رواية الشيخة ليال للكاتبة الوردة البيضاء الفصل التاسع عشر
عيونچ ديرة مال حجار
ياهو الشافهن يعثر
بان: الدوام صار يخنكني اكثر من مرا اشوف هذا حتى لنسيت اسمه كدامي ويباوع على من بعيد لبعيد الحمدالله مبين محترم وما حاول يزعجني بس وجوده حوالي شي مزعج بحد ذاته جعنه من الدوام اول ما دخلنه للبيت لاكاني جاسر بتسملي تقربت سلمت عليه كال
جاسر: شو مختفيه صاير مااشوفج حتى عل الاكل
بان: انتي ما مموجود او يمكن لان القصر جبير
ما نتصادف
جاسر: لا انتي لكيتي اصحابج.
بان: كال هيج هيج يسمع ليال التمشي وراي باوعتله بغرور وفات عيونه راحت وراهه ببتسامه هواي جاي ستغرب جاسر وضعه متغير 180 درجه يارب إلى ابالي يكون صحيح. باوعلي كال
جاسر: محتاجه شي
بان: لا سلامتك
جاسر: تمام انه طالع هسه من ارجع نكمل كلامنه
بان: ي نشالله الله وياك، مشى باوعت ورا مبتسمه ماكو احد يعرف حنيته بكدي درت وجهي ليث واكف بالباب تقدم علي
ليث: اضاهر وجهج ما يضحك بس الجاسر.
بان: ضحكت عل كلامه مبين كلش مغتاض، ليش شوكت مكشرا بوجهك
ليث: كولي شوكت ما مكشرا
بان: قصدك اني نفسيه صايرا مو
ليث: يعني تقريبا او يمكن بس وياي
بان: هههههههه
ليث: فدوا
بان: هاا
ليث: حم لا ماكو شي يالله فوتي
بان: دخلت الضحكه شاكه حلكي هوا واني ما اضحك من كلبي غير وياك بس انت خبيث وما تشوف احجي بكلبي ماما كاعده خزرتني صعدت الغرفتي ركض اخر شي اريده اتصادم ويايهه.
ليال: بعد ما رجعت من الدوام بدلت ونزلت اصب غده واكفه بالمطبخ وسمعت العياط طلعنه عل الصوت بيبي فخريه وعمتي ام جاسر صايرات ملاطش بالحجي
فخريه: مااا فاتحه القصر فندق رجعي البيتج لا تشوفين شي ما يعجبج انتي وابنج
ام جاسر: وووالله البيت بيت ابو مثل ما هوا بيت ولدج واكعد هناا لحد ما جاسر هوا يقررر
ليال: صلو عل النبي شنوو صاير شبيكم
فخريه: سكتي انتي لا تدخلين كله بسببج سحبتي وراج و جابهم واجه كعد عل كلبي.
ليال: هاا بيبي انوب درتي علي
ام جاسر: ابني يمشي برايه مو ورا النسوان مثل ذيج العالم
فخريه: منوو قصدج بذيج العالم هاااا
ام جاسر: قصدي التعرفينه
فخريه: سمعووو وشهدوو جاي تهين الشيخ ابيته ولج انه اعلمج اشلون تهينين ابني الشيخ اليوم اله افتح راسج وارجعلج عقلج.
ليال: وحده ترفع وحده تكبس ماما لازمه بيبي واني واكفه يم مرت عمو وما اشوف بيبي غير كالت هيج و لزمت وحده من المزهريات إلى عل الطاوله وشمرتهه عل مرت عموو مديت ايدي بسرعه وضربته بقفى ايدي بس شنو احس اعضام كف ايدي تفلشت عطت من الوجع و ستغلت الموضوع وسويت نفسي مغمى على ماعرف وين الربط بالموضوع بس ردت تخلص قبل لا يجون وتعلك نخبصو بيه اسمع كلامهم مرت عمو راح الغرفتهه تهدد بجاسر وبيبي ابابا صار هدوء وختفه صوتهم فتحت عيوني ماما وبان عل راسي خطيه يباوعلي بقلق كتلهم.
ههههههه هاا خلصت، عرفني اجذب ماما خزرتني وبان ضربتني بالكوشه
بان: طاح حضج وكع كلبي
ام ليال: ما تكبرين ابدا
ليال: ي شسوي ما شفتوهم، اااخ ايدي، اباوع الهه مجرحه وتاذيني
بان: ياا اصاير بيهه تعالي خل نضمدهه، بس الحمدالله بايدج ولا بامي
ليال: طاح حضج
بان: هههههه مو قصد بس لو ضاربه ماما تعرفين شيصير بعد.
ليال: يي جان اخوج وفخريه اليوم لعبو مصارعه حرا بنص القصر وتسوين فضل اذا رحتي هديتي امج لا من يجي تحجيله الفلم الهندي وشيخلصنه
بان: احاول بس ما اوعدج اكدر اسكتهه
ليال: والله ثنينهم نفس النمرا خل اكل واكوم انام وما اكعد اله باجر واحاول انخطف حتى ما المهم ما ارجع للبيت هههههههه
بان: خذيني ويااج هههههههه.
ليال: ضمدت ايدي صح نحشش عل الموضوع بس اعرف جاسر ما راح يسكت صبيت غدا تغدينه عيوني قفلت صعدت نمت عل امل انو اكعد الكه المشكله خلصانه.
رحاب: شبيج ميسم اليوم حالج مو طبيعي
ميسم: لا حبيبتي ماكو شي بس شوي نعسانه
رحاب: ي مبين عيونج حمر وتعبانه، اااف
ميسم: شبيج انتي هم
رحاب: ضايجه لانو باسل يريد يسافر
ميسم: من جابت سيرته رجف جسمي، كتلهه
ليش.
رحاب: ما اعرف هوا البارحه جان كلش ضايج وما رجع للبيت اله وجه الفجر والصبح كال يريد يرجع يسافر فترا ماما وبابا ما قابلين تعرفين بابا يعتمد عليه بكلشي وجان منتضر شوكت يرجع يستقر هنا حتى قبل فترا جان مفكر بالزواج لو تشوفين فرحتنه ما اعرف شنو غير رئيه هسه
ميسم: روحه باله رده حجيت بكلبي، كتلهه، الله يرجعه بالسلامه
رحاب: ي نشالله.
ميسم: خلصنا دوام طلعنه ننتضر السايق شوي وكفت سيارته درت وجهي ورحاب سلمت على رحاب وراحت ما احس غير نزل من السياره واجه بتجاهي وكف كدامي باوعتله ودرت وجهي بس دمي فار لازمه اعصابي ما اثور بوجهه كد ما حاقده عليه كال
باسل: باوعيلي خل احجي اوياج
ميسم: كتفت ادي وباوعتله، ليش بقى شي ينكال
باسل: ي اكو اكو انو انه جد مو لاكي طريقه اعبر بيهه عن اسفي
ميسم: انت شايف إلى سويته بيهه شي عادي.
باسل: اهم شي النيه ونيتي صافيه لو اموت ما اأئذيج والي صار خارج عن اراتي صدكيني كتلج ما كدرت اتجاهل رسائلج او تحتاجين شي وما اجاوبج
ميسم: بقيت صافنه ياربي هذا شحجي وياا، يعني انت كل الراسلوك صديقات رحاب ساعدتهم
باسل: ي مو ماعندي شغل وعمل غيركم
ميسم: لعد شمعنااا ااااني...
باسل: دائما تراسلين بوقت متاخر او وي رجعتي من الشركه وهموم الدنيا عل راسي فا اكعد اسمع لسوالفج حتى لو جانت على وشكد تضوجيني مني بس ممتعه
ميسم: دنكت محرجه
باسل: انه اعتذر مرا ثانيه وما راح انتضر تعذريني واي شي كلتي عتبري حجيتي وي نفسج واذا عل الصور يشهد الله ما شفتهم بس بعد لادزين صورج الاي احد من صديقاتج حتى رحاب واذا على راح اخلصج مني راح اسافر، بس ممكن لا تكرهيني هواي شو باوعيلي.
ميسم: رفعت راسي باوع بعيوني بتسم بهدوء وراح، عيوني بقت ورا لحد ما صعد وحركت السياره اجه السايق صعدت بقيت طول الطريق افكر بكلامه وتذكر شنو جنت احجي وياا شكد اجفص وشكد جان يشرحلي ويدرسني و من اسئله عل شي يجاوبني رئيه يفيدني بس من احجي عن يوسف يسكت والخبيث جان يرزلني واسكت عبالي رحاب هوا اني ليش تسكتتله مو جنت ناويه اتعارك ويا وهيج انفجر بوجهه بس اسلوبه نساني شنو ردت اكول اااف.
هبه: كعدت الصبح جهزت نفسي وهوا هم بس هوا ينافخ وما عاجبه اروح نزلنه وجانت امه كاعده دارت وجهه عنه مبينين متحاجين بعد إلى صار وزعلانه منه طلعنه بالسياره ساكت شويه وكال...
يعقوب: تتاخرين
هبه: لاا عل الجمعه
يعقوب: لا يومين كافي
هبه: باوعتله ارمش بعيوني، بس اشهر مو شايفتهم
يعقوب: ي تصالحو هسه وكل فترا روحي
هبه: بتسمت. خلص يومين يومين
يعقوب: مو كانو هواي.
هبه: ههههههه لا مو هواي، وصلني الاهلي ودخل سلم وراح ما قبل يبقى اول ما لتقيت بخواني نسيت كل الزعل وهما طارو بيه ومن شفت بابا شلون مريض وتعبان كلبتهه مناحه وشفت بعيونه الندم اني سامحتهم لان بدونهم حسيت نفسي ناقصه وهسه اسعد انسانه بالدنيا حسيت قدري واخيرا بده يضحكلي...
بان كاعده بالحديقه انتضر جاسر طبعا بعد ما اجه وكلتله ماما على صار بقى رعد بالبيت بيبي فخريه بقت بغرفتهه حنست بس تعارك وهوا وعمو لانو ماما زودت بهارات شوي وحسسته انو هما مأذينه وهوا تخبل وشتغل التهديد مال بعدين طلع ولسه ما رجع اجه صوت من وراي
ليث: دخلي الجو بارد شنو جاهل وتنتضري حتمال مايرجع الليله.
بان: يحجي بضوجه هوا هم تلاطش ويا وشوي لان جاسر هواي تجاوز عل عمو وليث ما قبل بهذا الشي وما اعرف شوكت راح تخلص هاي المشاكل، كتله، ما اكدر انام وهوا برا
ليث: اتصلي بي
بان: تصلت ما يرد
ليث: وليش خايفه هيج
بان: تعرف السبب
ليث: ي مالج غيرا
بان: بالضبط
ليث: كومي ماعليه شي بس يتاخر بالرجعه باجر وراج دوام
بان: باوعتله تنهدت بستسلام وكمت جاي افوت ولزم ايدي باوعتله كال.
ليث: مالج علاقه بالمشاكل التصير بينه لاتفكرين بيهه راح تنحل واتصير سوالف
بان: كتله بعيون مدمعه، تعبت منهه واذا صار شي عل جاسر اني اموت، سحبني الحضنه وباس راسي تخربط توازني بعدت بسرعه غمضت عيوني اريد اريد احفض تفاصيل اللحضه وياا
ليث: كتلج لا تفكرين بالمشاكل وطنشيهه راح تنحل صدكيني.
بان: بعدت عنه بسرعه من نتبهت عل مكان وجودنه عزا لو فايت جاسر او احد شافنه. كتله، نشالله راح افوت انتضرا بغرفتي تصبح عل خير
ليث: ونتي بالف خير يالله فوتي
بان: فتت بسرعه قبل لا انفضح لان اصير فضيحه كدامه انسحل سحل ههههه...
ليال: كعدت بوقت متاخر باوعت الساعه بالوحده باليل ي وكانو الله حقق امنيتي هسه العركه خالصه طلع صوت معدتي من الجوع نزلت البيت القصر هدوء سويتلي اكل وطلعت للحديقه الجو بي بروده بس منعش حلو جاي اكل ونفتح الباب بفات جاسر شكله فيوزه مضروب دنكت بلعت ريكي ودنكت راس اشرب بالشوربه عود ما شفته بالكي يفوت وما يحاجيني اجه وكف عل راسي كال ومبين روحه بخشمه
جاسر: رفعي راسج لا تغصين ما راح اكلهه منج.
ليال: هاا هلو سوري ما نتبهتلك
جاسر: حجتج تعبانه
ليال: كال هيج تقدم خطوا ورجع كال
جاسر: شبيهه ايدج
ليال: هاا ما بيهه بس رجعت عليهه بابا الكنتور غمضت اعيوني عل غباء الجذبه، سحب الكرسي وكعد كدامي ولزمهه اباوعلهه طالع دم واني ما منتبهه ذب السويج عل الطاوله وفتح الشاش شكلهه مجرح ضغطهه عطت، ااااخ
باوعلي عقد حاجبه ورجع ضغطهه شاغت روحي سحبتهه منه بسرعه...
جاسر: مدام تاذيج هيج ومورمه اكيد مضرره للزمهه اشعه وعلاج
ليال: لاا لا ما بيهه شي باجر تتحسن
جاسر: ترا اعرف شلون تاذت كبتن ماجد اوك احد عاقل يتلكه هيج ثكيل بقفى ايده
ليال: هذا إلى صار بعد يالله بايدي ولا شي ثاني كتلك خلص تعودت
جاسر: وحق الله لو ضاربه امي يكولون اخلي طابوكه واكفه بهذا القصر
ليال: ااهاا شفت لعد الحمدالله ايدي خذت الشر
جاسر: كومي يالله لا تتفلسفين خلي اخذج مستشفى.
ليال: ما يحتاج خل اكل وارجع انام ونت مبين تعبان فوت نام
جاسر: ونتي كلتهه مالي خلك كلش حتى احجي يالله كومي ولا تعبيني
ليال: صدم ما...
جاسر: ااشس كومي بسرعه
ليال: ستسلمت لبست عل السريع عبايه فوك البجامه وشال ونزلت صعدت وياا الجو والهوا يجنن درت وجهي بياوعلي من باوعت فرك وجهه ودار يباوع من الجامه مبين عليه التعب.
بقينه ساكتين وصلنه المستشفى سوولي اشعه صدك طلعت متضرره نطوني علاج ولفوهه إلى عدل وطلعنه هم عل نفس السكته مع انو مو عادته يبقى ساكت بس هسه مبين ضايج كلش
وصلنه للبيت نزلت كدامه وهوا صعدنه قبل لا افوت الغرفتي كال
جاسر: شربي علاج هسه قبل لا تنامين.
ليال: هزيت راسي فات الغرفته. كعدت عل السرير ضايجه ما اعرف شبيه وافكر بحالته اكيد امه هواي بالغت باجر اسئل شنو صار. تمددت بفراشي شفت طلباته إلى ما وافقت عليهم قبل سويتله اضافه لحضه وجنتي رساله منه
جاسر: اخيرا تكرمتي
ليال: كتله صح ضفتك بس الخاص ممنوع
جاسر: انه ماكو شي ممنوع علي
ليال: ي مثل المافيا
جاسر: نامي
ليال: ستوني كعدت
جاسر: شنو يعني راح اضلين سهرانه عل التلفون
ليال: راح اشوف شي لحد ما انام.
جاسر: يالله بس لا تتاخرين
ليال: دزيت اسمايل شغلت مسلسل جاي اتفرج واجتي رساله منه داز حساب انس كاتب
جاسر: هذا ليش ضايفته شنو حجينه
ليال: شنو جاي تنكش بحسابي
جاسر: شينكش حسابج مال بلوكر لاا وناشرا صورج
ليال: محبوبه مو بيدي
جاسر: لا تخليني اطيرا الج
ليال: الحق على ضفتك
جاسر: حقج ما اضيفين بس الزملاء
ليال: اهوو بده يبسمر ماردت عليه ولا هوا رجع دز شي لانو شكله يريد يطلعهه بيه ضوجته.
يعقوب: مشتاقلج.
هبه: ارتاح مني شوي
يعقوب: ي ماكو زعاج رجعلي شعور العزوبيه وشلون جنت مريح راسي
هبه: لا ولله ي واني هما نايمه بغرفتي وعل سريري مشتاقتلهم وحنت هاي الايام
يعقوب: هممم يعني ما شتاقيتيلي
هبه: لاا ضل عزابي احسلك
يعقوب: وهوا هيج تصبحين عل خير
هبه: سده. ضليت ارمش بعيوني معقوله اخء الموضوع جذ وزعل، ونت بخير.
بان: مرا واخر يومين بالاسبوع واجتي الجمعه طبعا من تعب الدراسه هاي الفترا صاير الاسبوع بشهر وبعد التعب لكدام لانو اسبوع الجاي متحانات خلا هاي اليوم الجو مكهرب بالقصر وصاير احسب جاسر اذا ضاج من شي لازم عل اقل يبقى اسبوع يالله يفك ولازم احنه ندخل انذار رجعنه من الدوام وكبل للنوم ما احس غير هجوم عل غرفتي فتحت اعيوني ميسم كالت
ميسم: نيالي نايمه كعدي كعدي اجوج ناس عليج
بان: ناس شنو منو شوكت.
ميسم: لج غبيه ناس ناس يعني خطابه وليث بالبيت واخوج ماكو يعني وهسه سمع ونزل شاخط بدون ما يفهم شنو السالفه
بان: ضريت صدري عزااا اكيد هذا صديق جاسر الله يستر ويعدي اليوم عل خير
ميسم: هلا هلا بيهه جاسر علكت بس لا لتخافين إلى عرفته انو الولد ما جاي بس امه وخته وامج دزتني حتى تنزلين.
بان: بقيت باهته وكرهته لان حطني بهاذ الوقف وماكال راح بدز امه ولا انه اكدر ما انزل ماما راح تاكل راسي والجو ما ناقص توتر هسه ياربي ساعدني وعدي هذا اليوم عل خير.
ودي ابوگك
عن شكو ابنادم يشوفك
و بطرف دنيا اروح وياك و ابعد
و ما تهمني الدنيا اذا ب احظانك البد
و حيرتي شلون انه اضمك
و انت مثل الشمس ما تنضم على احد.