رواية التحدي للكاتبة إيمان شاهين الفصل السادس
كانت لينا بحيره ولا تعرف ماذا تفعل نظرت لساعتها فكانت الرابعه عصرا، كانت غاضبه جدا من الحقير الهوارى ولا تريد الذهاب للبيت فأمسكت تليفونها واتصلت برقم وبعد عده رنات
عايزه ايه منى دلوقتى انا عايزه انام
اقدامك ساعه والقيكى عند ساندرا في البيت
مالك يا لى لى صوت مش عجبنى
لما تيجى هتعرفى ولو نمتى تانى هنكد عليكى
ومعاليكى تأمرى بحاجه تانيه؟
لا كفايه عليكى كده.
قفلت لينا السكه وهي تبتسم فعلى الرغم من انها وبيرين اصدقاء طفوله الا انهم مثل القط والفأر، بيرين صديقه لينا منذ الطفوله كما كان امهاتهم اصدقاء طفوله، بيرين تكون ابنه المليونير عصام بهجت وهي من اب مصرى وام تركيه لكنها تربت في مصر وتسافر تركيا فقط للزياره.
اما ساندرا فهى عكس بيرين بكل شئ، فهى ابنه سائق عماد البحيرى، تربت مع لينا منذ الطفوله لان والدتها توفت اثناء الولاده فاعتبرتها صفاء البحيرى مثل ابنتها، وعندما كانت لينا بالثامنه وتلعب معها بحديقه الفيلا قامت احدى صديقات صفاء بتعليق جارح من ان ابنت السواق لا يجب ان تلعب مع ابنتها، مما احزن لينا وعندما علم والدها بذلك قام بادخال ساندرا بمدراس دوليه مثل لينا وعندما توفى والدها بحادث تكفل هو بها وادخلها الجامعه الامريكيه،.
وعندما احبها زميلها عصام السويفى ابن احد رجال الاعمال رفض اهله زواجه منها لانها ليست من مستواهم، فذهب عصام لعماد البحيرى وطلب منه ان يتزوج ساندرا لكنه سترك اهله ويبدء من الصفر ولن يتخلى عنها، فاعجب عماد برجولته ووافق على الزواج كما قام بمساعدته لبدء شركته الخاصه كهديه زواج لهم وعلى الرغم من رغض عصام الا انه وافق تحت اصرار عماد.
وصلت لينا لشقه ساندرا وفتحت لها الخادمه الباب، دخلت لينا لغرفه الجلوس ووجدتها جالسه تشاهد التليفزيون
اخيرا قررتى تيجى تشوفى اختك وتطمنى عليها
ذهبت لينا لها وضمتها لها برفق فساندرا حامل بالشهر السابع وقد منعها الدكتور عن الحركه وعن اى توتر او ضغط لذلك فلينا منعت الكل عن اخبارها باى شئ حدث
وحشتينى اوى يا نونه، مقصره معاكى انا عارفه حقك عليا
مالك يا لى لى في ايه؟ قالتها ساندرا بقلق.
لما تيجى بيرين هقولك هي على وصول
جلست لينا بجانب ساندرا ووضعت راسها على كتفها، على الرغم من ان الاثنين بنفس العمر الا ان علاقتهم ليست كاخوه فقط بل ان لينا تشعر انها ام ساندرا واختها وصديقتها، وطول عمرها تحميها ولا تسمح لاحد بمضايقتها
فاقت لى لى من شرودها على صوت الباب ودخول بيرين عليهم
لينا فيكى ايه صوتك مكنش عجبنى في التليفون قالت ذلك وسلمت على ساندرا فثلاثه اصدقاء جدا رغم الاختلاف بينهم.
اخذت لبنا نفس ثم قامت بقص كل ما حصل عليهم، من مرض والدها حتى ما حدث اليوم في شركه اسر
ساندرا بدموع كده برضه يا لى لى كل ده يحصل لبابا وليكى وتخبى عليا، ليه هو انا مش بنته برده وهو اللى مربينى ولازم اكون جنبه وجنبك
امسكت لينا يدها بحنيه حقك عليا يا نونه بس انتى عارفه الدكتور منع عنك التوتر والضغط ماقدرتش اقولك واتعبك، انتى او النونو لو كان حصلكم حاجه بابا كان هيتعب اكثر.
ثم قالت بمرح لتغير الجو وبعدين انتى عارفه هو مستنى حفيده الاول قد ايه ده عمله غرفه جنب غرفته علشان لما يسرقوا منكم
بيرين بعتاب طيب وانا كمان حامل ماقولتليش ليه
بيرين خلينا صربحين انتى اختى وصحبتى وحبيبتى بس مافيش سر بيفضل معاكى اكتر من ربع ساعه، لو كنت قولتلك كانت المجره كلها هتعرف
بيرين بذهول انا يا لى لى، طيب بذمتك يا نونه انا كده.
ساندرا وهي تحاول ان تكتم ضحكتها بصراحه اه كده، كام مره كنا بنتعاقب على مصايبنا لانك فضحتى الدنيا انتى ينطبق عليكى مثل ( ماشفهومش وهما بيسرقوا شافوهم وهما بيتحاسبوا ) كنا نعمل المصيبه ومحدش يعرف وانتى تقرى بكل حاجه.
ماشى يا نونه انتى ولى لى انا مش هرد عليكم، المهم انتى ناويه تعملى ايه اسر الهوارى مش سهل انا شفته كذا مره في حفلات بابا واصحابه ده انسان بارد وقاسى وعمره ما خسر في حياته، اكتر حاجه بيكرهها انه يخسر بابا مره كان بيحى لماما وانا قاعده ان اخد صفقه خسر فيها عشره مليون جنيه لمجرد عيند في رجل اعمال كان عايزه الصفقه وقال محدش هيقدر ياخدها منى، تخيلى بقى ممكن يعمل معاكى ايه وانتى اتحديتيه اقدام الموظفين، وله ههههههههههههههههههه وله اللى عملتيه فيه النهارده.
انا مش عارفه اعمل ايه على الرغم من اللى قولتهوله وعملته فيه بس من جوه مرعوبه انه يأذى بابا وله خالد
بيرين انا عندى حل ليكى وفكره هتخليكى تكسبى وقت
الحقينى بيها يا بيرين
اسمعى يا ستى انت يوم الفرح وبعد ما تروحى بيتكم هتقوليله،
نونه ولينا بصدمه انتى جبتى الفكره ديه من فين.
بيرين بضحك انتى عارفه ان جدتى بعد ما ماما اتجوزت وجدى مات جت اقعدت هنا مع ماما وعشقت مصر ومن وانا صغيره كان اجبار عليا اقعد معاها اتفرج على المسلسلات والافلام المصرى القديمه ومن هنا جتلى الفكره
فكره حلوه وبأذن الله تكسبلى وقت لحد ما اخلص منه
نونه دلوقتى لازم تجهزى نفسك ومش تبينى خالص كرهك الزايد ليه خليه يفتكر انه كسب وانك بقيتى الضعيف المغلوب على امرها.
بيرين ماينفعش يا نونه لانه كده هيشك وخصوصا بعد اللى اعملته الصبح فيه، لكن الاحسن انه يعرف انها هتديه فرصه ينجح الزواج بينهم لو لقيته جاد، وصدقينى هو علشان يكسب هيعملك اللى انتى عايزاه قال يعنى ضحك عليكى
تمام كده اعملى حسابك يا بيرى هننزل بكره انا وانتى نشارى حاجات ليا والفستان انا هختار واحد من الشركه عندى اصلا كلهم تصميمى
نونه ايه ده طيب وانا مش هاجى معاهم.
انتى تقعدى تتفرجى على التليفزيون وتأكلى لب، تيجى فين ببطنك ديه ده كان عماد قتلنى قبل ما اربى الحيوان أسر
نونه وبيرى ههههههههههههههههههههههههههه
ايوه اصحكوا اضحكوا واختكم في مصيبه، انا هنزل اروح لبابا اطمن عليه واشوف خالد كمان وبينا تليفون
نونه بقلق اول لما توصلى تكلمينى اطمن على بابا لاما والله هتلاقينى جايه المستشفى
لينا بحنيه ماتخفيش هو بقى كويس وهخليكى تكلميه يلا سلام
نونه وبيرى سلام.
وبعد ان رحلت لينا ذهبت للمستشفى ووجدت ابيها نائم ويستريح فذهبت لمكتب أحمد وبمجرد ان فتحت الباب
دكتور ايه ده ياربى اللى كل اما اجى القيه قاعد في التكيف بيشرب نسكافيه
خالد ده دكتور على ما يفرج
لينا وخالد هههههههههههههههههههه
أحمد بغيظ بلاش تريقه بدل ما اقوم ليكم انتم الاثنين، وبعدين كنتى فين يا هانم لحد دلوقتى
لينا بحاجب مرفوع افندم
بلا افندم بلا بتاع كلمتك كتير ومش بتردى كنتى فين.
اه معلش اصل الموبايل كان في العربيه وانا كنت عند نونه
خالد بقلق ليه هي نونه تعبانن، حصل معاها حاجه
لينا بحنيه لا يا حبيبى اطمن هي كويسه، بس كان لازوم اروح احكيلها اللى حصل طالما بابا بقى كويس لو كانت عرفت من بره ماكندتش هتسامحنا
أحمد بعصبيه خفيفه ليه بس يا لى لى ما انتى عارفه حالتها.
ماتخفش انا شرحتلها كل حاجه بطريقه بسيطه وقولتلها سبب ان احنا خبينا عليها خوفنا على صحتها وهي مازعلتش بس عايزه تكلمه اول لما يصحى
خالد عملتى ايه مع أسر بعد ما خرجتى تقابليه
لينا بتوتر اه اصل اه مالحقتهوش وماكنش في الشركه انا هروح ببى لانى تعبانه وعايزه انام ابقى خلى بابا يكلم نونه يلا سلام
ورحلت مسرعه وأحمد وخالد ينظرون خلفها بتعجب
احمد أقطع ذراعى اذا ما كانت عملت مصيبه.
خالد بخوف مصيبه بس ده بشكلها ده عملت كارثه مش مصيبه بس تفتكر انها قتلته وله عملت فيه ايه
ماتخفش هي لو كانت قتلته كان اتقبض عليها بس الاكيد انها عملت حاجه روح يا خالد واطمن عملت ايه المجنونه ديه، وانا لما عمو يصحى هكلم عماد ونونه أطمأنهم
عندك حق لازم اروح انقذ ما يمكن انقاذه، سلام.
رحل خالد خلف اخته وهو يحمل همها فأسر الهوارى ليس سهل واخته ذو كبرياء وعنيده والاثنين سوا مثل البنزين والكبريت ضعهم مع بعض وستحصل على قنبله مدمره.