رواية الشيخة ليال للكاتبة الوردة البيضاء الفصل التاسع
شلونك ي لبعد مو الي
ي لتعبتني انته وهلي.
ميسم: ما اعرف شنو الجاي يصير الدرجه تشوش علقي علاقتي وي يوسف رجعت طبيعيه حتى احسن من قبل دائما يسئل عني حتى لو بالتلفون واصرا انو يساعدني بالدراسه ما انكر هذا الشي جاي يزيد تعلقي بي رغم جاي احاول ابعد شي بداخلي نهز بعد الحاله إلى شفته بيهه عل ليال لهيج احس عقلي مشوش كلش رغم اعرف انو هوا معتبرني صديقه او اخت وماراح اطمع باكثر من هيج حتى ما اتئذه بعدين، غاركه بتفكيري لمن حسيت عل لكزه باوعت رحاب.
رحاب: شنو وين وصلتي يالله خلي نطلع
ميسم: يالله، طلعنه من المدرسه جان اخوهه هم هوا االجاي احسه مو طايقني يباوع على بطريقه غريبه ولا اني طايقته بعد موقف المول، شنو اخوج لزم مكان السايق مالج
رحاب: لا بس السايق خذا اجازه وهاي الفترا باسل راح يوصلني
ميسم: هاا، تقرب من عدنه اباوع السايق مالي ماكو حتى افلت سلم وردينه السلام باوع لرحاب كال
باسل: نمشي
رحاب: ي يالله بس خل ننتضر سايق ميسم اشو ماكو.
ميسم: لاحبي لا تتعطلون شوي ويجي
باسل: خلينا نوصلج ويانه.
ميسم: لااا راح انتضر، هز راسه وبقى واكف كرصت رحاب اشرلهه روحو وهي ما تقبل من نتبه غلست درت وجهي عل جهه واهز برجلي درت وحهي فجئه نتبهتله يباوعلي بطرف عينه وتحديدن عل صدريتي جان عل قياسي ما بيهه ضيك بس بيهه قصر وجورايب قصيرا وشوز رياضي ابيض باوعت عل ملابس رحاب صدريته طويله ومنتبهت الهه حتى جواريب قصيراما تلبس دائما جنت احسهه ملتزمه واهله محتفضين زياده بس ولا مرا اطرقت الهاذ الموضوع ما اركز بهيج امو بس هسه بعد نضرات اخوهه صرت انتبه حتى رجعت باوعتله بقى يباوعلي عادي حتى ما نحرج انو شفته يباوع عل ملابسي دنكت راسي والحمدالله انو اجه السايق ودعت رحاب وباوعتله كتله.
شكرا لان بقيتو وياي واسفه عطلتكم
باسل: عفوا اكيد ما اكدر اتركج هيج بالشارع
ميسم: باوعتله بستغراب شنو قصده هيج، تركتهم ومشيت واضح انو معقد...
بان: جنت انتضر ليال مثل كل مرا دائما اني اطلع قبلهه بس اليوم واني كاعده اجتي طالبه ويانه كعدت ادردش وياهه عادي بس اسئلتهه غريبه بحجه تتعرب على واني اجاوبهه عادي بس ستغربت اسئلتهه لان جانت اغلبهه معلومات عن عائلتي واول ما شافت ليال تقربت مني سلمت وكامت رجعت للبيت وتفاجئت بوجود بيت خالو تذكرت من تمرضت ماما كالو راح يجون دخلت سلمت عليهم وستغفرت بداخلي لان شفته جاي وياهم بتسم بوجهي غلست وصعدت بدلت لبست فستان خفيف مرتب لان جاسر من جنه يمهم مايبل البس تراك لفيت الشال طبعا هم ممنوع ينزع وطلعت صرت اساعد ماما بالغده والبنات سجى عينهه عل الباب منتضرا جسورهه حتى بعد ما تزوج عدهه امل وليش لا بعد السوته عمتهه وما خافت حتى من جاسر اكيد راح يصير عدهه امل الحمدالله ما سوت بيه دكه ناقصه مثل السوتهه بي بس زعلت اسبوع ولحد الان تزن براسي...
سمعتهه تخابر بي وتبلغه عن وجودهم، واني طلعت للحديقه الخلفيه حتاجيت كرسي شوي اجه بسام وراي رجعت ستغفرت حتى ما اخلي الكرسي البيدي براسه كال
بسام: شلونج بان
بان: رديت بدون نفس. زينه الحمدالله
بسام: ليش ما تسئلين صار فترا من رجعتو ماسمعنه صوتج بعد
بان: مشغوله بالدراسه عذرني
بسام: لا معذورا بس نشالله ما بقى شي بس هاي السنه ونشالله تكونين اخذتي وقتج بالتفكير بالعرض مالي.
بان: العرض نتهى من جاسر رجعلكم الخبر ولاتنضر شي بعد ورجائن جاسر عل جيه وتعرف وكفتك هنا شلون ماراح تعجبه
بسام: همم هذا اخر كلام عندج يصير خير نشالله.
بان: خلاني ودخل دولي يصير خير هوا اليشوفك يشوف الخير، رفعت راسي واشوف ليث واكف كبالي بس كدام بيتهم وجكارته بيده خزرني وكع الكرسي من ايدي اخذته وفتت ركض للبيت عزا بس لا عباله مواعته بالحديقه، ضليت اوهوس وضاك خلكي بعد وقت رجع جاسر من الشركه سلم عليهم واول شي سوا فصل خالو وبسام عنه واخذهم للستقبال حتى ناخذ راحتنه لان ابد ما يرتاح البسام ييي فكه وسجى عينهه ورا دائما جنت اكول التحب جاسر الله يساعدهه حجاره واحبتهه ما اتخيله يحب ويسوي سوالف العشاق رغم تصرفاتهه وي ليال جاي تخلي عندي شويه امل بي...
ليال: جعت من الجامعه النعسه بعيوني نزلت بدلت ونزلت نتغده بعد الغده وكفت اني سويت الجاي خلصنه تركت اجتماع فخريه المفتوح وي بابا وسعد وطلعت اريد اصعد انام لاكاني ليث داخل من الباب الخلفي بس وجهه ما يتفسر كال بسوال
ليث: منو عد عمامج اليوم
ليال: منو عدهم ما اعرف
ليث: لا عدهم اعتقد خوالهم
ليال: ي واذا يعني شنو صار
ليث: لا ما صار شي بس ماكو داعي الهاي الميانه.
ليال: ليش خويه تريدني احاجيك برسميه، ضربني عل راسي بخفه
ليث: الدايخه روحي نامي احسن وانه هم خل انطمر
ليال: تركني وراح، عفاا صار بيهه انطمر الشغله جبيرا لعد، عود من اكعد استفسر صعدت الغرفتي وعلكت السبلت وتلفلت ستوني غفيت ودك نقالي ردت واني تقريبا غافيه عبالي جاي احلم، امممم
جاسر: عفيه نوم ماتشبعين يالله صحصي
ليال: والله من وراك راح زمن النوم الجميل، خير.
جاسر: خوالي عدنه ويردون يتعرفون عليج تعالي البيتنه
ليال: نعسانه خليهه غير وقت واله اكلك صوري عد بان راويهم صوره
جاسر: ليااال نص ساعه الكاج هنا واله اجي اسحلج بيدي ولا تنسين بينه اتفاق انو نكوني خطيبين طبيعين يالله كومي
ليال: اااف حاضر باشه تأمر بشي ثاني
جاسر: لا تنسين روحج وتجين بالبجامه.
ليال: كال هيج وسد الحمدالله قبل لا اسبه واطلع لساني عن اخلاقه سحلت روحي للحمام سبحت حتى اصحصح لبست فستان شيفون ناعم قصرا ربع اسود ومن الردن شفاف ورفعت شعري لان اعرفه راح يتنمر عليه خطيت لاينر وحمرا ورشيت عطر ونزلت بالتختل لا يشوفني سعد انطيت خبر الماما ورحت البيتهم دخلت من الباب الخلفي لاكتني بان هي فوتتني للصاله عرفتني عل خالته ومرت خالهه وبنات ثنين وحده بكد ميسم والثانيه بعمرنه جمد ملامحهه من شافتني سلمت عليهم وسلامهم بارد ولا كانو اول مرا يتعرفون على واني اكول جاسر منين جايب هذا البرود طلع عل خواله كعدت يمهم وسوالفهم بارده مثل سلامهم ركزت بان باوعتلي حاجيتهه بصوت ناصي واني اباوعلهم حتى ما ينتبهون علينه كتلهه.
شبيهه هاي البنيه الكيوت العسل تباوعلي هيج
بان: هههههه وترتيني بالوصف
ليال: هههههه لا لاتخافين بس احب انطي الجمال حقه بس احسهه مو مرتاحتلي
بان: ليش اكو واحد بالكعده مرتاحلج غيري هههههههه
ليال: خاو والله لو ما كاعدين جان ضربنه كف احس نفسي فخورا بنفسي لان مكروهه وكاعده عل كلبهم ههههههههه، بس السوال الاهم هسه ليش هذا الشي بما انو انتي لاحضتي هم
بان: حبي انتي خطيبه النسيب العزيز مال خوالي.
ليال: باوعتله معوجه حلكي، منو جاسر
بان: هههههه ي ماتشوفين النضرات ذبحتج
ليال: هي عيون بزون مو مال نضرات تذبح بس طلع ماعدهه ذوق انه عدي هاي العيون واباوع الجاسر
بان: لج جمالهه فاهي ما يحبه ماما من كالتله عليهه يكلهه ياشهبه منهن هنا كلهن نفس اللون ما افرق بينهن
ليال: هههههههه، ضحكت وكتمت ضحكتي صدك اباوعلهن شكر والعيون ملونه وناعمات، يخبلن بس اخوج عنده عمه الالوان.
بان: هوا يحترم المكان اصلا لا يخلتط ولا يباوع هواي يحترم خوالي وهما يحبو
ليال: والله طلع اخلاق
خاله جاسر: ي ليال انتي شنو دارسه
ليال: باوعت الهه ببتسامه مجامله، محاماه
الخاله: ممم زين، احسن من الاختصاصات الصعبه عندج اسراء هي وبان هوا جاي يعانون من الطب
ليال: يي وانه طلعلي صيدله بس حلمي اصير محاميه والدراسه كلهه تعب باي ختصاص كان
سكتت هزرت راسهه ودارت وجهه مو عاجبهه كلامي، همستي.
بان: صدك معدلج هيج قوي ليش مارحتي صيدله
ليال: باوعت الهه بطرف. هوا هذا وجه صيدله
بان: يااا جذابه ههههههههه
ليال: دبلوماسيه مو كذب هههههههه.
هبه: ماجنت متوقعه راح ينطيني مشروع جدي ومهم صرت اشتغل بكل نشاط خلصت التخطيط الاولي للمشروع اني والبنات الوياي وصار لازم يشوفه قبل لا ننتقل للمرحله الثانيه اخذت التصاميم ورحت عل مكتبه دكيت الباب وفتت مبتسمه بحماس حتى اشوفه شغلي ما نتبهت عل وجود احد يمه باوع باحراج وكلت
اسفه فتت هيج راح ارجع بوقت ثاني، رد على إلى كاعد وياا
لاا لا تفضلي اصلا خلصنه الاجتماع لا تعبين نفسج بالرجعه.
هبه: حجى بطريقه لطيفه ونضراته غريبه. باوعت عل يعقوب حسيته عصب واشرلي بعيونه طلعي كتله، لا اخذو راحتكم
طلعت بسرعه وبقيت انتضر برا شويه وطلع إلى جان يمه كاعده احجي وي اسراء اجه وكف يمي رفعت راسي كال
انتي مهندسه جديده هنا مو
هبه: ي نعم، كال
نورتي الشركه نشالله عل مرات الجايه راح نتعرف اكثر.
هبه: كال هيج ومشى رفعت حاجبي شلون يحجي بثقه ما هتميتله دخلت عل يعقوب وكتله بحماس، مستعد للمفاجئه خلصت التصاميم لازم تشوفهم
يعقوب: بعدين مشغول هسه
هبه: ماراح اخذ من وقتك هواي
يعقوب: بعدين
هبه: اوك، طلعت بس بالكوا لازمه نفسي ما اتكافش وياا لان بالشركه رجعت للمكتب والوقت الطلعه طلعت للكرج جان منتضرني بالسياره صعدت بدون كلام وهوا هم ساكت شوي وطلع عن طريق البيت كتله، وين رايحين
يعقوب: مطعم نتغده ونرجع.
هبه: سكتت، اخذنه مطمع وطلب الاكل بقيت انقش واباوعلي ياكل بهدوء ومن تجي عينه بعيني ادنك خلصنه غده عل نفس السكته لحد مارجعنه للبيت وصعد عادي سبح ونام بدون ما يكول شنو مضايكه تعبت من التفكير لحد ما نمت من التعب إلى ما لحكت افرح بانجازه...
ليال: طلعنه احنه والبنات للحديقه يسولفون وي بان لان اصلا مش مستلطفاتني واني النعاس براسي تبرعت اسويلهم جاي اريد اصحصح شوي رحت للمطبخ خليته عل نار وسمعت صوت جاسر يحجي وياهم شوي وفات للمطبخ متكايه عل الكوانتر منتضرا الجاي صرت بوجهه باوعلي عدلت وكفتي تفاجئت بدخوله كال
جاسر: هلا بالشيخه التسمع الكلام
ليال: مو اسمع الكلام بس مجبورا امشي عل اتفاقنه
جاسر: همم شنو هذا فستانج شلون اطلعين بي كدام خالي.
ليال: ليش لازم اسلم عل خالك هم، تنهد وضل ينفخ وكال
جاسر: ي لازم ولازم نبين متوافقين كلش
ليال: خلص البس شي عليهم من بان، كلت هيج رفع راسه لفوك ورجع باوعلي مو فوك لجوا وصار يتقدم عليه بطريقه غريبه لحد ما طخيت بالميز وهوا لطش بيه وحاوطني باديه كال
جاسر: بس لا يكلج.
ليال: بستغراب وستنكار الحركته، شنو شبيك، تجاهل سوالي ورفع ايده وصار يتلمس بخدي بعدين عل شعري ورفع الكماشه وكع شعري وصار يحرك بي واني مشنطه عيوني اباوعله وارمش مصدومه خليت ادي عل صدرا اريد ابعده همس بصوت خافت...
جاسر: بعدهي ورانه.
ليال: عقدت حاجبي وباوعت بطرف عيني سجى واكفه بالباب مثل الخاتله فهمت الفلم باوعتله كتله، ممم موجوده شنو تريد تغورهه بعد لا افضحك كدامهه، ضحك بتصنع وهوا يلعب بشعري حتى ما تشك كال
جاسر: تماشي وي الموضع وراح انطيج عقود المشروع الجديد انتي تشتغليهه بدون مشرف.
ليال: لمعت عيوني ابفرح وضاهر تحمست زياده، وكفت عل اطراف اصابعي وحاوطت ادي عل ركبته وكتله ببتسامه، اتفقنه كان قصدي انو نمثل كدامهه بس هوا تفاجئ من حركتي وعاش الدور زياده حاوطني من خصري وحضني جمدت بمكاني اباوعلهه كلش نقهرت واني ضجت عليهه خلص تركني كافيي رفع راسه ونضراته تحولت غريبه ونزلت عل شفتي
عرفت نيته كتله بتهديد بصوت خافت ولزمتني الرجفه من تصرفاته كتله.
ليال: لاا تحاول حت، ماكملت كلمتي اله وهوا كاتم صوتهه بشفته فتحت عيوني بصدمه وختل توازني حيل باد بس هوا لازمني بقوا غمضت عيوني بهدوء شعور غريب وكلشي صار غريب كانو واحد ودفعني من مرتفع ومنتضرا اوكع عل الارض ما احس غير بالرهبه ودكات كلبي فصل شفته عني وباوعلي فتحت عيوني بهدوء اباوعله بدون ردت فعل دنك راسه وهمس يم اذني
جاسر: ضكت طعم اول بوسه ماكو الذ من هيج.
ليال: همساته مثل التعويذه إلى وعتني دفعت من صدرا بقوا وبعدته عني هز راسه وفرك وجهه كانو نتبه عل نفسه وباوعتله وكتله بعضب، حقيررر ستغلالي اني صوجي امنت بيك
تركته وطلعت حتى ما اعرف شوكت راحت سجى واذا شافتنه او لا طلعت من الباب الخلفي ورجعت البيتنه جسمي كله يرجف
صار بوجهي سعد وعيونه ناار كال بسوال
سعد: وين جنتي
فخريه: وين جاانت يعني ماتشوفهه كاشخه ومتزينه اااكيد راح ليه والله يعلم شنو تسوي يمه.
ليال: كلت بعصبيه بيبي شنووو هذا الكلام ثمني كلامج رجائن
فخريه: يييي صيحي بعد صيحي على كبرتي وشمختي.
ليال: ضلت تصيح وتبجي ما احس غير سعد لزمني من شعري وضل يسب ويغلط ويحجي عن تحذيرا إلى انو ما اوصل ليهم ماكدرت ادافع عن نفسي لان قبضته عل شعري قويه اريد اخلص نفسي ماكو اسمع بس ميسم وماما يردن يخلصني داخلي يستنجد بليث بس ماكو اخر شي دفعني بقوا وكعت عل الدرج وراسي نطخ بال محجر حسيت شي نزل عل عيوني غمضتهم وبعد ما حسيت بشي غير السواد
تهتُ بينَ بينْ.
بينَ حبٍ. وكبرياءْ.
بينَ جفاءٍ. وعطاءْ.
بين خذلانٍ. ووفاءْ.
بين جرحٍ. ودواءْ.
ياترى أميلُ الى ايَ الكفتين.
فقد عادَ من بعدِ غيابْ.
جاءَ وصارتْ العينُ بالعينْ.
وصمتَ الكلام لتحكي هيَ ماجرى منذُ سنينْ.
يرتجي مني السماحَ ببريقٍ يتلألأُ بين المقلتينْ.
هل أُذيبُ جليدي ياترى واسمح ان يأتي الربيع. ام أُقابلهُ بالمثلِ وابقى اكابر ولا الينْ.
ويكون مكتوبٌ على قصتنا حينها. ان تنتهي. وتطوى ولايبقى منها الا الحنينْ.