قصص و روايات - قصص رائعة :

رواية الأنباري وزوجاته الأربعة للكاتبة زهراء أمجد الفصل التاسع عشر

رواية الأنباري وزوجاته الأربعة للكاتبة زهراء أمجد

رواية الأنباري وزوجاته الأربعة للكاتبة زهراء أمجد الفصل التاسع عشر

ولك گلي اشـ تكلفك كلمة اشلونك
نسيت آنه الطرح حِمله
و أخذ حِملك من امتونك
و نسيت آنه الحرگ گلبه
و كحل دگاه لـ اعيونك
حلمت حلم لان اني جاي امشي وي معتصم ونضحك وفرحانين فجاه صار علينه شلون هوه اسود قوي ع وجهي فزيت من نوم بسم الله الرحمن الرحيم
شنو هاي استغفر الله يا ربي ساعه ب٩ بليل خل اكوم اتعشه نزلت لكيت ولا واحد طالعين اجه معتصم البيت اني خدودي حمر ومالي خلك ضليت افتر باوعلي..

معتصم: - اهلي طلعو لبغداد
ايه: - سكتت اني
معتصم: - تطلعين
عفته ومشيت
معتصم: - مو جاي احجي وياج
ايه: - شكو تحجي وياي اني اذا انته مصدكني باي شي احجي
معتصم: - ايه اكلج ع اكل كتيلي اي ومن طلعت كتيلي ماكو ونزلت لكيت كدوره ع طباخ اني تنرفزت حيل
ايه: - جان تجي وتسالني مو تعيط بيه..

معتصم اجه حضني واني منا مشتاقتله كمت ابجي
معتصم: - ليش هل بجي يا عمري
ما احبك بعد ولي هوه ضحك
معتصم: - لتحبيني اني احبج يلا بدلي خل نطلع بدلت وطلعنه تونست وداني للمطعم ورحنا للكورنيش ع شط ارتاحيت شويه كتله مو زعلني بعد ضحك هوه..

معتصم: - طفله متصيرلج جاره باوعتله صفح شاورني كلي متكومين نرجع البيت مشتتتاق
ايه: - ماااا ماااا معلبه
معتصم: - كومي كومي
ابه: - خلينه بعد
معتصم: - اجيبج مره ثانيه بس امشي...
ابه: - اوك رجعنه البيت وصلنه قريب لباب هوه شالني لاكتنه مرت حماي نزلت من عده استحيت وطبكت الباب حيل هاي شبيها عفتها اجه معتصم يبوس بيه عشنه يوم حلو بعد الزعل..

معتصم: - ايو حبيبي لزعلين مني تدرين بيه احبج ما احب زعلج
ايه: - اوك حبيبي سبحت ونمت هوه طب سبح وراها حضني ونمنه ثاني يوم كلي حضريلي ملابسي اريد اروح لبيت عمي صايره عدهم طلابه وهم مسوين ثواب لعنود الله يرحمها كتله خل اروح وياك كال يلا حضري نفسج حضرت نفسي وكم لبسه طلعت الي واله سلمنه ع عمي وعمتي تباوع صفح معاجبها وطلعنه وصلنه الهم سلمت ع مرت عمه شنو من أسلوب يجنن عدها..

شو ضعفانه
احسن
لا مربربه احله ضحكت اني
شلونها عمتج وياي سكتت كتلها ع الله زينه
الله يهديها صبو الغده البنات زلم بمكان واحنا بمكان كملنا اكل مرت عمهم مقبلت كلتلي هاي غررفه ارتاحي بيها تمددت ستوني دك الباب معتصم
كتله طب اني هنا
يمه اشتاقيتلج كام يبوس كتله عيب بيت عمك هنا.

معتصم: - خل نجرب بهل الغرفه ضربته بصدره ع كيفي عيب معتصم خرب يومك هو ضحك كلي يلا خل انام نمنا اني وياه وراها كعدت ملكيته يمي لبست ملابسي وعباتي واجيت يم بنات حبابات كلش لليل كلش اجو الولد سون عشه اني متعشيت ما اشتهي اكلهم دسم نقشت وياهن اجه معتصم كلي انام يم ولد كتله ماشي حياتي اجت زوجه ابن عمه حبابه ضلينه نسولف ونضحك حبيتها وتالي نمنا ثاني يوم تريكنه ورجعنا لبيتنا...

عناد: - مرت ايام على وفاه عنود واني متكأب ابني بعده زغير وامه عافته الله يرحمج عنود
قبل كم يوم وصلتني أخبار سهام اتزوجت ابن عمها هي رادته صح صعب عليه خيانتها بس رب العالمين يكول ارحم من في الارض يرحمكم من في سماء الله كريم الك بيها حكمه يارب العالمين..

اتصل بيه معتصم كال تعال نشوفك مشتاقلك كلت خل اروح الوحيد معتصم اشكيله همي توجهت للنجف العصر يالله وصلت سلمت عليهم سبحت واكلت ونمت من التعب كالو نام ارتاح...
شويه وراها كعدت المغرب صليت...

اجاني معتصم
الله بالخير شيخنا
هلا بمعتصم الله بالخير والعافيه شلون امورك شخبارك ياخوي...
معتصم: - والله ياخوي قررت ابني البيت شويه شويه علما اخلص ونشيل حته نستقر واخلص من دوخت المشاكل...
عناد: - ماكو شي بطريق منا منا وغمزت اله
معتصم: - يمعود خل اشبع من مرتي بعد وكت وانت شيخنا مناوي تزوج وتدخل بالعش وهم تربي ابنك...

عناد: - يمعود يا عش خليني هيج تزوجت مرتين وما كعد حضي خليني على تربيه ابني احسن
معتصم: - براحتك... امشي خل نفرفر شويه... ضووجه إلى البيت...
عناد: - اي والله ضوجه عاد طلعنا اني ومعتصم رحنا للامير علي (عليه السلام) زرنا وكعدنا بلضريح وبعدين فترينا بالسياره وتعشينا ورجعنا...

رجعت ونمت كبل تعبان كعدت ثاني يوووم خابروني اقاربي ابغداد عدهم فصل ولازم احضر عاد كلت المعتصم يجي وياي وهم صديقي محمد يجي وياي...
ايه: - صعد معتصم الي بوكتها ضايجه منه علاقتنه متوتره بسبب امه...
معتصم: - يا حلوه حضريلي ملابسي خل اروح لبغداد وي ابن عمي
ايه: - باوعت صفح اله وشعدك تطلع لبغداد بهيج وقت شسوي
معتصم: - اي اروح اتونس بلكي اشوف بنات حلوات يسمعني كلام حلو..

ايه: - اني يكول هيج اشتعلت نار بقلبي كتله اي روح شوفهن زيين والله انتو زلم متملي عيونكم غير التراب مصير جاره الكم ابددد تريد تروح روح ومالي شغله بيك حضر ملابسك بيدك وخل يفيدنك بنات بغداد عفته ورحت للحمام كمت ابجي من الغيره
خرب نوبه يحجيها بوجهي طلعت من الحمام يضحك هوه كتله شكووو تضحك اي صدك متونس اليوم على بنات بغداد شوفهن اشتاقيت الهن اجه يمي...
معتصم: - تغارين...

ايه: - معتصم لتجي بصوبي وخر يلا باوعلي كلي
معتصم: - والله ما اشوف غيرج جنت اشاقه وياج انتي وياي متحجين واني رجال احب تتلكيني بوجه حلو
ايه: - باوعت صفح اله مدكول لروحك تجيني اعصاب عسى لا احجي شي
معتصم: - والله من تعب وشغل..

هوه حط راسه على ركبتي يشم بيها جان كلي..اكلج ايه هم بنات بغداد هيج ريحتهن حلوه مثلج
بعدته عني وعضيته بمتنه
معتصم: - اااخ خرب يومج ولج
ركض وراي سديت حمام اضحك عليه كتله خل يفيدنك بنات بغداد بس تجيب طاريهن اموتك و الله هوه يضحك..

خبله تعالي اشاقه حضريلي ملابسي تأخرت ع شيخ طلعت حضرت ملابسه وكتله كل نص ساعه تخابرني هو يكلي صار يضحك عليه هههه...
عناد: - تجهرنا اني ومعتصم ومحمد طلعنه لبغداد ساعه ٥ وصلنه ٩ ونص رحنا مطعم تعشينه ضلينه نسولف هوه يشكيلي على امه وتصرفها وي مرته رحنه للمول اشتره شغلات لمرته واني هم اشتريت لابني ملابس حلوه اله صح زغير بس احب اهتم بي ما اريد أقصر عنه شي كملنا صارت ب١٠ ضلينه بفندق بتنا ثاني يوم الصبح كعدنا رحنا للفصل تلكوونه الديوان الي ابغداد وبترحيب وصبو الغده ب١٢ اكلنا وخلصنا وبده الفصل واحد متحرش ببنيه ابو تكسي واخوها شايف وكعده عشائرياا... ذاك يكوله وكفت عبالي تريد تكسي والاخ يكوله بعيني شفتك تحرشت بيها... وحجيت وياها عاد اخير شي فصلو ٥ ملايين ذاك الولد...

كمل الفصل طلعنا فترينا مولات بغداد كلش حلوه...
جنت تاامشي اني وصديقي ومعتصم وتالي الليل تأخرنا بالرجعه للديوان مال شيوخ الي بغداد والشارع اضلم سووواد الليل والمحلات كلهن مغلقه وعله ضود القمر والنجوم... ونتكلم اني ومعتصم ادحك بنيه تركض من بعيد ووصلت حدرنا...
نورس: - فدددوه فدددوه ساعدوووني...

شيخ عناد: - شفتها تلهث بلكوه تجر النفس وتبجي وملابسها مشككه ودم بجسمها شبيج بويه شجرالج وهاي شصاير بملابسج منو معتدي عليج...
نورس: -خويه الله يخليك خلصني منهم اخذني لاي مكان فدوووه... ومستمره بالبجي... اذا بقيت يموتون بداعه امك خلصني
شيخ عناد: - خويه بس اهدي وفهميني انتي بحمايتي محد يتعرضلج... امشي اخذج وياي انه مااترك الينخاني...

محمد: - بس ديربالك ياشيخ لانوب توكعك بمصيبه... امشينا
نورس: - لافدوووه لتعووفوني والله مالي احد ان بقيت يموتوني...
معتصم: - ل خويه مادام نختنا نوكفلها سند موش زلم ا ذا عفناها...
شيخ عناد '-لابويه موش زلمه اليتركج امشينا للمضيف ومن باجر اخذج ليغاد ويانه لديرتنه...
اخذت لبنيه ورحنه للمضيف تلكونه الشيوخ الجنه يمهم علمود الفصل...

شيخ عمار: - هلا بيك شيخ شو طولت برا ظال بالنا عليك خويه... وهاي منو البت الوياكم شصاير بيها...
شيخ عناد: -لايضل بالكم عله عزيز ان شاء الله
تسلم شيخ هاي البنيه نشدتني وبحمايتي ماعرف شني سالفتها ياخويه اخذها يم اهلك خل يستروها بين ما باجر اروح لاهلي وهناك اعرف قضيتها شني...
شيخ عمار: - ادلل شيخ...

نورس: - اخذووني ومبينين خوش عالم... بس انه ضليت ابجي من الخوق نطوني اكل اكلت ومي شربت وملابسي لان مشككه عدهم بنيه وغيرت منها... ونمت بي الليل كله افز واتحلم بالي صار وياي...
شيخ عناد: - رجعت للانبار والبنيه وياي شسوي هسه طول طريق افكر بموضوعها وصلنه للانبار بعد طول طريق شافتني امي سلمت عليهاروراها كالت
ام معتصم: - ولم يمه منو هاي البنيه..

عناد: - يمه دخيله عدي ديري بالج عليها ام عناد ضيفتنه هاي
ام عناد: - ميخالف يمه
عناد: - دخلتها امي اجه ابوي كلي منو هاي ابني سولفتله السالفه صفن هوه كلي هي دخيله عدنه ويتيمه وناس تحجي علينه... للن بنيه غيربه وتضل ويانه بلبيت صعبه...

متعقد عليها هم تربي ابنك هم تكسب أجر لان يتيمه كتله ما اعرف يابه مالي نفس بمره بعد تعبان يابه كلي فكر وراها توكل كمت منه اباوع لابني صاير حلو وسمنان راده روحه الله يرحمج عنود ردتي طفل وهذا طفل اجه وانتي ماكو يمه الله يرحمج لا اعتراض على حكمك يا رب...
رحت للبنيه خلوها يم اختي زينب... دخلت للغرفه لكبتها كاعده شافتني وكامت...
كعدي بويه كعدي بس اجيت ارد اعرف شنهي سالفتج...

نورس: -ياشيخ اني بنيه يتيمه اهلي من الزغر ميتين وماعدي احد عمري ١٨ سنه... اخذوني ناس شغلتها الكداوه بالشارع او ندك البيوم ويطلعون كومه بنات بس ضيمي ذبني يمهم ماكو احد يساعدني من زغري وضليت اكدي بس يوكلونه ويشربونه فقط ولازم كلشي يردون نقبل بيه من كبرت طمعو بجسمي نوب
بدو يتحرشون بيه ويتلمسون بجسمي كمت البس عريض واحاول مااتواجد يمهم اذا جوي همه لكباريه الي لامين هل اطفال واليتامه اخر شي رادوني اشتغل بملهئ واني رفضت فبيوم ما شفتني رادو يعتدون عليه جابو واحد ويريدني ويدفع فلوس انه ضربته براسه وشردت... وضليت اركض لحد ماشفتك...

عناد: - باوعت كلامها متت قهر عليها... عفتها وكمت...
مرت يومين وفكرت بيها اعقد عليها وخليها يم ابني تربي اجيت دخلت الغرفه دكيتها لكيتها لابسه حجاب ومدنكه
كتلها انتي موجوده يمي وما اردج واحميج اني راح اعقد عليج
رفعت راسها كلتلي ليش..

عناد: - خيتي ناس تحجي بينه و شنو دخلتج النه واني ما اكدر اعوفج بعدما نخيتيني عاد اعقد عليج بس اسم واريد منج شي اني رجل ما اكدر على تربيه طفل مهما كان يريد حنان ام وهي ماتت امه بولادته رادته وما كدرت وعدها عجز بالكلى
نورس: - الله يرحمها واني اربي مثل ابني.

هزيت راسي وطلعت لاكتني امي حجيتلها هي كالت سوي الي يريح بالك يمه عافتني وره يومين عقدت عليها وبوقتها ابني عابر السنه وبادي يمشي...

مرت الايام والبنيه حبابه ما سوت شي غلط وي امي تشتغل وتعاونها ونضيفه بنفس الوقت منطيها وعد ما اتقرب الها احسها امانه يمي ومربيه ابني مداريته رضاعته وتغير ملابسه نضيف كلش واحسها تباوعلي من اباوع الها دنك عفتها براحتها..

نورس: - بوقت ليل جنت امشي خايفه ليلحكوني مليت اخاف اضل أكثر يمهم ونوبه يأخذون شرفي ومحد الي واني يتيمه طلعت اركض وشوف سياره رحتله وكلت شيصير خل يصير دك صدره الي وكلي بحمايتي رحت وياه للانبار استقبلتني امه حبابه وطيبه وشفت طفل زغير عمره تقريب عابر السنه تقربت بسته خده ناعم وترف فدوه لقلبك بسته واجت امه جابت اكل وكلتلي اخذي راحتج طلعت اكلت وبدلت استمريت يومين هيج وراها اجاني شيخ وكلي على عقد ميخالف اقبل ولا ارجع للهم...

وكلي على ابنه خطيه يتيم مثلي وعدته اربي وبعدها عقدنه اني وياه وبدت حياتي اكعد صبح اشتغل وي امه ونسولف والزغير مهتمه بي اغسله وبدل اله ورضاعته كامله واسهر عليه تعلقت بي كانما ابني كلما اشوف شيخ قلبي يدك شنو هل شي محاسه بي قبل واني حته البس منه حجاب استحي...

مر شهرين ونورس موجوده هادئه متدخل بشي مهتمه لابني وداخلي مرتاح لهل شي هل ايام هواي اتحلم بعنود والله لسه ما اكدر انساها تعبان عليها وكلما اشوف ابني أذكرها قريت فاتحه الها وضليت اذكر دلالها الي وما مقصره بشي الي رغم مريضه هي الله يرحمج..

سهام: - بعدما وافق ابويه على زواجنا اني وليد جنت اسعد انسانه تزوجنه بس عقدنه وداني للفندق سمعني كلام حلو وعشت وياه ليله راضيه بيها اني بدون تقييد هذا وليد الي حبيته صار الي برغم صارت مشاكل بس هوه الوحيد دخل قلبي عشنه ٣ أيام حلوه بعدها اني نايمه على صدره كتله وليد
مرتك نسرين شنو مصيرها...

وليد: - مبقيها ولو كلشي احسه مجرد تأديه واجب سنين وماكادر احبها ما عدها أحد خطيه
باوعت اله بخزره واني شعليه باوع ارجع للبيت متدخل لغرفتها افهمت وليد
جرني اله بعدته عني عرفت شنو احجي هوه سكت وخرت عنه نوبه شاركني بي بس اله اطلكها مو سهام اني
رجعنا للبيت محد فرحان امه تخزر بيه ومحد قابل علينه عشتو مو مهم انتو باوعتلي نسرين خزرتها هي راحت صعدت للغرفه نام يمي وليد كل يوم افتح موضوع طلاك نسرين يكول الله كريم طكت روحي
تعاركت وياه كلي سهام كافي تلحين وهي مو يمممج افتهمي ما اكدر اطلكهااا عفته درت وجهي عنه ونطيته ضهري هو يحاجيني ما احاجي اله يلبي طلبي...

نورس..: - مرتاحه بيت شيخ ملابسي واكلي من احسن ما يكون بنفس الوقت صايره ادور ع شيخ اريد نضره منه كل يوم افكر بي واني قلبي متلهف عليه يجي باليوم مرتين يشوف ابنه ويلاعبه ويروح يوصيني ادير بالي عليه ومرت سنه عله زواحي منه وابنهوكبر عبر السنتين والشيخ دومه هدوئه وطريقه كلامه احبها بي بس هوه ما حاس بيه وبلي احسه شي يتعب وشعور صعب من تنعجب بشخص هوه قلبه مو الك والاصعب منه هوه زوجي وما اكدر ما افكر بي عفتها يم رب العالمين.

في مكان اخر... مها...
بعد مشافتني المدرسه محمد باسني راحت للمديره واستدعوني واكلت رزاله غسل ولبس
وانه سكتت كتله ست الي وياي بل سياره خطيبي ترى. هو ابن ست غسق.
 وهيه رجعت سالت ست غسق وست غسق أكدت عليه السالفه وكتله من رخصتج ست بس احاجيه وانطتني التلفون وحاجيته وانه ابجي وكتله خلي محمد يجي يرجعني

او يدزلي سيف اريد ارجع ماكدر اكمل دوام

ست غسق: - صار بس انتي لا تبجين كافي هسه نجيج اني ومحمد كتله ماشي وسديت التلفون منه ورجعت كلت للمديره.
قبل لا طعنين بشرف بنيه اتكدي.
كالت اسفه ماما بس الضاهر المدرسه ما تعرف محمد بس شلون ويمته صارت الخطوبه كتله ناصر هواي المهم بهاي الفتره اجت. ست غسق ومحمد اجه وشافني اسودن.

ليش هيج باجيه هواي ماعندج شي ينحل. بغير الدموع والبجي والله راح تخبلين طفله انتي كتله خلي نفسك بمكاني. شسوي انه حته. حواجبي ما أنصفهم حته ما اسمع احجايه زايده.

وتالي انمسحت بيه الكاع. وماكدرت حته احجي كال طبعا مادكدرين تحجين اذا كبل بجي عبالك خالتهن الدموع بجيس وباسني براسي وكال كومي جيبي جنطتج وتعالي. ورحت جبت جنطتي واجيت وست غسق حجت وي المديره هواي ورجعت للبيت وسولف إلماماً كلشي صار هههههه
بقت تضحك عليه.

وخابرت محمد فهمت منه الحجي لان انه اسولف وابجي. وصعدت الغرفتي. وصارت الساعه 7واجت زوجة اخوي لكتني جاي ادرس كالت انتي مخبله محمد كال اجي ب8 حته اطلعون

شنو شو ما ادري
. شنو ما تدرين معقوله عمي رجع كله بطلت لا تجي كتله مادري خلي اخابر واشوف وخابرت محمد وكتله شنو خابرت بابا ع الطلعه كال اهوووووووو

واكول شنو اريد اسوي ثاري ناسي ماكايلج يالله جا ب9 اجي مو 8

لاتعال معندي شي بسرعه ابدل كال اوك.
يالله وكمت بدلت وحضرت نفسي واجه محمد وطلعنه كال وين نروح كتله ع الشط كال ولج عشه وين نتعشه كتله والله ع الشط ناخذ لفات همبركر ومقبلات وفنكر وكولا ونروح ع الشط وصفن عليه
محمد: - اموت عليج واني سكتت ورحنه صدك اخذنه عشانه ورحنه للشط وكاعدين ونسمات الهوى اجنن وتعشينه وكعدنه نسولف ومحمد سالني سؤل.

تمنيت اكدر اجاوبه بل صدك بس وعدت نفسي يكون سر بيني وبين ربي
محمد: - مهاوي ليش احس حته من اضحكين اكو حزن بداخلج شنو السبب مع انو جاي احاول اسوي كلشي حته اشوف وجهج خالي من الحزن تدرين شكد حلو. وجهج وانتي اضحكين من كلبج تدرين وجهج بيوم عيد ميلادج يجنن حته فرحت لان حسيت الشي الي سويته وصل الكلبج الضحكه والابتسامة جانت من كل گلبج
مها: -. اني مابيه شي. بس هيج تكوين شخصيتي كله عباله. بيه شي.

محمد: - ودمعتج بسرعه تنزل ليش هيج مهاوي خليج قويه ماريدج اضعفين كدام شخص انتي اكبر من هذا الضعف الي بداخلج ماحب اشوفج هيج
مها: - الله كريم راح احاول الخاطرك بس
محمد: - وعد
مها: - وعد بهاي الحضه تمنيت اضم راسي بصدره وشكي كل الي بگلبي بس ماجنت اكدر بس كتله اول مره احس نفسي اريد احضنك طار من الفرح.

محمد: - صدك شلون حبيتيني
مها: - ما ادري بس لكيت نفسي احبك وهاي هيه. ضحك وباس ايدي. وخلاها ع گلبه
محمد: - طول ما هذا ينبض ماراح اتركج ولا اخلي شخص ينزل دموعج ولا اخليج تنسندين ع احد غيري
مها: - احبك والله لايحرمني منك ويخليك الي وبعد ثواني من الهدؤء.

محمد: - تردين نعرس بيت وحدنه لو وي اهلي
مها: - لا شنو وحدنه وي اهلك احسن
محمد: - خاف تخرب علاقتج بمي. اذا ادكعدن بنفس البيت
 ضحكت وكتله بلعكس. ماراح يصير هيج شي وأمك امي واحترامه من احترامك انته كلش فرح بهذا الكلام كال اخوي هم هيج كعد فتره ويانه وتالي أتوتر الوضع واخذ مرته وطلع كال ترى امي ماتقبل بهواي شغلات.

يعني تتحملينه كتله سوالف العمه والجنه اطلع منه. وخليك مرتاح وانه وأمك نصافه بعدين باسني براسي وكال يالله ابوج كال ب10انتم بلباب ههههه ورجعنه لكيت بابا ومحمد اخويه واكفين بلباب ههههههه
ضحك كال متأخرين ربع ساعه واكفين ثنين يمكن اذا متاخر اكثر ايوكفون حته جيرانكم هههههه..

ونزلنه وسلم عليهم وكالهم. شلون اشكركم لو ادعيلكم لو شنو بلضبط كاله بابا ليش عمي شكو كاله هاي بتكم شنو جنتو مخلينه بجيس شفاف بحيث كلشي تفهم بيه وهيه مامجربته كتله كافي عاد الي يشوفك يكول ماشايف بحياتك.

كال والله مثلج ما شايف جا هيه كوه واجه باس راس ابوي وكالهم اصبحون ع خير وراح وبابا كال وين تعشينه كتله لفات همبركر وع الشط. ماتو من الضحك كال يعني هاي فرحة محمد لان ما مخسرته شي كتله اي وكال خلي نجهز بيتنه بعد وانه ماقبلت كتله نكعد وي اهلك.
وهو ما مصدك لحد هسه ههههههه باسني بابا براسي وكال عفيه بابا بهل لحضه. نزلن دموعي وكلت باترى بصباحية عرسي راح يبوسني هيج بابا ويرفع راسه لو راح يصير العكس.

تعشك...تنجرح
يصعب عليك النوم
تدمع تختنك
حته الهوى تعوفه
كلهه تهون
بس هيه المصيبه شلون
بشر تشتاكله وماتكدر تشوفه
سهام: - شلون بيه الحمل جاي يبين هواي وليد لسه مسوالي صوره حل دخل للغرفه الي كتله وليد بطني جاي تكبر..

وليد: - اي عادي يمر شهر اكلهم اريد اطلع بيت وحد وبعدين ننطي خبر حملج
سهام: - زين شلون من اجيب
وليد: - اخذج ونسافر نضل فد مده
سهام: - كتله ماشي رحت للمطبخ لكيت نسرين تبجي كتلها خير شكو هل دموع مسويتها مناحه...
نسرين: - معليج بيه سهام الي بيه مكفيني..

سهام: - عشتو عفتها ومرت عمي تتامر عليه كتلها باعي متاامرين عليه اشتغل بلي يعجبني اوك عفتها وصعدت لغرفتي ضجت منهن وليد شو احسك بارد مو مثل ما من جنت وياي وتتصل بيه
وليد: - مو بارد بس صرتي يمي وطمنت
كتله ماشي
مرت اول ايام زواجنا اني وليد يوم من الايام نزلت اسمع وليد بالمطبخ يتوسل بنسرين
وليد: - شبيج وياي نسرين
نسرين: - ما بيه شي..

وليد: - ليش متحجين وياي وتعاقبيني اني هم زوجج حتلو تزوجت مره ثانيه الشرع وحلل اربعه وتدرين اني احب سهام قبل لااتزوجج
نسرين: - عليمن خلي هي تفيدك مو زوجتها وردتها بعد شكو تجي عليه واني اريد افاتح عمي الموضوع طلكني ما اضل...
وليد: - طلاك ما اطلك واني اريدج وحالج حالها وجهال اخويه او ابني منج مااخليج تاخذيهم..

نسرين: - ليش تزوجت اذا تريدني شنو سالفتك وليد
سهام: - اني طبيت وليد شعدك هنا تتوسل بيها اني مو مرتك كتلت نفسك عليه ليش تجيها
وليد: - سهام صعدي فوك
سهام: - ما اصعد وشسوي يعني وين كلامك وعدك الي عيشتني بس اول شهر حلو وتريد تتغير عليه شوف مو انت تتغير افتهمت لو لأ انت لو رجال جان متحجي هيج اجه دفعني
وليد: - كتلج صعدي فوك وحجايتج احسابج عليها...بعدين..

سهام: - صعدت فوك بسيطه وليد الكلب الحقير كتل روحه عليه تالي هيج يصرف صعد وليد جرني من شعري
وليد: - احترمي روحج سهااام مو اني مره تعلي صوتها عليه افتهمتي ونسرين مرتي حالها من حالج خووش ويوم الج ويوم الها
سهام: - انت لو رجال جان متحجي هيج
اجه ضربني حيل موتني تموت..

ليش تضررررب وخر ايدك عني شكو طلكني من شيخ اذا انت تحب نسرين شكو اخذتني
وليد '- بعدج تردين شيخ
ضربني كتله وخررر اكسر ايدك اذا تضرب بعد ضربني على حلكي اسمعي نسرين قسما بالله العلي العظيم اذا معليه صوتج على امي ما محترمتها متلومين اله نفسج افتهمتي عافني وطلع
مصدومه بي شغيره وين وعده وين كلامه وياي بسيطه وليد يصير خير...

وليد: - بعدما تزوجت وي سهام صح فرحان وي سهام لان اخذت الاحبها بس امي ضايجه متحترم امي وساكته الها متحجي ولا تشتغل اشوف نسرين تعبت تشتغل احس روحي ضلمتها كلش اووف شلون هسه ومنا سالفه حمل سهام هسه اني شورطني وكتلها بقي
صاير اضوج منها من تصرفاتها وكحه متنرد الله يعيني عليها بس اني انطيت مجاال تشيخ على بيت وتعلي صوتها وتكول مو رجال تعبتني بعدها باول شهر
وهيج وياي ذكرت اجت نسرين الي تبجي..

نسرين: - اسمع وليد حبيتك اني من كل قلبي صح جنت مرت اخوك بس العشره ولاياام تخليني احبك بس انت دست عليه وع كلشي رحت تزوجتها وليد وهي هم متزوجه جانت غيرك شنو فرقها عني الله يوفقك وياها
بس باوع منا وجاي ما اريد تجيني ابد عدك زوجه غيري متجي لغرفتي وياريت سوي فضل وطلكني واخلص من كلشي لان تعبتني حيل ما اعرف شتريد وكلساع جايني..

وليد: - كتلها ما اعرف نسرين اني ضلمتج وضايج من روحي اريد اعادل بينجن كلتلي شوف اني مره وعدي مشاعر مو شوكت متريد حضرتك تجي عليه
اني عدي مشاعر و تعبت منك الى متى اني اجي يمك واريدك الي بس من جبت سهام حيل كسرتني ما راح تلكه مثلي بحياتك كلها
مبينه هاي سهام راح تعبك هواي عافتني وراحت ضليت افكر بكلامها صدك ضلمتها وياي حيل اووف راسي موتني من تفكير هسه شأسوي شصرف تعبت احس روحي متندم حجيها موتني نسرين كسرتها ضليت افكر شبيك وليد هاي سهام تحبها وكتلت روحك عليها هيج يصير وياي بس هي ما احترمت امي كلش ضوجتني امي متاذي ولا تشتغل بالبيت تكول ملكه هي ولا غيرها الله يهديج سهام.

فكرت بيني وبين نفسي عساس اخلص امي من سهام لان مشاكل بينهن ومنا حمل سهام قررت ااجر بيت الها رحت لامي وكلتلي بكيفك رحتلها سهام ناجر بيت وحدنه ونطلع كالت خوش عفتها رحت حجيت وي رجاال تكاتبنه ودفعت اجار سنه ليكدام اخذت سهام ورجعت ايامنه وتدلل عليه
جنت مضغوط من ناحيه نسرين خاف اضلمها على مرتين رحت الها ما رادت اجيها كلتلي خاطر الجهال ضاله ضليت وي سهام مد وجزر وياها لان شخصيتها قويه وتعاند..

علنت على حملها يم اهلي كتلهم شهرين صارلها حته تضل بالهم مرت الايام والاشهر وبيوم اجيت لكيت سهام تتوجع كتلها شبيج كالت وجع راح اموت ااخ اجيت خذتها للمستشفى جبت امها وياها أهلها
مقاطعيها بس امها طلعت ميدرون بيها راحت لبتها وديتها كلولي عمليه قيصرية دخلوها للعمليات جابت ولد وطبعاا بس تمر عله حملها الي علناه ٧ اشهر اكوللهم جابت سبيعي جته ليبين ويبقه الطفل زغير..

هي حطو باديه مالي نفس بيه اصلا يمكن لان مو ابني الغلط مني من خليتها متذبه اذنت باذنه وخذته ينضفونه سميته فراس ضلينه يومين بالمستشفى وطلعنه شفتها فرحانه عفتها حته ما اكدر اجي يمه ميخالف اربي ضلينه نربي صار عمره سنه ونص
ميشبه لسهام اذكر ابوه هيج شكله وكلما يكبر اتذمر منه هوه هم متعلق بامه سهام جانت ضوج مني لان ما اهتم بي وكثرت عركاتنا على هل اساس جنت اضوج من تكلي هيج وسكت عنها...

سهام: - قرر وليد يعزلي بيت ياجر اي فكه اخلص منهن رحنا وشويه شويه كسبته من جديد لان ما عدي غيره وكبرت بطني ويوميه يتحرك طفل بطني واني ابتسم شعور حلو بس احسب بذنب لان ضميت عن ابو شلون يربه هيج يلا وليد ابو يصير
هو وعدني على هل اساس بيوم ولادتي صارت عمليه قيصريه مادري ليش اجه بالي شيخ لان ضامه عنه هل شي طلعت من العمليات والالم يذبح سماه وليد فراس وحلو اسمه ضليت اتعلق بابني وكلما يكبر يشبه ابوه مره من مرات اجاه فراس يصفك اله
دفعه ووخره ومقبل يشبكه...

سهام: - ليش هيج دفعه
وليد: - مالي خلك حهال هسه خل يروح مني
سهام: - وابني كام يبجي كتله وليد لتنسه انت الي كتلي بقيه خوش هوه سكت انقهرت من تصرفه وياه تعلقت بابني كلش الاعبه وملهيني وبداخلي بالي شيخ يا ترى اذا عرف هذا ابنه شيسوي بيه
صار عمر ابني تقريبا ٣ سنوات واني مربيته من عدا اشوف ميهتم وليد بي ومتغير وياي حسيت بندم لان بعدت ابني عن ابو صعب يكبر بلا اب اووف شكول عليك وليد لو متخلصه منه ولا تأنيب الضمير الي ملاحكني..

وكثرانه طلعاته ورجع يشرب ونسوان بحياته غيري ما فاد كلشي وياه ما اكدر اروح لاحد اهلي ميردوني اووف يربي بيوم من الايام جنت اشتغل بالبيت اتصل عليه رقم غريب رديت الو
كال اهل صاحب هذا الرقم
فز قلبي كلت منو حضرتك
كال البقاء بحياتكم الشخص مات بحادث سياره ما لحكنا عليه اساسا ميت من جابو للمستشفى النه خل يجون اهل مريض يستلمون جثته
اني وكع موبايل من ايدي كمت الطم وابجي وين اروح وين انطي وجهي خابرت اخويه ميرد مو محلك رد خابرته هواي يلا رد ها سهام شكو
الحكني خويه وليد مات
كال شنوو وينه هوه
كتله بالمستشفى
جايج..

كمت الطم وابجي على حضي وين يصفه بيه الوكت ياربي اجه اخويه حضنته راح وليد خويه منو الي بعده
كلي كومي وياي جبت ابني وشلته خذاني لبيت اهلي امي تبجي وياي شاورتني حوبه شيخ هذا شكد ضميتي عنه موضوع لابد ويطلع الحجي
اني كمت الطم صح هو ما مهتم الي هواي بس يبقه فوك راسي اجه ابويه بس ما سلم عليه هسه اني بيا حال مرت الفاتحه واني كعدت يم اهلي شفت ضيم منهم وساكته حسيت نكسرت بعد ما اكدر احجي لو اسوي شي...

نورس: - ضليت اربي ابن الشيخ حبيبي ويصيح ماما الي كبر وصار ٣ سنين لان من اجيت هوا حان سنه ونص... خلال هاي سنه ونص الي اني بقيت يمهم اشوف شيخ مهموم بأمور العشيره والفصول ويجي تعبان ويفكر صار يجي يحجيلي
مرات على امور الفصول وانطي رأيي بديت احبه بس هوه مهتم بيه وبس ما حاسبني غير شي انتضر والله كريم بلكي يحبني مثل ما اني احبه اني حته حجاب استحي انزعه منه..

عناد: - مرت فتره زواجنا اني ونورس ابويه يكلي اخذها وتمم زواجك وياها واني احسها امانه يمي ما اكدر أخذها اعتبرها مثل اختي وماريد مرا بحياتي محصلت غير الاذيه... وشلاع الكلب
التهيت بسالفه فصول اتعب نفسي بشغل بيوم من الايام اجاني معتصم سالني على نورس
كتله ما اتخيلها مرتي ما اكدر كلي براحتك كلي زوجتك السابقه سهام صار عدها ولد..

كتله الله يوفقها شعلينه بيها من يجيبون سيرتها قلبيي ينقبض دخيلك ربي ثاني يوم راح معتصم اني ضليت افكر بابني الي جاي يكبر كدام عيوني
ااخ يا عنود شكد مشتاقلج الله يرحمج اجتني بالحلم توصيني بابنها والله ممقصر عليه ابد جاي تربي احسن تربيه عند نورس
الله يرحمج جنتي تتمنين هل طفل استغفر الله لا اعتراض على حكمك يا الله بيوم من الايام كاعد بديوان جنت اني وابويه نحجي
طبو ثنين وجوهم مغيمه سلمو علينه وحجو ويانه..

كال شيخنا اني عدي بنيه و٣ ولد وهل وحيده هي عدي احبها ومدللها ما اقصر عنها بشي
وهذا اخويه اشر على الي كاعد يمه احبه وروحي من دنيا لان ما عدي غيره عده ولد واحد و٢ بنات
كتله الله يحفظهم
كلي كبرت بنيتي وهيه حلوه وعين عالم عليها اجوها ناس ردت انطي بنيتي خوش ناس اجو الها وهم اعرفهم..

تالي يجيني اخويه وابنه هجمو باب البيت عليه بليل يجي ابنه ينهي على بنيتي وهي متريده شيخنا زواج مو بغصب وبنيتي ما رايدته تكول مثل اخييي
حجه اخوه شيخنه ابني يريدها من زمان كتله تكبر واخطبها الك احسن ما تروح الغريب يجي ابن عمها يتزوجها وهم متروح لغربه
واخوي زعل عليه واني ما ارضه لزعله بس لان اعرفك عادل بين الناس اجيناك وحللنه هاي شغله قلب وليدي نار يريدها
عناد: - سكتت كتلهم كلشي يصير اله حل اله زواج الاجبار حرام نجبر البنيه عالزواج لان تاليه انفصال واذيه للطرفين
وابنك من حب مو حرام ولا عيب بس البنيه ما راغبته وماتريده مو غصب سالفه النهوه ميصير..

هاي قبل جانو ينهون هسه تقدمت سنين ماكو هيج شي خل يرفع نهوته وبت عمه من اشوف رفع نهوته راح تغير فكرته عليها والافضل تجون وتتفقون وياهم مو بالغصب بطيب لان جاي اشوف بعيون هل رجال طيبه ويحبك ميريد يزعلك شوفو رأي بنيه خل تنخطبله اذا متأقلمت بالخطبه تفصخ اذا ما قبلت مو قسمته وكلشي بالقسمه ونصيب..

راحو وهمه يدعولي بالخير لان حليت سالفتهم الرجال ابو ولد كال اكل لابني يرفع نهوته احنا اخوه منتخارب اذا قسمه ابني لو بعد سنين تجي اله واذا لا رب العالمين رايد هالشي
راحو وابويه ضحك كال الله يطيك بويه مره تدخل قلبك وتحبها وذاك الوقت اشوفك صافن تفكر وعشكان..

ابتسمت لا بويه ما اضن يصير هل شي خليني هيج اربي ابني احسن الي والي كاتبه الله يصير كمت منه شفت نورس كاهده تلولي لابني ادم
كعدت احجي وياها تفهمني ونبهه صرت كل يوم اجي واحجيلها وهي تستمع الي ومن اكمل تنطيني رايها محترمتني وشكول تكول اي بس
للاسف احسها امانه واخت مو زوجه ما اكدر اتقرب الها كمره إليه...

الفصل التالي
جميع الفصول
روايات الكاتب
روايات مشابهة