رواية الحب الضائع الجزء الأول للكاتب عبد الرحمن أحمد الفصل الرابع عشر
يارا بقلق: إيه الشرطة اللى برا دى كلها
ملك: معرفش بس اظاهر حصل حاجة
يارا: ربنا يستر
خرج ادهم الذى كان يتابع المشهد من شباك الغرفة واتجه الى يارا
ادهم بأبتسامة: انتى بقا يارا
يارا: ايوة حضرتك انا يارا
ادهم: محمد حكالى كتير عنك وبيحبك جامد اوى
احمرت وجنتا يارا من الكسوف
ادهم: مبروك يابنتى، ربنا يتمم لكم بخير
يارا بكسوف: الله يخليك يا انكل.
محمد بجدية: الناس دى عايزه تدمر البلد يا حسام، فهمت الحكاية
حسام: امممممم فهمت
محمد: انا داخل للواء شريف احكيله على اللى حصل
حسام: ماشى.
انتهى اليوم وعاد محمد الى الفيلا بعد بحث شاق عن اى شئ عن الذى وضع القنبلة فى عربة حسام لاكن دون جدوى
وصل ووجد ملك ويارا ثم جلس بعد ان سلم عليهم
يارا بخوف: هو حصل حاجة
محمد مطمأن يارا: لا محصلش الحمدلله متقلقيش، ده انا الرائد محمد ادهم يابنتى
يارا: يا سلام
محمد: امال إيه، المهم كنت عايز اكلمك فى حاجة
يارا: حاجة إيه
محمد: قومى اعمليلى قهوة يابت يا ملك
ملك بعصبية: لا ومتوزعنيش، يارا صاحبتى يا رخم.
محمد: خلاص خليكى يا بومة قاعدة
محمد: انا عرفت ان ليكى خال عايش برا، صح
يارا بحزن: ايوة
محمد: هو ميعرفش اللى حصل لوالدك ووالدتك!
يارا: لا مرضتش ابلغو
محمد: امممممم، طب انا هكلمو بكرا ينزل مصر
يارا بأستغراب: لية
محمد: بما انه خالك اطلب ايدك منه واخبطك يا قلبى
يارا بفرحة وكسوف: بجد
محمد: ايوة بجد يا روحى
بالفعل فى اليوم التالى توصل محمد الى رقم خال يارا لانه ظابط ويعرف كل شئ واتصل به.
محمد: ايوة حضرتك خال يارا وجدى
حسن بقلق: ايوة، هو حصل حاجة
محمد: بص هحكى لحضرتك كل حاجة
حكى محمد ل حسن كل ما حدث من وفاه سامح الى وفاه والد يارا واخته التى هى والدة مى وحكا له انه الظابط المسأول عن القضية
حسن بحزن شديد: ومحدش بلغنى ساعتها لية
محمد: صدقنى يارا كانت منهارة وكانت فى ظروف صعبة ودخلت المستشفى، اكيد مفتكرتش خالص او مجلهاش وقت
حسن: انا نازل مصر كمان يومين اطمن على يارا واقعد معايا يومين.
محمد: كويس علشان عايز حضرتك فى موضوع مهم
حسن: موضوع إيه
محمد: لما تنزل مصر هقولك
حسن: خلاص ماشى يا محمد بيه، مع السلامة
محمد: مع السلامة.
كريم: الامتحان كمان اسبوع
ملك: ياخى بتفكرنا ليييية
ايمان ؛ انتو عارفين، مفيش مادة قلقانى اد مادة دكتور بلحة
ملك: ايوة ده بيقول بيحب يهزر فى امتحاناته يعنى هيسقطنا
يارا: يارب يولع بلحة ده
كريم: كفاية سيرة بلحة علشان السيرة دى بتجيب الفقر والله.
رجاء: يا رامى هترجع مصر تانى
رامى: ايوة ياماما وهنقل شغلى لمصر علشان زهقت من الغربة والله
رجاء: طب استنى ابوك لما يصفى الشغل ونرجع مع بعض
رامى: بابا براحتو بقا، انا هرجع مصر بكرا وانتو لما تخلصو ارجعو وانا هخلى هدى توضب الفيلا
رجاء: خلاص ماشى يابنى اللى تشوفو.
محمد: بابا هو انت اللى قتلت سامح وقتلت عاصم الحسينى!
ادهم: سامح مش انا اللى قتلته، هم برا اللى بعتو حد يقتلو بس عاصم هم اللى ادولى امر انى اقتله واخد شركاته
محمد: امممممم، بعت مين يقتله
ادهم: اشمعنا
محمد: عادى
ادهم: ياسر
محمد: اممممممممم، الموضوع معقد اوى، الناس دى طول ما هى برا مصر مش هنعرف نعمل ليهم اى حاجة
ادهم: ما دى المصيبة
قام محمد ووقف وقال: كل حاجة وليها مخرج وحل، يلا سلام انا راجع البيت.
ادهم: ماشى يا محمد
عاد محمد الى الفيلا وجلس فى حديقة الفيلا مع يارا وملك الا وان جاء أحد افراد الامن يبلغه بان امرأة تريد ان تدخل وتقابله
محمد: ميد دى
هدير: انا يا روحى
محمد: هدير!
هدير بأبتسامة وهى تنظر ليارا: إيه يا مودى هو من لاقى احبابه نسى صحابو وحبايبو
محمد: إيه اللى جابك يا هدير، ماهو مش معقولة مفيش حاجة وجاية
هدير: جاية اسأل عليك يا مودى علشان انت مبتسألش ولا إيه يا تمارا ولا اسمك يارا
يارا بغضب: لا يارا
لاحظ محمد غضب يارا
محمد بعصبية: عايزة إيه يا هدير
هدير بأبتسامة: بحبك يا مودى، نسيت حبى، ده انا كنت وحشة بس دلوقتى اتغريت يا مودى وتبص ليارا.
محمد: لا يا هدير عمرنا ما هنرجع لبعض انتى عارفة لية مش بس علشان اللى عملتيه وانانيتك لا، احب اعرفك بخطيبتى ومراتى المستقبلية، يارا يا هدير
تشعر هدير بالغضب وتنظر ل يارا من رأسها لقدمها
وتقول: ماشى يا مودى بس افتكر انك هترجعلى بنفسك وتبص ليارا وتقول هتشوفى
وترحل
شعرت يارا بالسعادة لان محمد قد انصفها ولم يعطى اهتمام لهدير وتركها واخبرها انه سيتزوجها
محمد: متزعليش يا يارا انا هعرف شغلى مع الزبالة دى.
يارا: لا يا حبيبى مش زعلانة، المهم انت متزعلش نفسك
محمد بحب: مش هزعل طول مانتى مش زعلانة
شعرت يارا بالكسوف والخجل
محمد: اه صحيح انا كلمت خالك وحكيتله وهو هيرجع كمان يومين
يارا بفرحة: بجد
محمد: ايوة ولما يرجع هكلمه
يارا وبدأت الدموع تنزل من عينيها: كان نفسى بابا وماما يكونو فى الوقت ده معايا، كانو دايما بيقولولى امتى نشوفك عروسة وكانو مستنين اليوم ده.
محمد: متعيطيش يا يارا، دموعك غالية عليا، ربنا يرحمهم، هم حاسين وعارفين انك دلوقتى كويسة واكيد هم فرحانين
يارا بدموع: ربنا يرحمهم
دخلت ملك بعد ان احضرت عصير لكى يشربوه
ملك: عاملة شوية عصير هتاكلو صوابعكو وراه
محمد: انتى هبلة يابت، ازاى عصير وازاى هناكل صوابعنا وراه
يدخل رامى الذى اتى من خلفهم: طول عمرى بقولك اختك هبلة وعبيطة وانت اللى مش مصدق
محمد: يابن الايه انت رجعت امتى ياض
رامى: لسة راجع الصبح.
محمد: وناوى تسافر ولا خلاص هتنقل شغلك هنا
رامى: لا خلاص هنقل شغلى هنا ومش مسافر تانى ياعم، علشان ابقى جمب قلبى ملوكة
محمد: ما تحترم نفسك ياض
رامى: إيه يابنى ما هى خطيبتى
محمد: لا ياروح ماما، لما تكتبو الكتاب
رامى: ماشى ماشى، مش هتكلم تانى
محمد: ايوة كدا اظبط
ملك: ما تهدو يا جدعان انتو عاملين زى القط والفار كدا لية
رامى: هو اللى بدأ
محمد: انا بردو
تضحك ملك ويارا من طريقتهم كأنهم اطفال.
محمد: اه صحيح نسيت، مش تباركلى، انا خطبت يارا
رامى: بجد، مبروك يا رخم، مبروك يا يارا
يارا بأبتسامة: الله يبارك فيك يا رامى
رامى: طب بمناسبة اللمة الحلوة دى والخبر الحلو ده وبمناسبة رجوعى انا عازمكم بكرا احلى عزومة وعامل حفلة على الضيق كدا
محمد: طول عمرك هايف
رامى: طب كلهم يجو ماعدا انت وطبعا حبيبية قلبى ملك تيجى اول واحدة صح يابيبى
ملك: صح ياروحى
ونسو ان محمد بجوارهم
محمد: لا والله ما اجبلكم اتنين لمون.
رامى: ياااه تبقى عملت الصح
محمد بعصبية وهو يمسك بزجاجة مياه: يابن ال
ويقوم يجرى ورا رامى ورامى يجرى منه وسط ضحكات يارا وملك
ملك: محمد فى الشغل حاجة ومع رامى حاجة تانية خالص، قط وفار
يارا: اه باينين، مسخرة والله
ملك: نهارك اسود
يارا: إيه
ملك: الفاينال كمان اسبوع وقاعدين كدا
يارا: اه صح يلا بينا نذاكر هنسقط.
- How did that happen
= I do not know how they knew there was a bomb
-We must fix that mistake
=ok. don t worry sir
الترجمة:
كيف حدث ذلك
=انا لا اعلم كيف عرفو مكان القنبلة
يجب ان نصلح هذا الخطأ
= حاضر، لا تقلق يا سيدى.