رواية الشيخة ليال للكاتبة الوردة البيضاء الفصل الثالث والعشرون
منو ايلمني
كبل لا اضيع يم وجهك
اعاين على وجوه الناس محد بيهم يشبهك
ميسم: بعدت الغطى عن راسهه، كومي شنو ما شبعتي نوم الساعه بالوحده
ليال: همم خير شرايده مو عطلنه عوفيني اشبع نوم
بان: ولانو عطله لازم تكعدين خلي نطلع نسوي سمكره احس ريحه الامتحانات مجلبه بيهه ونتي وراج سفر لازم تجهزين.
ليال: فتحت عيوني بنعاس البارحه ما نمت لورا الاذان ولحد ما شفته رجع للبيت طلع مثل القضه المستعجل ورجع بوقت متاخر وهسه اجن وكفن عل راسي بس جد انه لازم اجهز نفسي علمود السفر، باوعتلهم، كايمه لانو اعرف ماراح اخلص منكم
ميسم: عززا شبيهه شفتج
ليال: هاا شبيهه
ميسم: كانو ورمانه ومجروحه.
ليال: تلمست شفتي وباوعت عل مرايه الكنتور غمضت اعيوني شصاري بيهه هسه شجاوبهه كتلهه، ي البارحه نضربت هسه تركج من شفتي وروحي بدلي حتى ما نتاخر
ميسم: ي رايحه ستعجلو انتو هم
بان: كتفت ادي اباوعلهه ببتسامه
ليال: شكو شبيج
بان: لاا هيج اصلا مصدكتج ومارح اسئل
بس اكدر اعرف شبي اخوي اليوم ما يتحاجه
طلع بدون ريوك ومن ما تغده همات
ليال: وهوا اخوج شوكت جان طبيعي
بان: لاا بس باله مشغول بشي لهيج وضعه مخربط.
ليال: ي ليث كال انو ملعوب بمخططات مشروع وخربان الشغل ولسه ما عرفو من مسوي هيج
بان: يبووو اكول هيج حاله مكلوب يتخبل ولا يصير غلط بالشغل يالله انه رايحه اجهز ونتي همات كومي لانتاخر
ليال: ي ي كايمه
بان: اوك
ليال: طلعت واني كمت سبحت وبدلت طوخت الحمرا اخفي الائثر صفنت اللحضه اتذكر الصار نتفض كلبي هزيت راسي احاجي كلبي، ضخ دم ونجب. اخذت جنطتي ونزلت البنات ينتضرني، منو راح ياخذنه احد تبرع لو نروح وي السايق.
ميسم: لاا منتضرين ليث راح يوصلنا.
ليال: باوعت البان كلبت الخلقه صايرين ما يتكابلون، كعدت عل الدرج انتضر حسيت خطوات وراي كمت، يالله اخرت، عبالي ليث طلع جاسر وجهه ما يكصه السيف عباوع عل البنات ورجع باوعلي كال
جاسر: وين
ليال: وكانو يسئلني درت وجهي ما جاوبته، بان ردت عليه
بان: مو كتلك اليوم راح اطلع للسوك
جاسر: منو راح ياخذكم
ميسم: ليث راح يوصلنه
جاسر: وشدعوا هيج لبسجن هوا سوك.
بان: ستغربت جاسر شوكت يدقق بالملابس باوعت النفسي عبايه خليجيه وميسم فستان بس ليال مسويه تسيقه تنورا كلش انيقه ومطوخه الحمرا اكيد تعليقه عليهه لانو يباوع عليهه وهي ولا كانو تسمعه شكل الطلعه راح تتكنسل...
ليث: يالله جهزين
ليال: تصرفت وكاني مو اشوفه مع انو واكفه عل اعصابي يمه، وين صرت ليث حتى مزاجنه تعكر وحنه ننتضر.
ليث: اوو شيختنا مزاجهه تعكر يالله امشي، جاسر راح اوصل البنات واجي واجي لشركه علمود الاجتماع ما اتاخر
جاسر: لاا تجي ابقى وياهن شلون تتركهن وحدهن بالسوك
ليث: لانو رايحات صالون انه شسوي باقي وياهن
ميسم: سوي منيكير ههههه
بان: ضحكت خزرنا
ليث: امشن يالله
ليال: طلعن البنات وليث وهوا كدامي وصلت لباب ردت اطلع دار على قاطع الطريق، طلع مندل من جيبه سحب ايدي وخلا بيهه
جاسر: خففي.
ليال: خلاني وطلع بقيت واكفه امكاني، احسه جاي يطلع خبال المشكله الصايرا ويا على خليت المنديل بجيبي وطلعت تحركت سارته واحنه ليث وصلنا للمول شتريت كومه شغلات محتاجهه لسفرا والبنات هم لانو صار هواي مطالعين بس احله شي بان وليث خلصوهه مناكر بعدهه وصلنه للصالون سويت تنضيف ورتبت وجهي وحاجبي باوعت الشعر وقررت اسحبه حتى اخلص من جاسر وتصنيفه مع انو ما احب اسحبه نكسرت ركبتي عل ما خلصت طلع حلو بس انه احبه عل طبيعته اكثر خلصو البنات وطلعنه عزمنه ليث عل العشه اكلك كومه لان بدون غدا رجعنه للبيت بابا وسعد وبيبي مسوين اجتماع مغلق بالصاله صعدت الغرفتي بدلت ونزلت يمهم...
بان: من اول ما طلعنه عينه على ونضراته مثل واحد متحلف بيه وطالبني كتله او ما وصلنه كل ما اريد افوت مكان وما يعجبه إلى يبيع طلعنه حرفيا تحسرت عل الطلعه وي جاسر ما جنت متوقعه اكو احد اضرب منه بالطلعه، بعد التسوق رحنه للصالون مكاني المفضل نفضت نفض وجهي وشعري طلعت المع شعري كصيته لان طال خلال فتره الدوام وانه عشقي الشعر القصير اول ما طلعنه جان منتضرنه بالمطعم.
اول ما وصلنه يمه صفن بوجهي وكسرت نضره الغرور بعيونه وصرت انه اباوعله بغرور غير طاولتنه وكعد كدامنه
ليال: ليث خجلتني اعرف طالعه حلو بس مو الدرجه ما تشيل عيونك عني
ليث: عيوني مستقيمه انتي بعدي عنهه
ليال: ممم حالف يعني ماتشوف غيري
ليث: مو بيدهه ماتخون
بان: رفعت حاجبي اله، خلصوهه ليال تبسمر بي وهوا ما اعرف يتغزل لو يبسمر بيه
ميسم: اكول نريد عشه اجبرهه عل نضرا للمنيو
ليال: ههههههههههههه
ليث: طاح حضج ههههه.
بان: واخيرا طلع العيد وشفنه ضحكته خلصنه عشه ورجعنه للبيت ولانو كلهه نزلت كعدت بالصاله اني هم طلعت كعدت يم البنات.
ليال: كاعدين وما نحس غير طكه قويه بالباب شويه وفات جاسر مثل العاصفه وكفنه مبهوتين دهوا دخل حامي يفشر ويغلط سحب سعد وضربه بوكس وهوا رده اله بعدين ضربه عل راسه وكعه بالارض وليث وبابا يردون يبعدونه ماكو نصدمت من سبب هذا الهجوم.
جاسر، لللللللك كللللب كواا، وصلت بيك شخررررب شغلي يااااا حقيرررر وااااللله اله ااااكسر اييييدك إلى إلى مديييتهه عل المخطط
فخريه: يبووووو الله يكسرررر ايدككك نشالله من للللفيت مااااا شفنه الخيرررر وخررر عنه
ليال: جان حالته تخوف يرجف من العصبيه جسمي بقى يرجف واني اشوف سعد شلووون نتها بيده بقيت اصرخ وادفع بي حسيته فقد، جااااسرر اللله يخلك تركهه راااح تموتهه جااااسر.
جاسر: وخرررو خل اطلع روحه انه ضامهه اله من زمان هذا الكواا، الحثاله
ليال: جااااااسر فدووووا تررركه موووته اباوع البابا صار وجهه اصفر وماما تلطم وتبجي وبيبي تصيح وادعي وهما متجالبين وليث بينهم لحد ما دخل يعقوب ويوسف عل الصوت يالله كدرو يسحبون جاسرر وطلعو وهوا يهد يريد يرجع لان سعد هم ماا سكد وبقى يصيح ويهدد
سعد: اللله اله اكسر ايدك واطلع بروحكككك بس اااصبرلي اذااا ما اخلي طلقه برررراسك واموتك.
جاسر: لك حيوووووان جباااان بيككك خيرررر واجهني مو تسوي سوااااالف زعطيط
ليال: ويعقوب اخذ جاسر طلع بي ويوسف اخذا عل المستشفى اني ركضت سويت البابا عصير ليمون لانو شكله ضغطه صعد اسمعه يحجي عل جاسر وبيبي بعدهي هارجه البيت بالحجي ولغط عليه هم ما اعرف ليش ضجت شوي ورجعت سمعت العيطه رجعت مرا ثانيه بس هل مرا هي وبان...
فخريه: جعل ما يتهنه كووون لا حياته ولا فلوسه كووون كسر ماله جبر بيده جعل حياته العدم ااااامين
بان: تغلط ودعي وانه واكفه امكاني الدمعه بطرف عيني لسه مبنده من الوقف الصار كدامي قبل اشوي الحمدالله ماما ماهي واله شو شصار بيهه باوعتلهه ما تحملت تحجي عل جاسر كتلهه
كااافي ادعين حررام عليج، انه كلت هيج لو هي نهدت بيه وهجمت على نصدمت
ومرا جبيرا ما اكدر اتجاوز عليهه.
فخريه: حرررررمت عللليج عيشتج وجه الفكر من شفناااكم ماااشفنه الخيرررر جعل الخيرر مااايشوف وجهكم نشاللله بعد تااعلي ضربيني مثلل اخووج الكوا، كسر ماله جبر بيده كون ونتي عالي خل اربيج واخذ حوبه سعد منج.
بان: هجمت على عتت شالي وشعري الكل لازمينهه وهي ترجع تهد على اني وكفت مصطكه بمكاني والدموع ملت عيني عمو لازم راسه وما نطق ولا كلمه اجت ليال هم لزمتهه تهدي بيهه بس هي ضخمه ولسانهه مثل الرشاش لحد ماا دخل وصاااح
ليث: شكووووو شصايررر بعد
فخريه: جاي اربي هااا المنعوله ترفع صوتهه على من زود سوايه اخووهه جاااي هي هم تصيح وتشمخ علينه.
بان: باوعتله هزيت راسي بالنفي. رجعت باوعتلهه مررا جبيرا انتي عيب عليج اجذبين
ليال: بيبي كاااافي رحم الله والديج شوفي بابا شلون تخربط كااافي
فخريه: انه اجذب يااا حيوانه ولج تركيني خل انعللل والديهه
بان: هناا ما تحملت صعد الدم للراسي تقربت منهه صرخت بوجهه، لاااااا بابا حط احمر لااااااتسبيه ماااا اسمحلج، سويت هيج لو تخبلت دفعت البنات ورادت تلزمني ما احس غير ليث سحبنس وخلاني ورا ضهره لاز ايدي وكف كدامهه.
ليث: كااااااافي بيبي كلنهه نعرررف البير وغطى مووو كادرا بس عليهه مااا اسمح الاي مخلوق يتقرب الهه
بان: سحبني من ايدي صعدني وهي تخبلت بقت تسب وتغلط ورانه.
يان: اول ما دخلت غرفتي كعدت وخليت ايدي عل وجهي وكمت ابجي حسيت ايد ترتب بشعري رعفعت راسي ليث كاعد يمي ايده بشعري كال
ليث: كسر بايدج كون عل كوله بيبي هاي شوكت كصيتي.
بان: برطمت وبعدت ايده رجع سحبني من شعري الحضنه خليت راسي بحضنه وبجيت.
ليث ؛ كافي لاتخليني انزل اتعارك وي فخريه
بان: سبتنني سمعتهه
ليث: مسحهه بوجهي ما عاش اليسبج بس هي مرا جبيرا ما نكدر نرد عليهه. كافي بجي يالله لاتصيرني دلوعه
بان: بعدت عنه مسحت دموعي وهوا يباوعلي دنكت رجع خلا ايده عل شعري
ليث: اذتج
بان: هزيت راسي بالايجاب اخذت شعري بيدهه
ليث: تغار من شعرج لان حلو واحله من شعرها.
بان: ضحكت يباوعلي ومبين كلش عاجبه نضراته نستني حتى السحله دنكت نزل شعري وياي رفعه خلا ورا اذني وكام باس راسي كال بهمس
ليث: خل اطلع لا اخرب صيامي عنج وبعدهه كلشي يصير مباح واعتذر بنيابه عن فخريه انسي الصار وبعد لا تحتكين بيهه
بان: رفعت عيوني باوعتله وهزيت راسي كلامه يطيب الخاطر بتسم وقبل لا يطلع، وجاسر
ليث: وطلع لزمت شعري وبتسمت...
ليال: كااافي بيبي رجائن ما تشوفين بابا شلون تعب بعدين حرام عليج عمو ميت ما يجوز تسبينه
فخريه: اسبه واحركه بكبرا عل هاي الخلفه الطايح حضههه سكتي انتي لا ادافعيلهم شوفي شسوا بخوج.
ليال: ستغفر الله. سكتت عنهه لانو اعرف الكلام ما منه فايده بس كلش نقهرت عل بان ما تتحمل احد يحجي عل ابوهه ولو مكانهه اسوي نفس الشي اااف، سويت عصير البابا ودخل ينام بعد ما اتصل بعد وطمن ما بي شي ورا نص ساعه رجع من المستشفى وجهه مليان رضوض دخل الغرفته هدى الجو بالقصر اخيرا بس اشو هوا لسه ما رجع طبعا هاي النتيجه جانت متوقعه لانو جان متحلف للي مخرب المشروع من انو هاذ الفشل راجع للشركه ماعرف شنو الدافع إلى خلا سعد يسوي هيج وهوا احد المتضررين يمكن الانتقام من جاسر بس جان طريقه غبيه كلش.
طلعت كعدت بالحديقه اباوع عل بيت عمو دخل يعقوب بس جاسر مو وياا شافني واكفه واجه علي
يعقوب: هاا شنو الوضع اشوف الجو هدى وين سعد
ليال: اجه من المستشفى وهسه بغرفته ما بي شي بس شويه رضوض
يعقوب: الحمدالله لحكنا جان خلص عليه جاسر مايتحمل يخرب الشغل وخاصه اذا مشروع ضخم وتعبان عليه
ليال: شكد نسبه الخراب
يعقوب: عشرين بالميه
ليال: اااف هواي شراح تسوون هسه
يعقوب: اعاده بناء راح يتفلش القديم ويتصلح.
ليال: يالله الحمدالله. ترددت اسئل بعدين سئلت بتردد، هواى وين هسه
يعقوب: ماقبل ابقى وياا تركته وجيت يتاخر لا تنتضرينه
ليال: ومنو كلك اني منتضرته جاي اشم هوا
يعقوب: ببتسامه تصبحين عل خير ليال
ليال: ونت بخير، راح واني كعدت خرب شهل احراج اصلا جد ما منتضرته باوعت لساعه وحده مو كانو الوقت تاخر...
هبه: من البارحه وحنه ما بينه اي كلام طلع وتاخر يالله رجع سويت نفسي نايمه وثاني يوم رحنه للشركه شغلت نفسي حتى ما افكر اكثر بالي صار لانو عقلي مشوش لدرجه احسه راح ينفجر اخذت ستراحه طلعت للكفتريا جاي امشي واما احس غير خطوات بصفي ويسئلني...
انتي اخت ستاذ يعقوب لو بت عمه
هبه: باوعتله نفسه هذا المهندس السكط وكفت وباوعتله، ونت شنو همك بالثنين
لا هيج متعرف بما انو مكان شغلنا واحد.
هبه: واني اكول الهذا السبب بالضبط نحترم نفسنه وكلمن يلتهي بشغله لا نخسرا وما ينفع الندم بعدين، تركته ومشيت دخلت اخذت غدا درت وجهي صار بوجهي يعقوب كاعد عل وحده من الطاولات ما نتبهلي اني هم اخذت طاوله ثانيه وكعدت كل شويه تفوت وحده من الموضفات تسولف وياا واني اباوعلهم عشتو حتى وهوا ياكل ما يخلنه بحاله رفع راسه نتبهلي دنكت بسرعه كملت اكلي عل السريع وكمت احس نضراته على رجعت لشغلي وبقينى عل هذا الحال لحد ما رجعنه للبيت.
واول ما وصلت نمت كعدت بوقت متاخر ما جان موجود ستغربت سويت اكل وكعدت عل التلفزيون بس بالي يمه مرت اكثر من ساعه وهوا ماكو ما تحملت اكثر سحبت التلفون ودكيت عليه اول ما رن نفتح الباب ودخل بيده التلفون، باوعلي كال
يعقوب: تصلتي علي
هبه: هاا يي لانو تاخر الوقت
يعقوب: يي جنت طالع وي جاسر واخذنا الوقت
هبه: هزيت راسي وسكتت وهوا دخل سبح وطلع اجه كعد يتابع وياي
يعقوب: ليش تصرفتي وكانو ما شفتيني اليوم.
هبه: ما ردت ازعجك بعدين تعرف وضعنه بالمكتب
يعقوب: وضعنه انتي السبب بي ماعرف شدخل انتي مرتي بالشغل
هبه: ما اريد ادخل بمسميات الواسطه عل الاقل بمشروعي الاول
يعقوب: همم براحتج تصبحين عل خير
هبه: ااوف كل مرا اعقد الامور اكثر كام نام واني بقيت كاعده بمكاني شوي واجتني رساله رقم غريب فتحتهه
هبه خليني اشوفج لازم نتفاهم لا تحضريني وجاوبيني واله صدكيني راح اطلع كدامج.
هبه: جفت ايدي باوعت اليعقوب نايم وغمض عيونه رديت بسرعه
ولو ماكو اي كلام بينه بس انتضر من خبر خلي اشوف شنو تريد راجع هسه ونخلي النقاط عل الحروف وبعدهه ما راح يكون بينه كلام.
ننتضر ونشوف
هبه: مسحت الرساله وكمت سديت التلفون وكمت نمت يمه منطيني ضهره ما اتخيل نفسي اخسرا تقربت وحضنته من ضهرا بهدوء وغمضت عيوني شوي ودار على اخذني الحضنه دفنت راسي بصدرا حسيت سحب الخوف مني وعيوني نامت...
يوسف: ليش بعدج كاعده هناا
ليال: الجو حلو كلت اشم هوا
يوسف: وعادي اشاركج الكعده مو
ليال: بتسمت ي طبعا. كعد وبيده علاكه. شنو هاي بيدك
يوسف: اختج ضرب وياهه شاومرا بهل ليل من عرفت بيهه برا وصتني اجيب الهه بطريقي
ليال: وهي شلون عرفت بيك برا
يوسف: راسلتني وعرفت
ليال: ممم اوك شنو اصيحه الك
يوسف: لا هسه ادك الهه وتنزل، شلون صار سعد
ليال: زين فات الغرفته.
يوسف: مو كانو السوا جاسر شي اجرامي مشاكل الشغل ما تنحل بهاي الطريقه
ليال: اكيد المشاكل ما تنحل هيج بسو سعد ما سوا هيج وهوا قاصده وهوا يعرف طبيعه جاسر اكيد ماراح يكعد ويتفاهم وياا ليش سويت هيج انه ما جاي اوكف بطرف احد بالول والاخير الشركه هي إلى تضررت والخساره علينه كلنه
يوسف: همم حلوا الحياديه خلي اتصل بميسم تنزل تاخذ الاكل لا برد
ليال: يوسف لا تاذي ميسم.
يوسف: ااذيها ليش شنو شايفتني واحد من الشارع ترا انه ابن عمجن لا تنسين
ليال: اكيد اعرف وما اقصد بهذا المعنى لتفهمني غلط انه اعرف شي ونت تعرف شي
يوسف: اعرف هي تحبني وانه ما اجذب عليج واكلج ما معجب بيهه.
ليال: فاجئني كلامه معقوله ميسم عل علاقه بي وما كالتلي. ردت ارد عليه وفات جاسر شكله مخربط وضربت وجهه حمرا اول ما نزل من سيارته وشافنه خزرني قبل لا يحجي شي طلعت ميسم ليوسف وهوا فات بدون كلام تركتهم وكمت وراا...
ليال: صعدت ورا دكيت بابا غرفته وفتحت الباب واكف يبدل باوعلي وذب القميص ماله
جاسر: خير
ليال: دخلت وكتفت ادي، ليش سويت هيج اكو الف طريقه غير الضرب تاخذ حقك بيهه.
جاسر: هوا انه راح اسوي هاي ألف طريقه بس بعد ما ضربته وهديت نفسي هسه النوب افكر شلون اطيح حضه واطلع الخساره من عيونه
ليال: لشوكت تبقى هيج تصرف عل مزاجك مو عل اساس راح نلتزم بالوصيه
جاسر: ليش مكتوب بالوصيه ممنوع اضرب سعد
ليال: اخذت نفس بيأس وباوعتله بطرف عيني، مبين مزاجك عالي بعد كل هذا العنف إلى سويته تصبح عل خير
جاسر: ااوكفي
ليال: نعم
جاسر: شعدج كاعده وي هذا العار الثاني بهل وقت.
ليال: هاا انوب درت عل يوسف، رتاح ما جان جاي علمودي جاي اكل لميسم موصيته، ذب روحه عل السرير وكال
جاسر: الما يتقربلج المصلحته فمرتاح لاتخافين
ليال: ما بقى شي واتحرر من اسمك وخلص من هذا التحكم لانو اني مو من بقيه املاكك
جاسر: شكل اخر مرا ما فهمتج عدل
ليال: كال هيج وكاام صحت، لااا لاا فهمت خليك امكانك اباوعله رجع تمدد مبتسم الخبيث
جاسر: ي عفيه.
ليال: كلبت اعيوني ردت اطلع سمعت صوته متألم ويسب ويغلط باوعتله لازم وجهه وايدن مجروحه، ضمدهه
جاسر: ولله تسوين فضل اذا تجبيبن الاسعافات من الحمام
ليال: ومن كلك اريد اسويلك فضل ونت ضارب اخوي قبل شوي
جاسر: ديالله عاد اخوهه لو ماا عاار ما نضرب سدي الباب وراج.
ليال: طلعت بسرعه وركعت الباب خطيت خطوا ورجعت فتحت الباب اباوعله يفرك براسه، فتت للحمام جبت الاسعافات وطلعت كعدت يم راسه فتح عيونه يباوعلي تفاجئ كتله، لا تتفاجئ بس ما احب ارد احد طلب المساعده...
سحب راسه خلا عل رجلي
جاسر: وهذا من اخلاقج شيخه
ليال: ي بس نزل راسك
جاسر: كملي وانزله.
ليال: اباوعله معقوله هذا جاسر الجان بارود قبل شوي عبالك اسد ثاير، غمض عيونه عقمت وجهه وسحبت ايده اضمد بيهه ما احس غير سحب شالي فاتحه اشو بس وكع شعري عليه طفر فااز
جاسر: ووين شعرج
ليال: بستغراب شنو وين شعري لعد هذا شنو
جاسر: لاااا قصدي القديم الفلافيل
ليال: ااف سرحتهم وماا خلصت منك
جاسر: طااح حضج ليش تلعبين بطبيعته
ليال: هيج تغيير كم يوم
جاسر: يعني يرجع
ليال: ي لان طبيعه شعري كيرلي لاحك عل تصنف عليه.
جاسر: ي بعد لا تسوينه هيج ماصخ
ليال: اوامر ثانيه، ليمته عل جهه وحده واخذت ايده اكمل لف الشاش اباوعلهه مليانه دمارات وثكيله الله يساعد وجه اسعد رفعت راسي اباعله صافن وعيونه عل ركبتي باوعلي، ودنك سرعه باس ركبتي بخفه كزكزت من حسيت ملمس شفته عل ركبتي بعد عني باوع بعيوني تنهد وكال بهمس
جاسر: شاماتج اتعب.
ليال: بقيت صافنه بوجهه من نتبهت كمت بسرعه، تصبح عل خير، طلعت بسرعه اخذت نفس واهفي عل وجهي عزا صاير ما عنده كونترول...
ميسم: كعدت من النوم اباع الساعه ب ال10 اوف شهل ملل طبعا امس ليال سافرت هي وليث وبان العار لحكت امهه الخوالهه وبقيت اني بالبيت لا طلعه ولا سفرا مثل الارمله بس احش براس رحاب وتشكالهه غير هيج عقلي الراح يطير من التفكير بكلام يوسف ونو يعرف اني احبه وهوا معجب بيه من سمعته كال اليال هيج حسيت راح يوكف كلبي ومن الاحراج انو يتذكر شنو كتله ليهيج صرت اتجنبه واريد اصفي عقلي واستوعب إلى كاله دك تلفوني رفعته رحاب اكو غيرهه، الوو.
رحاب: شبي لحلو
ميسم: ملل كل عاده ماكو شي جديد
رحاب: واني تصلت بيج حتى اروح هذا الملل يالله بدلي وتعالي تغدي عندي وخلي نكضي اليوم سوا شعندج باقيه بالبيت مثل الفزاعه
ميسم: وليش ما تجين انتي
رحاب: لا ما اكدر لانو اختى عدنه وتعرفين هسه والده واني اهتم بيهه وي ماما
ميسم: يي صحيح بس صدكي ما إلى خلك
رحاب: اليوم الغده عالمي مالنه يفوتج دليميه إلى تحبيهه.
ميسم: ااخ طبخ امج اعشقه والدليميه اجيتي عل الجرح جايه الخاطرهه
رحاب: هههههه اعرف بيج تحبين الاكل اكثر مني هسه شنو ادزلج احد يجيبج
ميسم: لا السايق موجود مو تتغدون نتضروني
رحاب: هههههه طبعا يالله.
ميسم: اخر فترا لانو اخوهه مسافر قوت علاقتي باهلهه واكثر من مرا زرتهم وتعرفت عل اخواتهه وضربت الميانه من اول عزيمه اكل امهه خيال، والدليميه نقطه ضعفي لان بيبيتهه من الانبار فيطبخوهه مضبوطه، كمت بسرعه اخذت اذن من ماما لبست فسان مرتب مديل قصير شوي لبست جوراب شفاف ويا وكعب خلت مكياج مرتب هم ضبطت نفسي تمات التمام ونزلت وصلني السايق البيتهم دكت الجرس، دقايق نفتح الباب بتسم عبالي رحاب.
بس صار بوجهي باسل ختفت بتسامتي اباوعله متفاجئه شوكت رجع بتسم بوجهي
باسل: شلونج ميسم
ميسم: بتسمت بخجل. الحمدالله انت شلونك الحمدالله عل سلامتك
باسل: الحمدالله الله يسلمج فوتي لا اضلين بالباب.
ميسم: دخلت اباوع ايده متربا وشعرا مخربط مبين جاي يشتغل بالحديقه معناهه هذا الجمال مال الحديقه هوا الجنيني مال واني كل ما اجي اهلس الوردات واروح مشينه شوي رحاب هم جاي تشتغل وياا شافتني اجت بوستني، لج موو هيج ياا حمرا تربتيني وانه كاشحه عشتو، كلت هيج وعضيت الساني نسيت وجوده بتسم باوعلي من فوك لجوا وعقد حاجبه ما عاجبه عافنه ورجع يشتغل بالورد.
رحاب: ههههه لا ما دمرتج مثل الكمر طالعه فديتج كعدي هنا بس خل اساعد باسل باخر شي هاي السندانات حتى يقبل ينطيني باقت ورد للحفله
ميسم: هزيت راسي وكعدت يمهم عل الطاوله وهوا يرتب بالورد ويقطف منه ويطيهه
رحاب: نطيني ابيض هم
باسل: لا البيض قليل وما اريد اقطف منه
رحاب: ي ادري بيك شكد تحبه وراح افتن ال فد ناس هم تحبه كل ما تجينه تلكطهن وتروح ماتشوفه قل بالحديقه.
باسل: منو اني مو منبه محد يلعب بالحديقه بغيابي.
ميسم: لااا ياحقيرا عل هاي الدكه طاح حضي ما اسوي شي اذا ما الكفت تباوعلي وتغمز نتبه الهه باوعلي حسيت نفسي مجرم ولكفو دنكت...
ما احس غير ورده بيضه تجنن صارت كدامي فعت راسي هوا مقدمهه إلى بقيت صافنه بوجهه
باسل: سمعت من فد ناس تحبينه ومخلصته بالحديقه
ميسم: بتسمت بخجل واخذتهه من ايده، شكرا
باسل: عفوا
رحاب: شنو هي عل ناس وناس قبل شوي ما قبلت تنطيني منه بس الميسم قطفتهه بدم بارد
باسل: كلشي الهه مباح.
ميسم: بلعت ريكي وكلبي تخربطت دكاته من الطريقه اليحجي بيهه كلامه حسيته همس باذني نتبهت صافنه بوجه دنكت بسرعه ورجفه صارت بيدي ما متعوده عل هيج احساس او يمكن لان اول مرا اسمع هيج كلام بس الاعرفه تخربط كل كياني بكلامه وهذا الماصاير قبل...
مآ الموسيقى التي يَعزفُها صوتك حتى يُنصت اليه قلبي بِهذا الشكل؟