رواية الشيخة ليال للكاتبة الوردة البيضاء الفصل الأول
ليش تغير الموضوع بحجاية
هو انه على نيتي ماردت غاية.
طلعت من المحاضرا الاخيرا مثوله وتعبانه اريد بس ارجع للبيت دراسه القانون راح اطيرلي عقلي وخاصه السنه رابعه طلعت من القسم بالطريق للكراج لازمه كتبي رفعت راسي وصارت بوجهي تفاجئت اجذب اذا اكول ما نصدمت مامتغيرا نفس بتسامتهه الهادئه ونضرات وحيويتهه ي والله هي مستحل ما اميز صديقت عمري ضليت ارمش بعيوني وكع كتابي ما مستوعبه انو هي هنا وكدامي بعد فراك خمس سنوات تقدمت على وبعيونهه مبين التردد والاشتياق وكفت كدامي يالله جكد مشتاقتلهه كالت.
بان: شلونج ليال
ليال: باوعت عليهه بقهر ابدي اكفشهه هنا لزمت اعصابي وصديت عنهه اخذت كتابي اواعده نفسي ما انسه وعدي النفسي انو الساني ما يجي عله السانهه بعد ما تركتني مارديت عليهه ومشيت خطوات لزمت ايدي كالت واني دايرا وجهي عنهه احس جسمي يرجف ماكدر اتحمل هذ الموقف حسيتهه قريبه مني كلش حاضنتني وتبجي بهدوء لازمه ايدي ماتخلين اتحرك لازمه ادموعي بجيت عليهه هواي قبل مستحيل اضعف بعد.
بان: لولو مشتاقتلج والله جايه ملهوفه عله شوفتج لاتصديني عنج والله مو بيدي تركتج وانتي تعرفين كلش زين ماجان بيدي شي كافي ليال اترجاج سامحيني ماكفاج خمس اسنين زعل
بان: نترت ايدهه وبعدت عنهه بسرعه عاذرتهه بس احس مثل الطفل الغضبان ومايستوعب الاتبرير والاسباب زعلانه منهه بكد شوقي الهه.
تركتهه ومشيت واني اغلي عليهه ابدي احضنهه وسئلهه عن اخبارهه وليش هيه هنا مو بغداد بعدين تملكني خوف انو ما اشوفهه بعد اريد ادور وجهي اباوع الهه حتى اريد ارجع عليهه وانسى الزعل إلى صدك نسيته اول ما شفتهه بس كبريائي ما يسمحلي اريده اتحس بالي حسيت بي من تركتني رغم اعرف مو ذنبهه ااااف هسه اني من شنوو زعلانه مادري احس عقلي راح يوكف من التفكير وصلت للكراج شفت السايق منتضرني مانطاني كلبي بقيت انتضر بالسياره بالكراج بالكي تجي هنا ما اعرف شكد مر وقت وفاتت من كدامي سياره لمحتهه بيهه ركزت عل السايق، اخر شخص اتمنى اشوفه اليوم هيج احس كلبي يغلي من الحقد عليه هوا سبب كل المشاكل انسان مغرور مكروه ومتاكده برجعته راح ترجع المشاكل الله يستر من جيته اشرت للسايق يمشي قبل لا يشوفونه وصلت للبيت واني عقلي بي الف فكرا وفكرا جاي افوت وصار بوجهي ليث فزيت باوعلي بستغراب عاقد حاجبه احس مسويه جريمه شنو راح يسوي اذا عرف بان رجعت نبهني صوته من صفنتي.
ليث: شبيج ليال مو احجي وياج
ليال: بتسمت ماكو شي ليث بس شويه دايخه من الدوام
ليث: فوتي للبيت رتاحي منى عالم بالديوان
بان: هزيت راسي وفتت ماما وميسم بالمطبخ
. سلام
ام ليث: وعليكم السلام
ميسم: هللوو هسه اني عندي رفعت الجلسه يالله بدلي ونزلي صبي الغده وي امج
ام ليث: انجمعي بمكانج ماصار ربع ساعه من نزلتي تساعديني وتركتي المهجوم التلفون، صعدي يما بدلي ورتاحي حتى تتغده.
ليال: غمزت الهه مدتلي السانهه بغصب هههه خليتهه تتلاطش هي وماما وصعدت وكفت عله المرايا انزع بالشال اجنت عيني عله اثر الوكعه صايرا مثل طبرا خفيفه بحاجبي احس من اشوفهه كلبي يغلي من القهر بسببه الحقير وشوفت بان اليوم رجعت بيه الذاكره قبل خمس سنوات شلون طلعت اركض من بيتنه مفرفحه عله بيت عمو من سمعت بيهم راح ينتقلون البغداد بان جانت بالنسبه إلى تؤم روحي رغم عندي خوات وبنات عم بس هي جانت االاقرب الكلبي رغم اكبر مني بس من الصغر متعلقه بيهه بشكل مو طبيعي خلصت طفولتي وياهه ماتخيلت بيوم نفترق وصلت البيت عمو الهت فتت مرت عمو تلم بالغراض ودمعتهه بعينهه خطيه صعدت بسرعه لغرفه بان هم تملم ملابسهه وتبجي تهسترت شافتني حضنتني، بان فدوا لاترحون.
بان: والله مو بيدي لولو جدو ضلمنه وياسر حالف مانبقى دقيقه هنا
ليال: لاتطاوعي والله جدو جان معصب تعرفي مايحب احد يعصيله كلمه هسه يهدء ويتصالحون
بان: شلون ما اطاوعه اني وماما حجينه وياا كلب الدنيا علينه تعرفي اذا اخذ قرارمايتفهام
وجدو العن من ياسر وكلامه مثل السيف لج تبرا منه تعرفين شنو يعنى يعني مالنه مكان هنا بعد.
ليال: كعدت ابجي وهيه مو احسن من حالي ومن قهر كتلهه، كله بسبب ياسر ما عرف عله شنو حاقد لهل درجه وماجاي ينطي مجال لتفاهم
بان: ليال تحجين صدك انتي يعني بعد كل الصار صار ياسر هوا الغلطاااان يعني فوك ما بابا مات من القهر لان جدو خلا ابوج الشيخ مكانه وهوا الجبير وهسه يردون يجبروني اتزوج اخوج.
بان: باوعت عليهه بصدمه شلون تحجي بعصبيه وكلامهه صدمني شلون تفكر وهي تباوعلي وكاني هي مصدومه من نفسهه اكثر كمت مسحت دموعي كتلهه بعصبيه، هييي لاتضلين تشمرين بالكلام تعرفين كلش زين انو بابا رايد الشيخه من زمان ويسعالهه وعمو جان كاف ايده عن المشاكل والكعدات و الكل يعرف انو من زمان بابا هوا ايده اليمين وهوا احق بيهه بس اخوج عرض بيهه وسوا مشاكل وهو يدري ابابا ما يتقارش والشيخه خط احمر عنده ومتت عمو قضاء وقدر لاتنسين انو الموت حق وما اكدر ابرء بابا من قهرا بس اخوج هم يتحمل المسوليه بقهر ابو وصله الهاي الحاله وذا عله خطبتج فجانت خطبه عاديه وانتي رفضتي ماسحلج وعقد عليج ونتي تعرفين ليث صح عصبي وما يفاهم هم بس مسالم وراد رضاج وماجبرج بس جدو ادخل وحط انه بالموضوع بس الضاهر عقلج خربان وصايرا مثل تفكير اخوج الحاقد ياحيف بس، تركته تصيح وراي وتتاسف ماتوقعت ابدن بيوم اسمع منهه هذ الكلام بابا اعرف غلطان بس القهرني تتهم ليث وهي ما تعرف شكد جان راغبهه وحتى من رفضته تركهه براحتهه ولو تفر الدنيا ما تلكه مثله بس تبقى هاي حياتهه نزلت عله الدرج معصبه واني امسح بدموعي من كل عقلي ابجي عليهه نزلت بسرعه وماحس غير ارتطمت بجسم بقوا رتديت رفعت راسي ياسر صاير نار باوعتله بحقد عاط بيه.
ياسر: هيييييي مااااتشوفين.
ليال: هي عيطه وهيه دفعه سحبني من ايدي من كدامه ودفعني مالحكت اسيطر وكعت ونضربت بالطاوله مرت عمو صرخت وهوا لتفت وما اهتم صعد مستعجل الغرفته اجت مرت عمو كومتني وبان نزلت تركض حسيت بدوخه وشي نزل عله عيوني لزمته بيدي دم رجف جسمي وهنه نخبصن بيه غسلت وجهي نترت اديهن وطلعت بيننه بصفهم بس بينه حديقه جبيره تفصل بين البيوت وصلت البيتنه حاطه ايدي عله حاجبي وصعدت ركض الغرفتي لا احد ينتبه وتصير مشكله من غير شي صايرا نار وشرار بينهم باوعت بلمراه صابرا طبرا يم حاجبي الحقير كسر بيده كون زاد حقدي وكرهتهه بعد مارحت البيتهم وحتى بان ما ودعتهه ونصدمت من كعدت الصبح ولكيت الكل خانسه والهدوء سيد الموقف ومن سئلت ميسم حسيت كلبي انفطر من كالت بيت عمو طلعو من البيت متت بجي وحتى تمرضت وجدو مو احسن من حالي ولهاذ اليوم ما صحه والندم مبين بعيونه هوا جان السبب بهاي التفرقه بس جان هذا القرار صعب عليه وما كدر يتحمله ولا الوقت والسنين كدرت تخفف عنه رغم المشاكل خفت ورتاحينه من النزاع المستمر بين ياسر واهلي بس شكلهه الدفاتر القديمه راح ترجع تنفتح هه ليش هي نسدت اصلا ياسر الاعرفه مستحيل يسكت عن حقه اوووف ياريتني ما تصرفت بانانيه وي بان والله مشتاقتلهه ياريت باجر ارجع اشوفهه وافهم منهه شكله ورانه اكشن هواي.
غريت ملابسي ونزلت ماكلت الاحد ماراح يطول الخبر رجعتهم تغدينه بهدوء وبعد الغده رحت اشوف جدو دخلت الغرفتي نعصر كلبي بقهر وضعه من سيئ الاسوء حس بيه فتح عيونه ودارهه على تقرب منه بست راسه وايده وكعدت يمه لزم ايدي وضغط عليهه بخفه بتسمت اشرلي جان اكو صندوك عل الميز كمت جبته اله وسندته حتى يكعد عدل فتح الصندوك وطلع صره ازغيره فتحهه وطلع علبه حديد مبينه قديمه شكلهه حلو فتحهه وطلع خاتم نعجبت بشكله يخبل لان شكله تراثي باوعلي شلون اباوعله وبتسم بتعب كال بصوت واهن.
الجد. شكله حلو ويبهر النضر بس مسوليته جبيرا ياجدي ومو اي وحده تستحق اتلبسه
ليال: رهبني كلامه وسألته. لمنو هذا جدو. مدلي ايده البينت عليهه خطوط العمر وكانو كل تجعيده بيهه سنين من التعب خليت ايدي ابيده ونصدمت من خله المحبس باصبعي ونصدت اكثر من كال.
الجد: هذا لشيخه ليال من اليوم صار الج انه اختاريتج و اريدج تكونين كد هاي المسؤليه انتي راح تسوين الشي الماكدرت اسوي بنيت مبراطوريه الشيخ همام بس الاساس واهن وخايف اموت وينهد تعب السنين بس انتي راح ترممين هذا الاساس وراح يصير اقوا من قبل.
ليال: بلعت ريكي إلى يبس بعد كلام جدو واحس دكات كلبي تسارعت واني اسئله بستغراب، جدو شمعنه انه انطيتني هذا المحبس ليش مو البيبي او ماما او اي وحده وليش إلى هذا الكلام ضغط عل ايدي بخفه وكال
الجد: كلشي لوقته راح يجي يوم وتلكين الجواب
ليال: دنكت راسي وكلت بصوت خافت، واذا رفضت هاي المسوليه ربت عل ايدي.
الجد: محد بالدنيا اختار قدره المسوليه هي التختارنه مو احنه النختارهه واذا ماصرنه كدهه هم احنه الراح نندم ونكون الخاسر الوحيد وانه متاكد انتي كدهه كلشي بيدج هسه
ليال: باوعت للمحبس البيدي صح مو مفتهمه شي وشيقصد جدو بس احس برهبه مو طبيعيه حتى ايدي احسهه ثكلت طلعت من غرفه جدو مصطوره ضربت بميسم
ميسم: هووب هووب شبيج
ليال: باوعت عليهه رمشت بعيوني وراويتهه ايدي شهكت وصارت تكلب بيهه.
ميسم: واو شهل جمال منيلج هذا
ليال: من جدو
ميسم: هلا هلا جدو يوزع محابس اورث خل اروح
ليال: رادت تمشي سحبتهه من ياخه التراك مالهه ورجعت كدامي. هوب هوب وين موليه توزيعه شنو
ميسم: ي عيني توزيعه ماتشمل الفقراء والمساكين مثلي خل ارجع الشغلي احسن لاتجي امج تغسل شراعي.
ليال: هههه ضحكت عل سوالفهه خلتني ومشت صعدت ذبيت نفسي عل سرير ورفعت ايدي اباوع عل خاتم فخم وبي حجر جبير مبين قديم ضل يتردد كلام جدو ابالي لحد ما غفيت.
كعدت ثاني يوم غسلت وبدلت للجامعه لبست عبايه امارتيه اغلب ملابسي بالجامعه عبي خليجيه تصميمهه مراتب احب الستايل الخليجي.
لان مستور خليت لاينر وحمرا خفيفه بس لان بشرتي صافيه عل سمار حلو لفيت شعري مصيبه حياتي كيرلي و متعبني كلش لبست الشال بعد معانى ونزلت عل سريع قبل لا يجي الخط يوميا ماخرته نزلت الكل عل رايوك صبحت عليهم ردو اله سعد شافني وكلب خلقته ويباوعلي من فوك لجوا مو عاجبه كل عاده ماهتمين كعدت بصف بيبي اتريك ماحس غير لزمت ايدي وتباوع عل المحبس متفاجئه او مصدومه
فخريه: منين اخذتي هذا ليال.
ليال: حسيت الكل يباوع على بتهام بعد سوالهه
سحبت ايدي وبتسمت باحراج، شنو اخذته بيبي قابل اني نشاله جدو لبسني ياا كلت هيج وماا احس غير نسحب من ايدي بقوا صرخت من الوجع اااااخ وباوعت الهه مصدومه والكل نصدم كامت بعصبيه وكالت
الجده: محد شيخه هذا البيت غيري
ليال: تركتنه وكامت دخلت الغرفه جدو كمت بعصبيه كال بابا
ابو سعد: من ترجعين عتذري من بيبيتج
ليال: احس دخان طلع من عيوني بعد هذا كله اني الغلطانه.
ليث: ليش شنو سوت حتى تعتذر اعتقد هي التستحق الاعتذار
سعد: بعد وبعد كبر راسهه مو كافي بت شيخ وطالعه بهاذ الشكل وما محشمتنه
ليال: بعصبيه ليش شبي شكلي اشرف اااكبر واحد وشيخه غصبن عل يرضى والمايرضه
ابو اسعد: لللللليال صوووتج مااااا يعلى.
ليال: بابا صاح بيه وسعد كااام يريد يهد على ولزمه ليث واشرلي بعيونه اطلع سحبت كتبي وطلعت فايرا كارهه نفسي وكارهه بيتنه وعيشتهم لاكتني ماما بالمطبخ تباوعلي بلوم وقلق دخيل الله جكد ضعيفه ومستحل اصير مثلهه واخضع الهم صعدت بالخط وصلت للجامعه المزاج زفت لزمت السكته حتى اليحجي وياي ما ارد على طلعت عل وقت انشالله الحك عليهه قبل لا تطلع كعت انتضر بالحديقه كدام الكراج شوي واجتي من بعيد تمشي باناقه والروب الابيض بيدهه بتسمت.
عل منضرهه لسه كياتهه مثل ما هي تقدمت عليهه وكفت كدامهه بمسافه رفعت راسهه تفاجئت ولمعت عيونهه بتسمت الهه تقدمت على بسرعه عبالي راح تحضني اشو هاي رفعت السجل وضربتني بي صحت بوجع، اااخ خبله
بان: وانتي جرووا هيج تفشليني وانه جايه مشتاقتلج
ليال: عفتهه ترطن وحضنتهه مشتاقه حتى الغوتهه نزلت دموعي وجان الحديث بينه طويل كله عتب وشتياق بس الوقت مايسمح لازمه ايدي بقوا، شبيج مارح اشرد.
بان: حقيرة حاقده خمس سنين حاقده على يا حماره
ليال: ونتي خمس اسنين صرتي دكتورا وبعده
لسانج زفر
بان: اسكتي كلبي مورث من السكته خالي ماشين عل اتكيت والبرتكول الملكي الفاض سوقيه نوو احنه بنات عيال مؤادبات
ليال: نفجرت بالضحك عل طريقه كلامهه ههههههههههه، الحمدالله مامأثرين بيج
بان: ههههههههه لاتخافين تربيتج شتأثر ختنكت يمعوده تعريف خمس سنين ماحست بالانتماء الهم ابدن رغم ماقصور ويانه بس ما اخذت راحتي.
ليال: باوعت الهه بحسرا وتنهدت ضامتهه من كتفهه الصدري، مشتاقتلج باني خل ننسه الفات حبابه
بان بتنهيده ياريت ننسه ونعيش بسلام مثل العالم بس صدكين بعد ماشفنه شي من المشاكل خل يلتقي الجمعان وشوفي شيصير ههههههه
ليال: تصير معارك التاريخ كلهه بقياده الشيخه فخريه ههههههههه
بان: هههههههههههه ههههههه ههههههه.
ليال: سحبت نقالي الجان يدك واني اضحك عل ضحكتهه العطلات ابد ما تغيرت والي اختفت اول ما سمعت اسمه، الوو هلو ليوثي هههههه خلص خلص لا تعصب شيخ ليث مو بس ليث لاا لا خلص نسيت الموضوع اصلا تعودت عل شيخه فخريه وطكاتهه هههههه لا ماراح اتاخر باي. سديت النقال وباوعت عل تباوعلي بتركيز
اخذت التلفون من ايدي تباوع عل خلفيه جانت صورتي اني وليث كالت وهي صافنه بالصوره.
بان: شنو سوا بعد مارفضت ماتجرئت عل هذا السوال قبل خمس سنوات
ليال: هه الغريب انو ماسوا شي غير انو زاد برود وكانو ضمهه بكلبه وسكت
بان: بصوت مخنوك، سوا علاقات
ليال: همم اكيد ليش المثل ليث يتفوت
باوعتلي بصدمه وشمرت على التلفون وردت بغيض
بان: ي الله يهني طبعا مايتفوت صاير ماشالله
ليال: هههههه شنو ماشالله يعني
بان: ممكن تسكتين
ليال: خلص خلص سكتت بقينه نتبادل الاخبار بس الوقت اكيد مو كافي السوالف خمس سنين.
كاعدين وحسيت خيال علينه باوعت بان نهضت بسرعه لتفتت رفعت راسي اجيت عيني عل شخص ماتمنى اشوفه كلبي لعب وكانو شوفته تنذر بالمشاكل الراح اتصير برجعته وهيبته مرعبه مخيم عليه الحقد والكره انسان قليل بوصفه الشر مبين من عيونه لا هوا الشر نفسه باوعلي بنضرات مستفزه ورجع باوع البان وصدمني من كال
جاسر: شنو بان مارح تعرفينه
بان: شنوو هااا اي هاي.
ليال: قاطعتهه قبل لا يغمه عليهه وكمت وكفت كدامه كتلهه، شنو ابن العم ما عرفتني هيج السنين غيرتنه، بانت بعيونه نضره الاستغراب رجع خطوا لورا وباوعلي من فوك لجوا بنضرا غريبه مستفزه وبتسم بتسامه جانبيه اقرب للستهزاء وكال
جاسر: همم والله كلش متغيرا بت عمي للأفضل طبعا.
ليال: كالهه وغمز وهوا يركز عل كلمه بت عمي احس جسمي رجف من القهر بدي اخنكه كتله بنفس لهجته، بس انت ماتغيرت ابدن بعدك نفس الحقا، مالحكت اكمل كلمتي سدت حلكي بان بايدهه وهوا خزرني
بان: اني اكول جاسر اتاخرنه لازم نروح يالله حبيبتي اشوفج باجر
ليال: لبس نضارته وهوا يباوع بحقد دار وجهه ومشه وهي بوستني وراحت ورا ااااخ احس ما اتمنى يمشي عل كاع مامتغر ولاا ذرا نفس الحقاره شهل يوم يربي شبعت مغثه...
هبه: فتحت الباب بهدء اباوعله نايم بتعب ذاب ايد ورجل عشتو تعبان الله اعلم شنو جان يسوي بدبي صارله سبوع بحجه الشغل دخلت وسديت الباب وتقربت منه وكفت كدامه كتفت ادي ااوف هسه هذا شلون ازعجه صار سبوع مرتاح لازم اطلعه من عيونه كعت عل طرف السرير وبقيت اهز بيده اكعده، يعقوب يعقوب فتح عيونه بثكل كلش وباوعلي كوا مفتح
يعقوب: همم خير
هبه: شنو ماتكعد صار هواي نايم
يعقوب: جاي بالاربعه الصبح هبه خليني اشبع نوم.
هبه: شفته فاصل كلش لازم ازعجه بشي اقوا كمت عنه رحت جبت المكناسه الكهربائيه وشغلتهه وسويت نفسي انضف بالغرفه عيني عليه كام يتحرك بنزعاج خله المخده عل راسه ويحاول ينام دنكت اضحك بنتصار ما احس غير ضربه قويه عل راسي باوعت شامر على المخده باوعتله بغيض وهوا مخنزر، انت شلون تضربني هاااااا
يعقوب: نصيييي صوووتج اضررربج واكسر راااسج هممم كاااافي صبرررت عليج هووواي طفيههه وطلعي خل انخمد.
هبه: وهااذ المطلوب انو تبطل تتحملني وعل كولتك كافي لحد هناا طلكني واخلص وخلصنيي
اباوعله ضرب وجهه بقواا وفرك وجهه وباوعلي
يعقوب: طلعي برا
هبه: م...
يعقوب: طلعي بررررررا.
هبه: جسمي رتعد من صوته وعصبيته بس مو انه الاتراجع شغلت المكناسه وكملت تنضيف منضرا ردت فعله بس اشو ما تحرك ما تجرئت ارجع اباوعله خلصت رحت لنقطه اطفيهه ما احس غير فزيت عل صوت قوي صرخت برعب باوعت الارض انترست بقطع المكنسه والزباله لان شالهه وضربهه بالارض باوعتله عيونه حمر تقدمي على بحركه لا اراديه رفعت ايدي عل وجهي خاف يضربني كال بتحذير وغضب وكانه راح ينفجر...
يعقوب: قسم بالله اذا مرا ثانيه تجاهلتي كلامي لا اخليج بمكانهه وهسه يالله نضفي براحتج.
هنه: طلع وصفك الباب ورا كعت مهبوطه ضل يرعد من العصبيه بس ندمت لان بينت خوفي اااف هسه عباله خفت منه غبيه غبيه لاا لاا مسحيل اخلي يذلني سواهه بابا مرا من هداني اله بس مستحيل اصير ذليله عنده او اقبل اعيش ويا واني ما افرق عن الفصليه يطلكني يعني يطلكني لو اكلب حياته جحيم وعلى وعله اعدائي لا مو اعدائي ما عندي اعدا على وعليه وعلى بابا هم باوعت للارض، بس بعد ما انضفهه الاول ااوف...
ليال: رجعت للبيت دخلت سلمت تفاجئت انو جدو طالع كاعد بالصاله فرحت انو تحسن شويه شافني بتسم واشرلي بيده رحت بست راسه ركعت بصفه جان الكل موجودين كتله، الحمدالله انو رجعت شفتك منور جمعتنه بتسم ولزم ايدي باوع الهه وضغطهه بخفه
الجد: وين الامانه يجدي
ليال: باوعت البيبي فخريه ودنكت رجع كمل.
الجد: الامانه ما تنطه عل كطع النفس والشي اليصير بيدج يعني ملكج لاتتخلين عنه مهم جانت قوه المقابيلج اذا ستضعفوج وخذو شي بسيط ماراح تقوا ايدج تضل رخيه واي شي ينوخذ منج خلي هذا الكلام ابالج
ليال: هزيت راسي رفع ايدي وفاجئني من رجع المحبس بيدي باوعت البيبي وكل الكاعدين ساكتين وهي تريد اطك من الغضب بس ليث بتسم وغمزلي، جدو خلص اني ماري، ضغط كفي قبل لا اكمل.
الجد: انتي الشيخه ليال وهذا امانه واريدج كد هاي الامانه
ليال: بقيت صافنه معقوله هذا الكلام كله عل محبس وليش كلامه كله الغاز وعيت من صفنتي وهزيت راسي، خلص جدو امانه امانه وماراح افرط بي ابدا بست راسه، راح ابدل حتى نتغدا سوا، كمت بدلت ملابسي ونزلت للمطبخ وي ميسم وماما نجهز الغده ميسم بس شافتني كالت
ميسم: هلاا بالشيخه والله
ليال: رفعت ياختي بغرور
ميسم: هههههه هسه فخريه تنفخج بختج بجدج كاعد.
ليال: ههههههه بعده ما عاش الينفخني، باوعت من الشبك وباوعتلهه وضيكت عيوني
كتلهه، شنو يوسف ويعقوب عدنه
ميسم: الصبح اجه يعقوب نام بالستقبال وهسه اجه يوسف طلعي خل يشوفج لاتنحول عيونه وهوا يدور عليج
ليال: ههههههههههههههه تحجي بغيض ضحكتني
. شكلج مراقبه عيونه وين عرفتي يدور على
ميسم: عشتو شكو اراقب عيونه اخر همي اصلا
بس هوا مفضوح.
ليال: هممم هههههه كتلج قبل ماكو داعي اعيد يوسف ويعقوب مثل خواني وبمعزه ليث عندي حتى اعز من سعد وهسه المهم يعقوب ليش اجه نام هنا اضاهر هبه طفشته من اول يوم وصل بي من السفر
ميسم: ههههههه ي اجه الوجه مطعون من الغضب وحالته حاله شويه وينفجر دخل وقفل الاستقبال عليه ونام ستوا كعد
ليال: هههههه خطيه تحققت اكبر مخاوفه غصب عنه.
ميسم: ي والله جان يتخبل من سيره الزواج والنسوان وجته تايهه عل كولته هاي التايهات الخايف منهه ههههههه
ليال: ههههههه الله يهديهم، خلصنه صب غده ولتمينه عل سفرا حتى يعقوب ويوسف ويانه وهاي العاده اغلب الوقت يمنه جانو قبل لا يتزوج يعقوب ويتمرض جدو
يوسف: شلون الجامعه ليال هاي اخر مرحله شدي حيلج حتى تلزمين الشؤن القانونيه بالشغل مالنه
يوسف: ي والله مكانج موجود ماجاي اثق باحد ولازم ادقق بكلشي وراهم.
ليال: بتسمت بحماس وكتلهم، نشالله ماضل شي
سعد: لاتحلمين هواي ماعدنه مرا تشتغل اليوم الشيخ راشد رجع فاتحني وخطبج مني
ليال: لاا احلم واحلم هوا هم وهذا العله كله مثل ماكتله اول مرا لو يبقى اخر شخص بالعالم ما اتزوجه حيجت بغضب باوعلي وخزرني مايكدر يحجي شي وجدو كاعد
ليث: شوكت نخلص من سيرت شيخ راشد يرد يشاركنه بشغلنه ويريد يناسبنه وانته منطي مجال رغم تعرفه واحد طماع ونذل
يوسف: يحلم اخلي يشاركنه.
يعقوب: ولا يناسبنه
ليال: بتسمت بمتنان وعيني عل ميسم شلون بين عل ملامحهه الانزعاج كاطعنه جدو...
الجد: سعد شيخ راشد شر وشر قديم هوا وعشيرته من زمن جد جدك واحنه نافرين هذا الشر لاتجي انته هسه ادخله بينه لايغويك بشرا ونه ابوك وماتعرف دربك وتطلع انت الخسران.
ليال: دنك وهز وهز راسه الجدو بس اعرفه مارح يبعد عنه الخبيث يعرف شلون يلعب براسه اصلا كل الخلافات بعائلتنه وبين سعد وجاسر بسببه اباوعله يخز بيه ناقصني شيخ راشد بعد
الجد: يعقوب شصار عل ابن عمك قنعته يجي بس انت تكدر تجيبه حاجيته
ليال: اول ما جاب اسمه انتبهت البابا وسعد وبيبي نكلبت وجوهم
ابو سعد: بعصبيه وليش يرجع احنه موو تبرينه منه
الجد: انه تبريت منه وانه ارجعه.
يعقوب: ي جدي انه حاجيته اخر مرا واخيرا قنعته يرجع بس
الجد: مايقبل يجي يشوفني مو
يعقوب: ي للاسف
الجد: تعالي اخذني للديوان واتصلي بي انه اريد احاجي
سعد: بس جدي.
ليال: خزرا جدو وكام هوا ويعقوب واني حاولت ابتعد عن يعقوب خليت ميسم هي تاخذ الجاي واني صعدت انام ميته نعاس كاعده من الصبح يمكن اخر مرا راح انام بيهه مرتاحه بعد موضوع رجعت جاسر جكد صعب انو تعيش بعائله مشتته كل يوم تحس شعور اسوء من القبله وانته تشوف الحقد بينهم يكبر اكثر ما اعرف شلون الغلطه إلى سواهه واحد حكيم مثل جدو خله عائلته توصل الهاي المرحله.
اني ليال للاسف اني وحده من الناس إلى انولدت بهيج عائله...
23 سنه مرحله رابعه قانون حلم حياتي والحمدالله مابقى شي ويتحقق مثلي مثل اي ابنيه احلامي بسيطه الفرق انو نولدت بعائله اقل شي اكوله عنهه انو هي غير طبيعيه جدو شيخ ابن عن جد بس هوا انسان غير عادي ولي من عنده راح تبدي قصتنه جدو انسان طموح اسس امبراطوريه من المصانع والاملاك وصيته واصال لحدود بعيده وبكل مكان بس هوا يبقى انسان عنده كلب ولازم يجرب إلى يسمونه الحب حب ورغم اختلاف المحافضات اصر انو ياخذ اليحبهه.
جد جان اغلب شغله ابغداد والحبهه بغداديه من ماراح اكلكم ابو عارض ولازم ياخذ بت عمه إلى المفروض اله لاا بالعكس جانت همين بنت شيوخ وبينهم علاقه طيبه تزوج جدو وعاش احله قصه حب واكيد الهه ثمره عمو الجبير ابراهيم ولي العهد وهيج كملت قصه حبهم بس للاسف جانت قصيرا ونختمت النهايه بوفات مرت جدو الاوله وعل كولت جدو نتها الفصل الحلو بحياتي وبعد كم سنه من الحزن تزوج جدو مرا ثانيه بس هل مرا من ختيار وشور ابو.
ودخلت بيبي فخريه بحياته بس جان الاختلاف انو عاشو حياه روتينيه بارده خلالهه ستلم جدو الشيخه مكان ابو وعمو براهيم بعد زواج جدو راح يدرس يم يخواله ويرجع فترا ويروح خاصه انو بيبي فخريه ماجانت تهتم بي بالعكس تحاول تبعده عن جدو قدر الامكان بعد ما جابتله بابا وعمو ابو يعقوب وبنات 3 وخلت بابا ايده اليمين حتى يصير الشيخ بعده وهذا إلى خلق المشاكل والحقد بينهم اليومنه هذا وخاصه انو عمو براهيم مكانته خاصه عند جدو ويعزه اكثر شي بين ولدهه وبهيج زاد الحقد والغيرا منه رغم هوا اكثر انسان حنون وطيب شفته بحياتي بس مثل مايكولون الزن عل اذان امر من السحر وهذا السوته بيبي فخريه حتى تخلق الحزازيه بينهم ونجحت انو يكبرون عل هذا الحقد مو بس هيج ورثت هاذ الحقد حتى بيناتنه احنى ابنائهم عمو براهيم تزوج من خواله بس بامر من جدو اجو عاشو اهنا بعد ماسوا بيتن بنفس فخامه القصر العايش بي واحد العمو براهيم واحد العمو ياسين إلى هوا ابوي يوسف ويعقوب عمو ياسين ماخذ دور الانسان المسالم إلى يحب اخوانه الطرفين وما انصاع لزن بيبي فخريه ويوسف ويعقوب مثله كائنات لطيفه ام اختهم مريم لا طالعه عل كائن المفترس امهم وطبعا اذا هي منطرف فخريه خانم اكيد تطلع هيج ههههه المهم.
يعقوب ابنه الجبير كلش احترمه واعتبرا اخوي الجبير انسان رائع وهوا يدير اغلب الماصانع مال جدو انسان طموح وبنفس الوقت ماترك المضايف ودائما يوكف بالكعدات وي جدو واله كلمته عقدته بالحياه الزواج دخل الثلاثين ورغم كل الضغوطات ما قبل يزوج يكول ما اجيب عله لكلبي او جان متخوف بعد ما توفت البنيه الوحيده الحبهه بالجامعه الله يرحمهه بس القدر اله رئي ثاني و العله اجته تايهه قبل اربع اشهر هداله شيخ جبير بنته حل نزاع بين عشيرتين طبعا هذا اكبر غلط بالدنيا وهوا هم يكره هاي العادت وحاول بكل الطرق يرفض بس للاسف حكم القوي وتزوج يعقوب وتحققت اكبر مخاوفه هبه جانت ثايره عل قرار ابوهه وحملته المسوليه وهسه ماكو كلمه عل لسانهه غير الطلاك وتتصرف وياا بنفور بختصار مشبيه راسه واعتقد هاي طريقتهه بالضغط حتى يطلكهه بس اني اتمنه تعرف قيمته وتتقبله خاصه انو هي انسانه حلو شكله واخلاقهه تجنن بس عل يوسف اطلع خبالهه وهوا جاي يحاول يتحمل الى متى منعرف.
اما يوسف فهاذ اهدا شخص عرفته بحياتي وتفكيرا راقي جن حيل قربين وهوا ساعدني بدراستي بس بعد ما عرفت نضرته إلى مو نضره ابن عم واخو واني عمري ما فكرت بي غير هيج بتعدت عنه ولزاد حساسيه الموضوع هوا اعجاب ميسم بي بس هي ماتقبل تعترف وتقريبن اني الوحيده الكاشفتهه واكثر شي مزعج احساسي اني حاجز بينهم ما اريد اخسر احد منهم ابدا.
اما عمو براهيم بعد ما عاش هنا جان مستقل بحياته ويتجنب المشاكل وي بابا إلى للأسف مشى ورا وكلام بيبي وعما الحقد اوهمته انو اكبر اعدائه هوا اخو وخاصه مع تفضلي جدو العمو براهيم وخصوصا انو انسان جدا ناجح بشغله ومهندس معروف جانت الحياه ماشيه بس الحزازيات والحقد يكبر ويانه كل سنه مشاكلهه تكبر اكثر ونولدت مشاكل ومنافسات مضاعفه بعد ما كبرنا وعينه عل المشاكل بين بابا وعمو اغلبنه ما تأثر بيهه بالعكس عشنه مثل الاخوه وخاصه انو ربينه عل ايد جدو اكثر من اهلنه هوا علمنه الصح والغلط بس للاسف الحقد يزع حقد وهذا الشي إلى تأثرو بي وتربو عليه سعد اخوي وجاسر.
اجاسر ابن عمو ابراهيم الجبير بس مايشبه سلوك عمو ابدااااا ابداااا وكانه مو ابنه مرات احس اسمه اثر عليه واحد جسر وماينطاق وتصرفاته حقيرا وخبيث من يوم ما ولدو هوا وسعد ومشاكلنه ما تخلص دائما بينهم حقد ومنافسه ما ابالغ اذا اكول كره وخاص انو سعد مايفرق عنه هواي بس رغم هيج جاسر جان عزيز عند جدو عل معزه ابو وهوا جان يمشي بشورة يستشيرا حتى اكثر من بابا وهاذ ازم الوضع اكثر لحد موصل للذروه قبل خمس سنين من جاسر طالب بالشيخه اله او الابو وانو جدو لازم يعترف بهاذ الشي كدام العشاير ورغم عمو ما جانت قابل عليه بس ما عارضه مايكدر ينطي بي واكيد بعد هذا الطلب بابا وسعد نتفضو وثارو وهنا الحقد والكره صار عل مكشوف عشنه ايام سوده حتى جدو حسيته فقد السيطره ما يكدر يفضل واحد عل ثاني لان راح توصل حتى للدم بينهم بس صار شي ماجان متوقع وفات عمو ابراهيم جانت صدمه جبيرا النه وخاص عل جدو ماكدر يتحملهه واخذت صحته كل احنه انقهرنا عليه جان انسان طيب بمعنى الكلمه بان هواي تاذت ونطوت عل نفسهه اما جاسر فا اقل شي ينكال عنه نكلب وحش مفترس محد يدوسله عل طرف وزاد اصراره انو ياخذ كل حقوق ابو بانو يكون هوا الشيخ يأمه محد راح يسلم من شرا بوقته عشنه سنه اسوء من الجحيم ومن ضحايه هذا العداء ليث بعد ما حطب بان لمن خلصت سادس بس رفضت رغم اني اشهد عل اعجاب إلى كان بينهم واكدر اسمي حب لان ليث جان ينتضرهه بفارغ الصبر انو تخلص بس للأسف اختار الوقت الغلط بعز المشاكل وي اخوهه إلى ما جان راح يوافق بهاذ الوضع وهوا كارهنه ومحملنه مسوليه موت عمو وموافقتهه راح تكون نحياز النه عل حسابه مثل ما سوا جدو لمن خيرا بين انو يوافق او يتبرا منهم وهاي جانت اكبر غلطه سواهه ماجان متوقع انو جاسر إلى ثار مثل البركان راح يترك كلشي ورا ويروح راح شايل حقد بس الله يعلم بي بعده جدو صار رماد واخذه المرض وحاول طول هاي الخمس سنين انو يصلح هذا الغلط بس ما كدر بس ما اعرف شنو الغير رئيه وخلا يرجع هسه وبرجعته راح نرجع النقطه الصفر واحد مثله ماراح يتنازل عن حقه بالعكس حقه اضاعف بعد هاي السنين وشوفتي اله شرا زاد مانقص وبس الله يستر احسه نار تريد تحركنه.
نجي البابا بابا ما اعرف بشنو اوصفه غير انو تربا عل افكار خطا وكانو بيبي زرعت كل الحقد البكلبهه عل عمو براهيم وامه إلى اخذت جدو منهه وفضلهه عليهه ومو بس بي وبسعد إلى صار نسخه منه ومنهه بالاسلوب يعني غضب وحقد ماينطفي بسهوله اما احنه إلى ماقبلنه نكون مثله فا تعاملنه بجفى وكانو مو احفادهه واكثر شي زاعجني بالموضوع سعد احس خسرنا تصرفاته مو طبيعيه حتى وي زوجته إلى صارت نسخه من ماما انسانه ضعيفه تمشي عل اوامر وبس وبيبي تتحكم بيهم وهذا الشي إلى ما سمحنالهه اني وميسم تسوي ويانه وتتحكم بينه ولهيج تستخدم بابا وسعد سلاح تحاربنه بي وتخلق النه مشاكل بالبيت بس ماراح اطول هذا الشي طول ما ليث ويانه إلى مشكل ويانه حلف بالبيت ههههه ليث اطيب انسان بحياتي الوحيد إلى احسه سند اليه اني ويا اصدقاء مو بس خوان علاقتنه قويه هدوئه وحنيته عجيبه وصار اكثر هدوء بعد الصار قبل خمس سنوات حسيت كلبه هوااي تائذه بعد مارفضته بان نشالله تكون رجعته خير الهم مو بدايه مشاكل جديده.
بان واسمهه اعليهه انسانه رقيقه هيج مثل الورده البيضه تحب الحياة صديقتي واختي او اختي الاوله لان هي اكبر مني وجانت هي اختي وصديقتي قبل ولاده ميسم فترقنه عل زعل خمس سنين بس الحمدالله انو نكتب النه نرجع نلتقي واتمنى انو يرجعون لبيتهم وامنيتي الاكبر انو نصير عائله طبيعيه بس هذا حلم شكله ماراح يتحقق والنعاس مأثر عل عقلي حتى اتأمل هيج شي اني اكول انام احسن وبعدين اكملكم قصتي شكله راح يكون بينه حجي هواي وراح تشهدون عل تفاصيلهه باي.
من الگاك.