رواية الأنباري وزوجاته الأربعة للكاتبة زهراء أمجد الفصل الثامن
سهام:- جاي احجي بوليد ماحس اله الباب اندفع قوي واباوع واشوف اخوي سيف دخل يوسف خزرني خزره تموت أحس عيونه راح يطلعن بعدني ماحاجيه وضربني راشدي ع حلكي بسرعه لزمني من شعري كمت ماحس بيه بكد ماكطعه بيده
سهام:- يوسف فدوه أتركني
يوسف:- لج حقيره وي منو جنتي تحجين وي وليد العار اليوم موتج ع أيدي خلاص
لزمني وموتني دفرات وجسمي كمت ماحس بيه من كد الضرب وحلكي ضل يجي دم
اتوسل بيه..
سهام:-يوسف فدوه عوفني اني احب وليد وماكدر بدونه لو اني كلت هيجي لو هوه تخبل
يوسف.:- ساااااا...اريد اشوف منو اليخلصج من أيدي يااااا...تفكرين تشردين مرا ثانيه وي وليد مووو وتنزلين راسنه ياعاارررر
كام يوسف جاب الحزام ضل يضرب بيه بدون رحمه كمت ماحس بجسمي وجسمي كله خدر أحس مثل النمل ويمشي بجسمي من كد الضرب
كام سيف شال راسي وضل يضرب بيه بالحايط ويكلي اليوم أخلص من عارج من كد الضرب صار عندي غواش بعيوني وأحس روحي جاي تطلع واشوف اختي زهراء دفعت يوسف
وتكله:
زهراء:- لك راح اتموت أختك يانذل من اشوكت كلبك صار قاسي
وبعد كمت ماحس بشىء مثل روحي طلعت ودخلت بضلام تخرربطت ومحسيت غير عله مي عله وجهي وراسي عله رجلين زهراء تصحصح بيه كومتني بالكوه بالفراش و١ليت ابجي من الوجع والتعب ونمت...
ايه:- بعد مدزيت مسج اله وشافها ضجت حيل راسي كام يوجعني كمت ابجي اشتاقتيله متعوده عليه يراسلني يسال عليه صح احنا علاقتنا مو كلش بس اني تعودت عليه وحبيته محد مهتم بيه من قبل يجوز هسه تكولن شبساع حبته اي حبيته لان ملكيت هل اهتمام قبل لا بابو ولا بأم ضليت ابجي وراها
متحملت كتبتله معتصم اني اسفه والله مو عن شي بس ردت اكلك لو عارف عمي الموضوع ويدري بيك علمودي ضاربه جان اني اوكع بيها وبنفس الوقت ما اريد اورطك وياي الي حته مكفيني ودزيتله اياها وصلت وماكو
يمكن نايم وراها نمت ودموعي ع خدي كعدت صبح لكيته مراسلني اي مصار شي اخذي راحتج باي..
نقهرت اني نزلت من روحي علمود احاجي هاي هي ع راحته نقهرت كلت ليش الشي الاحبه ميدوم الي يارب اذا جان زين وياي بقيه واذا شر بعده عني لان قلبي نفتح اله بعد مجان مسدود...
معتصم:- بعد ما نمت كعدت صبح لكيتها مراسلتني ارتاحيت من تخاف عليه دزيت مسج الها مثكل ردت اشوف شتكول وراها شافته مردت عليه ضحكت بداخلي رحت سبحت ونزلت كتلها يييوم وينج كالت ها يمه سويلي ريوك ارد اروح شغل سوتلي امي ريوك...
كالت معتصم كبرت ورد اشوفك عريس شوكت
كتلها يمه مو هسه بعدني
كلتلي يمه شلون عدي الك عروسه من شوفها تكيف عليها
كتلها ما اريد يمه مو هسه واني بداخلي احجي لو هي لو ما اريد بحياتي مره
كلتلي اكو بالك وحده كتلها اي ومو هسه اخطبها امي ضاجت شوف يبن بطني اذا مريتك مو الي اريدها اني بحياتك متتهنه
كتلها بلا هل حجي يوم رجال جبير مو طفل يمج ثاني شي اني الي راح اتزوجها مو انتي يمه عوفيني حته الله يوفقني..
بكيفك تكلي بعد عفتها براحتها بس ضوجتني هي يوم لو شوفيها جنها نسمه هادئه تجنن اووف ربي ساعدني وعيني اريد اخطبها بس بلاول خل اصارحها شيصير خل يصير هل بنيه دخلت قلبي يارب فرجها عليها حته اخلصها من عمامها الي يستغلوها ويلموسها..
اخخخخ ياربي ميت قهر ودي احركهم بس ما اكدر اسوي شي مالي حق الله كريم يارب يفرجها عليها وبعدها رحت بسياره رحت للمحل بالي يمها طبتلي بنيه وامها طبعا اني اشتغل اني والدي اجهزه كهربائيه بس والدي تعبان اني افتح بداله حالتنا ماديه زينه طبتلي بنيه وامها اشو هاي بنيه ضاربه مكياج وتتموع من تحجي زين هاي امها مشوف اشو حته امها ع راحتها مخليتها كلت بقلبي الله يستر ويستر ع بناتنه اجت تكلي فدوه هاي شكد سعرها وطك بعلجها كتلها ب٣٠ الف جان تكلي اووي شدعوه هالكد كتلها هنه هيج..
اسعارها جان تكلي عمري انت رخصلي سعره كتلها اختي عاجبج اشتري معاجبج الله وياج
جان تتقرب مني حطت رقم بيدي وغمزتلي وراحت عرفتها شغلها مبينه موزينه تالي استغفرت الله وذبيت رقم بزبل
اني اكدر اشوف مره غيرها ياربي معلكه بالي متروح تالي دزيت الها مسج اريد اشوفج ضروري بين الحياه والموت..
ردتلي بسرعه هي معتصم بيك شي
كتلها اي يوجعني قلبي
كالت اسم الله شبيك خوفتني حباب شكو
كتلها تكدرين طلعين باجر
كالت ما اكدر اطلع كلساع وياك بصفتنه شنوو ميصير هيج شي
كتلها ادري والله مقدر وضعج بس بموضوع يهمج هم بعد ملحه مني وافقت هي كتلها باجر امر عليج اشوفج بداخلي هواي حجي الها اي اريد اعترف الها رجعت للبيت تلكتني امي هاا وين جنت كتلها بشغل وين جنت يعني كاعده يم الوالد..
تعال يالابو شوف ابنك يحبله وحده ميقبل اخطبله بت خالته كلها عوفيه براحته كلتله شنو براحته شعرف من ذني بنات كتلها يمه رحمه لاهلج سكتي حبابه بنيه تعرفيها انتي صديقه بت عمي
جان دكول هاي المكطمه اجيبها بيتيييي تحلم معتصم عفتها وحدها تحجي شسوي بنيه حبيتها بشرف بريئه كم مره اطلع وياها ورده حبابه مترفع عينها الي عفتها ع راحتها امي سبحت بدلت وكعدت راسلتها شويه ونمت..
بعد مراسلني معتصم كلي اريد اشوفج ضروري اني صفنت شكو شعده وياي تالي لح عليه وافقت وراها رحت رتبت نفسي حطيت ميك اب كلت لبيبي اروح اني كلتلي ديري بالج على نفسج يمه
كتلها اي ان شاء الله مع السلامه كلتلي الله وياج طلعت لكيته متانيني صعدت سلمت عليه وهوه ساكت كلت شعجب مو من عادته تالي وصلنه لمكان عام طبينه اني وياه كعدنه كلي اريد اكلج شي كتله كول كال اول شي شتردين شربين كتله لا ما اريد كال لا ميصير اي شي كولي شتردين كتله عصير..
طلب عصير الي كال اني احب وحده اني سمعت هيج وقلبي نقبض وكوه حجيت كتله اي كال وخايف اعترف الها كلش دا اتاذه متتخيلين ليل ما جاي انامه كتله لهدرجه تحبها اني عيوني دمعت ودنكت بس لا ابجي يمه أريد اتقوه ياربي لتفشلني يمه تالي كال كليلي شسوي تنفست بقوه كتله ما اعرف اني شكو وتكلي تحبها احجي وياها اني شعليه كال..
لعد شبيج ضجتي غير انتي صديقتي ودوم احجي وياج ارتاح من تنصحيني كتله ما اعرف اني بهل شي ورجعني وكمت ابجي كال شبيج تبجين كتله اشتاقيت لامي كال من شوكت تشتاقين الها كتله كافي ارد اروح تعبت اني جان يبتسم بوجهي كاال باوعيلي كتله شتريد مني كال باوعيلي باوعت بعيونه وعيوني حمر..
كال اروح فدوه لهل خدود من تبجي اني دنكت خجلني تقرب من يمي غمضت عيوني همسلي كلي احبج والله اني رفعت راسي باوعت بعيونه كال اي والله احبج شوكت وشلون ما اعرف بس احبج واعشقج واعشق كلشي بيج
اني خجلت وقلبي يدك بسرعه كال وانتي كتله هااا كلي شنو هاا وانتي دنكت ابتسمت كتله اني هم احبك هوه ابتسم كال اوووف لو ما الناس جان حضنتج كتله عزاا عيب شنو هاي لزم ايدي اني وخرتها..
كتله لا عفيه كال اوك بالحلال الزمج خلصي سادس واجي اخطبج كتله ان شاء الله هوه كال خل نرجع متتخيلين خفت لا اخسرج ابتسمت وسكتت صعدنه سياره وصلني لبيتنا كلي ديري بالج على نفسج..
عمري كتله تمام وانت هم رجعت للبيت طايره فررررح دعيت رب العالمين يتممها عليه وضليت اذكر شلون كلي احبج بوكتها سويت عشه واني مزاجي عالي فرحانه ربي ديمها عليه خلصت عشه وشغلي لكيته مراسلني اشتاقيتلج والله ابتسمت من شفتها كتله شبسرعه اشتاقيتلي قبل شوي جنت يمك
رد كلي ليش هوه ينشبع منج انتي اوووف يا الله اوووف شكد احبج كتله واني هم احبك كال تدرين من شفت دموعج شصار بيه احتركت والله كتله مو متحملت..
معتصم:- اي احجي احجي بردي قلبي شبيج تستكين متحجين كتله لا بس استحي شويه كلي يروحي لتستحين يعمري كتله مو اني احبك خفت اخسرك كال اويلي ربي اموت عليج كتله ارد انام كلي روحي يعمري نوم العافيه نمت
واني فرحانه كلش
معتصم:- بعد ما اعترفت الها شفتها شلون تبجي عبالي بيها شي ردت اشوفها تحبني مثل ما اني احبها رجعت للبيت طاير اني صعدت الغرفه مددت افكر بيها راسلتها تخجل تحجي واني اموت ع..
خجلها صير طفله بريئه يارب تتمها خير علينه حته اكدر اعوضها عن كلشي مرت بحياتها بي تالي حبيبتي نامت واني من فرحه ارد انام ما اكدر تاخر وقت ونمت ثاني يوم كعدت صبحت ع حبيبتي ورحت شغل اشتغل وبالي يمها وابتسم يا الله هيج حلو الحب
رجعت من شغل تلكتني امي ضايجه كتلها خيرج يوم منو مضوجج كالت انت كتلها عليمن كالت خل اخطبلك هل بنيه دخلت قلبي جاي اكلك ارتاحيت الها يمه والله سعدك كتلها يوم لضوجيني اني احب وحده ثانيه منتضرها تكمل سادس ان شاء الله..
واخطبها انتهينه كلتلي امي والله بس تخطبها يا معتصم مو امك اني كتلها لسوين هيج طول عمري اني محترمج واحبج حته رب العالمين ميرضاها تغصبيني ع انسانه هم ما احبها وهم ما اسعدها وياي اضل افكر بذيج كلتلي اي اي بخت ياربي راح يضيع الولد مني وتبجي كتلها يمه عليمن هل بجي مصعبتها ترا عافتني وراحت عفتها ضوجتني يعني شي ما اريده تغصبني عليه ع شنووو عفتها براحتها اول وتالي ترضه شسوي قابل بيدي حبيت بعد غير قلبي ما قبل يختار غيرها تالي استغفرت ربي وصليت ورجعت شغلي..
عنود:- بعد مراح عناد واني طايره فرح لان اريد اروح ازور اهلي مشتاقتلهم حيل راح اشوف اهلي صارت النجف مكاني الارتاح بيه من بعد اهلي أحس نفسي جثه بدون كمت أحضر بنفسي رجعت دخلت مرت ياسين وكالت
مرت ياسين: عنود يكول عناد نطلع ب 4 الفجر اتهيري...
عنود: كلشي مكملته بس اريد اشوف اهلي
مرت ياسين:- الله يصبرج وهاذه أمر رب العالمين ماكو اعتراض ع حكمه
عنود: ونعم بالله..
كمت أكمل جمع غراضي كملت وضليت منتضره ب فارغ الصبر صارت الساعه ب 4 اجتي ام عناد وعناد وكالت يله بنيتي عناد جوا منتضرنه نزلت لجوا سلمت ع عناد وكعدت لورا ورا كرسي عناد بالضبط وهوه عدل المرايه عليه وضل يباوعلي اني خليت راسي ع الجامه وصافنه
وكلما أرفع راسي اشوف عناد يباوعلي آخر شىء حجه..
عناد: يمه تريدين ننزل نتريك وترتاحن ونكمل لان الطريج طويل
ام عناد: ولله يمه بكيفك خل ترتاح شويه
نزلته عناد ع مطعم وأكل
عناد: شنو تريدن اطلب الكم
اني ماحجيت شىء كلتله ام يمه اسأل عنود خاف بنفسهه شىء
التفت عليه عناد: بويه تريدين شىء بنفسج شىء بس كولي
عنود: لا شيخ اني موجوعانه انته بكيفك شتحب تطلب..
هايهيه بويه راح انزلج كباب طلب عناد الاكل وجابو بدو يأكلون واني أكل شويه شويه لان نفسي تلعب من الطريق واحس غصه بلعومي
خلصنه الاكل ورجعنه نكمل طريقنه اني نعست وغفيت ماحس اله ع عناد يكعد بيه
عناد: بويه اكعدي وصلنه
كعدت وضليت اباوع ع الكبور وصلنه يم كبور اهلي اني هناء فقدت ضليت أصرخ والطم وابجي واعاتب بيهم
عنود: بويه بعدكم الدنيه ضلمة مشتاكه الكم منو الي بعدكم ليش عفتوني وحيده يمه مشتاكه الحضنج يمه مشتاكه الحنانج وينج يمااااااا
آخر شىء انتهيت إجه عناد كومني وكال..
عناد: ابويه انتي كافي بجي مايفيد كوني اقريلهم قرآن ادعليهم اترحميلهم مايصير هيج انتي جاي تعذبينهم وهمه بكبرهم
انطاني عناد قرآن وكعدت أقره الهم وابجي...
خلصنه ورحنه نزور زرته وصلينه ورجعنه اني رجعت كلشش تعبانه ذبيت روحي ع الفراش وبعد ماحسيت من كد التعب والنعاس..
عناد:-بعد مرور الأيام انطيت خبر لعنود تجهز نفسها يجهزون اللعرس واشوف عنود كلش فرحان أخذتها امب للسوك واشترتلها جهاز عروس كامل
عنود:- بهاي اللحضه اتمنيت أمي وياي وهيه التجهزني بيدهه رجعنه من السوك كالن راح انسويلج حنه اني ماقبلت شلون اسوي حنه وأهلي ماموجودين يعني بسيطه بس مجرد يحنوني لاهوسه ولااغاني وكلشي ماكو..
بيوم الحنه جنت كلش خايفه لان باجر العرس متوتره حيل من كد التفكير مادري شلون غفيت وكعدت ع الهوسه الفوك راسي كمت غسلت وتريكت واجتي خاله ام عناد كالت يله يمه راح نروح للصالون رحنه للصالون حفافه وشي بسيط دخلته اجتي ام الصالون تعدل بيه وتحف واني بس صافنه كملتني ولبستني فستان وراحت جابت العبايه وخلته ع راسي..
اجن وكالت يله العريس برا إجه عناد وكمشني من أيدي وصعدني بالسياره وضل بس لازم أيدي وفرحانه لان هوا سندي بعد اهلي
وصلنه للبيت ونزلني عناد من السياره جابو طلي يذبحونه جوا رجليه اني من اشوف الدم اخاف ومن ذبحو الطلي دخت وكمشني عناد
وكال
عناد: يله كافي وخروه
دخلني لجوا وباس راسي وطلع
ضلن البنات يركصن وفرحانات واني بس اباوع صبو العشه
واشويه وكالو العريس راح يدخل
اني هناء خفت كلش صعدني للغرفه ونزلن وضليت بس اني موجوده بالغرفة ضليت ارجف وخلفيه ماسمع بس خطواته ع الدرج
وجان ينفتح الباب ويدخل...
في مكان اخر... وشخصيه اخرئ حقيقه...
مرحبا اسمي مها عمري 21سنه من محافظه الناصريه
بتحديد من المركز
عائلتي مكونه من 6اولاد الأخ الكبير محمد وبعده اختي نور وبعده اختي ساره وبعده اني وبعدي علي وسامر شهاب وسلوان و3بنات وام وآب وبيبي ام بابا..
عماتي 3وعمامي 2 عمتي الكبيرة اسمها مها ع اسمي والأصغر منه هيفاء ولاصغره يسرى أعمامي صلاح وفلاح
اني وعائلتي وبيبي عايشين بغرفتين وجانت حياة صعبه بس الله يحفظه ماما ما قصرت ويانا بابا جان مزوج وحده ثانيه بغداد وهو يشتغل هناك وجان ينطي مصرف البيت البيبي بس بيبي جانت تنطي جزء بسيط منا إلماماً والباقي توزعه ع عماتي وعمامي اذا جانو محتاجين شي بس ماما اشتغلت خياطه. وسوي اكل للناس وجان يطلع من شغل ماما مصرف النه جان بابا يجي كل شهر ايام قليله لاتتجاوز الاسبوع وبعده يرجع ع بغداد
كان البيت لايخلو من المشاكل بين ماما وبيبي وعماتي بل اخير وبنهاية كل حديث جانت ماما تخسر ولازم بابا قبل لايرجع البغداد يضرب ماما بسبب خلاف يحصل بلقوه..
بهاي الأحداث جان عمري 5سنوات عندي صديقتين ساره وميس اقرب شي الي ميس دوووم جنه سوى
وبيوم من الايام جان يوم اثنين بس هذا الي اذكره لان بابا راح بيومه ع بغداد
جنه نلعب اني وميس وجان عدهم محل يكعد بيه اخو ميس الجبير وجان يرتب للمحل وجان يكول تعالن ساعدني انطني غراض واني ارتب وافقنه ودخلنه للمحل طبعا هو جان دائمآ يتحرش بيه بس ماجنت افهم هل حركات وعبالي شي عادي وما لازم احجي واعبرها بس بذاك اليوم النحس صار الي
صار واعتدى عليه جانت دنيه ضهر وصيف بس جنت خايفه كلش وجهي صار اصفر وأخته شردت وهو فتح بطل ميرندا جان البطل الكزاز بوكته وصبه عليه مافهمت ليش هيج سوه. المهم سحبني من ايدي بقوه وكال اذا سولفتلي لحد. كل يوم راح..
اجيبج لهنا فهمتي ما جاوبت بوكته وجنت بس اريد اشرد وطلعت ورحت ع البيت وشافتني ماما كلي ميرندا و وجي اصفر وهيه تسالني شبيج وليش هيج مدمره ملابسج وجهج اصفر اذكر جاوبت ماما. وما عرفت شنو رديت عليه الا بعد يومين بلظبط كتله كسرت البطل مالت الميرندا ودمرني لا.
تضربيني فدوه وبس اطلع راح يكتلني اخو ميس وانه خايفه اذكر حضنتني ووسبحتني وبدلت ملابس. وبعده ضليت يومين بلبيت وبس صافنه ماعرف شنو جنت افكر احس نفسي ما حاسه بيهن لان ما اعرف حته شنو جنت افكر وبليوم الثالث.
أخذتني ماما البيت ابو ميس لكيانهم يدغدون ولكيت اخو ميس كاعد ياكل ومن شافني وياي ماما تغيرت ملامح وجه للخوف والقلق واحس الدقيقة صارت عليه سنه ماما كالتله ليش هيج مهاوي صار يومين خايفه منك. ع مود بطل انكسر خالس البنيه..
بوكته اذكر وجه ارتاح وسحب نفس عميق وبنفس ألحظه سحبني من ايدي ومكعدني كدامه باس راسي وكال ماجنت اقصد بعد ما أعيده والله لا تبقين بلبيت تعالي هنا يم ميس والعبي وياها ما احاجيج بعد اذكر رجعت للبيت وي ماما. سبحت ومشطتلي ماما وطلعت ألعابي اريد العب وجتني.
صديقتي ساره لعبت وياي ومن التعب ولعب جعنه وجابت ماما اكل خبز ومگليته وعليه رشتة شكر أكلته وساره راحت البيته واني بقيت بلبيت واني اريد انام اسمع اخواتي نور وساره جانن بلمدرسه ويسولفن وهنه يحضرن بملابسهن. نور كالت الساره عود ليش اخوي محمد يكلي لا تمشين وعذاري شبيه كالتله ما اعرف بس الي اعرف اذا محمد شافج وي عذاري مرة الثانيه حته يبطلج من المدرسه وكالتله اسم الله ختولي ما امشي وياها.
بعده صرت اطلع بس الضهر ما اطلع ما اطلع يوم الاثنين ابدآ كمت اخاف من اعرف باجر ثنين وبقيت ع هل حال الى ان اجه الوقت الي لازم ادخل بيه للمدرسه طبعآ هو ما بطل تحرش بيه بس انه كمت اذا اشوفه من بعيد ارجع للبيت.
وأخذني اخوي محمد وسجلني بلمدرسه وشترتلي ملابس ماما وبابا ماجان اله اي دورررر بهاي المرحله من عمري بعده انتقلنه البيت. جديد بس هم بنفس المنطقه وبيبي ام بابا توفت بس
تمرضت وتعذبت بمرضها كلش هواي وجانت العون اله بس ماما وقبل لاتموت جانت اشوف بناته محد ساله عليه وبس ماما مداريته وباله منه جانت حته للحمام تكرمون ما تكدر ماما اشيله شيل وتأخذه واسبحه وكلشي وقبل لا تتوفى كالت لمي سامحيني غلطت وياج هواي. مادري وين انطي وجهي من الله. انه عذبتج وتبايت عليج هواي..
ومن انتقلنه انخطبت اختي ساره وزوجت وهيه عمره جان 16سنه
جانت بغير محافظه وبعده بسنه قرر اخوي محمد يزوج وأختي نور هم انخطبت بهل سنه وكان زواجه وره زواج اخوي محمد بسبىوع فقط صار عمري بهل فتره 12سنه وأختي جان عمره 19واخوي عمره 22
المهم أزوج اخوي وجنت لابسه فستان لونه سمائي وجان آبن عمتي يشوفني يترقبني من بعيد حته ما الاحظ.
وره زواج اخوي محمد. ب3ايام وباقي ع زواج اختي نور 4ايام جانت كاعده تغسل ملابس بلحمام ورحت كعدت يمه باب الحمام كالت اسالج سوال كتله شنو كالت انتي شاطره وكلنه نعرف هل شي وماكو احد جاي يجرء ويحجي وياج شي يضوجج عمامي يتخبلون اذا مهاوي ضاجت بابا وماما انه والكل.
مانريدج اضوجين مع ذالك احسج غركانه بل وجع واكو غصه بكل احجايه احس بيج سولفيلي انه اختج وسندج وماعندي غيرجن اذا اكو شي سولفي كتله لا. ماكو شي بس انه شخصيتي هيج. ماعرف كله ادكول انتي منعزله وضايجه دوووم بس احب شخصيتي. وكتله انه اريد اسالج سوال هم ماعرف شنو راح اسوي بغيابج وشلون اصرف وي زوجة محمد كالت عادي تصرفي طبيعي بس لاتنطينه سرج وساعديه بشغل البيت شكد ما دكدرين ولاتخلين احد يضوجه لان هيه ترفه وحساسه وهيه ما راح تقصر وياج حبابه وراح اصيرصديقدته وانتبهي إلماماً وبابا واخوانج...