قصص و روايات - روايات صعيدية :

رواية إمرأة في عصمة صعيدي للكاتبة سلسبيل كوبك الفصل العاشر

رواية إمرأة في عصمة صعيدي للكاتبة سلسبيل كوبك الفصل العاشر

رواية إمرأة في عصمة صعيدي للكاتبة سلسبيل كوبك الفصل العاشر

و ديما اتصدمت لما لقت علاء مسك ايديها و شالت ايديها بسرعة و بصت لجاسر بتوتر...
جاسر(بعصبية): ايه اللي بيحصل هنا؟
ديما(بتوتر): مفيش اي حاجة ده ده هو كنا هنتمشي...
جاسر قرب على ديما و ديما بترجع لورا و هي متوترة..
جاسر(بهمس و حدة): و قولتلك ايه على لبسك ده؟
ديما(بتوتر): لا هو انا...
علاء(بخبث): هو في حاجة يا جاسر؟
جاسر(بعصبية): ملكش دعوة يا علاء و اياك الاقيك قريب منها، فاهم؟

علاء: و الله هي اللي قالت ليا...
قتحية: في ايه يا ابني؟
سارة: لحقتي عملتي مشكلة..
جاسر(بعصبية): خلي علاء يبعد عن مراتي يا مرات عمي..
عبير: هو عمل ايه اكيد هي اللي كلمته..
ديما: لا و الله..
جاسر مسك دراع ديما جامد و طلع على اوضته...
اسماء: دايما لازم تعمل مصيبة يا زفت انت..
جملات: ابعد عن ديما هي متجوزة ابن عمك احترمها..
عبير: في ايه هو عمل حاجة اكيد هي اللي قالتله...
سارة: روحوا حاسبوها الاول...

دعاء: هو ابيه جاسر ممكن يعملها حاجة؟
فتحية: ان شاء الله لا...

عند جاسر و ديما...
جاسر(بعصبية): خشي..
ديما و هي بتمسك في الباب مش عايزة تدخل..
ديما(بدموع): لا لا بليز انت هتزعق ليا..
جاسر(بعصبية): ديما شيلي ايدك من على الباب و خشي بطلي طفولية انجزي...
ديما(بدموع): لا لا..
جاسر وطي و شالها و دخل الاوضة و قفل الباب برجله، و رماها على السرير...
جاسر(بعصبية): انا قولتلك ايه على لبسك؟
ديما: مش فاكرة...

جاسر(بعصبية): هو مش انا قولتلك امبارح اي كلمة اقولها تسمعيها و لا هو قلة ادب و خلاص..
ديما: متزعقليش الله، محدش عمره زعقلي..
جاسر: لما تعملي حاجة غلط لازم تتحاسبي و تعرفي غلطك..
ديما: خلاص تعالي اتكلم معاايا براحة..
جاسر مسكها من شعرها و قربها منه..
جاسر(بحدة): ديما قسما بربي لو شوفت منك حاجة تانية متعجبنيش، متلوميش غير نفسك...
ديما(بدموع): حاضر..
جاسر سابها و دخل خد دوش..

ديما(بدموع): ربنا يأخدك، بكرهك..
جاسر بعد فترة خرج و مودهاش اي اهتمام، و غير هدومه و خرج ليها...
جاسر: انجزي قومي غيري علشان الغداء..
ديما: كلت شكرا..
جاسر: عنك ما تأكلي هتحايل عليكي..
جاسر سابها و نزل تحت لقي الكل قاعد على السفرة..
حسن: فين ديما يا جاسر؟
جاسر: كلت مش قادرة تأكل...
كل الستات بصوا لبعضهم و استغربوا..
دعاء: بس يا ابيه ديما مأكلتش اي حاجة كانت مستنياك انت و بابا و خالد..

جاسر: يبقي مش عايزة تاكل..
خالد: بس ايه الاكل الحلو ده؟
جاسر: عندك حق حاسه من بتاع بره...
ايمن: تسلم ايديكوا...
فتحية: البركة في ديما هي اللي عملته..
على: ديما بتعمل اكل حلو كدة؟
سارة: اكلي اكيد احلي..
فيروز: بس ايديها اتحرقت..
حسن: ليه كدة؟
عبير: علشان خايبة..
جملات: عبير متنسيش انها متعرفش اي حاجة هنا..
علاء: علشان كدة كنت هفرجها البلد النهاردة..
جاسر: علاء اياك تقرب من ديما اديني قولتلك اهو..

علاء: دي بت عمي برضو..
حسن: بس مراته و هو براحته..
علاء: تمام..
ديما: عجبك الاكل يا عمو...
حسن: اه يا حبيبتي حلو اوي..
دعاء: ده عسل يا بنتي..
ديما: شكرا..
جملات: ايه سر الابتسامة الحلوة دي؟
ديما(بابتسامة عريضة): اصل حازم لسة مكلمني و قعد يهزر معايا شوية، و هيجي هو و خطيبته قريب...
جاسر: مش قولتلك متكلمهوش تاني..
ديما: انت بتقولي موتي ب البطئ، حازم اخويا بإرادتك او غصب عنك..

خالد: ديما اه انتي متربية معاه بس مش اخوكي و لا حتى بالرضاعة..
ديما: اوف ايه ده؟كنت قبلت عرض اسلام احسن..
اسماء: مين اسلام؟
ديما: كان زميلي في الجامعة، و في وسط الجامعة وقف و اتقدملي بطريقة رومانسية بس انا رفضته..
علاء: طب اسلام و لا جاسر؟
حسن(بحدة): ايمن لم ابنك..
ايمن: اسكت يا علاء..
ديما: اينعم يعتبر اني مجبورة على جاسر بس هو في الاول و الاخر جوزي يعني اكيد مش هختار شخص غيره، تمام..

سارة: انتي شايفة نفسك على ايه يا ماما لا لمي نفسك..
جملات: هو انتي و امك مش طايقين البت ليه؟
ديما(بغرور): الناس مش بطيق غير اللي احسن منها..
خالد(بهمس): خفي اللعب يا ديما...
حسن: تسلم ايدك يا ديما..
ديما: احرجتيني..
اسماء: طب كلي بقي يا حبيبتي..
ديما: لا شكرا مش قادرة..
جملات: اخبار ايدك؟
ديما: يعني تمام...
ديما: انا مرة كنت في بيت صاحبتي و كنت نايمة و قومت لقيت البيت بيتحرق و محدش معايا...

خالد(بصدمة): ازاي؟
ديما: اه و الله و حاولت اخرج و معرفتش و بعدين اغمي عليا مفوقتش غير و انا في العناية المركزة...
دعاء: طب الحمد لله انك كويسة..
ديما: اه بس بقي بقيت في المستشفي شهر لان مكنتش بعرف اتنفس و كنت بلبس جهاز الاوكسجين..
فيروز: شكلك شوفتي كتير يا ديما..
ديما: No كل حاجة و اي حاجة كنت بمر بيها سواء وحشة او حلوة بأخدها على سبيل المغامرة...
فتحية: جدعة..
ديما: انا هطلع انام باي..

عبير: هتنامي و مش هتخدمي جوزك..
ديما: ليه لاكون الخدامة الفلبنية اللي هو جايبها..
ديما سابتهم و قامت اترمت على السرير نامت...
جاسر: انا رايح المصنع يلا يا علاء يلا يا خالد..
حسن: و انا رايح اقعد مع عمك حسنين شوية..
على: انا ورايا شغل في المخزن..
ايمن: خدني معاك يا على يلا..
و كل الرجالة راحت شغلها، و الستات قعدوا يتكلموا..
و بعدين في ستات بدأت تيجي علشان تبارك لديما..
فيروز: هطلع اصحيها..

فيروز طلعت جري لاوضة ديما و حاولت تصحيها..
فيروز: ديما يلا قومي بسرعة...
ديما: في ايه حد مات..
فيروز: قومي الستات بدأت تيجي و انتي لسة نايمة..
ديما: تمام قومت يا حبيبتي..
فيروز: ايه ده ده اكيد جاسر متدلع..
ديما: اشمعنا..
فيروز: يعني يصحي على شكلك ده و حبيبي و انتي باين انك رومانسية يا بسكوتة انتي..
ديما: يا ظريفة..
ديما قامت لبست بنطلون و تي شيرت و لمت شعرها..
فيروز: لا يا ديما البسي فستان..

ديما: لا مش قادرة اغير بليز..
ديما و فيروز نزلوا و الستات قعدت تتكلم على ديما...
فتحية(بهمس): ملقتيش غير بنطلون يا ديما..
ديما: يا طنط ده انا و مش هتغير...
ست: ايه من قلة الفساتين اللي عندك ده انتي حتى من عائلة القاضي...
سارة(بسخرية): اصلها مصراوية...
عبير(بسخرية): اه ملهاش كبير ده حتى مش محترمة جوزها...

ديما(بعصبية): احترمي نفسك يا سارة و انتي كمان يا طنط عبير زي ما بحترمك تحترميني و انا متربية احسن تربية و بعرف احترم والدي و جوزي كويس..
نظيرة: حلاص يا ولية منك ليها...
بنت: انتي جميلة اوي..
ديما(بابتسامة): انتي احلي يا عسل انتي..
ديما كانت قاعدة مع البنات اللي قدها و اللي اصغر و بيضحكوا و يتكلموا...
و في ستات حقدت على ديما و في ستات حبتها..

-في مكان تاني...
خالد: تفتكر هيسكتوا..
جاسر: معرفش..
خالد: و سارة؟
جاسر: معرفش يا خالد معرفش..
خالد: حاول تحب ديما يا جاسر لو فضلت بتحب سارة تعتبر كدة بتخون ديما، و انا كأخ كبير مش هسيب اختي مع راجل مش بيحبها..
جاسر: متقلقش يا خالد، مهما حصل هي في الاول و الاخر مراتي و احتمال تبقي ام عيالي..
خالد: تمام يا صاحبي..
علاء: شايفك يعني يا جاسر مخليني انا اشتغل و واقف تتكلم انت و خالد...

جاسر: انت بتشتغل معانا في الارض يا علاء، لا انا و خالد بنتعب في الارض و في عز الحر و انت بتكون جنابك قاعد في البيت زي الستات...
علاء(بغيظ): مش دايمة يا جاسر، مش دايمة..
خالد: روح شوف شغلك يا علاء..
علاء سابهم و مشي...
خالد: متأخدش في بالك يا صاحبي..
جاسر: ده بوق بس يا ابني...
جاسر: خالد انا عايزك تكلم ديما و تقولها على طباعنا و تفهمها و توعيها، هي لسة مش واخدة عليا لكن اكيد انت اخوها هتتقبل كلامك...

خالد: تمام، مع انها مش هتتعلم بسرعة..
جاسر: هي غبية..
خالد: عندك حق...
جاسر: و طفلة كمان كل تصرفتها طفولية..
خالد: اه يا ابني انا حاسك عايز تضربها عيارين و تخلص..
جاسر(بضحك): اه و الله دي عايزة حد يظبطلها الsystem بتاعها...
خالد: انا حاسس انها لو عرفت اننا متعملين و بنعرف نتلكم انجليزي هتتصدم..
جاسر: لا و صاحبتها تقولها يا بنتي دول صعايدة مش هيفهموا..
خالد: اه دنيا...
جاسر: هو الصنارة غمزت و لا ايه؟

خالد: ليه بتقول كدة؟
جاسر: لا مفيش بسأل..
خالد: لا مغمزتش يا اخويا خليك في صنارتك...
جاسر: طب يلا نكمل شغل علاء جاب اخره..

-في مكان تاني...
عند محسن و تسنيم...
محسن: تفتكري هتعرف تعيش هناك؟
تسنيم: اه يا حبيبي ديما شاطرة و هتتعود بسرعة...
محسن: يا رب، ديما عرفت اني لازم اعمل عملية..
تسنيم(بصدمة): ازاي عرفت؟
محسن: معرفش، محدش يعرف غيرك انتي و محمد و شاكر و اولفت...
تسنيم: طب هي عرفت ازاي؟
محسن: معرفش...
محسن: دلوقتي هنسافر المانيا علشان العملية..
تسنيم: ماشي يا حبيبي..
تسنيم راحت و حضنت محسن و هو بادلها حضنها..

محسن: اخيرا اطمنت على ديما بس يا رب تبطل شقاوة طالعة لامها...
تسنيم: بجد يعني انا بعمل شقاوة...
محسن: لا انا اللي بعمل..
تسنيم: ربنا يسامحك...
محمد: جينا في وقت مش مناسب و لا ايه؟
دنيا: طبعا طبعا ما هو صدق ما ديما خلعت علشان يستفرد بتسنيم لكن لا يا بابا ديما مش موجودة انا اسد يا حبيبي..
تسنيم: اسكتي يا مجنونة...
اولفت: هي جيباه من بره ما هو من بنتك...

دنيا: في ايه انا كدة بتشتم انا و ديما، انا لن اتنازل عن حقي او حقها...
محمد: بطلي شوية يا هبلة...
دنيا: طيب طيب...
تسنيم: لازم نأكل مع بعض بقي..
اولفت: لا احنا كنا جايين علشان..
تسنيم: اه اه...
محسن: دنيا روحي قولي لناصرة تعمل اكل..
دنيا: هروح بس بمزاجي..
دنيا قامت و راحت لناصرة...
محسن: ان شاء الله هسافر قريب..
محمد: انا جاي معاك يا صاحبي..
محسن: لا علشان دنيا..

اولفت: لا و طالما تسنيم هتروح معاك انا جاية معاكوا..
تسنيم: خلاص يبقي دنيا تروح تقعد مع ديما مش هنسيبها لوحدها هنا..
محمد: خلاص ماشي...
اولفت: امتي طيب؟
محسن: هقول لشاكر يحجز التذاكر..
دنيا: ايه ده ايه ده انتوا ناوين تسافروا من غيري...
محمد: اه يا حبيبتي هنسافر نغير جو...
تسنيم: و انتي هتسافري لديما...
دنيا: ليه هقعد هنا..
اولفت: لا اقعدي معاها...
دنيا: تمام ماشي، هستمتع معاها...

محسن: ربنا يحفظك يا حبيبتي..
دنيا: لا بتكسف..
اولفت: اخرسي يا بت..

-في مكان تاني..
عند ديما...
ديما(بفرحة): الجو حلو اوي...
بنت: انتي اللي حلوة و الله روحك حلوة و متواضعة اوي...
ديما: لا لا كدة هتكسف...
بنت: و الله جاسر بيه محظوظ بيكي..
سارة: ما خلاص منك ليها بطلوا رغي..
دعاء: انتي مالك يا سارة؟
فيروز: دي حفلة تعتبر لديما..
ديما: ضايقتك يا سارة؟
سارة: لا كل الناس اضايقوا من صوتكوا العالي..
ديما: خلاص طالما انتي مضايقتيش يبقي متتكلميش يا عُمري..

البنات ضحكوا لما وش سارة اتقلب...
سارة: مش دايمة يا حبيبتي...
دعاء: سيبك منها..
بنت: هي دايما كدة مبتحبش الخير..
ديما: انا مالي هتجوزها مثلا...
بنت: و القاهرة بقي حلوة يا ديما..
ديما: اه حلوة، و هنا برضو حلو كل بلد ليها مميزات و عيوب هنا في هدوء جو افراح حلو و في اراضي زراعية كدة يعني..
فيروز: قعدتك يا ديما حلوة اوي..
ديما: لا كدة هتغر بقي...
بنت: طبعا و مين قدك يا عروسة؟

نظيرة: لا العروسة حلوة يا ام جاسر..
فتحية: ايوه هي حلوة و طيبة بس المشكلة في لبسها..
نظيرة: هتتعود يا حبيبتي، هي هتتعود و كمان هي و جاسر لايقين على بعض..
اسماء: اه و الله بس عبير و سارة مش سايبنها في حالها...
نظيرة: غيرانين يا بنتي...
جملات: و لا علاء ده نسخة من امه في الشر...
نظيرة: شرب من امه الشر، ربنا يهدي..
ست: بس العروسة قمر قمر اوي، دي طبيعية كدة؟
فتحية: اه..
ست: بس دي لا في جمال طبيعي كدة...

اسماء: اه..
ست: و لا الفرح البنات بتقول انها عملت كل حاجة لنفسها...
جملات: هي قمر من غير اي حاجة الحمد لله..
-عدي وقت و الستات بدأت تمشي...
ديما: اليوم كان لذيذ اوي..
فتحية: طيب يا حبيبتي احنا هنخش نرتاح..
فيروز: و احنا هنعمل العشاء..
دعاء: معاكي ربنا انا ورايا مذاكرة..
ديما: خلاص روحي و انا و فيروز هنعمل العشاء...
دعاء: قلبي يا ديما..
ديما: هطلع اغير في ثواني و نازلة...
ديما كانت هتمشي و بعدها رجعت تاني..

ديما: معنكديش اسدال؟
فيروز: ليه؟
ديما: اصلي انا بحب لما اقعد في بيتي اقعد بشورت و حاجات قصيرة كدة يعني، و جاسر هيزعق فاول ما يجي البسه...
فيروز: تمام تعالي معايا...
فيروز طلعت مع ديما و ودتها اسدال...
ديما راحت اوضتها خدت دوش فوقها...
ديما لبست شورت قصير جدا و ضيق باللون الابيض و تي شيرت بحمالة قصير و مبين بطنها باللون الاحمر و كوتشي ابيض عالي شوية و سيبت شعرها...
ديما راحت لدعاء و خبطت الباب و دخلت..

دعاء(بصدمة): يا نهار اسود، ده لو جاسر شافك هينفخك...
ديما: لا لا بصي عندي فكرة انزلي ذاكري في الجنينة و اول ما تشوفي علاء او كدة جه تعالي بسرعة...
دعاء: بس..
ديما: بليز يا دعاء...
دعاء: ماشي، ربنا يستر يا ديما هتجبيلنا مصيبة..
ديما: لا لا متخافيش...
دعاء خدت كتبها و قعدت في الجنينة و ديما حطت الاسدال جمبها في المطبخ...
ديما: هو احنا هنعمل عشاء ايه؟
فيروز: معرفش فاضل نص ساعة على ما يجوا...

ديما(بفرحة): تعالي نعمل بيتزا..
فيروز: لا هتأخد وقت...
ديما: عقبال ما يجوا و يغيروا هدومهم...
فيروز: هو في حد بيتعشي بيتزا يا ديما؟
ديما: اه اه، يلا بس...
ديما جابت الطريقة من على النت و بدأوا يحضروا و يعجنوا...
ديما(بضحك): طلع الموضوع حلو اوي...
فيروز: اه يلا هندخل الفرن...
ديما: لا انا مش هقرب من الفرن ابدا...
فيروز(بضحك): حرمتي؟
ديما: طبعا...
فيروز(بصدمة): ابيه جاسر..

ديما رمت من ايديها الصينية، و لفت بسرعة ليه..
ديما(و هي خلاص هتعيط): طبعا لو حلفتلك اني حاطة اسدال جمبي اهو و قايلة لدعاء لما يجي علاء تجري تقولي مش هتصدقني صح؟
جاسر فضل وجههة خالي من اي تعبير و ده موتر ديما اكتر..
ديما(بدموع): ساكت ليه؟
جاسر: بطلي هبل شوية بلاش طفوليك و مش اي حاجة تعيطي...
جاسر: انجزي البسي الاسدال علاء زمانه جاي..
ديما: بجد؟
ديما لبست بسرعة الاسدال تحت نظرات جاسر..

ديما: اهو، مش هتزعق صح؟
جاسر سابها و مشي و اول ما خرج مقدرش يمسك نفسه من الضحك و قعد يضحك...
سارة: ايه العروسة الجديدة فاتحة نفسك اوي كدة؟
جاسر(بارتباك): لا مش كدة، ده مجرد موقف..
سارة: شكل العروسة نستك حبيبتك، انت مطلعتش قد وعودك يا جاسر...
جاسر: سارة انتي اكتر واحدة عارفة قد ايه انا بكره ديما و قد ايه بحبك انتي و قد ايه انا مظلوم...

سارة: و انت عارف يعني ايه اتخيل حبيبي في حضن واحدة غيري، انت عارف يعني ايه ممكن اتخيل انك تبقي معاها في اوضة واحدة و لوحدكوا و انا قاعدة بره، كنت مستمتع معاها...
جاسر(بحدة): انا ملمستش ديما، اهدي بقي..
سارة(بصدمة): ايه؟
جاسر(بحدة): ايوه انا لغاية دلوقتي ملمستش ديما، يعني انا يعتبر ظالمها...
سارة(بحنية): يا حبيبي مش قصدي، انا بحبك اوي و الله..
جاسر: ليه ما انا بخونك؟
سارة: انا بس بغير عليك مش من حقي...

جاسر: خلاص يا سارة...

-عند دعاء...
خالد: ازيك يا دودو..
دعاء: اه اهلا...
دعاء(بصدمة): انتوا جيتوا؟
خالد: اه في ايه؟
دعاء: لازم اقوم بسرعة...
خالد: استني هنا في ايه؟
دعاء: اصل جاسر لو جه و شاف ديما لابسة اللي هي لابساه هيزعق ليها...
خالد: جاسر جه من بدري..
دعاء(بصدمة): ازاي انا محستش بيه، يا رب..
خالد: اهدي بس اكيد مفيش حاجة...
علاء و حسن و ايمن و على جم و دخلوا و خالد و دعاء..
ديما: اهلا يا عمو...
حسن: حبيبتي عاملة ايه؟

ديما: الحمد لله..
على: و انا مليش حضن زي عمك و لا ايه؟
ديما: لا طبعا ليك...
ديما حضنت عمها على و عمها ايمن..
ايمن: حبيبتي..
و بعدين ديما راحت حضنت خالد و هو حضنها..
فتحية: اهلا يا حاج، فين جاسر؟
خالد: جاسر جه من بدري..
فتحية: بتعملي ايه يا ديما هنا يلا ورا جوزك..
ديما: اعمل ايه يعني؟
فتحية: روحي غيريله هدومه و شوفيه عايز ايه..
ديما: طب يا فيروز خلي بالك من الاكل..
فيروز: تمام...
ديما طلعت اوضتها لجاسر...

و دعاء طلعت تحط كتبها و تنزل، فيروز قاعدة بتشوف الاكل...
فتحية و اسماء كل واحدة راحت مع جوزها...
خالد طلع يغير و علاء...
عند ديما و جاسر..
ديما دخلت لقت جاسر قاعد على الكنبة و مرجع رأسه لورا و باين عليه التعب...
ديما: احم احم...
ديما قربت منه لقته على نفس وضعيته...
ديما: جاسر جاسر..
ديما وقفت وراه و بدأت تعمله مساچ في رقبته، و هو فاق على حركتها...
جاسر: بتعملي ايه؟

ديما: شكلك تعبان بحاول اعملك مساچ يرخي جسمك..
جاسر: شكرا ابعدي..
ديما: لا عادي انت زي خالد و بابا...
جاسر كان مرتاح و ديما بتعمله المساچ و غمض عينه لدرجة انه نام...
ديما: مرتاح؟
ديما: جاسر جاسر، انت لحقت تنام...
ديما قربت من وشه و بدأت تضربه على خده براحة..
ديما: يا ابني اصحي..
جاسر(بتعب): في ايه؟
ديما: قوم غير هدومك و اتعشي و بعدها اطلع نام..
جاسر: تمام...

جاسر قام غير هدومه، و ديما دخلت غيرت هدومها لحاجة محترمة بنطلون و تي شيرت واسع و طويل..
جاسر و ديما نزلوا لقوا الكل قاعد على السفرة..
حسن: فين الاكل؟
فتحية: فين الاكل يا ديما؟
ديما: فين يا فيروز؟
اسماء: انتوا معملتوش؟
ديما: لا لا عملنا..
ديما راحت المطبخ و بدأت تطلع البيتزا من الفرن..
فيروز: الريحة حلوة اوي..
ديما: عيب عليكي...
ديما جت جري شايلة صينيتين و فيروز وراها...
ديما: حاسب...

ديما و فيروز بدأوا يحطوا قدام كل واحد بيتزته..
عبير: ايه ده؟
ديما: بيتزا ايه متعرفهاش...
خالد: في حد بيتعشي بيتزا؟
ديما(و هي بتقعد جمب جاسر): يوووووووه...
ديما: كنا انا و دنيا و حازم لما يكون بابا مسافر و ماما نايمة نتصل بالمطعم و نجيب بيتزا و كانز و كاتشب و مايونيز و نأكل...
فيروز: و الله؟

ديما: اه، و مرة مكنش في حد في البيت غيري انا و حمزة و كنت جعانة حمزة طلب لينا بيتزا و حاسب الراجل كأنه راجل كبير...
ديما(بضحك): كان دايما يقولي انتي ملكي و انا راجلك..
جاسر(بحدة): طيب نأكل بقي...
الكل بص لديما و جاسر و كلوا في صمت..
حسن: الاكل حلو اووي يا ديما...
ديما: شكرا و فيروز كمان عملت و دعاء ساعدتنا بقلبها و روحها...
دعاء: تنكري؟
فيروز(بضحك): لا طبعا...
فتحية: ابقي اعملي تاني..
ديما: حاضر...

سارة: عادي بيتزا عادية..
ديما: شكرا..
عبير: البيتزا وحشة..
ديما: شكرا...
ديما(باستفزاز): و يا ريت تقوليلي العيب فين علشان معملهوش المرة الجاية...
ايمن: حلو اوي..
ديما: ما تقول رأيك يا خالد؟
خالد: فظيعة...
ديما: و انت يا جاسر؟
جاسر: جميلة..
ديما: و انت يا علاء؟
علاء: رأيي هيزعل..
ديما: لا قول..
علاء: جميلة اوي اوي لدرجة اني عايز ابوس اللي عملتها..

جاسر قام من مكانه بكل غضب و ضرب علاء بوكس وقعه على الارض هو و الكرسي...
ديما(بصدمة): انت عملت ايه؟
سارة: انت مجنون يا جاسر؟
عبير: ابني...
جاسر: مش قولتلك تتكلم معاها بحدود و لا انت زي الستات..
خالد: انا شايف انك تستاهل...
حسن: علاء اعتذر لجاسر...
علاء: بس يا عمي..
ايمن: اعتذر..
علاء: اسف يا ابن عمي..
علاء سابهم و مشي و عبير و سارة بصوا بغضب لديما و مشيوا..
ايمن: انا بعتذر..
على: و لا يهمك يا اخويا..

فتحية: خلاص يلا يا بنات على اوضكوا..
ديما: هشيل الاكل..
فتحية: لا روحي مع جوزك فيروز هتشيل..
كل واحد طلع على اوضته...
جاسر: انتي مكنش لازم تسأليه...
ديما: كنت عايزة اعرف رأيه، انا مغلطتش معرفش انه جرئ و سافل...
جاسر سابها و راح نام على السرير..
جاسر(و هو مغمض عينه): ملكيش نوم على الكنب تعالي نامي على السرير و بدون نقاش...
ديما: بس..
جاسر(بحدة): قولت كلمتي..

ديما راحت على السرير و نامت على الطرف و سايبة مسافة كبيرة بينها و بين جاسر...

بعد فترة قبل الفجر بشوية..
ديما قامت و ملقتش ماية جمبها نزلت المطبخ و مسكت الكوباية و لسة هتشرب لقت ضرب نار من كل حتة و رصاصة اضربت في المطبخ...
ديما(بصريخ): عاااااااااااااااااااااااااااااااااا...

الفصل التالي
جميع الفصول
روايات الكاتب
روايات مشابهة