رواية الشيخة ليال للكاتبة الوردة البيضاء الفصل الثاني
لمّني ب رصيفك ورگ
رشني على وَجهك ماي
حطني على كترك صبّح
ضمني ل نِداك فياي.
هبه: بعد ماطلع كعدت انضف بالغرفهه سواهه حاويه دقيقه ونفتح الباب رفعت راسي عمتي ومريم والشر بعيونهن اهوو مالي خلك عركه ثانيه وهي بس شافت المنضر صرخت
ام يعقوب: عززززاه بعينج يااا عرمه ضيعتي المكنسه شسووو بوكاحتج يومه مهججته من البيت
هبه: هوا إلى كسرهه مو اني يعني اني المفروض اهج منه وما اتحمل تصرفاته هاي.
مريم: ي روووحي هجي عيني ليش لااا بس وين ترحين اذاا ابوج ذباج علينه وما اتحمل عرامتج
هبه: هااااي انتي سكتي لاااا اعرف شلون اسكتج عشتو ذبوني عليكم اشرفج انه ويالله كلبي وجهج وطلعي برا
ام يعقوب: شنووو شنووو وصلت بيج الاخلاق اطرينه يااا متربايه
هبه: بتسمت بمكر وكتفت اديه وكتلهه، لا عمتو انتي عل راسي اني قصدي عل مريم لا تبقى وي الزباله خلي انضف وهلا بيكم باي وقت
مريم: محد زبااااله غيرج قليله الادب.
ام يعقوب: يجي واني اعلمج اله اخلي يربيج من جديد.
هبه: طلعو وركعو الباب وراهم اااخ لو االزمهم هسه واطلع حركه كلبي اني زباله بسيطه اله اربيج ذبوني عليج ياا حقيرا والله اله اندمج عل هاي الكلمه احس نار شتعلت بكلبي من تجي هيج عار تتشمت بيه بس مو الحق عليهه الحق عل بابا إلى هنت عليه كدرت تعكر مزاجي بكلمتهه كملت تنضيف ودخلت ورجعت نمت ما اعرف جكد مر وقت وحسيت صوت بالغرفه فتحت عيوني رجع الزعلان وكاعد يبدل باوعلي كال
يعقوب: شوكت تخلص كالاتج اني ومي ومريم.
هبه: إلى يدك الباب يسمع الجواب
يعقوب: مخلي قاموس الوافي بالغرفه
هبه: لا نتناقس بالموضوع لان تعرف هما صعدو حجو على واني اكيد ما اسكت رديت عليهم ف مو مشكلتي بحلقه الدراما إلى يسووههه كدامك اكدر اسوي اقوا منهه كدام عمو واخلي ينطيهم المقسوم...
يعقوب: هممم يعني انتي شاده ازرج بعمج مو.
هبه: عمو ورده وما يقصر عني لان انسان حقاني بس بعد إلى صار تعلمت انو ما اشد ازري باي احد غير نفسي، سكت يباوعلي تركته ودخلت للحمام احس الغصه وصلت الحنجرتي بجيت غصب عني مسحت دموعي وغسلت ماريد اضعف عل اقل كدام نفسي حتى ما انهار.
ليال: كعدت ثاني يوم كان جمعه مو وقتهه ابدا ماراح اشوف بان يوم مالحكت استفسر عن سبب رجعتهم دخلت للمطبخ تاخرت بالكعده صبيت جاي ولفه جبن كعدت اكل دخلت ميسم من برا مستعجله وعل وجهه القلق، شكو شكو شبيج
ميسم: لج اسكتي لو تعرفين منو اجو وراح ودخلو للديوان عل جدج
ليال: بستغراب منو.
ميسم: بيت عمج براهيم برئاسه القائد المغوار جاسر بس حرامات ابوج وخوج ما موجودين حتى فخريه ماكو يعني ماكو اكشن اووف شلون صاير قطعه هههههه
ليال: كمت متفاجئه يارب تكون جيت صلح باوعت الميسم بغيض، لج هذا اخر واحد فكري تتغزلين بي
ميسم: ههههههه حتى لو اتغزل بي عن بعد بس
اعصار تسونامي عل كولج
ليال: هههههه بالضبط، جاي نحجي وتفاجئنه بدخله بان
بان: الحجي عل اخوي مو
ميسم: عاااا بان حقيرا مشتاقتلج.
ليال: ركضت ميسم حضنتهه وتسالمن تقربت سلمت عليهه، ي اكيد نحش بخوج اكو غيرا عصار
بان: ههههههه ي والله عفته يرعد بالديوانا وتسحبت وجيت اريد اشبع منكم خاصه اليوم ماكو جامعه خفت ضحت لان ماراح اشوفج
ميسم: مممم اكول السلام مو بحراراه طلعتو تتقابلون من وراي يا عيب الشوم
بان: هههههه ي اني وحبيبي بعد نتشاوف بالسر.
ليال: هههههه ضحكت ورفعت راسي صار بوجهي ليث واكف بالباب وراهه كالب الخلقه ويباوع الهه بحقد عزا بس لا سمعهه وفهم غلط
تعالي بان فوتي.
بان: لاا خلينه هنا خاف يصيحني جاسر، كلت هيج ودرت وجهي اشر عل باب بس رجفت ايدي واني واشوفه واكفت كدامي بملابسه الرياضيه وجنطه عل كتفه ضعت ملامحه الهادئه ونضراته ادوخ إلى جانت ممزوجه بغضب من شوفتي نضراته تشل وصدك اني حسيت انشليت ابد ما مستعده الهاذ القاء بقيت واكفه بمكاني بس صدمني من ما سوا اي ردت فعل باوع على ودار وجهه وفات حتى بدون سلام عكسي إلى جسمي كله رجف من خطف على لملمت البقا من اتزاني وبتسمت باحراج للبنات.
ليال: لا تزعلين
بان: حقى اصلن عل شنو ازعل
ميسم: هههههه اخاف ما عرفج لج شنو صايرن انتي وخوج مززز مززز
بان: هههههه احفاد الشيخه فجر غير
ميسم: ي مو مثلي طالعه عل فخريه
ليال وبان: ههههههههههههه.
ليال: بقينه انسولف ونضحك وشوي وكبت العيطه صوت بابا وسعد وحتى جاسر شويه وطلع معصب وصاح بان وراحو ركضت للديوان جدو يحجي عليهم بعدين تخربط واخذو للمستشفى كلبي بقى يغلي عليه جدو ما يستاهل هيج ابن واحفاد يعذبو البيت كله بقى بقلق ورجعت فخريه تعد وتصف عل بيت عمو وماما لازمتني حتى ما اتعارك وياهه رجعو بوقت متاخر جان تعبان كلش دخلوه بغرفته رحت يمه كعدت عل سريره ولزمت ايده فتح اعيونه بضعف من شافني بتسم بتعب نزلت دمعتي كال بضعف.
الجد: امنتج امانه صونيهه
ليال: نزلت دموعي بغزاره وباوعت اليدي البيهه المحبس كل ضني قصده عليه هزيت راسي بالايجاب مد ايده بضعف مسح ادموعي وطبطب عل خدي وكال بصوت واهن من التعب
الجد: سامحيني وخليهم يسامحوني
ليال: لاا لا جدو عمرك طويل نشالله.
الجد: الموت حق وصلت النهايه المحطه يا جدي بس ركبت القطار الغلط وشوفت عينج ما حضر للوداع غيرج لا تكطعين زيارتي وتعلمي من اغلاط جدج ونصيحتي الج اخذي الحياه بالعين الزغيرا ولاتغرينهه بطيبتج ستخدميهه سلاح ضدهه حتى تعيشين بضمير مرتاح واذا ارتاح ضميرج نسعدت حياتج لاتغريج ياليال ولا تنغرين ثقتي بيج سوي الصح وبس لو عل كص ركبتج انه وياج هنا.
ليال: نزل ايده عل كلبي بتسمت ومسحت دموعي احس كلامه زرع بيه قوه الدنيا كلهه دنكت بست راسه وهوا سحب راسي باسه تركته يرتاح وطلعت للحديقه جانو يوسف ويعقوب وليث كاعدين سمعتهم يحجون عن جيه جاسر سحبت كرسي وكعدت يمهم وجهت سوالي اليعقوب، شنو صار بالديوان من اجه جاسر.
يعقوب: ما صار شي جدي سلم عليه ابرود وكانو مو جدا وصارله خمس سنين ما شايفه تعرفون جاسر تاثر هوا بقرار جد من تبرا منه وهوا كبريائه فوك كلشي بس بان لا حضنته وجدي كعدهه بصفه وصار كلام عادي يسئل بي عن اخبارهم بعدهه طلب منه نطلع حتى يحجون عل انفراد هوا وجاسر طلعنه وبعدهه تعرفون الصار اجه عمي وسعد ومن شافو صارت مشاده كلامه بينهم ما سكتو اله طلع جاسر وبعدهه جدي تعب.
ليال: وسعد ليش هيج وجهه من رجع من المستشفه اباوع اليث ويوسف كتمو ضحكتهم
يعقوب: انه ضربه بوكس واله اشويه اطلع ضيم هبه بي تخيلي لاحكني للمستشفى ويحجي عل جاسر والمشاكل بينهم بهاذ ازلك وانه دمي محروك نطيته بوكس سكته.
ليال: هههههه ي عايزن حقد جديد، ضحكو اله ليث صافن وضايج ربتت عل ايده باوعلي بتسم كومتهم رحنه يم جدو شوي رغم معارضه بيبي انو مريض ولازم يرتاح بس انه اصريت نكعد يمه شوي بقينه نسولف ونضحك وهوا ينصح بينه حسيت كلبي نعص ما اعرف ليش بوسنا وطلعنه وانه رجع باس راسي ولزم ايدي وربت عليهه بتسمت وطلعت كلمن صعد الغرفته والولد راحو البيتهم ليله كانت ثكيله من التفكير بالكوا نامت عيني ماعرف جكد نمت وكعدت الفجر مفزوعه عل صوت صريخ بيبي فخريه نزلت دموعي وبقيت اشهك بالبجي عرفت خلص جدو تركنا وراح جان احن انسان عليه ما ابالغ اذا اكول جنت احبه اكثر من بابا اصلا هوا ابوي والربانه يعرفنه شنو نحب ونكره هوا دللنه مو ابونه وخساره جبيرا انسان رائع بمعنى الكلمه طيبه وحنيه وحكم كان شيخ يسند الناس ورا بكل شده وهذا الخلا فاتحته عظيمه.
3 ايام خيم بيهه الحزن بكل الولايه وبيتنه مركزهه خلص كلبي من الحزن عليه ولو شما احزن مة راح اوفي معزته عل كلبي مو بس اني ليث ميسم بان يعقوب ويوسف وحتى عمو حسينه بابيتم حقيقي حتى بابا وسعد حسيتهم حزنو عليه رغم جانو منتضرين الفرصه حتى يستلمون الشيخه بيبي فخريه جان اكثر من صدمني حسيتهه تحررت وتريد اطير وتكعد عل عرش جدو جانت تتصرف وتنطي اوامر مثل الملكات معقوله انو ممكن الانسان يعيش كل عمرا وي شخص وبالاخير يطلع مايعرف قيمته ولا يتأثر بفراكه هذا اصعب شي بالحيا اكيد كل مو قف يصير كدامي يذكرني بنصيحه وكلمه من جدو وكانو جاي اشوف نتيجتهه كدامي جان وهسه عرفت شنو جان يقصد من كال فصل الربيع بحياتي مات من ماتت بيبي فجر حب حياته اكيد لو كانت امكان بيبي فخريه جان حزنت عليه بكد حزنه عليهه وهذا هوا الوفاء.
بدت الايام اتعد متشابهه الهدوء سدي الموقف والبيت ما يخله من الخطار والمعزين بسبب سمعه جدو الطيبه ومكانته وبده الشوق بكلبي يزين وهيج مرت اربعين يوم واليوم الاربعينيه اجت بان وعمت وتجدد الحزن وكانو اليوم فقدنا ختنكتولزمت كلبي اريد احسه قريب مني مثل ما كال طلعت اشم هوا من الطرف الثاني بالحديقه تمشيت عل حديقه بيوت عمامي صار بوجهي جاسر كاعد وخال اركيله ويدخن وصافن.
جكد حقير حتى ما يحترم حرمه جده تارك العزاء وجاي يدخن ويسوي مزاج تقربت وكفت كدامه وكتفت اديه رفع راسه باوعلي من فوك لجوا ونفث الدخان وهز راسه وكال
جاسر: شكو واكفه عل راسي
ليال: جاي اباوعلك شلون فرحان وجاي تحتفل خلص رتاحيت راح تاخذ حقك باوعلي وضحك بستهزاء وكال
جاسر: ليش شنو صاير حتى افرح واخذ حقي ابوج مات مثلن
ليال: شطت من كلمته الكالهه ابرود وستفزاز ضربت الاركيله بعصبيه برجلي وصحت بي.
يومك قبللل يومه نشالله، ما احس غير طفر على مثل الوحش ولزم شعري وسحبه بقوا وقرب راسي لي حركته شلت جسمي من الوجع لزمت ايده بيهه كال بفحيح مثل الافعه رتعدت اوصالي لان اعتبرا وحش
جاسر: وحق ابوي إلى ما احلف بي عبث اذا ندكيتي بيه اندمج لاتخليني احطج براسي بصف ابوج واخوج.
ليال: بتت اضافر بايده وشرمخته بقوا دفعني بنترا لان اذيته باوعتله بحقد وهوا بالمثل كتله بتحدي، ما اخاف من واحد مثلك اذا انته شيطان فاني مو ملاك وانه الحطيتك براسي ياا حقير راد يهد على مرا ثانيه وما احس غير سحبه يعقوب واشرلي امشي سحبت شالي إلى وكع بسببه مشيت واحس جسمي يغلي امشي واضرب رجلي بالارض وهوا واسمعه يسب ويغلط اني ويااك والبادي اضلم.
بعد اسبوع من اربعينيه وزياره جدو وكاعده بغرفتي وصافنه افكر بالي راح يصير بينه بعد جدو دخلت ميسم وستعجلتني انزل يردوني بالديوان واو بالاحرا ضيفه عدنه تريدني لبست واني مستغربه منو هاي الضيفه ونزلت ضربت دكيت الباب وفتت جانو بابا وليث وسعد وعمو واولاه يوسف ويعقوب وبيبي وستغربت وجود جاسر همات باوعت براس الديوان كاعد مرا عمرهه منتصف الثلاثينات بس مرتبه جميله ومامبين عليه الكبر وكدامهه جنطه وبيدهه اوراق سلمت عليهه وبعدين عرفت انو هي محاميه جدو وجايه بالوصيه مالته ماجنت اعرف انو جدو كاتب وصيه قرت قائمه باسمائنه ومن تاكدت حضورنه عرفتنه عنهه وبعدين كالت.
المحاميه: بالبدايه اشكرا ستضافتكم إلى اليوم والبقيه بحياتكم اخر الاحزان ان شاء الله الشيخ الله يرحمه كان انسان عظيم الله يجعل مثوا الجنه يارب
الكل: امين.
المحاميه: اكيد تعرفون اني ليش طالبتكم اليوم مثل ما تعرفون انو المرحوم ترك وصيه اوثقه وبعتباري محاميته فا اني راح اكون المسوله عن تنفيذ هاي الوصيه حسب البنود إلى تنص عليهه بالحرف الواحد وبما انو كل الاطراف المعنيه موجوده والي طلبهم الشيخ بالاسم راح افتح الوصيه.
ليال: كان الكل كاعد عل اعصابه هه اكيد هاي اهم لحضه بحياتهم اخ ياجدو هيج ابساطه رحت وخلص راح يورثوك هه ويمكن هاي راح تكون اخر لمه النه سوا نعصر كلبي وطفرت دمعه من عيني مو هاي النهايه إلى تمنيته، نتبهت من شرودي عل صوت المحاميه إلى طلعت اوراق الوصيه والكل منتضر منهه تقراهه وهذا إلى سوته بالفعل.
المحاميه اديان: هذا اول فصل من الوصيه راح اشرحه الكم بهاذ الجزء الشيخ كاتبلي عن كميته املاكه بالتفصل وعن الحسابات إلى بالبنوك هاي اول نقطه
اما النقطه الثانيه...
ليال: حسيتهه ارتبكت وباوعت علينه كولنه إلى حسينه بارتباكهه اداركت الموقف ورجعت كملت كلامهه بعد ما سعد سوا مداخله فضه إلى اصلن كاعد عل اعصابه بوجود جاسر إلى مو طايق وجوده بينه اصلن
سعد: ييي النقطه الثانيه شنو.
اديان: احم النقطه الثانيه موصي بيهه الشيخ انو ماراح يتم التصرف باي فلس من املاكه اله بعد سنه يعني راح يبقى الوضع عل حاله وكانو عايش بينكم لبعد سنه كامله وبعد هاي السنه راح تكون اكو وصيه ثانيه والي بيهه راح يكون توزيع التركه مال الشيخ الله يرحمه
يعقوب: وهذا الطبيعي اصلا بعد سنه بعد سنه مو مشكله
ابو سعد: وانه اتكفل مسوليه اداره هاي الاملاك ابمكان الشيخ خلال هاي السنه
جاسر: هه كفوو والله.
ابو سعد: شنوووو تستهزء بيه اصلا انت مامشول بالورث نسيتت انو ابوك توفه قبل جده لا وهوا متبري منك هم
جاسر بنفس البورد هه اورث او لا لانته ولا ولدك اخليكم تتهنون بيهه مثل ما حرمتو ابوي منهه انه راح اهدهه فوك روسكم
ليال: كال هيج وكام وخله سعد وبابا وبيبي فخريه ثايرين ويتهاددون عليه لو ما يوسف ويعقوب لازمينهم وعمو ياسين يهدي بيهم وبيبي تصيح وتغلط عليه راد يطلع بس قاطعته صوت المحاميه من كالت.
اديان: ااااهدو يااا جماعه انتو اهلي وهذا اجتماع حساس خاص بوصيه ررجائن التزمو الهدوء وخلون اكمل كلامي اني لسه ما خلصت
رجائن استاذ جاسر ترجع المكانك
ابو اسعد: خللللي يطلع ماااله مكان بينه
اديان: لاا اله مكان لانو اكو اشروط متعلقه بفتح الوصيه الثانيه واستاذ جاسر احد الاطراف المعنيه
ليال: تفاجئنا بكلامهه شروط شنو جاسر رجع كعد بمكانه وهي بدت تشرح النه هاي الشروط الصدمتني وراح تغير حياتي للابد.
اديان: ي لا تتفاجئون هيج الوالد الله يرحمه خله شروط ما راح تنفتح الوصيه بعد سنه اله اذا تحققت هاي الشروط واحب و اول شرط احب اكلك ياشيخ ابو اسعد مو انتو إلى تقررو من يكون الوصي عل الاملاك لاا الشيخ هوا مختار هذا الشخص ومذكور بالوصيه إلى ابئيدي
ليال: اباع بيبي فخريه كعدت بشموخ لا معنهه الزم الشارع احسلي اذا هي وصيه علينه
اديان: ليال.
ليال: قاطع شرودي صوتهه وباوعت اليهه بستغراب كتلهه، نعم. باوعتلي ببتسامه ورجعت باوعت للكل وكالت
اديان: وهاي هي الوصيه عل املاكم جدكم مسويلهه وكاله كامله باملاكه
ليال: جسمي هتز من الصدمه واحس ريكي يبس ليش جدو حتى يسوي هيج حتى خفت اباوع عل وجوه الموجودين خايفه اشوف نضره اتهام الكل لتزم الصدمت او يمكن مصدومين مثلي.
جاسر: هه يعني كل الاملاك حاليا بوكاله الشيخه ليال والله يا شيخه فخريه راحت عليج واله اكلج ماراح عليج هسه حفيدتج المصون تحولج كم عقار ههههههههاي
ليال: يضحك بطريقه مستفزه خله بيبي فخريه شاطت ونضرتهه نار تريد تحركني لو ما لازمهه عمو ياسين الكل كاعد عل اعصابه اله هوا ما خذ الموضوع بستهزاء قاطعه ضحكاته المحاميه من كالت.
اديان: مو بهاي البساطه جدك حتى يضمن حق كل واحد بيكم حط شرط ثاني وعل فكرا اني اعرف بطبيعه الخلاف إلى بينك وبين عمك الشيخ ابو اسعد لهيج الشرط الثاني راح يخصكم انتم الاثنين والي هوا انو انتم لازم يصير بينكم نسب وهذا النسب بمثابه وصيه عل الوكاله إلى سواههه لست ليال
ليال: شنو نسب شنو وصيه عل الوكاله اني مو فاهمه شي.
اديان: اني راح افهمج بختصار راح يكون بينكم عقد زواج اني والاستاذ جاسر شرعاً وقانون وبهيج راح تكونين ممنوعه من النصرف او نقل اي شي بالوكاله الاسمج او اي احد ثاني اله موافقته وبالمقابل طول ما هوا وصي وهذا العقد بينكم ممنوع ينتقل اي شي الاسمه.
ليال: كمت منتفضه شنوووووو لاا مستحل اقبل اتزوجه وبعدين اني إلى الحق انو مااا اقبل بهاي الوكاله.
جااسر: ههههههههههاي جاي تشاقين موو اكيد جدي ما كاااتب هذا الفلم الهندي بالوصيه
سعد: ااااصلان انتن لوو تبقى اخر وااحد بالدنيا ما اناسبك وازوجك اختي
جاسر: لااا اترجاك زوجني يااهه لك اناسب اجلاب الشوارع ولا اناسب امثالك.
ليال: تعالت الاصوات واني كعدت مهدود حيلي مصدومه من إلى سمعته لاا جدو لاا امانتك كلش ثكيله اباوعلهم بابا وسعد اله شويه يتلازمون هما وجاسر وبيبي فخريه تزيدهم بكلامهه وعمو عماد والولد صايرين بنصهم باوعت للمحاميه بترجي
اديان: يااااجماعه مااايصير هيج ممكن تهدون حتى نتفاهم هذا كلام وصيه يعني ما جايبته من عندي وانتو مجبورين تلتزمون والي مايريد ينفذ هذا الشرط ما مجبور عليه بس.
ليال: هدئو شويه بس احسهم مثل البراكين عل شوي ينفجرون واني اعصابي تلفت حتى مو كادرا افكر
ابو سعد: احنه اكيد مو قابلين بهاذ الشرط بس شنو نتيجه الرفض
اديان: في حال اي احد من الطرفين مو موافق عل هذا الاتفاق فراح تنتقل حصه هذا الطرف من الاملاك للاطرف الثاني من الاتفاق حتى في حال انو ليال رفضت الوكاله راح تروح للطرف الثاني.
ليال: صعقو من هذا مكلامهه وسكتو والحيره بعيونهم تقربت للمحاميه وهذا اخر امل عندي كتلهه، وصيه جدو والوكاله واملاكه اعتبرهه
امانه وكل الموجودين شهود ومستعده اوقع عل اي تعهد وحتى انتي اذا تردين صير وصيه على انه ما اكدر اتزوج بهاي الطريقه هذا الشرط صعب علي.
اديان: للاسف ليال الاي اعرف انو انتي طالبه قانون وتعرفين كلش زين انو الوصيه مستحيل يتلاعب بيهه وا تتحرف ليال جدج سوا هيج لان عنده غايه فاته الوقت انو يحققهه بس هوا شايف بيج انتي امله الاخير.
ليال: دنكت بخيبه واحس دموع حاره حركت عيوني.
اديان: اني راح اطيكم وقت الباجر تفكرون وتنطوني قراركم الاخير حتى نباشر بتنفيذ الوصيه والي راح اشرف عليهه بنفسي.
ليال: سلمت علينه وطلعت وبقينه احنه بمكان واحد ولازم نتفاهم عل هاي الشروط ولاني اعرف الامور حرا تتازم وماراح يوصلون الحل قررت اني اخصم الموضوع...
وشفادها؟
ضلت مثل حظي الشمس.
تنطي ضوه،
بس ماكو واحد رادهة.