رواية الأنباري وزوجاته الأربعة للكاتبة زهراء أمجد الفصل السادس
تصويت...
معتصم:- ثاني يووم اخذتهن الصبح للمحاضرات بعد محجت وياي وراها صعدت وذبت النقاب اباوع صافن عله جرت عينها والكحل شلون مرسومه بعيونها سبحان الخالقها عليها عيون تحنن بس بنفس الوقت كميه حزن مو طبيعيه ضليت صافن عله عبونها مااحس الا اختي خزرتني
خزره... تالي لبست نظارات وضليت اتفرج عليها شكد هادئه وخجوله... الطريق كله ساكته وصافنه. ومتشارك بالكلام. معانيها بسيطه حلوه... اما اختي والبنيه اثانيه يابووويه سطرني يسوولفن عاد حجيت وكتلهن... يمعوودات سكتن شماكلات من الصبح...
حوراء:- اهووو سووق وانته ساكت ومعليك بينه ترا اكول لبابا عليك والله... ههههه
معتصم:- لا بله خفت منج يمه كمت ارجف تسكتين لاانزلج ترحعين مشي للبيت وعود كولي لبويه سطرته ونزلني... هههههه
اني احجي وهيه ولا كأنمااا... يمي...
ايه:- يحجوون واني ولا يمهم صافنه افكر شلون ادبر فلوس الخط ان شاء الله اكدر ادبرها بس كون ادرس طلاب اكثر عدي ونطي... محسيت بالطريق ووصلنه للمحاضرات بسرعه نزلت ودااسد الباب انسد عله كيف...
معتصم:- ادري متشاركين الحديث ع اقل سدي سياره عدل
ايه:- ما اهتميت غلست عنه سديت سياره حيل بعدين كال
معتصم:- يمعوده اريدها سيارتي هوا هيج تسدين...
ايه:- ضوجني كتله شتريد هسه حرت وياك خزرني هوه
معتصم:-لتعلين صوتج عليه
ايه:- ممعليه صوتي وعفته ورحت من رحت اني
معتصم:- والله وطلع لسانها مو قليله اني اعلمج اله اعرف شنو سبب حزنج رجعت للبيت تلكتني امي واني صافن بهل بنيه
ام معتصم:- ها يمه شبيك صافن
معتصم:- هله يوم لا ماكو شي
ام معتصم:- ها يمه اسويلك غده.
معتصم:- لا يمه ماريد صعدت بغرفتي وافكر بيها وبعيونها وبكلامها تالي نمت ومحسيت بروحي الا فزيت ع دكه موبايل هاي اختي كتلها هسه اجيج سبحت ولبست وحطيت عطر وطلعت نزلت صعدت سياره وصلت منتضراتني يبو شيخلصني من اختي اليوم صعدن سلمن اله هيه مسلمت طبعا هههه كتلها..
سلام لرب العالمين ترا مراح ينقص شي اني
ايه:- سلمنه مره كلساع نسلم ودرت وجهي اني كلتله اخته عوف البنيه كلها
معتصم:- انتي سكتي
حوراء:- وثاني شي انت شو تاخرت هااا
معتصم:- بكيفي اسكتي ام لسان جنت نايم..
ايه:- وصلنه لبيتي نزلت اني كال عود سدي الباب عدل سديته وراحو
معتصم:- اكلج حوراء ارد افتهم شبيها هاي صديقتج معقده
حوراء عوفها الي بيها مكفيها وكعدت شرحتله كل عيشتها وشلون عايشه بصعووبه...
معتصم:- اني اسمع كلام اختي و شكد نقهرت عليها متت ودي اروح افلش ع روس بيت جدها واني اكول ليش متحجي وقليله كلام عمي حقها
جان نبت بت الخط الثالثه هاي صديقتهن حجت شخبصتونا بينا يمعود كلنه عدنه ضروف..
وصلنه عيني للبيت
معتصم:- ما اشتغل عد حضرتج شكو جايه وياهن خزرتها جانت تتوددلي من نوع تحب الفلوس وما نطيتها مجال هي سكتت رجعت للبيت حته نسدت نفسي عن الاكل وضليت نقهور عله هل بنيه ردت رقمها رحت يم اختي كتلها بس اريد اشوف بالكوكل مبايلي ع شحن طتني اياه عد اختي بس رقمها..
وراها شفت رقمها وحاطه صوره بنيه بخلفيه سوده بيها معنى حزين أخذت رقمها ورجعته لأختي صعدت فوك ردت اكتب شي وتراجع اخر شي كتبت الها هلو كلت هسه ترد وماكو ضليت ادز شفتيها كلت ايي شافتها والله بعدين غلست شو هاي ما ردت ضجت كلت هم صدك شعدها ترد شهل خفيه اثكل هسه اني ليش مهتم بيها شعليه بيها اني..
عفتها وطلعت يم جماعتي بالكوفي تالي اجتي بالي اجت عيونها بالي كلت استغفر الله غير تروح هاي من بالي
ايه:- بعد منزلت من الخط اني رجعت لبيتنه سلمت ع بيبي شتغلت وكعدت اقرا سمعت صوت مسج شفت رقم غريب ردت احضره عرفته اخو صديقتي عفته يحجي مالي خلك احد الي بيه مكفيني..
معتصم:- بعد ما غلست ع مسجاتي كلت ليش مترد رجعت البيت افكر بليل بيها تالي فتحت وتساب شفت آخر ضهور ب١١ بليل راسلتها كتبت هلو ليش متردين اريد احجي وياج وره شويه انفتحت مسجات اني كيفت هم شافتها وغلست ضجت منها
وعفتها براحتها نمت ثاني يوم كعدت صبح لكيت مسج منها..
هلو بيك رجاءا لتحجي وياي عدك شي كول لاختك تكلي بي ترا والله اكلها عليك كافي تحجي وياي اني هم استحيت وضجت من روحي كلت شلون هيج سويت اني بحياتي كلها ممحاجي بنيه هيج ولا تجذبني من اول مشفتها كلت لا هاي هيه شنو عيب هالشي مالي دخل بيها بعد...
ثاني يوم طلعت افتر بسياره سمعت صوت مسج اجاني فتحته منها هلو ممكن احجي شي اني فرحت وابتسمت كلت تفضلي احجي كلتلي اني اريد ادرس اخت صديقتي كتلها اي مطلوب مني شنو كالت مطلوب منك اريد توصلني لبيتها بس ما اريد احد يدري من اهلي
كتلها ليش كالت ميخلوني اطلع بعد وافقت كتلها ميخالف اني راح احافظ عليها همين امانه هاي هي شكرتني وراحت..
ايه:- طبعا اني بوكتها من راسلته لان كلش محتاجه فلوس الي حته اصرف ع روحي من ملازم واستنساخات ف ارتاحيت من قبل اتفقت وياه انو يجيني حضرت نفسي ولبست جبه وعباه فوكاها بوشيه سلمت عليه وصعدت بالوره طبعا هوه ما طول واني وصاعده بسياره يباوعلي واني اغلس عليه وصلت لصديقتي استقبلتني طبعا هيه تكون اخته الزغيره درستها..
ونوب كعدنه اني وحوراء وحجيتلها ع سوالفه جان تكلي والله حباب هوه بس عفيه عليج خليج هيج البيج مكفيج كتلها اي والله مالي خلك مشاكل هي كالت آلله كريم اجه عليه صعدت سياره يمشي بطيء كلي
معتصم:- ليش متردين من احجي وياج
ايه:- ع اي اساس ارد شصير منك خطيبتك بت خالك بت عمك
معتصم:- شبيج لوك لوك لوك علكيفج لتختنكين وحده وحده..
ايه:- كتله المهم ما احب هذا تصرف وليش تراسلني هااا خليني بحالي الله يخليك ما جاي ارتاح هيج اني
معتصم:- اوك براحتج بس متمنعيني من مراسلتج لان اني عن نفسي ما ادري ليش هيج اصرف..
ايه:- سكتت اني كملت طريق انتبهت عليه ملامحه حلوه حنطاوي وعده لحيه وشعره كثيف وعيونه كبار لونهن بني بعدين كلت شعليه بي اني شبيه رجعت البيت وكعدت اقرا وأحضر دروسي بليل خلصت شغلي اجاني اشعار من واتساب كاتبلي ربما تهديك الحياه بجمالها في شخص اني قريته وخليتها بالي عجبتني ابتسمت ادري بي يلمح حته احاجيه عفته وطفيت موبايل ونمت
وراها احس بس دفرات تجيني بجسمي فزيت مخترعه من الصبح كتلها هاا شنو هاي اخترعت طلعت عمتي حلا...
حلا:- امشي كومي يلا لج ساعه ٨ كافي نوم كومي مو عدج محاضرات وسابيتنه سبايه كومي يلا لج اشتغلي وسويلنه ريوك
كمت سويت ريوك وبعدها. رحت. انطيتها اياه كلتلي تعالي سوي طارمه غسليها رحت غسلت طارمه نضفت الحديقه نضفت البيت هلكت وهي فوك راسي كلساع عيدي هذا معاجبني موتتني تعب تالي كالت..
ايه:- سمعي لج اليوم يجوني خطابه وجهج ما اريد اشوفه
كتلها اوكي لعد اني اروح ادرس بس شنو بداخلي كلش فرحانه حيل راح اتخلص منها كلت يارب بلكي الله صير وارتاح شوي اجو نسوان العصر شافن عمتي حلا كيفت عمتي بيبي كلتلهم اشوف ابوها ونرجع خبر اجت لجدي كلتله ابو حيدر اجو ناس لحلا تنطيها كلت بقلبي هسه متنطيها مو حمضت بيتك كال اشوفه شمكمل كلت فوكاها يشرط عمي بته لسانها متر الله يعين الياخذها تالي سال عليه جدي وشرط مهر ١٠ ب٢٠ وافقو اهل الولد..
وعمتي انطت موافقه ارتاحيت صليت صلاه شكر لان متتخيلون جانت أكبر وحده سوي مشاكل وياي وتاذيني وبعدها راسلت صديقتي كتلها ابشرج عمتي نخطبت واخيرررا كالت يا الله اوووف واخيرا خلصتي منها
يارب الله يريح قلبج ان شاء الله يروحي كتلها حبيبتي تسلمين وراها شفت مراسلني الولد كتله رديت ممليت كافي عاد والله جزعت..
اذا شافو اهلي مسجاتك شيكولون عليه ترا ضيعتني حاجيته بس كلت احسن خاف شوف عمتي حلا ومالي خلك مشاكل بلا شي مطلعيني ساقطه اني
ثاني يوم راسلته كتله خويه عادي تاخذني لبيتكم اريد ادرس اختهك كال..
ماشي حضري روحج بدلت اجت حلا كالت خيرج ع وين كتلها اروح المحاضره كالت يلا ولي رحت اني طلعتله طبعا وياه صديقتي الي هي صير بت عمه صعدت سلمت ما رد سلام كلت شبيه هذا شو اشوفه يدخن ويافأف كلت شعليه اني وصلنه لبيت صديقتي نزلت صديقتي مادري
طلعت حجايه مني كتله عفيه لدخن موزين عليك هوه باوعلي صفن بعيوني هز راسه اني نزلت درست البنيه كلتلي صديقتي شنو رايج باخويه...
كتلها شبي..
كالت يخبل ورجال ويعجبج كتلها شنو داعي هل حجي شعليه عليه كالت لا هيج كتلها اوك تالي اجه عليه صعدت سياره يمشي بطيء جان يكلي
معتصم:- ليش كتيلي موزين عليك
ايه:-اقره جوا باكيت الجكاير مضر للصحه للكل فموزين اي احد يشرب...
معتصم:- اهاا اوك...
عناد:- وصلت لبيت عمي المرحوم حته اشوف عنود وهل ايام حالتها النفسيه كلش تعبانه وهم اطمئن عله مرت عمي ام ياسين لان كالو حيل مريضه ومنتكسه كعدت اني وعنود ماحسينه الا صريخ مرت ياسين ركضنا اني وياسين وعنود لكينه ام ياسين سنونهارصاكه وعيونها مفتوحه وتشووخر بعدين نةطع نفسها ونبض ماكو توقع تسارعنا اخذناها للمستشفه بين موصلنه ماتت جانت صدمه جبيره لعنود وللكل بس جنت اني يسولفولي انو جانت دوم تتحلم بعمي وانو يكوللها اريد اخذج وياج وتروح وياه...
نصبنا الفاتحه ٣ ايام وكملت عله اتم وجه وجوي شيوخ وووو...
ورجع الحزن اكثر من قبل عمي مضارله ٣ اسابيع من مات وماتت مرته وراه انتكست حاله عنود صارت كل فتره تتخربط خفت عليها هواي وماالها احد لان هيه ومرت اخوها مو صلح لذلك خفت اكثر عليها نرت اسبوعين وصارت الاربعينيه مال عمي نروح كلنا جهزنا نفسنا وسياره جبنه كوستر تاخذنا... وجهزنا كلشي...
اتوجهنا للنجف ووصلنا بعد طررريق تعب هناك يم بيت عمي ابو معتصم وراها توجهنا نزلنا يم قبر عمي ونزلت عنود يم قبر والدها وهيه الدموع عشره عشرهوكل صررخه تشك الگلب انةسر كلبي عليها الئ ان تخربطت علينا واحتارينا بيها غسلت وجها صحصحت وشربتها مي لان كلياتها تعبانه وحده واكفه والثانيه اي ساعه توكف نخاف عليها... خلصنا ورجعنا لبيت عمي وثاني يوم الفجر طلعنا للانبار رجعنا...
وكلت خل بعد شهرين واخذ عنود واتزوجها بلا عرس وخبصه لان مومال تبقه وحيده وتبقه حالتها تتدهور عاد اني اداريها واخواتي وامي... يعني طالعه عله وقاه ابوها شي ٤ اشهر وراها ادز خطابه عله بت الشيخ وبالسنه مال عمي من تخلص اتزوج واسوي عرس وهم اعقد عله عنود محكمه هل فتررره...
اما وليد فحالته تحسنت شويه بس مكسر مجبسين كسر برجله واحده اديه وكام يمشي عله عكازه... وضاله نسرين اداريه وترجع ليوره بكلشي حته للتواليت هيه وياه.. وكعد من عمله اجازه لان يشتغل موضف بالنفط وكطعو الكل علاقتهم بيه من عائله الشيخ..
اما سهام فبيومها اخوها راجع عليها كاتلها كتله مكسرها ومزورك جسمها... وممنوع عليها طلعه باب غرفتها حبسووها... فضاله بالغرفه بوحدها؛ محد عليه بيها وخاصتاا ابوها صار مده مشايفته بس مرات امها تجي تلومها وتبحي وياها وتروح... ويضلن يبجن عله حضها لان سعاده بتها مدمره كحب ضاع وزواج اجباري...
في مكان اخر...
رسل:- كعدت الصبح كمت غسلت وبدلت لبست بنطرون اسود وبدي سويتر اسود وابيض ورصاصي مشجر يعني مدمجه الوانه مكيجت وكملت... لبست شال رصاصي وحذاء وجنطه ابيض اليوم عيد ميلادي اخذت اخويه الشبخ ورحت وصلني للمستشفئ لكيت ٣ من صديقاتي جايات ورود ونور ومريم...
سلمت عليها وكعدنه ننتضر شوكت اخلي دم كعدت مااحس الا اميمه وباقي البنات اجني ووياهن ولد اسمه حسن اول مرا يجي تعرف عله المجموعه... وجابن كيكه الب مسوياتلي مفاجأءه بعيد ميلادي يوووم جان مينسي من العمر شكد تونسه وسوالف وطكينا صوور وتبادلت الفيس اني وحسن حته ارسله الصور... مواليده ٨٩ مريض مثلنه هم يدير دم كل اسبووع... وجان عنده سياره يجي بيها...
خلصنا الاحتفال وةعدنا كلنا درنه دم مخلصنا الا ٦ بليل واجه عليه اخويه يرجعني للبيت رجعت للبيت تعبااانه كلش لفبييت راااسي ونمت...
مكعدت الا ب١٢ بليل لكيت رساله من حسن...