، فسمعوني زين حجيت وي عمو ويوسف وخلص كلشي انتهى وماكو نصيب واحنه اهل وما نخرب عل شي قاسمه رب العالمين مووضووع يوسف وميسم ينسد والحمدالله ما بينهم شي رسمي وكلمن راح بسبيله.
فخريه: ااااطلعع وشوف والله وتاليهه صرنه علج بحلوك العالم.
ابو سعد: زغرتوني كدام خوي والعالم الكايلهه عل المشيه وخيلتي راسي بالطين مااا تردين هذاااا الزواج مووو يي براتحج بس حدج متحانات هاي السنه والجامعه تنسينهه ماااكو بعدد واول واحدد يجيني اشمرج عليه لو بكد جدج لان الضاهر ما عرفتي اربيج ومااريد احد يعترض كلمتي ما تصير ثنين كلكم ما اعترف بيكم بعد واله ااارجع اربيكم من جديد نسيتوو انه شنوو وكمتو تصرفون بكيفكم بس بسيطه.
ميسم: تركنه وطلع وكفت مصدومه بيبي وسع متشمتين بيه وماما تبجي عل حالي حضني ليث وليال، خلص نتهت حياتي اعرف كلمه بابا ما تنكسر بس استاهل ااانه الغبيه الجنيت عل نفسي ولازم اتحمل العقاب عل تصرفاتي وهذا جان عقابي تدمر كل احلامي بسبب غلطه وحده.
بان: واكفه بالشباك مصدومه من كميه الناس والاقارب إلى جايبهم خالي وياا وجاسر وكف يستقبلهم متفاجئ نزلت دموعي ماما سوتهه صدك يعني واكفه وجسمي صار كله يرجف دخلت للمطبخ باوعتلهه بقهر كالت
ام جاسر: القرار عندج انتي وخوج لو توافقين لو اروح وي اخوي وما تشوفون وجهي بعد لو تموتين ما اخليج تاخذين عمامج الجانو السبب بموتج ابوج
بان: بابا ماراح يسامحج عل تسوينه بيه ليش تخيريني بينج وبينه 1.
ام جاسر: لانو اااعرف مصلحتج والله ياا بان اخلي اخوج يخلي دمه بطوله اذا ما وافقتي.
بان: حتى لو انه وافقت هواى ما راح يخليني اروح الغيرا
ام جاسر: ههه ي شفنا كبل شسوا حتى يسوي هسه ماراح يواجه اخوج ويخرب عل اخته ويخرب وصيه جدج وضيع حصته بالورث ماراح يعادون اخوج ويخسرون الشيخه ما يسوي هيج واخو وبو موجود ولاتنسين شلون تخليتي عنه.
بان: كعدت وجمدت الدموع بعيوني معقوله يتخله عني علمود الشيخه وابو مثل ما سويت بي وفضلت الجاسر عليه، لاتسويهه ليث انت اخر امل لان اموت وما اصير الغيرك...
والً احبك چلمة سامعها شكثر من غير
ناس بس اريد اسمعها منك يله فنك.