رواية التحدي للكاتبة إيمان شاهين الفصل الخامس
دخل عمر المكتب ووجد أسر على الارض
أسر ياحبيبى مالك بتمسح الارض ببدلتك ليه؟
أخرس يا حيوان وتعالى ساعدنى أقعد على الكرسى مش قادر اقوم من الوجع
عمر وهو يساعده بالجلوس على الكرسى
وجع ايه هو حصل ايه؟
فحكى له أسر كل ما حدث من ساعه ذهابه للمستشفى حتى الان فسقط عمر على. الارض من كتر الضحك وهو يمسك بطنه وعيونه تدمع
نظر له أسر بغيظ وقال وهو يجز على سنانه من الغضب.
أطلع بره يا عمر بل ما اطلع عليك الغضب اللى جوايا واقتلك
استنى بس يا اسر، ههههههههههههههههه مش قادر امسك نفسى هههههههههههههههههههههههه بقى البت اللى شبه البومبونى ديه يطلع منه كل ده هههههههههههههههههههه
والله لاربيها وادفعا الثمن غالى، انا أسر الهوارى يتعمل فيا كده، ماشى يابنت البحيرى انا هكسر كبريائك ده
طيب بذمتك معجبكش تصرفها؟
انت مجنون يا عمر، بقولك اتحدنى وضربتنى فى، وتقولى عجبنى تصرفها.
بلاش تضحك على نفسك يا أسر، احنا نحرف بعض من عمر كامل وانا حفظك كويس، على الرغم من غضبك من اللى حصل لكن تصرفها عجبك لانها اول ست مترميش نفسها تحت رجليك، واول واحده متكونش طمعانه فيك ولا عايزه حاجه منك، واول واحده تتحداك وتقف ادامك، وصدقينى ياصاحبى هي ديه الانسانه الوحيده اللى تقدر تسعدك.
تسعد مين هو انت فاكر انى جوازى منها اعجاب بيها، انا هتجوزها علشان اذلها واكسرها لانها تحدتنى وانا محدش يتحدانى واسيبه ابدا
اكدب على نفسك برحتك يا صاحبى وبكره نشوف كلام مين اللى صح، اه بس ياريت تأمن على نفسك قبل الجواز لانى اعتقد انك لو اخدت ضربه زى بتاعه النهارده تانى مش هتقدر تخلف بعدها.
جرى عمر من المكتب بعد ان قام أسر برمى طفايه السجائر عليه، وأخذ أسر يفكر في كلام عمر، هل فعلا اعجب بتصرفها وشجاعتها، وله كل ده علشان بس ينتقم منها ويكسب هو التحدى
بعد ان اتعبه التفكير قرر الذهاب للمنزل فهو لن يستطيع التركيز اليوم بعد ما حدث، كما انه يجب ان يتم التجهيز للفرح
قام بعمل اتصالاته من اجل الفرح ومن اجل تجهيز غرفته بالقصر لتناسب زوجين.
دخل أسر قصره واستمع لصوت البيانو فاقترب ووجد جنا وبجانبها محمد مدرس البيانو الخاص بها فلم يصدر صوت حتى لا يزعجها بعد ان انهت عزفها.
برافو جنا في تحسن رائع في ادائك هكذا قال محمد
شكرا لك استاذ محمد هذا لانك مدرس ماهر
جنا الم اقل لك قولى لى محمد فقط وليس استاذ
وحاول ان يمسك يدها فتحولت البسمه على وجهه أسر الى غضب حتى ان عروق وجهه بانت من شده غضبه
استاذ محمد لو سمحت انت مدرس الموسيقى الخاص بيا وبس، ومايصحش ان تمسك ايدى كده، ابيه أسر لو عرف مش هيحصل كويس ياريت تلزم الحدود ديه.
وهو أسر فاضى ليكى، ده عنده ملايين يديرها مش فاضى يشتغل مربيه ليكى، وبعدين انا قولتلك انى معجب بيكى وعايز نتعرف على بعض اكتر وانتى اللى رفضتى تخرجى معايا
يمكن اخويا ينشغل عنى شويه لكنه دايما موجود علشانى، وانا تربيتى ماتسمحش انى اخرج مع واحد غريب انت ترضى ان سمر اختك تخرج مع راجل غريب عنها
سكت احمد ولم يرد واحس أسر بالفخر باخته.
عندك حق يا جنا انا اسف وفعلا اللى ماقبلهوش على اختى مش المفروض اقبله عليكى، بس انا بجد معجب بيكى يا جنا وخايف ان أسر لو عرف يبعدنى عنك لانى مش من مستواكى بس على الاقل عايزك تتعرف عليا الاول وتشوفى انا مناسب ليكى وله لا.
انت انسان محترم يا استاذ محمد بس انا عمرو 16 سنه ولسه بدرس والكلام ده بدرى عليه اوى، ولو ربنا كاتب لينا ان نصيبنا يكون مع بعض أبيه أسر مش هيقدر يمنع النصيب، لو سمحت بلاش كلام في المرضوع ده تانى لان سمر اختك صحبتى الوحيده ومش عايزه اخسرها بسببك
اسف مره تانيه يا جنا وانتى عندك حق اللى ربنا كاتبه هو اللى هيكون، وتصرفك ده خلاكى عاليه بنظرى اكتر، وانا هستناكى لحد ما تكونى مستعده.
هدء غضب أسر عندما لاحظ ان محمد ليس شخص سئ ولا ينوى الشر لاخته فدخل عليهم كانه وصل الان
السلام عليك ازيك يا محمد اخبارك ايه واخبار تلميذتك ايه شاطره وله
واقترب من جنا وقبل راسها
الحمد لله أسر باشا انا بخير، وأنسه جنا ما شاء الله عليه شاطره جدا انا خايف انها كلها كام حصه وتاخد هي تلاميذى تعلمهم.
احست جنا بالخجل من الاطراء وتلون وجهها باللون الاحمر ضحك اسر وتحدث مع محمد قليلا، ثم انصرف محمد وجلس اسر مع جنا بغرفه الجلوس حتى يخبرها عن زواجه.
جوجو حبيبتى في حاجه عايزك تعرفيها
خير يا ابيه؟
انا بأذن الله هتجوز وفرحى خلال عشره ايام
نظرت جنا لاخيها بصدمه ثم اخذت بالصراخ والتنطيط على الارض واسر ينظر بذهول لاخته الرقيقه الهادئه وقد جنت
اخيرا يا ابيه هشوفك عريس ده انا قربت افقد الامل، اسمها ايه؟ عندها كام سنه؟ شكلها ايه؟ جبت الفستان؟ هشوفها امتى؟
لا حول ولا قوه الا بالله لو كنت اعرفى ان جوازى هيجننك ماكنتش اقولتلك.
جنا وهي تخبط رجلها بالارض ابيه انا مش مجنونه انا فرحانه، وبعدين انا عندى كام اسر يعنى
اسر بحنيه
ربنا يخليكى ليا حبيبتى، عامتا هي اسمها لينا وهتشوفيها قريب باذن الله، بكره هيجى مصمم الديكور يظبط حاجات بغرفه النوم.
لا يا ابيه غرفه النوم بتاعتك غامقه اوى وكئيبه على عروسين انا من راى تاخد الغرفه بالجناح الغربى لانها فاتحه وتليق بعروسه.
وله اقولك يا ابيه خليها هي تختار ده من حقها برده هي تيجى بكره تشوف الغرفه اللى تعجبها وتتغدا معانا وانا وهي نتفق عليك قصدى نتفق على الترتيبات
اول مره اشوف بتتكلمى بسرعه كده ده انتى متحمسه كانك انتى اللى هتتجوزى مش انا
جنا بحنيه.
لانى من ساعه ما فتحت عنيا على الدنيا ملقتش غيرك جنبى، طول عمرى وانت جنبى وحمينى وعمرك ما قصرت معايا في حاجه، وجه دلوقتى الوقت انى اشوفك سعيد وطالما قررت الزواج اكيد لينا انسانه مميزه انها قدرت تغير نظرتك للنساء
أسر بتعجب وذهول
انتى كبيرتى امتى كده وايه العقل ده كله؟
انا ممكن اكن صغيره بالعمر لكن انت عارف عشقى للقراءه وده خلانى عندى معلومات واعرف حاجات كتير على الرغم من قله تجربتى بالحياه، لكن اتعلمتها من تجارب الناس التانيه اللى قرتها، انا بس هطلب منك طلب واحد يا ابيه انك تخلى بالك من مراتك واوعى تظلمها لان ربنا قال { كما تدين تدان }، او في مره فكرت تظلمها افتكر ان ربنا ممكن يبعت اللى يعمل فيا كده، ربنا يسعدك يا ابيه.
قبلت جنا خد أسر وذهبت لغرفتها وتركته وهو واقف مكانه في ذهول وحيره متى تعلمت اخته هذه الحكم وكيف كبر عقلها هكذا رغم صغر سنها واخذ يتردد في عقله كلمتها { كما تدين تدان }، وهو يفكر هل من الممكن اذا تكمل انتقامه من لينا ان يحدث شئ لجنا، طرد الفكره سريعا من رأسه فمن يفكر الاقتراب من جنا سوف يمحيه من على وجه الارض وسوف يحميها من الهواء نفسه.
وبسبب عينده وكبريائه قرر الاستمرار في خطته فهى تحدته وهو لم يخسر اى تحدى بحياته ولن يبدء الان امام هذه الجنيه والكتله الناريه التي تسمى لينا البحيرى.