رواية الشيخة ليال للكاتبة الوردة البيضاء الفصل الأربعون
شجم مرة تلاكينه ولامرة اجت صدفه
بكلهن جنت منتظرك
هبه: اباوع عل المشروع وهوا بالمرحله الاخيرا
واحس افخر انو كدرت احقق شي بهذا الوقت القصير رغم هاي الضروف إلى جاي امر بيهه.
باقي سبوع واسلمه وبعدهه راح انفصل عن الشركه بعد اخر صدمه إلى قررت اركن كلبي عل صفحه واخذ خطوات بحياتي اتجنب بيهه هيج خيبه مر ثانيه خلصت شغل ورجعت للبيت قبل الوقت بنص ساعه ماريد اشوفه اخاف يجي للموقع واضعف اكثر من هيج من اخر اتصل بينه واحنه مابينه لا اتصل ولا حتى شفته من اسبوع...
بس بعد ما سمعت إلى صار وي ميسم خجلت انو ما اروح اشوفها واوكف وياها اتصلت بليال نطيتهه خبر راح ازورهم ماريد علاقتي بيهن تتأثر هنا خواتي إلى ما حصلتهم لا من ام ولا من اقارب.
كعدت العصر بعد مانمت شوي دخلت سبحت ولبست فستان اسود شتائي بينصل مرتب وي شال احمر ومكياج ثكيل شوي لان وجهي تعبان و اخاف يشوفني المسمومات وعبالهم منهارا او ميته من بعد السوو بيه، رشيت العطر ولبس حذاء كعب احمر باوع النفسي برضا كشخه من كشخه صار هواي ما معتنيه بنفسي هيج طلعت وصلني لؤي وراح دخلت من باب الكراج جان العصر جاي امشي للباب ورفعت راسي صار بوجهي يعقوب وجاسر كاعدن بالحديقه المفتوحه، كاعد مرجع راسه لورا وتكي عل اديه ويباوع بالفراغ اجت عيني بعينه بسرعه عدل كعته يباوعلي متفاجئ نزلت عيونه كصتني كص نزلت راسي وفتت بسرعه بس احس كلبي مثل الطبله، هه اذا نضرا بعد بعد اسبوع هيج سوت بيه لعد شلون راح اتحمل اذا فتركنا سنين.
تنهدت ودخلت
ستقبلوني البنات بحراه واني جنت مشتاقت الهم ونكسر كلبي من شفت الهدوء إلى صاير بشخصيه ميسم بعد ما جانت كلهه طاقه وحيويه وهذا الحب صح حلو ويعيش الانسان بعالم ثاني بس اذا نتهى ياخذ ثمن هاي السعاده اكثر من ما ينطي اوجعى بالروح، اما ليال فصايرا عل الحب مثل الفراشه رغم الهم والخوف إلى بعيونها وهي وضعها وي جاسر اصعب من عدنه كلنه لانو تقريبا الامور مو بديهم.
عمر كعدتكم ما ينمل ملهه بس لازم اروح كل شوي لؤي جاي يتصل بيه
ليال: شنوو انسي ماكو روحه مو جايه العصر وترحين وي العشه لو انتي ما تعرفين الاصول
ميسم: فدوا هبه مشتاقلج وملل ابقي يمنه وليث يوصلج
هبه: بنات تعرفون الوضع لاتضغطون على وتعرفون شلون احب لمتكم
ليال: وانتي كلتيهه لمتنه يعني انتي جايه لبيتنه مو ليهم واصلان هما مايجون هاي الفترا.
هبه: كالت هيج وفات يعقوب وليث من باب الصاله، باوعتلهه رافعه حاجبي بتسمت بهبل وكالت
ليال: ماعدا هذا الكائن الضريف الطيف مايعض والله
هبه: ضحكت ودنكت خرب حضها دخل ليث سلم بكل لطف وخطيه خشمه ملزك سلمت عليه وتحمدت اله السلامه وهذا واكف ورا مغيم ويباوعلي بدون مايحجي ولا حتى سلم دك تلفوني باوعتله لؤي باعوت للبنات يباوعولي بتوسل بتسمت
ميسم: هبه ازعل منج والله.
ليث: شنو تريد تروح ترا طلعتج هيج وقت نسويهه عشاير وياج
باوعتله بتسمت رديت عل لؤي، الوو هلو حبيبي، لا لتجي البنات اصور ابقى عل العشه
ي باجر راح يوصل. همم اوك نروح اني وياك ي اني سئلت رئيس القسم كال عادي ينطوني
خليهه ارجع وافهمك. اوك باي
سديت التلفون ورفعت راسي اباوعله متكي عل طاوله ويباوعلي عاقد حاجبه
ميسم: شنو هبوش راح تكملين جامعه يالله حتى ندرس سوا.
هبه: هههه للاسف مالج بالطيب نصيب ماراح ادرس هن، سكتت من شفته مركز عل كلامي وهي هم سكتت، تركناهم بالصاله وكمت اساعد البنات وهوا بقى هنا شلون يترك هبه عل راحتهه...
بان: كل الاحداث إلى صارت اخذت مني وقت حت استوعبهه ورغم انو ماما نفذت تهديدهه وتركت البيت بس هذا جان اهون على من انو ازوج واحد مثل بسام، اما شعوري لم عرفت إلى سوا ليث عل مودي احس نفسي طايرا ومو مصدكه بس هوا كالب وجها على لان معتقد اني موافقه، طبعا يعقوب كايل اليال الكلام إلى صار بالكعده وقبل لا يطلبني خالو داخل ليث مسلم وكاعد وياهم بعدين بادي خالو بالكلام.
الخال: والله يا خالي انه اليوم يوم جايك بطلب واتمنى ما تردني احنه اهل ومابينه هاي الرسميه بس معزتكم عندي تعرفونها ومقامكم عالي ردت اسويها حسب الاصول واجيب اهلي وعمامي وياي حتى اطلب اختك لابني بسام وانه ادري بيك انت بمقام ابوها واذا تصافينه نطلبها من عمامك نشالله
جاسر: والله يا خالي جيتكم عل راسي ومثل ما كلت احنه اهل بس ان...
ليث: بعد اذنك جاسر انه اريد اجنبك الاحراج وي خالك، بس الضاهر إلى ما يعرفه انو اكو احد متقدم الهه قبلهم ومنتضر الرد
الخال: بس احنه النعرفه وبعد ما اخذنه رايهه عن طريق امها انو ماكو هيج حجي وحتى اكو موافقه
جاسر: شنوو امي هيج كالتك انو تكدر تجي تتقدم ومطيتكم الموافقه
الخال: ي ماردنه نجي ونحجركم اخذنه موافقه مبدئيه قبل نجي ونطلبها بشكل رسمي.
ليث: اضاهل الوالده ماعدهه خبر انو انه متقدم البت عمي ومنتضر الرد عل طلبي لمفروض ترجعولي خبر وبعدين تخلون احد ثاني يتقدم مو هيج الاصول ياا ابن عمي
جاسر: ماجان عندي خبر ونته ابن عمي وتمون
ليث: اي اكيد
بسام: اذا هيج الحجي فا احنه بيهه انه اكول ادخلون تسئلون البنيه وهي تقرر
جاسر: اكيد وهذا إلى راح يصير.
بان: يعقوب يكول طلع جاسر وانه لازم ليث لايكوم يهد عل بسام بعد ما حجه وبقى بس يخزر بي شوي كام ترخص بثكل وطلع، وبعدهه اجه ورا جاسر وصار إلى الصار ونضرب ويعقوب يكول اصلا زين من وبس كسر خشمه جان بالكوا لازم نفسه ما يكومله وتماشه وياا بلكلام إلى ما صار اصلا وجاسر اكثر شي ينرفزه انو ينحط كدام الامر الواقع، بعدهه رجع للستقبال ومعتذر من خالي وطالع زعلان هوا ولويا وطلعت ماما بهاي الطريقه نرفزته اكثر يكول صغرتني اكثر كدام العالم فوك ما هي الغلطانه بحقي من انطت موافقه الخالي بدون علمي.
وهاي اني صار اسبوع حايرا بينهم مايقبل لا يروح الهه ولا يتصل بيهه وانه ما ترد على ولا بيت خالو بس سجى لخاطر جاسر مسويه نفسهه الودوده وتوصلي الاخبار تكول ماتقبل ترجع اله نسوي إلى تريده وللاسف إلى تريده صعب علينه اني وجاسر وصلا هوا صاير ما يشوف غير ليال مثل الطفل متعلق بيهه وخاصه بعد ما راحت ماما يوميه تجي يمي تشوفني وتساعدني بالبيت وعل جاسر.
واسمهه تجي تشوفني او ما تدخل البيتنه يسوي عليهه حجز وهي خطيه تجي بالختلات بسبب سعد وبيبيتهه، بس حبهم يكزكز مو اني من يوم الخطبه وهوا مغيم على حتى خشمه كسر وهوا بعده مغرور
كل ما اروح عل الدوم اتقصد امر عل ليال اني وقبل الوقت ورغم خوفي من فخريه بس حتى اشوفه تذكرت او يوم داومت بعد إلى الصار ورحت عل ليال جنت اريد بس اشوفه واطمن عليه وصلت للباب وترددت ادخل بقيت واكفه برا لحد ما هي طلعتلي.
ليال: صباح الخير ليش ما فتي واكفه بالبرد
بان: صباح النور تعرفين ما إلى عين وهسه بيبيتج اول ما تشوفني تهجم علي
ليال: هههههه ي والله اسكتي اني كوا متحمله كلامهه عل جاسر، بس جان اتصلتي بيه او ما وصلتي صاير وجهج طماطا من البرد
بان: ههه لا مدفيه نفسي لا تخافين
ليال: هههه اوك يالله امشي
بان: بقيت واكفه مكاني اباوع عل الباب
ليال: زين زين وما كعد لسه
بان: هااا تنهدت، عليج الله شلون صار.
ليال: والله ما بي شي اكلتي راسي من امس لليوم
بان: اسكتي لا تذكريني جان وكف كلبي امس
ليال: ي والله خفت تموتين من جمدتي علينه، نتضري لحضه راح اجيب جاكيتي واجي
بان: هزيت راسي، راحت شويه ورجعت طلعت شويه وهوا طلع وراها خشمه عليه لزكه وحمار يم عيونه من الضربه مخرب جماله الحلو بقينه واحد صافن بالثاني بس هوا زعلان مثكل وجها علي
ليال: شفتي وهاي كدامج جون سينا ما بي شي غير شويه رضوض وتصلح نشالله ههههههه.
بان: فضحتني المفضوحه دنكت راسي ردت اطلع كدامهه كال وراي
ليث: ممنوع ترحين ورا امج لاي سبب كان حتى لو وي جاسر
بان: درت وجهي باوعتله بغيض، شنو هاي اوامر يعني
ليث: عتبريهه مثل ما تعتبريهه روحه الخوالج ماكو بعد
بان: ليش منو حضرتك حتى تمنعني
ليث: تعرفين بعدين ما اكص هذا السانج سمع الكلام احسلج.
بان: طنكرت طلعت وضربت الباب اني صوجي خايفه عليه لو كاسر راسه مو بس خشمه المغرور، وبقنه عل هذا الحال صار سبع نتقابل بس بالنضرات وهسه اتصلت بيه ياليال حتى اروح يمهم لان متجمعين وي هبه وحت جاسر كلي متصله بي بدلت ورحت رغم متردده كلش انزعج من تهاجمني بيبيتهم واخاف تفشلني.
دخلت وجانو البنات كلهم متجمعين بالمطبخ سلمت وصرت اساعدهم واسولف وياهم. شافتني فخريه خانم عل كولت جاسر وما حجت بس تخزر بيه غلست عنهه اريد اغير جو احس البيت صاير يخنكني ومثل اليتيمه بدون ماما وغير قهر من فكرت انو هي زعلانه مني، دخلت سلمت عليهم وهوا باوعلي متفاجئ حسيته فرح بجيتي او يمكن اتوهم المهم.
نقلنه لاكل والكل كاعد والمه تخبل حتى عمو اجه بس جاسر ماكو احس نفسي دخيله عليهم خرب واهسي من الاكل بقيت بس استمع لسوالفهم وصافنه وما احس اكل تخله بصحني باوعت ليث شال من الاكل الكدامه وخلا بصحني واشرلي براسه اكل عيونه هل مرا مليانه حنيه بتسمت وصرت اكل لان ليال هم نتبهت على وخبصتني اكل واباوعله عينه على واني عين عليه وعين عل مريم إلى اكلته بعيونه احس الغيرا اكلت كلبي بس الحمدالله هوا ما منطيهه وجه جان متت...
ليال: صبينه العشه وشفت الاكل ونقهرت افكر بي شنو راح يتعشه هسه اكيد رجع من الشركه ماصارلي مجال اتصل بي لبعد العشه اول ماتصلت تأخر يالله رد بصوت نعسان
جاسر: الوو حبيبي جنت نايم ما سمعته
ليال: نمت بدون عشه
جاسر: هههههه شبيج راح تبجين عشتي دور الام علي، لا ما نمت بدون عشه نمت اول ما اجيت من الشركه
ليال: هاا اوك راح ادزلك عشه بيد بان
جاسر: لاا انتي جيبي اليوم ما شفتج.
ليال: ماكدر حبيبي هبه عدنه والكل موجود ناقصنه بس انته
جاسر: غير اروح فدوا للمفتقدني ما بقى شي
ليال: نشالله يالله باي خل اخذلهم الجاي
جاسر: يالله روحي
ليال: احبك
جاسر: روحي بيج.
ليال: بتسمت وسديته دائما يكلي هيج واني هم روحي بي صار سبع بعد الدوام اروح شوي اساعد بان واكسر عليهه الوحشه بس اذا موجود اصر حصته ههههه واهتم بي ارتب غرفته واغسل ملابسه وحتى اكل مرات اسويله وهذا صعب الامور اكثر لان اتعلقت بي من هاي الناحيه هم و من اتذكر انو بعد اسبوع عل دوران السنه مال جدو كلبي ينقبض وبعد راس السنه راح تفتح الوصيه لانو مسافرا واذا نفتحت الوصيه كلشي راح يتغير بحياتنه واهذا اكثر شي مخوفني ما اعرف شنو مضمون الوصيه وشلون راح تعقد الامور اكثر تنهدت واخذت الجاي جان يوم حلو ذكرني بايام قبل من نلتم ومشاعر الحب والنضرات طاغيه ناقصنه بس حبيبي.
ما تحملت ما اروح اشوفه ستغليت فرصه انو سعد بعد وقت عل رجعته ولي اصلا هاي الفترا إلى صار وجوده صاير نادر ويرجع للبيت بوقت متاخر ودعنه هبه ستغليت حجه توصيل بان وجهزتله عشه واخذته وياي اول ما وصلنه جان موجود بغرفته ردت اسويله سبريز لان كتله ما اكدر اجي.
سويتله صينه الاكل وصعدت بان فتحتلي الباب بدون ما ادكه فتت ما موجود وصوت بالحمام جاي يسبح تركت الاكل عل الطاوله وصرت افتر بالغرفه مليانه عطرا وكفت يمن المكتبه اخذت الكتاب إلى عليهه، ممم يقرا عن الفلسفه واني اكول هذا الاسل ب التفلسفي منين جابه طلع حتى يقرا كتب عنه واكفه اتصفح بي واقرا بالي ماشرهم مندمجه شوي وحسيت اديه الرطبه حاوطتني سحب الشال وباس ركبتي بهدو حرك اصابعه عل طول ايدي قشعر جسمي واصلا ذبت بيده كال.
جاسر: احلا مفاجئه توقعتج ما تجين
ليال: صار عندي مجال، نعيمن
جاسر: الله ينعم عليج لو ادري منتضر شويه
ليال: هههه، البس ملابسك لا تستبرد
جاسر: لاا دفيت فلافيج يدفن
ليال: يحجي ودافن راسه بركبتي، زين اكل لا يبرد الاكل، اااخ جاسر لا تعض
جاسر: غير انتي الكتيلي اكل لاتضل جوعان
ليال: قصدي الاكل
جاسر: لا اريد احلي اول.
ليال: ممم حبيبي ماريد اتخار، يرفع بالبلوز واني لازمته واديه تتلمس بجسمي براحه وصار يوزع بوساته عل ركبت لحد ما خدرني ودارني عليه اخذ شفتي وصار يتفنن بيهه فقدت الدرجه اذا يتركني اوكع وحتى نسيت شلون ابادله
فصل عني بهدوء وباوعلي بالكوا فاتحه عيوني وهوا لازمني همس
جاسر: ليش مابادلتني حبيبي
ليال: هممم
جاسر: ااخ مال سكرتي من بوسه مال هسه واحد يجرم بيج والله.
ليال: نتبهت من كال هيج ودنك عض شفتي دفعته بخفه اباوعله بس الخاولي لافه عل خصرا اذا اركز بجسمه شوي بعد اقبل يجرم بيه عادي هزيت راسي وهوا يضحك على احسه يقرا افكاري، يالله تعشه انه لازم اروح لا اتاخر
جاسر: تعالي سويلي واحس عل لاكل
ليال: ما اكدر والله عل جايات نشالله، هز راسه مبتسم تقربت بسرعه بست خده وركبت وطلعت راد يلزمني ما لحك نزلت ودعت بان بسرعه ورجعت للبيت واني احس لسه مسطور خرب مفضوحه والله...
هبه: من الكل اتجمع حسيت بالحراج بس وجوده هوا مطمني ما محسسني انو اني غريبه بينهم عيونه تلاحني وين ما اروح وباوعلي بنضراته مفضوحه ما نزل عني حتى ما اكدر اصد بوجها من كد ما مركز على وكلبي الفطير طاير بي، جنت مرتاحه ومتونسه لحد ما وقت العشه اجه عمو ومريم من شفتهه حسيت بخنكه سلمت بطريقه مستفزه و تباوع على بشماته وتسويلي حركات بوجهه نتبهت عل يعقوب يخزر بيهه غلست عنهه ونشغلت بالسوالف وي البنات واحس كعدتهم ما ينشبع منهه بعد العشه ما قبلت ليال حلفت على ما اجيس شي وياهم الكل كعد بالصاله واني رحت قعت بالستقبال المفتوح انتضر البنات جاي اكلب بتلفوني ورفعت رجلي طابكتهن وبعد ما حسيت بشي.
ما اعرف شكد مر وقت نص ساعه او اكثر فتحت عيوني عل حركه يم رجلي عززا شوكت غفيت شكد فشله باوع يعقوب كاعد يم رجلي ويسحب بالفستان يغطي رجلي لان مرتفع وضال لازمه وجاكيته مغطيتي بي صفنت بي رفع راسه باوعلي شافني كعدت كال بستنكار
يعقوب: ماعندج اكصر واكصف من هذا
هبه نزلت رجلي وتفاوبت، من شوكت نمت
يعقوب: ماصار هواي ليش تخلين نفسج اتعبين هيج لدجه تغفين ونتي كاعده.
هبه: لا ما تعبانه بس ما اعرف يمكن الهدوء خلاني انعس واصلا هان التعب مشالله ما بقى غير كم سبوع هل السنه الجديده واسلم المشروع وارتاح، بقى يباوع بوجهي احسه من احجي هيج ابده يفترسني ولو هوا ما قصر المرا الفاتت
يعقوب: هه ي يوم عيد عندج
هبه: نشالله ما تصير اي مشكله واكون كد ثقه حضرتكم وصل كلامي الكل البشركه رجائن
يعقوب: شنو كانج جاي تودعين خير وين رايحه.
هبه: ههه مو مهم الانسان لازم يودع بكل لحضه مايعرف شوكت يطلع من حيات الناس إلى يحبهم، غمض عيونه وفتحه بهدوء واباوع دمارات ايده وركبته نطت اعرفه من يعصب بس مايخلي يبين عليه رجعت كتله، وين البنات خلي اشوفهم شوي قبل ما اروح
يعقوب: انه اوصلج لا تتصلين باحد
هبه: كام طلع بسرعه اجو البنات كعد.
ت يمهم شوي وسولفهن احس ردت روحي بكعدتهم بعدين سلمت عليهم وطلعت مريم كاعده يم بيبيتهه ثنينهم يخزرن بيه غلست طلعت لكيته ينتضرني صعدت وياا وحرك السياره بدون كلام يسوق سريع كتبه
عل كيفك يعقوب ادوخ هيج والله، بس كتله هيج شخط السياره وصف عل جهه بالشارع باوعتله متفاجه قبل لا احجي باوعلي وسئل بطريقه مباشرا
يعقوب: شنو سالفه الجامعه والدراسه الحجيتي بيهه وي لؤي.
هبه: ماراح اكول شنو همك بيه حتى ماتكلي الحجه الواهنه مال انه زوجج والي حق
انه قررت اكمل دراسه
يعقوب: وين، ليش يالتلفون كلتي مو هنا بغير محافضه قصدج
هبه ؛ بغير دوله قصدي، المشروع وراح اسلمه وانت حددت وقت انفصالنه بقى تختار اليوم واني جاهزه بعدهه راح اسافر لان قررت اعيش حياتي بالطريقه الاريدهه اني وبس مثل ما الكل جاي يسوي هيج
يعقوب: هه مخططه ومخلصه ومنتضرا التنفيذ برافو.
هبه: مو اني الخططت انتم خططتو اني بس سويت التعديل إلى يريحني ضلتي هنا راح ادمريني واصلا اني مدمرا من زمان بس المشكله انو الحيا ما توكف على مجبورا اعيشهه، ما كال شي تنهد وحرك السياره بس اباوع الاديه ترجف وهو يسوق وبطئ السرعه وانه الدمعه خانكتني لحد ما وصلنه فتحت الباب ردت انزل كال...
يعقوب، : ايام وياج جانت احلا شي بحياتي مرتي مثل النسمه إلى طلعني من المرار الجان بحياتي ماريد اكون انه مرار الحياتج.
هبه انتي
هبه: دايرا وجهي ونزلت دموعي منتضرا ينطقها كال هيج وسكت رجع حجه غمضت عيوني كال بنبره صوت يرجف
يعقوب: راح احدد يوم وي ابوج وننهي كلشي ماريد اعطلج عن احلامج تصبحيم عل خير
هبه: هزيت راسي بدون ما اديرا ونزلت لازمه كلبي احسه لو كايلهه جان وكف شمنتضرا هبه بالاخير راح يكولهه بس لا مو بهاي الطريقه وبعد هذا الكلام راح تكون قاسيه عل كلبي. يااااربي شلون ررحمني من هذا الوجع.
ميسم: مرت الايام متشابهه وكل يوم تزيد قساوت الاحداث المريت بيهه على اكثر احس بكسره نفس والغريب انو ما فكرت بيوسف ولا بحبي اله ابد بس إلى مأذيني الخيبه إلى تعرضت الهه وندوب الخلتهه بيه ما اعرف شكد احتاج وقت حته يترمم هذا الخراب إلى تخلف بيه، واول شي هربتله منه الدراسه وحب الداير مدايري ومحاولتهم السعادتي وخاصه ليال ورحاب إلى ماتركوني ابدا خو رحاب سابيتني ادرسني اكثر من تدرس وبالدورات اذا صفنت بخزرا ترجع عقلي الراسي ههه، اليوم اخر يوم بالدورات وبعد سبوع راح تبدي الامتحانات اجب اذا ما اكول خايفه بصار بداخلي جزء لا يبتلي بكشي يصير طلعنه منتضرين السايق مالهه من وصل ما احس غير.
نزل باسل من السياره من شافته صرخت وراحت حضنته الضاهر جاي يفاجئه برجعته بس ليش عيونه على معقوله عرف بالصار ومستعطفني دنكت راسي خجلانه وهاي اول مرا اسويهه ومشاعر التوتر بداخلي مو طبيعيه ايدي عركت وصخنت مادري ليش وشمعنه منه صار بيه هيج مع انو ما هتميت الرئي اي بشر بالي صار بس هوا ليش واكنو ما اريده يعرف
نتبهت من شرودي عل صوته من كال
باسل: شلونج ميسم.
ميسم: رديت بصوت مبين بي الخجل هلو باسل الحمدالله انت شلونك الحمدالله عل السلامه...
باسل: الله يسلمج احم ممبروك عل الخطوبه سافرت وما صار عندي وقت اباركلج بس مانسيتج لالهديه
ميسم: رفعت راسي بصدمه اباوعله اجت عيوني بعيونه نفس نضراته إلى ما اكدر افسرها طال سكوتي وباوعت الرحاب وهوا باوع الهه ورجع باوعلي ونزلت عيونه عل ايدي ضميتهه بسرعه بجيب الجاكيت بقى صافن بوجهي عل تصرفي كاال، يتبع.
وعيني شما تكابل ناس.
تبقئ بعيني بس عينك.