رواية التحدي للكاتبة إيمان شاهين الفصل الخامس عشر
وصلت الطائره لارض مصر وكان عمر بانتظارهم بمجرد خروجهم من باب المطار، قام عمر بحضن أسر
- حمد الله على السلامه يا ياسو
- الله يسلمك يا عمر
- حمد الله على السلامه مدام لينا
- الله يسلمك يا عمر بس انا اسمى لينا بس من غير القاب
- حمد الله على السلامه يا لينا من غير القاب
ضحك الجميع ثم توجهوا للسياره وقاد بهم عمر وخلفه عربه الحراسه
- احكيلى كل اللى حصل يا عمر
حكى له عمر كل ما حدث وما فعله بأمجد علام.
- وانت فاكر اللى انت عملته فيه ده كفايه، انا بقى هتصرف معاه بمعرفتى
قالها اسر وهو يضغط على قبضته حتى برزت عروقه، احست لينا قليلا بالخوف فأمسكت يده برقه، نظر لها أسر ولانت ملامحه عندما لاحظ الخوف بعيونها فأبتسم قليلا حتى لا يخيفها
- ماتخفيش يا حبيبتى كل حاجه هتكون كويسه.
صعق عمر من طريقه كلام أسر مع لينا فهو لاول مره يجده يتكلم بهذه الحنيه والحب مع احد، وهو يعلم انه صادق بكلامه فهو صديق طفولته اى انه يعلم متى يكذب صديقه ومتى يقول الصدق
نظر له في مرأه السياره بنظره تساؤل فابتسم له أسر ليطمئنه، وصلت السياره امام فيلا البحيرى نزلت لينا و أسر
- انا هستناك هنا يا أسر علشان اوصلك لفيلتك
- لأ طبعا يا عمر انت هتدخل معانا ويلا اقدامى بدل ما اتصرف معاك بمعرفتى.
- ههههههههههههه نصيحه يا صاحبى اعمل اللى هي عايزاه بدل ما تدخل في القائمه السوده بتاعتها
- هههههههه لا وانا اقدر انا اسف يا صلاح
اخرجت لينا مفتاحها حتى لا تزعج احد اذا كان والدها نائم ودخل الجميع لغرفه الجلوس ليصدموا من المنظر، كانت جنا تضم خالد لحضنها وتبكى بشده وحتى هو كان يبكى وكان عماد البحيرى ينظر لهم ودموعه تنزل بصمت جرت لينا عليهم وقالت بخوف
- بابا حصل ايه يا بابا انتم كويسين.
- لى لى حبيبتى تعالى في حضنى حمد الله على السلامه
ضم عماد لينا لحضنه، اما اسر فبدء يحس بالغضب من وجود لينا بحضن خالد حتى انها لم تنظر له
- جنا تعالى هنا
نظر الجميع لهم لكن جنا لم تترك حضن خالد اقترب اسر منها وحاول اخذها بالقوه لكنه صعق من رد فعلها
- لا لا لا اوعى لو سبته هيطلع حلم انا مش عايزاه يكون حلم
وجرت لحضن خالد مره اخرى
قال اسر بصوت عالى
- هو ايه اللى بيحصل هنا بالضبط
- اقعدوا يا ولاد وانا هقولكم.
جلس الجميع وجنا مازالت بحضن خالد وبدء عماد بالتحدث
- مراتى الله يرحمها كانت دايما تحب عمل الخير، كانت فاتحه ملجأ للايتام وكانت بتحبهم وبتعاملهم كأنهم ولادها، بعد ما لينا اتولدت مراتى وبسبب نزيفها الحاد اضطروا انهم يشيلوا ليها الرحم
نظر عمر واسر بصدمه لخالد وحاول اسر ان يتحدث فأوقفه عماد.
- ماحدش يقاطعنى لحد ما اخلص، لينا كان عندها 7 سنين وكان فاضل على عيد ميلادها 8 حرالى شهر كنا في المزرعه بتاعتنا لما الغفير لقى طفل على شط الترعه وبسرعه نقلناه للمستشفى فضل في غيبوبه حوالى اسبوعين ولما فاق ماكنش فاكر اى حاجه بسبب خبطه راسه.
حاولنا نعرف اهله لكن للاسف ماكنش معانا اى دليل علشان كده اخدناه عندنا في الفيلا في القاهره لحد ما يبقى كويس، وبمرور الايام اتعلقت لينا بيه وكانت هي اللى بتعمله كل اللى هو عايزه وبعد اسبوعين كان فيه حفله عيد ميلاد لينا ولما الناس سألوا ده مين لقينا لينا بتقول ده اخويا
ومن ساعتها قررنا اننا نتبناه وكتبته باسمى والله يعلم انه حبه في قلبى نفس حب لينا بالظبط
- يعنى خالد مش اخو لينا.
- ماتقولش كده يا اسر خالد اخويا وهيفضل اخويا لاخر عمرى انت فاهم
قالتها لينا بعصبيه وهي تمسح دموعها وجلست بجوار خالد الذي وضع احدى يديه على كتفها والاخرى على كتف جنا
- انا مش قصدى يا لى لى طيب ايه دخل ده بجنا اختى
- علشان خالد يبقى اخونا يا اسر
فتح أسر فمه بصدمه ووقف وهو ينظر لخالد وجنا بذهول
- انتى. انتى بتقولى ايه
- خالد يبقى اخونا بص على الصوره ديه.
اعطته جنا صوره كانت موضوعه بجانبها وهي صوره عماد البحيرى مع امراءه وطفلين ولد وبنت وعندما نظر لصوره الولد سقطت الصوره من يده على الارض
- ديه صوره خالد اخويا بس ازاى، وازاى انت كمان تسميه خالد
- خالد كان في ايده اسوره عليها اسم خالد علشان كده انا سميته بنفس الاسم
نزلت دموع اسر ولاول مره يبدو ضعيف هكذا
- ماما اللى كانت عملاها ليه علشان ماكنش بيعرف يقول اسمه وهو صغير.
نظر اسر لخالد ونظر له خالد باشتياق فاسرع اسر له وضمه لصدره بشده والاثنين يبكوا، كان عمر ولينا ينظروا لهم ولا يعرفوا ماذا يقولون، عمر كان سعيد ان حياه صديقه اخيرا اكتملت اما لينا فكانت مشاعرها غير كانت خائفه ان يبتعد خالد عنها بعد ان وجد عائلته
وكأن خالد احس بها فابتعد عن أسر واقترب منها وضمها بشده له حتى انفجرت بالبكاء.
- هششششش اوعى تفكرى انى في يوم من الايام هبعد او اتخلى عنك انتى هتفضلى اختى وحبيبتى، وهفضل جنبك ومافيش حاجه هتفرقنا الا الموت
- بعد الشر عليك يا حبيبى
- لا لحد هنا واستوب قال أسر ذلك وسحب لينا لحضنه
انا بس اللى تقوليله الكلام ده انا بس اللى حبيبك.
ضحك الجميع على غيرته والتي هي دليل حبه لكن خالد كان ينظر له بشك وعلمت لينا ماذا يدور بعقله فنظرت له نظره يفهمها جيدا ومعناها ان كل شئ بخير فاطمئن قليلا على اخته حتى يتحدث معها بمفردها
جلس الجميع حتى يتحدثوا قليلا فاخذ اسر جنا بحضنه واجلسها بجانبه
- بس ازاى انتى عرفتى ان خالد اخونا
نظرت جنا لخالد وانفجرت من الضحك وهو ينظر لها بغيظ والجميع ينظرون باستغراب.
- اصل هو طلب منى اننا نتفرج على فيلم وكان فيلم رعب وقالى انه خايف يتفرج عليه لوحده، انا كنت فاكره انه بيقول كده علشان يخرجنى من اوضتى بس هههههههههههه بس طلع فعلا بيخاف ده من ساعه ما الفيلم بدء وهو ماسك ايدى لحد ما وجعتنى وهو بيشرب البيبسى صرخت فيه وقولت خالد الحق ولقيته راح مفزوع والبيبسى كله وقع على هدومه
انفجر الجميع بالضحك وهو ينظر لهم بغيظ.
- فعلا يا جنا هو دايما لما يتفرج على الافلام ديه لازم اكون معاه
- لو انتى وهي ماسكتوش مش هتكلم معاكم تانى
قالها خالد وهو يضغط على اسنانه
- متقدرش تستغنى عنا اصلا.
- المهم انه لما عمل كده انا جريت لانه جرى ورايا وطلعت فوق ودخلت اول اوضه القيها اقدامى علشان استخبى وكانت اوضته هو وساعتها شوفت الصور المرصوصه ومنها صوره وهو صغير، وطبعا لانى كنت دايما ابص على صور بابا وماما واخويا اللى عمرى ما شفتهم عرفت ان الطفل اللى في الصوره ده هو اخويا.
اخدت الصوره بسرعه وندهت على خالد ولان صوتى كان عالى فعمو عماد صحى على صوتى ولما سألته ليه صوره اخويا اللى مات موجوده عنده حكالى كل اللى حصل
مسح اسر دموع اخته وضمها لصدره
- اصلا حتى لو جنا ماشفتش الصوره فانا اتاكدت ان خالد اخو أسر وكنت ناوى افاتح اسر بالموضوع لما يجى من السفر
هكذا قال عماد بهدوء والكل ينظر له باستغراب.
- خالد لما راح الفيلا عند اسر قبل ما يسافروا بدء يجيله كوابيس كتير وقالى انه شاف الفيلا ديه قبل كده وهو صغير بس مش فاكر ازاى، علشان كده طلبت من واحد اثق فيه يجبلى معلمومات عن اسر ماحدش يعرفها وساعتها عرفت موضوع حادثه والده و والدته وان اخو الصغير اللى اسمه خالد احتفى والكل اعلن موته على الرغم من انهم مالقوش جثته
وساعتها اتأكدت ان خالد اخو أسر.
- المهم دلوقتى انهم اتجمعوا وباذن الله ماحدش هيفرقهم ابدا
هكذا قال عمر واتفق الجميع معهم وبعد ان جلسوا قليلا
- يلا يا ولاد كل واحد يروح يرتاح في اوضته ونتقابل على الفطار
- انا هروح انا يا عمى
- لا يا عمر انت هتنام هنا النهارده مافيش اكتر من الاوض الفاضيه ومش عايز مناقشه.
ذهب الجميع لغرفهم، اخذت لينا اسر لغرفه نومها وما ان دخلوا الغرفه واغلقوا الباب حتى ضمها أسر لحضنه وقبلها بشوق وحب قبله يعلن بها متى اشتياقه لها
- وحشتينى اوى يا جنيتى
- وحشتك ازاى وانا معاك طول الوقت
- تعالى وانا اقولك وحشتينى ازاى
قال اسر هذا وهو يحملها ويضعها على السرير ليغيبوا معا في عالم ملئ بالحب والشوق ويعلمها هو كل ما يعرفه عن العشق والهوى
مجهول
- عرفت هتعمل ايه.
- ايوه ياباشا ماتخفش التنفيذ هيكون فاسرع وقت بس نلاقى الفرصه المناسبه علشان مانسبش دليل
- عايز البنت تكون عندى باسرع وقت ومحدش يلمس شعره منها لحسن ساعتها موتكم كلكم هيكون على ايدى
- اوامرك يا باشا
وبعد ان خرج الرجال
- انا هخليكم تندموا على اللى انتم عملتوه وبكره تشوفوا.