رواية الشيخة ليال للكاتبة الوردة البيضاء الفصل التاسع والأربعون
غمض عيوني بديك الناعمات
و حَليّ حلمي،
آني أمنيتي أنام وانتَ يمي!
ميسم: كلللوووش
رحاب: هههههههه شبيج تخبلتي
ميسم: لاا حبيبتي اليوم عيد عندي واحل من كل الاعياد من خلصت من الامتحانات
رحاب: ي والله ههههههه.
ميسم: هههههه طلعت من المدرسه وي اخر متحان بس صدك فرحان والاول مرا بعد هاي الضروف بس ختفت بتسامتي ما اعرف ليش من شفت ابو رحاب هوا جاي عليهه مو باسل هوا جنت متمنيه انو اتشكرا باخر يوم عل تعبه ويانه سألت رحاب بفضول وخاصه إلى اعرفه انو هوا مريض، شنو باسل هيج وضعه سيئ
رحاب: ي والله شفتي البارحه من درسنه كوا فاتح عيونه بس اصر انو يدرسنه والصبح تركته نايم هم وصلني بابا.
ميسم: تنهدت الله يشافي يارب جنت حابه اتشكر منه عل تعبه ويانه امانه شكري عني
رحاب: ليش شنو ناويه تكطعين بيه حضرتج
ميسم: هههه لا اكيد شعندي غيرج نلتقي باقرب وقت نشالله
رحاب: نشالله تعالي نطيني بوسه.
ميسم: حضنتهه ودعتهه حاولنه ما نبجي لان احنه مستحيل نكطع ابعض سلمت عل ابوهه وراحت واني صعدت وي السايق وصلني للبيت، تذكرت شلون صوته جان تعبان البارحه وهوا يدرسنه ترددت اتصل بيه لفيت راسي ونمت لان راسي حينفجر من التفكير.
ماعرف شكد مر وقت حسيت كعدت حسيت نفسي جنت بغيبوبه غسلت ونزلت بتسمت من شفت هبه هي ويعقوب عدنه كل فترا يجيبهه تزورنه سلمت عليهه وبعدين رحت للمطبخ وساعدتهم بصب العشه جانت لمه حلوا بس تبقى ناقصه اتمنى يجي يوم واحنه البيت الثلاثه كلنه نلتم عل سفرا وحده
بعد العشه كعدنه كعدت بنات رغم ليال عدهه متحانات وهي اصلا لسه تفصل وجودهه مثل عدمه مخلصتهه صفنات بس نحاول نطلعهه من المود...
وفجئه انفتح موضوع فصلني اني هم بعد ما فاجئتني هبه بموضوع اخوها عتذرت منهه بس هي اصرت انو افكر بالموضوع واخذ شوكت قبل لا ارفض وهذا جان رئي ليال ماردت اخجلهه بس اني ماخذه قراري واعرف ماراح يتغير اني حب ما فلحت بي مو النوب عاد زواج تقليدي.
بعد ماراحت وقبل لا انام اتصلت برحاب وكل عاده اول ما لاحضت على ضايجه حجيت الهه كلشي ستغربت انو هي هم ضاجت وما شجعتني مع انو كل ما اكولهه موضوع الزواج شلته من راسي ترزلني توقعتهه راح تاكل راسي بس لا بالعكس والحمدالله عل هذا الشي هههه...
ترددت اسئله عل باسل مع انو عل طول كلامي وياها منتضرتهه تجيب سيرته لانو كلش متمنيه اعرف وضعه بس خجلانه اسئل وهمات خجلانه اتصل بي دراسه وخلصت سديتهه وياها وبقيت اتكلب بفراشي لحد مخمدت
ثاني يوم كاعده عل التلفزيون بالصاله ماله لانو ليال عدهه متحانات باقيه بس اني افتر بالبيت كمت قررت اطبخ رغم الاعاقه بهاذ الموضوع دخلت سويت حلويات باشراف ماما طبعا
واكفين ودخل ليث
ليث: اويلي عل ندارا.
ميسم: باوعتله بغرور ضحك، من الملل
ليث: امس تتلاطمين من المتحانات كعدتي نص يوم بالبيت صار ملل
ميسم: يي وانتم مشغولين حتى سعد ومرته صارو ما ينزلون هواي، تنهد وسكت لانو سعد من يوم إلى صار وهوا تقريبا حابس نفسه بالسوت مالهم ومرته وجاهله هم مو هواي ينزلون باقين بس انه وفخريه بالبيت
ليث: تركو براحته، ونتي روحي بدلي تعالي وياي لا تاكلين راسنه
ميسم: ببتسامه وووين.
ليث: رايح اشوف باسل مريض ونتي غيري جو يم صديقتج
ميسم: ختفت بتسامتي من سمعت اسمه يعني لسه مريض تنهدت وهزيت راسي صعدت بسرعه بدلت ملابسي ورتبت نفسيوونزلت ليث يتأفأف ويدردم بس بالي مو يمه فتحت تلفوني ردت انطيهه خبر بس ستغربت انو باسل داك على اكثر.
من 100 مرا واني خالته صامت وبالغرفه ما اعرف ليش توترت حتى كلبي صار يدك بسرعه ليش هيج متصل هواي شنو يريد مني او اذا بي شي هذا السوال إلى ضل يتردد ابالي لحد ما وصلنه.
طلع ابو ستقبلنه دخل ليث للستقبال واني دخلت للبيت ستقبلتني رحاب وامها طارو بيه شوي وصعت انطته خبر نزل باوعتله شكله تعبان بس بس نضرته إلى هي نفسهه ما اقاوم ابقى اباوع بعيونه وقت طويل وحاسه انو نضرته اليوم غير عن كل مرا بيهه غضب وخزرا دنكت راسي افرك بسير الجنطه حتى نبه صوته من سلم على هل مرا تختلف رديت عليه ببتسامه وتحمدت اله السلامه وراح بعد ما صاح الرحاب ورا رجعت جايبه التقديمه شوي.
واصرت انو اصعد وياها الغرفتهه رغم اني خجلانه نترك امها كاعده ونكوم
ام باسل: كومي وياها حبيبتي اخذو راحتكم
ميسم: بتسمت وكمت اكرص وارزل بيهه دخلنه الغرفتهه، لج انتي غبيه شلون هيج تخجليني كدام امج شكد عيب كمنه وتركناها
رحاب: ماكو عيب حبي مالج علاقه اني نازله اجيب التقديمه مالتج تركناها عل الطاوله
ميسم: بسبب حضرتج غير
رحاب: هههههه راجعه.
ميسم: ولي، طلعت واني وكفت اباوع من الشباك شوي وسمعت طكه الباب درت وجهي وفزيت من شفته ورايه كتله بتوتر...
باسل رحاب نزلت من اشوي اصيحهه الك اجيت افوت صار كدامي قاطع الطريق على مسافه مني باوعتله متفاجئه ارمش بعيوني واحس كلبي صارت دكاته مسموعه وهوا شكله رغم تعبان بس احسه معصب مني فرك وجهه وكال.
باسل: ليش ماا تردين من الصبح وانه حااارك التلفون عليج اعررف خلللصتي متحانات وبعد ماكو داعي الحجي بينه بس كولللي هذا البشر يمكن عنده شي مهم يرريد يحجي
ميسم: رجفت ايدي واحس جسمي عرك من التوتر واني اشوفه شلون ينتر بيه بعصبيه، بلعت ريكي وكتله، ااسفه بس تتاركته صامت بغرفتي من الصبح واني جوا، غمض عيونه واخذ نفس فتحهه
باوع بعيوني بتركيز بنضرته إلى خربت توازني كال بصوت خافت مبين بي التعب.
باسل: انتي ليش هيج بدون حساس
ميسم: ضليت ارمش بعيوني، هااا
باسل: معقوله انتي مو ملاحضه شلون متعبتني
تررا تعبت وربج وكل الطرق فاشله ويااج معقوله اني هيج ماعندي شخصيه تلفت نتباهج
ميسم: بكلبي كلت، معقوله شاك بيه معجبه بشخصيته ويريد يسحب الساني بس لا اني حتى الرحاب ما حاجيه عنه بس اسمي ابو الذوق كدامهه عزززا بس كلاته الحماره وضايج وجاي يعاتبني، رجع نار بيهه فززني تفكيري من كال.
باسل: بعدين تعالي منوو هذا لؤي الصخام الجديد إلى طلعلي النوب
ميسم: صفنت بوجهه متفاجئه، هوا يحجي بحركه واني ابلع بريكي يمكن اذا طولنه راح يغمى على احسه ماخذني رهينه وجاي يحاسبني بس شدخل لؤي بالنص ستغربت...
باسل: ليش صافنه هيج بوجهي، اااحجي منو هذاا
ميسم: لليش قصدي ليش يعني شدخلك. عضيت شفتي من الجفصه، لان خزرني كال.
باسل: تدرين لو احترامي لخوج الجوا وهاي مو اخلاقي احجي بهاي الطريقه بس حضرتج ما نطيتيني حل ثاني بس لو اكدر ادنه يمج هسه جان علمتج انه شدخلني بس لازم حدود ما ابتلي بيج، فسمعي الكلام مثل الشاطرا لان صبر بده يخلص وياج
و هذا الاخ بس ترررجعين البيتكم تتصلين باخته وتعتذين منهه
ميسم: نرفزتني طريقه الاوامر الحجه بيه، كتله، ليش حضرتك ولي امري وتأمرني.
باوعلي رفع حاجبه وتقرب مني بتوعد جمدت بمكاني عل بعد خطوا نحنه على عاض شفته رافع ايده عبالي راح يضربني غمضت عيوني ثوني ما حسيت بصربه فتحت نص عين اباوعله كال كالب عيونه...
باسل: بس السان يرش ما بيج هده...
ميسم: تراجع خطوات للباب وقبل لا يطالع باوعلي وكال...
باسل: سوي الكتلج عليه ميسم لا لؤي ولا غيرا انتي إلى جنت منتضر تخلصين متحانات.
بعد النتائج اتقد بس مادري من طلعلي هذا فرفضي انتي لا انه احجي وي ليث وافهمه وضعي انتي ما وراج حساس كافي تحملت مرا تختارين الحلقه كدامي بس هسه لا
ميسم: كال الكلمه الاخير حسيتهه بقهر وطلع
واني واكفه لا اخذ ولا انطي كال الكلام دفعه واني لسه اريد استوعب كلمه وحده، انتي إلى لسه كلبي مختل توازنه بسببهه ومحتار بمعناها.
معقوله هذا نفسه باسل إلى استحي اصد بوجهه ودائما احسه يباوعلنه اني ورحاب مثل طفلات وبعد إلى اصار وياي ولطافته حسيته شفقان ومكسور خاطرا على ودائما من اشوف و
اناقته واسلوبه بالكلام والتصرفات افكر انو شلون راح يكون شكل الانسانه إلى راح يختارها زوجه اله اكيد راح تكون هيج مثله شخصيه وراكزه يعني وتنافسه باالشخصيته والجمال.
بس انو اكون اني ويكول هذا الكلام إلى هذا إلى ما توقعته ابدا ولا جاي استوعبه اصلا بقيت اهفي عل وجهي وريكي يبس ودكات كلبي احسهه مسموعه.
طلعت ورا بثواني لكيت رحاب بالباب متردده تدخل خايفه مني خزلتهه ونزلت وهي وياي دكيت عل ليث بدون ماينتبهون شوي وصاح النه ودعت امه ورحاب إلى تباوعلي مثل الطالب المنتضر عقابه بس اني ويني وينها هسه حتى معدتي لوتني من التوتر طلعت مدنكه راسي ومن صعدت بالسياره وبعد ما ودعهم ليث لمحته طلع ورانه لاف نفسه من البرد باوعلي درت وجهي بسرعه.
مشينه وطول الطريق كل شوي ليث يسألني شبيج لو يحجي واني صافنه او ما وصلت صعدت الغرفتي ركض شلت الغطه ونمت جوا احس بردانه وجسمي كله يرجف وكلبي يدك بسرعه من نعاد على الموقف إلى صار هوا وكل المواقف إلى صارت بينه تزيد دكاتي واني اتخيل المواقف وي كلامه هسه وانو جان يباوعلي بغير نضرا ومشاعر غير من ينطيني الورد من وياهم نضراته من يباوعلي خوفه ولهفته وغيرته من جارهم ويوسف من جان يشوفه وياي كلامه عل ملابسي كل هذا عزززا كل هذا واني مو منتبها مالفتني غير اناقته وشخصيته ولا مرا فكرت بي هيج يعني كل عقله يريدني اتزوجه والله هوا حسافه بيه.
ضلت اسولف وي روحي مثل الخبله لحد ما سلهمت اريد اغفه وكعدت مفزوعه سحبت التلفون دزيت رساله الهبه عتذرت منهه
لا يروح يسويهه ويحجي وي ليث وقتهه وين اطم روحي ذبيت نفسي عل سرير اباوع للسكف
حياتي كل ما اكول تنحل تتعقد اكثر اااووف...
بان: اباوع الهه من ربع ساعه كاعدين بالحديقه وهي صافنه طلعت التلفون اصور بيهه شلعت ورق شجر وشمرته عليهه فزت وباوعتلي ببتسامه ونزلت التلفون من ايدي، وين صافنه.
ليال: هيج الجو حلو، ي شلون جان الامتحان مالتج
بان: ممم زين وانتي
ليال: عل الله ههه، يالله كومي اجه السايق هسه.
بان: هزيت راسي وطلعنه للبيت من اسبع بدت متحاناته بعد الهبطه إلى اكلتهه بسبب جاسر بيوم إلى رجع بهاي حالته واني وماما وكع كلبنه وقتهه بجيت وكانو اليوم بابا تركنه بس الحمدالله انو عدت عل هيج وهسه احسن بهواي بس ما يقبل يكول شنو السبب حتى ليال تكول ما اعرف بس اني ادري بي هوا محذرهم مايردنه نعرف تنهدت وصلنه للبيت تفاجئه.
من شفت جاسر واكف بالباب مبين عصبي ويدخن وكفت السياره يم الباب نزلت بس هوا عيونه مسلطه على بداخل السياره وهي ما نتبهت لحد ما وكفت السياره كدام بيتهم ونزلت وهوا عيونه وراها واني واكفه اراقب نضراتهم لبعض وهي هم من نتبهتله وكفت دقايق والشوق البعيونهم فضحهم من يوم ما اجو من بغداد وهما ما ملتقين بس اخباره اول باول توصلها مني وهوا يسأل عنهه بعيونه لو بعابر الحديث عن الجامعه يريدني اجيب سيرتهه بس اني اغلس جاي يكابرون عل حبهم...
من دخلت فرك وجهه بعصبيه ودخل ومن دخلت للبيت نصدمت بالموضوع إلى معصبه، تردد اكول اليال لو لا بس والله كلبي ما ينطيني وخاصه عدهه متحان
تنهدت وبتسمت عل الفيديو إلى صورت الهه تغيرت هواي صايرا هادئه كلش وجاسر اضرب منهه...
ردت اشوف ردت فعله خليت الفيديو ستوري وسوستهه تاك. كتبت لولايتي، علقت على.
اتصلت بيهه جاي نسولف وتصل جاسر كتلهه لحضه ليال سكتت بش ما علقتهه دخلته ويانه عل بالمكالمه ومثل ما توقعت ما نتبه اجاني صوتهه المتكهم كال وجنت متوقعه متصل علمود هذا الشي
جاسر: شنو هذا استوريج مسحي
بان: اي واحد بيهم
جاسر: بااان تعرفين عن شنو احجي مسحي الزفت الفيديوو
بان: ما توقعته هيج راح يعصب
ليال: مسحي بان اضاهر وجودي حتى بالستوري مالج صاير مزعج حتى حضريني اذا يريد.
جاسر: ااانتي نجبيي بالله ولاتجفصين لا اجيج
ليال: لتغلط
جاسر: ااغلط واطيح حضج هي حسابهه مابي احد ااانتي شكو تخلي وحسابج لام الشامي والعامي
بان: كتمت ضحكتي يعني هوا ما ضاغطه لان خالته بحسابي بس لان صار بالستوري مالهه اذا اني احذفه ينحذف عدهه رجعت استمع للعركه لان نسو نفسهم
ليال: ونت شكو بحسابي الخاص اني اعرف منو ضايفه
جاسر: هه منو مدخل كلامي موجه البان
بان: خلص خلص والله راح امسحه لتتعاركون.
ليال: اذا مسحتي نتنتهي علاقتي بيج
جاسر: شلون تريدني اكسر راسهه
ليال: اعتقد كلامي موجه البان مو الك
جاسر: اااه ماشي لاا تمسحن اريد اشوف منو يخلي حساباتجن لا للصبح
بان: لااااااا دخيلك اله حسابي هسه امسحه
جاسر: يالله ولي
ليال: حقير المافيه
جاسر: اكصه هذا لسانج نشالله
ليال: ننننن
جاسر: ما الومج طفله وياهو ليجي يلعب بعقلج
ليال: والطفله ما عليهه حرج خليت العقل لهل العقل
جاسر: الاعتراف فضيله، صدك انتي ماعندج عقل.
ليال: يي لان حبيتك
جاسر: اااخ لوو الزم السانج هسه اله اكطعه بسنوني
بان: احم احم نحن هنا
جاسر: ستغفر الله اطلعن الواحد من طوره
بان: تناكرو وسدو الخط بوجهي واني حاطه ايدي عل خدي هزيت ايدي مخابلي وربي مسحت لستوري شوي ودزلي رسليه إلى بس لا تكليلهه ضحكت، كتلهه شكد تدفع وما اكول
جاسر: التردينه بس خلصيني.
بان: ههههه اوك، دزيته اله وتنهدت ما اعرف شلون راح يخلص من هاذ الموضوع لان اعرفه مستحيل يسوي إلى تريده ماما وهذا المريحني.
من شفت مناكرهم تذكرت ليث إلى مقاطعني بسبب الامتحانات بس يكعدني برزاله الصبح علمود اقرا ورا ما ارجع يراسلني يسأل شلون جان الامتحان وما يزيد شي ثاني يكلي دراستج صعبه ويضل يردد خلصي وعندي الج هديه وهسه منضرا اخلص متحانات بفارغ الصبر علمود الهديه تنهدت وطلعت حسابه اكلب بالصور ااف شوكت اخلص وارتاح مشتاقتله...
بان: مر يومين الوضع هدوء لحد ما رجعت من الجامعه ونصدمت انو ماما وجاسر مجهزين نفسهم بقيت واكفه وارمش بعيوني جاسر كاعد وبس يدخن ومبين عل اعصابه يريد ينفجر
ام جاسر: يي زين اجيتي عل وقت يالله جهزي نفسج
بان: ما اروح
ام جاسر: يييي مووو هيي بكيفج ما ترحين
ترحين غصبن علللليج
بان: ماماا تعبانه وعندي متحان ماا اريد ااروح
جاسر: تركيهه براحتهه ااصلا ما راح نبقى.
بان: هه لاا ابقو ولو ماا ترجعون احسن بعد اني اخلص متحانات والحكم
ام جاسر: سدي بوزج ادبسزز.
بان: بعد ما تحملت اضم ابكلبي اكثر تقرربت وكفت كدامه وكتله بقهرر، جان راح تموت علمودك بدون اكل وبدن ما تحجي ول كلمه عتزلت الحياه مو حب يوم ويومن جنت سالفتهه من الزغر تكعد تاكل راسي بيك وهي توصفك وتتغزل بيك بلهفه خمس اسنين وهي تحاول تتفن بقايه هاي المراهقه بكلبها بس رجعت انته وجريتهه عل الدرب وعيشتهه بحلم وردي وبسبب غلطه من خوفها عليك بعتهه وتخليت عنهه...
حجيت بحركه كلب وهوا يباوعلي صافن عل كلامي ما اعرف بشنو يفكر سحبتني ماما وضربتني وتغلط على وعل ليال لان جاي ادافع الهه وهوا تخبل سحبني ورا وعلك الصياح هوا وماما تركتهم وصعدت جسمي يرجف من القهر والله تتخبل اذا سمعت ما جنت متوقعه راح يسوي هيج ويوفق ماما ويروح وياها. اوف تخيلك ياربي كوم ما يغلط هاي الغلط ويندم بعد فوات الاوان...
ليال: بعد ما رجعت من الامتحان صعدت بدلت ونزلت جانو الكل كاعدين كعدت يمهم اريد احاول ارجع لوضعي الطبيعي عل اقل ما يبين على والعالم تباوع على بهاي النضرا مال الشفقه إلى اكرها بس مو بيدي مالي نفس شي، كاعده وجانت الكعده هادئه وسوالف بسيطه لحد ما نكسر هذا الهدوء بدخله مرت عمو إلى فاجئتنه كلنا واكيد دخلتهه شنو معروف وراها لازم ازمه.
وجانت هاي الازمه من نصيبي دمرت كلشي بيهه من كالت بعد السلام الشماته مبينه بصوتهه
ام جاسر: ادري فاجئتكم بجيتي بس كلشي بس احنه اهل وجاسر ماله غيركم تبقون اهله ورفعه راسه وانه اليوم جايه حتى اطلب منكم طلب واتمنى ما تردوني وتخجلوني
ابو سعد: كولي ام جاسر ما عاش إلى يردج احنه حاضرين.
ام جاسر: تسلم ابو سعد وانه طالبتك رفعه راس الجاسر بين خواله بمشيته عل بت اخوي ادري الموضوع بي صعوبه عليك بعد كلشي صار بس بعد كلشي قسمه ونصيب ومثل ما كتلك انته جبيرنا وجاسر ماله غيركم
ليال: صح واكفه وصح ما نطيت اي ردت فعل رغم انو الانضار كلهه صار على بس احس كلبي مثل الفحمه وهسه شعلو بيهه النار صار يلسع بيه ويجوي كل ذره بيه.
واني احاول ما ابين حتى احافض عل كرامتي كدام نضرات الشماته البعيونهه مو بس بينه كلنا وكانو ابنهه مسوي انجاز من كسر بيه شكد تمنيت بهاي اللحضه انو تعرف انو سعد هوا إلى طلكني منه هه هسه صدك كدر ينفذ تهديده من كال ادمرج يدري انو نقطه ضعفي. هوا وستغلهه عدل بس بكلبي مايرضه يقتنع انو هوا يسوي بيه هيج، وحتى عقلي يكلي لا تصدكين هذا جاسر مو اين كان...
قررت اطاوعهم بكد الحب إلى احبه اله راح اثق بي هاي المر حتى اذا نكسرت هاي الثقه يعني ينكسر حبي وما يبقى منه شي وقتهه وروح جدي إلى جمعني ادفنه بكلبي وحتى اذا حن عليه اتبرا منه واموته بيدي...
بلعت ريكي وباوعت اليث إلى ناطه عروكه وبابا إلى يباوعلي بقهر ولمحت الحنيه بعيونه باوعت المرت عمو وبتسمت بتسامع مصطنعه ورفعت ايدي، وهلهلللت باعله صوت عندي الكل تفاجئ حتى هي كتلهه، اكيد نحضرله ونرفع راسه.
ليث: اااانت شتحجين
ليال: احجي إلى راح يصير ابن عمي وفرحانتله شبيكم وانت بابا اكيد راح تروح وياا وحتى ليث هم واني وميسم وماما وبيت عموو. لو هوا مو ابنكم اذا ما وكفتو وياا بهيج يوم شوكت توكفون
ام جاسر: وهذا إلى اريد اكوله مالنه غيركم واريد وكفتكم وياي
فخريه: عشتوو واحنه شكو بخطبه ابنج هسه صرنه اهلل من الحيه طلع الهه سنون
ليال: بيبي، روحي عمه واحنه وراج جايين
ام جاسر: اكيد يعني ننتضركم.
ليال: انه شيخه هذا القصر ونطيتج كلمه مايصير خاطرج اله طيب، ما عجبتهه كلمتي هزت راسهه وراحت وانه قبل لاا ينهدون بيه كتلهم، إلى كلته راح يصير جاسر اني طلكت منه مو هوا طلكني وانه لازم نوكف ويا لو نسيتو السوا وياكم طلع راسكم من الطين وضحه بنفسه ومن حقه يخطب ويتزوج واني بنفسي راح اروح واباركله وانت بابا هم هذا واجبك انت شيخنه وجبيرنا حتى هذا الحق هوا نطاك ايا
ليث: ماكو داعي ترحين انتي.
ليال: لاا اريد اروح هاي وصيه جدو اني الشيخه ولازم اجمع ما افرق، بابا هز راسه وليث بقى يرزل بيه وعصب تركته وصعدت فتحت كنتور ما هان على البسله اي شي سحبت لفستان وهاي اللحضه بس إلى سمحت لدمعه اطيح من عني من تذكرت من هدا إلى وكال اذا تحبيني وقابله بحبي لبسي، مسحتهه بسرعه راح البسه لان قابله بحبك وبعذابه وكلشي منه.
لبسته الفستان ناعم ضيك مغطي الركبه ومن مكشوف الصدر والردن نازله عل الكف بلون ذهبي وتطريز بنفسجي يناسب قوامي إلى صار مثالي بعد ما ضعفت رفعت شعري بخصل مبعثره نازله وحمرا بنفسجي وخطيت عيوني برزتهن، طلعت غلاف لشخصيه مثاليه مبرزه بالقوه لفيت شالي ولبست عبايه فوك ملابسي ونزلت منتضريني ااااكره نضرتهم المليانه شفقه طلعو كدامي واني وراهم قبل لا نفوت اخذت نفس واني ادعي ربي يقويني وما انهار عل غفله.
بان: كاعده اباوع الهم بغيض ماما إلى تتحرك وتجهز بعد ما رجعت من برا ما اعرف وين راحت اول ما صعد جاسر يبدل ورجعت مبتشرا، لحضات ونزل جاسر نمرد كلبي من شفته شلون كاشخ بالدشاشه والغترا وادق التفاصيل اول ما نزل ندك الباب باوعلي بستغرب راحت ماما فتحته بقينه مصدومين اني ويا واحد يباوع عل الثاني من إلى شفنا كدامنه بيت عمو لا ومنو ليال هم وشطالعه بت اللذينه تكول عرس ابوها...
. تمنيت اختفي ولا اشوف منضرهم هذا من لتقت عيونهم اواحد سرح بالثاني صار سبوع ما ملتقين هيج وهسه نضراتهم نملت شوق ونست هما باي وضع ردت اهون عليهم هاي اللحضه رحت سحبتهه من ايدهه الغرفتي وتركت جاسر يستقبلهم ويخزر بماما ما توقعتهه بهاذا الحقد وهيج توصل درجه...
فوتته الغرفتي باوعتلي وكتفت اديهه.
ليال: شوكت جنتي ناويه تكليلي من تدخل البيتكم عروس، بس تدرين يالله مو ما راح اعاتبج لانو اني حالين فري استقبل اي شي وما عاد اي شي يصدمني وامج قامت بالواجب
بان: ااانتي كل عقلج إلى جاي اتسوي رايحه وياا المشيته
ليال: يي ليش شنو الغلط بالموضوع ابن عمي ولازم اوكفله وهاا راح اركص هم، نزعت عباتي والشال ورحت للمرايه اضبط شكله كتلهه، يالله بدلي لاتاخرينه تعرفين الطريق طويل.
بان: خرررب هاي شمسويه انتي اكيد تخبلتي وعقلج فاصل حاليا ما اخليج ترحين والله
ليال: باوعتلهه بتسمت بهدوء ما مسويه هيج حتى اغورا لو الفت نتبها بان إلى بيني وبين جاسر ماراح احد يفهمه وصدكيني اي إلى كان راح يصير اليوم اله نتيجه وحده راح تبين، وانه ما تخبلت لاتخافين يالله بدلي.
بان: لاوالله تخبلتي، كلت هيج ونفتح الباب بعصبيه دخل جاسر وعيونه شايطه بس من شاف هاي الطالعه كانو لعابه انتيكه كدامه برد وسبل عيونه مصدوم حتى تسارع انفاسه لاحضته وهي ولا كانو شافته اخذت ملابسي وسحبت نفسي للحمام حتى ياخذون راحتهم واني ادعي يحلون هذا الخلاف إلى بينهم...
جاسر: شنو قصدج بهاي الحركات.
ليال: اباوعله صافن على وعيونه للاسف فاضحته وهي تسترق نضرات الاعجاب سأل بغيض، كتله، اي حركات قصدك انو اريد احضر شلون راح تاخذك غيري
جاسر: هه وبكامل اناقتج ختيار موفق
ليال: شلون لعد بما انو هذا راح يكون اخر لقاء بينه قبل لا اتحرم عليك كلت ما اخلي بنفسك لاتنسه عقد المحكمه هم منطي عليه كلمه
اباوعله عيونه شتعلت نار وعروك ركبته نطت
كال ابرود وتسلط.
جاسر: لياال لاتلعبين بالنار احسلج ولا تحاولين تستفزين مو انه الينلو ذراعه انه اسوي لبراسي وبس.
ليال: تقدمت بخطوات بطيئه عليه وكفت كدامه اعدل بالشماخ ماله حسيته يحارب داخله حتى ما يضعف بهاي اللحضه بس للاسف لمحت تغميضت عيونه السريعه وسحبته النفس من عطري اما عن حالي روحي ترجف تريد حضنه بتسمت بداخلي من الفرحه انو لسه تاثيري عليه قوي رغم هذا الجليد إلى يعاملني بي، تنهدت وكتله بعد ما رفعت راسي و خليت عيوني بعيونه...
لاا اريد العب بنار ولا الوي ذراع، بس عندي ثقه انو مراح توصلني المرحله راح تصب على نفسي، لانو وقتهه صدك وروح جدو راح اكرهاك بلعت الغصه وكتله، ومبروك مقدما
بقى يباوعلي بنضرات إلى ما تعكس تفكيرا ولا شنو اباله صافن بيه وبكلامي وبس سحبت شالي والعبايه، قبل لا اطلع كال
جاسر: ماكو روحه ويانه.
ليال: خاب ضني جنت منتضرا غير كلام ما رديت عليه طلعت لبست الشال والعبايه واني منتضرا اعرف شلون يمنعني والله اروح ولا ابقى اموت من الانتضار والتفكير هنا...
أنطي بيك وگلبي ماينطيني
تموت عيني وما تموت بعيني.