رواية الأنباري وزوجاته الأربعة للكاتبة زهراء أمجد الفصل الثامن عشر

رواية الأنباري وزوجاته الأربعة للكاتبة زهراء أمجد الفصل الثامن عشر

يكول وليد...
ابشركم أجت بس حيل ذبلانة،
تعبها الخذاها وردها عطشانة.
يڪللها
يمتى آخذج...
واڪسر عيون المارضو
هل حلـوه صارت مالتي "
مفڪرلج بزفة عريس ;
زفةه فراشةه ع الورد ،
يروحلج فدوة ونذر ڪل بنات ولايتي..

مها: - كملت دوام وطلعت مشي للبيت وبنص الطريق محمد دكلي هورن وصعدت ويا احس الدنيه ضحكتلي من شفته.
كتله محمد والله ما اعرف شمسويه الله يخليك سولف شكو تعبت من التفكير الف حسبه بالي...
محمد: - ايي الله يساعدج هاي الي اعرف بعد غيرهه شكو
مها: - والله ماعندي شي ليش ماصدك مامسويه شي غير تحجي يالله اعرف جا اشم ايدي واعرف..

محمد: - بس كافي شكد تلغين يالله انزلي
مها: - بس اريد افهم ليش اجيت اذا عاجبك ما تحجي
محمد: - ماميت ع خلقتج عندي شغل وصرتي بدربي و وصلتج
مها: - سكتت عنه ونزلت بس كلش كرهت روحي وصلت للبيت تغديت ونمت وكعدت ادرس صار اليل ونمت والصبح كعدت كملت متحاني ورحت الدوام بيومه اجه محمد بس محجينه ولا حرف..

وكملت دوام وطلعت لكيت محد جاي ياخذني كلت اروح مشي توني مشيت واذا محمد دكلي هورن اصعدي صعدت كال
محمد: - راح اخذج البيت عمتج اهلج هناك اليوم عازمينكم عشه بس ماريد لغوه زايده هناك فهمتي حجابج اصخامج كله تنتبهيله. فهمتي لو اعيد...
مها: - الله كريم دليته ع بيت عمتي وصلنه
محمد: - صيحي ابوج كال وصلني وياك مادري وين..

ونزلت كتله بابا محمد بلباب منتضرك
ابو مها: - ايي بابا طالع بس هو يجي عليكم يأخذكم
مها: - اوك انته وي رايح انته...
ابو مها: - عندي شغل أخلصه ورجع للبيت تعبان
مها: - اوك الله وياك خلي محمد يجينه من وقت لان هم تعبانه كلش
ابو مها: - ايي بابا انه أوصيه وراح..

ورجعت سلمت عليهم وكعدت بصف ماما كتله عمتي مو زعلانه شلون عزمتنه
ام مها: - لا ماعزمتنه احنه اجينه انراضيه بعد خطيه وانتي تصرفي. عادي. جن ماصاير شي
مها: - كلتلها ان شاء الله صبو عشه وتعشينه وصارت ساعه 9 وخابر محمد كال حضرو روحكم راح اجي كتله اوك
وماما كالت احنه يوصلنه عمج وانتي تاني محمد
مها: - ليش ماما..

ام مها: - انتضري محمد مابقى شي ويجي... عود اذا سالج كوليله راحو من قبل لا تتصل وراحت ماما
ومحمد اجه وصعدت ويا ورجعنه الطريق سكته ماكدرت احجي ويا لان خال الهتفون بأذنه ومن احاجيه يكلي خبصتيني شبيج شريده واسكت وصلنه للبيت
محمد: - اريد أفوت للتواليت اخذيلي درب
مها: - فوت تواليت برى اساسآ ماكو احد بس ولد بيتنه وزوجة محمد دوم لابسه حجابه تستحي من بابا. ونزل.
محمد: - ادري شبيكم ضلمه تخافون ع الكهرباء
مها: - هسه شنو دخلك
محمد: - هو صدك شدخلني...

فات للتواليت وكال خلي اكول لبوج هاي بتك رفعة راسك وأروح
مها: - ايي تفضل هسه اصيحه الك فوت للستقبال. وهو دخل وانه فتت للبيت جوه لكيت البيت هندس شغلت الضوه ولكيت. الكل موجود اهلي واهل محمد
ومحمد اجه طاير يركض وكلهم كالعام وانتي بالف خير..

وآسفين ضوجناج بس مقلب اعذرينه والكيكه اجنن عليه صورتي والتزيين يخبل فد ساعه تجنن ما اكدر انساها باوعت لمحمد كتله يعني ماكو شي
محمد: - لا
وانه كمت ابجي ورحت بحضن بابا
بعدين محمد أتقرب ع بابا وكاله إسمحلي هسه اصعد وياها للغرفه
ابو مها: - ايي عمو اخذ راحتك بس لا تتاخر
محمد: - ان شاء الله...

مها: - كال يالله وصعدنه وفتت للغرفه لكيت التزين احلى وكيكه ثانيه وشموع وحركات اول مره احضن محمد وبجيت بس حسيت اكو أمان
وسند فد شعور ماينوصف وقطع الكيكه وياي و
كال اسف كلش اعتذر والله ماتصورين شكد جان صعب عليه كلشي ابوج كوه اقتنع وامج لحد هسه زعلانه عليه من يوم الي تخربطتي بلمدرسه
وامي كوه قبلت وسيف اخوي كوه فنعته يسولف ذني الحجايات الكالهن الج..

ضحكت وكتله اريد هديتي وجان يطلع الهديه كلاده فضه اجنن بعدهي لحد هسه عندي. والبسني ياها وباسني براسي وطلع نزلنه جوه وراحو هو واهله
وراح محمد واهله وكان يوم شبه ناسيه بيه وجعي ماعرف ليش يمكن أللمه الحلو لو لان صفيت نيتي وي حسين وسولفت ويا
لان وانه عد عمتي سولفت وي حسين لان خلص الكعده يذب عليه حجي وبنهاية المطاف حاجيته وكتله انه ما وعدك بشي ولا املتك..

وكال اذا انتي تدري بنفسج ناقصه شي ليش حته اتفضحينه يعني عصبت كلش وكتله محد اله حق يحاسبني ومنو كلك انه اني ناقصه الشي الي بالك غلط ما اله اي وجود.
والحمد لله عرفتك ع حقيقتك. وماتورطت وي انسان مريض. وتركته ورحت المهم جنت شبه ناسيه وجعي ورجع محمد يوصلني عادي للمدرسه بس يوم عن يوم احس محمد قطعه مني.

اليوم دوامي الساعه 12 ست غسق ماراح اداووووم اجه محمد يوصلني وكال خلي نطلع اليوم نتعشه بره
كتله خابر بابا اذا قبل ماعندي مانع كال أوك بس شنو تتوقعين الرد كتله راح يرفض لا بابا مايحب هيج شي اصلن اني متفاجئة. شلون سمحلك تصعد وتدخل غرفتي ما جاي اتخيل حته
محمد: - اجرب حظي ماخسران شي
كتله اوك.

وصلت للمدرسه ومحمد باسني بخدي. واني صاعده بل صدر واذا اشوف وحده من المدرسات بس غلست ونزلت سكته
هيه كايله للمديره بس ماتعرف اسمي اجت. ادور للصفوف. الى ان وصلت الصفي وكالت تعالي المديره تريدج
ورحت والمديرة وكلتني. رزاله بحياتي ما ماكلته بس انه كبل بجيت.

اريد اسكت ماكو. حته ما كدرت أبرر
 ما اشوف بس المديره لازمت مبايله وتصلت ع ست غسق وسولفت الست غسق السالفه
وكالته كلتي تردين تاخذينه لبنج. كلت خلي اتلاحكج قبل لا تورطين وهسه اخابر ع اهله...
في مكان اخر بيت عناد...

رسل: - بعد مسلمنب بابا لحسن طلعنا الزفه جانت تجنن نزلنا الطريق كله نركص بالشارع لان جانت بدلتي مستوره وحجاب ونوب وصلنا لبيتهم وبالفرع يم بابهم حسن وابوه وعمامه كلهم كامو يركصوون واني وياهم جانت ولااروع ضلينه شويه جوا بالزفه وكرايبه كلهم طايرين فرح بيه وبعدين زفوني فوك اني وياه وزفوه جماعته ارتاحينه شويه وبدلت وسبحت وجابو العشه اكلنه وتم كلشي عله اتم وجه ضلينه ٣ ايام بعدين سافرنه التركيا اسبوع لان منكدر نطول اكثر عدنا تبديل دم واله بالعراق وبالمستشفه لازم زمرت الدم وبهذله بغير دوله تونسنه بشكل ضلينه بس نفرفر هناك الصبح وبليل حسن كلش حباب وياي وحنين بشكل مثل ما بابا يحبني هوا يحبني واكثر تخيلو بعد الزواجنا ميخليني اروح للمستشفه ادير دم لا نروح سوا نجيب الدم ويجيب مضمده للبيت تخليلنه الدم حته لنضل تعب طول النهار بالمستشفه...

عناد: - بعدما عرفت بخيانه سهام الي حيل اذتني صح ما احبها بس تبقه عرضي وهي محافضت عليه ضجت وحتلو جانت تحبه مو تخوني اني لوو ادري بيها هيج حته ما اخذها ياربي عيني على ما بلاني...

مر شهر وسهام من يوم عرفت بيها هي معزوله رحت الها حاجيتها ترجع لاهلها ونطلك هي لمت ملابسها ورحنا للنجف طول طريق احنا ساكتين
وصلنه للنجف بعد طول طريق دكيت الباب وهي خايفه خاف احجي بس ما راح احجي شي طبيت سلمت على ابوها كتله منصلح وي بعض كلي شصاير كتله مشاكل ومجاي نتوالم وهاي بتك يمك عمي وورقه طلاكها توصلها بعد كم يوم لان مدااكدر اتفاهم وياها ولاهي واسف عمي بس مابيدي شي ماردت اكسر كلمتك بيوم هديتها الي... والبنيه مامنها قصور الله يسعدها...

وعفتها وطلعت رحت لبيت عمي ابو معتصم حاجيت عمي وعلى موضوع سهام ضاج على موضوع عنود كال الله يساعدك عمي وعلى همومك واشوف معتصم صافن وضايج هم مثلي ضلينه اني وياه شبيك وجهك ميتفسر
معتصم: - خويه الي زوجت ماكو راحه والبقيت هم مامرتاح...
عناد: - شبيك كلي شصاير وياك...

معتصم: - امي متعبتني وي مرتي تتعارك ومادري شسوي
عناد: - زينه مرتك
معتصم: - الحمد الله ورده مرتي حبابه بس امي متعوفها... بحالها
عناد: - خويه تريد راحت بالك خل تصبر مرتك فتره واطلع ابيت وحدك لان الضاهر ماراح يتراهمون لاامك ولامرتك...
..سهام: - بعدما وداني الشيخ لبيت اهلي وطلكني اجه ابوي كبل الي...

ابو سهام: - تعالي بت الكلب شمسويه انتي وطلكج شايف عليج شي
سهام: - ما صار شي مادري ليش طلك هوه يختلف عنه بويه ما توالمنه ومرته بس تسوي مشاكل ماطايقني لاهوا ولامرته كال حته لاكسر بيج وبابوج بلفصل وافقت ودوم مرته تسويلي مشاكل
اجه اخوي ضربني شنو ما توالمتي موتوني كتل اخ كله من وراك وليد لزمت عده وليد يتودد الي علمود نزوج اريد اربي درس مينساه هيج سوي بيه وليد
تاذيني كلش كمت ابجي دزلي مسج سهام ردي اريدج يمي..

انت اذيتني يكلي سويت هذا الشي علمودج سكتت كتله حملي جاي يبين صارلي ٣ اشهر حامل
وراها رجت لبيت عمتي هناك لان بطني جاي تةبر وابويه زعل وكال متبقين ابيتي نزلتي راسي رحت لبيت عمتي لحد مااخلص العده وبطني دتكبر وخلصت العده وصرت بشهر ٦ وبطني بينت شويه بس دوم البس عريض حته لتبين ويشكون بس عمتي كلتلها هيه وامي الوحيدات وبوةتها عزني وصخمني بس كتلهن ساعدني لحد ماازوج وليد...

خلصت العده كال اليوم اجي اخطب واريد اشوف منو ميوافق سديته منه واجه رجل عمتي وابوي وره ساعتين جرني من شعري
كلبه شافج وي وليد موووو احجي
لا والله مو هيج ما سويت شي
اني راح اوافق بعد بس لا انتي بنتي ولا اعرفج عافني وفرحت بنفس الوقت راح اصير لوليد...

عناد: - رجعت للانبار ومرت شهرين عله طلاك سهام لان رأسن وراها كملت اجراءات المحكمه ودزيت الورقه مال طلاك او اني طلكتها كدام ابوها.
بيوم من الاسام جنت كاعد بالغرفه
اجت عنود يمي وجها اصفر
شبيج حبيبتي
عنود: - ضايجه عليك
عناد: - لضوجين شسوي قابل الحمد الله على كل حال وضعج عنود ما عاجبني وجهج اصفر شبيج..

عنود: - لا حبيبي ما بيه شي
عناد: - جاوبت متوتره شكيت بيها شي كتلها ضامه عني شي احجيلي كلتلي لا ما عدي شي وراحت عرفتها تتهرب مني كتلها حضري روحج العصر اخذج للدكتوره
عنود: - عليمن ما بيه شي ميحتاج
عناد: - بلا كلام نروح خل تجيك حالتج... روحي وبعدين نطلع عرفتها بيها شي ان شاء الله مو الي بالي مو حامل العصر رحت للدكتوره وياها طبت وطلعت تبجي
كتلها ها شطلع عدج
عنود: - اني حامل..

عناد: - غمضت عيوني ما اريد اطلع اعصابي يم ناس كتلها امشي طلعنه وصلنه لبيتنا
ليش تعاندين كليلي ليشششش مو كتلج حمل موزين عليج والله صرت اخاف اتقرب الج بعدين مادري بنفسي مو كتلج جاي تاخذين حبوب كتلي اي ليش جذبين العنود ليش ولج انتي حته هسه من تنزلي تموتين تردين تموتيني انتي راح اموت من وراج ددكول نسبه قليله انو تعيشين
طلعت امي ع صوتنا كالت
شكو يمه هدي..

شهدأ يووم شهدي وجنتج حامل وكسرت حجايتي وتريد طفل مني وهي اسااسا ممنوع طفل عليها تموت ليش مجاي تفهمني انسانه تخاطر بحياتها يا الهي راح اموت شسوي شمسوي وهيج جاي اتعذب..

كافي يمه جزعت اكلها شي تعاند سوي الي براسها عفتها وصعدت افتر وشايل همها حيل تعبت شسوي هسه لاول مرة احس روحي عاجز ما اكدر اسوي شي
افكر بعنود من يوم ما عرفت هي حامل ما اريد احاجيها اعاقبها وعاقب روحي اني هم سبب شلون ثقيت وصدكت بيها وشلون اتقرب منها وهي هيج اخ يا الهي...

مرت ٤ اشهر على حمل عنود وهي حالتها من سيء لاسوء شسوي هسه شبيدي عليها تتوجع يمي كوه جر نفس ومر حملها وهي بدت تختنك وتوصي
واني خايف نزلت دمعتي عليها و خايف راح اخسرها جانت تحبني ونعم زوجه ساندتني رغم مرضها
اما سهام فانتهت طلكتها وهاهيه طلعت من حياتي... مداارتاح ياربي اليزوح يرتاح الا اني اتزوج وتزيد همومي... مرت الايام واني اخاف عله عنود من الهوا ومداريها...

مرت الايام وصارت بشهر السابع... كملنا غده وجاي تصعد لغرفتها... ومااسمع غير بس صووت وكعه وصريخ عنود بعدين اختفه صووتها...
كمنا كلنا ركضنا لكيت عنود بالكاع فاقده... واكعه من الدرج وماكو اي صووت منها اخذتها كبل مستشفى
اخذووها الدكاتره سوولها كبل عمليه بس اثناء العمليه واكفه كلياتها ومنا نزيف بالكوه نقذو الطفل الي ابطنها وخلوه بالخدج...

ولدت واجاني خبر موتها نزلت بالكاع احس الدنيا كلها اسود بعيني الشعور الصابني ماعرف شوصفه حيلي باد مااحس بلحوليه اجاني ولد بس ما فرحت لان ماتت عنود كمت ابجي بحركه عليها دوم تجي دكلي
تحلمت بابوي وامي انو لابسين ابيض واجوي يردون ياخذووني وتوصيني بأبني ادير بالي عليه ودكول قربت نهايتي واني اكوللها انسي احلامج كلها مجرد خيال تتخيليه...

حطو ولد بالخدج واني رجعت للبيت وامي تبجي عليها نصبنه فاتحتها لبست اسوود خلصت الفاتحه واحس البيت اضلم بلياها جانت حيل حبابه... ويوميه اشوف طفل وطمئو ورجع ميت قهر عليه تعبت شيربي هل طفل وين اكدر الف شي وشي بالي
ورا ١٠ ايام جبت الذفل من المستشفئ ووفرتله كل وسائل الراحه والنظافه والاهتمام لان سبيعي اجه وخايف يصير بيه شي ماريد اخسره وهوا من ريحه الغاليه ضل يم امي واختي زينب يعتنون بيه...

وضليت اني بهيمه سووواد ماندل دربي الدنيا عكست وياي منا سهام طلكتها ومنا عنود ماتت وماعرف شنو مصيري ياترئ بعد اثق ادخل مرا بحياتي وتصير مصدر سعاده الي...

كلبي نسسسد تجاه اي مرا وراح اكضي عمري اربي ابني اصلا جنت رافض الزواج بس بعد ضغط امي.. هاي تزوجت ثنين شستفادين وخاصتاا عمي جان موصي بالنجف يندفن وعنود دوم توصي انو تريد يم قبر امها وابوها... وضليت اتردد علنجف هم ازور قبرها وهم اشوف بيت عمي ابو معتصم...
في مكان اخر ايه...
بعد ما غسلت مواعين جابتلي من الغرفه مواعينها كتلها عمه عدي موضوع وياج..

ام معتصم: - خيرر
ايه: - ان شاء الله خير خل يطلعون العصر ونسوولف كالت خوش
خلصت مواعين وصعدت فوك يباوعلي معتصم درت وجهي عنه ونطيته ضهري نمت واحس بلمسات بجسمي اني جنت هيج مدري شنو حسبالي بيت جدي كبل اخترعت وخرته بساع وعطت هوه صفن..

معتصم: - ايو حبيبي اسف لتخافين هاي اني
ايه: - طكيت بجي حضني هوه وخرته كتله وخر معتصم
معتصم: - هاي شبيج
ابه: - انت تحكم بدون متتاكد هواي شغلات جاي صير وانت مصدكني من احجيلك شي
معتصم: - انتي متحجيلي
ايه: - شنو احجيلك معتصم ما اسوي مشاكل وانت كبل صيح وتعيط وتهجم البيت عليمن كلشي بتفاهم عفته ودرت وجهي عنه..

طلع وطبك الباب حيل براحتك شسوي قابل ضليت اتكلب تالي لبست شالي ونزلت لكيت عمتي تشرب جاي هي وعمي سلمت ع عمي
تعالي بنيتي مرتاحه
هنا سكتت كتله اي الحمدالله والشكر مرتاحه مناقصني شي بقلبي كلت بس راحه البال ناقصني كال
خوش اترخص مني
كتلها عمه اني جايه واكلج ع موضوع
ام معتصم: - احجي شكو
ايه: - اني ارد افتح وياج صفحه بيضه اعتبريني بتج وانتي امي اني تربيت يتيمه ما عدي احد الحمد الله من معتصم صار نصيبي هواي واجهت صعوبات بحياتي..

واني جايه اكلج شتردين اسويلج بس كون تعتبريني بتج مو جنتج والله شاهد ما اقصرر وياج باي شي صفنت هي تالي كالت
ام معتصم: - اني طول عمري محد يسمع كلامي
استمعت الها كالت ردت بت اختي اله لان تحبه وتعشكه وانتي خذيتي منها خليتها تكمل
كالت ردت بت اختي مو الغريبه ما اعرف عن غريبه شي تعالي شوفي ولدي خذو غربه ولدي يعبدوهن..

كتلها عمه بس اني مو مثلهن والله اني اصيرلج كلشي اصلا حته ما اشكي لمعتصم من شافني تعبانه حجيتله
هي سكتت كلتلي كومي مني مالي خلكج..

تحسرت وكمت منها مبينه متحبني اووف يربي اهديها عليه حته اكدر اعيش صارلي شهرين متزوجه مشفت راحه بس وي جيه معتصم تعبت يا الهي
صعدت فوك صليت صلاه المغرب اشو دايخه اليوم مالي خلك احد نمت بلا ماادري بروحي حلمت حلم لان اني جاي امشي وي معتصم ونضحك وفرحانين فجاه صار علينه شلون هوه اسود قوي ع وجهي فزيت من نوم بسم الله الرحمن الرحيم..